لماذا تعارض المعارضة معارضة حزب الأُمّة .؟!!!!

بدلاً من دعم مشروعها وإعتماده مشروعاً ضمن مشروعات تغيير النظام ..؟!!!
اهي الغيرة السياسية ..؟؟!

يامعارضين يابتوع المدارس
طالما أن تذكرة الأُمة خطوة نحو التغيير أدعموها بدلاً من السخرية منها
وأنجزو مشروعكم الخاص
ولتتلاقى المشروعات نحو هدف واحد
فهم ده ولا مافهم يا متعلمين يابتوع السياسة ..؟!!!


ـــــــــــــــــــــــــ
كسرة : التذكرة دي بجد غلبني القاها وامضاها امرق ذمتي

لانها ما معارضة

وافهما بالطريقة التريحك،،،

تحياتى

هل ما يفعله الصادق معارضة للمعارضة ومن ثم يدعم الحكومة، ام هو يعارض الحكومة ومن ثم تعارضه المعارضة ؟
طبعاً الانقاذ كعادة الشمولين بتحاول تصور معارضة الصادق هي معارضة مسؤولة وكمان وطنية وممكن تدعمه كمان .......بالمناسبة زمان حسني مبارك كان عامل حزب معارض وياخذ تمويله من الدولة عديل .....

Quote: هل ما يفعله الصادق معارضة للمعارضة ومن ثم دعم للحكومة ام هو يعارض الحكومة ومن ثم تعارضه المعارضة ؟ طبعاً الانقاذ كعادة الشمولين بتحاول تصور معارضة الصادق هي معارضة مسؤولة وكمان وطنية وممكن تدعمه كمان .......

أبراهيم أخوي ... هسع انا أحمد موسى الواااحد ده لو داير اعارض بأني كل يوم اقوم الساعة 2 صباحا ادعي على الإنقاذ
وعملت منه مشروع سياسي بنادي المتفق مع فكرتي دي يقوم الساعة 2 يدعي
والمشروع ده تعبير عن انو في واحد سوداني ماداير النظام وبحلم بالتغيير
والواحد ده ممكن يبقى 820 الف واحد
اها ده بضر المعارضة في شنو ..؟؟
خلي يعمل وادعمه وخلي قرفنا تظاهر واعدمها وخليني ادعو وادعمني
ولا شنو ..؟!!!


ـــــــــــــــــــــ
وين حسين ملاسي يعمل لينا صورة من التذكرة بإعتباره أسرع زول بنزل صور إسكانرية :)

Quote: لانها ما معارضة وافهما بالطريقة التريحك،،، تحياتى

منو الما معارضة ؟؟ حزب الامة ولا البعارضوه ؟؟

بالمناسبة يا احمد موسى انت صنفوك والله لسع
رمضان كريم وتصوم وتفطر على خير
:
:
:
:
مع التحيات لله الزاكيات

Quote: بالمناسبة يا احمد موسى انت صنفوك والله لسع رمضان كريم وتصوم وتفطر على خير

منو بصنف منو يا محمد ...؟!!
خليها على الله ... دي عايرة وادُّوها سوطين ..!!!

"معارضة " الصادق المهدي دي رأـس رمحها منو؟

عبد الرحمن الصادق مستشار البشير ولا بشرى الصادق ضابط الأمن؟

أحمد موسى

أختشي الدنيا رمضان.

