ترشيح صلاح قوش لمنصب والي الشمالية .!!!!

Post: #1
Title: ترشيح صلاح قوش لمنصب والي الشمالية .!!!!
Author: Ahmed musa
Date: 07-16-2013, 10:32 PM

بحسب (سيد اللبن) .....!!!

Post: #2
Title: Re: ترشيح صلاح قوش لمنصب والي الشمالية .!!!!
Author: ناذر محمد الخليفة
Date: 07-16-2013, 10:43 PM
Parent: #1

والله يا احمد موسى بقيت خطير لكن ..!!

خبر زي دا تجيبوا في الساعات الأولى من الفجر .. دا أكيد ما ساهل ..!!

عرفنا على سيد اللبن البيوزع ليكم بعد نص الليالي دا ..!!

Post: #3
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-16-2013, 10:51 PM
Parent: #2

Quote: عرفنا على سيد اللبن البيوزع ليكم بعد نص الليالي دا ..!!

حافظ كم سورة من المصحف ..؟!!!
القصة ما تعريف ساي يا ناذر ياخوي
لازم تدفع ... آيات من ذكر الله الحكيم
ولو غلطت تتعاقب بيها برضك

Post: #4
Title: Re: ترشيح صلاح قوش لمنصب والي الشمالية .!!!!
Author: محمد مجيدو
Date: 07-16-2013, 10:52 PM
Parent: #2

الاخ احمد موسى .... سلام ..

مالو .. مايترشح .. ما هو ود المنطقه ....
واذا كان حيخدم اهل الولايه .. فحبابو عشره ...

وهو زول ما ساهل .... وايدو واصله
وممكن يقدر يعمل حاجه ...تساعد اهلنا الغبش هناك ..

لك ودي .....

Post: #5
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-16-2013, 10:55 PM
Parent: #4

Quote: الاخ احمد موسى .... سلام ..

مالو .. مايترشح .. ما هو ود المنطقه ....
واذا كان حيخدم اهل الولايه .. فحبابو عشره ...

وهو زول ما ساهل .... وايدو واصله
وممكن يقدر يعمل حاجه ...تساعد اهلنا الغبش هناك ..

لك ودي .....

مجيدو ولتلكم الأسباب تم ترشيحه ... شكله حيكون في تغيير كبير في ولاة الولايات
صلاح قوش ماحيكون أقل من محمد طاهر إيلا في البحر الأحمر
ولا حيكون أقل من مولانا أحمد محمد هارون في شمال كردفان
شكلها المنافسة حتكون لمصلحة المواطن

Post: #6
Title: Re: ترشيح صلاح قوش لمنصب والي الشمالية .!!!!
Author: د.محمد حسن
Date: 07-16-2013, 10:58 PM
Parent: #5

Quote: شكلها المنافسة حتكون لمصلحة المواطن

اضحك الله سنك

رمضان كريم
وما تقل في السحور عشان ما تجيك تخمة
نصيحة لوجه الله

Post: #7
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-16-2013, 11:00 PM
Parent: #6

دكتور محمد رمضان كريم ....
وصلاح قوش بجد زول شغل
واشتغل شغل كبير في منطقته

Post: #8
Title: Re: ترشيح صلاح قوش لمنصب والي الشمالية .!!!!
Author: ناذر محمد الخليفة
Date: 07-16-2013, 11:04 PM
Parent: #6

!!

Quote: حافظ كم سورة من المصحف ..؟!!!

ما كتير ..

البقرة والفيل وبعض من نحل ونمل وعنكبوت ..!!

Post: #9
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-16-2013, 11:09 PM
Parent: #8

Quote:
ما كتير ..

البقرة والفيل وبعض من نحل ونمل وعنكبوت ..!!

والله دي يا ناذر خبر تغيير معتمد محلية ماتوريك ... :)

Post: #10
Title: Re: ترشيح صلاح قوش لمنصب والي الشمالية .!!!!
Author: محمد الزبير محمود
Date: 07-16-2013, 11:14 PM
Parent: #8

Quote: البقرة والفيل وبعض من نحل ونمل وعنكبوت ..!!

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Post: #11
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-16-2013, 11:40 PM
Parent: #10

...

