Post: #1
Title: عاصم البنّا..بلا وإنجلا..
Author: عمر الفاروق
Date: 07-10-2013, 09:29 PM
Parent: #0
وضح بما لا يدع مجالاً للشك من خلال الحلقة الأولى من برنامج أغاني وأغاني إنو عاصم البنا كان السوسة التي تنخر في جسم البرنامج حتى كاد أن يسقط وينهار بنيات سنوات طويلة ..
بعيداً عن أصوات وأداء الفنانين لفت نظري الجو العام المريييح في عدم وجود عاصم البنا ..كل الفنانين تقريباً تشعر بيهم بلا رقيب ولا حسيب وكل زول بيغني مرتاح بدون ضغوطات عن نفسي كنت أشعر إنو عاصم البنا كان سبب رئيسي فيها..
عاصم البنا كتيير المقاطعات وكتيير التداخل وفي كتييير من الأحيات بيدخل على الفنانين يبووظ ليهم غناهم ويشاركهم في أعمالهم ..
انا متأكد الحاجة اللي خلت البت فاطمة دي الناس تشوفا أدت بي صورة ممتازة إنها بدت الأغنية من طقطق للسلام عليكم بدون ما زول يقاطعا..وأكاد أجزم بل أحلف ليكم لو كان عاصم موجود كان تداخل معاها بي أي صورة ..
عاصم واضح جداً إنو يمتلك نفسية متعجرفة وفي نفس الوقت نفسية غيورة ما بتحب إلا نفسها وما بتساعد الاخرين ..
ما عارف وما ملم بي أسباب إبعاد عاصم البنا لكن اتوقع إنها كانت ضربة معلم لعودة البرنامج بي روح جديدة مفعمة بالحب والتجاوب بين الفنانين الشباب ديل..
وأتمنى إنو الروح دي تستمر لحدي نهاية الحلقلات وإن كان ح يشوهها بعض الشئ إستضافة فنانين كبار يجبرونا على سمع اغانيهم مشتركة ..
عاصم البنا كان بيفرد عضلاتو على أساس إنو أكتر زول ملم بي تاريخ الاغنية السودانية والحقيبة ..كثيرا ما يتداخل مع السر قدور وكثيرا ما يتقاطع مع الفنانين ..
عن نفسي وما عايز أبالغ ليكم لكن إنقطعت تماااماً عن برنامج اغاني واغاني في السنوات الاخيرة والسبب الرئيسي كان وجود عاصم وإحتكاره وإختياره للأغاني اللي بيشوف إنها هي الأجمل والأكتر رواجاً وبيستلما.. فقط في الفترة الاخيرة كنت بتابع الحلقات الفيها الكائن الخرافي محمود عبد العزيز رحمة الله تغشاه في الشهر الكريم ده..
في عدم وجود عاصم وبدون ما أشعر لقيت روحي بحضر في البرنامج بدون ملل وبدون رتابة وفي تشويق كاامل للاغنية الجاية ممكن يغنيها منو وكيف..
قد يكون ده شعور شخصي البوصف ليكم فيهو ده وقد يتفق معاي عدد من الناس لكن شعوري العام بيقول إنو عاصم كان خميرة العكننة في هذا البرنامج..
عاصم البنا ..بلا وإنجلا..
|
Post: #2
Title: Re: عاصم البنّا..بلا وإنجلا..
Author: مرتضى احمد عبد القادر
Date: 07-10-2013, 09:50 PM
Parent: #1
رمضان كريم يا عمر
طلعت عصام البناء هيثم مصطفى بتاع البرنامج (لسان ممدود)
ناس أغاني وأغاني اتلومو خالص خالص .. أقلاهو الحلقه الأولى مفروض تكون عن محمود
|
Post: #3
Title: Re: عاصم البنّا..بلا وإنجلا..
Author: cantona_1
Date: 07-10-2013, 11:16 PM
Parent: #1
| Quote: في عدم وجود عاصم وبدون ما أشعر لقيت روحي بحضر في البرنامج بدون ملل وبدون رتابة وفي تشويق كاامل للاغنية الجاية ممكن يغنيها منو وكيف.. |
وأنا يا عمر الفاروق عكسك تماماً .. مما لقيت عاصم البنا غير موجود قفلت التلفزيون وخليت المشاهدة.
قديماً قيل: لولا إختلاف النظرات لبارت السلع. والغناء سلعة برضو.
تحياتي.
كبـّاشي الصـّـافي
|
Post: #4
Title: Re: عاصم البنّا..بلا وإنجلا..
