Post: #1 Title: انا شخصيا ضد قيام سد الشريك ............... Author: ود الباوقة Date: 07-01-2013, 08:16 AM Parent: #0
للاسباب الاتية نصها ........
Post: #2 Title: Re: انا شخصيا ضد سد الشريك ............... Author: درديري كباشي Date: 07-01-2013, 08:20 AM Parent: #1
دا الكلام
في الملفات الحرجة يظهر الخيل الاصيل
وهذه تكفي بدون مبررات
Post: #25 Title: Re: انا شخصيا ضد سد الشريك ............... Author: ود الباوقة Date: 07-01-2013, 11:18 AM Parent: #2
Quote: في الملفات الحرجة يظهر الخيل الاصيل
وهذه تكفي بدون مبررات
شكرا دردرة
Post: #3 Title: Re: انا شخصيا ضد سد الشريك ............... Author: محمد عثمان محمد طه Date: 07-01-2013, 08:21 AM Parent: #1
أفو الكلام ده منك أعوج
حلفا غرقت ؟؟ كانت عروس الشمال
Post: #26 Title: Re: انا شخصيا ضد سد الشريك ............... Author: ود الباوقة Date: 07-01-2013, 11:24 AM
Quote: حلفا غرقت ؟؟ كانت عروس الشمال
نعم
غرق حلفا خسارة لا يمكن تعويضها
اخي محمد عثمان
Post: #4 Title: Re: انا شخصيا ضد سد الشريك ............... Author: Frankly Date: 07-01-2013, 08:42 AM Parent: #1
سد الشريك فرصة حقيقية قد لا تتكرر لنقل المنطقة للقرن الواحد والعشرين بدلاً عن عيشة القرون الوسطى التي تعيش
وما خاب من استشار
فقد الفرصة المواتية قد لا تجد دعم رئاسي في المستقبل
خاصة إذا كان سبب فشلها هو الإنسان المستفيد منها
Post: #5 Title: Re: انا شخصيا ضد سد الشريك ............... Author: ود الباوقة Date: 07-01-2013, 08:50 AM Parent: #4
فوق للاهمية
Post: #6 Title: Re: انا شخصيا ضد سد الشريك ............... Author: Mutaz Hussien Date: 07-01-2013, 08:53 AM Parent: #4
الحكومة دائما تعمل جميع الخطوات في صالح المصريين حتى اني ظننت ظناً حسن عمالة هذه الحكومة للمصرين، السدود هي في صالح المصرين قطعاً سين سؤال: ليه تتعمل حاجة في صالح المصرين وهم اساسا ما خدين حلايب الغنية بي المعادن قلع مننا ولي يوم الليلة ما رجعت؟
Post: #7 Title: Re: انا شخصيا ضد سد الشريك ............... Author: ود الباوقة Date: 07-01-2013, 09:16 AM Parent: #6
ولنا في تجربة اهلنا المناصير اسوة ( سيئة )
رغم الفارق في حجم التعويضات بين المنطقتين في حال غرق منطقة الباوقة
Post: #8 Title: Re: انا شخصيا ضد سد الشريك ............... Author: ود الباوقة Date: 07-01-2013, 09:18 AM Parent: #7
نحتاج لعشرات السنين لقيام باوقة اخرى
واين ؟؟؟؟؟
وكيف ؟؟؟؟؟
Post: #9 Title: Re: انا شخصيا ضد سد الشريك ............... Author: ود الباوقة Date: 07-01-2013, 09:21 AM Parent: #8
منطقة التي تقع شرق الباوقة المسماة ( بالحويلة ) كانت المكان المقترح
لتهجير اهل المنطقة اليه .. والآن حسب علمي تم توزيعه لمستثمرين اجانب
Post: #10 Title: Re: انا شخصيا ضد سد الشريك ............... Author: ناصر المحسى Date: 07-01-2013, 09:25 AM Parent: #9
ود الباوقة سلام
الحصل شنو لصاحبك احمد علاء شايفو وقف ضد الحكومة
Post: #11 Title: Re: انا شخصيا ضد سد الشريك ............... Author: MOHAMMED ELSHEIKH Date: 07-01-2013, 09:26 AM Parent: #9
Quote: سد الشريك فرصة حقيقية قد لا تتكرر لنقل المنطقة للقرن الواحد والعشرين بدلاً عن عيشة القرون الوسطى التي تعيش
وما خاب من استشار
فقد الفرصة المواتية قد لا تجد رئاسي في المستقبل
خاصة إذا كان سبب فشلها هو الإنسان المستفيد منها
نحن راضيين بالقرون الوسطي
ان شاء الله نعيش في القرن الأفريقي يلا ياعمر قود لينا حاجة كدى في السفارة عشان نهتف معاك من داخل سفارة
