معاناة الاطباء / الجواب يكفيك عنوانه ( ميز الطبيبات ) / صور & فيديو

http://www.youtube.com/watch?v=EdczohcNEog

الفيديو مرة اخرى وارجو ان يوضع مرة اخرى

No comment
Big Shock

لا حولا ... لا حولا

Speechless

لا حولا ااا
منظر مؤثر

>

Quote: معاناة الاطباء / الجواب يكفيك عنوانه ( ميز الطبيبات ) / صور & فيديو

لا حول ولا قوة إلا بالله.
دي والله حالة كرب.

بالله يا أستاذة نجلاء هذه المزبلة يسكنن فيها بناتنا الطبيبات؟؟
والله لو ما جات الصور منك ما كنت صدقت وأفتكرت أنه ده مكان مهجور حتى هوام الحيوانات لا تستطيع الإقامة فيه.
والله الأطباء ليهم مليون حق يضربوا ويستقيلوا كمان ويهاجروا،، يعني هم ما بشر دايرين يعيشوا حياة كريمة بالحد الأدنى على الأقل.

المشكلة أنه الجرابيع والهتيفة الما بتستفيد منهم البلاد والعباد وعايشين عالة ساكنين القصور والعمارات الفارهة...
سبحانك ربي.



آية في القرآن الكريم تصف حال أهل الإنقاذ.

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

لو كنت مكان السيده وزيرة الصحة أو السيد وكيل الوزارة ورأيت هذه الصور لاستقلت في الحال

Quote: لو كنت مكان السيده وزيرة الصحة أو السيد وكيل الوزارة ورأيت هذه الصور لاستقلت في الحال

يا زول ديل بيثبتوا في نفسهم زيادة تقول لي يستقيلوا .

هي الحكومة دي اصلا انسانية و قيم و اهتمام ببشر ما متوقع منها
لكن بما تفهمه، حساب الربح و الخسارة، منتظرة ممن يسكنون هذا
المكان ان يؤيدوها؟ مفروض يساعدوا (التزوير) بجكة

مأساة وطن
وطن مسئولى صحته عاجزين عن حماية انفسهم
وفاقد الشيئ لا يعطيه
.........
انتو متأكدين انو تابيتا دى تبع الحركة وليس المؤتمر؟
ام الشريكين واحد؟
اذا لم تسمع بمشكلة هؤلاء الطبيبات
الم تشم الرائحة؟
وهى جارة ميز الطبيبات؟
ولماذا تستمر فى الوزارة بعد فصل الاطباء؟
ماذا تنتظر؟
هل نامت تحت بريق السلطة؟
كيف تنام وجارها معفن؟
اين النضال؟
استقيلى يا تابيتة.

اللهم لا نساءلك رد القضاء بل اللطف بنا
بس كثيرة وحامضة ومصيبة في حق أخواتنا ؟
دور اللا وطني أماكن للرفاهية والمتعة وبها يتمتع الجرابيع اللئام
هل ترضون ذلك لأخواتكم وبناتكم يا كيزان المنبر أولا ؟
اين حرمة عرض المسلم التي كررها رسولنا الكريم مرات عدة في حجة الوداع ؟
شكرا نجلاء
كوني الشمعة
الشفيع

Quote: لو كنت مكان السيده وزيرة الصحة أو السيد وكيل الوزارة ورأيت هذه الصور لاستقلت في الحال

نجلاء إزيك

عشان الناس تشوف كويس كدى أمشى صورى الكولر بتاع المويه فى ميز أمدرمان,,بصراحه ما عارف عثمان الهادى عمر همام وباقى الشباب ديل عايشين لسه كيف.
أها الكولر ما شغال أصلا,,وكميه الكائنات العايشه جواه لاتوجد حتى فى معمل إستاك.
سلمى على باخ والبقيه.

يعني حاجة تحير

ميز العزابة ناس حلة علي والشكابة وام الطيور والزومة وكاب الجداد

انضف وارقى وابرك وانعملان المسالة مسالة تربية واهتمام بالذات


طيب الطبيبات او الاطباء مايجيبوا سباك ويحكوا جلدهم بظفرهم ،،، الدلع لزموا شنو
ناس ماقادرة تنظف حمامتهاكيف تنظف بطون المرضى واسنانها
والله دي قلة ادب وخيابة منقطعة النظير

لو كان ده المستشفى نقول معليش الحق على وزارة الصحة لكن محل السكن وغرفة النوم والحمامومكان قضاء الحاجة!!! طبيبات اخر الزمن
امشوا اضربوا اخير ليكم مادام عايشين في هذا الوسخ لافرق

اختي نجلاء

منذ ان كنا صغارا نسمع بميز الاطباء فتمر بخاطرنا صور كثيرة فيها الابيض وفيها الاسود وفيها الاحمر

لو ارادوا الاعتناء بميزاتهم لاستطاعوا هذا سكنهم وبيتهم من الذي تنظف الحكومة مرحاضه
كل طبيب يدفع جنيه ليصبح الحمام نظيف وتشفط المياه

بعدين يانجلاء انتقاء الصور يفتقد الى الصدق والمهنية لانه تضليل للراي العام

امانة في ذمتك هل كل ميزات الاطباء بكل رومانسيتها وذكرياتها المشرقة وما فيها من ليالي السمر والانس على هذه الشاكلة
ام انك فتشت عن هذا المرحاض الطافح واعدت تصويره من كل الزوايا

يانجلاء الانتخابات على الابواب والاطباء بكل انتهازية مهنية وسياسية لدى البعض قتلوا المرضى ورموا بهم عرض الحائط
عشان يعافروا الحكومة

اقل الناس في العالم اضرابا هم الاطباء بل في بعض الدول تقوم نقابات اخرى بالاضراب نيابة عنهم
شفت الاخلاق يعني عشان يصلحوا ليك الميز ويزيدوا راتبك تموت الف رهينة الله يلعن ابو السياسة السرية

كلامك عن الرواتب والتفاصيل المطبوخة دي تنطبق على كل المهنيين وباشد فلماذا نقابة الاطباء نقابة الثورات واكتوبر وابريل
والميزات والامتيازات والعيادات الخاصة والاهمال الطبي والمستويات المتدنية هي فقط التي تضرب
وتزعزع الاستقرار