Author: دينا خالد
Date: 07-11-2013, 00:28 AM
Parent: #3
الفاروغ رمضان كريم ياخ !
طواااالى قايم بى نمرة 4 ؟؟
عاصم البنا هو عاصم البنا ..
مكاواتك ومطاردتك ليه ما بتنقص شى ..
والبوست دا خير دليل على افتقادك ليه ..
وبكاك عليه ... وجرستك
ما تخجل ... صارح عاصم
قول لى افتقدناك ياخ .... ما فوكا حاجة ..
عاصم هو الذى يضيف لاغانى واغانى وليس العكس ...
ــــــــــــــــــــــــــــ
قال السر قدور قال ... هو دا بخلى زول يقاطعوا ...
راصيهم ذى الفصل والالفة .. مش كويس عاصم كان بطلع من الرصه ؟
بوستك دا كان عايز زول ينزل ليك ضحكة السر لى بش بش ديك
انا عمرى كضبت عليكم ؟...... لا
طول عمرى غشيتكم ..... لا
فى يوم بريتكم .... لا
يوم عليتكم ؟ لا
ها ها ها هاهههههاااااااا ....!!!
|
Post: #5
Title: Re: عاصم البنّا..بلا وإنجلا..
Author: امجد الجميعابى
Date: 07-11-2013, 00:37 AM
Parent: #4
عمر الفاروق سلام و تحية
اتفق معك تماما فقد اكتسب البرنامج القا و جمالا و اريحية
كان فى امس الحوجة اليها فسبحان الله قد سرت فيه الروح من جديد.
الاخت دينا اتفاقى مع عمر ما بمنع انى انزلك فيديو الضحكة البتريحنى
فى حنانى بعد كذب السيد الرقيص.
هذا مع التحية
|
Post: #6
Title: Re: عاصم البنّا..بلا وإنجلا..
Author: علاء سيداحمد
Date: 07-11-2013, 00:49 AM
Parent: #5
| Quote: عاصم البنّا..بلا وإنجلا.. |
تحامل في غير موضعه
|
Post: #7
Title: Re: عاصم البنّا..بلا وإنجلا..
Author: ALGARADABI
Date: 07-11-2013, 01:02 AM
Parent: #6
يوم تسجيل الحلقة الأولى عاصم كان في عزاء
بس أبشرك
من الحلقة الجاية عاصم قاااااعد
ممكن تشوف يا ملك في الشروق
ولا بنات حوا في قون
وكان قايل بتهدينا من الزول ده لا لا لا لا
ماااااااا هدوني
|
Post: #8
Title: Re: عاصم البنّا..بلا وإنجلا..
Author: امجد الجميعابى
Date: 07-11-2013, 01:02 AM
Parent: #6
Quote:
Kamal Hassen · يعمل لدى Jeddah, Saudi Arabia
والله كلامك صاح يسلم فمك !!!!
رد · 1 · أعجبني · متابعة المنشور · منذ 3 ساعات
Salma Salama · الأكثر تعليقا · Cedar Crest College
عمر يافاروق شكرا ياخ ريحتنى راحة والغريبة انى ما من انصار البرنامج دا بسبب فرفور وعاصم وعصام كنت بشوفو فى اليوتيوب ولمن اكون خرمانة لنادر ولا حودة وبسمعهم والصورة مقفولة خشية ان ينط واحد من المذكورين اعلاه والحمد لله بعد وفاة نادر ومحمود بقى ما عندى ليهو روح ولا بشوفو
رد · أعجبني · متابعة المنشور · منذ 5 دقائق |
|
Post: #9
Title: Re: عاصم البنّا..بلا وإنجلا..
Author: صديق_ضرار
Date: 07-11-2013, 01:03 AM
Parent: #5
كل عام وأنتم جميعا بخير ورمضان كريم
يا عمر الفاروق ما تزعل يا أخى إن شاء الله حسب ما أعلن قدور قرب نهاية الحلقة أن
هنالك بعض الأخوة الفنانين لم يحضروا هذه الحلقة وسينضمون من الغد إلى الحلقات
وسيشاركوا ( مشاركة فعالة ) فى البرنامج - فعالة دى ياعمر زى ما إنت بتطلب
نتمنى لك مشاهدة واستماع هانىء
سلام
|
Post: #10
Title: Re: عاصم البنّا..بلا وإنجلا..
Author: سامى عبد الوهاب مكى
Date: 07-11-2013, 06:23 AM
Parent: #9
كورتك فكت يا فردة..و رمضان كريم
|
Post: #11
Title: Re: عاصم البنّا..بلا وإنجلا..