Post: #12 Title: Re: انا شخصيا ضد سد الشريك ............... Author: ود الباوقة Date: 07-01-2013, 09:32 AM Parent: #11
تعويضات اهل منطقة الباوقة ليست بالسهلة
Post: #13 Title: Re: انا شخصيا ضد سد الشريك ............... Author: عمر محمد ابراهيم Date: 07-01-2013, 09:34 AM Parent: #11
Quote: نحتاج لعشرات السنين لقيام باوقة اخرى
واين ؟؟؟؟؟
وكيف ؟؟؟؟؟
ا ود الباوقة سلامات يااخي تمنيت لو ان الرفض لاسباب لا علاقة للذاتية بها يعني عشان الباوقة ح تغرق ترفض سد الشريك وترضي بغرق الآخرين ؟؟؟ كجبار مثلا ومروي ؟؟؟ بقينا شغالين بي جلدا ما جلدك جر فيهو الشوك كان سيكون منسجما تماما مع المبادئ التي تطرحها ان تعلن وقوفك مع الحكومة لقيام السد لأن ذلك هو نهج الحكومة لكن ان توافق علي كل سياسات الدولة وكل سدودها وترفض هذا لأن (الباوقة ستغرق وين تاني تلقي باوقة ) فهذه ذاتية مضرة جدا ليك وللمنهج تحياتي لك وللباوقة والشريك ومروي وكجبار ولكل المهددين بالغرق بس وحد مكيالك
Post: #14 Title: Re: انا شخصيا ضد سد الشريك ............... Author: وليد شريف Date: 07-01-2013, 09:38 AM Parent: #13
Post: #15 Title: Re: انا شخصيا ضد سد الشريك ............... Author: ابو جهينة Date: 07-01-2013, 09:44 AM Parent: #14
عمر سلام
و أنا ضد سد كجبار
غرقتْ حلفا وإندثرت 22 قرية تحت الماء وغرقت معها حضارة 7 آلاف سنة ، والمصريون لم يتكرموا علينا بسلك كهرباء بل ذهبا الكهرباء للأردن وربما إسرائيل.
تنويه : حقوقنا في الباوقة لو قام السد حأعمل ليك توكيل رسمي
Post: #16 Title: Re: انا شخصيا ضد سد الشريك ............... Author: ود الباوقة Date: 07-01-2013, 09:47 AM Parent: #13
اخي عمر
منطقتي كجبار والمناصير مناطق محدودة المساحة والرقعة الزراعية مما يسهل
تهجيرهم وتعويضهم
منطقة الباوقة منطقة كبيرة جدا
بها الجول .. فتوار .. السليمانية .. الردي .. السارة .. وغيرها
انا كنت مع قيام السد وقد التقيت الوالى الفريق الهادي عبد الله في لقاء خاص بالرياض
تحدثنا عن قيام سد الشريك وتاثيره على منطقة الباوقة تحديدا
وعن المنطقة المقترحة للتعويض
صراحة انا كنت مع خيار قيام السد لازدياد السكان في المنطقة مقابل الرقعة الزراعية الثابتة
افقيا والقليلة راسيا اي بالنسبة ( للانتاجية ) وتحديد للتمور وهو المصدر الرئيسي لدخل الفرد
مع عدم وجود اراضي اخرى صالحة للزراعة ليتمدد فيها المشروع
Post: #17 Title: Re: انا شخصيا ضد سد الشريك ............... Author: ود الباوقة Date: 07-01-2013, 09:52 AM Parent: #16
استبشرت خيرا بان شرق الباوقة ( الحويلة ) هو المكان المقترح للمنطقة
فهي منطقة زراعية تتاخم حدودها ولاية البحر الاحمر شرقا
وهي تسع جميع اهل المنطقة وستكون المساحات الزراعية فيها اكبر بكثر
من المساحة المتاحة الآن في منطقة الباوقة
Post: #18 Title: Re: انا شخصيا ضد سد الشريك ............... Author: ود الباوقة Date: 07-01-2013, 09:55 AM Parent: #17
ضف الى ذلك ان اهل المنطقة سيقطعون النهر شرقا
فقط مما يقلل الاثار النفسية النابعة عن التهجير الى مناطق بعيدة
من المنطقة الام بالذات لكبار السن ممن ارتبطوا وجدانيا بتراب المنطقة
Post: #19 Title: Re: انا شخصيا ضد سد الشريك ............... Author: ود الباوقة Date: 07-01-2013, 09:57 AM Parent: #18
عموما في نهاية الامر كلها مقادير مرتبطة بقدر معلوم
والله المستعان
Post: #20 Title: Re: انا شخصيا ضد سد الشريك ............... Author: ود الباوقة Date: 07-01-2013, 10:40 AM Parent: #19
اللهم سهل يا رب .........