الاخ Deng الناشط في الشأن السُوداني ...
كون عبدالرحمن الصادق يختار أن يذهب إلى القصر
وأن يختار إبنه بشرى ان يذهب إلى الأمن
فتلك قمة الديمقراطية من الصادق المهدي كوالد
كونه لم يفرض عليهما مايُريد
نجي لمسالة تانية : الصادق قال شنو .؟؟
قال على هذا النظام أن يرحل
عمل شنو ..؟؟!
عمل تذكرة للرافضين وحاليا جمع توقيعات قاربت المليون
الخطوة الجاية شنو ؟؟
اعتصامات
طيب مفروض يعمل شنو تاني ؟
يشيل سلاح ؟ قال ما مقتنع ..ما ممكن هو والد لكل السودانيين يقتل بعضهم ليأتي رئيساً لذويه
يلبس فنلة برتقالية ويمشي في الأسواق قرفاناً
قال ده شغل سياسي هو ماضده ومابقدر عليه
يلا الداير يكاتل يكاتل والداير يلبس برتقالي ويقرف يلبس ويقرف والداير يدق سيستم يدق
وكله بصب في خانة ضرورة واهمية تغيير النظام ....

انا شخصيا مابحب الطائفية وسيدي وسيدك وبوس يدي وابوس يدك والتابعين العمي الطرش
وشخصياً بحس الصادق براغماتي , ونحن شخصياً إتلدغنا منه زمان في شرق السودان
لبسنا الكسرولة هو دكتورة مريم الصادق زنقونا في حشد تحجمعنا الرافض لإتفاقية الشرق
اصروا على ان يتم تدشين النشاط من مقرهم دار الامة واستعجلونا قبل نكمل هياكلنا
فعلا تم الامر واذكر الصديق عادل عبدالعاطي إنتقد بحق تدشينا لعملنا من داخل دار الامة
اها بعدها بكم يوم عمل التراضي الوطني , شكله كان داير ليه لون ناقص شرقاوي وتميناه ليه
المهم انا فقدت فيه الثقة وفي بته د. مريم
لكن ده ما بمنع انه مشروعه الحالي كمشروع دون الدخول في واياه حرك ساكن ما
وانا شخصيا بدعمه ولو لقيت التكذرة دي بجد بملاها وبوزعها كمان

Quote: بدلاً من دعم مشروعها وإعتماده مشروعاً ضمن مشروعات تغيير النظام ..؟!!! اهي الغيرة السياسية ..؟؟!بدلاً من دعم مشروعها وإعتماده مشروعاً ضمن مشروعات تغيير النظام ..؟!!! اهي الغيرة السياسية ..؟؟!

انا ما معارضة انا من شعب جبال النوبة لكن بسال ياتو مشروع لحزب الامة المشاريع كتيرة

سلامات يا ابوحميد
والله قصة نقمة المعارضين على سيدي الإمام الفاتت نقمتهم على النظام دي حكاية غريبة جدا
ياخ دا الإمام و دي وجهة نظره و طربقه الإختاره ودعا ليه الناس ولم يفرضه على أحد, هل منع ايا كان من اختيار طريقه لمعارضة النظام !!
الحقد و الكراهية التي يضمرها البعض للسيد الصادق كان أجدى ان تحوّل نحو النظام الذي لا يمانعون الجلوس معه و انتظار الفتات الذي قد وقد لا يجود به

البلاوي النحن فيها دي يا أحمد موسى سببها هذا الصادق!

سلام احمد موسي

Quote: كون عبدالرحمن الصادق يختار أن يذهب إلى القصر وأن يختار إبنه بشرى ان يذهب إلى الأمن فتلك قمة الديمقراطية من الصادق المهدي كوالد كونه لم يفرض عليهما مايُريد

كان دا فهمك للموضوع اذن فليمدد ابا حنيفة الخ الخ الخ

Quote: انا ما معارضة انا من شعب جبال النوبة لكن بسال ياتو مشروع لحزب الامة المشاريع كتيرة

مشروعه بسيط يا عامر جابر
عمل ليه تذكرة زي حقت تمرّد المصرية دي
والقال الماعاجبه النظام يمضي الورقة يقول النظام ده ماعاجبني
اها المرحلة التانية قال الناس تعتصم في الميادين وفي السفارات
الجماعة قالوا ده مشروع مخستك ومانافع
طيب مشروعكم شنو قالوا لسة والله مافكرنا لكن خلال 100 يوم حنسقط النظام
طيب اوكيه حتسقطو كيف عشان نشارك
قالوا لا والله لسة مافكرنا اصبروا ...
بس ..!!!

