بيوت الطين .... ملح الارض

عملت لينا شنو في موضوع الشاذ جنسياً اللي معاكم في البورد ......؟؟؟؟؟

قلنا نذكرك إمكن تكون نسيت .....

الزول دا مشى وين ....؟؟؟؟

اوووووا اننقا فيصل ,...

مسكاقمى

ما عارف اتذكرت القسيبة ...

مخزن للحبوب والتمر ...

تحية طيبة

عمنا / فيصل ...اسعد الله صباحك (بتوقيتنا)

بيوت الطين والناس من طين

بيوت الطين بتذكرني حكمة الزول الجميل الصادق الرضي

لست من نور لتغفر انت من طين لتبني

.....

الصور الفوق دي بنسميها في الجزيرة (قطاطي ودي من قطية)

في الجزيرة بيت الطين قصتو قصة

بنتلم شباب الحلة وبنفتح (حوض) ما بنحتاج نجيب تراب من برة الارض كلها طينية

بنملاهو موية من ابو عشرين ولا ابستة بتاع الحواشة الملاصقة الحلة ولو البيت كان وسط الحلة
بنملاهو من موية البيارة يعني البيوت الفي وسط الحلة (مثقفة) موية البنيان هيلتا زي موية الصحة وكمان احسن

اها بنديه شوية (ز ب الة ) للتسبيك وبعداك (الكواريق والطواري) بتشتغل (جر المونة حار بالحيل )

بنفرش شوال هيل (خيش) وبتديه شوية (ترابة ) عشان ما يمسك اتنين ( بشتغلوا نقل) والبقية بختوا (القالب ) مساحة بتكون (25×15 سم تقريبا) وبنبداء (ضرب طوب ) بنسميه (طوب اخدر)

بياخدلو يوم وبعداك (بنقلبوا) (حتن ) ينشف
اها بعداك

بنخطط (للعوضة) انتوا قايلين المهندسين براهم البعرفوا يخططوا
وبنحفر (الساس) وبنديه من الطوب (المكسر والساس بكون طوبتين ) والبناء بكون (طوبة ونص) يعني وضع الطوبة مع اختها زي حرف (تي)
والبناء بكون في ضحوية بنوصلوا (العتب) وغالبا بنضبح (ديك) كرامة وسلامة اصلو البيت لو ما ضبحولو (بردلب ) بقع مع اول (جبجابة وتقراء مطيرة)
اها (بنعتب) ومن ثم بنواصل حتى (العرش) والعرش بكون عبارة خمس (عيدان) من البان وتحتهن مرق وفوقهن (دنكوج ) او (قش قمح التقانت )
ومرات الناس (المثقفة ) بفرشوا (برش في المرق قبل العيدان و الدنكوج وقش القمح بدي منظر شاعري)
فوق القش بنخت (مونة رقيقة) (تلييس )عشان يثبت ما يمشي مع الكتاحة وبعداك (بنردموا ) تراب والميل بكون جهة (السبلوقة)
بنركب (الطاقات وتفهم شبابيك) والباب ومرات بكون في (امينة قصاد المرق عشان ماينكسر ويتشتت الرصاص)
والامينة دي بكون تحتها عدة الجبنة والودع ومفتاح المخزن ومبخر وكم طليحة رقم انو قطرها عشر سنتمتر
برة (بنجلط الحيطان الاربعة بي زب ا لة (والحباكة )بنديها (ز ب الة ) ..(حم ي ر) عشان اصلية
وجوة بنجيب رملة بيضاء من بحر الهلالية واللوري لامن يجي ليه هيبة والله
وتحت بنديها شوية رملة كدي
والبيت ببقى عجيب ولا (ساعل) في البيت الابيض زاتو

لصق (العوضة) بنعمل راكوبة صغيرة وبالجد اكبر من مدينة زي ما قال مصطفى سيد احمد

ياخ فتحة نفسنا من الصباح كدي والزول يمشي يسمع منار صديق وديني لي بلدي

عبداللطيف شريف على
يا قريبي سكرفي و في رواية اخرى هكرفي

فعلاً البيوت بتشبه القوسيب عندنا . مصدر البلح طول السنة

نورنهسبق لوق

يا سلاااااااااام يا الجنيد حمد على الوصف البديع بتاعك
ومداخلتك الشحمانة . شكراً ليك كتير

فيصل خليل
سلام وتحية ايها الجميل
صاحب البوستات الجميلة
بوست يطلعك من الخنقة ويبهجك بي الذكريات الجميلة
عارف يا فيصل الانسان عندو ارتباط وجداني عميق جداً بالطين .. وفي اعتقادي السبب راجع الى كونه مخلوق من طين وسيعود في النهاية الى الطين ..
وزمان ايام الطفولة الواحد كان لما يمشي القرية يحس مع بيوت الطين دي بي الفة ومحبة ولا زال فيني حنين خاص ليها وما زال منظر البيت الطيني لما اشوفو يأثرني ويثير كوامن في نفسي واتذكر معاهو جدتي عليها رحمة الله وحنيته ..
وبيوت الطين كانت بسيطة في مكوناته ومحتوياته بساطة ساكنيها مملؤة بي قناعاتهم ورضاهم ومحبتهم وانعكس الاثر دا في نفوسهم حنية وتواصل والفة ومحبة ..
وعندي احساس انو واحد من اسباب اختفاء وغياب المحبة والالفة والتراحم اختفاء وغياب بيوت الطين ..

علي محمد الفكي ازيك
بيوت الطين بتطلع
مِن صحْيَة جروف النيل**مع الموجَهْ الصباحيَّه

ومن شهقَة زهور عطشانَهْ**فوق أحزانهْا متْكَّيهْ


_____
كلامك سمح

بيوت الطين فيها ميزة عجيبة جدا
في الصيف باردة وفي الشتاء دافية