Author: مازن فيصل هلال
Date: 07-11-2013, 06:37 AM
Parent: #10
سلام و رمضان كريم
انا اتفق معك 100 * 100,,, و صراحة يا عمر عبرتا عني ... و خاصة بعد موضوع مسابقة تونس دييييك
بس كلام الشباب الفوق دا ماااا مطمن ... اظن انو الزول دا و زي ما قالو الشباب يجينا ناطي في اي حلقة .... اتوقع منو اييي شي
----------------------------------------------------------------------------------------------------
موقفك من عاصم دا زكرني موقفي في (الدوام) مع واحد مصري كدة ... ياخ دا الهم اني صايم انا بشمو بمقدار شمتك لود البنا دي 10 اضعاف ... فاليوم البتاوق و بشوفو مافي بشعر براحة و اريحية عالية جدا ... علي الرغم من اني كاسر عينو!
|
Post: #12
Title: Re: عاصم البنّا..بلا وإنجلا..
Author: الشيخ سيد أحمد
Date: 07-11-2013, 06:38 AM
Parent: #10
سلام عمر الفاروق
رمضان كريم .
مع اني ما شفت اول حلقه من اغاني واغاني ...لكن خليني أشكرك على الخبريه الحلوه النقلتها لينا .
تحياتي.
|
Post: #13
Title: Re: عاصم البنّا..بلا وإنجلا..
Author: abas
Date: 07-11-2013, 06:40 AM
Parent: #12
والله يا ود الفاروق نحيك علي الكلام الحلو ده
ياخ زول عامل بغني الاغنيه احسن من سيدها زيو كده مال لاقاني ومن يقعد يكورك تاني خلاص لم في الاغنيه المهم السنة الجايه عقابل فرفره صريخ ده
|
Post: #14
Title: Re: عاصم البنّا..بلا وإنجلا..
Author: وليد محمد المبارك
Date: 07-11-2013, 07:31 AM
Parent: #13
كدي خليك من عاصم .. كتابة ابوه والفن المتاصل في اسرته بشفع ليه
حضرة البرنامج بتاع سعد الدين امبارح ..
لو ما حضرتو نص عمرك فات
ياخ سعادة دي عاوزه ليها بوست براها
_____________
الصراحة دينا رشتك 
|
Post: #15
Title: Re: عاصم البنّا..بلا وإنجلا..
Author: ود الباوقة
Date: 07-11-2013, 07:32 AM
Parent: #13
التحية لعاصم البنا ملك الابداع.. رحم الله العم جمعة جابر...الفاروق كيفنك يااخوي
|
Post: #16
Title: Re: عاصم البنّا..بلا وإنجلا..
Author: محمد عبدالرحيم
Date: 07-11-2013, 07:50 AM
Parent: #15
ياراجل قول كلام غير كده
وبعدين مشيت وين 
عاصم البنا فنان لا يشق له غبار
|
Post: #17
Title: Re: عاصم البنّا..بلا وإنجلا..
Author: عمر الفاروق
Date: 07-11-2013, 08:06 AM
Parent: #16
يا مرتضى
رمضانك كريم ..
عارف أجمل حاجة عملا السر قدور ده إنو ما بدا بي محمود وكنت بتمنى إنو ما يجيب سيرتو طيييلة حلقات رمضان دي..
محمود ما جزء من برنامج أغاني وأغاني وظهوره كان عابر في البرنامج واسر قدور لم يقييم محمود التقييم الحقيقي وكذلك أنصاف الفنانين امثال عاصم ..
حاولوا يعزلوا محمود ويدمروه من خلال البرنامج ده ورغم عن كده جعل الله كيدهم في نحرهم فكان محمود العلامة الفارقة في كل عمل أداه..
السر قدور يتعامل بطريقة الشلليات والمصالح ووقتها كان عاصم يمثل الدراع اليمين لي قدور في تنفيذ مخططات البرنامج والسهيلات اللي بتتم والتجاوزات اللي بتحصل فيهو ..
ياخ ناس ما أكرمو نادر خضر اله يرحمو العمود الأصيل في البرنامج سوى بي حلقة لبسو فيها الأسود ثم إدعوا الحزن في تمثيلية بااايخة الإخراج ليعودو بعدها للضحك والقرقرة فكيف تتوق منهم إكرام من شارك لمدة ساعتين في البرنامج؟؟
|
Post: #18
Title: Re: عاصم البنّا..بلا وإنجلا..