Quote: سلامات يا ابوحميد والله قصة نقمة المعارضين على سيدي الإمام الفاتت نقمتهم على النظام دي حكاية غريبة جدا ياخ دا الإمام و دي وجهة نظره و طربقه الإختاره ودعا ليه الناس ولم يفرضه على أحد, هل منع ايا كان من اختيار طريقه لمعارضة النظام !! الحقد و الكراهية التي يضمرها البعض للسيد الصادق كان أجدى ان تحوّل نحو النظام الذي لا يمانعون الجلوس معه و انتظار الفتات الذي قد وقد لا يجود به

عندي صاحبي يا ودالبشرى زمان عنده مثل عاجبه وانا عجبني
بقول ليك ماتقول انا بكره العدس وتسكت
قول انا بكره العدس وبحب المكرونة مثلاً
يعني انت لمن ترفض فكرة جيب بديلها
المعارضة للآن عندها تارقيت ديت لإسقاط النظام بدون خطة
وقصة مصر دي شكلها جاتهم في جرح
بقو لا زول بسالهم لا بسألوا زول

Quote: البلاوي النحن فيها دي يا أحمد موسى سببها هذا الصادق!

والله ياياسر انا معاك قلباً وقالباً زي مابقولوا ...
انا عندي راي كعب في الإمام
لكن عندي حاجة تانية لو عندي رأي كعب في زول وعمل حاجة أنا حاسي بيها كويسة بدعمها بشكل او بآخر

Quote: كان دا فهمك للموضوع اذن فليمدد ابا حنيفة الخ الخ الخ

طيب فهمي انا كعب , انت شايف مفروض الصادق يعمل شنو لاولاده ديل .؟؟
فتروا ن قصة الجهاد المدني ودايرين يخشو الحكومة وخشو
هو بالمقابل ماوقف حشد ناسه واداهم فكرته لتغيير النظام وبداها
اها مفروض يعمل شنو ؟ عشان اولاده دخلوا النظام هو ما يعارض ؟؟
هسع عندك هنا اخونا معاوية عبيد ده اكبر معارض واخوه من كبار الكيزان
نقول ليه لا اقيف ؟؟
هشام هباني ده اهله كلهم حكومة وهو معارض نقول ليه لا ماتعارض ؟؟
ولا شنو انا بجد مافاهم شنو البخلي ابوحنيفة يمدد كرعينو

Quote: بالأساس حزب الأمة هو البعارض المعارضة دائماً،حزب الأمة في الحقيقة هو الصادق بخطرفاته و"عمايله" إضافة إلى آل بيته وبس، وبعدين زول محروس بأمن النظام بإبنه بشري الذي عُين خصيصاً لذلك ممكن الناس تتوقع منه معارضة أو ممكن يقيف ضد النظام!!؟ الشواهد كتيرة جداً على أن الصادق هو أكثر من يساومه النظام وهو أكثر من يخدم النظام. وطالما أن المسألة في الشأن الوطني فالصادق يتحمل مسؤولية كل مايجري له وإلاّ فعليه أن يذهب إلى بيته فيريح ويستريح، ولاعزاء للمتباكين من التوابع وغيرهم الذين يشكرون الراكوبة المهلهلة في الخريف ويحاولون التبرير والدفاع عن الصادق بححج واهية ولامكان لها من المنطق وتتصادم مع الحقائق.