Post: #21 Title: Re: انا شخصيا ضد سد الشريك ............... Author: معاوية عبيد الصائم Date: 07-01-2013, 10:49 AM Parent: #20
انا مع قائم سد الشريك .اها رائك شنو ياخلبوص ..ما لقيت ليك منو كجة وللا شنو ؟
Post: #23 Title: Re: انا شخصيا ضد سد الشريك ............... Author: ود الباوقة Date: 07-01-2013, 10:55 AM Parent: #21
Quote: انا مع قائم سد الشريك .اها رائك شنو ياخلبوص ..ما لقيت ليك منو كجة وللا شنو ؟
الجربوع بربار
انت مش قلت قبل كدا انت ضد قيام السد
اخرج تخرج فطيس ايها المتهافت على موائد الكبسة
اخرج
اخرج سريع
Post: #22 Title: Re: انا شخصيا ضد سد الشريك ............... Author: Alshafea Ibrahim Date: 07-01-2013, 10:51 AM Parent: #20
أنا مع شغل مصالح وبس ... أين كانت وطنيتكم وصلاحكم لما باعوا مشروع الجزيرة وحرقوا ممتلكاته وآلياته بنيران جياد ، والتقرير الأخير أعده مجرمون سلموه لمجرم يزعم زورا أنه راعي النهضة والآن عامل فيها يهمه الأمر ؟؟ أيهما أكثر نفعا للمواطن السوداني مشروع الجزيرة أم سد وين ما عارف ؟؟؟ الشفيع إبراهيم
Post: #24 Title: Re: انا شخصيا ضد سد الشريك ............... Author: محمد أبوالعزائم أبوالريش Date: 07-01-2013, 11:13 AM Parent: #22
Quote: انا شخصيا ضد سد الشريك
الشرك اليقبضوك بيهو زي أم قيردون ....
ما تتكلم إلاّ تجيك في اللحم الحي؟ المناصير ما قلت فيهم كلمة ليه؟
Post: #27 Title: Re: انا شخصيا ضد سد الشريك ............... Author: عبداللطيف شريف على Date: 07-01-2013, 11:44 AM Parent: #24
Post: #29 Title: Re: انا شخصيا ضد سد الشريك ............... Author: عبداللطيف شريف على Date: 07-01-2013, 01:10 PM Parent: #28
يا معاين من الشباك .....!!
