محمد ابن الدكتور نافع يطالب الرئيس ونوابه ومساعديه بالتنحي عن السلطة

محمد ابن الدكتور نافع يطالب الرئيس ونوابه ومساعديه بالتنحي عن السلطة


06-26-2013, 08:22 PM


  » http://sudaneseonline.com/cgi-bin/sdb/2bb.cgi?seq=msg&board=440&msg=1372642196&rn=0


Post: #1
Title: محمد ابن الدكتور نافع يطالب الرئيس ونوابه ومساعديه بالتنحي عن السلطة
Author: عمر صديق
Date: 06-26-2013, 08:22 PM

https://www.facebook.com/groups/578768818800034/perma...ink/647521631924752/

Post: #2
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: عمر صديق
Date: 06-26-2013, 08:28 PM
Parent: #1

Quote: طارق محمد خالد‏
محمد ابن الدكتور نافع يطالب الرئيس ونوابه ومساعديه بالتنحي عن السلطة"محمد نافع علي نافع"
شكلك عجبتك الحركة بتاعت أمير قطر الجديد
06-26-2013 08:34 PM
كتب المهندس محمد ابن القيادي السوداني المعروف د. نافع علي نافع :
للأسف لم يدرك السياسيون و صناع القرار في المؤسسات و الشركات و الأحزاب أو حتى المجموعات الثقافية و الفنية في بلادي أن ما يدور الآن من حراك و تدافع و تململ هو ثورة جيل بأكمله.. هي ليست ثورة ضد مبدأ أو جماعة أو حزب بقدر ما هي ثورة ضد جيل بأكمله..
لأكون أكثر وضوحاً هي ثورة داخلية لكل الجماعات و الطوائف أو المجموعات، ثورة عنوانها أن هذا الجيل قد نفدت صلاحيته و صار يغرد خارج المنظومة العالمية و غير مواكب للتطورات و الأحداث من حوله..
السادة/ .................................. (دعوني أطلقها على عمومها) كل من تجاوز الخمسين (50) من عمره، شكر الله سعيكم و غفر لكم.

ومن التعليقات الطريفة والمتنوعة على صفحة المهندس محمد نافع علي نافع في فيسبوك.
اسمع كلامك اصدقك اشوف ابوك استعجب.
شكلك عجبتك الحركه بتاعت أمير قطر الجديد وعايز تركب الحاج الماسوره هههههههه ياكوز التململ دا حاينضف البلد منكم إنتو كبيركم علي صغيركم.
أوافقك بأنها ثورة جيل، لكني أخالفك في طريقة الاستبعاد (كل من تجاوز الخمسين) الثورة ليست على هؤلاء بسبب اعمارهم وإنما بسبب طرق التفكير والمنهجيات القديمة التي تجاوزها الزمن.. وهناك من شباب اليوم من يزال متعلقاً بمنهجيات وطرق تفكير لم تعد تلائم الحاضر.

في دي معاك حق تجديد الدماء في صنع القرار قد تكون الخلاص الوحيد لنهضة البلاد ولي نموزج اولا عندما سافرت الي المملكة السعودية اول مااثارني ان من يقوموا بامر المطار اعمار مابين العشرين والصومال الان تنهض وقد تسبقنا لان قوامها الشباب بعدين الشباب اداوْهم كثير اما العجايز المكنكشين في السودان الواحد عندوا 6 عمارات ولسه داير يلهف وكرشوا مابتتملي مهما اكل الشباب الشباب الشباب مستقبل السودان.

اليقرأ كلامك دة ،، ما يقول نافع أبوك.

شكرا إبن الدكتور على هذا الفكر الراقي..وياريت تناقش هذا الموضوع مع والدك بإعتباره أحد كبار رجالات الدوله(عسى ولعل).
لو ما وقعت فى دفتر الجبهة الثورية وتدربت ثلاثة اشهر فى معسكراتها كلامك دا ما بنصدقوا.

ده الكلام البخلي أبوك يلحسك كوعك أعمل حسابك من الورثه.
اولدنا الكلام ده كبير .. احسن تشوف شرم الشيخ وله الغردقة وله المالديف وتصيف مع اصحابك وتلتقط الصور .. خلي هموم البلد للناس الكادحين والغلابة.
كلم لينا ابوك عشان ماتلحس كوعك زينا كده وتكون خارج السرب.
والله الواد دا بيقول كلام زي الفل (اوتوماتيك).
أحسنت يا شاب علي الشجاعة في الحديث.

كلامك والله مئة مئة صاح كل ما تقدم أحدهم بالسن ذاد تمسكا حتي اللجان الشعبية في الأحياء كلها متمسكين بيها العجائز أدو الشباب فرصة علي الأقل عندنا مخزون طاقة اذا تم توجية صح يمكن أن يصنع فارق لأول مرة اتفق معاك والشباب عندهم أفكار خلاقة.
طيب ماتقول لي ابوك كده وابوك يقول ل علي عثمان وعلي عثمان يقول ل عمر البشير. يااخي هؤلاء تعدوا ال100اخبرهم فليذهبوا ويتركوننا في حالنا.
بعد تنحي الشيخ حمد لإبنه طواعيه ورحيل الزين وحسني والقذافي وعلي عبدالله صالح ،،،، هل سيفعلها البشير ،،، بعد ربع قرن من السلطان ،،،، أم حواء السودان لم تنجب من يقود المرحله المفصليه والتاريخيه سوي ود هديه ،،،،

