لماذا تستنكرون على الحركة الشعبية وقوى الاجماع الوطنى الانسحاب ( صور)

القانون الانتخابى يمنع اثارة الكراهية والتحريض

اما الحاصل هو ....






هذه الصور فى كل العاصمة المثلثة

واحدمن مطالب قوى الاجماع الوطنى واولهم حزب الامة القومى تزال كافة الشعارات والملصقات
التحريضية والتكفرية والتخوينية.

عدمنزاهةو حيادية المفوضية القومية موضوع الملصقات التثقيفية للناخب ملف كبير يحتاج لبوست والصورة

للمثال فقط



اما المادة (67|3) من قانون الانتخابات تنص على وضع سقف للصرف الانتخابى





اما المادة (69) والتى تنص على حظر استعمال امكانيات الدولة وموارد القطاع العام صورة للمثال فقط



يتبع

بالنسبة لي دي فهي غير مطبوعة من المفوّضِيّة
دي واحدة من آلِيّات أي حِزِب ليُرغِّب الناس في التصويت له
باب بيتنا دقّ
فتحت الباب لقيت شباب أدّوني ليها
كان لي الخيار في إنُّو أشيلا أو أتُركها

بالمناسبة بابي دقّ بعد كم يوم
شباب سألوني قالوا لي نحن ناس تثقيف للإنتخابات إنتو مع منو
قُلت ليهو مع الشجرة
قال لي خلاص بعدين لمن تجي تصوِّت للشجرة تعمل علامة X كويِّس؟
قُلت ليهو حاااااااااااضِر
ومشى وهو مبسوط (الغبي)

شكرا ليك استاذة نجلاء
جهد مقدر.
يا ريت لو استنكروا وبس.
الغريبة انهم يروجون لاخبار كاذبة مثل كذبة تصريح سلفاكير...

Quote: شكرا ليك استاذة نجلاء جهد مقدر. يا ريت لو استنكروا وبس. الغريبة انهم يروجون لاخبار كاذبة مثل كذبة تصريح سلفاكير...

شكرا استاذMedhat Osman

حقيقى لو الحركة واصلت فى الانتخابات كانت خدعت الشعب المراهن عليها و كانت مابتستاهل وقفتنامن خلفها وسوف نقف معها الى ان يتحقق كل مطالب الشعب السودانى الذى ينتظر الكثير شكرا الحركة الشعبية ويييييييييييييييي

شكرا قوى اجماع جوبا وييييييييييييييييييييي

والجايي سوف يوضح من هو الشعب السودانى

بالنسبة لي دي
في لافتة مُعلّقة على أسوار وزارة العدل
تتحدّث عن إسقاط المؤتمر الوطني
زوووووووول جايب ليها خبر ماف (من ناس المؤتمر أعني)
ياريت زول يلحقنا بي صورة ليها

بقيتوا لي جنس ده عاد؟


كامل تضامني معك يانجلاء في خزلان الريس لكم.

طيب انت بتلومي في منبر السلام العادل ليه ؟ناس قرفنا وقرفونا ديل
كانو بينادوا لاسقاط شنو ؟



________
تحياتي؛؛؛

لا استنكر انسحابهم بقدر ما استنكر تعبك الراح في الفاضي.

لاحظ، التدريب باسم المفوضية، و المفوضية القومية تقدم التدريب بتقدم البشير فى الانموذج، نوع من الإحياءات الفاسدة. حتى فى الاستبيانات اٍستطلاع الرأى و الاحصاء يطالب الباحث بصياغة اٍسئلة الاستبيان بحيث يبعد عن الايحاء باى طريقة حتى لا يتحدث تحيّز bias فى التحليل الاحصائى. قلنا ان الجبهة الاسلامية لم تترك فاحشة و لم تدخر منكر الا وظفته فى سبيل البقاء فى السلطة.

