شكرا اخى كوستاوى استمعت للفديو حتى النهايه وفعلا عجبنى وعملت لايكين واحد له والتانى لك انت لزوم اجر المناوله ورمضان كريم
Post: #14 Title: Re: الرجال (مواغف) - فيديو Author: زينب محمد عبدالله Date: 07-10-2013, 09:12 PM Parent: #8
كستاوى ازيك اشتكينى لى اى زول بس ما تشتكينى لى الله قلت لى بت قضيم............ أممممممممممممممم
يا سيدى انا اسفه لى تعليقى الجاب لى البلاوى وهى ما ناقصه اصلا السودانيين ديل شعب يموت فى الشكر بشكل عجيب...... انا غلطانه بعتذر... وزى ما بقولو امسحا لينا فى وشنا.... او بالعدم امشى محل صوره البروفايل
Post: #13 Title: Re: الرجال (مواغف) - فيديو Author: زينب محمد عبدالله Date: 07-10-2013, 08:24 PM Parent: #7
كتب المدعو ناذر :
لو ما الدنيا رمضان والناس صيام كان رديت عليك بي كلام خليتك تعرفي المياعة على أصولا !! .......... ......
ايوا انحنا دائما بنحب نعرف الاشياء من مصادرها واصولها ( ناسا ) يعنى ما بعجبنا النسخ وكدا
ثم ثانيا انت الله بسألك من صيامك ولا صيام الناس !!!!
واصل المدعو ناذر :
من ياتو كهف إنتي !!
الكهوف دى ما بنعرفها لكن ظاهر من الصوره انت من اهل الكهف
كتب المدعو ناذر :
دا شنو القرف دا ياخ !! اللهم إني صائم ..!!
بالله انت صايم !!! ولو كنت فاطر كيف يكون الحال ؟!!
هذه بضاعتك ردت اليك .... بطل شغل المهرجين واتكلم معانا بى احترام
واختلاف الاراء لا يفسد قضيه ......
اللهم انى فاطره فأغفر لى ذنوبى .....
Post: #12 Title: Re: الرجال (مواغف) - فيديو Author: زينب محمد عبدالله Date: 07-10-2013, 07:48 PM Parent: #5
الاخ ياسر طيفور
معليش حقك على ...الفكره فى حد ذاتها جيده وطريقه مبدعه فى كيفيه توصيل اى رساله او انتقاد للمسؤلين ... بس استغرابى كان فى طريقه الكلام ... بعتذر عن كلمه مياعه .... وشكرا لى النفس البارد فى الرد
Quote: كستاوى ازيك اشتكينى لى اى زول بس ما تشتكينى لى الله
تصومي و تفطري على خير قلتي لي الليلة ما صايمة!
أنا برضو واشنطون رمضانها بيبدأ بكرة
Post: #16 Title: Re: الرجال (مواغف) - فيديو Author: ناذر محمد الخليفة Date: 07-10-2013, 10:33 PM Parent: #15
!!!!!!
Quote: الله انت صايم !!! ولو كنت فاطر كيف يكون الحال ؟!!
!!!!!
Quote: لو ما الدنيا رمضان والناس صيام كان رديت عليك بي كلام خليتك تعرفي المياعة على أصولا !!
Post: #17 Title: Re: الرجال (مواغف) - فيديو Author: عمر نملة Date: 07-11-2013, 01:53 AM Parent: #16
سلام الفكره جميله والشاب تقمص اكتر من شخصيه وقد اجاد في احد المسلسلات الامريكيه ادى احدهم دور شخصيه انتهازيه ويتسبب في كثير من البلاوي. وكان رد الجمهور عند رؤيته في الاماكن العامه ان يقذفه باالبيض متناسين انه تمثيل في تمثيل ودا دليل على انه ادى الدور باتقان. ردة فعل الاخت زينب طبيعيه وهي خير دليل على نجاح فكرة الشاب. والاروع منها اعتذارها عن الكلمه التي اثارت غضب الاخ ناذر. البوست جميل ولكن مابين ردة فعل اختنا وثورة اخونا قد ينحرف البوست بين اثنينجميلين وحقانيين( حسب متابعتي ) خلوني واسطة خير وربنا يعظم صيام الشهر
Post: #18 Title: Re: الرجال (مواغف) - فيديو Author: محمد هاشم ابوزيد Date: 07-11-2013, 11:31 AM Parent: #17
رمضان كريم عليكم
الفكره جميله والتمثيل جيد ، بشويه خبره يمكن ان يضيفوا للكومبيديا الكثير وفقهم الله .
التحيه ليك كوستاوي وجميع المشاركين
Post: #19 Title: Re: الرجال (مواغف) - فيديو Author: محمد عبد الماجد الصايم Date: 07-11-2013, 12:11 PM Parent: #18
رمضان كريم يا خردة .. وكل سنة طيبين وشكرا لهكذا (مياعة)
)