ارفع بنطلونك الشرطة وراك

ظاهرة ليست بالغريبه على أنظارنا لكنها مستغربة من حيث السلوك تبغضها المجتمعات المحافظة وتنتشر بين الشباب كمزاولة لمفهوم التواكب
والشطحات التي تألفها سياسة الموضه ، نجد أنصارها من كافة الشباب إنتشرت مؤخرا على الريف والحضر ، فالفكره تنبت من ترك البنطال
علي شكل غريب اي يتنزل البنطال إلى مادون النصف للرجل بصورة أشبه ( بالناصل ) بالعامية ، لا أدري مالحكمة لكنها شبه ثقافة متردية
خارج عن قانون الأخلاق ولها مسميات من ضمنها سستم ، تحت النص ، خليهو نازل ، وغيرها باتت معتاده للأخرين بصوره تجعلهم يألفون
لبسها دون حرج ، فالشباب أصبح لايتعدي فهمه تفكير الفكره التي توصله لحقيقة المراد منه كشاب له دور في الحياة وأثر بليغ علي المجتمع
فهو ثمرة الحضاره المجتمعية التي ينتظرها مستقبل الغد المشرق كما يرجعه بعض المحللون لظاهرة السلوك العام للشباب .

تحياتي يا مجاهد ورمضان كريم
غايتو لو لقيت طريقة أمسكـ أي زول
بنطلونو ناصل أديهو 100 جلدة بصوت عنج!!

رمضان كريم اخ محمد عبد الماجد فالظاهرة لاتستحمل الجلد فقط بل أن يصدر في مقتضاها قانون عقابي
ياخ ديل حيرونا زاتو اللباس الجوه ظاهر خلي البنطلون كمان أمه عجيبة

سلام مجاهد

ولو عرف الشباب اصل ومنبع هذه الموضة لما تعلقوا بها ..

اصلا قيل في احد سجون الولايات المتحدة الامريكية كان يستخدم المساجين حزام البنطلون كسلاح بل بعضهم يستخدمه في الانتحار ..

لذلك اصدرت ادارة السجن تعليمات بنزع الاحزمة من المساجين .. ويلبسوا البناطلين من غير حزام ..

وبما ان السجين عادة وزنه يخف في السجن نتيجة للاعمال الشاقة والاكل الردئ اصبحت البناطلين اوسع من اصحابها .. وبالتالي ظهرت هذه الموضة .. لان حتى هؤلاء المساجين بعد خروجهم للمجتمع خرجوا بما تعودوا عليه واصبحت موضة ..


وهؤلاء الشباب الذين يتبعون هذه الموضة انما هم يقلدون المساجين والمجرمين ..

Quote: وهؤلاء الشباب الذين يتبعون هذه الموضة انما هم يقلدون المساجين والمجرمين ..

المشكله لاتكمن في كيفية الاتباع بل زوبان الشخصية فالشباب أصبح من دون كينونة حتى الافكار والسلوكيات
أصبحت مستلهمة من الخارج ، وإن دل يدل على عدم الإعتراف الذاتي أو قل نقص الذات كما يحلل بعض النفسانيوون

مجاهد كيفك ورمضان كريم
تعرف يوم الجمعة ونحن في الخطبة
دخل المسجد شاب لابس البنطلون
الناصل دي والمصيبة انو الفنيلة
نفسها ناصلة ياخي فنيلة قصيرة
جدا اقسم بالله يامجاهد حاجة
تطمم البطن لكن نعمل شنو
اهو شغالين بي اضعف الايمان
عشان مانتدخل في حتة ضيقة
وربنا يصلح الحال
تسلم

Quote: مجاهد كيفك ورمضان كريم تعرف يوم الجمعة ونحن في الخطبة دخل المسجد شاب لابس البنطلون الناصل دي والمصيبة انو الفنيلة نفسها ناصلة ياخي فنيلة قصيرة جدا اقسم بالله يامجاهد حاجة تطمم البطن لكن نعمل شنو اهو شغالين بي اضعف الايمان عشان مانتدخل في حتة ضيقة وربنا يصلح الحال تسلم

الاخ سليمان الله اكرم فالقصة تعدت الحدود أصبح الخلط بين العام والخاص في سلوكيات الشباب
هو العنوان الرئيسي نسأل الله السلامة

واضف ليها
الجلاليب البقت تشبه قصة فستاين النسوان وألوانها ونوع قماشها زاتو
يعني مثلا جلابية فلان داك المرة سودا و مرة صفرا وبظهر بيها في التلفزيون ماسك عصايتو ,, هسه دي جلابية ? في جلابية قطيفة ,, ولا الفنانين البلبسو الجلابيب الكيف كيف
ما تشيلو شوفك وتختو في العيال بس ,, عاينو الناس الكبار الافسدوا ثقافة الجلابية والنسوان الافسدن ثقافة التوب
وانهيار متكامل الجوانب توجه الشباب ابان بناطلين ناصله
تحية صاحب البوست وضيوفه

Quote: عاينو الناس الكبار الافسدوا ثقافة الجلابية والنسوان الافسدن ثقافة التوب وانهيار متكامل الجوانب توجه الشباب ابان بناطلين ناصله تحية صاحب البوست وضيوفه

