بالمناسبة.. ثنائي الحتانة ديل كانو بغنو اغنية كدا مشهورة حقتم .. زي تلاتة سنة بتاعت بلال موسى .. ومنديلي يااااا ومنديييييييل الشالو ما يتني ما يشيل خلافو بتاعت الزول بتاع عطبرة الما عارف اسمو .. فأرجو لو في زول زول عارف اغنية ثنائي الحتانة دي . يقول لي اسمه .. رايت ناااااو .. لو امكن يعني
Post: #2 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: HAIDER ALZAIN Date: 07-07-2013, 09:12 AM Parent: #1
Quote: ومنديلي يااااا ومنديييييييل الشالو ما يتني ما يشيل خلافو بتاعت الزول بتاع عطبرة الما عارف اسمو ..
مصطفي مضوي..!
دا تهميش منك لعطبرة ومبدعي عطبرة وقاماتها التي تلاحق قامات وطني دا كللللو .. ارجو انك تعتذر فوراً للاستاذ مصطفي مضوي .. وتحفظ ليهو على الاقل اغنيــة " تاتي يا رشا تاتي " ..
دا حالتو لسع ما جاك حيدر حنين ومعاوية ود المدير.. وفي الحالة دي مع الاعتذار وحفظ الاغنية اظنك حا تتطالب بصيام رمضان بعطبرة لتعرف البيئة العطبراوية عن كثب..
Post: #3 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: علاء الدين حيموره Date: 07-07-2013, 09:23 AM Parent: #2
يا غزال الحي يا غزال يا غزال ........
Post: #6 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 09:36 AM Parent: #3
Quote: يا غزال الحي يا غزال يا غزال ........
ااااااااااااااااااي يا علاء الدين ياخ الله يريحك دنيا وآخره .. هي دي .. وبي صراحة مرات كدا انا كنت بعضق الاماكن ... الاماكن كلها من غير فرز .. لكن بالنسبة للناس الساكنين امدرمان في زقاق ضيق كدا بي ورا نادي الخريجين .. موقف الحتانة .. اكتر مكان سمعت فوقه الناس ديل .. انا لحدت الآن ما قادر اتذكر انا قاعد امشي الحتة ديك لليــه .. لكن المهم كنت بحب المكان داك حبا جما ..اها بي سبب الثنائي ديل .. كجنت ليك حنانو .. كما كجنت الحتة بتاعت شارع الدكاترة الفي الشهداء بي سبب اشرطة مصطفى سيد أحمد في اصداراتها الاخيرة ..
Post: #4 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 09:24 AM Parent: #2
Quote: وفي الحالة دي مع الاعتذار وحفظ الاغنية اظنك حا تتطالب بصيام رمضان بعطبرة لتعرف البيئة العطبراوية عن كثب..
عاين يا حيدر .. انا من النوع الرمضان بخش العضم عندو بدري جدا .. اقوليك حاجة ..؟ حسع دي انا رمضان دخل العضم خلاص .. وحياة ابتسامتك الصباح صحيت من النوم عندي (تليليجــة) النوع البكفو فوقه الباغـة ديك .. رقدت ليك بي اكبر كوووز .. زي الكوز العندي دا في السودان رئيس محلية .. المهم بعدما رقدت ليك بي رئيس المحلية دا .. والله قربته ابكي .. غايتو انت الباقي دا تمو تخيلات ساااي واعرف سبب بكاي شنو .. .. بالنسبة لي صيام عطبرة دا .. انا ما عندي فوقو اي عود .. زي الحلفاوي الكان مع ناس ابوجهينة .. صام اول يوم وتاني يوم جاهم جالد وبي حقتو .. قالو ليهو ياخ رمضان دا اتعمل عشان تحس بي غيرك .. وتتضامن معاهم وإلخ إلخ .. قاليهم والله عرفتو من أول يوم ... .. قلت لي اسمو مصطفى مضوووي ..؟ غايتو ما عارف يا .. حيدر لكن .. ونحن صغاار .. كان عندنا اكتر من مسرح في الشارع الساعة اتنين يجيك يكورك بتاع حطب الكسير .. الصباح بدري يكورك ليك بتاع اللبــن .. نصت نهار يجيك بتاع الجردقة والحرجل النبق النبق .. يللا عمار اخوي الصغير كان لما يجي بتاع حطب الكسير دا يكورك .. اخوي دا كان بقعد يبكي بي حرقة شديدة جدا .. حتين بعداك ينوم .. يعني لو ما جا الزول دا كان ما نام لحدت الان .. ياخ مصطفى مضوي دا الله يديهو العافية بس .. لكن ضغط علي شديد في زمنو داك .. كما ضاغطه علينا حسع دي نانسي عجاج وطلحـة والجمبو
Post: #5 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 09:31 AM Parent: #4
بالنسبة للناس .. البتحضر معاي قناة فتافيت دوت كوم .. يعني دارين الخطيب دي بتبالغ .. انا ما عارفه هي ست القناة .. واللا ست الفنائل واللا ست الودع ..؟؟ أول حاجة .. قاعده تمشي تسافر بلدان كتيرة .. وكل بلد تمشي تعضي اي حاجة بدوها بتاكله اصلو ما بتقول لا ولا قاعده تجيها اي حاجة ولا يوم واحد قالو لينا دارين دي عيانه راقده مستشفى .. طيب ما تجي السودان .. تدخل الكراكير الجوانية ديك تضرب ليها ملاح مرس .. يا ام صقعو عشان تعرف حاجة .. لاقيه لي الخضروات واللحوم والفواكه وتتجدع .. المهم .. دارين الخطيب .. غير البرنامج حق السفر دا .. عندها برنامج تاني مع الطباخ المصري .. اضف لذلك .. اسمها مكتوب في اي مكان .. انا غايتو من اخر استنتاج شخصي لي استنتجته انو هي المنتجة بتاعت البرنامج يا اي حاجة كبيرة كدا ليها علاقة بالبرنامج .. طيب انصاف فتحي دي .. ما ممكن ياخ .. حسين خوجلي اكان عندو تأبين في القناة بجيب انصاف فتحي تغني .. حتى ظننت انها شريكته وحدها لا شريك لها ..
Post: #7 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 09:41 AM Parent: #5
ياربي .. في السويــد بكون في ناس بقعدو في العتبة كدا زينا واحد وعندهم لستك وعمود بتاع نور واي حاجة ..؟ .. طيب لو ما عندهم .. كيف يطلق عليهم دول العالم الأول ..؟ وعلى اي مبدأ استندو .. وما هو المعيار ..؟ انا لا اعترف باي بلد ليس لها عمود نور ولستك .. ليتباحث فيه الشباب عن اسقاطاتهم الأخيرة .. واحلام السفر .. وذلك تحت ظل الفلس .. وبنطلون الجينز المستهلك .. ..