Misbah Ali · Corona, California
القصة هي ما الصادق المهدي يا مصباح القصة ده مشروع حزب ليه وزنه
وه بالوقت الراهن الحزب (الوحيد) القدر يحشد ناسو بشكل منظم
اها فكرته دي لو فيها عيب الناس يناقشوه
لو مافيها عيب الناس تدعمه

Quote: مشروعه بسيط يا عامر جابر عمل ليه تذكرة زي حقت تمرّد المصرية دي والقال الماعاجبه النظام يمضي الورقة يقول النظام ده ماعاجبني اها المرحلة التانية قال الناس تعتصم في الميادين وفي السفارات الجماعة قالوا ده مشروع مخستك ومانافع طيب مشروعكم شنو قالوا لسة والله مافكرنا لكن خلال 100 يوم حنسقط النظام طيب اوكيه حتسقطو كيف عشان نشارك قالوا لا والله لسة مافكرنا اصبروا ... بس ..!!!

هنا فرق من مصر هنا فى تمرد بالسلاح لو عملنا حقت مصر بتبقى عوارة فى طرق سلمية كثيرة عيب لى ناس قرفنا مش احسن من تمر
وللا ديل شيوعين بسفوا التمباك فى الجامع يا عمك مش علشان اسموا الصادق المهدى يبقى نسمع اى كلام بيقولو

تحية طيبة

العزيزـ احمد موسى .. تحياتي



ولماذا لا يقبل الامام الصادق المهدي ما يريده انصاره

رغم انهم يوالونه في السراء والضراء ورغم كل ذلك يحبونه اكثر من ابنائه

اما حان رد الدين للانصار وهم من سرقة السلطة من بين ايديهم وبتفريط قيادتهم


لا احد يحجر على السيد الصادق ما لم يجعل نفسه في مقام الوصي على السودانيين

والسودان بحاجة الى جهد الانصار بما فيهم السيد الصادق المهدي حتى نتخلص من كابوس الانقاذ الذي

احال ليلنا نهار


تحياتي

Quote: ولماذا لا يقبل الامام الصادق المهدي ما يريده انصاره رغم انهم يوالونه في السراء والضراء ورغم كل ذلك يحبونه اكثر من ابنائه اما حان رد الدين للانصار وهم من سرقة السلطة من بين ايديهم وبتفريط قيادتهم

مايريده الأنصار إسترداد الديمقراطية , ومقترح الإمام تم قبوله من الحزب والىن فرعية الحزب بالخرطوم دشنت التذكرة
وبعد العيد الإمام عنده جولة كبيرة في الولايات ربما لتدشين التذكرة واتوقع ليها قرابة الـ10 مليون توقيع
لو ماعاكسوه ناس المعارضة

Quote: هنا فرق من مصر هنا فى تمرد بالسلاح لو عملنا حقت مصر بتبقى عوارة فى طرق سلمية كثيرة عيب لى ناس قرفنا مش احسن من تمر وللا ديل شيوعين بسفوا التمباك فى الجامع يا عمك مش علشان اسموا الصادق المهدى يبقى نسمع اى كلام بيقولو

القصة ماقصة شيوعيين وسف تمباك في الجامع يا عامر
القصة قرفنا عملوا مشروعهم الخاص
وسكتو
اها ننتظر لمن مزاجهم يتصلح ؟؟
بعدين مشروع الامة بتقاطع مع مشروعهم في شنو ؟
ما هم يعملوا مشرعهم بالياتهم البعرفوها طالما هي سلمية
والامة يعمل مشروعه
وكلها بتصب في هدف واحد

Quote: مشروعه بسيط يا عامر جابر عمل ليه تذكرة زي حقت تمرّد المصرية دي والقال الماعاجبه النظام يمضي الورقة يقول النظام ده ماعاجبني اها المرحلة التانية قال الناس تعتصم في الميادين وفي السفارات الجماعة قالوا ده مشروع مخستك ومانافع طيب مشروعكم شنو قالوا لسة والله مافكرنا لكن خلال 100 يوم حنسقط النظام طيب اوكيه حتسقطو كيف عشان نشارك قالوا لا والله لسة مافكرنا اصبروا ... بس ..!!!