Author: سيف الدين محجوب
Date: 07-11-2013, 08:09 AM
Parent: #16
أُخالفك الرأي أخي
عاصم ،،، قامة وركيزة أساسية في أغاني وأغاني
المرض ،،، قريبو أبشعراً مفتل داك
يا أخي ،،،،، إناااااااااا لله
هو وحمد اريح في سرج واحد
مودتي
|
Post: #19
Title: Re: عاصم البنّا..بلا وإنجلا..
Author: omer osman
Date: 07-11-2013, 08:13 AM
Parent: #18
| Quote: ياخ ناس ما أكرمو نادر خضر اله يرحمو العمود الأصيل في البرنامج سوى بي حلقة لبسو فيها الأسود ثم إدعوا الحزن في تمثيلية بااايخة الإخراج ليعودو بعدها للضحك والقرقرة فكيف تتوق منهم إكرام من شارك لمدة ساعتين في البرنامج؟؟ |
صحيح ياعمر ، وعلى صعيد اخر ماقسيت شديد على عاصم البنا !!!
|
Post: #20
Title: Re: عاصم البنّا..بلا وإنجلا..
Author: عثمان دغيس
Date: 07-11-2013, 08:37 AM
Parent: #19
تعرف يا فاروغ ..
المكرهني ومكره ناس كتااااار في عاصم ده العجرفة الفارغة دي ....
وتحس بيهو عامل فيها أصلا جيمس لاست وناس باخ ديل هو العلمهم الصولفيج ...
مع إنه ما فاهم التكتح في المزيكا وياهو غنا الدوبيت والغنا الشعبي بتاع ناس فرفور وأمثالهم ....
بس الفرق إنو فرفور محبوب في بساطتو وعارف محدودية الشي البسوي فوقو ده ....
زولك ده عندو صوت درااااااش كده ....
يعني زي الدقيق الما مطحون كويس وناعم ...
يفتقد رخامة الصوت ..
وقبل ده ما عندو خيال موسيقي ولحني بي تعريفة ...
بعدين تحس بيهو فاهم إنو الغنا ده جزء من الرجالة كده ولا شنو ما عارف ..
لأنو بتلقاهخو معسم كده ومعسم ليك الإضنين المجبورة تسمعوا دي ...
والله أنا واجعني صديقي الراجل الفنان البيشتغل معاهو أكورديون ...
عز الدين الطاهر ...
شكرا يا فاروق فشيتنا ياااااخ
|
Post: #21
Title: Re: عاصم البنّا..بلا وإنجلا..
Author: MOHAMMED ELSHEIKH
Date: 07-11-2013, 08:56 AM
Parent: #20
| Quote: وكذلك أنصاف الفنانين امثال عاصم |
انا عندي عاصم فنان مكتمل وزيادة كدى 10%
عاصم افضل من يغني اغاني الغير بصورة افضل منهم
انكلودنق كبار فنانينا
ياعمر عندك منطلق شخسي؟؟؟؟
ماهو برضو امدرماني وكدى
حرررام عليك في الشهر الفضيل دا
------------------------------------
انا ما من اهل الفن
لكن كنت حافظ اغاني الطيب عبد الله كلمات ولحن وموسيقى وانا في تالتة اولية
|
Post: #22
Title: Re: عاصم البنّا..بلا وإنجلا..
Author: عمر الفاروق
Date: 07-11-2013, 08:59 AM
Parent: #20
يا كانتونا ..ياخ واضح جداً إنو نحن مختلفين في حاجات كتيييرة ويا قول الجكس كيميتنا مااا واحدة :)
اللهم إلا في قصة حب مانشستر يونايتد دي ..
|
Post: #23
Title: Re: عاصم البنّا..بلا وإنجلا..
Author: عمر الفاروق
Date: 07-11-2013, 09:06 AM
Parent: #22
دينا ال خالد ..
رمضانك كريم وتفطري على خير..تصومي دي مااا أظن ..
الغريبة الواحد أصصصلو ما يتكّل عليك في حاجة ..زمان شبكتيني خش أبدا لي النضم عن عاصم وانا بجي أرشو ليك ..فإذا بك ترشيهو بي الريفدور وبت السودان ..
عاصم البنا خصم على برنامج اغاني واغاني بتكراره لنفسه وكنكشته على الحضور الدائم والإصرار على لعب الدور الرئيسي في البرنامج..
وزمااان عندنا مثل ميكانيكي بحت بيقول مساعد الياي عمممرو ما ح يبقا ياي ..
|
Post: #24
Title: Re: عاصم البنّا..بلا وإنجلا..