Post: #8 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 10:05 AM Parent: #7
لفترة من فترات نجوم الغد الذهبية كنت من ضمن المعجبين بصوت الفنانة انصاف فتحي .. وربما ما ذلت احمل لها بعض من تقدير منم الناحية الغنائية والفنية .. اقول بعض الملامح التي ما تغيرت في صوتها .. لكن كطبع الاصوات الكتيرة والمتكررة .. تأتيك بالملل ، غصبا عنك .. اكتشفت من فترة اني امل صوت .. النور الجيلاني امل صوت .. ابراهيم خوجلي إلى الحد الذي يجعلني ان ابكي مثل اخي الصغير مع الرجل الحطاب .. امل صوت .. القلع عبد الحفيظ + سلمى العسل (كوستاوي) .. للدرجة التي تجلعلني اشفق على كوستاوي هيم سيلف .. امل صوت .. ستونه مجروس في فيلم صعيدي في الجامعة الامريكيـــة .. وما قدمته لنا من هباله عجيبة .. .. مللي هذا لا يندرج تحت بند التحقير لهذه الشخوص .. بقدرما هو ملل عادي .. كما مللي الذي اتملله الان وانا اتذكر انني كيف استطعت ان استمع لذلك الذي سودن اغنية تيتانك وحقبها .. كما حقب صالحين حق الهيلاهوب احدى الاغنيات ظانا انها نوع من الحرفنـة والشيطنة والعبقرية الفذة ... بالمناسبة: فذة دي .. مشتقة من قوووم فذ من قودامي ..؟ المهم .. ان انصاف فتحي .. جعلتني املها لتكرارها الدايم في قناة امدرمان .. بالقدر الذي كلما فتحت القناة وجدتها تطل كشاشـة من خلف شاشة التلفاز .. جعلتني انصاف فتحي امل صوتها في جميع فعاليات قناة امدرمان .. وعندما عقدت مقارنـة .. وجدت الاتي فيما يتعلق بي نجوم الغد: شريف الفحيل .. حرم النور .. افراح عصام .. انو انصاف فتحي بالرغم من طلتها الملولة لشخصي الضعيف .. اكتر اعتدالا في الطرح من شريف .. افراح حرم .. حيث تبين ان شريف بعدما قال نشيد العلم في الآمارات .. وافراح عصام جابت لينا التونــة .. وحرم ساي كدا بس .. تبين انو التلاتة الاخيرين .. برضو جابو لي الملل للدرجة التي افقدتني متعة المشاهدة لاي فعالية ترتبط بصوتهم .. هل هو التكرار ايضا .. يفسد المتعة بالاشياء الجميلة .. اذا فرضنا جدلا ان هناك ما هو جميل فيهم .. طيب .. وردي دا ما جميل .. محمد الامين دا ما جميل .. حسن عطية ما جميل .. عثمان حسين ما جميل .. بروف بادي محمد الطيب ما جميل ..خضر بشير ما جميل .. وكل لحظة والتانية ممكن الواحد ينوم ويصحى بيهم ..
Post: #9 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: garjah Date: 07-07-2013, 10:07 AM Parent: #7
ياخي سيبنا منك
الولد نميري حسين غناي شديد وحقو حسين خوجلي يشاركو هو ويسيب انصاف حقتك دي
Post: #10 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: امير طمبل Date: 07-07-2013, 10:37 AM Parent: #9
أخونا تمبس نهارات السعادة ياخي قلت لي بقيت ملول جدا أنا شخصيا الباشمهدنسة انصاف دي بتثير شجوني جدا حينما تغني غاية الأمال انت يا تمبس تكون بس مركز مع حسين خوجلي كتير بالمناسبة برنامجو تواشيح النيل الخالد المفروض يعاد جزء منو في حصاد اليوم بقناة الجزيرة فيهو نضمي سمح بالحيل تمبس بالغت ياخي محبتي
Post: #18 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 11:38 AM Parent: #10
Quote: تواشيح النيل الخالد المفروض يعاد جزء منو في حصاد اليوم بقناة الجزيرة
اهلين يا امير .. ونهاراتك كلها سعيدة ياخ .. لكن كلامك دا حقو من هنا نشوف لينا طريقة نوديهو الجزيرة والله .. ياخ حسين خوجلي دا احسن زول بنضم .. واحسن زول بستضيف .. واحسن زول بستفز الضيف استفزاز حميد عشان يطلع العندو .. لكن الزي حسين خوجلي دا شان تكتمل المتعة تحضر ليه الحاجة عند اللزوم .. ياخ في حلقة جاب فيها يوسف البنا وعلاء الدين ود البيه تمنيت انها ما تخلص .. بالمناسبة يا امير غاية الامال من شدة ما سمعتها لمن جابت لي الملل .. اظنو الملل من انصاف دي سببو الاغنية دي بعدين الغريب في الأمر .. كلما احضر قناة امدرمان وحسين خوجلي في برنامج كلما اطلت انصاف .. وكلما اطلت انصاف كانت هناك اطلالة غير السابقة .. بعد ان تحولت اشكال الفنانات والممقدمات التلفزيونات إلى نسخـة حية من (فلة) دمية الاطفال الشهيرة .. الغريبة الواحدة تلقاها الليلة لونــة ابياااااض .. بعد بكرة تلقى لونه .. ابيييييييييييييض شديد جدا من البيض الاولاني .. ..
Post: #15 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 11:27 AM Parent: #9
Quote: الولد نميري حسين غناي شديد
والله يا عمك قرجــة نميري بعاتي بتاع غنا راسو عديل .. والعاجبني فوقو انو ما ظاهر شديد او بديك احساس انو بجي يغني عشان يمتع نفسو اول حاجة ..