سعادة المشير أفعلها ولا تلتفت لعلماء السلطان ولوبيات المصالح وديناصورات الإستوزار ،،،،،، وبصراحه حلمنا في رئيس شاب دون الخمسه وأربعين سنة )

كتب : معتصم السر
http://www.sudaneseonline.com/news-action-show-id-64057.htm
أعجبني · · متابعة المنشور · المشاركة · ‏منذ 50 دقائق‏ بالقرب من ‏‎Khartoum‎‏

‏‎Asmaa Seedahmed‎‏ و ‏أشخاص اْخرون عدد ‏7‏‏ معجبون.
طارق محمد خالد Mohamed Nafie ورينا رأيك .؟
منذ 49 دقائق · أعجبني
Mohamed Nafie أكيد صحيح لأنو المصدر الصفحة
منذ 45 دقائق بواسطة الهاتف المحمول · أعجبني · 2
Asmaa Seedahmed طارق محمد نافع ده انسان عندو مواقفو عليكم الله ما تستهدفوا
منذ 45 دقائق بواسطة الهاتف المحمول · أعجبني · 1
طارق محمد خالد اهااا اي انه لم يزيدوا او ينقصوا فيه شيئا..؟ من ترشح ل خلافة المشير ؟
منذ 44 دقائق · أعجبني
طارق محمد خالد اصبري يا اخت Asmaa ولماذا استهدفه هل فعل شيئا ما ..؟
منذ 43 دقائق · أعجبني
طارق محمد خالد ماذا سيحدث لو تغيب الرئيس عن المشهد السياسي فجأه ؟؟وهل سنري مثل التخبط الذي حدث ابان مرضه الاخير؟
منذ 42 دقائق · أعجبني · 2
عماد كابو يا ابو ساطور رجع ساطورك .. وقته لسع جاي بس اصبر ..
منذ 41 دقائق بواسطة الهاتف المحمول · أعجبني · 1
Asmaa Seedahmed ابدا بس اتعاملو معا عادي ما بصفتو ولد نافع ومع كتاباتو.
منذ 39 دقائق بواسطة الهاتف المحمول · أعجبني
Omer Awad Alkarim جميل ورأي سديد
منذ 39 دقائق بواسطة الهاتف المحمول · أعجبني
Sami Alarbab بس عليك الله انقلو بالضبانه للوالد .. شكرآ محمد كلام جميل
منذ 37 دقائق بواسطة الهاتف المحمول · أعجبني
اسامة الطيب امير قطر عافي منو سلمت البطن الجابتو
منذ 36 دقائق · أعجبني
Asmaa Seedahmed يا طارق لما الحركة موجدة درسوا معاي نهال نافع وبنات الزبير بشير وابراهيم احمد وسارة غازي واغلب ابنا الوزرا ما حصل اتعاملو بصفة انهم ابنا مسئولين بالعكس كاوا اكثر منا تواضعا والتزاما
منذ 36 دقائق بواسطة الهاتف المحمول · أعجبني
طارق محمد خالد هاهاهاها بالله شوف الجماعه ديل يا Mohamed اصبروووووووووووووووووووووووا يا اخوانا
منذ 36 دقائق · أعجبني
Muhaned Tabidi له التحية الشاب ده ما عارفو بتحمل صفحتو دي كيف ؟
ياخ والله برشوه جنس رش ؟ غايتو اشهد له من خلال كتاباته فقط انو ذو اخلاق عاليه ووعي وصبر جلد
غايتو ما زي ابوه جعلى مولع دوام
منذ 32 دقائق بواسطة الهاتف المحمول · أعجبني · 3
Abdelrahman Mayrno كان الله فى عونه التراكمات والمظالم المكبوتة فى صدر المواطن ستجعله يعيش ابد الدهر بين المد والجزر ... لذلك اقترح ان يختار منفاه منذ الان ويستعد للرحيل والمغادرة لانها ستكون بغتة كما الموت اللهم احيينا وامتنا بسطاءا ابناء بسطاء وكذلك ابنائنا وذرياتنا...
منذ 26 دقائق · أعجبني · 2
Asmaa Seedahmed ياخ دعا لي حقيبه رمضان كرهوا. هو زميل الصديق محمد احمد هندسة الخرطوم
منذ 23 دقائق بواسطة الهاتف المحمول · أعجبني · 1
Sami Alarbab يختار منفاهو !! والله كلام ؛؛ هم شيعه ولا يهود ؟أحترم كلامك ياود مايرنو
منذ 18 دقائق بواسطة الهاتف المحمول · أعجبني
Emad Ambaaj طارق محمد خالد عسand#1740; ان محمد نافع الذand#1740; تحدث الان هو غير محمد نافع الذand#1740; قاله بالامس قبل عام كتب بوست فand#1740; مجموعة السائحون تذكره جيدا عندما تحدث مخاطبا اعضاء الصفحة من انتم وبإسم من تتحدثون حتand#1740; اُطلق عليه اسم جمال مبارك وسيف الاسلام القذافand#1740;!!!!! نرجو ا...مشاهدة المزيد
منذ 14 دقائق بواسطة الهاتف المحمول · أعجبني
Asmaa Seedahmed ادوه فرصة
منذ 12 دقائق بواسطة الهاتف المحمول · أعجبني
Abdelrahman Mayrno والاحترام دا كيف.....؟ وهل المنافى فقط لليهود والشيعة...!!!!!؟؟؟ كم من الشعب السودانى الان يعيش فى المنافى....؟ ام هو ليس جزءا من هذا الشعب...؟ ام انه من المعصومين ولا ادرى...؟!!!! بين كلماتك تهديد مبطن... هل انت محاميا لمحمد نافع...؟ هو الان متداخل فى هذا البوست واعتقادى انه لم يطلب منك الرد نيابة عنه... واقول لك جزاك الله خيرا نيابة عن محمد..
منذ 12 دقائق · أعجبني
Mohamd Dafa Allah ياخي من قمنا اعضاء اللجنه الشعبيه هم ذاتم والوزراء ذاتم والسباسيين ذاتم واعضاء البرلمان الواحد مايمسكوا حتجه يتلثق فيها حتي يتوفاه الله
منذ 5 دقائق بواسطة الهاتف المحمول · أعجبني
Hamd Salih الاخ محمد نافع ده ود شيوخ /خرطومية زول وزوله قعد يدافع ليهو /هييييييييييييييع /الاخ طارق ابناء المسئولين السودانين كلهم اولاد قبائل وعينهم مليانه لان اباءهم كانو مشردين خارج السودان وهم اصلا ابناء متعلمين / لذلك حديثهم حديث صدق /الكلام فى مستجدين النعمه / ديل عزبونا والله / الواحد مايلقى ليهو ابن مسئول ومايصدق يقعد يفش غبينته بدون عقل وفهم (يعنى حساده)
منذ 4 دقائق · أعجبني
اكتب تعليقاً...