Author: حيدر حسن ميرغني
Date: 07-11-2013, 09:17 AM
Parent: #23
وبما اني رابط ذائقتي الغنائية واي حاجة عندها علاقة بالموسيقى بأضان عمر النضيفة
برضو بقول البَنا .. بلا وإنجلا ...
|
Post: #25
Title: Re: عاصم البنّا..بلا وإنجلا..
Author: محمد علي البصير
Date: 07-11-2013, 09:26 AM
Parent: #22
ود الفاروق أتفق معك بلا حدود ـ ياخ الزول دا لو كان عندو خامة صوتية زي أسامة الشيخ ما عارف كان عمل شنو فينا
Quote:
وضح بما لا يدع مجالاً للشك من خلال الحلقة الأولى من برنامج أغاني وأغاني إنو عاصم البنا كان السوسة التي تنخر في جسم البرنامج حتى كاد أن يسقط وينهار بنيات سنوات طويلة ..
بعيداً عن أصوات وأداء الفنانين لفت نظري الجو العام المريييح في عدم وجود عاصم البنا ..كل الفنانين تقريباً تشعر بيهم بلا رقيب ولا حسيب وكل زول بيغني مرتاح بدون ضغوطات عن نفسي كنت أشعر إنو عاصم البنا كان سبب رئيسي فيها..
عاصم البنا كتيير المقاطعات وكتيير التداخل وفي كتييير من الأحيات بيدخل على الفنانين يبووظ ليهم غناهم ويشاركهم في أعمالهم ..
انا متأكد الحاجة اللي خلت البت فاطمة دي الناس تشوفا أدت بي صورة ممتازة إنها بدت الأغنية من طقطق للسلام عليكم بدون ما زول يقاطعا..وأكاد أجزم بل أحلف ليكم لو كان عاصم موجود كان تداخل معاها بي أي صورة ..
عاصم واضح جداً إنو يمتلك نفسية متعجرفة وفي نفس الوقت نفسية غيورة ما بتحب إلا نفسها وما بتساعد الاخرين ..
ما عارف وما ملم بي أسباب إبعاد عاصم البنا لكن اتوقع إنها كانت ضربة معلم لعودة البرنامج بي روح جديدة مفعمة بالحب والتجاوب بين الفنانين الشباب ديل..
وأتمنى إنو الروح دي تستمر لحدي نهاية الحلقلات وإن كان ح يشوهها بعض الشئ إستضافة فنانين كبار يجبرونا على سمع اغانيهم مشتركة ..
عاصم البنا كان بيفرد عضلاتو على أساس إنو أكتر زول ملم بي تاريخ الاغنية السودانية والحقيبة ..كثيرا ما يتداخل مع السر قدور وكثيرا ما يتقاطع مع الفنانين ..
عن نفسي وما عايز أبالغ ليكم لكن إنقطعت تماااماً عن برنامج اغاني واغاني في السنوات الاخيرة والسبب الرئيسي كان وجود عاصم وإحتكاره وإختياره للأغاني اللي بيشوف إنها هي الأجمل والأكتر رواجاً وبيستلما.. فقط في الفترة الاخيرة كنت بتابع الحلقات الفيها الكائن الخرافي محمود عبد العزيز رحمة الله تغشاه في الشهر الكريم ده..
في عدم وجود عاصم وبدون ما أشعر لقيت روحي بحضر في البرنامج بدون ملل وبدون رتابة وفي تشويق كاامل للاغنية الجاية ممكن يغنيها منو وكيف..
قد يكون ده شعور شخصي البوصف ليكم فيهو ده وقد يتفق معاي عدد من الناس لكن شعوري العام بيقول إنو عاصم كان خميرة العكننة في هذا البرنامج..
عاصم البنا ..بلا وإنجلا..
|
أستاذنا رغيم ـ كلام مظبوط 100% ـ عاصم منح مساحة في الاعلام لا يستحقها البت ، إمكانتو عادية للغاية ، وفي عشرات الأصوات أفضل منو ، لم تمنح فرص في الظهور القنوات الفضائية
لكن الواسطة تلعب دور
أقول ذلك ويشهد الله الذي أتضرع لعفوه ورضاه وأنا في عز نهار رمضان أن رائي ليست ورائه أي دوافع شخصية ، أو تصفية حساب ، أو نصرة لأي طرف أخر
Quote:
مع إنه ما فاهم التكتح في المزيكا وياهو غنا الدوبيت والغنا الشعبي بتاع ناس فرفور وأمثالهم ....