Post: #11 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: أمير محي الدين محمد Date: 07-07-2013, 10:45 AM Parent: #7
مداخلة يا تمبس لو سمحت : كدي قبل ما نمشي السويد ونتباحث ومادام الكلام جاب الكلام وعطيرة ..وذكريات ومصطفى مضوي.. ناس عطبرة ديل (بكاؤون)* شديد ..مشينا مرة زواج واحد صاحبنا...قلنا نواجبو وهب هبينا ليك الحديد من مدني لعطبرة سيبك من إنو مشوار دولي .. أها الحفلة كانت بي مصطفى دا ولا واحد بقلدوا ولاّ الكنتة شنو ما متذكر..قالو العشاء يشهد الله هم أهل وناس كرم..بس كمان كان موسم جراد أنا عمري ماشفت جراد قدر كدا..في جراد كدا ممكن يشيل الصينية بي ضلعها والصينية الزولة بتاعت فتافيت لو شافتها ممكن تغمر آها بدأت الحفلة ..حفلة شنو؟؟ قول بدأت المناحة ..وهاااك يااا... "الولييييد الضيف غرقتنو كيف.." والمناحة دي شكلّها النشيد الوطني بتاع ناس عطبرة..المناحة حولت ليك العرس لفداحة آآآي والله فداحة رأسها عديييل...النسوان الكبار يسكـلـبوا والجكس البودرة على أحمر الشلاليف على الدموع ..إتجلبطو و..قصة وشفع شليقين ودا كووم والغبار القام من ناس العرضة كوم براهو...بي الله ويااامين إنتظرنا العريس نبارك ليهو غايتو بعد داك ما إنتظرنا العريس والعروس اللي قالو راجعين معانا بكرة علشان نعرف الحاصل عليهم شنو ... أغلب الظن يكونو نفخوهوم بمنفاخ 100 بار ...ولاّ ياربي هم قالو بسوا بالمنفاخ شنو مامتذكر؟؟ ـــ * آآآآي دي لافحها الصباااح دا ــــ وحكيت القصة الطويلة الفوق دي ..علشان أذكر إي زول ماشي عطبرة يشيل منفاخو في يدو و....آها بعد دا ياتمبس إفتكر ممكن نطلع ونتفاكر في معايير شباب السويد ..:) و..شكرا" لحسن الإستماع:)
Post: #12 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: مازن فيصل هلال Date: 07-07-2013, 10:58 AM Parent: #11
( قاعده تمشي تسافر بلدان كتيرة .. وكل بلد تمشي تعضي اي حاجة بدوها بتاكله اصلو ما بتقول لا ولا قاعده تجيها اي حاجة ولا يوم واحد قالو لينا دارين دي عيانه راقده مستشفى )
و الله يا تمبس دي مرة اكلت ليها (توم يام ) في تايلاند ... انا القدامك دا بطني وجعتني ... لانو الشيف التايلندي زاااتو قال ليها التوم يام دا حار عديييييييييييل -اكلتو ليك زيييي توم كروز(::
بس زادت من نخنختها(::................ الشيف المصري ابو راس زي حلاوة قطن داك ... يكرهك العضة ولو كنت جعان 10 ------------------------------------------------------------------------------------------------------------------------------------------------- بالنسبة لقناة حسين خوجلي ... اتوقع ان تكون ممتعة .. علي الاقل برنامجو البقدمو ! رغم اني ماعندي من القنوات السودانية سوي النيل الازرق و الشروق ... و الاخيرة دي جات بالصدفة ولا اهوي بجنبها ابدا من ما شفت برنامج الاطفال بتاعهم بتاع قطار شنو كدة ما عارف ... لانو احمد ولدي حسيت انو كان عاوز يبكي و هو بشوفو((((:::
Post: #24 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 12:49 PM Parent: #12
يا مازن .. ههههههههه.. ياخ الزولة دي حيرتني .. في تايلاند .. كتلت على السوق كدا .. وحيات ابتسامتك اي حاجة ادوها ليها في السوق عضتـه .. داست اي حاجة .. ياخ الاكل دا عندو تجهيزات وترتيبات .. للبطـن دي عشان ما تتفاجأ .. ايوة البطن بتتفاجأ زينا واحد كدا .. ترمرم زي الما حصلت حاجة .. اااي صاحبك المصري بتاع حلاوة قطـن دا هههههههههه .. كل يوم جاي طابي شنطتو .. ومليانه شوربـة ومشروم وبعداك بشوف الدنيا دي فيها كم شبر .. .. عليك الله كان تفتحه ليهو الشروق دي تخليهو يبكي .. مش قاليك احضر برامج الببكيك ما تحضر برنامج البضحكك ..؟ بالمناسبة يا مازن .. برنامج قطار الزهور دا برنامج جميل جدا بالنسبة لكثير من برامج الاطفال التي على شاشة كراميش وطيور الجنة وغلخ إلخ .. وبالمناسبة البرنامج دا فاز بذهبية برامج الأطفال التلفزيونية لشركات ومؤسسات الإنتاج الخليجية والعربية مناصفةمع برامج اخرى على قنوات فضائية عربية . عموما يا مازن حسين خوجلي اتفق البعض عليه او اختلف هو من خيرة الموجودين على الشاشة الآن .. باستثناء القلة، وهو مجرب ومحنك مجرب .. مجرب من برنامجه الموصوم في الاعلام السوداني المشاهد .. الذي استطيع ان اتحدى به العديد من البرامج على ما يعرض في الكثير من القنوات الهايفه الموزعـة على العديد من الدول .. ايام لها ايقاع ..
Post: #13 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: الطيب عثمان يوسف Date: 07-07-2013, 11:07 AM Parent: #11
Quote: يا غزال الحي يا غزال يا غزال ........
Quote: ااااااااااااااااااي يا علاء الدين ياخ الله يريحك دنيا وآخره ..
*** بديت أشـك !!!
Post: #14 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: saidahmed shami Date: 07-07-2013, 11:11 AM Parent: #13
Quote: أنا شخصيا الباشمهدنسة انصاف دي بتثير شجوني جدا حينما تغني غاية الأمال
تحياتي علاء عمك حسين لو ركز علي عمر جعفر البرنامج بكون ناجح جدا
Post: #16 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: HAIDER ALZAIN Date: 07-07-2013, 11:30 AM Parent: #14
Quote: ناس عطبرة ديل (بكاؤون)* شديد ..مشينا مرة زواج واحد صاحبنا...قلنا نواجبو وهب هبينا ليك الحديد من مدني لعطبرة سيبك من إنو مشوار دولي .. أها الحفلة كانت بي مصطفى دا ولا واحد بقلدوا ولاّ الكنتة شنو ما متذكر..قالو العشاء يشهد الله هم أهل وناس كرم..بس كمان كان موسم جراد أنا عمري ماشفت جراد قدر كدا..في جراد كدا ممكن يشيل الصينية بي ضلعها والصينية الزولة بتاعت فتافيت لو شافتها ممكن تغمر آها بدأت الحفلة ..حفلة شنو؟؟ قول بدأت المناحة ..وهاااك يااا... "الولييييد الضيف غرقتنو كيف.." والمناحة دي شكلّها النشيد الوطني بتاع ناس عطبرة..المناحة حولت ليك العرس لفداحة آآآي والله فداحة رأسها عديييل...النسوان الكبار يسكـلـبوا والجكس البودرة على أحمر الشلاليف على الدموع ..إتجلبطو و..قصة وشفع شليقين ودا كووم والغبار القام من ناس العرضة كوم براهو...بي الله ويااامين إنتظرنا العريس نبارك ليهو غايتو بعد داك ما إنتظرنا العريس والعروس اللي قالو راجعين معانا بكرة علشان نعرف الحاصل عليهم شنو ... أغلب الظن يكونو نفخوهوم بمنفاخ 100 بار ...ولاّ ياربي هم قالو بسوا بالمنفاخ شنو مامتذكر؟؟
حلفت عليك يا معاوية المديــر كان تعتق زولنا دا.. خلو ياخ الزول دا ماهو قاصد ..