Quote: عثمان عبد الرحيم داود · جامعة جوبا بالجد أنت انسان افاك ومنافق وكل يوم بتثبت للناس معدنك ال###### وال######## .. اصلا ما خيبة ظني فيك يا ود الباوقة .. كنت مراهن كم واحد من اصحابي المتابعين سودانيز اون لاين بأنك حتجي تكسر تلج هنا وتقول انا معارض لقيام السد . الزيك ده ما بكون فارقة معاهو قيام السد من عدمو .. كلها منافع عشان تطلع بكم مكسب من السد ده وكلها كم يوم وحنسمع انك رئيس لجنة من اللجان للتواصل مع الحكومة رد · 1 · إلغاء إعجابي · متابعة المنشور · منذ 3 ساعات
ود الباوقة · متابعة ######ان انا يا رمة رد · أعجبني · منذ 2 ساعتين
Post: #33 Title: Re: انا شخصيا ضد سد الشريك ............... Author: عبداللطيف شريف على Date: 07-01-2013, 11:18 PM Parent: #32
Quote: عبد اللطيف .. انت بتبطبط مالك
هههههههههههههههههه
قصدك بتبصبص مالك ..
على العموم يا ودالباوقة مرحب بيك كتير معانا ,نعارض سواء......
Post: #34 Title: Re: انا شخصيا ضد سد الشريك ............... Author: ناصر المحسى Date: 07-01-2013, 11:58 PM Parent: #33
Quote: اخي عمر
منطقتي كجبار والمناصير مناطق محدودة المساحة والرقعة الزراعية مما يسهل
تهجيرهم وتعويضهم
منطقة الباوقة منطقة كبيرة جدا
.
Quote: ضف الى ذلك ان اهل المنطقة سيقطعون النهر شرقا
فقط مما يقلل الاثار النفسية النابعة عن التهجير الى مناطق بعيدة
من المنطقة الام بالذات لكبار السن ممن ارتبطوا وجدانيا بتراب المنطقة
فعلا انت إنسان مطبلاتي و عنصري بغيض شوفت وين انو منطقة اقل من الباوقة
سد يغرق 26 شياخة في المحس ومن أبو فاطمة حتي مقاصر في دنقلا
وبعدين انت وصاحبك المطبل احمد علوش اليومين قلب تو علي الحكومة خلاص المركب في وسط
الأمواج عاوزين تنطو من المركب
Post: #35 Title: Re: انا شخصيا ضد سد الشريك ............... Author: عبد الواحد أبراهيم Date: 07-02-2013, 00:18 AM Parent: #34
Quote: تعويضات اهل منطقة الباوقة ليست بالسهلة
كم تبلغ المساحة الكلية لمشروع الباوقة الزراعى من منطقة الوابورات لغاية السارة ؟ 4700 فدان فقط
Quote: منطقتي كجبار والمناصير مناطق محدودة المساحة والرقعة الزراعية مما يسهل
تهجيرهم وتعويضهم
منطقة الباوقة منطقة كبيرة جدا
بها الجول .. فتوار .. السليمانية .. الردي .. السارة .. وغيرها
يضاف اليها امتداد الودى جنوب التكاوين 300 فدان ليصبح المساحة الكلية 5000 فدان
ومنطقة المناصير تزرع 12 الف فدان اراضى جروف فقط ؟
وتنتج المحاصيل اضافة الى التمور والفواكه
وههى منطقة لم يكرمها السادة الانجليز بمشروع مثل غيرها لاسباب سياسية
كما تعلم ان كنت تقرأ التاريخ
Quote: ضف الى ذلك ان اهل المنطقة سيقطعون النهر شرقا
فقط مما يقلل الاثار النفسية النابعة عن التهجير الى مناطق بعيدة
من المنطقة الام بالذات لكبار السن ممن ارتبطوا وجدانيا بتراب المنطقة
ولماذا لم تساند اولئك المهجرين قسراً من منطقة المناصير الى منطقة المكابراب
هل كانو يفعاً ام تلامذة فى المرحلة الإبتدائية ؟!
يا لكم من ظلمة قلت خايف عليهم من قطع البحر من الضفة الغربية الى الشرقية ؟
طيب اهلنا رحلتوهم من المناصير الى المكابراب 600 كيلو باتباع خط سير النهر جنوباً ليه ؟
لماذا لم تقف ضد ارادة وحدة تنفيذ السدود وقتها وتساند الاهالى المضطهدين من قبل
حكومتكم الاستبدادية؟!