هنا فرق من مصر هنا فى تمرد بالسلاح لو عملنا حقت مصر بتبقى عوارة فى طرق سلمية كثيرة عيب لى ناس قرفنا مش احسن من تمر
وللا ديل شيوعين بسفوا التمباك فى الجامع يا عمك مش علشان اسموا الصادق المهدى يبقى نسمع اى كلام بيقولو

ببساطة المعارضة تعارض حزب الأمة لأنّ مبادرته هي تغيير سلمي للسلطة ما يعني أنّ هناك عملية ديموقراطية ستكون نتاجاً للضغط الشعبي على حزب المؤتمر الوطني والذي لا بد وأن ينزل عند رغبات الشعب إذا وصل الأمر مرحلة العصيان المدني وبالتالي إتاحة الفرصة لحكومة قومية يعقبها مباشرة انتخابات حرة ونزيهة دون الحجر على أحد حتى المؤتمر الوطني يكون له كل الحق في التنافس الشريف على السلطة.

هذا ما يتعارض مع خطط المعارضة التي تعرف قدر نفسها وحجمة الحقيقي في الشارع السوداني ولو قامت انتخابات تدخلها قوى المعارضة لوحدها دون الحزبين الكبيرين والمؤتمر الوطني والمؤتمر الشعبي والأخوان المسلمون وأنصار السنة ومؤتمر البجة وحركات دارفور الموقعة على سلام الدوحة لما فاز فيها أحد.

التغيير بالعنف هو الوسيلة الوحيدة لتمكين قوى المعارضة من الحصول على السلطة وهذه السلطة ستطون بدون شك سلطة قمعية دموية تكمم فم كل من يعارضها وهذا المنحى يتضح للناس من معارضتهم الغير مبررة لحزب الأمة العريق وما يشكله من ثقل جماهيري يحق أن يحترم وإن أختلف الناس مع الصادق المهدي في أفكاره ورؤاه يجب الرد بموضوعية على مكامن الخلل في الأفكار والخطط ولكن التعدي للشخصي هو سقطة أخلاقية وتكشف حقيقة الشخصية الإقصائية للمعارضة العنيفة

سلام يا احمد
كيفك ومحطة تسعة
شخصيا لا اثق في الصادق المهدي على الاطلاق

Quote: سلام يا احمد كيفك ومحطة تسعة شخصيا لا اثق في الصادق المهدي على الاطلاق

خالد العبيد انا زاتي مابثق في السيّد الصادق المهدي كتير
بس زي ماقلت ثقتي وعدم ثقتي مسالة ومشروعه ده مسألة تانية
اهو تحريك للمياه الراكدة وممكن يوصل الناس للشئ الدايرنه
الضعف في المشروع ده هو معارضة المعارضة له
السياسي المحنك يقول ده مشروع بهدف لاهدافنا ويدعمه ويواصل شغله البعرفه هو
ماضروري يعمله ده بديله الخاص لكن يدعم كبديل بصب في خانة التغيير

Quote: ببساطة المعارضة تعارض حزب الأمة لأنّ مبادرته هي تغيير سلمي للسلطة ما يعني أنّ هناك عملية ديموقراطية ستكون نتاجاً للضغط الشعبي على حزب المؤتمر الوطني والذي لا بد وأن ينزل عند رغبات الشعب إذا وصل الأمر مرحلة العصيان المدني وبالتالي إتاحة الفرصة لحكومة قومية يعقبها مباشرة انتخابات حرة ونزيهة دون الحجر على أحد حتى المؤتمر الوطني يكون له كل الحق في التنافس الشريف على السلطة. هذا ما يتعارض مع خطط المعارضة التي تعرف قدر نفسها وحجمة الحقيقي في الشارع السوداني ولو قامت انتخابات تدخلها قوى المعارضة لوحدها دون الحزبين الكبيرين والمؤتمر الوطني والمؤتمر الشعبي والأخوان المسلمون وأنصار السنة ومؤتمر البجة وحركات دارفور الموقعة على سلام الدوحة لما فاز فيها أحد. التغيير بالعنف هو الوسيلة الوحيدة لتمكين قوى المعارضة من الحصول على السلطة وهذه السلطة ستطون بدون شك سلطة قمعية دموية تكمم فم كل من يعارضها وهذا المنحى يتضح للناس من معارضتهم الغير مبررة لحزب الأمة العريق وما يشكله من ثقل جماهيري يحق أن يحترم وإن أختلف الناس مع الصادق المهدي في أفكاره ورؤاه يجب الرد بموضوعية على مكامن الخلل في الأفكار والخطط ولكن التعدي للشخصي هو سقطة أخلاقية وتكشف حقيقة الشخصية الإقصائية للمعارضة العنيفة