ـــــــــــــــــــ.. لو علقت على النقطة دي سوف اوصف بالغواصة من قبل ناس اتبرا .. عشان كدة اخير نرجع للسويد كما قلت :)
Post: #19 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: HAIDER ALZAIN Date: 07-07-2013, 11:41 AM Parent: #16
Quote: يللا عمار اخوي الصغير كان لما يجي بتاع حطب الكسير دا يكورك .. اخوي دا كان بقعد يبكي بي حرقة شديدة جدا .. حتين بعداك ينوم .. يعني لو ما جا الزول دا كان ما نام لحدت الان .
ياهوو دا الغناء .. ارجع لمداخلة امير حاجة مين كدة عن حفل الحفلة ومصطفي مضوي وزيد عليه سخانة وكتاحة وكهرباء قاطعة ..:) تقول لي صيام وهجليج.. والله مواساة ساي ما تتواساها ..
بيئة قاسية شنو يا حيدر ياخ الله يرضى عليك .. دا غنا واللا نحن ماشين رحلـة ..؟ كدي اديك ميزة .. عارف معظم الفنانيين الجد جد .. او حتى الغير معروفين بطلعو من بيئات زي دي قاسية وإلخ غلخ .. الواحد فيهم في حتتو دي بكون بعافر ولما يلقى حتة رايقـة .. بتطلع منو حاجات عجيبه ... بس على شرط يلقى الناس الادوهو الدرب والنجيضـة .. مش تجي تشبكني الوليد الضيف ,, ومشينا جمب البحر وإلخ إلخ .. حسع عليك الله عاين بلال موسى دا .. مش طلع في الكفر عديل كدا ؟؟
Post: #20 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: garjah Date: 07-07-2013, 11:43 AM Parent: #16
Quote: والله يا عمك قرجــة نميري بعاتي بتاع غنا راسو عديل .. والعاجبني فوقو انو ما ظاهر شديد او بديك احساس انو بجي يغني عشان يمتع نفسو اول حاجة ..
انت عارف يا تامبا انا التيرمومتر بتاعي في الغنا السمح / ضباح الكمنجة / محمدية
اول ما اشوفوا مبسوط لازم اعرفو مبسوط لييييه
ولما غنى نميري حسين شوفتو مبسوط بسطة شديدة
مرة مشيت اتحاد الفنانين سنة 2001 وكنت الزمن داك شفت نميري كم مرة سالت الاستقبال منو
وحاتك الموظفة قالت لي نميري حسين ده منو كمان ؟
Post: #32 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 01:57 PM Parent: #20
Quote: انت عارف يا تامبا انا التيرمومتر بتاعي في الغنا السمح / ضباح الكمنجة / محمدية
انا ما عارف لييه يا قرجــه دائما الكمنجاتيه ديل احسن ناس بعتبرو مرجعية في الغنا .. بتاع الكمنجة لو غنا ليك يحيرك .. بتاع الكمنجة لو اديتو عود يحيرك ويحير العود .. فعلا بلاحظ للكتير في تعبيرات محمدية ومع انسجامي الخاص مع العديد من الاصوات بلاحظ نفس الانبساطة حقت محمديــــة .. كدي يا عمك النشوف لينا كمنجات انا وانت ونبقى مارقيــن الشغلانة جابت ليها انسجام قلت لي قالت ليك شنـو المبروكـة دي ..؟ اها اديك ميزة تانية .. زولتك دي ذاتـه اكان تفرش ليها أول حاجة بي ندى القلعــة .. بعداك بتجتهد معاك .. ولو ما عرفت كان بتساعدك بالدعوات الصالحات لحدت ما تلقاهو .. زي عمك المسكوهو باب المستشفى .. كنكش بي اخلاص وتفاني عجيبين خلاص .. قام جاهو البروفيسور عبد الله الطيب عليه الرحمة .. جا داخل .. عمك اعترضو في الباب قاليهو يا زول انت ما عرفتني ..؟ قالي ما حصل لي الشرف .. قالي انا البروف عبد الله الطيب .. قالي: والله لو بقيت الطيب عبد الله زاتو ما تدخل قاصد الطيب عبد الله زعيم الهلال الراحل .. عليهم الرحمة والمغفرة
Post: #17 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: حيدر حسن ميرغني Date: 07-07-2013, 11:36 AM Parent: #14
شكرا تامبا والله البنية غناية للطيش وحسين خوجلي ده زول اضانو نضيفة بالجد ياخي اول مرة إنطرب لغناء الجكس
- بعدين ياخي اتعدل معانا في فنانا العطبراوي ود مضوي ده - الاعتذار واجب شرعا ونضالا - كما قال رفيق الحديد والنار ود الزين والا نقوم نكوجن ليك بوستيك ده
Post: #21 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 11:48 AM Parent: #17
Quote: يا امير طمبل طلعتو انت وتمبس ما عندكم سالفة ..ز ياخ الزولة دي صوتها (سخيلي) وعندها نخنخة غياظة جدا ... وبعدين عاملة فيها مفتحة الصولات العالية بتجدع المايك بعيد عشان م تتفضح حركة بعملها محمد ميرغني ... انا اول مرة اسمعها الليلة وما بكون عندي اي رغبة اكرر التجربة دي .. ياخ ما قي اسوأ من كدا
ههههههههههه .. يا وهبــة .. قلت لي بترد من الحجاب الحاجز ..؟ يا بركـة الله اصلو الايقونة دي ما تطلع ليك .. نانو قاعد اذيـة انت لي ناس هنــا ههههههههههههه .. قوم لف ياخ .. ..
Quote: اهلا اشرقت الانوار ودعنا امبارح عبد العزيز وجانا الليلة الخال وهبة . لاول مرة اشيل هم لروحي زمان في محل كدا قريت انو في رئيس وقت يزهج من وزير من الوزراء بتاعنو النقاقين بينفيه لسيبريا عشان يموت من البرد . اها الفيس بوك دا بقا لي الليلة متل سيبريا ديك .. علي العموم اهلاً تاني . عندكم فكرة ابوحسين عندو اكاونت في الفيس ولا لا الدنيا ما معروفة .