Quote: توفير قطع أرض سكنية في مناطق مميزة (درجة أولي ) وبأقساط مريحة وميسرة تمتد لعشرات السنين وفق أسس عادلة ونزيه وتشمل جميع الأطباء ابتدءا من هذا العام 2010م . 2. تتحمل الدولة سلفية مباني للطبيب حتى يتمكن من تشييد منزله , وأيضا تكون بأقساط مريحة وميسرة لعشرات السنين

يعني حاجة غريبةكل المجتمع محتاج لهذه الامتيازات والله مفروض تخجلوا وخسارة قراءتكم للطب يعني رجالة واشتراطات لاتصدق
هذا زمان ولى صصدقيني المسالة ستنتهي بخلان كامل لاهل السياسة المندسين

لان هذا السلاح اصبح باليا

عبد الملك يوسف الملك

Quote: يعني حاجة تحير ميز العزابة ناس حلة علي والشكابة وام الطيور والزومة وكاب الجداد انضف وارقى وابرك وانعملان المسالة مسالة تربية واهتمام بالذات طيب الطبيبات او الاطباء مايجيبوا سباك ويحكوا جلدهم بظفرهم ،،، الدلع لزموا شنو ناس ماقادرة تنظف حمامتهاكيف تنظف بطون المرضى واسنانها والله دي قلة ادب وخيابة منقطعة النظير لو كان ده المستشفى نقول معليش الحق على وزارة الصحة لكن محل السكن وغرفة النوم والحمامومكان قضاء الحاجة!!! طبيبات اخر الزمن امشوا اضربوا اخير ليكم مادام عايشين في هذا الوسخ لافرق

لا أدري ماذا أقول لك وكيف أرد عليك...
يا رجل كيف تحكم؟
هل مسؤولية الطبيبات أن ينظفن المراحيض ؟؟؟
هل مهمتهن شفط المجاري الطافحة؟

طيب
منو البعالج المرضي؟
المحليات ولا عمال الصرف الصحي ولا عاملات النظافة في سكن يفترض فيه توفير الراحة لمن يوفر العناية الطبية للشعب...
يبدو أننا في زمن العجب والحقائق فيه دبايب والفجور والنفاق هو السائد...
قمة الإحباط من قول سليل ملوك ولا أدري هل حكم أجدادك بمثل هذا (إن كانت الملك تعود لآل الملك) فالنار تخلف الرماد...




آية في القرآن الكريم تصف حال أهل الإنقاذ.

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

يا وزارة الصحة .... إيه الأرررف دا ?

د. نجلاء حقو تعزموا الوزيرة غداء في الميز عشان تعرف الحاصل شنو

Quote: فالنار تخلف الرماد

انت يالشايقي شايت على وين امة ولاختمي

بعدين ماتتادب شديد مابقولوا النار تخلف الرماد بقولوا النار تخرا ىالرماد

موضوع صور الحمامات ده عمل انتهازي قامت به الاستاذة نجلاء تعرف يسمى في الاعلام انتقائية خبيثة

تختار صورة زول ميت وحمام طافح وتعملها (ايكونة)

عشان واحد زيك كده يشم رائحة اخبث والخبائث ويكتب مثل كلامك الملوخية ده وكل اناء بما فيه ينضح

اذا كانت صورة بروفايلك ملوخية فطريقة تفكيرك حاتكون ملوخية

الااطباء الملائكة ديل لاينظفون مراحيضهم ولايهتمون بميزاتهم
وعايزين
1- ارضي الدرجة الاولى باسعار واقساط مريحة
2- سكن فاخر وتمكويل ميسر لعشرات السنين

لان السذج كثيرون عندما يروا حماما طافحا سيصدقون ذلك ويبكون رغم انهم تعودوا على قضاء الحاجة في الخلاء
ورغم ان حمامات الخرطوم كلها طافحة ورغم ان ميزات لااطباء اشتهرت بالاماسي الجميلة والحياة الحلوة وكان ممنوع على البسطاءالدخول فيها

بعدين ياشايقي ليس لهذا الحديث العام علاقة بجدودي ولانسبي الا اذا كانت لهذا الملوخية التي تشبه حمامات الاطباء علاقة بجدودك ونسبك واحيانا الرماد يخرا الرماد

>

Quote: انت يالشايقي شايت على وين امة ولاختمي بعدين ماتتادب شديد مابقولوا النار تخلف الرماد بقولوا النار تخرا ىالرماد موضوع صور الحمامات ده عمل انتهازي قامت به الاستاذة نجلاء تعرف يسمى في الاعلام انتقائية خبيثة تختار صورة زول ميت وحمام طافح وتعملها (ايكونة) عشان واحد زيك كده يشم رائحة اخبث والخبائث ويكتب مثل كلامك الملوخية ده وكل اناء بما فيه ينضح اذا كانت صورة بروفايلك ملوخية فطريقة تفكيرك حاتكون ملوخية الااطباء الملائكة ديل لاينظفون مراحيضهم ولايهتمون بميزاتهم وعايزين 1- ارضي الدرجة الاولى باسعار واقساط مريحة 2- سكن فاخر وتمكويل ميسر لعشرات السنين لان السذج كثيرون عندما يروا حماما طافحا سيصدقون ذلك ويبكون رغم انهم تعودوا على قضاء الحاجة في الخلاء ورغم ان حمامات الخرطوم كلها طافحة ورغم ان ميزات لااطباء اشتهرت بالاماسي الجميلة والحياة الحلوة وكان ممنوع على البسطاءالدخول فيها بعدين ياشايقي ليس لهذا الحديث العام علاقة بجدودي ولانسبي الا اذا كانت لهذا الملوخية التي تشبه حمامات الاطباء علاقة بجدودك ونسبك واحيانا الرماد يخرا الرماد

فعلاً مؤتمرجي
فهم لم يجمعوا سوى الغثاء

النار تخلف الرماد دي من ثقافتي أما الأخرى التي ذكرتها فهي تنم على ثقافتك.

مسكين محتاج لعلاج ولا تلام على ما تكتب.



آية في القرآن الكريم تصف حال أهل الإنقاذ.

