الله يرحمك محمود عبد العزيز ... شكرا اغاني واغاني .. شكرا قدور

الان على النيل الازرق حلقة عن محمود في اغاني واغاني


فتحتو جروح تالمنا وتمتعنا


رحمة الله عليك يا حوت

الان طه سليمان يغني في الكنت قايله فات زمان


حسب علمي هذه الاغنية هي التي ادت لتاخير عرض حلقة محمود في برنامج اغاني واغاني

فالاغنية صاحبها فنان من اولاد عطبرة وكان اخد قرار حسب ما اعلم بان لا يؤديها محمود

وكان التاجيل في عرض الحلقة بسبب اخذ الموافقة من صاحبها

والله اعلم

سلام وليد
اغانى محمود لمحمود بس
وكان احسن لو اتكلموا عنو وخلوهو يغنى اغانيهو براهو
والحاجة التانية ولد محمود ما عندو علاقة بالغناء خش بالواسطة ساى

مرحب امجد

اخبار

ولد محمود لن ينجح كمغني

بالنسبة لاغاني محمود .. فانا مختلف معاك .. هي للجميع .. البقدر يغني .. والما بقدر حتى لو كان ولدو ... بنتجاهلو


تحياتي

شكرا طه

الفيس جايط


العلان من الحلقة
والفحان بيها

الزعلان من ولدو
والفرحان من طه

وعيييييييييييييييييييييييييييييييك


محمود مات يا خلق الله ... وكل زول بنقط بي طاقيتو وقدر قدرتو

رحم الله محمود عبد العزيز رحمةً واسعةً
اللهم تجاوز عن سيئاته وابدلها له حسنات ببركة هذا الشهر الكريم


وليد
رمضان كريم عليك وعلى اولادك وكل من تحب وكل اعضاء وقراء سودانيز اون لاين

نعم يا وليد

فتحوا جرحاً وكانت حلقة ممتعة عندما تشغر أن محمود عائش بفنه وبأبنائه الصغار الذين أرى محمود فيهما حيث لا أراه في ابنه الكبير - هداه الله

الصادق يا صحبي

والبحبو كله كريم ويدوم عليك بالخير


ربنا يرحم محمود
ونشطر اغاني وغاني على الحلقة

وليس في الامكان افضل من الذي كان



من يقارن محمود بالاخرين يظلمهم ويظلمه

تحياتي

وليد رمضان كريم وتصوم وتفطر علي خير


رحم الله محمود عبد العزيز واسكنه فسيح جناته

رحم الله الحوت
يا فردة الحلقة كانت اقل بكثير من قيمة محمود

الفن لاااااااااااااااااا يورث

طارق جبريل يا صديقي
سلامات ورمضان كريم

Quote: يا فردة الحلقة كانت اقل بكثير من قيمة محمود

وكيف لها ان تكون

لن تبلغ الحلقة قيمة محمود الفنية إلا ان غنا فيها محمود بنفسه ...

نشكر لهم شرف الحاولة والمشاركة .. فنحن نعلم ان محمود ميت .. لذلك لن تكون هنالك حلقة تتحدث عنه في قيمته الفنية

لسبب بسيط .. لان هذه الحلقة لن يغني فيها محمود عبد العزيز .. اغاني محمود عبد العزيز


نكتفي بالموجود .. ونشكرهم

تحياتي

سلامات عباس

والبحبو كله كريم

تصم وتفطر على خير


وربنا يرحم محمود

58 يوما لم اتذوق سجارة

كنت احسبني اقلعت عنه وتجاوزة مرحلة الخرمان .. حلقت الليلة جعلتني كالمجنون

خرمان هسع للدين


يا الله تعدي الليلة دي بخيرها


لو اتجاوزتها فقد اقلعت فعلا

Quote: حسب علمي هذه الاغنية هي التي ادت لتاخير عرض حلقة محمود في برنامج اغاني واغاني فالاغنية صاحبها فنان من اولاد عطبرة وكان اخد قرار حسب ما اعلم بان لا يؤديها محمود

وكما يقـول حسن موسى: وماذا نعمـل مـع الشعـراء؟ نعــم يا وليد وحسب ما عرفت كان مخطط أن تكـون هذه هي الحلقة الأولى، لكـن الشاعر (تاج السـر العمـدة) لم يمنع محمـود من أداء الأغنية، لكنه طلب مبلغ تعجـيزي ليسمـح بتسجيلها للبرنامـج وذلك قبل بث الحلقة بقليل ما سـبب كثير من الدربكة والإستياء وقلب للبرمجة الخ..
مسألة الشعراء الذين يمنعوا الفنانين من أداء أغانيهم أو يمنعوا تسجيلها للتلفزيون للأسبابا المادية كترت في الفترة الأخيرة، وآخرها عـدم تسجيل أغاني الشاعر محمد يوسف موسى في برنامج صلاح بن البادية بالشروق.. أؤكد حق شاعر بقامة محمد يوسف الكامل في الحصول على مقابل مادي يستحقه عن أعماله الروائع ولكـن أن يحرم المشاهد من العمل والفنان من أدائه فدي مسالة دايرة إعادة نظـر وقوانين واضحة حتى لا يحصل من حصل سواء كان طلب الشاعر غير معقول او كان عرض التلفزيون أقل من المعقول..