ام اياد .. عليك الله نوصيك على وهبـة دا .. قدر ما تقدري .. ولو ماف طريقة لي سيبريا دي .. عليك بالتلاجــة .. بالجمبـة الفيها قوالب التلج المربعة ديك .. لانو الزول دا اكان لقى الايقونة دي مع الانفتاح الحاصل في المنبر دا .. بطير عديل .. .. ياخ بكري زاتو ببالغ .. كيف يضع البيض في سلة واحدة .. يجيب ليك الرشاشين والمرشوشين دفعة واحدة .. ويوعد عزيز بشاشا القارئ بموسم هادي وفيه تتفتح الازهار على جنبات البورد وبين الايقونات
Post: #22 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: حيدر حسن ميرغني Date: 07-07-2013, 11:56 AM Parent: #21
إنا لله بالله الزعيم بجلالة هيبتو قاعد يجوعر من تحت وناس هناي يبرطعوا في النجيلة
- يابكري حرررررم تاني نا ني ما أجُر لي حرف هنا لو ما انتشلت الطرزان ده قبل رمضان
Post: #35 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 02:17 PM Parent: #17
Quote: بعدين ياخي اتعدل معانا في فنانا العطبراوي ود مضوي ده
يا حيدر مرغني .. فضا للاشتباك مع حيدر الزين الكوز صاحب الطيب والله انصاف دي غناية والعاجبني فيها طريقة اخــدر .. يعني بي صورة اوضح .. ما زولة كتمــات وعدادات اضف لذلك انها كان قعدت للغناء بتقعدو .. وحسين خوجلي الكلام فيهو كملان .. لكـن ما كمان ينومو لينا على الخط ويلعبونا ون تـو.. شويـة كمان يدونا فرصة معاهم .. ممكن يشكوها ويخجوها .. يجي يغني لينا حسين وتقدم لينا الباشمهندس انصاف .. غايتو يا حيدر قدرما قلبتها شمال يمين مع الوليد الضيف دا غلبني والله .. وانا زول نجيضة اصلو ما بدسها.. ما عارف لكن بديني احساس كدا بي انو حيدر الزين حقنا دا ممكن يجاسف احسن منو ..
طبعا السطر الأخير دا زي ما قلت لي مولانـا محمد المرتضى قبل كدا مرات انا بتمها خيال ساكت .. اها وحيات الخوة سطري الأخير دا ما تهتم بيهو مرات انا بكتب ساااي .. حيدر الزين شنو يا زول البغني لي في رمضان الدخل العضم دا ..؟
Post: #26 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 01:09 PM Parent: #14
شكرا يا سيد أحمد .. طبعا انصاف لو الواحد فتش عليها وما لقاها في برنامج براها .. تستطيع انك تلقاها في برنامج مع زول تاني .. يا اما جات ماشة ساكت قالت النخش نشارك .. لا انسى التحية للولد الفنان أحمد المامون .. والست الباشمهندس انصاف
Post: #25 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 01:02 PM Parent: #13
Quote: *** بديت أشـك !!!
والله يا جنابو شكك معاك على وزن .. اذنك معاك ..
انت مالك سامع حاجة واللا شنــو ..؟
Post: #23 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tmbis Date: 07-07-2013, 12:10 PM Parent: #11
Quote: "الولييييد الضيف غرقتنو كيف.." والمناحة دي شكلّها النشيد الوطني بتاع ناس عطبرة..المناحة حولت ليك العرس لفداحة آآآي والله فداحة رأسها عديييل...النسوان الكبار يسكـلـبوا والجكس البودرة على أحمر الشلاليف على الدموع ..إتجلبطو و..قصة وشفع شليقين ودا كووم والغبار القام من ناس العرضة كوم براهو...بي الله ويااامين إنتظرنا العريس نبارك ليهو غايتو بعد داك ما إنتظرنا العريس والعروس اللي قالو راجعين معانا بكرة علشان نعرف الحاصل عليهم شنو ... أغلب الظن يكونو نفخوهوم بمنفاخ 100 بار ...ولاّ ياربي هم قالو بسوا بالمنفاخ شنو مامتذكر؟؟
هههههههههههه .. المنفاخ بعرضو بيهو يا امير .. مرات مرات بتباطنو بيهو كان ما لقو صوووت عنج اصلي عندنا واحد فردتنا قبال كدا قالي حضرت حفلة لي واحد زميلنا من عطبره .. الموضة بتاعت شيلان العريس ديك .. طبعا زي الحنك بتاعكم بتاع اللعيبة الاجانب دا .. صاحبي دا قالي مشينا حفلة زميلنا .. قالي نظام اصحابو وكدا .. قمنا شلنا العريس رفعناهو قالي بعد شوية خالي العريس جاب العجلة بتاعتو قال إلا نرفع عجلتو معاهو .. .. طبعا يا امير الاغنية دي كان الزول دا مفرمل بيها الزمن داك .. عندنا شارع بعد شارع بيتنا بي شارعين .. ساكن فوقو واحد من اولاد عطبرة .. تعرف نحن خلينا لي مصطفى دا الشارع عديل كدا .. ولي الزول دا ... من اول الشارع الوليد الضيف .. الوليد الضيف الوليد الضيف .. بعدين ابشرك كان عندو شريط واحد كيتا فينا كدا دا .. طابع فوقو الوليد الضيف بي الجانبين .. يعني تسمع الوليد الضيف وتنتهي .. يجيك وليد ضيف آخر .. بس بالغ في الوليد الضيف دي في الحفلة .. كان يلتق معاها في الليلة ديك .. ويعرش علي كدا ..
Post: #27 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: سيف اليزل الماحي Date: 07-07-2013, 01:17 PM Parent: #23
.
Quote: طيب .. وردي دا ما جميل .. محمد الامين دا ما جميل .. حسن عطية ما جميل .. عثمان حسين ما جميل .. بروف بادي محمد الطيب ما جميل ..خضر بشير ما جميل .. وكل لحظة والتانية ممكن الواحد ينوم ويصحى بيهم ..
علاء الدين سلام رمضان
ما تراه يا صاحب هو الفرق بين الفنان والمغني! ولذلك فحالة الملل من الإستماع لكثيرين هي نتاج كونهم محض مغنيين أو مؤدين لأغنيات، فالصوت وطريقة الأداء تجدها متوفرة بين كل عشرة أشخاص في هذا السودان المغني!
لكن بادي محمد الطيب فنان بحق، رحمه الله ولذلك يمكنك أن تقول ودون أن تتلفت أن بادي عبقرية لايتكرر أبدا.
بعدين إنت وكت شعور الملل عندك شغال، أحمد ربك!
.
Post: #29 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: حيدر حسن ميرغني Date: 07-07-2013, 01:46 PM Parent: #27
Quote: بعد شوية خالي العريس جاب العجلة بتاعتو قال إلا نرفع عجلتو معاهو ..