وزارة الشؤون الانسانية، قوة عين عجيبة. الوزراة مفروض انها قومية و حقت كل الناس! لكن مين قال كده؟ النشالين بالوزراء يكتادون عيشيهم من مساندة عصابة السارقين الكبار، و هى لله.

شكرا جميلا abubakr salih


والصور العندى حتسكت كل زول وخليك داخل

عندى واجب اجتماعى وبعود من تانى تشكراتى بالكوم

انسحبوا لأن لافتة تنادي ب:

حب الوطن فوق الجبين مذهب
وحدتنا هي المطلب .. من غيرها ما بنرغب ..
وطنا كحل العين .. حبات رمالو دهب ..

فتأمل!!

شكرا نجلاء
إعلامنا كقوى معارضة لم يستطع المواكبة
ولم يفلح في كشف كل الألاعيب الكيزانية
نعم قامت أحزابنا الموقرة بتدوين كل المخالفات ولكن تبقى أن يعرفها الشعب السوداني والعالم أجمع
أشاهد إعلان في التلفزيون كل يوم وتظهر فيه الشجرة بصورة إيحائية أكثر من ثلاث مرات
والتلفزيون القومي يقول للناس أن المؤتمر الوطني هو الدولة والبقية أحزاب لا تريد بالوطن ولا المواطن خيرا

العزيز جعفر محى الدين
أمامنا تحدى لتجاوز هذه الاخفاقات

Quote: شكرا نجلاء إعلامنا كقوى معارضة لم يستطع المواكبة ولم يفلح في كشف كل الألاعيب الكيزانية نعم قامت أحزابنا الموقرة بتدوين كل المخالفات ولكن تبقى أن يعرفها الشعب السوداني والعالم أجمع أشاهد إعلان في التلفزيون كل يوم وتظهر فيه الشجرة بصورة إيحائية أكثر من ثلاث مرات والتلفزيون القومي يقول للناس أن المؤتمر الوطني هو الدولة والبقية أحزاب لا تريد بالوطن ولا المواطن

Quote: انسحبوا لأن لافتة تنادي ب: حب الوطن فوق الجبين مذهب وحدتنا هي المطلب .. من غيرها ما بنرغب .. وطنا كحل العين .. حبات رمالو دهب .. فتأمل!!

يا ملاصى ... لو تأملتا انتا بيكون أحسن... انزل لتحت من الكتابة و شوف الصور فى حافة اللافتة

و تأمل!

لماذا تقوم الوزارت الحكومية بالدعاية لعمر البشير هذا الرجل ناقص العقل و الدين؟. الوزارات مفروض انها اجهزة و مؤسسات حكومية قومية. شنو يا شيخ ملاسى البلادة دى؟ نجلاء تتعب تجيب ليكم الصور و نبقى فى شرح العنقريب و سلخ جلد النملة عشان تفهموا، اللهم لا اٍعتراض!.

العزيزة نجلاء
قناة النيل الازرق ساواها واضحة
التصويت واجب
صوّت للقوي الامين
وده إعلام المفوضية

أستاذة نجلاء سلامات

من رأي ليس كمن سمع،

السلطة الرابعة لها فرضية الحيادية والنزاهة وهي

لسان حال الشعب،

إعلامنا أي كان تم تجذيره

الي مع أو ضد:

مع السلطة والدولة،

هم تنابلة السلطان وماسحي الجوخ وآكلي السحت وأموال اليتامي،،،،

ولكن من تم تصنيفه ضد الدولة هو من يقف مع الوطن والشعب والحق الأبلج

يفضح مخازيهم ويزيح الضبابية عن ممارساتهم،

أنت وقفت مع الحق تكشفي وتعري وتنقلي الصورة

للمواطن ، وصاحب العقل يميز


يديكم دوام الصحة والعافية

شكرا ، نجلاء
كشف الاساليب الفاسدة للمؤتر الوطني المجرم ، عمل وطني وواجب ز
رعاك الله ورعى عملك في كشف هذا الباطل ... أنت قناة كاملة في نصرة الحق كما قال أصدقاؤنا ... في وزقت عزت فيه كلمة الحق في أجهزة الإعلام السودانية والعربية .

