هادية حسب الله ساهم المجمر تيسير النوارنى مريم الصادق لاكفيتو ولاوفيتو

ياناس المنبر هل شاهدتم بامس حقلة برنامج للود قضية
على قناة النيل الازرق الذى يبث هلى الهواء مباشرة

الاسماء في البرنامج كانت مرتبة من اليمين لليسار

بالامس منيت النفس بسهرة مع متحدثات متمكنات من ادوات الحديث والقدرة على التعبير في الامور العامة
ناهيك الامور التى تقع في صميم همومهن وبل تكون القضية قضية وجود .... ولكن لم استطع تكملة السهرة
لانها تحولت لحوار طرشان

عن مقدم البرنامج حدث ولاحرج وعلى قول القطريين : لايدرى وين الله حاطا

الرجال في الجانب الاخر
لن اتوقف عند اى احد فيهم لانهم جميعا كانو متفين على تخلفهم وسذاجتهم
بمافيهم المغنى

تحولت لحوار طرشان لأنو النص التاني كان أطرش .. باستثناء بروفيسور كرار.

الترتيب ده كده صاح؟؟ يعني سهام المجمر ما اخر واحدة في الصف؟؟
أكان كده عيدو لينا الحلقة النشوف سهام المجمر ياتا ..

الترتيب طبعاً ما صاح .. فسهام تلك التي كانت أكثرهن جعاصة!

تلك التي (اختبأت) خلف صديقاتها عندما قالت أن الزوجة وزوجها يعودان من العمل؛ فتجدع
الزوجة توبها وتدخل المطبخ بينما يمسك الزوج بالجريدة وينبطح في السرير .. أو كما قالت

Quote: تحولت لحوار طرشان لأنو النص التاني كان أطرش .. باستثناء بروفيسور كرار.

ياملاسى
غايتو تيسير بعد ماقنعت من المحاحا بقت تقلع حقها في الكلام والبقاطعها من الرجال بتهرشو

Quote: لترتيب ده كده صاح؟؟

نصوب ياعمر الفاروق
من اليسار الى اليمين
سهام المجمر هادية حسب الله تيسير النوارنى مريم الصادق

أما نقر السيدة مريم السيد الصادق باصابعها طرباً مع اللألحان التي تغني
بها شكر الله فقد أظهر جانبها الانساني الذي طالما أخفاه جانبها السياسي.

أما هادية حسب الله .. فلو ارادت الأحفاد أن تختار أيقونة
غير قاسم بدري لما وجدت أفضل من هادية حسب الله.

أما تيسير النوراني فليست المرة الأولى التي تتحدث فيها فتقنع بل وتفحم.

Quote: مع اللألحان التي تغني

ملاسى
بلاش تدليس هوينو المغنى خليك من الاحان لبطربو ليها
ملاسى في زمتك قدرت تكمل السهرة

Quote: أما تيسير النوراني فليست المرة الأولى التي تتحدث فيها فتقنع بل وتفحم.

ده الفيلم زاتو
تحية للصديقة تيسير
-
بالله الفيديو لو امكن عشان نكون منصفين في الحكم

والله هذا ما حصل بل وأشادت بكلمات الأغنية!

تيسير النوراني ما بتفحم لالالا بتهرش رسسسسمي .

سمها ما شئت .. المهم إنها بتوصل الفكرة والزول التاني بقطم

شكر الله قال داير زوجة تكنس وتطبخ وتربي العيال؛ المسكين
قايل نفسو في السوق؛ فوقع - غير مأسوف عليه - بين فكي تيسير

عليك الله ياملاسى عمك البقاطع المتحدثات وجاب كثافة تيسير
القال مابخلى زوجته تشتغل لانو مقتدر لكن داير بنتو تبقى وزيرة
دا تقول عليهو شنو غير فقع مرارة
انا لحدى هنا وقلت للسهرة باى باى

غايتو يا حسين كان تيسير النوراني نقاشها ده ياهو الفي البيت فده لا تفاهم بين الأزواج لا شتّين :) :) :)

انتو بتتفاهموا كيف يا عمر .. ما تراهو التفاهم كلو جنس دا
أم تُراه طول الإغتراب قد طبعكم بطباع ليست من طباعنا

Quote: تيسير النوراني ما بتفحم لالالا بتهرش رسسسسمي .

عمر الفاروق
انت مستحى تقول كملت السهرة ياخى خليك شجاع زى اخوك ملاسى قول شربتها كلها

محمد عبد القادر سبيل قال اتمنى قريبا ان ارى الدكتوره مريم الصادق رئيسا للوزراء فابتسمت مريم الصادق بسعاده لا تخطئها العين ولا الكاميرا.