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: يعني حاجة تحير ميز العزابة ناس حلة علي والشكابة وام الطيور والزومة وكاب الجداد انضف وارقى وابرك وانعملان المسالة مسالة تربية واهتمام بالذات طيب الطبيبات او الاطباء مايجيبوا سباك ويحكوا جلدهم بظفرهم ،،، الدلع لزموا شنو ناس ماقادرة تنظف حمامتهاكيف تنظف بطون المرضى واسنانها والله دي قلة ادب وخيابة منقطعة النظير لو كان ده المستشفى نقول معليش الحق على وزارة الصحة لكن محل السكن وغرفة النوم والحمامومكان قضاء الحاجة!!! طبيبات اخر الزمن امشوا اضربوا اخير ليكم مادام عايشين في هذا الوسخ لافرق

يا الهميم عبد الملك
ازيك
بلد ما بحترم الطبيب ولا الافندى الفيها
خليك من الميز الريحتو تجيب الرايح
المستشفيات والعجب الما حكومية انى امنت بالله
ولا حمام ما صالح فيها امشى شوف مستشفى الاطفال المجاور للمستشفى بتاع الخرطوم مابعرف اسمه شنو
حاجة تقرف
ادخل اى حمام فى الوزارات من طرف وتشوف العجايب
وما تنسى تخش الحمامات بتاعة المطار الله لا وراك
طيب
اتفقنا معاك انه لازم ينضفو حماماتهم بانفسهم
بعد ينضفوها والواحد عنده نبطشيه يمشى النبطشية ولا ينضف الحمام ؟
واصلا الميز دا معمول عشان راحة الطبيب
عنى شخصيا ما طبيبة لكن لو كنت طبيبة بطالب بوضع احسن
للاطباء وللمستشفيات برضو
يا العشا اب لبن اسمعنى النحدسك فى السودان دا زمان المستشفى بتغسل يوميا مرتين فى العاصمة والاقاليم الاتنين عشنا فيهم
ما بتشم ريحة المستشفى زاتها
ولا بتشوف ورقة طايرة لافى الميز ولا فى المستشفى
السراير زى الفل والعنابر لو ملحو ليك فيها تاكل
يا العشا البلد دى من لعنة الانقاذ حلت عليها والجاها جاها
والنحدسك زمان كانت وزارة الاشغال بتقوم بكل الاعباء دى عشان توفر للناس جو صالح للعمل
هسى لافى وزارة اشغال ولافى اشغال زاتو
ياخوى بدل ما تلعنوا الاطباء حقو يحلو مشاكلهم
لانه الوزراء الشنو كدا ما بعرف والوكلاء الايه كدا ما بعرف ديل زيادة عدد وهم كتاااااااار جدا وما فاعلين جنس حاجة
لو اخدوا مرتباتهم دى وادوها للناس الشغالة سخرة دى كان اجدى
ولو اخدو منهم اللاندوكروزرات الراكبنها منجهة على الفاضى دى بتغطى عجز ميزانية الدولة كلها
بلد ما عندها وجييييييييع
وانت يا العزيز بتتكلم عن الترف
النوريك الترف وين ياخوى
المستشفى الشغالة فيهو فى المدينة دى فى ايوا
بتم تغيير الاسرة للمرضى كل سته اشهر والموكيت برضو
الكولرات بتاعة الموية كل تلاته اشهر
المرتبات للاطباء بتزيد كل ما الواحد يعمل عمل مظبوط تخيل انك ممكن تزيد مرتب طبيب كل اسبوع
الاطباء لو شفت الغرف بتاعة الانتظار البقعدو فيها خمسة نجوم شنو يا باشا؟
الممرضات
السسترات
العاملات
كل زول عنده مقامه
ما تقول لى عشان دى امريكا امريكا دى كانت زينا وواحد
لكن عشان فى قانون وفى عدل
نحنا لاقانون يحمى الطبيب ولا المريض ولا اى زول وكله باسم الدين للاسف

Quote: للاطباء وللمستشفيات برضو يا العشا اب لبن اسمعنى النحدسك فى السودان دا زمان المستشفى بتغسل يوميا مرتين فى العاصمة والاقاليم الاتنين عشنا فيهم ما بتشم ريحة المستشفى زاتها ولا بتشوف ورقة طايرة لافى الميز ولا فى المستشفى السراير زى الفل والعنابر لو ملحو ليك فيها تاكل

خمسين سنة نفس المستشفى يركب الناس اليه من وادي حلفاومن الجزيرة ومن الغرب
يالجمال وعبر الدروب الوعرة ليصلوا ميتن
انت وين يابت الناس
وكمان في الاخر بتقارن بمستشفي ايوا
يعني قفزة بين الافلاك
على كل حال مستشفى ايوا ده لن يمنع الموت هنا المقابر مجان لكن المقابر هناك يالعقود التي تجدد كل 25 عاما
يعني واحد بواحد لنا القبر ولكم المستشفى الجميل

وهل كل فقراء امريكا يجدون العلاج والديقراطيون لم يستطيعوا ان يمرروا التامين الصحفي خلال عشرين عام مضت

هنالك الان في السودان مستشفيات تغسل ايضا ثلاث مرات في اليوم فلماذا نظرت بعين واغلقت الاخرى

شاهدنا مستشفى الخرطوم بنفس قيحه وعفنه اكثر من اربعين عام نفس الكراويش واللغاويث والاطباء المتنطعين وهم يمتطون العربات الفارهة الى عياداتهم كلما غربت الشمس

الاطباء الذين اضربوا لنفس الاسباب في الستينات ايام الصادق والاحزاب ووفي الثمانيات ايام نميري والان رغم عياداتهم المفتوحة افواهها كاسماك القرش

الاطباء فليحسنوا مستوياتهم ويؤدوا ماعليهم ثم يلعبوا هذه اللعبة
الحكاية كلها سياسةافتكروها اضراب ثم مظاهرة ثم حكومة انتقالية رئيسها الصادق المهدي ووزير عدلها حسن الترابي (وهل في غيرهم)

الواحد ما يسيس مخو لانو بفقد القراءة الموضوعية

لا حولا ... لا حولا .. يا نجلاء

حقيقي منتهى القرف

تُوووووف علي حكومة السجم.

