رفع الدعم عن البنزين والقمح وفقاً للمصدر التالي

هو الرفع ده مش قبل كده حصل !
شكلو عجبتهم الحكاية !
سلام يا عمر

سلامات يا ايمن

بخصوص القمح يبدو لي انها المرة الأولى

علي ان اقول ان الدعم لم يُرفع حتى هذه اللحظة

ولكن يبدو ان قراراً وشيكاً بهذا سوف يصدر

المصدر اعلاه عباره عن إسكان كوبي من صحيفة اليوم التالي الصادرة صباح اليوم

الاخ عمر سلام
أي وزير. لديه جيش جرار من السكرتارية والعاملين وعد مقدر من السيارات
وخدمات خاصة في أكبر المستشفيات وبدلات مكتب وسفر وخلافه
اول شئ هم يقفوا العبث ده

---------

بعدين دولة لا تدعم العلاج متوقعين منها شنو

Quote: بعدين دولة لا تدعم العلاج متوقعين منها شنو

سلام ياعمر
غايتو وزير الرفع والانهيار الوطني
ماعارف مودينا وين وناس الحكومة
ديل متخيلين انو الشعب السوداني
دا مابفهم ونحن حنرفع الدعم عشان
الاغنياء هم المستفيدين عليكم الله
الناس ديل مابلعبو بي عقولنا
غايتو لينا الله بس
تسلم عمر

حديثه عن القمح فيه لمحة عنصرية واستقصاد لمجموعة معينة من السكان : تحدث عن الشعيرية والبسبوسة والكنافة ... ونسي القراصة .... وما ننسى العيش :)

القمح مثله مثل الذرة ، غذاء شعبي ، فقط تختلف أماكن استهلاكهما في أرجاء الوطن الحبيب

كلام سليم وصحيح 100%
الى متى يظل المواطن عبئاً على الدولة؟ اما حان وقت فطامه من الدعم؟
كل العالم يتجه الى الاقتصاد الحر حيث يكون المواطن ملزم بنفسه ولا يكون عالة على غيره او حكومته
الدعم يذهب للاغنياء واولادهم البلفوا الشوارع بالعربيات بشغلة وبدون شغلة وبياكلوا في اليوم من 5 الى 6 رغيفات في ناس تاني محتاجين ليهن اكتر منهم
قبل مجئ الانقاذ كنا نقف صفوفاً طويلة منذ صلاة الفجر للرغيف والان الرغيف متوفر وباشكال مختلفة واحجام متعددة وفي استطاعة الغني والفقير شراء ما يلزم اسرته منه
نعم لسياسة التحرير الاقتصادي ولا للسياسات الشمولية بتاعة التسعير الودت الاتحاد السوفيتي في ستين داهية
ابواب العمل متوفرة والفرص موجودة وكل انسان يستطيع ان يدبر لقمة عيشه، كما ان الحكومة تقوم بدعم الفقراء والمحتاجين عبر وزراتها وهئياتها المختصة وديوان الزكاة، لذا اذا زاد الرغيف او ما زاد فما فارقة معاهم والبنزين لو ولع عديل ما عندهم معاهم شغلة
اتركوا وضع العصى في دولايب المسيرة القاصدة واتركوا لقادتنا من حزب المؤتمر الوطني وضع الخطط الكفيلة بتقدم وازدهار هذا الوطن الذي يتكالب عليه الاعداء من كل ناحية وهذا امر ليس بخافي على احد
الله اكبر

هي لله هي لله لا للسلطة ولا للجاه!!

.

Quote: كل العالم يتجه الى الاقتصاد الحر حيث يكون المواطن ملزم بنفسه ولا يكون عالة على غيره او حكومته

حقا المعرفة نقيض الجهل!
صاحبنا يطرح نظرية جديدة للدولة وتعريف جديد للمواطن، قطع شك لاتسمع بذلك إلا في هذا العهد القيهب! وفي بلاد محزونة إسمها السودان،
جماعة الإنقاذ ومن يلف معها يراهنون دوما على أنهم يخاطبون قطيعا من الخراف، لسبب وحيد هو أنهم لايدخرون لهذا الشعب الكريم إلا القهر والإذلال،
ياخي عبد الرحيم حمدي (وهو واحد من الأغنياء الكبار بالمناسة) قال بفشل إقتصاد الإنقاذ الحر! يعني إنت بتفهم أحسن من عبد الرحيم حمدي الرأسمالي المستثمر السوداني والأجنبي،
يامسكين إنت تدعي إن حكومتك الكاذبة تدعم القمح، طيب حكومتك ماتزرع القمح !! بدل تستورده من دول الإستكبار وتأتي لتضع ربحها لتعيش عالة على الشعب!!
يامسكين سياسة الإقتصاد الحر تنتفع منها الدولة التي تملك مقدرة إقتصادية جيدة،
تجربة السودان جعلت حق الحياة الكريمة لحفنة من الأغنياء وفي مقدمتهم الجماعة التي تطبل لها،
قال إيه : حيث يكون المواطن ملزم بنفسه! لعمري لايخرج مثل هذا القول إلا ممن يضمر السوء للناس!