بالضبط ده تلخيص للحاصل فرانكلي الصادق مازول عنف زول جهاد مدني وواثق في الجماهير
ي

Quote: ببساطة يا استاذ الحزب هو الصادق وآل بيته وبس.." الباب يفوت جمل " مش كدة ؟ ده زول بيقدر راى الناس وعنده علاقة بالديمقراطية!!؟ بنرجسية سخيفة يصف الآخرين بالطرور والكرور بينما يمجد نفسه وهو الفاشل في الحكم والمعارضة على السواء! ده زول ممكن الناس بعدما اتلدغوا منه عشرات المرات تاني يضعوا أيديهم في يده ويثقوا فيه!!؟ حالياً مافي حزب أمة،مافي .. في الصادق ومريم ورباح وبس، إذاً القصة هى الصادق والمعضلة هو الصادق فعلاً. بس البغيظ هو : ليه الناس بيلهثوا وراءه بعد كل " عمايله" وسقطاته وبعد كل ممارساته التدميرية!!؟ حاجة تانية وبدت تظهر بوضوح :الآن أكبر مؤيدي الصادق هم الكيزان والمتعاطفين مع النظام ، ومن عندك هنا خذ فرانكلي كمثال.

Misbah Ali · Corona, California
نحن متفقين إنو في أزمة حزب في حزب الامة وفي شمولية بغيضة وحاجات تانية
وانا شخصياً قدمت إني مابثق عموماً في الإمام الصادق بعد إتخاذنا جسر للتراضي الوطني
ولكني أرى أن تذكرة التحرير فكرة يمكن ان تؤسس لمبادرة تغيير كبيرة
بعدين فرانكلي ده لو من داعمي النظام الحالي انا داعم اكتر منه
بس لأني مزنوق بين نظام حالي سئ وبين قادم أسوأ
لذا تجدني ماسك في الجن البعرفه
ولكن حين تاتي رياح التغيير وأشمُ رائحتها تجدني أسعى للسير في مسيراتها
وبرغم سوء راي في الإمام الصادق إلا أنني تجدني على أتم إستعداد للعمل معه في تذكرة التحرير
ودمت صديقاً

الاخ احمد موسي

لك التحيه والتقدير

Quote: طيب فهمي انا كعب , انت شايف مفروض الصادق يعمل شنو لاولاده ديل .؟؟ فتروا ن قصة الجهاد المدني ودايرين يخشو الحكومة وخشو هو بالمقابل ماوقف حشد ناسه واداهم فكرته لتغيير النظام وبداها اها مفروض يعمل شنو ؟ عشان اولاده دخلوا النظام هو ما يعارض ؟؟ هسع عندك هنا اخونا معاوية عبيد ده اكبر معارض واخوه من كبار الكيزان نقول ليه لا اقيف ؟؟ هشام هباني ده اهله كلهم حكومة وهو معارض نقول ليه لا ماتعارض ؟؟ ولا شنو انا بجد مافاهم شنو البخلي ابوحنيفة يمدد كرعينو

مابقدر اقول فهمك كعب يا احمد , لكن للحكم على هذا الامر يلزمك ان تستصحب معك بعض الحقائق

والتي لا اتوقع ان تكون غائبه عنك , انت ماك سغير يا احمد

لايفوت على المتابع الحصيف ان الصادق المهدي اصبح داعماً لخط النظام ومساهماً فى بقاءه