يخس عليهم ,
ناس ما بتخاف ربنا

لا حول و لا قوة إلا بالله... أعانكم الله يا أطباء بلادي و ربنا ينتقم من الظالمين.
شكرا لك يا نجلاء.
الأخ عبد الملك
تحياتي و سلامي
أحيانا يمكن تزيين القبيح لكن ياخي قبح الإنقاذ دا لن تكفي مساحيق الدنيا و طلاءاتها لإخفائه دعك من تزيينه.

مشكورة أختي : نجلاء على الصور الفاضحة , وما خفي أعظم , بس أنا الشيء المحيرني إنو ما زال في ناس بتدافع عن الحكومة وبتتكلم عنها كأنو الإنقاذ دي بتحكم بلد غير السودان!!!

الاخ الكريم عبد الملك
لا اجد سوى ان اقول لك
ان الذى اصاب بلادنا بعد "هؤلاء الناس " يحتاج الى ملا يين السنوات الضوئية لغسله

لنعود فقط الى العام 1989
نحتاج الى ملايين السنوات الضوئية
ولا اجد سوى القول حسبى الله ونعم الوكيل فى كل من خرب اقتصاد وتعليم وعلاج بلادنا
حيث كان التعليم مجانيا والعلاج مجانيا

حاجة مقرفة ومخجلة
بس المخجل والمقرف بالجد
الذي يجد في نفسه بدا ليدافع عن هذا القرف
(ليه الطبيبات ما نظفوا الوسخ)
نقول ألهم لا تمحنا ولا تبلينا

وبنسأل
ليه في بلد دا مستوي ميز الطبيبات فيه، فيها أكثر من 500 وزير ومستشار وكل وزير ليه أكثر من ثلاثة عربات؟؟؟؟؟

Quote: وهل كل فقراء امريكا يجدون العلاج والديقراطيون لم يستطيعوا ان يمرروا التامين الصحفي خلال عشرين عام مضت

جاهل وبالف كمان ...

ياخوي ... امريكا مفلس مقرش .. خشيت المستشفي بعالجوك ... وبعد ما تبقي كويس بفكرو في موضوع القروش ... قبل موضوع الرعاية الصحية بتاعت اوباما ... ما بتاعت الديمقراطين من عشرين سنة ذي ما انت عايز تالف وتعمل فيها شاطر ..

عالم تقرف اكتر من القفر الفي ميزا الاطباء ديل ..

نجلاء .. لكي التحية

مع أحترامي ليك يا نجلاء و لكل البتعمليه و تضامني مع الاطباء بس مطالبهم في السكن و الكافتريات و علاج اسرهم دي كتروا فيها المحلبيه, دي مفروض تكون مطالبهم للشعب كله مش ليهم هم بس بصراحه كده حيفقدوا تضامن الناس معاهم, قمة الانانيه و حب التميز و معاها كمان الاسلوب البعاملوا ليه الناس, يعني لو ادوهم المميزات دي ثاني حيعلموا شنو ويعاملوا المرضى كيف؟؟ انا لا اعمم لكن في كتار منهم مستهترين بحياة الناس. بصراحه كمان ايوه الوزاره مسكنه الطبيبات في ادبخانات و لا مؤاخذه لكن كمان الواحد لو مرتبوا جنيه او لو يستلف مفروض ينضف المكان الساكن فيه يعني ما عشان الوزاره اهملته نقوم نحن نعيش وسط المجاري و القرف حتى لو ما كان ده شغلهم لكن الزول بينضف مكان سكنه و انا ما عارفه نفسهم متقبله العفن ده كيف؟ يعني الفطره السليمه بتقول كده, لو ما الوزاره نضفت لي اعيش في القرف؟ كلام عجيب, الانسان السوداني بكل فئاته مظلوم ما عدا من رحم ربي لكن برضه النظافه من الايمان انشاء الله يستلفوا او بالعون الذاتي

Quote: مع أحترامي ليك يا نجلاء و لكل البتعمليه و تضامني مع الاطباء بس مطالبهم في السكن و الكافتريات و علاج اسرهم دي كتروا فيها المحلبيه, دي مفروض تكون مطالبهم للشعب كله مش ليهم هم بس بصراحه كده حيفقدوا تضامن الناس معاهم, قمة الانانيه و حب التميز و معاها كمان الاسلوب البعاملوا ليه الناس, يعني لو ادوهم المميزات دي ثاني حيعلموا شنو ويعاملوا المرضى كيف؟؟ انا لا اعمم لكن في كتار منهم مستهترين بحياة الناس. بصراحه كمان ايوه الوزاره مسكنه الطبيبات في ادبخانات و لا مؤاخذه لكن كمان الواحد لو مرتبوا جنيه او لو يستلف مفروض ينضف المكان الساكن فيه يعني ما عشان الوزاره اهملته نقوم نحن نعيش وسط المجاري و القرف حتى لو ما كان ده شغلهم لكن الزول بينضف مكان سكنه و انا ما عارفه نفسهم متقبله العفن ده كيف؟ يعني الفطره السليمه بتقول كده, لو ما الوزاره نضفت لي اعيش في القرف؟ كلام عجيب, الانسان السوداني بكل فئاته مظلوم ما عدا من رحم ربي لكن برضه النظافه من الايمان انشاء الله يستلفوا او بالعون الذاتي

نعم التعليق!!

قال تعالى :
(يا أيها الذين آمنوا كونوا قوامين بالقسط شهداء لله ولو على أنفسكم أو الوالدين والأقربين إن يك غنياًأو فقيراً فالله أولى بهما ولا تتبعوا الهوى أن تعدلوا وإن تلووا وتعرضوا فإن الله بما تعملون خبيرا)
(ياايها الذين امنوا كونوا قوامين لله بالقسط ولايجرمنكم شنئان قوم على أن لاتعدلوا اعدلوا هو اقرب للتقوى واتقوا الله ان الله خبير بما تعملون)
وقال ايضا (ولاتلبسوا الحق بالباطل وتكتموا الحق وانتم تعلمون) صدق الله العظيم

وَقَالَ النَّبِيّ صَلَّى اللَّه عَلَيْهِ وَسَلَّمَ " خَيْر الشُّهَدَاء الَّذِي يَأْتِي بِالشَّهَادَةِ قَبْل أَنْ يُسْأَلهَا "

على المسئولين أن ينظفوا وسخ النفوس قبل وسخ الجلوس...
وللطرفين (المؤيد والمعارض) نقول لا تنسبوا كل صوت نقد للكسب السياسى فلا تزال الغلبة للصامتين فأحذروهم هذه المرة وهم يرقبون فى صمت وأخالهم قد وعوا الدرس وزهدوا فى تبنيكم حل مشاكلهم...وجميعكم قد جرب الناس ...وجميعكم لا يصلح...