والخزي والعار لقرايشن ومن خلفه الإستعمار الأمريكي وزأذنابه من بعض السودانيين ، ومنذ متى كانت أمريكا حريصة على حرية السودان وشعبه ؟

Quote: انسحبوا لأن لافتة تنادي ب: حب الوطن فوق الجبين مذهب وحدتنا هي المطلب .. من غيرها ما بنرغب .. وطنا كحل العين .. حبات رمالو دهب .. فتأمل!!

فتامل ثم تامل يا ملاسي






يا ريت بعد التامل تكون شجاع وتجي خاشي بنفس التامل دا ..

اخخخخخخ يا انا

من زي ديل واااااااااااا اسفاي

الذمم المشريه الطالحة ... شتان بين دينك و بين دينا

الأخت نجلاء،

شكرا لك.
و النضال مستمر

المعركة مستمرة وملاسي يطلع برررررررره

اها وين لبث لافتات العنصرية وامام حزب الدولة البحب الشريعه وبخاف من الله


والمفوضية تمر بهذا الطريق الاساسي

تحية عطرة
شكرا للاقلام الواعيه وهى تناضل لكنس القبح الذى خيم ولكن الصبح قريب
قالت البعوضة للنخلة حينما ارادت ان تطير تماسكى فردت النخلة وهل احسست بك حين ارتميت فينى
تحية للحركة ولكل المناضلين الشرفاء نخلة سامقة ومواقف بطولية قد تفاجى المؤتمر الوطنى واذياله
النضال وحملة الامل والتغيير مستمرة
سعاد سيد بيومى

الفاضلة نجلاء
تحياتي
ياخ بخصوص الصورة بتاعة منبر الشنو دا الفوق دي
الفبركة واللعب فيها ظاهر ولا اعتقد انك صورتيها بنفسك
وشوفي الزول اللعب في الصورة عالج كل الحاجات ما عدا
اصابع زول قاعدة تحت لا حجمها ولا وضعها طبيعي
انا مؤشر ليك عليها بالسهم الاحمر ود بالاضافة الى انو
اللافتة دي واقفة كيف وفي شنو ؟
والمكان دا وين ؟




______________
المهم في زوار كتيرين بمقلبوا الاعضاء برسلوا ليهم صور زي دي
وقبل كدا تراجي ، المنبر دا كلو ضحك فيها بسبب صور (قتيل الفاشر)

هي بالله يا وهبة الإنتخابات كانت في أكتوبر 2009 و نحن ما عارفين ولاّ شِنو؟

الجسورة:نجلاء

احي فيك جسارتك في كشف زيف المؤتمرجية واذنابهم
ليست هناك تساوي بعدالة للفرص في الاعلام المسماة زورا وطني
لكل المترشحيين،في كافة مستويات العملية الانتخابية.
وحتي يتبين لهم ضلالهم وغشهم،لنتظر تقارير المراقبين الذين
سمحوا لهم بالمراقبة.اين يقودون هؤلاء بلادنا. االيس هناك
حادب علي مصلحة البلاد وانزلاقهاللتشظي والتفتيت.كلا


مودتي نجلاء

http://yasirarman.com/core/?p=494

الحركة الشعبية لتحرير السودان – القطاع الشمالي
سكرتارية الثقافة و الإعلام و الاتصال
للنشر الفوري 3 أبريل 2010