Post: #12
Title: Re: ترشيح صلاح قوش لمنصب والي الشمالية .!!!!
Author: Nasr
Date: 07-16-2013, 11:50 PM
Parent: #11

تعيين ولاة حتي في الولايات الما فيها مشاكل
يعني حكاية الدستور وإنتخاب الولاة راحت في حق الله؟؟؟؟
شفتوا حكم الفرد كيف؟؟؟؟؟
بمزاج

Post: #13
Title: Re: ترشيح صلاح قوش لمنصب والي الشمالية .!!!!
Author: osman righeem
Date: 07-16-2013, 11:57 PM
Parent: #12

الولاية الشمالية شطر ميت
ما اظن يدقس الدقسه دي
لكن طبعا ده ترشيحهم .... و المرفعين بيعرف جعري اخوهو

Post: #14
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-16-2013, 11:58 PM
Parent: #12

Quote: تعيين ولاة حتي في الولايات الما فيها مشاكل
يعني حكاية الدستور وإنتخاب الولاة راحت في حق الله؟؟؟؟
شفتوا حكم الفرد كيف؟؟؟؟؟
بمزاج

لا يا نصر ... ماتعيين ترشيح لدخول الانتخابات
البعض يستبعد الخطوة في ظل إختيار الحزب المسبق لمرشحه للإنتخابات
البعض يقول هي محاولة من دوائر لإبعاد قوش عن المركز
ويتوقعون إن تمت الخطوة بشكلها الرسمي ان يكون قوش بين امرين احلاهما مُر
أن يقبل ويبتعد أو يرفض ويعود لدائرة الإستهداف
البعض يقول بأن الخبر هو شائعة اطلقتها دوائر معينة لتشكيل رأي عام حول الخطوة
الهام أن القادمات من أيام ستكون حُبلى بالمفاجآت

Post: #15
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-17-2013, 07:06 AM
Parent: #14

رأي حكومي and#1632;and#1632;and#1632;وزير الإعلام د. أحمد بلال عثمان
( وزير الإعلام المتحدث باسم الحكومة أحمد بلال عثمان،في حوار مع صحيفة الشرق الأوسط قال أن مجموعة ود ابراهيم لم تتم تبرئتهم بل تمت محاكمتهم ثم العفو وتبرئة البعض ، وقال أن الفاعل الفعلي لم يحاكم ولم يفرج عنه ، وهناك خلط كبير يعتبر «ود إبراهيم» القائد الحقيقي للانقلاب ، وكشف ان القائد الحقيقي للانقلاب هو «صلاح قوش »، ولن يتحدث أكثر لأن الأمر أمام المحكمة وقد وجه له الاتهام.)
...
...
...
رأي حكومي آخر في نفس القضية رئيس لجنة بالبرلمان محمد حسن الامين أكد براءة (قوش) من أية علاقة له بـ(حركة ود إبراهيم)، وقال حسب صحيفة الرأي العام - إنّ كل ما أخذ عليه أنه قبل عامين ونصف كانت له اتصالات بجهات داخلية معادية سواء كانت الحكومة على علم بها أم لا، وأشار إلى أنها كانت سبباً في مغادرته استشارية الأمن، وأشار إلى أنها قضية قديمة ليست لها علاقة بـ(حركة ود إبراهيم) وأن إثارة أمر قديم ليس من مصلحة جهة.)

ويا إيدي شيليي ختيني في بيت الله العاجبني ....

Post: #16
Title: Re: ترشيح صلاح قوش لمنصب والي الشمالية .!!!!
Author: Yassir Tayfour
Date: 07-17-2013, 07:35 AM
Parent: #15

يا أحمد موسى
إن صحّ هذا الترشيح، فهو مكيدة وإخراج لقوش من الخرطوم، وزي ما قال ليك رغيم الولاية الشمالية شطر ميِّت، لأنّ المشاريع المائية/السدود التي تقع فيها خارج إدارتها، فأي نكرة ممكن أن يصبح والياً عليها، وكذلك ولاية نهر النيل، وولاية كسلا والقضارف والولايات التي تقع خارج رقعة الحرب.

Post: #17
Title: Re: ترشيح صلاح قوش لمنصب والي الشمالية .!!!!
Author: سيف اليزل الماحي
Date: 07-17-2013, 08:58 AM
Parent: #16

.