حكام الأمس أعادوا الكرّة تلو الكرّة بالتفريط فى حقهم وحق شعبهم وحكام اليوم شغلوا الناس بمعايشهم ليتفرغوا لمصالحهم واستباحوا لانفسهم كل شئ حتى العام من بعد الخاص ...

80% من الميزانية تذهب الي القوات النظامية، و 2.7% تذهب الي صحة الشعب السوداني.

ماذا يكلف الدولة بناء ميز محترم للطبيبات بدلا من هذه القذراة التي يسكنون فيها.

انه الوضع المقلوب في الدولة، لا أهتمام بصحة المواطن و من يعالجهم، الأهتمام فقط
بالقوة التي تحرس كرسي النظام.

والله دي حالة اخير ليهم منها العرس
طيب ميز الممرضات كيف ؟


لا اله الا الله محمد رسول الله

عبد الملك يوسف الملك

قوود جوب

والله إنت من أعظم إنجازات الإنقاذ!!!

ماقبل 86 ،كان العلاج والتعليم مجانا،والمريض ومرافقه يجد العناية والتغذية حتى يتعافى.
ماقبل 89 كان الوضع ايضا تعليم وعلاج بالمجان،اما بعد 1989 فالتعليم والعلاج لمن لديه المال وتدهورت مستشفايتنا لحد مريع.

Quote: البدء الفوري في إنشاء مستشفي ضخم يضم كل التخصصات الطبية تكون أولا أولياته علاج الأطباء وأسرهم علي أن يكون تحت إشراف وزارة الصحة بالثقة التي تتفق عليها مع الجهات ذات الصلة .

واقترح :

Quote: اولا وليس رابعا : البدء الفوري في إنشاء مستشفي ضخم يضم كل التخصصات الطبية تكون أولا أولياته علاج الشعب السوداني مجانا علي أن يكون تحت إشراف وزارة الصحة بالثقة التي تتفق عليها مع الجهات ذات الصلة .

لان الاطباء هم من جزء اصيل من هذا الشعب ،والدفاع عن حقوقه من اوجب الواجبات

الزملاء الاطباء هم اقل الفئات فيما يخص تغطية الخدمات الطبية اذا ما عرفنا انه الاطباء وخلال فترة الامتياز ورغم المبالغ الكبيرة التي تخصم منهم لا يستطيعون تلقي العلاج لاسرهم امهم وابوهم الخ

المعلومة دي قد تكون ما واضحة للبعض لكن الحقيقة انو عند كتابة المطالب كانت النقطة دي هي اساس ذكر علاج الاسر وليس الغرض هو تخصيص لخدمة معينة وخاصة

كل العاملين في الدولة يمكن ان يتلقوا العلاج لهم ولاسرهم بطريقة ما واذا تمت المقارنة بما يتم خصمه من الاطباء وحرمان اسرهم من تلقي الخدمة العلاجية فالظلم اكبر .

كل فئات الشعب تعاني مثل او اكثر من الاطباء

تقدير واحترام لكل موقف قوي وواضح تم تسطيره

>

Quote: هنالك الان في السودان مستشفيات تغسل ايضا ثلاث مرات في اليوم فلماذا نظرت بعين واغلقت الاخرى

ممكن يا ملك الورق تقول لينا أسماء هذه المستشفيات؟؟
وقبل ما تجيب أسمائها فهي المستشفيات الخاصة التي تتعالجون فيها من الصداع والخدشات البسيطة، وهي ليس حكر على أحد ولكن الدخول إليها يتطلب أن يكون الداخل من المؤتمرجية القادرين على دفع البياض ...
وبقية أنواع العلاج من جراحات وغيره في الأردن ومصر والسعودية وأوروبا بلاد الكفار...
شفت كيف لما سألتك عن آل الملك، والله كان بقيت منهم فأنت عار عليهم وكان إسم ساي حقوا يرفعوا عليك قضية إشانة سمعة.



آية في القرآن الكريم تصف حال أهل الإنقاذ.

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: والله دي قلة ادب وخيابة منقطعة النظير

شوف جنس دا.. هسا يردوا ليك كيف وللا يقولوا ليك شنو.

والله منبر بكرى دا يوم بكتل لى زول مغسة وغبينة ساكت كدا.


سمج.

والله شيء مؤسف...

يعني بالصورة دي الطبيبات ناقلات للمرض

قبل أن يكن مداويات له...

اللهم أصلح الحال

Quote: يعني واحد بواحد لنا القبر ولكم المستشفى الجميل

شوف المنطق دا غريب جدا

يعني داير القبور ا لمجانية والجماعية وفي ناس ما اتعرفت ليهم قبور قتلوا في اخر ايام رمضان وغيرهم (صحي عقلية انقاذية مية امية)

صحي دايرين تودوا الناس القبور

لا استغرب فمن نفس الافكار ولدت افكار قتل ملايين الناس باسم الدين في السودان وتم توفير مقابر مجانية وجماعية ومخفية لهم

والان وبحجة ان الاضراب يقف معه كافة المعارضين فيجب علي المرضي ان يموتواو وان الحكومة ستوفر لهم القبور المجانية لكنها لن تستجيب للمطالب العادلة للاطباء

-العينة بتاعت الانقاذيين(( الجدد)) دي متشددة اكثر من اليمين المتطرف في اسرائيل



مرحب بالقبور المجانية

Quote: No comment Big Shock

Quote: اقل الناس في العالم اضرابا هم الاطباء بل في بعض الدول تقوم نقابات اخرى بالاضراب نيابة عنهم شفت الاخلاق

الاخ عبد الملك الدول دي ممكن تدينا ليها مثال
يعن مثلا في سنة كده يوم كده نقابة كده اضربت نيابة عن الاطباء
و إلا فإنك كذاب أشر

