التجمع السلمى الثانى أمام المفوضية الاربعاء25اغسطس

التجمع السلمى الثانى أمام المفوضية



24 اغسطس 2004


في إطار الحملة التي ينظمها مركز الجنوب لحقوق الإنسان بهدف الغاء قرار مفوضية شئون اللاجئين بالقاهرة بوقف التعامل مع اللاجئين السودانيين لمدة ستة أشهر يدعوكم المركز للتضامن والمشاركة غداً الاربعاء القادم 25/8/2004 فى الواحدة ظهراً فى التجمع السلمى الثانى أمام مبنى مفوضية شئون اللاجئين 8 شارع الفواكه- المهندسين فى الواحدة ظهراً.

يذكر أن الاربعاء هو الموعد الذى تحدد لرد المسئولين بالمفوضية على مذكرة كان مركز الجنوب قد تقدم بها للمفوضية الخميس الماضى تطالب بالغاء القرار بوصفه تمييزاً ضد اللاجئين السودانيين وانتهاكاً لإتفاقية 51 وكافة المواثيق الدولية لحقوق الإنسان.


موضوع صادر عن :

مركز الجنوب لحقوق الإنسان

الاخ الواثق تحية وتقدير

مع احترامي لتجمعكم بس انا ما فهمت السلمي دي ؟؟

طيب السلمي ما فيها حاجة ؟؟

تجمعكم غير السلمي كيف؟؟؟ حتفلقوا ولا شنو؟

بالجد انا بسال؟

الاخ اساسى

تنقسم التجمعات الى تجمعات سلمية وغير سلمية والسلمية تعنى تجمعات لا تلجاء للعنف للمطالبة بحقها كالمظاهرات او غيرها من اعمال العنف
اما وسائل التجمع السلمى فيمكن ان تكون اعتصام او اضراب عن الطعام وغيره من الوسائل التى لا تلجاء للعنف

ياحبيب اللاجئين ديل سودانين صاح؟

طيب هم اساسا موجودين في مصر؟؟؟ طيب اكتر من كده دايرين يمشوا وين يعني؟

اللجؤ ده الا يكون امريكا الشمالية واستراليا يعني ولا كيف؟

يامان ناس اللجؤ ديل والله ضروا بالبلد لدرجة غريبة ومافي زوول عنده اي

موضوع كلهم وشوف عيني دي الناس دي بتجي هنا وبتالف في قصص غريبة

وخياليه.

الناس بقت عشان تصلح من اوضاعها يعني لازم يضروا بسمعه البلد ولا كيف؟

يامان من خرج من داره قل مقداره.

الاخ Bakhaf

الظاهر عليك كنت واحد من الناس الكانوا بيالف القصص الغريبة والخيالية عشان كده بتقول كلامك ده
لو كنت واحد من الناس الاتعرضوا للتعذيب او الترهيب او اتحرقت قراهم او بيوتهم او اتصادرت ممتلكاتهم كنت قدرته ماساة اللاجئين بى صورة سليمة لكن الظاهر عليك انك من الفئات الجات وسافرت عن طريق اللجوء واتنكرت للقضايا الحقيقية للسودانيين

Quote: الظاهر عليك انك من الفئات الجات وسافرت عن طريق اللجوء واتنكرت للقضايا الحقيقية للسودانيين

أبدا وحاتك ياسيدي ، ليس في حوجه لعمل شئ من هذا القبيل.

يعني انتا داير تقول الناس الجات امريكا (علي الاقل) دي كلها اتعرضوا

لتعذيب واتشردوا من ديارهم.

يازوول كلامك ده ماتقولوا هنا ، انا عايش في الواقع وشايف ناس اللجؤ دي بتعمل في شنو هنا .

99.9% من اللاجئين هاربين من السودان عشان يحسنوا اوضاعهم ولا يوجد اي سبب آخر .

الاخ Bakhaf

Quote: 99.9% من اللاجئين هاربين من السودان عشان يحسنوا اوضاعهم ولا يوجد اي سبب آخر

ما ح اقدر اقول عليك سودانى احتمال تكون امريكى او من جنسية تانية لكن لا اعتقد انك سودانى وقريب من السودان او على الاقل متابع ما يجرى فى السودان