تمبس أحسن ليك عشان ود المدير عملا في عرسو عاوز تشهَر بالبلد كلها ناسنا ديل مابرضو في العجلات والعجلاتية
- جارنا عجلاتي بالجد جد في عرسو قالو ليهو اطلب اغنية قال "يا غلامي الاول" تصدق الفنان نجر ليهو واحدة من راسو وطلعت صح
Post: #33 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: HAIDER ALZAIN Date: 07-07-2013, 02:00 PM Parent: #29
Quote: قال "يا غلامي الاول"
هههههههههههههههههههههههههههههههههههههههههههههههه
ــــــــــــــ يخرب شيطانك..
Post: #30 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: الطيب عثمان يوسف Date: 07-07-2013, 01:50 PM Parent: #27
Quote: بعدين إنت وكت شعور الملل عندك شغال، أحمد ربك!
*** باكوارد يا تامبا !!!
Post: #31 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: Ibrahim Farah Date: 07-07-2013, 01:55 PM Parent: #11
Quote: ناس عطبرة ديل (بكاؤون)* شديد ..مشينا مرة زواج واحد صاحبنا
يا أمير.. فيما يخص موضوع عطبره.... أنظر إلى الجزء الممتلئ من الكوب.. وخلي الفارغ للمنفاخ
وأما فيما يخص (إنصاف فتحي) يا تمبس، فأنا هنا أتقمص حالة أحد أقربائنا من الدناقلة عندما سمع لأول مره عن حديث صيام الستة أيام من شوال من الوالد (رحمه الله) فقال للوالد بلكنة دنقلاوية (علي بالتلاق أول مرة اسمع الكلام دا من هسمك دا) وأنا كذلك أو مرة أسمع عن انصاف فتحي دي من هسمك دا..
انتو بتجيبوا الاسامي دي من فين!؟؟
نمشي نشوف>>>
Post: #34 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: HAIDER ALZAIN Date: 07-07-2013, 02:12 PM Parent: #31
Quote: الواحد فيهم في حتتو دي بكون بعافر ولما يلقى حتة رايقـة .. بتطلع منو حاجات عجيبه
يازول قول كلام غير دا .. حاجات عجيبة شنو .. نحن ناسنا ديل لو لقو روقة وارتاحو بيصيبهم جفاف ..
اظني حكيت قبل كدة قصة قريب ناس ود المدير الاتعود على شمش الملجة وكويم الخدار في السوق.. المهم اخوانو ولاد ابوهو روقوا وجاهم خير .. وزهو في ملجته.. زي ما بتقول الناس شالت حال اخوانه انه كيف انتو مرتاحين وهو حايم في الهجيرة وشغال مجابدة.. يا حبيب المهم الاخوان قالوا تو تيك كيير من اخوهم - كما يروى - فتحو ليهو دكان في السوق العربي الخرطوم وبيت مكيف ومضلل كلووو حوش مافيهو - كناية انها شقة - وترطيبات بقي الشمس ما بيشوفها.. صاحبك ضبلن زي الرجلة البايتة يومين وغلبته الحركة وعلاجو ما اتلقى عند دكتور.. مشي القاهرة من طبيب الي اخر ونفس القصة.. دكتور تفتيحة سألهم من حايته ومعيشته زمان.. ادوهو القصة الفوق وهو فك الشفرة على طول.. قال ليهو يروح مطرح ماكان في الشمس وهو بيفوق ويزغللط.. وقد كان رجع شمش الملجة يومين تلاتة وجات كتاحة عبت ليهو بطاطيــر المقاومة ودفقت في عروقو دماء العناد والاصرار على العيش في مجابهة الطبيعة القاهرة.. وزغللط ونطط زي الاكنو مولود من جديد.. وحاليا بلغ السبعين ويعيش في امن وسلام ويدير في نشاط وحيوية * احدي حلقات البطيخ بسوق عطبرة للخضار..
ــــــــــــــ اهل عطبرة زي الطندبة :)
Post: #36 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: خالد عبد الله محمود Date: 07-07-2013, 03:02 PM Parent: #34
تمبس عاين سيبكـ من ناس عطبرة و إنصاف فتحي و موضوع عمكـ وهبة البقي يلعب في الليق و خلينا نرجع لموضوع العضة في برنامج إسمو Man Vs Food مر عليكـ ؟ ياخ ده برنامج مبالغة تجوع و لا غصباً عنكـ لمن تحضروا
البرنامج ده شكلو حبنفع معاكـ فتشو في قناة FX و أدعي لي
Post: #38 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: Osman Musa Date: 07-07-2013, 04:33 PM Parent: #34
عزيزنا تامبا سلامات ورمضان كريم تصوموهو تامين ولامين . ضحكتني قصة عتبة السويد وتذكرت جلوس جماعتنا في عتبات شرق بروكلن حيث يحلو شفط المعسل الصنعاني الفاخر .
Post: #39 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: كمال ادريس Date: 07-07-2013, 06:13 PM Parent: #34
مرحبا ياعلاء وزوارك الاكارم
معليش اسمح لي استغل البوست في موضوع بعيد شوية عن النقاش..
الي جانبي زميل سعودي استمع الى اغنية حكمة للجابري (اعلاه) واعتبر ان بعض الكوبليهات مشابهة لاغنية محمد عبده (ليلة عمر).