عارف يا حبيب الحلقة دي المفاجأة الوحيدة بالنسبة لي هي انه محمود عليه رحمة الله عنده ولد كبير ما شاء الله
انا كنت مفتكر عنده الاتنين الصغار ديل بس

ما شاء الله

لكن اخير ليه يفك درب الغناء

ماف طريقة يا عيسى تتصور

فالشاعر هو صاحب الحق الاصيل .. والفنان يعد احد اصحاب الحقوق المجاورة

الكلام ده في كل قوانين الملكية الفكرية

أخ / وليد والمتداخلين -- رمضان كريم
رحم الله محمود عبد العزيز رحمة واسعه وأسكنه فسيح جناته ............
نحن في شهر كريم علينا التأمل في معنى هذه الآيات :
" يَا أَيُّهَا الَّذِينَ آمَنُوا لا تُلْهِكُمْ أَمْوَالُكُمْ وَلا أَوْلادُكُمْ عَن ذِكْرِ اللَّهِ وَمَن يَفْعَلْ ذَلِكَ فَأُولَئِكَ هُمُ الْخَاسِرُونَ وَأَنفِقُوا مِن مَّا رَزَقْنَاكُم مِّن قَبْلِ أَن يَأْتِيَ أَحَدَكُمُ الْمَوْتُ فَيَقُولَ رَبِّ لَوْلا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُن مِّنَ الصَّالِحِينَ وَلَن يُؤَخِّرَ اللَّهُ نَفْسًا إِذَا جَاءَ أَجَلُهَا وَاللَّهُ خَبِيرٌ بِمَا تَعْمَلُونَ"

الله يرحمك يا محمود

اميييييييييييييييييييييين يا يس

الاخ احمدونا

ربنا يرحمنا ويلطف بينا

امييييييييييييييين

و الله يا وليد الحلقة كانت باهتة و لا تشبه محمود
و بالله عليكم زول يقول لي فرفور ده إنو محمود ده ماكان عزيز عليكـ أكتر من ما كان عزيز علي أولادو و منظركـ الليلة ما كان حلو
الحاجة التانية فهمنا إنو مصعب شارك في الغناء لكن ما الفائدة من وجود حاتم و حنين ؟

مرحب خالد

ليس في الامكان افضل من الذي كان

طالما انه المقياس القايسين عليه هو محمود

ما حا تعجبنا اي حلقة عنه .. بغنوا فيها ناس تانين

Quote: الكلام ده في كل قوانين الملكية الفكرية

أعـلم يا وليد، لكـن ما قصدته إنو جهات الإختصاص مثل المصنفات وإتحاد الفنانين وإتحاد شعراء الأغنية الخ يعملوا على سبيل المثال قانون شبيه بما كانت تطبقه الإذاعة زمان وتصنف الفنانين لدرجات وبالتالي تحدد أجورهـم فليكن هناك تصنيف أو جهة تقوم بتحديد التعويض المناسب مـع الشاعر المعين والأغنية المعينة أو الفنان المعين او القناة أو البرنامج الخ عشان الموضوع ما يبقى وكأننا في زريبة المواشي ويفتح الله ويستر الله وباركوها الخ..

كلامك سليم يا عيسي
نحن المستمعين المتضرر الاول

المغنين ذاتهم مفروض يبطلوا طمع .. طالما انهم بتكسبوا من الغنى ده .. مفروض يدو الملحن والشاعر حبة من الكيكة .. حبببببببببببببة ما كتير

سلام طارق جبريل ..

Quote: عارف يا حبيب الحلقة دي المفاجأة الوحيدة بالنسبة لي هي انه محمود عليه رحمة الله عنده ولد كبير ما شاء الله انا كنت مفتكر عنده الاتنين الصغار ديل بس

وبرضو كمان عندو إتنين كبار توأم أسمهم تقريبا العباس ورامي .. لو ما اكبر من مصعب دا قد يكونوا قدرو ..!

شكرا

للقامة الاستاذ الاب السر قدور على



هذا الابداع


ربنا يرحم محمود

ويجعله من اصحاب الجنة ان شاء الله




محمد الطيب

اميييييييييييييييييييييين محمد الطيب

وسعيدين بالطلة

اسعدنا مرورك ناذر

Quote: شكرا طه

وشكراً ياوليـد..




ـــــــــــــــــــــــــــــ..
الحلقة مابطالة خاصة كلمة السر قدور في البداية فقد انصف محمود عبد العزيز أيما انصاف ووضعه في مكانه المستحق كرقم في مسيرة الأغنية السودانية ..
خرب الحلقة وضرس بالغناء الود المفلفل شعرو دا .. الزول دا غايتو مشروع فرفور ممتاز " الريحنا وكويس انه ما ازعج المشاهدين " ..
اعتقد طه سليمان هو من انقذ الحلقة فنياً :)

الاخ وليد والمتداخلين ...