فاتت علينا ياخ!!
هسي نفتشا في اليوتيوب باسم (حوار الطرشان)؟

ما لفت انتباهى هو ان فريق النساء كان يمجد اراء مريم الصادق فكل متحدثه تبتدر حديثها بعبارة كما قالت الدكتوره مريم الصادق حتى احسست بان مريم الصادق هى مرجعيتهن الاولى.

الجيل الجديد من المغتربين يا حسين أصبح أكثر وعياً بحيث لا يعرض نفسه لأي إحتكاكات تفاهمية فكل ما يطلبنه يجدن منّا السمع والطاعة ..
يا حسين نحن وصلنا مرحلة يرجعوك السوق يغيروا الهدوم الشايلنها هدايا وليس هدومهن

وكت بيتك من هكذا قزاز يا عمر بتطقع تيسير مالك!

اللذيذه عمك المشاتر ابو جلابيه سوداء قال هو لف العالم كلو واتعامل مع كل نساء العالم فلم يجد احسن من المراه السودانيه.

Quote: شكر الله قال داير زوجة تكنس وتطبخ وتربي العيال؛ المسكين قايل نفسو في السوق؛ فوقع - غير مأسوف عليه - بين فكي تيسير

شكر الله ظهرها عااااملة, عمل إعلان للبحث عن زوجة

Quote: اللذيذه عمك المشاتر ابو جلابيه سوداء قال هو لف العالم كلو واتعامل مع كل نساء العالم فلم يجد احسن من المراه السودانيه.

و قال ما حصل شاف ليه مره مجنونة حايمة في الشارع زي ما بحصل للرجال :)

Quote: محمد عبد القادر سبيل قال اتمنى قريبا ان ارى الدكتوره مريم الصادق رئيسا للوزراء فابتسمت مريم الصادق بسعاده لا تخطئها العين ولا الكاميرا.

فعلاً .. فقد كانت سعادة السيدة مريم السيد الصادق بهذه المجاملة - المكشوفة - بائنة!

السؤال المهم كيف تختار قناة النيل الازرق ضيوف برامجها؟

والله فريق الرجال ده يديك احساس بانو قالوا لبتاع الحافله بتاعت القناه امشى الشهداء جيب ليك ثلاثه رجال نسجل بيهم الحلقه دى يا جماعه ما ممكن زول يكون ما عارف هو بقول شنو وما قادر يرتب افكارو ذاتو ولكن كما قال الاديب الراحل الطيب صالح من اين جاء هؤلاء؟.

Quote: والله فريق الرجال ده يديك احساس بانو قالوا لبتاع الحافله بتاعت القناه امشى الشهداء جيب ليك ثلاثه رجال نسجل بيهم الحلقه دى

المعرس تلاتة جابوهو بالاسم .. أما القال لف العالم وما
لقى زي السودانية ففي الغالب يكون هو ذاتو سواق الحافلة.

.


النساء في السودان يتفهمن مثل هذه القضايا بأكثر من الرجال عموما،
وبأكثر ألف مرة من العينة التي جلبها البرنامج بالأمس، بإستثناء البروفسور كرار


.

Quote: شكرا جزيلا الصديق بدر االدين وملاسى وعمر االفاروقومحمد صديق واتفق مع بعض كلامك كفة الحوار كانت مرجحة مما اضعف الحوار وكان ممكن تكون افضل من كده

تيسير
مالك يابت امى واقفة في الباب ادخلى خلينا نفش مغستنا وتفشى مغستك وكوكرى معاك لسهام

ما شفناها والله

كدي واحد فالح كدا ينزل لينا يا جماعة

حلقة جديرة بالمشاهدة من ضيوفا ديل

Quote: شكرا جزيلا الصديق بدرالدين و ملاسى و عمرالفاروق و محمد صديق واتفق مع بعض كلامك كفة الحوار كانت مرجحة مما اضعف الحوار وكان ممكن تكون افضل من كده وتشعب الكلام كثيرا عن موضوع الحلقة الرئيسى و يا عمرالفاروق صدقنى قصة الهرش دى من تاليفك الخاص. تيسير النورانى

رمضان كريم ، ربنا يتقبل صيامكم وقيامكم واعمالكم الصالحة

في رأي أن طرح الموضوع دا للنقاش، أصلا قد تخطاه الزمن
فالمجتمع ولأسباب ودواعي كثيرة تقبل أن تنهل المرأة من التعليم
ما أستطاعت، وأن تعمل وتشارك في حمل الشيلة،