الأخ عبد الملك
تحياتي
لعلكم رأيتم تفاصيل كشف حساب موظف حكومة اللا وطني خفير مدرس دكتور ، توجد خصومات ليس لها آخر .. هذا ثابت لا جدال فيه ..
وبعدين يا أخوي يدفعن رسوم واشتراكات شطف ، ونظافة وملايات ، وسراير ، وغسالات ووضايات ، ألخ وممكن ترميم وهدم وبناء وتشييد الخ .. يا أخوي دي رسوم وتكايف وأعباء لا يقدر عليها عصام الترابي أو المتعافي على دفعها... لهن أسر ، ومصاريف خاصة ، ومصاريف حكومية من أين لهن بذلك ...
أتركوا المنطق المعوج ... الساكت عن الحق شيطان أخرس
الشفيع

الاخت نجلاء ما اتيتي به هنا شيء مغزز طبعا,, فهو اكيد قد سبب الاستياء للكثيرين
الفئة الاولى وطبعا دي الغالبية هم من استاءوا ان يكون سكن بناتهم الطبيبات بهذه البشاعة
وهم يقومون بعمل حساس ومرهق
الفئة الثانية هم من اصيبوا باستياء الفضيحة,,, فهمهم هو تلميع حكومتهم في هذه الايام التي
يكثر فيها الكذب والدجل . وسيشككون في مصداقية الميديا في البوست ولهم اقول ماكانت عليه
ميزات الاطباء والطبيبات في اوائل التسعينات (ايام كنا اطباء امتياز ).. لو اضيفت له
هذه السنوات من فساد الانقاذ فقطعا ستكون هي الصور اعلاه
معالي الوزير تابيتا بطرس ... تاملنا فيك خيرا لصحة المواطن السوداني وكوادر الخدمة الصحية
والوقوف الى جانب مطالبهم العادلة ولكن خاب ظننا فيكي معالي الوزير
شكرا نجلاء ....

حسبي الله ونعم الوكيل ,,

من المبرراتية ,,,
,,,,,,,,,,,,,,,,,,,,,,,,,,,,,,,,,,

سلام للجميع

أود أن أُضيف معلومة واحدة عن علاج الأطباء:


الطبيب هو مُقدم الخدمة لأي مريض زمانا ومكانا ،



ولكن عندما يمرض أحد أفراد أسرة الطبيب:

(علما بأن الدولة تخصم منه تأمين صحي)،


علي الطبيب أن يدفع حوالي 20% من تكلفة العلاج


لنفترض أن الهلاج كلّفّ 10 مليون جنيه،

علي الطبيب أن يدفع 2 مليون جنيه،

ومرتب طبيب الإمتياز500 جنيه والنائب حوالي 650 والإختصاصي حوالي 800 شهريا،

من أين لهم تدبير هذا المبلغ؟

إذا لم يتوفر العلاج بالسودان تدفع النقابة حوالي 5 مليون فقط مهما كانت تكلفة العلاج،

طيب أها الدكتور دا يتعالج كيف؟؟؟


الحقيقة المرة والتي لايعلمها الكثيرون،

أن هنالك كُشوفات للتبرعات من الإخوة الأطباء لعلاج زملائهم.

المستشفيات الحكومية لا يوجد بها جناح أو غرف للعاملين كما كان في العهود السابقة،،

ثم نقول هذه الحادثة للذكري وقد حدثت بمستشفي تعليمي بالعاصمة:


طبيب إستشاري وأستاذ بالجامعة،

حدثت له صدمة سكري أثناء عمله بالمستشفي،

أسعفه زملائه للعنبر وأعطوه العلاج اللازم،

جاء الصيدلي مطالبا بسعر الدواء!!!


ماذا تسمون هذا ؟؟؟؟؟


طبيب ومدير مستشفي عجز عن دفع قيمة القسطرة القلبية ،

وأثناء عمله والمرور بالعنبر جاءته ذبحة فارق الحياة وهو أمام مرضاه!!!


مدير مستشفي تعرض لحادث حركة وهو راجع من العمل وبعربة المستشفي،


إشتري جهاز لمثل حالته من حسابه الخاص بآلاف الدولارات!!!



مآسي الأطباء كثيرة جدا،

ولكن المسئول لو راسو ووجعو يسافر لندن سويسرا باريس ،

والنقاهة العُمرة والأردن وما ليزيا!!!



نصيب المواطن السوداني من الصحة في ميزانية 2008 كان حوالي


3 دولارات لعام كامل.


بيئة ومناخ العمل تحتاج لزلزال لتغييرها،


الهدف ليس المرتبات والبدلات،

ولكن تغيير جذري من أجل المواطن الإنسان،

مجانية العلاج والحق في العلاج أينما كان المواطن

يديكم دوام الصحة والعافية

لأ عليك الله يا معز حجاز ما تموت مغسة ساي ....فى ناس عايشة فى برج عاجى وصعب تنزل منو كيلا تتسخ بمياه البالوعات.....!!

...اذكر أننا حاولنا فى سنة ما أن نجمع التبرعات لإصلاح ميز الطبيبات ....خاصة وأنه المأوى شبه الوحيد
لكثير من طبيبات الأقاليم أو أطراف العاصمة ...أو الطبيبات ذات الوظائف التى تستدعى التواجد المستمر كالحوادث وإصابات العظام والنساء والتوليد.....
كان حاله فى تلك الأيام لا تسر عدو ولا صديق....إلا من اختار طواعية أن يغمض عينيه ويسد الآذان كيلا يري ويسمع حقيقة واضحة وضوح الحياة...
..
حاولنا فعل الكثير ولكن كانت البالوعات تعود لتطفح....هذا غير الفئران التى تركض بسعادة فى أرجاء المكان....
وخدمات المياه السيئة......والباعوض الذى اتخذ من الميز غرفة عمليات لتفريخ أنواع جديدة من الكائنات الديناصورية الباعوضية لغزو الخرطوم...
حيث رغما عن الجهود المتكررة لزملاء لنا فى كلية الصحة لم نستطع تخليص الميز من جيوش الباعوض الغازية.....
....وكل تلك الجهود كانت بالعون الذاتى بملاليم نجمعها من هنا وهناك....بينما آذان المسؤولين صماء مسمطة للمطالب المتكررة بصيانة الميز صيانة جذرية كاملة بمراجعة الصرف الصحي وتغيير الأسرة المحطمة ذات المراتب الممزقه القذرة والتى أكل عليها الدهر وشرب وقضي حاجته!!....
فكيف إذا بالله عليكم لطبيبة تذهب إلى عملها صباحا حاملة ملابسها فى حقيبتها اليدوية بحثا عن حمام نظيف لتستحم قبل المرور الصباحى ان تؤدى عملها على اكمل وجه؟؟؟وكيف لطبيبة ان تقرأ عن الحالات مساء بعد عودتها من العمل وهى مهمومة بقذارة المكان وضرورات الحياة؟؟
يخوانا ما ممكن انسان سوي يشوف الصور دى وما يتعاطف مع البشر المضطرين اضطرارا للعيش فى هكذا مكان!!....