السلام عليكم ...... ورحمة الله وبركاته ,,,

اعتقد ان هذه اسواء حلقه من بداية رمضان .... وعملوها كلها بكاء ....
وكان الافضل .. من الجميع الجلوس في بيوتهم
ويكتفي السر قدور بعرض تسجيلات محمود عبد العزيز القديمه ...

انا عن نفسي لم اكمل المشاهده وفضلت الخروج من المنزل لانو ضغطتي ارتفع ....
الله يرحم محمود عبد العزيز ... وجميع موتى المسلمين

رمضان كريم يا شفت..........

الله يرحم الحوت.........وفاء جميل من الكل.......

شكرا يا حوت لقد جمعتنا...........

وليد ياخي مشتاقين و رمضان كريم و كل سنه و انت طيب

الحلقة عن محمود جاءت بي طريقة البرنامج التقليدية في التأبين و صراحة كانت باهته الا من المشاعر التي اججتها المقاطع التي ظهر فيها الراحل
محمود لن يعيش في شاشات التلفزيون او الاذاعة، فقد ترك الدنيا الزائلة و رحل عند كريم عزيز غفور ... و لكنه سكن القلوب التي ما زالت دامية.
صراحة لم استطع مواصلة مشاهدة الحلقة

رحمك الله يا محمود

..
رمضان كريم ياشباب

الحلقة كانت جيدة برغم اداء الراحل محمود المتميز لاغانيه
وتمنيت لو كانت اولي حلقات اغاني واغاني وفاءا من قناة النيل الازرق ومعدي ومقدم ومغنيي البرنامج للراحل محمود
وببركة هذا الشهر فلنسأل الله ان يتقبله قبول حسن ويحسن مثواه

مع ودي
واحترامي

الله اكرم يا محمد عوض

اميييييييييييييييييييييييييييييييين
ربنا يعوضه شبابه الجنه


يديك العافية

ناصر مشتاقين والله
وكل عام وانت بخير

ربنا يرحم محمود

ود اب كدوك

ربنا يرحمو ويعوضنا فيه

تحياتي

سلامات محمد مجيدو


مارفع ضغطك هو البون الشاسع بين الحوت والاخرين .. لكن نقول شنو كل ميسر لما خلق له

ونشكرهم على المحاولة

تسلم حيدر الزين فعلا طه كان مميز

تحياتي

سلامات ياحبيب

ورمضان كريم تصوموا وتفطروا علي خير

عكس الكثيرين

اتفق معك تماما في ....شكرا اغاني واغاني وشكرا السر قدور

ياها دي امكانياتنا وياهو ده الشي الوحيد البنعرفوا

نكرم الزول بعد موتوا.....

الحلقة ناجحة بكل المقاييس

انصف قدور محمود ووضعه في المكان الذي يستحقه في خارطة الغناء السوداني

حاول الجميع واجتهد ليعبر عن حزنه وفقده للحوت

بس في الحتة دي ... فرفور ما اداها كوز ... ده رماها جوه الزير عدييييييييييييل......!!!!!

شكرا طه سليمان للابداع في الفات زمان

نقول لمصعب محمود

يابني الفن لايؤرث ... ممكن تغني بس زح من درب ابوك لانك ماااااااااابتقدر....!!!!!

نقول لفرفور ياخي بالغت....!!! وظهرتها عااااااااااااااااااااملة .....!!!!

وفي واحدة من البنات عاوزة تتشق من البكاء بس من غير دموع....!!!!

عموما

الرحمة والمغفرة للحوت الذي لايموت

والشكر الجميل لقناة النيل الازرق والشفيع وقدرو .

وياخي مشتاقين

سلام يا شفت و رمضان كريم
الحلقة دي و كل الزمن الجاي الح يتغنى فيهو غناء محمود حيوري الناس شنو و منو محمود

الف رحمة و نور له بهذا الشهر الكريم ربنا يديهو الجنة و يقبله القبول الحسن .

ود جبرين

Quote: رحم الله الحوت يا فردة الحلقة كانت اقل بكثير من قيمة محمود الفن لاااااااااااااااااا يورث

الفن لو كان يورث كنا اجزنا في بحري اصوات اولاد خالك ابودية رحمة الله عليه بالغناء

رمضان كريم ياوليد
غايتو ياصاحب الحلقة دي فقط اكدت لينا انو محمود مااااااا بتلحق واحسن يزحو منو بعيد

ولد محمود اقترح عليهو انو يشوف ليهو منشط تاني

Quote: وبرضو كمان عندو إتنين كبار توأم أسمهم تقريبا العباس ورامي .. لو ما اكبر من مصعب دا قد يكونوا قدرو ..!

والله يا ناذر دي كلها معلومات جديدة علي
ربنا يرحمه ويوسده الباردة