الأخ عبد الحفيظ المشكله لاتكمن في الشباب وحدها فالحديث لم يكن عام بل كان مقتصر على
الشباب كعينه مجتمعية لكن المعضلة تكمن في أن الشباب وجدو تلك العينة سائقة من قبل الدولة
فهي من هيئت لهم ذلك المناخ بل وهي راعي لتلك العينات في كثير من المناشط فالدوله هي صاحبت
المقام الأول ، لذلك من البديهي أن يكون البنفسجي هو لون كل جزمة يرتديها الشباب

رمضان كريم مجاهد
ده اسمو داقى سستم

الله اكرم ابراهيم تون لكن ده سستم بي فهم

سلامات يا مجاهد

Quote: رمضان كريم اخ محمد عبد الماجد فالظاهرة لاتستحمل الجلد فقط بل أن يصدر في مقتضاها قانون عقابي ياخ ديل حيرونا زاتو اللباس الجوه ظاهر خلي البنطلون كمان أمه عجيبة

غض النظر عن اختلافنا مع موضة الشباب بتاعة البنطلون الداقي سستم ده
لكن افتكر دي حرية شخصية, و ما اظن القانون بمنع الزول انو بنطلونه يكون ناصل او مربي شعرو و مضفرو
قبل فترة ناس الشرطة كانو عاملين حملة و بحلقو لي شاب بلقوه حايم في الشارع و مربي شعرو, و ده سلوك همجي و تعدي على الحرية الشخصية
الشباب ديل اتربو في زمن كان في قناة فضائية واحدة و بتقدم ساحات الفداء و اناشيد جهادية
الموضوع ده ما قسم معاهم و شافو البديل بطريقتهم الخاصة, نجي نعمل ليهم قوانين تعاقبهم ؟؟ ما اظن ده حل


--
لكن بيني و بينك
بعملوها ظاااااهرة
بوكسرات تلخم :)

بالغت والله يا حسبو!!
يعني قصدكـ ناس زمان ما كان بعملوا
الحركة دي عشان ثقافة (البيارة) و(العزابة)
وعدم وجود (بوكسرات) تلخم!!

ناس زمان يا ود الصايم عشان لون البيارة العامل زي الشاي باللبن قالو احسن يربو " الخنفس" :)
لكن الشباب مشت معاهم باسطة
بوكسرات و أفرو
الله يستر من المرحلة الجاية



--
مشتاقين ياخ, وينك ما ظاهر

سبحان الذي خارجنا من ثقافة البيارة للبوكسر يا حسبو
لكن كمان الواحد ما ينبهل بالطريقة دي ياخ!!




_
الجري والطيران يا عمكـ
والشوق في محلو .. متصبرين شوية بالكارثة مورتا!!

قلت لي الحمد لله الذي خارجنا من المرحلة دي



للمرحلة دي !!

الصورة ما ظهرت يا حسبو
احتياطا كـدا اللهم إني صائم!!

يعني الواحد يشتري بوكسر بـ 50 حاره وما دايرنو يشهرو ليكم !!! بطلو حقارات ياخ

أممممكـ .. البوكسر أب 50 دا من (ماركـ and سبنسر) ولّ شنو!!

والله ياحسبو الامور ماشه بي صوره غريبة من الاسواء للأسواء ود خصم للشباب
الحريه أصبحت تخلق من الشاب مجرد داعي لمنقصة الرجوله بتلك الصفات التي اتخذوها
كعنوان للشطحات بعد شويه الناس دي ح تمرق عريانه عديل بالحرية الشخصية دي

المشكله انو البوكسر مكتوب فيهو ok بس ماعارف قاصدين بيها شنو

Quote: والله ياحسبو الامور ماشه بي صوره غريبة من الاسواء للأسواء ود خصم للشباب الحريه أصبحت تخلق من الشاب مجرد داعي لمنقصة الرجوله بتلك الصفات التي اتخذوها كعنوان للشطحات بعد شويه الناس دي ح تمرق عريانه عديل بالحرية الشخصية دي

انت عارف يا مجاهد انا البكيفني فيهم انهم اتعدو مرحلة يشتغلو بالناس
واثقين في رقبتهم و امورهم باسطة
بعد شوية الزول البكون ما داقي سستم هو الحيكون غريب في المجتمع
في غنية بغنوها في الحفلات بتقول:
انا بمرق البوكسر
و ان شاء الله اقع اتكسر

Quote: في غنية بغنوها في الحفلات بتقول: انا بمرق البوكسر و ان شاء الله اقع اتكسر

والله دي امه ضحك على جمباتها ود نفاش ههههههههههههههههههههههه

البنطلون الناصل بيديك مؤشر انو الزول اللابسو ده ماكويس حتى لوكان كويس

مجاهد عثمان عبد الرحيم
كل سنه وانت طيب ياخ

يا جماعة هو ما ناصل ياخ
اللباس مخيط اصلا مع البنطلون
الجلاليب يا ناس
الجلاليب دي غايظني غيظ قصة ولون ونوع قماش
فصاحب البنطلون الناصل ابن ذلك اللابس الفستان

Quote: يا جماعة هو ما ناصل ياخ اللباس مخيط اصلا مع البنطلون

والله مامخيط بس الناس دي ماسكاهو بي شنو ماعارف لكن ناس الجلاليب ديل
حيرونا زاتو ياابوسن

Quote: مجاهد عثمان عبد الرحيم كل سنه وانت طيب ياخ

وانت طيب يااخ ملهم وكيفك مع الصيام

أرررفع ....

Quote: أرررفع ....