هذا ما قالة والي نهر النيل الفريق الهادي بخصوص سد الشريك 2011 !!

ضمن خطابه التنويري بخصوص الاستثمار لمغتربي الولايه وبحضور الكثير من أبناء نهر النيل
عرج علي موضوع سدالشريك حيث قال انا مؤمن بالحوار واذا رفض اهل المنطقه قيام سد الشريك
فالقرار لهم ولكن المنطقه ح تظل كما هي ...وكما هي دي يعني من غير تطور وتنميه
الزمان مايو/ 2011 م
المكان السفارة السودانية الرياض
طيب سؤال .. فرضا قام سد الشريك وتم تهجير أهل المنطقه اين التنميه ولمن يكون التطور؟؟؟
تحياتي

Quote: واذا رفض اهل المنطقه قيام سد الشريك فالقرار لهم ولكن المنطقه ح تظل كما هي

أهل المنطقة ؟

هو السودان كله رفض وجودكم

دعوه يظل كما هو

Quote: أهل المنطقة ؟ هو السودان كله رفض وجودكم دعوه يظل كما هو

سلام المسافر
نحن طبعا مع دعوه يظل كما هو
تحياتي

عثمان احمد من الفيس

Quote: · Amarah اخي حسن مختار تحيه طيبه الوالي السابق المجذوب كم كان ######ا في هذا اللقاء القول ان الباوقة سوف تظل كما هي كيدا في اهلها لرفضهم التهجير وهكذا هي سياسه الانقاذ

عليكم السلام والرحمه عثمان احمد
احمد المجذوب والفريق الهادي وجهان لعملة واحدة
احمد المجذوب مفتري وببرز عضلاته لغاية نال ماناله اما الفريق الهادي عايز يطبخ علي نار هادئه
لكن برضو الناس صاحيين ليهو
ياعثمان الفيديو والصور الجبتها عملت ضجه اعلامية علي كافة المنابر نرجو ان تواصل
تحباتي

منقول من منتدي الباوقة .. هشام الدرديري..ودا تصريح سابق 2010

Quote: في جريدة الصحافة عدد الأحد 26/9/2010 هناك لقاء مع الوالي الفريق الهادي عبدالله ,حاوره في الدامر الصحفي امين احمد ,وهذا جزء من الحوار الذي يخصنا بمشروع سد الشريك اذا تحدثنا عن سد الشريك ماهي الدواعي الاقتصادية مع توفير معطيات بأن الولاية ليس بها مشكلة كهرباء وفقا لافادتكم الي جانب افادة المختصين في الري والتي تشير الي ان المياه في نهر عطبرة ستشهد زيادة بعد اقامة سدود في الهضبة الاثيوبية لانتاج الكهرباء؟ هنالك مشكلة كهرباء في البلاد ونحن نساهم بقدر معين في التنمية العامة والاقتصاد الكلي للوطن وهنالك مشكلة مياه والعالم كله مقبل علي صراع مياه والسدود تحفظ كمية كبيرة من المياه تزيد من الموجود في المنطقة وتؤثر في البيئة نفسها. *لكن الجدوي الاقتصادية لسد الشريك تبدو غير واقعية اذا نظرنا الي الأراضي التي ستغمرها المياه والتي تقدر بحوالي 145كيلو متر من الأراضي المسطحة الصالحة للزراعة ,مقارنة بالكهرباء المنتجة حوالي 315 ميغاواط؟ السدود في كل العالم تغمر الاراضي وتضيف اخري وعندنا البتغرقو بضيفو وبأخذ المقارنة في سد مروي الاراضي التي اضافها في المكابراب فقط تصل الي 60000فدان ومن المتوقع ان يزيد سد الشريك مساحات اكبر وان يزيد السعة التخزينية للمياه بشكل اكبر ولكن تبقي المشاكل في كيف يرحل الناس وكيف يجدون السكن المريح الذي يمكن ان يأوون اليه والمناطق التي سيتم ترحيلهم اليها *ولكن انتم في فترة الانتخابات الماضية كان قد صدر قرار من معتمد بربر بتجميد مشروع سد الشريك ثم جئتم بعد الفوز الي هذا المشروع بقوة فهل كان ذلك من باب المناورة السياسية ؟ نحن ماناس مناورات سياسية وكلامنا واضح قلنا للمواطن(قلنا ليه بعد نفوز نجي نقد تحت الشجرة دي ونتحاور ) ولذلك كونا لجنة براسة وزير الحكم والادارة وسميناها لجنة مبادرة الحوار واذاكان السد فيهو خير للمواطن كما نعتقد نحن يقوم واذا قالوا لا, نطوي هذه الصفحة ونشوف خيار تانيا. *واذا رفض المواطنين قيام السد؟ نبحث عن خيار اخر ونقيم السد في منطقة ثانية. *اذن ماضرورة قيامه اذا كان سينتج كمية قليلة من الكهرباء؟ توجد ضرورة للمواطن من حيث الجدوي الاقتصادية ومن حيث الطاقة التي سيوفرها وان كانت315 ميغاواط ستكون اضافة للدولة وللبلد وللكهرباء ومهما ادعينا من وجود كميات كبيرة من الكهرباء فهي ضعيفة جدا بالمعاير العالمية. *هنالك كثيرون يشيرون الي ان هذا الخزان الهدف منه هو اقامة مستودع كبير للياه في اطار حرب المياه في المنطقة من خلال خطابكم السياسي بماذا تتحدثون عن هذا المشروع هل هو لحفظ المياه ام للزراعة؟ خطابنا السياسي واضح ويمكنكم الرجوع الي للدراسة الفنية للمشروع لمعرفة كل التفاصيل وهو للزراعة ولحفظ المياه ولنقل المدن وتخطيطها وللطاقة كذلك ولفوائد اخري كثيرة. علي الرغم من انكم لاتزالون تتحدثون عن حوار حول قيام الخزان من عدمه الا ان هنالك مصادر معلومات تتحدث بان عطاءات تنفيذ الترعة الرئيسية للخزان قد رست علي احد كبار المقاولين المحلين؟ انا اعتقد ان المواطن السوداني في ولاية نهر النيل اتخذ قراره وانا ملتزم بقرار المواطن السوداني في ولاية نهر النيل (ثم سكت قليلا وضحك في ثقة)