....
ميز الطبيبات قدر يسير من كثير من جملة المعاملة السيئة والتجاهل من جانب الدولة لأبسط حقوق الطبيب....


.....شكرا نجلاء لصدق كاميرتك ولتسليطك الضؤ على جرح متقيح طال السكوت عنه!![/B]

شكرا للأخت نجلاء و هي تقف هذه الوقفة المشرفة مع الأطباء و توثق لهم
لن ننساها لك أبد الدهر

يا اخوانا والله قصه عجيبه ...

لو المستشفى وسخانه...دكتور السجم هو المسؤول ...

لو الدواء مافي دكتور السجم هو المسؤول ...

لو بتاع الكارو دقش ليهو واحد كسر ايدو...دكتور السجم هو المسؤول ..

لو العيان ماقادر يشتري الدوا...دكتور السجم هو المسؤول ..ليه مايدفع ليهو من جيبو؟؟

لو البلاعات طافحه ..دكتور/ه السجم هم المسؤولين ...ماقادرين يعملو فيها سباكين يعني؟..خلاص نسيتو كورس السباكه ونظافة الحمامات في سنه رابعه!!!!!!!

الله يكون في العون ويستر عليك يابلدي ...

45 طبيبة في 3 حمامات يعني 15 طبيبة لكل حمام!!!!!!!!!!!!!!!!!!!!!!!!!!!!!!!!!!!!!!!!
ودا وين ....في ميز الاطباء...
بالله دا كلام دا!
وديل دايرين يعالجوا كيف لو هم زاتم مرضانين و بيئتم الصحية زي دي؟؟
و هن زاتن يرضن بالوضع دا كيف؟؟...
لاحول ولا قوة الا بالله العلي العظيم!

حسبنا الله ونعم الوكيل ... شئ غاية الأسى
كان الله فى عون المرضى أولاً وأعان أهل الحقل الطبى فى صحتهم
ومن قبل وبعد كان فى عون الوطن
شكراً نجلاء وأنت تستنطقين عدستك .. وحزناً ومؤاساة بناتنا الآسيات
ولكن يا سيد: عبد الملك يوسف الملك ألا نحتاج التوقف عندها مسقطين بقج الغباين !!! ...

Quote: طيب الطبيبات او الاطباء مايجيبوا سباك ويحكوا جلدهم بظفرهم ،،، الدلع لزموا شنو ناس ماقادرة تنظف حمامتهاكيف تنظف بطون المرضى واسنانها والله دي قلة ادب وخيابة منقطعة النظير

ولم تكتف ياأخى بل زدتها بللاً

Quote: لو Quote: لا نحسب أنه مكان ( لو ) المناسب ... ألا تتفق معى ؟؟ ارادوا الاعتناء بميزاتهم لاستطاعوا هذا سكنهم وبيتهم من الذي تنظف الحكومة مرحاضه كل طبيب يدفع جنيه ليصبح الحمام نظيف وتشفط المياه

أو كما قالت السيدة مارى انطوانيت ...
ذات المنطق وذاتهاالعقلية و الحلول وإن إختلفت الأماكن و الأزمان
فيا أخى إن كانت المواقف تراجع فلا معنىً للتمترس فى غير المناسب فيها.
أرقد عافية ..

لاحول ولاقوة الا بالله هل هذا سكن لآدمى ؟

حسبنا الله ونعم الوكيل

Quote: ولا اجد سوى القول حسبى الله ونعم الوكيل فى كل من خرب اقتصاد وتعليم وعلاج بلادنا حيث كان التعليم مجانيا والعلاج مجانيا

اوجزتى وهذة تكفى

Quote: ميز الطبيبات قدر يسير من كثير من جملة المعاملة السيئة والتجاهل من جانب الدولة لأبسط حقوق الطبيب....

صدقتي يا دكتورة ...

Quote: هنالك الان في السودان مستشفيات تغسل ايضا ثلاث مرات في اليوم فلماذا نظرت بعين واغلقت الاخرى

طيب المستشفيات البتتغسل ثلاثه مرات في اليوم دي البيقدر يتعالج فيها منو؟ ورينا, و مادام في مستشفيات بتتغسل ثلاثه مرات في اليوم مايخلوها مرتين بس و تكاليف المره الثالثه دي ينضفوا ميز الدكتوارات (و ان كنت بعيب على الدكتوارات السكن فيه بهذا الشكل) و ما يجي زول يقول لي يسكنوا وين, يسكنوا فيه لكن طالما الوزاره ما نضفته ينضفوه بالعون الذاتي على الاقل وقايه لنفسهم من الامراض.

انت بتتكلم عن مستشفيات على شكل هوتيلات لعلاج واحد في الميه بس من الشعب اما الباقيين فليهم هوتيلات على شكل قبور و ليهم رب اسمه الكريم.