Post: #36 Title: Re: انا شخصيا ضد سد الشريك ............... Author: محمد داؤد محمد Date: 07-02-2013, 00:18 AM Parent: #34
عنصرية. أنانية. ممتلئة بي نظرية جلدا. مؤ جلدك جر فيهو الشوك
جاوب علي ناصر متين ومنو القال ليك الباوقة رقعتها الزراعية أكبر من منطقة كجبار أو المحس
انت كمسلم أصولي مفروض فيك تتأسس بالحديث الشريف. حب لأخيك ما تحب لنفسك
والنوبيين لم يتطرقوا لأي تعويضات لان أرضهم لا تقدر بالمال فهي بما تحتوي من تراث واثار وانسان هي الان أغلي ارض علي البسيطة. ومأساة حلفا لن تتكرر في السكود والمحس أو ما تبقي من النوبة أرضا وشعبا.
Post: #37 Title: Re: انا شخصيا ضد سد الشريك ............... Author: ود الباوقة Date: 07-02-2013, 07:19 AM Parent: #36
كم عدد سكان المناصير مقارنة بعدد سكان الباوقة يا اخي عبد الواحد
هناك الكثير من الاخطاء صاحبت تهجير اهلنا المناصير لا نريد تكرارها في منطقة الباوقة
وهذا ما لزم توضيحه والاشارة اليه
Post: #38 Title: Re: انا شخصيا ضد سد الشريك ............... Author: ود الباوقة Date: 07-02-2013, 07:53 AM Parent: #37
ختاما متى ما اكتمت هذه المطالب لا باس من قيام السد
وهي
ااتعويض المادي المجزي للثمار من فواكه ونخيل ومحاصيل
اختيار المكان المناسب والانسب لاهل المنطقة
تاهيل المنطقة المهجرين اليها .. من مساجد وماء وكهرباء ومستشفى
والله الموفق
حفظ الله السودان وقيادته من المحن والاحن وشياطين الانس
والسلام عليكم ورحمة الله وبركاته
Post: #39 Title: Re: انا شخصيا ضد سد الشريك ............... Author: محمد بابكر محمد Date: 07-02-2013, 09:03 AM Parent: #38
لامجال هنا للمقارنة بين منطقة أو اخرى ، الضرر الذى وقع على اخواننا فى المناصير أو غير مقبول ولن يتكرر فى منطقة الباوقة حتى وإن كان ذلك على أجسادنا اخى ود الباوقة دعك من المقارنة بين المناطق ، فالكل فى مربع واحد ف لكل منطقة مزاياها ومكوناتها التى تختلف عن الاخرى وان وقع ضرر فهو فى النهاية سيصيب إنسان المنطقة بالدرجة الاولى والانسان او المواطن فى المناصير هو نفسه فى كجبار هو نفسه فى الباوقة لك خالص الود سبب التعديل : تصحيح كلمة يتكرر وإضافة كلمة ذلك
Post: #40 Title: Re: انا شخصيا ضد سد الشريك ............... Author: ود الباوقة Date: 07-02-2013, 09:06 AM Parent: #39
Quote: والانسان او المواطن فى المناصير هو نفسه فى كجبار هو نفسه فى الباوقة لك خالص الود
ومنو القال غير ذلك ؟؟؟
Post: #41 Title: Re: انا شخصيا ضد سد الشريك ............... Author: محمد بابكر محمد Date: 07-02-2013, 11:18 AM Parent: #40
Quote: ومنو القال غير ذلك ؟؟؟
Quote: مما يسهل
تهجيرهم وتعويضهم
Post: #42 Title: Re: انا شخصيا ضد سد الشريك ............... Author: طلحة عبدالله Date: 07-02-2013, 11:31 AM Parent: #41
Quote: انا شخصيا
؟؟؟؟؟؟؟؟؟؟؟؟؟؟؟ تاااااااااني قمت على الهياج ؟؟؟ بعد ما فلنا رقت وأحلويت ؟؟ ياخ الشخصية السودانية جبتو زيتا طالع عديل كدا . السلام لود الباوقة .
Post: #43 Title: Re: انا شخصيا ضد سد الشريك ............... Author: عبد الواحد أبراهيم Date: 07-02-2013, 11:39 AM Parent: #41
Quote: كم عدد سكان المناصير مقارنة بعدد سكان الباوقة يا اخي عبد الواحد
155 الف مواطن ومواطنة هم عدد سكان منطقة المناصير التى تمتد على طول النهر
بحدود 176 كيلو متر.