وإنت يا موسى .. كقانوني ماعندو قشة مرة، نسألك:
هل من الممكن أن يترشح شخص أتهم بالإنقلاب والتخريب الوطني والجرآئم ضد الدولة!
ألا ترى أن في الأمر تسفيه لشعب الشمالية العظيم؟!

والله شكلو ده ترشيحك براك .. وإنت معجب بعثمان إيلا!

.

Post: #18
Title: Re: ترشيح صلاح قوش لمنصب والي الشمالية .!!!!
Author: أيمن الطيب
Date: 07-17-2013, 09:15 AM
Parent: #17

سلامات يا أبوحميد ورمضان كريم.
Quote: بحسب (سيد اللبن) .....!!!
يا أحمد موسى سيد لبنكم دا بجى فى اليقظة ولا الأحلام!!!!

وبجى بحمارو ولا عندو بوكس !!!
ببيع بالرطل ولا بالكيلو,,,

تحياتى..

Post: #19
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-17-2013, 09:19 AM
Parent: #17

Quote: الولاية الشمالية شطر ميت
ما اظن يدقس الدقسه دي
لكن طبعا ده ترشيحهم .... و المرفعين بيعرف جعري اخوهو

القصة دي ياعثمان شكلها (شُغُل) داخلي ...
واليوم المؤتمر ا######## (أكّد) أن مرشحه للولاية هو د.أبراهيم الخضر ..!!!!
السؤال : شو أهمية (التاكيد) وفي هذه الأيام تحديداً
بالدارجي كدة (الغالطك منو) ..؟!!!

Post: #20
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-17-2013, 09:23 AM
Parent: #19

Quote: يا أحمد موسى
إن صحّ هذا الترشيح، فهو مكيدة وإخراج لقوش من الخرطوم، وزي ما قال ليك رغيم الولاية الشمالية شطر ميِّت، لأنّ المشاريع المائية/السدود التي تقع فيها خارج إدارتها، فأي نكرة ممكن أن يصبح والياً عليها، وكذلك ولاية نهر النيل، وولاية كسلا والقضارف والولايات التي تقع خارج رقعة الحرب.

بالمناسبة يا ياسر الولاية الشمالية وشمال كردفان اليوم ما اقل خطورة من جنوب كردفان والنيل الازرق ودارفور
ومابعيد دخول حكرة العدل والمساواة بالولاية الشمالية
عشان كدة النظام بقى مركز على تقفيل الثُغرات أكتر من تركيزه على معالجة قضية الفقر بالبلاد

Post: #22
Title: Re: ترشيح صلاح قوش لمنصب والي الشمالية .!!!!
Author: الرفاعي عبدالعاطي حجر
Date: 07-17-2013, 09:32 AM
Parent: #19

رمضان كريم وسلم لي على سيد اللبن بالله .

.................................................حجر.

Post: #21
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-17-2013, 09:29 AM
Parent: #17

Quote: وإنت يا موسى .. كقانوني ماعندو قشة مرة، نسألك:
هل من الممكن أن يترشح شخص أتهم بالإنقلاب والتخريب الوطني والجرآئم ضد الدولة!
ألا ترى أن في الأمر تسفيه لشعب الشمالية العظيم؟!

والله يا سيف ممكن لانه كان متهم وما مُدان
والمتهم برئ حتى تثبت إدانته فوق مستوى الشك المعقول
بعدين الحكومة في الفترة الاخيرة دي شنو عملته مافيه تسفيه لشعب السودان كله

Quote: والله شكلو ده ترشيحك براك .. وإنت معجب بعثمان إيلا!