طبعا نحاول دائما التقريب بين الموسيقى السودانية الخماسية والشرقية السباعية لاعتقادي بوجود مشكلة لموسيقانا.. فالعرب يفهمون الكلمات ولايستسيغون الالحان بينما الافارقة على العكس يفهمون الموسيقى ولايفهمون الكلمات.. هذا الامر يحتاج مزيداً من النقاش والآراء .. ما رايكم؟
Post: #49 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: درديري كباشي Date: 07-08-2013, 06:07 AM Parent: #34
اتاريك يا تمبس لذيذ جدا بعيد عن السياسة
عليك الله قرط على كدا وخليها تحرق
بس كمان ارخي لينا من انصاف شوية خليها تهرب
Post: #52 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: عثمان دغيس Date: 07-08-2013, 08:09 AM Parent: #34
Quote: تحياتي علاء عمك حسين لو ركز علي عمر جعفر البرنامج بكون ناجح جدا
أؤيد وبشدة ... بوست جميل جدا وممتع يا تمبس ومتابعة شيقة
Post: #53 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: saidahmed shami Date: 07-08-2013, 09:10 AM Parent: #52
Quote: أؤيد وبشدة ... بوست جميل جدا وممتع يا تمبس ومتابعة شيقة
عارف صاحبك عمر بجيبك داخل البوست خلي الحبيب علوب يرسل لينا الاسطوانات
Post: #56 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: طارق ميرغني Date: 07-09-2013, 06:32 AM Parent: #34
رمضان كريم تمبس وضيوفه الكرام
لاحظت يا تمبس انو حسين خوجلي عندو عشق غير عادي مع الحواجبين المقرونات
تتمثل القصه دي غير انصاف فتحي في اثنين من المذيعين الشباب ما اذكر اسماءهم
لكن عموما برنامجه تواشيح النهر الخالد من اجمل البرامج التي استمع واستمتع بها
Post: #37 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: أمير محي الدين محمد Date: 07-07-2013, 04:26 PM Parent: #31
Quote: يا أمير.. فيما يخص موضوع عطبره.... أنظر إلى الجزء الممتلئ من الكوب.. وخلي الفارغ للمنفاخ
هههههه ياإبراهيم علي فرح ..الرسول في "هسمك" إنت دا كان فتحت موضوع عطبرة دا تاني... ياخي ديل قالو يا النبي يا الرسول.. بتباطنو بالمنفاخ وبيئتهم طندبية وبدون مفاهمات بيفطسوا الزول ــــ ياتمبس كويس إنك مشخص حالتك بـملل..والله إنحنا الواحد عندو الحالة الكيف...كيف...ديك ..اللي ما بتتعرف هي زاتها شنو؟ __ حيدر الزين قلت لي أمير ولاّ حاجة كدا طلعتني " نو بودي" الله يسامحك ...الدنيا كما قبايل رمضان كنت باطنتك وطلعت ليك كل الطندب اللي جواك فــطالبك إعتذار...آها تعتذر ولاّ لمن يعتذرو ليك الطالبهم إنت إعتذار أول :)
Post: #40 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: محمد حيدر المشرف Date: 07-07-2013, 06:21 PM Parent: #37
Quote: أها الحفلة كانت بي مصطفى دا ولا واحد بقلدوا ولاّ الكنتة شنو ما متذكر..قالو العشاء يشهد الله هم أهل وناس كرم..بس كمان كان موسم جراد أنا عمري ماشفت جراد قدر كدا..في جراد كدا ممكن يشيل الصينية بي ضلعها والصينية الزولة بتاعت فتافيت لو شافتها ممكن تغمر آها بدأت الحفلة ..حفلة شنو؟؟ قول بدأت المناحة ..وهاااك يااا... "الولييييد الضيف غرقتنو كيف.." والمناحة دي شكلّها النشيد الوطني بتاع ناس عطبرة..المناحة حولت ليك العرس لفداحة آآآي والله فداحة رأسها عديييل...النسوان الكبار يسكـلـبوا والجكس البودرة على أحمر الشلاليف على الدموع ..إتجلبطو و..قصة وشفع شليقين ودا كووم والغبار القام من ناس العرضة كوم براهو...بي الله ويااامين إنتظرنا العريس نبارك ليهو غايتو بعد داك ما إنتظرنا العريس والعروس اللي قالو راجعين معانا بكرة علشان نعرف الحاصل عليهم شنو ... أغلب الظن يكونو نفخوهوم بمنفاخ 100 بار ...ولاّ ياربي هم قالو بسوا بالمنفاخ شنو مامتذكر؟؟ ـــ
وبالرغم من ذلك .. بالرغم من كل ذلك يا شباب نذكر لعطبره انها انجبت للمنبر الحيدران ومعاوية المدير !!
Post: #41 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: حيدر حسن ميرغني Date: 07-07-2013, 06:35 PM Parent: #40
Quote: يخرب شيطانك..
دي دعوة صريحة لإستدعاء ذاكرة المكان والزمان (عمنا ود المدير )
- تسلم يا ود المشرف وتسلم عطبرتنا
Post: #50 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: HAIDER ALZAIN Date: 07-08-2013, 06:36 AM Parent: #41
يا حنين .. لايغرنك سلام المشرف شوفو بعد ابدا اعجابه بمداخلة المدعو امير مين كدة حاجة .. كتب شنو :
Quote: وبالرغم من ذلك .. بالرغم من كل ذلك يا شباب
انت كرطاني النشرح ليك معني الكلام العربي دا مصحوباً بالوجه السنونو بارزة - دي زمان مهمة ود المدير الغاتس شكلو قاعد كجرة استعدادا لي رمضان - المشرف قصدو يقول ليـك " لا حولااا يا الغبش الله لا ورانا بكاكم ولا جاب سبب لي عزاكم "
ــــــــــــــــ وسلام مربع يادكتور
Post: #42 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: Mahmoud Mustafa Mahmoud Date: 07-07-2013, 07:17 PM Parent: #37
أمير محيي الدين محمد...(أو أياً كان اسمك)..
تحياتي ،،،
Quote: مداخلة يا تمبس لو سمحت : كدي قبل ما نمشي السويد ونتباحث ومادام الكلام جاب الكلام وعطيرة ..وذكريات ومصطفى مضوي.. ناس عطبرة ديل (بكاؤون)* شديد ..مشينا مرة زواج واحد صاحبنا...قلنا نواجبو وهب هبينا ليك الحديد من مدني لعطبرة سيبك من إنو مشوار دولي .. أها الحفلة كانت بي مصطفى دا ولا واحد بقلدوا ولاّ الكنتة شنو ما متذكر..قالو العشاء يشهد الله هم أهل وناس كرم..بس كمان كان موسم جراد أنا عمري ماشفت جراد قدر كدا..في جراد كدا ممكن يشيل الصينية بي ضلعها والصينية الزولة بتاعت فتافيت لو شافتها ممكن تغمر آها بدأت الحفلة ..حفلة شنو؟؟ قول بدأت المناحة ..وهاااك يااا... "الولييييد الضيف غرقتنو كيف.." والمناحة دي شكلّها النشيد الوطني بتاع ناس عطبرة..المناحة حولت ليك العرس لفداحة آآآي والله فداحة رأسها عديييل...النسوان الكبار يسكـلـبوا والجكس البودرة على أحمر الشلاليف على الدموع ..إتجلبطو و..قصة وشفع شليقين ودا كووم والغبار القام من ناس العرضة كوم براهو...بي الله ويااامين إنتظرنا العريس نبارك ليهو غايتو بعد داك ما إنتظرنا العريس والعروس اللي قالو راجعين معانا بكرة علشان نعرف الحاصل عليهم شنو ... أغلب الظن يكونو نفخوهوم بمنفاخ 100 بار ...ولاّ ياربي هم قالو بسوا بالمنفاخ شنو مامتذكر؟؟ ـــ * آآآآي دي لافحها الصباااح دا ــــ وحكيت القصة الطويلة الفوق دي ..علشان أذكر إي زول ماشي عطبرة يشيل منفاخو في يدو و....آها بعد دا ياتمبس إفتكر ممكن نطلع ونتفاكر في معايير شباب السويد ..:) و..شكرا" لحسن الإستماع:)
هذه لعمري من "أطعم" الكتابات التي قرأت شخصياً على امتداد كذا ربع كدا...