Post: #3
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: محمد حيدر المشرف
Date: 06-26-2013, 08:39 PM
Parent: #2

like

Post: #5
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: قاسم المهداوى
Date: 06-26-2013, 08:54 PM
Parent: #3

فكرة الهروب من السفينة وهى تترنح
يعنى مخارجة ـ وخلاص النفس
لى بضع اسئلة
1/ كم يبلغ حسابك فى البنوك ومن اين لك ؟؟؟
2 / كم هو ثمن تلك السيارة التى تمتطيها ومن اين لك ؟؟
3 / ان كنت تعمل بالتجارة ـ فمن اين لك برأس المال
4 / كم من المرات استخدمت نفوذ والدك لمصالحك الشخصية على حساب الوطن ؟؟؟





ـــــ:
خارج النص :
مكة قفلت
واللعب فى الزمن بدل الضائع لا يحرز نصرا



قاسم المهداوى

Post: #4
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: معاوية المدير
Date: 06-26-2013, 08:41 PM
Parent: #2

وطـلـع الجِـرو أنـجـس من الـكـلـب.



سلآمات يا عمر...

Post: #6
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: عمر صديق
Date: 06-26-2013, 08:56 PM
Parent: #4

Quote:
سلآمات يا عمر...



هلا بي ود المدير
الزول السمح



الا مثلك شين


والله صحي

Post: #7
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: ibrahim alnimma
Date: 06-26-2013, 09:15 PM
Parent: #6

المهم ياعمر انت رأيك شنو اتمني الا تكون ناقل للخبر فقط .......

Post: #8
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: عمر صديق
Date: 06-26-2013, 09:21 PM
Parent: #7

Quote: المهم ياعمر انت رأيك شنو اتمني الا تكون ناقل للخبر فقط .......



انا يا ابراهيم راي قلتو في العام الماضي وقبله



راجع كتاباتي هنا في البورد وفي صحيفة اخبار اليوم

Post: #9
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: تبارك شيخ الدين جبريل
Date: 06-26-2013, 09:35 PM
Parent: #8

Quote: like







.. المهم ...

Post: #10
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: ibrahim alnimma
Date: 06-26-2013, 10:00 PM
Parent: #8

Quote: راجع كتاباتي هنا في البورد وفي صحيفة اخبار اليوم

انت مالك ياعمر مصعب الموضوع كدة ياخي رأيك ده متعب يعني انت رايك شنو في كلام محمد نافع ده ؟؟؟؟؟؟؟محمد نافع كلامو ده جديد خلينا من قولك القديم..........
ثم ياعمر انت مالك ياخي اليومين ديل كلما الواحد سالك طوالي تقول امشي راجع المنبر وامشي راجع الارشيف ؟؟؟؟؟شايف رادك امس لاسامة العوض برضو انحصر في راجع الارشيف وراجع المنبر مع انو نفس الكلام الانت قلتو غير موجود في المنبر .......