.

Quote: حقا المعرفة نقيض الجهل! صاحبنا يطرح نظرية جديدة للدولة وتعريف جديد للمواطن، قطع شك لاتسمع بذلك إلا في هذا العهد القيهب! وفي بلاد محزونة إسمها السودان، جماعة الإنقاذ ومن يلف معها يراهنون دوما على أنهم يخاطبون قطيعا من الخراف، لسبب وحيد هو أنهم لايدخرون لهذا الشعب الكريم إلا القهر والإذلال، ياخي عبد الرحيم حمدي (وهو واحد من الأغنياء الكبار بالمناسة) قال بفشل إقتصاد الإنقاذ الحر! يعني إنت بتفهم أحسن من عبد الرحيم حمدي الرأسمالي المستثمر السوداني والأجنبي، يامسكين إنت تدعي إن حكومتك الكاذبة تدعم القمح، طيب حكومتك ماتزرع القمح !! بدل تستورده من دول الإستكبار وتأتي لتضع ربحها لتعيش عالة على الشعب!! يامسكين سياسة الإقتصاد الحر تنتفع منها الدولة التي تملك مقدرة إقتصادية جيدة، تجربة السودان جعلت حق الحياة الكريمة لحفنة من الأغنياء وفي مقدمتهم الجماعة التي تطبل لها، قال إيه : حيث يكون المواطن ملزم بنفسه! لعمري لايخرج مثل هذا القول إلا ممن يضمر السوء للناس!

يا جماعة في زول يسوق سيف اليزل دا يوديهو الضل؟

Quote: ياخي عبد الرحيم حمدي (وهو واحد من الأغنياء الكبار بالمناسة) قال بفشل إقتصاد الإنقاذ الحر! يعني إنت بتفهم أحسن من عبد الرحيم حمدي الرأسمالي المستثمر السوداني والأجنبي،

والله العظيم وما طالبني حليفة بفهم احسن منو، ما حصل عملت قرار وندمت عليهو!!!

Quote: يامسكين إنت تدعي إن حكومتك الكاذبة تدعم القمح، طيب حكومتك ماتزرع القمح

يا سيف اليزل اخونا ود الفكى بتريق على الحكومة و وزير ماليتا و يستحيل دى تكون ما سخرية

ارحل ياوزير المالية فانت وزير لا تقدم لشعبك اي خدمات

واتحداك ان تحلف في المصحف ان البنزين يستفيد منه الاغنياء دون الفقراء وانا سوف احلف واقسم بالله قسما مغلظا ان البنزين يستفيد منه الفقراء والمساكين اكثر من الاغنياء

وهذه ليست
طريقة لزيادة الايرادات يلجأ اليها وزير فزيادة الاجراءات ليست برفع دعم عن السلع فالسلع ليست مدعومة ابدا حتى يتم رفع دعم عنها
زيادة الايرادات يافاشل تكون بالانتاج وليس برفع الدعم

.



ود الفكي
بالله سامحنا في طلاشتنا دي ...
معقول أصبحنا لانفرق بين السخرية وموالاة الوضع الراهن،


.

أطالب ببقاء وزير المالية الأمير علي محمود حسب الرسول في مكانه أسوة :-
1- بعبد الرحيم محمد حسين الفاشل في وزارة الدفاع
2- عبد الحليم المتعافي الفاشل في وزارة الزراعة
3- أسامة عبد الله الفاشل في وزارة الكهرباء
4- عبد الرحمن الخضر الفاشل في ولاية الخرطوم
هو الفشل دا بطيخة شقها حلو وشقها مر. الفشل عملة واحدة.
أي زول يطالب بإقالة علي محمود نعتبره عنصري ضد على محمود، مش كل ما الزول قال ليهو كلمة ينط الجماعة يقولوا ليهو إنت عنصري؟




كبـّاشي الصـّـافي

(العوج راي والعديل راي)

يا جماعة حيرتونا
الدعم دا هو شنو أصلو البرفعوه عشرات المرات دا
طيب رفعهو قبل كدا
ما سمعناهم قالوا رجعوه ...
عشان يقولو رفهوه تاني
الشغلة ركاكة في اللغة
أم القصة
كضب في كضب؟!

ياسيف
ما بتحتاج تحلفني ياخي، والله قرارات حكومتنا دي تخلي الحكيم غضبان
الرقراق
اخونا سيف معذور ياخي سمعت تحت تحت انه عنده حافلة شغالة بالبنزين ههههه