لن نسمح للمؤتمر الوطني أن يجهز على السودان عبر الانتخابات الحالية

توصل المكتب السياسي للحركة الشعبية لتحرير السودان في الأيام القليلة السابقة إلى قرار حيوي وأساسي في هذه المرحلة الحرجة من عمر السودان حيث إن البلاد في مفترق طرق أن تكون أو لا تكون، لا سيما أن الانتخابات السودانية القادمة أساسية ومفصلية في حياة الشعب السوداني و مصير السودان. و قد اتخذ القرار بناءاً على واقع التزوير التام في الانتخابات السودانية في كل المراحل الانتخابية المختلفة من مرحلة الإحصاء السكاني حيث كان جليا للعيان التزوير الذي تم في نتائجه في كل مناطق وولايات السودان المختلفة شمالا أم جنوبا، شرقا أم غربا وما الاحتجاجات والشكاوى التي عقبت ذلك إلا أمثلة وأتت بعدها مرحلة توزيع الدوائر الانتخابية والتلاعب الكبير الذي تم في تقسيم هذه الدوائر ومرحلة تسجيل سجل الناخبين أيضا تم بصورة تقنية تضمن تزوير المؤتمر الوطني لنتائج الانتخابات المقبلة وتزييف أرادة الشعب السوداني ثم العراقيل التي وضعت في وجه القوى السياسية المختلفة خلال مرحلة الحملة الانتخابية لا تحصى وتليها الترتيبات التقنية للتجهيز لعملية الاقتراع التي فاقت تجاوزاتها الحد خاصة طباعة أوراق الاقتراع محلياً رغم طرح العطاء دولياً بتكلفة أقل و أصبح التزوير في الانتخابات السودانية واضحا لا تخطئها إلا عين بها رمد وباتت الانتخابات السودانية لعبة قذرة وضع شروطها وحدد ملعبها ونتائجها المؤتمر الوطني ويريد من القوى السياسية المشاركة لتحليل اللعبة وضمان شرعية النتائج المزورة مسبقاً، رغم الاحتجاجات والرفض من قبل الحركة الشعبية والقوى السياسية والمحاولات المستمرة لتصحيح الأوضاع والعمل على ضمان انتخابات حرة ونزيهة وكل الاعتراضات التي قدمت لمفوضية الانتخابات قبلت بالرفض وعدم الاستجابة حيث تحولت المفوضية من مفوضية مستقلة إلى إحدى أذرع المؤتمر الوطني في تنفيذ خطته الآثمة. و قدمت لجنة عليا من قيادات من الحركة الشعبية رفيعة المستوى بقيادة نائب رئيس الحركة الشعبية د. رياك مشار للخرطوم لإعلان ومباشرة القرار والتنسيق مع القوى السياسية الأخرى وقد دخلت هذه اللجنة في مناقشات طويلة مع القوى السياسية كما عقدت اجتماعات متواصلة مع سكرتارية القطاع الشمالي ورؤساء الحركة الشعبية بالولايات ومرشحي الولاة للحركة الشعبية بالقطاع الشمالي لمناقشة آليات تنفيذ القرار وكيفية تطويره وقد قبل قرار مقاطعة الانتخابات الرئاسية وعدم مشاركة الرفيق/ الأستاذ ياسر عرمان في هذه المهزلة والخيانة الوطنية بالترحيب التام و القبول الواسع وكذلك قرار مقاطعة الانتخابات في كل المستويات في دارفور وجد القبول والتفهم نتيجة لسوء الأوضاع الأمنية بدارفور حيث ما زال قانون الطوارئ يشمل كل المناطق، وكذلك التجاوزات العديدة التي صاحبت كل المراحل الانتخابية هناك و لدراية الحركة الشعبية بمدى صعوبة الأوضاع في دارفور ووقفتها مع مصالح أهل دارفور أولا وأخيراً تضع العدالة والسلام في الأولوية قبل الانتخابات في دارفور.

وعليه تدعو الحركة الشعبية كل جماهير الشعب السوداني بدارفور إلى عدم المشاركة في العملية الانتخابية ومقاطعة عملية التصويت بشكل تام.