بس الفرق إنو فرفور محبوب في بساطتو وعارف محدودية الشي البسوي فوقو ده ....
زولك ده عندو صوت درااااااش كده ....
يعني زي الدقيق الما مطحون كويس وناعم ...
يفتقد رخامة الصوت ..
وقبل ده ما عندو خيال موسيقي ولحني بي تعريفة ...
بعدين تحس بيهو فاهم إنو الغنا ده جزء من الرجالة كده ولا شنو ما عارف ..
لأنو بتلقاهخو معسم كده ومعسم ليك الإضنين المجبورة تسمعوا دي ...
والله أنا واجعني صديقي الراجل الفنان البيشتغل معاهو أكورديون ...
عز الدين الطاهر ...
شكرا يا فاروق فشيتنا ياااااخ
|
|
Post: #26
Title: Re: عاصم البنّا..بلا وإنجلا..
Author: حسبو عكاشة
Date: 07-11-2013, 09:37 AM
Parent: #25
عاصم البنا متعب ياخ
|
Post: #28
Title: Re: عاصم البنّا..بلا وإنجلا..
Author: saidahmed shami
Date: 07-11-2013, 09:50 AM
Parent: #26
| Quote: أستاذنا رغيم ـ كلام مظبوط 100% |
قصدك عثمان الدغيس صاح ؟
المهم اتفق معي عمر الفاروق فعلا كان فارض سيطرتوا علي البرنامج
المهم كفايه رد الحبيب عثمان الدغيس وهو من اصحاب الشى زاتو
|
Post: #27
Title: Re: عاصم البنّا..بلا وإنجلا..
Author: عمر الفاروق
Date: 07-11-2013, 09:45 AM
Parent: #25
أمجد يا جميعابي..
شكراً للإتفاق في الأحاسيس والمشاعير يا قول اللمبي ..ويبدو إنو ما كنت براي الحاسي الاحساس ده ..
علاء سيد أحمد :
الله لا جاب التحامل انا اتكلمت عن حاجة حسيتا وانا بتابع في الحلقة ..فهل لو مثلاً زول تاني جا شكّر عاصم تقول ليهو شكر في غير موضعه؟؟
تسلم يا حبوب..
يا قردابي :
أبددداً ما طمنتني والله ..خبرك خبر السواد ..بس فعلاً زي ما قلت الملك خيار أوول بل هو الأول حتتتى في عدم وجود عاصم البنا لكن أهو كنا لازم نتاوق ونحضر البرنامج في عدم وجود عاصم فدي فرصة لا تتكرر ..
|
Post: #29
Title: Re: عاصم البنّا..بلا وإنجلا..
Author: سيف اليزل الماحي
Date: 07-11-2013, 10:14 AM
Parent: #27
.
| Quote: عاصم افضل من يغني اغاني الغير بصورة افضل منهم |
ياخي سوبرمان لايستطيع أن يغني أغاني الغير أفضل منهم،
ربما يخال لك أنه كذلك،
لكن صدقني هذا محض إسترزاق دون وجه حق ولا شرعية، وتكسب بحقوق الآخرين!
في كل العالم لا تجد مثل هذا إلا في السودان!
ياكلو ويسافرو ويركبو السيارات الفارهة ويلمو في القروش بفضل أغاني الغير!!
عاصم افضل من يغني اغاني الغير بصورة افضل منهم
حديث مؤسف
،
|
Post: #30
Title: Re: عاصم البنّا..بلا وإنجلا..
Author: كمال سالم
Date: 07-11-2013, 01:53 PM
Parent: #29
* عاصم وقرقور وهسه أضاقو ليهم أبوطاقيه البكد المكرفون ده
* التلاته مجرد مؤديين وليسوا بمطربين .
* فرفور صوتو سخلى ( من سخله ) .
* والسر قدور وجودو فى البرنامج صار لا معنى له ( كمل العندو ) .
* حسين خوجلى ممكن يبدع فى البرنامج ده .
ولنا عوده ,, رمضان كريم للجميع .
|
Post: #31
Title: Re: عاصم البنّا..بلا وإنجلا..
Author: MOHAMMED ELSHEIKH
Date: 07-11-2013, 07:22 PM
Parent: #30
Quote: اخي سوبرمان لايستطيع أن يغني أغاني الغير أفضل منهم،
ربما يخال لك أنه كذلك،
لكن صدقني هذا محض إسترزاق دون وجه حق ولا شرعية، وتكسب بحقوق الآخرين!
في كل العالم لا تجد مثل هذا إلا في السودان!