Post: #11
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: كمال عباس
Date: 06-26-2013, 10:29 PM
Parent: #10



لافرق بين عقلية نافع senior ونافع junior !!
-!!
شكرا أخ عمر صديق - علي نقل محتوي المادة...
بإفتراض صحة نسبة هذا الإقتباس لإبن نافع علي نافع- فلا إستبعد أن يأتي من يقول أن ولي عهد نافع مهكر - أو أن يتراجع عن كلامه هذا تحت تهديد لحس الكوع الأبوي.. أقول بإفتراض صحة نسبة هذا الكلام لإبن نافع دعونا نعلق علي هذا الكلام لنري ما إذا كان قد حوي جديدا يقول :-
Quote: كتب المهندس محمد ابن القيادي السوداني المعروف د. نافع علي نافع :
للأسف لم يدرك السياسيون و صناع القرار في المؤسسات و الشركات و الأحزاب أو حتى المجموعات الثقافية و الفنية في بلادي أن ما يدور الآن من حراك و تدافع و تململ هو ثورة جيل بأكمله.. هي ليست ثورة ضد مبدأ أو جماعة أو حزب بقدر ما هي ثورة ضد جيل بأكمله.. لأكون أكثر وضوحاً هي ثورة داخلية لكل الجماعات و الطوائف أو المجموعات، ثورة عنوانها أن هذا الجيل قد نفدت صلاحيته و صار يغرد خارج المنظومة العالمية و غير مواكب للتطورات و الأحداث من حوله.. السادة/ .................................. (دعوني أطلقها على عمومها) كل من تجاوز الخمسين (50) من عمره، شكر الله سعيكم و غفر لكم.

** إنطلاقا من المكتوب أعلاه نجد أن ثورة نافع junior الصغير :-
Quote: ليست ثورة ضد مبدأ أو جماعة حزب!
.. بينما الشباب السوداني - المعارض والثائر يقول أن ثورته ضد مبدأ ومن أجل مبدأ - إنها ثورة ضد مبدأ الفساد والإستبداد والشمولية وتمزيق الاوطان وضد مبدأ إحتكار السلطة والثروة ! وإنها ثورة من أجل مبدأ دولة القانون والعدالة والحرية والتداولي السلمي والنزيه للسلطة ومن أجل مبدأ التعددية والحريات العامة ! ** وإن كانت ثورة نافع الإبن ليست ضد أي جماعة أوحزب فإن ثورتنا ضد "جماعة" أفسدت ونهبت وإغتصبت البلد وهيمنت علي مفاصل السلطة والثروة ! إنها ثورة ضد عقلية وممارسة-ضد تلك الجماعة شيبة وشبابا -فلن يغير حال بلادنا شئيا إذا تنحي شيوخ الإنقاذ وإستلم الراية شبابهم ومارسوا فينا نفس النهج والأساليب والبرامج عبر فوهة البندقية وتزوير إرادة الشعب !
** مع إيماني بتداول السلطات وتواصل الأجيال وضخ شرائين الاحزاب بدماء جديدة الا أنني أقف ضد التمييز ضد الناس بسبب السن والجنس !
*-القدرات والتأهيل والعطاء هو الفيصل ! فكم من الكبار أعطي وضحي وأخلص وأتسم بالنزاهة وعفة اللسان وطهارة اليد فكم من الشباب - من نهب وقتل وعذب -وتبوأ موقعه بفضل سياسة التمكين والولاء السياسي لاعبر التأهيل والكفاءة !
** الخلاصة لم يعلن نافع الإبن إنحيازه لجماهيره شعبه ولم ينادي بالديموقراطية والحريات العامة وحقوق الإنسان ولم يقف ضد الشمولية وإحتكار السلطة ! ...إذا حسنا يانافع " جونيور"junior هل توافق أن تكون ثورة الشباب القادمة ضد دولة الإنقاذ ونظام الإستبداد والفساد?
...

Post: #12
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: cantona_1
Date: 06-26-2013, 10:50 PM
Parent: #11


سلام مربع لكل المتداخلين منبر وفيسبوك
قال الله تعالى: (ولا تزر وازرة وزر أخرى). لماذا تُحمِّلون محمد نافع أخطاء نافع. لو قتل نافع رجلاً هل يجيز القانون أو تقبل الشريعة أن يقتل إبن نافع في ذلك الذي قتله نافع؟ الإجابة بالطبع لا. العين بالعين والسن بالسن. ودا كلام ربنا يا جماعة الخير.
يقول القانون: ( المتهم برئ حتى تثبت إدانته في محكمة قانونية ذات إختصاص). فلو ركب محمد نافع عربية فمن الممكن يكون مشتريها بالتقسيط المريح من الشركات والبنوك التجارية خاصة بنك الخرطوم. ودا ما بنك حكومي. ولو في جهة موّلت محمد بتسهيلات غير مسبوقة لأنه إبن نافع على نافع، فمن يُحاسب هو الجهة المموِّلة وليس محمد ولا والده نافع.
قد يكون نافع على نافع شرس في حديثه. ما في قلبه على لسانه بقولوا بدون تردد. لكن بالله عليكم من منكم يعرف اسم زوجته أم محمد وأخوانه؟ من منكم شاهدها في حفل خيري أو أي حفل من نوع الحفلات التي تقيمها زوجات الكبار؟ حاسبوا نافع على أخطائه ولكن لا تدخلوا أولاده واسرته في ما ليس لهم دخل فيه؟
الصحابي أبو عبيدة عامر بن الجراح قتل اباه في بدر، فهل حاسبه الناس على قتله أبيه المشرك. لا بل نزلت فيه آية كريمة تشيد بعمله لأنه جهاد في سبيل الله والدين. فلماذا لا تشجعوا محمد نافع على نصح والده لينقل له الصورة التي لم يوصلها له منسوبيه ويكون قد خدم الوطن ووالده وحكومته. بشروا ولا تنفروا كما قال الرسول عليه السلام. تحياتي.