هذا وما زالت الاجتماعات تتواصل للبت في آلية تنفيذ القرار في باقي ولايات القطاع الشمالي وبعد نقاشات تم التوصل إلى مقترحات ستعرض إلى قيادة الحركة الشعبية للبت فيها خلال الساعات القليلة القادمة

وستدخل القرارات المجازة حيز التنفيذ في القطاع الشمالي فور إعلانها. وعليه فإن الحركة الشعبية لتحرير السودان–القطاع الشمالي تدعو الشعب السوداني كافة لليقظة وإعمال الحكمة و الوقوف مع الحق و المصالح العليا للسودان و مع حرية و نزاهة الانتخابات و ليس العكس. وعلى المؤتمر الوطني الكف عن أفعاله التي دمرت السودان في العشرين عاما الماضية ويريد أن يجهز على ما تبقى عبر الانتخابات الحالية و ندعوه عوضاً عن ذلك للتوافق مع القوى السياسية السودانية للعمل الجاد من أجل تجاوز هذا النفق المظلم الذي دخل فيه السودان بسببه، ونهيب بكل الأطراف المحلية والإقليمية والدولية المشاركة في مراقبة الانتخابات السودانية الحالية، أن تمارس مسؤوليتها بقدرً أعلى من الفعالية والموضوعية.
د.كيجي جرمليلي رومان
الناطق الرسمي باسم القطاع الشمالي للحركة الشعبية لتحرير السودان

يا علاء الدين
بطل حركات وشوف 2009 مكتوبة في لافتة المؤتمر الوطني وهي تاريخ للمؤتمر العام الثالث وليس للانتخابات





والمربع يوضح ذلك


شكرا نجلاء سيد احمد

هده صور حقيقيه.......جميل ان بعض الزملاء الكيزان يستنكرونها.....شكرا نجلاء



كنت اتمني انسحاب كل قوي المعارضه.

الاستاذ عبد الوهاب

اصابع زول

تصميم اللافتة علي هئية راية او علم وهناك من يرفعها
تابع الصورة جيدا ...

إنت البطِّل لف و دوران يا عمر
و كلامي واضح
أنا ما قلت التأريخ في اللافتة المفبركة
لأنّها ما فيها تأريخ أصلاً
أنا موضِّح إنها فعلاً زي كلامك في لافتة تابعة لحائط المؤتمر الوطني
ما يعني إنو الصورة دي قدييييييييييييييييييييمة
و تمّت لدبلجة عليها بي دي
سيبو التزوير و خداع خلق الله
إنتوا خلاص إنتهيتو

ولا يزال الشوايعة يُمارسِون التزوير و التضليل لصرف الأنظار عن خيباتِهم

يا وهبة تحياتي ..
ياخ اليافطة دي قاعدة لحدي صباح اليوم ..
لو ما مصدق كاميرا أختنا نجلاء ممكن تمشي كبري المنشية
إذا أنت جاي من الخرطوم وماشي على شرق النيل بتلقاها قاعدة جنب الصينية
في الركن الجنوبي الغربي للمقابر

إنت البطِّل لف و دوران يا عمر
و كلامي واضح
أنا ما قلت التأريخ في اللافتة المفبركة
لأنّها ما فيها تأريخ أصلاً
أنا موضِّح إنها فعلاً زي كلامك في لافتة تابعة لحائط المؤتمر الوطني
ما يعني إنو الصورة دي قدييييييييييييييييييييمة
و تمّت لدبلجة عليها بي دي
سيبو التزوير و خداع خلق الله
إنتوا خلاص إنتهيتو

طبعا يا علاء كلامك ده انت ذات نفسك لو صدقتو .. تكون مصيبة كبيرة فانت تكلمت عن التاريخ واشرت عليه بمربع ... ثم تهكمت من التاريخ وربطته بالانتخابات ..
وهذا ما تفضلت به يا علاء
منو البلف ويدور ياخ