بإجتماعنا مع الوالي الحالي بالسفارة كرابطة لابناء الباوقة
وفي معرض اجابته عن استلتنا رد سيادة الوالي عن سؤالنا
له اذا سلمنا فرضاً ان اهل المنطقة سيوافقون على السد فأين
البديل لهم ؟؟ اجاب الوالي انه لا يدري !!!!
فكيف سيوافق اهل المنطقة على المجهول
لذا فإن رفض اهلنا في منطقة الباوقة للسد منطقي جدً.

Quote: بإجتماعنا مع الوالي الحالي بالسفارة كرابطة لابناء الباوقة وفي معرض اجابته عن استلتنا رد سيادة الوالي عن سؤالنا له اذا سلمنا فرضاً ان اهل المنطقة سيوافقون على السد فأين البديل لهم ؟؟ اجاب الوالي انه لا يدري !!!! فكيف سيوافق اهل المنطقة على المجهول لذا فإن رفض اهلنا في منطقة الباوقة للسد منطقي جدً.

طبعا ياود شريف انت من الناس الدخلو مع الوالي في اجتماع مقفول خصيصا لناس منطقة الباوقة
والحمد لله انه جيت ادليت بشهادك هنا
والي وماعارف يودي الناس وين ...طيب ح يحاور الناس كيف؟؟؟

حتي الوالي ماعنده معلومات طيب مايجي يقيف مع ناس المنطقة
ضد السد

نبقي في الزيي دا ؟؟؟

يا المسافر سلام .. رمضان كريم وتصوم وتفطر على خير
يا زول ياكا إنت المسافر بتاع زمان ولا شيتاً كُتر؟ ولسع مسافر ما وصلت الشئ ماشي أم طرقاً عراض ولا شنو؟
تحياتي.



كبـّاشي الصـّـافي

(العوج راي والعديل راي)

تحياتي للصديق كباشي

نعم نفس زولك

نسأل الله لك بدوام العافية والعمر المديد والعيش السعيد

Quote: بالله يا حسن مختار التاس ديل كانوا ######انييين اكتر من كدا مباااالغة لكن حالتن دى نضفوا كماااان هههههههههههه

يامحمد الحاله دي نضفوا ؟؟.. لالالالالا لسا ياحاج وضحكة دي وراها الكتير

Quote: *ولكن انتم في فترة الانتخابات الماضية كان قد صدر قرار من معتمد بربر بتجميد مشروع سد الشريك ثم جئتم بعد الفوز الي هذا المشروع بقوة فهل كان ذلك من باب المناورة السياسية ؟ نحن ماناس مناورات سياسية وكلامنا واضح قلنا للمواطن(قلنا ليه بعد نفوز نجي نقد تحت الشجرة دي ونتحاور ) ولذلك كونا لجنة براسة وزير الحكم والادارة وسميناها لجنة مبادرة الحوار واذاكان السد فيهو خير للمواطن كما نعتقد نحن يقوم واذا قالوا لا, نطوي هذه الصفحة ونشوف خيار تانيا

طيب من2010 عملت شنو عشان تقنع المواطن .. احسن تشوفلك حته تانية من غير وقاف