كبـّاشي الصـّـافي

(العوج راي والعديل راي)

Post: #13
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: محمد علي عثمان
Date: 06-26-2013, 10:56 PM
Parent: #12

محمد بن نافع, يوم يفر المرء من امه و ابيه

قامت قيامتكم يا ابالسة

Post: #14
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: مهدي صلاح
Date: 06-26-2013, 11:11 PM
Parent: #13

والله ياهو كلام معاوية المدير

البعض تلقف ترهات الواد دا بفرحة شديدة وبعد شوية حيطلعوهو نبي

Post: #15
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: cantona_1
Date: 06-26-2013, 11:31 PM
Parent: #14


عكرمة بن أبي جهل كان من المقاتلين في بدر وأحد ضد الإسلام. لكن حسن إسلامه وصار من صحابة الرسول والراوين للحديث عن عبد الله بن عباس. هل رفضه الرسول (ص) والمسلمون لكفر والده عدو الإسلام الأول. مادام الولد محمد خاطب والده بهذه الشجاعة وبهذه الكيفية ففيه خير كثير للوطن. ولا ننسى أنه سوداني قبل أن يكون إبن من! وهو ما زال صغير في السن فلماذا لا ندربه على قول الحق حتى في وجه والده الذي يعتبره الجميع سلطان جائر. لا تحبطوا الشاب محمد نافع بل ساعدوه يمكن الله ينقذكم من الإنقاذ بأحد أبناء الإنقاذ.
تحياتي.

كبـّاشي الصـّـافي

(العوج راي والعديل راي)

Post: #16
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: Idris Logma
Date: 06-26-2013, 11:49 PM
Parent: #15

إِنَّكَ إِنْ تَذَرْهُمْ يُضِلُّوا عِبَادَكَ وَلَا يَلِدُوا إِلَّا فَاجِرًا كَفَّارًا

دا اتلعموا بعد هجليج وقبل هجليج ؟؟؟؟؟؟
دا مش نفس الوليد الواقف مع الست الشايلة كلاش ؟؟؟؟؟
ودا مش نفس الولد الراكب في اليخت في بحر قزوين ؟؟؟؟؟

انت يا ولد ما سمعت قول الله ( وانذر عشيرتك الاقربين )
ما تنصح والدك يحفظ لسانوا من سب الناس بدلا من تطلب الفوق الخمسين يجلسوا في بيوتهم ؟؟؟ هو عمر التقاعد عندكم
بقي 50 سنة ؟؟؟؟

Post: #18
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: cantona_1
Date: 06-27-2013, 00:16 AM
Parent: #16

Quote: هو عمر التقاعد عندكم
بقي 50 سنة ؟؟؟؟




يا إدريس لقمة سلام .. نحن خلاص بقينا خارج الزون .. إن شاء الله ما تكون معانا.
تحياتي.

كبـّاشي الصـّـافي

(العوج راي والعديل راي)

Post: #17
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: ibrahim alnimma
Date: 06-27-2013, 00:12 AM
Parent: #15

السيد كباشي الصافي سلام :
تقول .........
Quote: قد يكون نافع على نافع شرس في حديثه. ما في قلبه على لسانه بقولوا بدون تردد

لا يا كباشي ان الذي بيننا وبين نافع ليس معركة شخصية ولا علاقات عامة ولا حقد شخصي انما الذي بيننا وبينه قضية وطن وانتهاك لحقوق الانسان السوداني ........صحيح كما قلت هو لا يدرك كيف يدير صراعه السياسي ولكن لذلك ايضاً اسبابه السياسية التي نفسرها نحن بضعف الحجة والشعور المتزايد بدفء السلطة والازرداء الواضح للخصوم هي بالمناسبة consequences ايدلويجية رضعها في رحم الاسلام السياسي ......ولكن الموضوع يتعلق بان نافع علي نافع استخدم جهاز وموارد البلاد في تاسيس ثقافة التعذيب للخصوم السياسين فهو ورفيقه صلاح قوش هما من اساسا بيوت الاشباح وادخلا في السياسية السودانية ثقافة التعذيب والازدراء السياسي .....ان الذي بيننا وبين نافع وطن اختطف وشرد ابناءه وتم امتلاكه كاملاً واصبح التصرف فيه كانه ملك خاصتهم .....ان الذي بيننا وبينهم هو وطن نود ان نتساوى فيه جيمعاً .......انا شخصياً لا انظر لحديث محمد نافع اكثر من طرفة أو حدث سياسي عابر .....فلا محمد نافع شخصية سياسية مرموقة تحلل او تراقب او حتي تؤثر في الاحداث السياسية .....ولكن كونك تقول عن نافع مقللاً من مستوى الغبائب السياسية ومستصغراً من الخصومة السياسية لنافع مع جموع الشعب السوداني بقولك ما في قلبه يقوله دون تردد ......وهي عبارة تستخدم في الثقافة السودانية دلالة علي بساطة وصفا سريرة المتحدث وحسن نيته .....وليس في السياسية حسن المقصد انما بيننا وبينه جرائم اتكبت في حق الشعب ...فصل تشريد تعذيب فساد ...تزوير انتخابات ابعاد كامل لجموع الشعب في المشاركة السياسية ....فهل هذه قضايا بسيطة ناخذها بحسن النية وسلامة المقصد .....الذي بين نافع والشعب السوداني مكانه المحاكم في نظام عادل وقضاء حر مستقل ....
وشكراً