والصوره ادناه باجراس الحرية فبل فترة

الاخ نجلاء
دعيني اليوم اختلف معكم
ان ما تسمونه انحابا اعتقد انه هروب من المعركة التي بدأت
تحدثتم عن شعارات جماعة الطيب مصطفي العنصرية
وتحدثتم عن عدم حيادية الحكومة
ويمكن ان نتحدث عن القمع الذي يمارس والتزوير
ولكن هل هذه الصفات هبطت فجأة علي جماعة المؤتمر الوطني
كل الصفات السيئة متاصلة في الموتمر الوطني وليس مكتسبة او وليدة لحظة
فما الذي جد؟؟؟؟
اما كان من الاحري عدم الدخول في هذه المهزلة من الاساس
بدلا من ايهامنا بانهم يستطيعون اسقاط المؤتمر وفي منتصف الطريق يرمون سلاحهم
ويتركوننا لمقاتلة الوحوش
ختاما اهدي للسيد ياسر عرمان مقطع حميد...
انا اتيقنت من تالاك
ولا اسف ولامحزون علي العمر السفكتوا معالك

Quote: تصميم اللافتة علي هئية راية او علم وهناك من يرفعها تابع الصورة جيدا ...

أستاذنا عمر الحاج
تحياتي
يعني بي كلامك دا يا عمر
الزول قادي اللافتة وراعها مع عمود الكهربا ولا كيف ؟

______________________

Quote: يا وهبة تحياتي .. ياخ اليافطة دي قاعدة لحدي صباح اليوم .. لو ما مصدق كاميرا أختنا نجلاء ممكن تمشي كبري المنشية إذا أنت جاي من الخرطوم وماشي على شرق النيل بتلقاها قاعدة جنب الصينية في الركن الجنوبي الغربي للمقابر

محمد عمر
مافي زول قال انو مافي لافتة بالشكل دا
لكن انا بتكلم عن فبركتها في الصورتين الفوق ديل الجابتها نجلاء والجابها صبري الشريف
يعني الصور دي مركبة تركيب والتركيب ما بغباني وفيها تعديل ظااااااااهر للبعرف لانو معمول بطريقة بليدة
وبعدين اللافتة دي موجودة لكن العدّل كلامها الاصلي منو ؟ وطبعها منو والوزعها منو دا السؤال ؟
هنالك جهة ما تسعى للفتنة فانتبهي يانجلاء وانتبهوا جميعا

عمرالحاج نقول ليهو تيس يقول أحلبوهو
قُلنا ليك الصورة كلافتة موجودة في بعض أنحاء العاصِمة أوكي
و صح
لكن وجودها في المكان الفي الصورة الفوق مفبرك
يعني في شارع المطار أمام مبنى المؤتمر الوطني المركز العام
دي فبركة
بدليل إنو اللافتة الموجودة في حائط مبنى المؤتمر و فيها التأريخ
لافتة قديمة و التأريخ يُثبِت ذلك
فهمتني؟
طيِّب بطريقة تانية
الزول الفبرك الصورة عمل شِنو؟
جاب صورة للافتة حقيقية و جاب صورة قديمة لمبنى المؤتمر
ركّب اللافتة في مبنى المؤتمر
شان يقول ناس المؤتمر الوطني بيحاربوا الحركة بهذا الشكل الصارِخ
و دة كلام ما صحيح
فهمتني ولا أعيدو ليك تاني؟

ونسيت حاجة مهمة وما داير اعدّل :
مش غريبة تنتشر اللافتات دي بعد انسحاب مرشح الحركة الشعبية السيد ياسر عرمان








____________
غايتو الناس الروجوا للافتة بالغوا وما حسبوها صاح

عبدالوهاب تحياتي

Quote: لكن انا بتكلم عن فبركتها في الصورتين الفوق ديل الجابتها نجلاء والجابها صبري الشريف يعني الصور دي مركبة تركيب والتركيب ما بغباني وفيها تعديل ظااااااااهر للبعرف لانو معمول بطريقة بليدة