كان ينبغي لمعد الحلقة هذه من البرنامج أن يستطلع عدد من الناس خاصة الأخوات اللائي فضلن العمل في تربية واعداد أبنائهن وبناتهن داخل بيوتهن، على الرغم من نيلهن قدر من التعليم،
وأعرف صحفيات وغيرهن كثر، فضلن تحمل مسئولية بناء الأسرة على العمل،
دون إكراه من أحد،

------------------
دحين، ما شرقتو من الضحك من المداخلة المقرؤة للأخت من الفيسبوك محذرة مايعني: سون في سواتكن دي لمن يعرسوا فوقكن، هههههههههه

الشكر لصاحب البوست والمشاركين والمشاركات

غايتو محمد عبد القادر سبيل في أول مداخلة ليهو جاااط ليهو كلام كده هو زاااتو بيكون ما فاهمو شنو ..بالجد إستغربت ..كنت متخيلوا زول منضمة والحاجات واقعة ليهو ..

يا حسبو معقول عمك ده ما مره بشارع المورده وقدام حديقة المورده ليرى اشهر مجنونه فى مدينة امدرمان

ما لاحظته ان جميع المشاركين فى البرنامج سواء من النساء او الرجال وحتى مقدم البرنامج كانوا يتعاملوا مع مريم الصادق بصفة الزعامه وليست محاوره عاديه لذلك اراءها كانت محط اهتمام الجميع.

Quote: ما لاحظته ان جميع المشاركين فى البرنامج سواء من النساء او الرجال وحتى مقدم البرنامج كانوا يتعاملوا مع مريم الصادق بصفة الزعامه وليست محاوره عاديه لذلك اراءها كانت محط اهتمام الجميع.

صحيح .. فالسيدة مريم السيد الصادق زعيمة وليست محاورة عادية.

بتاع الحافلة لو كان جاب كمال افرو الحلقة كان اتقلبت لسيرك!

انتو البوست ده فتحو بدر الدين برعاية حسين ملاسي ولا شنو ههههههه

التحية لتيسير النوراني وسهام المجمر ومريم المنصورة

وهادية حسب الله يا محمد إبراهيم.

كمال افرو لأ يا ملاسي..
خصييمك النبي :) :)
...
تخريمة :
المحاورة الغير عادية دي زرزرت ليك الإسمو خالد ساتي داك لمن حنيت عليهو ..ياخ تراها هالة عبد الحليم دي مسكينة كيف!! حولاااا.. حضرت لقاء مريم معاهو ولقاء هالة ..ياخ مريم دي نجججاااضة ..

اللذيذه عمك المشاتر ابو جلابيه سوداء قال هو لف العالم كلو واتعامل مع كل نساء العالم فلم يجد احسن من المراه السودانيه.


وكمان قال بصرف النظر عن اللون


جيت متاخرة - ماشفت في البرنامج غير اللقطة دي

عضوات البورد الشاركن في النقاش ليهن الف تحية
اخير من ناس تفنجط في الاسافير بلا رابط

Quote: وكمان قال بصرف النظر عن اللون

ههههههههه الحمدالله الماكملت السهرة

السلام عليكم يا شباب كل عام وانتم بالف خير و تصوموا و تفطروا على خير
شكرا يا بدرالدين لى زمن منكم بس الليلة قلت لازم اشوف نقد البرنامج و لم تخيبوا ظنى

ابدا واقول ما مننا من العلينا :)

اولا انا شخصيا لاول مرة اشارك فى برانامج للحوار و مشكور اخونا محمد عكاشة الذى وجه لى الدعوة والشكر لهادية حسب الله التى اقنعتنى بالمشاركة
فالتجربة كانت مفيدة جدا بالنسبه لى و تعليمية لحد كبير

كان الله احيانا برجع للنقاش
لانو يا بدرالدين فكرة البرنامج كبيرة ومتشعبة وعدد الضيوف كان كبير كان من الصعوبة بمكان للزول ان يقابض عشان يقدر يتم كلامه ويوصل فكرته للنهاية
خصوصا كلام عبدالقادر عن الثقافات و القيم والتغيير كان كلام خطير ان يرسل فى التلفزيون فى موضوع زى ده و ما يلقى حقه من النقاش
ده غير اخونا نجم الدين و كلامه عن تمجيده للسودانيات و هو ينطلق من نفس ارضية مشكلة النوع الاجتماعى فيه بعض من اهانه لنساء اخريات ... وزى ما انتبهت منال عوض خوجلى
الاخطر كلام اللون كمان!!!!!!
اما بهاء ده فكوم براااااااهو
حتى يا تيسير فى كلام خطير اتقال عن ابوى قرانى و علمنى بالضرورة ح يخلينى اشتغل دى .. مرقت لينا نحن فاهمين كلامك تماما
لكن كان محتاجة تتقال بصياغة مختلفة عشان ما كاننا لازلنا مع السلطة الابوية (وده رمز خطير اى كلام كان يتقال كان ممكن براحة الواحد يصنف قليل ادب)