Post: #20
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: Idris Logma
Date: 06-27-2013, 00:27 AM
Parent: #17

يا كباشي سلامات
الولد دا يحيل ربع سكان البلد لتقاعد الاجباري
دي اخرتا نافع يفسد ربع قرن و ولدوا عايز ينتهي من ربع ناس البلد
ديل مشكلتهم مع الربع شنو ؟؟؟
المعاش لسة شوية لكن بالطريقة دا احسن نبل راسنا

Post: #36
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: عمر صديق
Date: 06-27-2013, 05:24 PM
Parent: #11

Quote:
شكرا أخ عمر صديق - علي نقل محتوي المادة...
بإفتراض صحة نسبة هذا الإقتباس لإبن نافع علي نافع- فلا إستبعد أن يأتي من يقول أن ولي عهد نافع مهكر


سلام استاذ كمال عباس

المحتوي صحيح وقد اقر به محمد نافع في صفحة السائحون

Post: #19
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: عثمان كوستي
Date: 06-27-2013, 00:26 AM
Parent: #2

يامحمد الكلام ده قولو لي أبوك في البت أولا وأبوك هوًراس الحية.
أما كلامك كل من بلغ سن الخمسين يترك السلطة فهو حديث ممجوج
ومردود عليك . كلهم يمشو وأبوك اول واحد فيهم يمشي اليوم قبل بكرة
كل الكيزان لازم يمشو كبيرهم وصغيرهم وانت اول واحد فيهم .
وأيامكم قربت ولكل ظالم نهاية .

Post: #21
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: صديق_ضرار
Date: 06-27-2013, 01:51 AM
Parent: #19

كباشى الصافى
حمد لله على السلامة
وكويس شفناك طيب
أول مرة تدقس يا كباشى
شوف كلام الولد دا
نحن دحين موش فى حكاية ولا تزر وازرة وزر أخرى
نحن فى الموضوع نفسه الذى يتحدث فيه
هو يتحدث عن الفئة العمرية لمن له الحق فى أن يحكم
بينما الناس بتناقش فى المنهج . وبعدين طبعا على خفيف فى لمس فى أشيائه الخاصة
يعنى إلعب غيرها يا ولد
واضح دا نوع من الاستهتار إنه يتكلم فى موضوع لا يفقهه بتاتا
على العموم راجع كلامه تانى وقول رأيك يمكن يطابق رأى الجماعة

بعدين يا كباشى أخوى إنت تنصح البت ديك بتاعة القصة الحدثت فى المواصلات
إنه تنشر فى جريدة الهندى عزالدين ؟ غريبة ؛ دا لو قيامة الثورة بكرة ما ممكن تجى شاقة بى شارع جريدته
دا راجل ماكر متلمع يشبه المنافق الخبير الوطنى مين كدا عبد ال اطى .
يا كانتونا تزودنا سابقا منك بمعارف راقية ما تبوظها بالجماعة ديل

Post: #22
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: محمد حيدر المشرف
Date: 06-27-2013, 02:33 AM
Parent: #21

تبارك دا جن ولا شنو ..
يعمل ثمب داون للايك بتاعتي !!!

ده كلام عجيب والله !!
انا محمد حيدر الذكر البالغ الرشيد "لايك" كلام الشاب ده يا تبارك ..
الثمب داون دلالاتها شنو بالتحديد ..
ما مفروض انا اعمل كدا ولا شنو ؟!!

Post: #23
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: Yassir Tayfour
Date: 06-27-2013, 03:08 AM
Parent: #22

عمر صديق ذاتو دقش الخمسين وراجي دورو عشان كده كلام ود نافق ما بعجبو ؛)

Post: #37
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: عمر صديق
Date: 06-27-2013, 05:42 PM
Parent: #23

Quote: عمر صديق ذاتو دقش الخمسين وراجي دورو عشان كده كلام ود نافق ما بعجبو ؛)



سلامات يا ابتفة

انا من ناحية دقشتها دقشتها لكن ماراجي دوري

وكلام ودنافع عاجبني شدييييد

لانو قلناهو زمان لكن كلام القصير مابتسمع

Post: #24
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: تبارك شيخ الدين جبريل
Date: 06-27-2013, 03:20 AM
Parent: #22

يا ود المشرف ياخي انا اعمل شنو ...

يجيبوا لينا موضوع من الفيسبوك ما عندو راس ولا قعر ...

من ناحية عجبتني "Like" بتاعتك كردة فعل موضوعية ...

ومن ناحية تانية ما عجبني نوهائي انو نكون قاعدين هنا بنلوك في سيرة محمد نافع وبنتعامل مع آراؤو وكأنو هو مفكّر متسق مع أفكارو ...

بالنسبة لي دا انحطاط وصلنا ليهو بشق الأنفس ...





... المهم ....

Post: #25
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: محمد حيدر المشرف
Date: 06-27-2013, 03:34 AM
Parent: #24

Quote: ما عجبني نوهائي انو نكون قاعدين هنا بنلوك في سيرة محمد نافع وبنتعامل مع آراؤو وكأنو هو مفكّر متسق مع أفكارو ...



LIKE

Post: #26
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: محمد فضل الله المكى
Date: 06-27-2013, 07:32 AM
Parent: #25

Quote: [Q... المهم ....