عارف شعورك كيف .. لكن صدقني وما طالبني حليفة
أنا شفت الدعاية دي وبنفس الكلام ده قبل أكثر من اسبوعين
للأسف الشديد ما كان عندي كاميرا عشان أصور وللا أوثق
ــــــــــــــــــــــــــ



لاحظ المكتوب بالأحمر عشان ما تقول الحاجة دي بقت بعد إنسحاب عرمان

محمد عُمر يا صديق
لا أنا لا وهبة
لم ننفي وجدود الصور كحقيقة في شوارِع الخرطوم
و دي من حاجة إسمها منبر السلام العادل
تعرفونها جيّداً
الخِلاف في إنو نُقِلت الصور
بالفوتو شوب ما بي عربات
إلى مقر المؤتمر الوطني بشارِع المطار
في فبركة مقصود مِنها نسب الصورة للمؤتمر
و إرسال إشارات بعينها عن الحزب الأقوى أيّام الإنتخابات
في محاولات جبانة لتعطيله

سؤال:
هل رأيتها هُناك؟ (أعني شارع المطار أمام المؤتمر الوطني)

شوف يا علاء
قصة نقلوه بالفتوشوب دي حاول العب غيرها
لانو اللافتات منتشرة في عدة اماكن منها دار المؤتمر الوطني وعفراء مول وامام مدخل مبني المخابرات الوطني يعني في وش الرئيس هو داخل شايفا وهو مارق شايفا إضافة الي شارع عبيد ختم بالقرب من جامعة افريقيا العالمية ودي لافتات اي زول شافا
انت بتلف وتدور وفتوشوب مالك
وبعدين كل مرة تنط بي حتة ..........

تور شنو ياشاب ........ والبحلبو منو .
المســــــــألة واضحة
وبعدين نشرتا اجراس الحرية
ولم يستطع احد من قيادات المؤتمر الوطني ان يقاضي الصحيفة او ينفي ذلك
انت جاي بعد الزمن ده كلو وتقول لي الفتوشوب ....

يعني الصورة دي الاجراس برضو عملت ليها فتوشوب ..


[IMG]http://www.sudaneseonline.com/u1/hostat1.gif[/IMG

وبعدين مش ملاحظ حاجة..

ُكتر .. البتابت عيب

حالتكم تحنِّن و البيكم يجنِّن

أحسن الله عزاءكم

Quote: سؤال: هل رأيتها هُناك؟ (أعني شارع المطار أمام المؤتمر الوطني)

هلا .. علاء الدين
صراحة .. أنا ما شفت الصورة هناك (شارع المطار أمام المؤتمر الوطني)
لكن كلام أخونا وهبة (إذا ما كنت فاهم غلط) إنو الفوتو شوب ما عشان الموقع بس
لكن الفوتو شوب كلو في تصميم اللافتة .. لاحظ في المداخلة أعلاه وضع الدائرة حول اليد التي تحمل الراية في الصورة

سؤالين يا علاء :
1/ هل وجود اللافتة دي في أي مكان .. كبري المنشية .. شارع المطار مخالف لقانون الإنتخابات وللا لأ ؟؟
بمعنى ما هو الغرض من وجودها في أي مكان مع أن مفوضية الإنتخابات حذرت من استخدام الحملات المضاد
التي تكرس للفتن والعنصرية .. وأعتقد أنك تعلم تماما أهداف منبر السلام العادل وحملاته العنصرية الموجهة للحركة

2/ وين إنت ما ظاهر ياخ؟؟

Quote: 1/ هل وجود اللافتة دي في أي مكان .. كبري المنشية .. شارع المطار مخالف لقانون الإنتخابات وللا لأ ؟؟

إذا كان قانون الإنتخابات يُدين هذا الفِعل فيجب تبليغ المُفوّضِيّة عنه عشان تشوف شغلها مع منبر السلام.
لكن سمع أضاني عرمان قال كلام أزفت من كدة عن البشير في ندوات و فضائيات
فهل هو مخالف للقوانين أيضاً وقتها؟