ياخ كان فى كمية من الكلام مفروض يتقال وما قدرنا نقولوا لاسباب كتيرة شديد.. معظمها بره من يدنا

هادية حسب الله شوية كده طفت لى كم نار كده
_____________________________
يا ملاسى يا مرض والله شوف عينى صحبتى و زميلتى كان بتجى من الشغل بترمى توبها وتدور مطيخ و مراجعة دروس
لغاية المغرب حتى تقدر تستحم و تغير ... وانت بتعرفها كويس :) :)

بعدين الجعاصه دى شنو؟؟؟ سجمى عديل

بينك و بينك لو كان عندى قوة تيسير فى قلع المايك
كان تلقونا انا وعبدالقادر سبيل تحديدا فى السبلوقة ...معقول بس !!!!


اها يا محمد عكاشة كده ارتحت جبت لينا الهوا

سلام يا بدر الدين الأمير وشكرا

وسلام للجميع والتحية لكل المشاركات والمشاركين

وشكرا بكري جاب جزء من الحوار التلفزيوني...


http://www.youtube.com/watch?feature=player_e...beddedandv=ErXZuzif-M8

وبعد مشاهدة هذا الجزء من البرنامج التحية لهادية حسب الله

ياربى العمل المنزلى ده مامحسوب عمل؟

Quote: الرجال في الجانب الاخر لن اتوقف عند اى احد فيهم لانهم جميعا كانو متفين على تخلفهم وسذاجتهم بمافيهم المغنى

قادر الله
غايتو أنت لو كنت خريج (سوربون) كان الناس دي تشوف ليها بلد

شكرا سهامنا على المرافعة الحلوة
ان شاء الله تكون افحمت ملاسي ونجضتو كمان
واصلن كفاحكن الدنيا الاياك دي بقت قلع وخنق عديل

رمضان كريم يا جماعه
وكل سنه وأنتم طيبين
تحيه خاصه جداً للتيسير ومريم وسهام وهاديه
والله يا بدر الدين ما اعتقد كان ممكن يكون في كلام يتقال اكتر من الكلام القالوهو الشابات ديل والله أنا ما شفت كميه بتابعه تخلف موجوده قدر التخلف الكانت في الرجال ً بصراحه أنا آسي ما سمعتهم كلهم بس سمعتي أبو جلابيه العامل فيها كازنوفا والقال لف العالم كلوا ويعرف كل أنواع النساء لكن مافي غير المراءة السودانية وقام رمي درابه قدر الليلة وبكره وقال بصرف النظر عن اللونً

ولا التأني كالعادة كان داير يقمع النقاش وحسمه بإدخال الدين ً والحمد الله قدرت سهام تخارج النقاش من حته زي دي رغم اقتناعي التام بانه هو زاتو لو جادلوهو بفهم صحيح بما قال لكان في حيره من امره
عموما الفكره كانت واضحه فالمناقشه اظهرت فهم الرجال في هذا البرنامج واكد ت لينا قدر شنو إحنا عايشين في مجتمع ذكوري وشكلنا حنفضل كده مهما اتعلمنا ولا اتطورنا ولا بقينا أي حاجه.
عجيب يا زمن

سلام لصاحب البوست..
بس ما فهمتك، انت زعلان من مقدم الربنامج الماكان موفق فى اختيار المتحدثين من الرجال، ولاّ زعلان من النساء اللاتى بذلن جهداً كبيراً لتدارك انحرافات المشاركين وخروجهم من الشبكة..
تيسيير النورانى سلامات..
والسلام موصول لسهام المجمر وهادية حسب الله ود. مريم
لكن التحية..
جد قدرتن تضبطن ايقاع البرنامج بموضوعية فى ظل مشاركين مارقين برة من النص..
يا تيسير مقدم البرنامج دة ما فضل ليه إلا يجيب ليكن دفع الله حسب الرسول (حسبو)..
وبالرغم فقد استطعتن من توصيل الرسالة بأحسن ما يمكن..
تسلمن

http://www.youtube.com/watch?feature=player_e...beddedandv=9tSCmVuzCOM

رمضان كريم ، ربنا يتقبل صيامكم وقيامكم واعمالكم الصالحة

في رأي أن طرح الموضوع دا للنقاش، أصلا قد تخطاه الزمن
فالمجتمع ولأسباب ودواعي كثيرة تقبل أن تنهل المرأة من التعليم
ما أستطاعت، وأن تعمل وتشارك في حمل الشيلة،