:
:
:
:
:
........ أسّااااااااااااااااااااااااااااااااا فر و مــا كلَّمني...........!
:
:
(بعد الإذن من ود شيخ الدين)

Post: #27
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: أيمن الطيب
Date: 06-27-2013, 08:01 AM
Parent: #26

سلامات يا عمر صديق,,

هو واحد من إتنين بعد الكلام دا:
Quote: للأسف لم يدرك السياسيون و صناع القرار في المؤسسات و الشركات و الأحزاب أو حتى المجموعات الثقافية و الفنية في بلادي أن ما يدور الآن من حراك و تدافع و تململ هو ثورة جيل بأكمله.. هي ليست ثورة ضد مبدأ أو جماعة أو حزب بقدر ما هي ثورة ضد جيل بأكمله..لأكون أكثر وضوحاً هي ثورة داخلية لكل الجماعات و الطوائف أو المجموعات، ثورة عنوانها أن هذا الجيل قد نفدت صلاحيته و صار يغرد خارج المنظومة العالمية و غير مواكب للتطورات و الأحداث من حوله..
السادة/ .................................. (دعوني أطلقها على عمومها) كل من تجاوز الخمسين (50) من عمره، شكر الله سعيكم و غفر لكم.
يا محمد نافع عمل ليهو مستشار صحفى يكتب ليهو فى الفيس بوك!!!!
أو فى ماسورة حايمة هنا!!
وبالعدم ككو كبير خالس!!!

فا شنو ,,,,

تبينوا وتيقنوا وأبعدوا عن الفيس بوك ما استطعتم,,
فما أكثرها فخاخه..

تحياتى,,

Post: #28
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: محمد حمزة الحسين
Date: 06-27-2013, 08:34 AM
Parent: #25

Quote:

LIKE


يا ود المشرف لايك التانيه العمل ليها ثمب داون تبارك موش التانيه

بعدين يا شباب المبادرة دى كويسة لو تلغفها الشباب المستفيد الاعظم منها هم
شباب الحزبين الكبيرين والشيوعى الاقدم نوعاً ماااااااا والله صحى
:
:
:
:
:
:
مع التحيات لله الزاكيات

Post: #29
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: على ميرغني
Date: 06-27-2013, 10:05 AM
Parent: #28

Quote: يقول القانون: ( المتهم برئ حتى تثبت إدانته في محكمة قانونية ذات إختصاص)

لا يا استاذنا كباشي .. إلا في العمل العام الحتة دي ما بتركب
وعندك واقعة (هذا لكم وهذا اهدي لي)...
تحياتي واحترامي

Post: #30
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: Yassir Tayfour
Date: 06-27-2013, 10:10 AM
Parent: #29

https://www.facebook.com/photo.php?fbid=1395113295254...08306andtype=1andtheater

Post: #31
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: Mutaz Hussien
Date: 06-27-2013, 10:27 AM
Parent: #30

ههههههههههههههههههههههه
ههههههههههههههههههههههههه
ههههههههههههههههههههههههههه
ههههههههههههههههههههههههههه

Post: #32
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: Ahmed musa
Date: 06-27-2013, 01:57 PM
Parent: #30

الغريبة كلام محمد نافع ده انا قريتو في الفيس ...وشايفو كلام عادي
هو ماقاصد الرئيس ولا نوابه ولا مساعديه
هو بتكلم كلام عام عن الثرات بالداخل والخارج
وبنوه لضرورة فتح مسارات العمل للشباب
عشان يحصل تداول سلمى للسلطة
وربما النبهه لكدة التداول الحصل في قطر
والله اعلم

Post: #43
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: عمر صديق
Date: 08-07-2013, 02:55 PM
Parent: #32

Quote: الغريبة كلام محمد نافع ده انا قريتو في الفيس ...وشايفو كلام عادي
هو ماقاصد الرئيس ولا نوابه ولا مساعديه
هو بتكلم كلام عام عن الثرات بالداخل والخارج
وبنوه لضرورة فتح مسارات العمل للشباب
عشان يحصل تداول سلمى للسلطة
وربما النبهه لكدة التداول الحصل في قطر
والله اعلم


معليش يامولانا

لو هو ماقاصدم


نحن قاصدينهم

ودا مطلب شعبي ووطني كمان

Post: #33
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: وضاحة
Date: 06-27-2013, 02:04 PM
Parent: #30

Quote:
ياسمين دولاب · Amerian University
نافع الأسبوع الفات الرسول كان ماسك ايدو
رد · 1 · · منذ ‏9‏ ساعات



Post: #34
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: صديق_ضرار
Date: 06-27-2013, 02:34 PM
Parent: #33

قصدك يا وضاحة الأسبوع دا الشيطان ماسك . .

Post: #35
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: عمر دفع الله
Date: 06-27-2013, 02:40 PM
Parent: #30

Quote: الصحابي أبو عبيدة عامر بن الجراح قتل اباه في بدر، فهل حاسبه الناس على قتله أبيه المشرك. لا بل نزلت فيه آية كريمة تشيد بعمله لأنه جهاد في سبيل الله والدين. فلماذا لا تشجعوا محمد نافع على ????????