ياكلو ويسافرو ويركبو السيارات الفارهة ويلمو في القروش بفضل أغاني الغير!!
عاصم افضل من يغني اغاني الغير بصورة افضل منهم
حديث مؤسف |
ماذا تقصد بالأرستزاق
كل فنانيك البتعرفهم غنو اغاني غير
ممكن تجيب لي فنان واحد لم يغني اغاني غير واكون ممتن ياسيفو.
عاصم يمتلك رصيد خاص لم يمتلكه الكثيرون من الاكبار والصغار
وعندما اقول اغاني الغير : اقصد الأغاني تغنى بمناسباتها
كأن يطلب منه في برنامج مثل اغاني واغاني اداء اغنية لفنان معين أو عندا يغني تكريما لأحد المتوفين.
عاصم ياسيدي لايسترزق من أغاني الغير لأنه غني عنها
أعجب باناس يحتفون بغياب عاصم ويحتفلون بوجود فهيمة!!!
|
Post: #32
Title: Re: عاصم البنّا..بلا وإنجلا..
Author: Salah Abdulla
Date: 07-11-2013, 08:10 PM
Parent: #31
رمضان كريم يا عمر ..
(الحئيئة يا عمر يبني ما خيبتش ظني فيك أبداً، ربونا يقبر بخطرك يبني)
شرحو...
هسي لو جبت سيرة مصطفى السني واللا ود ناس البادية، الناس دي تجيني بي عكاكيزا..
علماً بأني ما بحضر البرنامج ده في وقتو لمصادفة بثه للصلاة..
|
Post: #33
Title: Re: عاصم البنّا..بلا وإنجلا..
Author: عمر الفاروق
Date: 07-11-2013, 08:12 PM
Parent: #31
خلعتوووني الله يخلعكم .. اشييل واتلفت تحت الكنب بين العازفين خلف الكواليس قلت الول ده يجي ناطي .. الحمد لله لليوم اتاني على التوالي مشاهدة مريييحة لبرنامج أغاني وأغاني .. والله يكضب الشينة ..
|
Post: #34
Title: Re: عاصم البنّا..بلا وإنجلا..
Author: Salah Abdulla
Date: 07-11-2013, 08:44 PM
Parent: #33
السر وشو كان سكرتير الارتباطات في نادي جنوب..
ودالبنا يصلح لمثل هذه المهنة، لا أكثر..
يا عمر مصطفى السني كيف ( بدون عكاكيز )..
أنا غايتو ماسك في مكنة حب الناس مذاهب دي..
|
Post: #35
Title: Re: عاصم البنّا..بلا وإنجلا..
Author: عماد شمت
Date: 07-12-2013, 01:21 AM
Parent: #34
رمضان كريم ياعمر ...
الحمدلله ما بشوف تلفزيون السودان ولا بشاهد برامجه ..عشان نحافظ علي الدم بتاعنا ما يتجنن علينا
عمر الفتريته ما تبقي عيش!!! فكيف يكون فنان يؤدي اغنيه لفنان هو مالكها ومغنيها والناس سمعتها منه يكون اداءه احسن منه !!!
علماً بأني ما بحضر البرنامج ده في وقتو لمصادفة بثه للصلاة..
انت يا صلاح عبدالله بقيت مطوع واللا شنو!!! السر وشو راجل جميل من الزمن الجميل داك الانت عارفه ذكرتني ليهو الليله والله قريت الاسم
قلت ياسلاااااااااااااااااااام ياخ ياربي السر وشو وين وعامل شنو واخباره !!!!!
رمضانكم كريم وربنا يتقبل منكم صيامكم وقيامكم
|
Post: #36
Title: Re: عاصم البنّا..بلا وإنجلا..
Author: ABUHUSSEIN
Date: 07-12-2013, 08:31 AM
Parent: #35
عاصم البنا الأفضل في جيله غناء و تطريب و إجادة في كل جيله الأحياء منهم و الميتين ...
|
Post: #37
Title: Re: عاصم البنّا..بلا وإنجلا..
Author: اسماء الجنيد
Date: 07-12-2013, 11:13 AM
Parent: #36
سلام يا عمر ورمضان كريم عليكم وعلى الجميع
يا عمر عليك الله هدي اللعب شووووية
يا جماعة ما ممكن النقد يكون بناء و بدون تجريح ؟
بصراحة حكاية الكلام الجاف وخشن في نقد عام ما سليمة من وجهة نظري
عمر الفاروق انا عارفة روحك سلبة وكاوااااي ,, لكن ياخ راعي مشاعر الآخرين شوية
إختار مفردات تخص النقد البناء وليس المكاجرة
عاصم فنان له جمهوره وإنتاجه الخاص وصوته جميل يطرب الكثيرين
إن جيت للجد خلينا من اغاني واغاني
عاصم اكتر فنان بجيد اغاني الحماسة
التحيه له واسرته الكريمة
ولزوارك الكرام ورمضان كريم عليكم
|
Post: #38
Title: Re: عاصم البنّا..بلا وإنجلا..