كان ينبغي لمعد الحلقة هذه من البرنامج أن يستطلع عدد من الناس خاصة الأخوات اللائي فضلن العمل في تربية واعداد أبنائهن وبناتهن داخل بيوتهن، على الرغم من نيلهن قدر من التعليم،
وأعرف صحفيات وغيرهن كثر، فضلن تحمل مسئولية بناء الأسرة على العمل،
دون إكراه من أحد،

------------------
دحين، ما شرقتو من الضحك من المداخلة المقرؤة للأخت من الفيسبوك محذرة مايعني: سون في سواتكن دي لمن يعرسوا فوقكن، هههههههههه

الشكر لصاحب البوست والمشاركين والمشاركات

عزيزى بدرالدين

سلامات ورمضان كريم

ياسلام على الاداء المميز للكنداكات الاربعة

Quote: أما هادية حسب الله .. فلو ارادت الأحفاد أن تختار أيقونة غير قاسم بدري لما وجدت أفضل من هادية حسب الله.

اتفق مع ملاسى فى مقولته هذا. واتوقع ان تلعب هاديه ادوار كبيرة فى مجال نشر الوعى, و النهضة النسائيه فى السودان.
مع ودى

Quote: بعدين الجعاصه دى شنو؟؟؟ سجمى عديل

الجعاصة تعني فيما تعني الحديث - في غير المسلمات - بكلام يقيني قاطع لا يقبل التشكيك.

ملاسي في حالة تصريفة!!

دكتور ياسر
رمضان كريم وشكرا على الروابط

Quote: بس ما فهمتك، انت زعلان من مقدم الربنامج الماكان موفق فى اختيار المتحدثين من الرجال، ولاّ زعلان من النساء اللاتى بذلن جهداً كبيراً لتدارك انحرافات المشاركين وخروجهم من الشبكة..

إحسان
لك التقدير
انا في راى ان مقدم البرنامج لو مازاد الهرج ماعمل اى حاجة
تقولى متحديث وين المتحدثين ديل طالبان ديل طالبان عديل مقارنة بواقعنا الموجعنى في اخواتنا المتحدثات وهن من هن
كانن بستنن ناس طالبان ديل يقولو حتى بعد داك يبنو كلامهم على درجة وعى ناس طالبان معقولة بس
يدافعن عن حق المراة السودانية في العمل يدافعن عن حقيقة موجودة منذ ان وجد السودان في كل اقاليم السودان
المراة تعمل في الزراعة وفي الرعى فى المصنع والبنك والشرطة في الجيش والطب ووالخ وغيرها من المهن الخاصة
بالنساء وحتى ناس (اخوات نسيبة) المفقود الان فرص العمل المتساوية وليس الحق في العمل
وبجيك لمريم الصادق الجابت كثافتى بدل ترد ردود عملية علمية لواقع معاش لابد من فصل الدين عنه كل حاجة جارية تفتش ليها لنص تبريرى
من القران والسنة والوجعنى اكتر انوصاحباتنا التانيات ماكانن مهزوزات لكن اتبلمن مالين ماعرف غير تيسير القلعت حقها وبرضو لاحقوها بالهرج
بالنسبة لى كنت اتوقع من هادية حسب الله وسهام المجمر ماهو اعمق واقوى بدون تابو ومرجعيات الدينية

المتحدث اللفي العالم ده فقع مرارتنا فقع
شكر الله ده احسن يركز في غناهووو
هادية حسب الله ... أكلت الجو
المذيع يرجع تاني لبرنامج افراح افراح
مريم الصادق هيبتها طاقية

Quote: هادية حسب الله شوية كده طفت لى كم نار كده

منال برضو ماكان كفاية امام كمية الهرطقة القالوها ناس طالبان ديل

Quote: لانو يا بدرالدين فكرة البرنامج كبيرة ومتشعبة وعدد الضيوف كان كبير كان من الصعوبة بمكان للزول ان يقابض عشان يقدر يتم كلامه ويوصل فكرته للنهاية

يبدو لى ياسهام ان فكرة البرنامج قايمة على الخمش لو تابعتى باقى الحلقات الذكورية الاخرى ... والمحيرنى العمدة البجيبهو ويختو على هامش الحلقة والمذيع متعنقل فوق لاقادر يضبط الحوار
ولاالمتحاورين