ههههههههههههه عثمان إيلا ده منو كمان ؟؟ (هُوُل) منو ياقول الشوايقة

Post: #23
Title: Re: ترشيح صلاح قوش لمنصب والي الشمالية .!!!!
Author: Haju Muktar
Date: 07-17-2013, 09:52 AM
Parent: #21

لعيبة الكوره في القمه لمن كورتم تفك

بنلقاهم بيلعبوا في الليق

الي الجحيم قوش وامثاله

احمد موسي اعمل حسابك من سيد اللبن

لانو ممكن يورطك بي رؤيه جديده

لاتعرف تلاقي نافع ولا تباري قوش

ورمضان كريم

Post: #24
Title: Re: ترشيح صلاح قوش لمنصب والي الشمالية .!!!!
Author: Alshafea Ibrahim
Date: 07-17-2013, 10:04 AM
Parent: #23

كما قالوا ... زول بقامة وسمعة وأسم صلاح قوش يرضى بمنصب والي ؟؟؟ منذ خروجه كل الكيزان نحوه يهرولون ولرضائه ساعون ؟ ياربي الزول ده طلع وناوي على شنو ؟ والكيزان من صغيرهم لكبيرهم خائفون منو ليه؟؟
هذا
وتقبل الله صومكم جميعا
الشفيع

Post: #25
Title: Re: ترشيح صلاح قوش لمنصب والي الشمالية .!!!!
Author: م. سيد احمد قدورة
Date: 07-17-2013, 10:41 AM
Parent: #24

مرحب بابن الولايه

Post: #26
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-17-2013, 10:51 AM
Parent: #25

Quote: احمد موسي اعمل حسابك من سيد اللبن

لانو ممكن يورطك بي رؤيه جديده

لاتعرف تلاقي نافع ولا تباري قوش

هجو اخوي
عشان كدة هو (سيد لبن) يمكن يوم يطلع لبنه ضارب عاااادي في سودانا ده
بعدين نحن بقينا مارقين للريبة والتلافه

Post: #27
Title: Re: ترشيح صلاح قوش لمنصب والي الشمالية .!!!!
Author: adil amin
Date: 07-17-2013, 11:32 AM
Parent: #26

Quote: ترشيح صلاح قوش لمنصب والي الشمالية .!!!!

ومن هو مرشح الحزب الاتحادي الديموقراطي الاصل؟
بعدين البسفه الولاية الشمالية كوشلاند
نحن زاتنا ما عاجبنا المركز وادمان الفشل وجمهورية العاصمة المثلثة البائسة دي من 1956
وضعنا تمام ذى الجنوبيين الاذكياء
ام يرفع الدولة سياساتها المشينة عن الولاية الشمالية
ا و
نلقع يدنا
وعندما مصدر دخل كبير يؤفك منه من افك الاثار الممتدة من النقفعة والمصورات لحدي كرمة وتشكل في مصر السياحة 25 % من الدخل القومي
عشان كده فلان وعلان دي ما بتهمنا نحن نتكلم عن دولة المؤسسات ليس دولة الراعي والرعية
رجعو الاقليم الشمالي واعملو انتخابات اقليمية والولايات دي ما تلزمنا ابدا

Post: #30
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-17-2013, 11:14 PM
Parent: #25

Quote: مرحب بابن الولايه

م سيد أحمد قدورة قطعاً للطريق سارعت (جهات) لنفي الخبر على مستوى رسمي
وجود الفريق اول صلاح عبدالله محمد بأي مكان سيجعل من ذلك المكان شيئاً مختلفاً

Post: #28
Title: Re: ترشيح صلاح قوش لمنصب والي الشمالية .!!!!
Author: Ahmed musa
Date: 07-17-2013, 12:36 PM
Parent: #24

Quote: كما قالوا ... زول بقامة وسمعة وأسم صلاح قوش يرضى بمنصب والي ؟؟؟ منذ خروجه كل الكيزان نحوه يهرولون ولرضائه ساعون ؟ ياربي الزول ده طلع وناوي على شنو ؟ والكيزان من صغيرهم لكبيرهم خائفون منو ليه؟؟
هذا
وتقبل الله صومكم جميعا
الشفيع

بكون عشان كدة رشحوه بفهم إنقلاب بتاع فنلتك ... إنت حي الله ممكن نشوف ليك والي
وهنالك فهم انه دي محاولة لابعاده من المركز او لتامين الشمالية او لكل ذلك ....
عموما شكلها فرقعة فرقعتها جهة ما ...واليوم تم نفيها في الرأي العام

Post: #29
Title: Re: ترشيح صلاح قوش لمنصب والي الشمالية .!!!!
Author: ناذر محمد الخليفة
Date: 07-17-2013, 10:56 PM
Parent: #28

!!!!!!

Quote: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

داير تقول شنو يا محمد الزبير محمود ؟!!