Author: علاء سيداحمد
Date: 07-12-2013, 11:17 AM
Parent: #37
| Quote: عاصم البنا الأفضل في جيله غناء و تطريب و إجادة في كل جيله الأحياء منهم و الميتين ... |
لايك يا ابو حسين ورمضان كريم
|
Post: #40
Title: Re: عاصم البنّا..بلا وإنجلا..
Author: امجد الجميعابى
Date: 07-12-2013, 12:34 PM
Parent: #39
Quote:
Aziza Osman El Banna · The University of Khartoum
تصفية حساب قدييييم من بوست عصفور ....سنتين من الاحساس بالانهزام مؤلم ان شاء الله تكون اتفشيت .....عدا ذلك صورة بروفايلك تناسب شخصيتك تماما.......
رد · أعجبني · متابعة المنشور · أمس في الساعة 12:59 مساءً |
سئل الفاروق ان كان انفش و لا لا؟
و دا سؤال مشروع لو فى غبينة اصلا و يا ريت تجيبيلنا الرابط الليل بوست عصفور دا.
سنتين من الاحساس بالانهزام ديل عرفتيهن كبفن الا يكون هو قالك و الا تكونى دايرة تدافعى
بالعضل ساى و على اى حال دا ما المهم لكن المهم صورة بروفايل الفاروق و حسب كلامك
تناسب شخصيتو تماما فانا قدر ما اجتهدت فى الصورة دى لم اجد فيها ما يشى باى رسالة عشان
اقدر افهم حاجة و لا اطلع بحاجة تصدقى غلبنى كلو كلو فيا ريت تغششينا و تقولى لينا الصورة
التحتانية دى مالا و انت شخصية عمر عرفتيها وين و متين.
|
Post: #42
Title: Re: عاصم البنّا..بلا وإنجلا..
Author: عمر الفاروق
Date: 07-12-2013, 12:41 PM
Parent: #39
عاصم البنا أفضل من يجيد عن الحماسة ؟؟؟؟؟
دي غلبتني ابلعا لحد ما اصل للردود لكن بجيكم ..
ما هو يا اسماء يا جنيد يا إنتي ما سمعتي فنانين بيغنو غنا الحماسة يا كمان ما بتعرفي غنا الحماسة ..
بجيك ان شاء الله بالرد في كل كلامك ده يا اسموز..
|
Post: #43
Title: Re: عاصم البنّا..بلا وإنجلا..
Author: Yassir Tayfour
Date: 07-12-2013, 12:59 PM
Parent: #42
يا عمر البرنامج من ما تخلى عن أسرار بابكر فقد طعمو عندي، البرنامج عندي كان نادر خضر وأسرار بابكر وعصام محمد نور، بدون ترتيب.. لكن السنة دي البت الغنت يا طير يا طاير أدتني شيء من طعم أسرار بابكر ..
___
يا ريت لو محمود لم يظهر بهذا البرنامج..
|
Post: #41
Title: Re: عاصم البنّا..بلا وإنجلا..
Author: MOHAMMED ELSHEIKH
Date: 07-12-2013, 12:36 PM
Parent: #35
QUOTE]عمر الفتريته ما تبقي عيش!!! فكيف يكون فنان يؤدي اغنيه لفنان هو مالكها ومغنيها والناس سمعتها منه يكون اداءه احسن منه !!! |
الأستاذ عمر الشاعر لحن وفنان مكتمل
قا بتلحين كثير من الأغاني وسعناها منه
ولكنه احس ان زيدان يمكن أن يؤديها بصورة افضل فتركها له
وقس على ذلك
وقس على ذلك : السني الضوي ابن البادية
و ابن البادية نفسه فنان ولحن لغيره وقد يكون لحن لنفسه ولكنه شعر ان غيره يمكن ان يؤديها افضل منه
وقس على ذلك محمد مرغني والكابلي ووو القائمة تطول
ياخي انا عندي قناعة ان كثير من الأغاني لفنانين محددين تصلح لغيرهم
والغير ديل هم ناس عاصم البنا .... وزيد عليه كما عمار السنوسي
|