خلال فترة طويله لم يقم النظام با عتقاله او مضايقته ويسمح له باقامة الندوات والسفر

فى حين ان نفس النظام قام باعتقال كثير من قيادات الاحزاب ومنع بعضهم من السفر خارج السودان وحتى الأمس القريب

في حين ان الصادق المهدي وقبل خطابه المحبط الاخير كان عائداً من مصر وقبلها كان فى بريطانيا

والرجل اقر بان النظام يقوم بالصرف عليه , وذكر بانه بعد هذا مازال طالباً النظام

هذا يوحي بأن هناك صفقه بينه وبين النظام او حقوق او دين مازال على النظام الوفاء والالتزام به

الصادق ورث امامة الانصار عن جده عن ابيه وهو بالتالي يسعى لتوريثها لابنائه وهذا تسلسل

حتى ان جاء على حساب عضويته سواء كانت من داخل بعض اسرة المهدي ام من خارجها واعني عضويتهم والتي اصبحت مجرد ارقام على الورق

حيث ان الامامه تختص بالجانب الديني او الجانب العقائدي للانصار ورئاسة حزب الامه هي الجانب السياسي

داخل حزب الامه وكيان الانصار تماماً مثل الختميه والحزب الاتحادي .

الختميه تمثل الجانب الديني , والحزب الاتحادي يمثل الجانب السياسي

اذن الصادق المهدي يسعى لأن يجد ابناؤه موطئ قدم فى هذه الحكومه او اي حكومه قادمه

ويتطلب هذا الامر تضحية الصادق المهدي وبحكم عامل السن لا اتوقع ان يكون له طموح فى حكم السودان

خاصه وان الرجل صرح فى اكثر من مناسبه رغم اني لا آخذ تصريحاته مأخذ الجد لا سباب كثيره

حيث قال بأنه لن يترشح لرئاسة الحزب وسيكتفي بامامة الانصار وليته فعل هذا الامر قبل الديمقراطيه الثالثه.

الانقسامات والتي حدثت داخل حزب الامه فى عهد الصادق المهدي لم يشهدها الحزب خلال تاريخه الطويل

الفشل الذريع الذي صاحب فترة حكمه هو ما دعى جماعة الترابي البشير الانقلاب عليه وهذا ليس تبرير للانقلاب

الاعتقالات والتعذيب الذي قام به النظام ضد شباب حزب الامه والانتهاكات التي تعرضوا لها كانت كبيره ولم تحرك ساكن الامام

حيث ان ابنه هو من يساهم فى هذه الاعتقالات بصفته الرسميه تنفيذاً لاجندة النظام الذي اخذ الحكم من ابيه عنوة

كل مبادرات الصادق المهدي لخلع هذا النظام لم تجدي ولن تجدي وذلك لعدم حرص الرجل على ذلك

مصيبة هذه الاحزاب انها كما اسميها احزاب البيوتات التجاريه , حيث ان الاحزاب الحقيقيه والتي تلامس واقع منتسبيها

تعمل فى شكل مؤسسات , ومن اهمها قياسات الرأي والتي لايعلم عنها هذا الحزب ولا عن اهميتها

حيث لم يخرج علينا احدهم ليقول لنا بأن شعبية الحزب فى تدني ام فى صعود لكنهم يعلمون انها فى تدني مريع

ويعلم رجل الشارع بأن شعبية الصادق المهدي قد تدنت كثيراً حتى فى داخل حزبه ومنذ زمنِ بعيد

ودونك الانقسامات والتي اشرت لها قبلاً وحتى كتابات منتسبي الحزب فى مواقع النت

واحتجاجهم ووقوفهم ضد سياسات الصادق المهدي تشير الى ان هذا الحزب يلفظ انفاسه الاخيره اذا لم يتم تدارك الامر

ولكن كيف يتم تدارك الامر وفى قمة الحزب الصادق المهدي ؟