قتل والده العصبجى الذى عذب الناس الى درجة القتل في بيوت الاشباح ......... كدا استعدلنا ليك فكرتك يا استاذ

Post: #42
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: cantona_1
Date: 06-28-2013, 01:49 AM
Parent: #29

Quote: لا يا استاذنا كباشي .. إلا في العمل العام الحتة دي ما بتركب




سلامات يا عمي علي... يا أخي زمان ما كنت بتفهمها طايرة الحصل عليك شنو؟ نحن بنكتِّل أم قراصة لمقيل باكر. أسال حوازم تشرح ليك المعنى. وبعدين نتفاهم. هل الموضوع فيهو تقدم ولا مازال محلك سر كما يقول العسكر؟ تحياتي.


كبـّاشي الصـّـافي

(العوج راي والعديل راي)

Post: #38
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: العوض المسلمي
Date: 06-27-2013, 06:33 PM
Parent: #1

شيخ عمر سلام
عليك الله لولا ان البلد لحقت امات طه ود نافع شنو كمان البحدد منو البستقيل ومنو الببقي ؟
ما ناس كتيرة قالت الكلام ده يعني كلام ود نافع هو البغير شئ ؟
حديث لا يساوي الحبر الذي كتب به ولا يستحق حتي هذا الاحتفاء ...
معليش يا شيخ عمر لكن الخبر استفزاني

Post: #39
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: اميرة السيد
Date: 06-27-2013, 07:01 PM
Parent: #38

يا جماعة الخير المعروف ان كل الناس متفقين في الدنيا دي ان نافع اكثر زول مكروه في الحكومة دي.. وحتى ولده ، من لحمه ودمه ، بيقيف ضده.. وعشان كده مفروض تشجعوا ولده محمد ده وتشدوا من أزره عشان يواصل معارضته لحكومة السجم والرماد دي.. وما تظلموا الراجل ساكت وتقولو عنه انه عاوز ينط من المركب قبل ما يغرق... ولهسع نحن ما شايفين السفينة عاوزة تغرق.. وما في ارهاصات في الطريق بيدل على كده... وعشان كده شجعو محمد وقولوا ليه واصل وافكارك نيرة جدا... واحتمال ابوه يسمع كلامه وينسحب من الحياة السياسية .. وبعد سنوات من العذاب وبعد ارساء حكم الديمقراطية حيجي حاكم السودان الجديد ويقبض عليه ويقدمه للمحاكمة العادلة او محكمة ثورية...بس ما يكون زي المحكمة العملها الحجاج بن يوسف لأحد قتلة عثمان بن عفان..
وقصة الحجاج انه عندما ولاه عبد الملك بن مروان لحكم العراق كان قد بدا في مطاردة جميع الذين اشتركوا وتآمروا على سيدنا عثمان بن عفان أو بالأصح من بقي منهم على قيد الحياة لأن خلفاء بن أمية قتلوا منهم المئات وكان عدد الذين تآمروا على قتل سيدنا عثمان حوالي ألف رجل.. وقتلوا جميعا ما عدا واحد فقط نجا من القتل واصبح عجوزا عمره فوق الثمانين سنة , وفي أحد الأيام كان الحجاج في مجلسه وحوله بعض الرعية يحاورهم وفجأة توقف عن الحديث وبدأ ينظر في وجه رجل عجوز وسأله :" هل انت.. فلان ابن فلان؟؟ باسمه( وقال له الرجل نعم, فقال له الحجاج أأنت الذي نبحث عنه كي نقتص منه من مقتل سيدنا عثمان بن عفان.. فأقر الرجل .. فقال الحجاج اقطعوا رأسه.. فقطعوا رأسه في الحال في مجلس الحجاج...

أها وبعد سنوات حيجي الحاكم الجديدللسودان ويرى نافع الذي اصبح عجوزا ويقول له:" أأنت نافع الذي كان يسب اهلنا بمناسبة وبدون مناسبة؟؟ ويقر الرجل ويقول :" نعم.. ويقول الحاكم الجديد :" ضعوه في السجن لحين محاكمته.. طبعا هذه اذا كان الحكم ديمقراطي.. اما اذا كان مثل الحجاج فسوف يقول :" اقطعوا راسه...
والله يديكم العافية

Post: #40
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: cantona_1
Date: 06-27-2013, 09:10 PM
Parent: #39

Quote: وعشان كده مفروض تشجعوا ولده محمد ده وتشدوا من أزره عشان يواصل معارضته لحكومة السجم والرماد دي.. وما تظلموا الراجل ساكت وتقولو عنه انه عاوز ينط من المركب قبل ما يغرق




الله يكملك بعقلك يا الأميرة بنت السيد.. بجيك راجع عشان أرد على كلامك سطر سطر نقطة نقطة كلمة كلمة زي ما قال القذافي. ماشي أشوف الشوط التاني بين إيطاليا وإسبانيا. تحياتي.

كبـّاشي الصـّـافي

(العوج راي والعديل راي)

Post: #41
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: زياد جعفر عبدالله
Date: 06-28-2013, 00:35 AM
Parent: #40

Quote: بالنسبة لي دا انحطاط وصلنا ليهو بشق الأنفس ...

Like
شديد

Post: #44
Title: Re: محمد ابن الدكتور نافع يطالب الرئيس ونوابه ومساعديه بالتنحي عن السل
Author: عمر صديق
Date: 09-11-2013, 08:28 AM
Parent: #41

فوق