وعامل فيها برلوم؟؟
من أنت؟؟
اعترف سريع..
ثم السلام على سيدي علاء الدين تمبس ومعالي الدكتورة زميلة البورد..
وكذا السلام على سادتي كتاب وزوار البوست....يشمل ذلك المشاركين من على منصة "كتاب الوجوه" لا ينقص ذلك من أجرهم شيئاً..
تصوموا وتفطروا على خير..
..
Post: #43 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: tabaldy Date: 07-07-2013, 08:37 PM Parent: #42
تمبس والله حتة العجلاتي العريس دي روحت الكلام صوابعيني راقد ومستمتع بي شبارقة بعد ما وقفت إنصافك دي (حال دا بتزح المايك بعيد لما تخش الحتات الصعبة) أها وفجأة كدا ضحكت شديد لامن البكس المعاي دخلوا في نفس الموجة عندكم ترجمة لي شغلانة العجلاتي دي بالأردو؟
وهبة من برة برة لييه؟
Post: #44 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: Salah Abdulla Date: 07-07-2013, 09:43 PM Parent: #43
يا تامبا ..
إنت مُزهّجاك إنصاف المسكينة دي !! ياخ أنا مُزهّجيني ناس أغاني وأغاني موديل السنة دي، من هسي.. وكان قلت الكلام ده، الناس ديل بيودوني السجن.. هسي الواحد يعمل شنو في الحالة دي!!!
Post: #45 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: cantona_1 Date: 07-07-2013, 09:53 PM Parent: #7
Quote: انا لا اعترف باي بلد ليس لها عمود نور ولستك .. ليتباحث فيه الشباب عن اسقاطاتهم الأخيرة .. واحلام السفر .. وذلك تحت ظل الفلس .. وبنطلون الجينز المستهلك .. .
يا تمبس أنا مخاصمك .. لأنك لا تعترف ببلدنا (أم طرقاً عراض) نحن ما عندنا لا شارع زلط ولا عمود نور ولا لساتك غير لساتك الكارو بتاع الموية القديمة ومكردمة. لهذا نشجب وندين ونستنكر عدم إعترافكم بنا. ونحن مع السويد والنرويج والدنمارك. تحياتي.
كبـّاشي الصـّـافي
Post: #46 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: cantona_1 Date: 07-07-2013, 09:56 PM Parent: #4
تمبس كلاكيت تاني مرة! إنت إنصاف فتحي تطلع منو وتطلع شنو؟ أوع تقول لي دي إنصاف مدني؟ كدا بتكون لخبطت الحكاية من الأول يعني كيف أحمد يكون حاج احمد؟ الله يرضى عليك رسينا على بر. تحياتي.
كبـّاشي الصـّـافي
Post: #47 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: Kostawi Date: 07-07-2013, 10:10 PM Parent: #46
Quote: مللي هذا لا يندرج تحت بند التحقير لهذه الشخوص
Post: #48 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: HAIDER ALZAIN Date: 07-08-2013, 05:20 AM Parent: #47
عاين لقمان .. وكمان زعلان ..:)
Quote: Logman Ahmed · كلية المختبرات جامعة الخرطوم
الاخ حيدر الزين وجميع الاخوة فى المنبر تحية طيبة توضيح وتصحيح خطأ شائع حول الفنان المبدع مصطفى مضوى احمد مصباح ونسبه الى مدينة عطبرة هو من اللعوتة حجاج محلية المسيد محافظة الكاملين ولاية الجزيرة مولدا وابا واما وححبوبة واخوة وخالات وعمات واخوان اللعوية التى انجبت البونى صاحب العمود الشهير حاطب ليل وكثثثثثثثثثثثييييريييييين رجاءا ما تستولوا على المكاسب الوليد الضيف جننتوه
حندوكك والله يا لقمان ان شلتوهو برضو باقي عندنا امين حسن عمر ...
ــــــــــــــ بعدين مصطفي مضوي ارتباط شهرته بعطبرة كانت من كونو بدا في سلاح الموسيقي المدفعية عطبرة ... وبها استقر .. يعني اللعوتة ما مست دواخلو شديييد من جوة عشان يبدع .. هسع زي بيئة اللعوتة دي كان حا تنتجو شنو غير زول لايوق احسن ليهو طلع يبكي وينوح في روسيين ناس عطبرة الناشفين ديل ؟
Post: #51 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: سيف اليزل الماحي Date: 07-08-2013, 07:13 AM Parent: #48
.
ياعلاء الدين ....
تنبهت قبل فترة لخيط لك عن الفنانة هاجر كباشي، لعمري، لو سألوني عن من هو فنانك المفضل؟ وكانت إجابتي دون فلسفة وتقعيد كلام لقلت بكل عفوية هاجر كباشي.
أنا هنا لا أزعم إجراء مقارنة بين الإثنتين، لكني أرى أن إنصاف فتحي وبعيدا عن ظلال حسين خوجلي الكثيفة تتمتع بقدرات جيدة في التكنيك الصوتي/الغنائي، بجانب قدرتها على التعبير من خلال النغم الصوتي (الهارموني) عن المفردة، وهذه لا تتأتى إلا لمن يملك مقدرات كبيرة في التطريب والثقافة الموسيقية مع الخبرات المكتسبة وحسن الإستماع والتعلم المستمر، ربما يخذلها أحيانا الضعف في بعض المناطق الصوتية (عمق الصوت وقوته)
هاجر كباشي إمكانات صوتية مهولة وموهبة على الطلاقة، قابلتها مرة واحدة، ومن الفلسفة الفارغة بتاعتنا قلت لها: والله لو توفرت لك فرصة أكبر لدراسة الصوت والموسيقى ..الخ ومثل ذلك من المواعظ التي نبذلها للناس بدواعي (المعرفة) ولاندري، ربما كانت بفضل ما تقدم أعرف مني بهذه الفرصة التي أدعي أنني أدلها عليها، يا خي في أحيان كثيرة يبدو أن حسن وأدب الإستماع نعمة وثقافة تنجي صاحبها من الملل والضجر الموسيقي.
.
Post: #54 Title: Re: قناة الفنانـه ( انصاف فتحي ) ... شريكـة الفنان حسين خوجلي .. Author: معاوية المدير Date: 07-09-2013, 03:48 AM Parent: #51
بجيبك داخل البوست