عدد سكان الباوقة بما فى ذلك الجول وارتولى وفتوار والسليمانية 55 الف يمكنك ان تراجع احصاء عدد السكان واحاديث المعتمدين بمحلية الباوقة وخطابات الولاة المختلفين الذين تعاقبوا على حكم ولاية نهر النيل.
لاحظ ال55 الف تشمل الجول وارتولى وفتوار والسليمانية ودى كلها خارج مشروع الباوقة
الزراعى البالغ مساحته 5000 فدان بامتداد الودى جنوب التكاوين .
لاحظ ان بعض ملاك الاراضى والسواقى فى المناصير موجودن بالباوقة فى احياء
كما ان بعضهم يشكل ثلث سكان الشريك بالضفة الغربية وكل هولاء خارج منطقة المناصير يضاف اليهم المناصير فى كسلا وعطبرة والدامر والعالياب وخلاء شندى والبجراوية غير اولئك القاطنيين بمجموعات كبيرة فى الخرطوم وبورتسودان ومناصير الحصاحيصا ذى ما بتحب اهلك من حق الناس ان يجبوا اهلم ويتصدوا لجبروت
سد مروى ومن خلفه حكومتكم وبشيركم.
Post: #44 Title: Re: انا شخصيا ضد سد الشريك ............... Author: محمد بابكر محمد Date: 07-02-2013, 06:05 PM Parent: #43
كلام منطقى
Post: #45 Title: Re: انا شخصيا ضد سد الشريك ............... Author: محمد بابكر محمد Date: 07-02-2013, 06:08 PM Parent: #44
عارف .... كويس أنه الامور جاتك لحد عندك وبديت تعرف الحاصل ، رايي لو سمحت وتكرمت انك تتفرغ لموضوع منطقتك ، وتترك التدخل في مواضيع مناطق الآخرين ... فمثلما أنت ترى أن الباوقة عظيمة وأعظم من باقي المناطق فأهل كل قرية أو حِلّة أو فريق يرون أن ترابهم أغلى من أي تراب ....
يا باوقنيشن \\ نحن في طريق التحرير وقربننا وما جعانين لي اوهامك دي وممكن من هنا ارسل ليك مندي ومعاهو كبسه افريقيه بي لحم من جنوب السودان وهو لحم غنم ورز من نمولي بيكون كويس معاك ده انتاج محلي
بصراحة موقفك ضعيف. كان يجب عليك اتخاذ موقف واضح ضد اقامة السدود المشكوك فى جدواها الاقتصاديه فى كل الشمال النيلى, كجبار, امرى, الشريك ومناصرة اهلك المحس و المناصير فتاريخ المنطقة ومصيرها واحد. ياخى المنطقه, خاصة فى مناطق الرباطاب, والانقرياب تنتج الذهب ولايحصد الاهل الا السرطان و الفاقة. اقول ليك الكلام ده وانا من سلالة من هجرتهم ضرائب وقمع سلطة قمعية زى جماعتك الكيزان ديل فتركوا حتى ساقيتهم قبل 156 سنة سنة وبقى اهلك الرباطاب يشيروا لهجرتهم بمثلهم المشهور " رقدت رقاد ساقية شبيكة" مااشبه الليلة بالبارحة ياعمر, ومهما حاولت تجمل عمايل عصابة الكيزان, واغتصابهم لاراضى الناس فى الشمال النيلى وباقى السودان, الا ان يذكرنى بما حدث للفرع الاخر من عائلتى, الجعليين السعداب, والذين نزعت اراضيهم فى منطقتهم التيماراب ومنحت لآخرين موالين ل للاستعمار التركى- المصرى بحجة انهم ساندوا وشاركوا فى ثورة قريبهم المك نمر فتركوا اراضيهم وهاجروا لرفاعة ابوسن والجزير قبل 170 عام. اتمنى ان تستيقظ من غيبوبتك ياعمروتنحاز لاهلك البسطاء, المسحوقين فى كجبار,امرى,مقرات,معسكر كلمة,والباوقة. مع ودى المعز ابونوره