الساكت عن الحق / عبد الملك يوسف

Quote: يعني حاجة تحير ميز العزابة ناس حلة علي والشكابة وام الطيور والزومة وكاب الجداد انضف وارقى وابرك وانعم لان المسالة مسالة تربية واهتمام بالذات طيب الطبيبات او الاطباء مايجيبوا سباك ويحكوا جلدهم بظفرهم ،،، الدلع لزموا شنو ناس ماقادرة تنظف حمامتهاكيف تنظف بطون المرضى واسنانها والله دي قلة ادب وخيابة منقطعة النظير لو كان ده المستشفى نقول معليش الحق على وزارة الصحة لكن محل السكن وغرفة النوم والحمام ومكان قضاء الحاجة!!! طبيبات اخر الزمن امشوا اضربوا اخير ليكم مادام عايشين في هذا الوسخ لافرق

هذا الحديث هو نفس المنطق الأعوج لحكومة الإنقاذ الذي حكمتنا به 21 سنة
الدولة دي لزومها شنو ... لو عايزين كل زول يخدم نفسه بنفسه ما تحلوا عن سمانا طيب .
يعني إنت عايز الطبيبات والأطباء يشتغلوا سباكين وفراشين
والمرضى في المستشفيات تكفلوا بنظافة العنابر وغسل الملايات
غرائب وعجائب !!!!

دانيا المكي سلامات،
بالميز 54 طبيبة، ودي حالة أشبه تماماً بداخلية طلبة، لو كنّ في الميز خمسة طبيبات، أو حتى عشرة طبيبات، كان ممكن نقول مفروض يصلحّن البلاعة، ويقطفّن الموية، ويقومّن بتنظيف الحمامات، ولكن يا دانية 45 طبيبة، في مكان ضيِّق كهذا، على الأقل يفترض وجود فراشة تقوم بأعمال النظافة، وعامل صحة يواظب على شطف البئر قبل أن تمتليء؛ دي مسئولية مباشرة لوزارة الصحة؛ وعلى الطبيبات الخروج من هذا الوسخ عاجلاً، لكرامتهن ولصحتهن، والطبيب والطبيبة الما قادر يسكن في سكن في الخرطوم يحترم آدميته أولاً، فليرجع لمسقط رأسه أو لأي مكان آخر يجد فيه مأوى كريم..

up

ياسر طيفور, انا متفهمه تماماموقف الطبيبات و متضامنه معاهم لكن كمان النفس البشريه لا ترضى بمثل هذا خلاص من الفطره كده ينضفوا مكان قاعدين, الوزاره ما نضفت و قصرت ده ما عذر عشان البني ادم يعيش في بلاعه. و لقد كرمنا بني ادم. فليكرم البني ادم نفسه.

Quote: ياسر طيفور, انا متفهمه تماماموقف الطبيبات و متضامنه معاهم لكن كمان النفس البشريه لا ترضى بمثل هذا خلاص من الفطره كده ينضفوا مكان قاعدين, الوزاره ما نضفت و قصرت ده ما عذر عشان البني ادم يعيش في بلاعه. و لقد كرمنا بني ادم. فليكرم البني ادم نفسه.

يا داليا ... ياخي عليك الله ما تنظري لينا ساكت ...

دا ما مشكلة حمام عايز غسيل واهتمام من المستخدمين بتاعي ... ديل مشكلة مجاري ... مجاري ... مجاري و موية قاطعة .. شفتي ليكي دكتور سباك ؟ والله مجاري بتشتغل من غير موية كافية !!؟

وبي ياتو منطق في العالم 15 شخص قصاد حمام واحد ... وعايزه يكون نضيف كمان ...

انتي لو ركزتي في الفيديو بتفهمي انو الطبيبات بستخدمو حمامات المستشفي وحمامات الميز فقط للضرورة القسوي

الاخت داليا لك الاحترام والتقدير

نقدر لك رايك ولكن ليس المقصود هنا الدخول في تفاصيل من ينظف وكيف من الطبيبات

لان ذلك قد يفسر ويصرفنا بعيدا عن مشكلة وهي واضحة من التوثيق بانو المشكلة اكبر من شيرنغ وينظفوا بيهوا الحمام او غير

دي مشكلة اكبر من مجموعة تنظف او غيره

الناس ديل يا داليا اغلبيتهم عندهم نبطشيات طويلة جدا والميز بجوهو ناس نوم بس يعني في ضيق اصلا في الوقت ورغم عن كدا الكلام الممكن تكوني قاصداهو واضح وبديهي جدا

وبالتاكيد اتعمل مرات ومرات ومرات
ديل هم البنات السودانيات البنعرفهم

لكن هنا

دي مشكلة وزارة ومشكلة هندسية في صرف صحي وصيانة دورية من وزارة الصحة والاشغال وغيروا من المسولين

الصاح انو في جهات دي مهمتها ودا عملها وما عيب العمل لو دا شغلي بعملوا لكن زي اتقال هنا الدكتورات ديل
هم ما سباكين ونجارين الخ .

جبته من الآخر يا جعفر

Quote: هذا الحديث هو نفس المنطق الأعوج لحكومة الإنقاذ الذي حكمتنا به 21 سنة الدولة دي لزومها شنو ... لو عايزين كل زول يخدم نفسه بنفسه ما تحلوا عن سمانا طيب . يعني إنت عايز الطبيبات والأطباء يشتغلوا سباكين وفراشين والمرضى في المستشفيات تكفلوا بنظافة العنابر وغسل الملايات غرائب وعجائب !!!!

تتخيل البقولو الكلام حاكمننا
وما في زول رسل ليهم كرت دعوة عشان يجي يحكمونا
سطو علي السلطة سرقة و في ليل بهيم
بدعوي إنقاذنا
أو كما قالوا
وهذا حال بعد 21 من إنقاذنا

كانو يكثرون من ترديد (أن خير من إستأجرت القوي الأمين)
ومقالة عمر بن الخطاب (إن تعثرت بقرة في العراق فعلي ذنبها)
والآن وبعد التمكين صار برميل النقط وثمنه يصدران للخارج (بإعتراف الترابي شخصيا)
ألغيت وزارة الأشغال التي ترمم مباني الدولة
وصار علي الطبيبات أن يرممن سكنهم !!!!!!!!!!!!
وإن لم يفعلوا فهن مدلعات !!!!!!!
بالله ناس يلغو وزارة الأشغال
ويعملوا مجلس للذكر والذاكرين ؟؟؟؟؟؟؟؟؟؟؟
(في زول ولا زولة يتطوع ويورينا ما هي مهمة هذا المجلس وما هي ميزانيته ومن يدفعها؟؟؟؟؟؟؟؟؟؟؟)

أختلاف الراي لا يفسد للود قضيه, لكن برضه من الفطره الانسان بيرفض يعيش في العفن