إجابة السُّؤال التاني
قااااااااعِد بس جري الدُنيا يا الحبيب
رنّة و أظهر

ـــــــــــــ
وهبة تطرّق لما يهُمه كفنّان فوتوشوب مُحترِف و لأنُّو فِعلاً فيها فبركة بدليل نقلها من موقع جغرافي لموقع (فوتوشوبي)
سؤال:
إن أثبتّ لك بما لا يدع مجالاً للشك إنُّو الصورة الفبركوها لإدانة المؤتمر الوطني بوضع اللافتة أمامهم
فماذا أنت قائلاً عنهم

محمد عُمر يا حبيب
قطعت جُهيزة قول كل خطيب
اللافتة الموضوعة في المركز العام للمؤتمر الوطني من قريب شهرين لافتة فيها الآتي:


صورة عمر البشير

عِبارة (مرشحوا القائمة الحزبية للمجلس الوطني بولاية الخرطوم)

وصور الآتية أسماءهم


علي عثمان
إبراهيم أحمد عمر
أحمد عبد الرحمن محمد
أنطوني ديمو
الطيب الغزالي
جوزيف مكين
محمد أخمد الفضل
علي أحمد سليمان
علي أبرسي


أها عليك الله شِن قولك بعد دة؟
و بجيك بالصورة برضو

Quote: أها عليك الله شِن قولك بعد دة؟

كلام ياسر عرمان بكون في ندوة .. رد على سؤال .. محاضرة ما
لكن يا عزيزي ما معنى طباعة لافتات وشعارات تحمّل الحركة فوق ما تحتمل
واضح جدا لو كانت اللافتات دي في دعاية إنتخابية مضادة لعمر البشير و المؤتمر الوطني
ما كان قعدت ولا ساعة واحدة بس لا اللافتة ولا الزول العملها .. لكن هي دعاية تحمل من العنصرية
ما يفيض ويتدفق بالجنبات
ثم ..
ما أهو اللافتات بتاعت المؤتمر الوطني وعمر البشير مجدوعة في أي حتة .. ليه أختنا نجلاء ما اتكلمت فيها
أنا سألتك سؤال مباشر ليه تم السماح بنشر مثل هذه الدعاية ومعلوم ما هو الغرض منها ..
وأنا ما بهمني هي قاعدة في شارع المطار وللا في حتة تانية
السؤال ليه تم السكوت على مثل هذه التجاوزات ؟؟؟؟
والكلام ده ليه أكثر من اسبوعين .. عشان ما تجي تقول لي بعد عرمان إنسحب

ــــــــــــــــــــــــــــــــــــــ
يا ريت لو في زول عندو كاميرا يمشي جنب كبري المنشية بجوار مقابر بري في الركن الجنوبي الغربي للمقابر
وتاني في وحدة في شرق النيل بعد ما تنزل من الكبري إتجه شمالا بجوار مقر المؤتمر الوطنى
توجد هناك لافتات ممهورة باسم منبر السلام العادل أيضا
تحذر من بيوت الدعارة والخمر والحركة الشعبية

Quote: الفاضلة نجلاء تحياتي ياخ بخصوص الصورة بتاعة منبر الشنو دا الفوق دي الفبركة واللعب فيها ظاهر ولا اعتقد انك صورتيها بنفسك وشوفي الزول اللعب في الصورة عالج كل الحاجات ما عدا اصابع زول قاعدة تحت لا حجمها ولا وضعها طبيعي انا مؤشر ليك عليها بالسهم الاحمر ود بالاضافة الى انو اللافتة دي واقفة كيف وفي شنو ؟ والمكان دا وين ؟

الاخ الفاضل عبد الوهاب "اولا انا مابكذب ابدا وتاني حاجة الصورة دي في شارع كسلا (بحري الاملاك)وانا بنزل في اليوتيوب نفس الصورة فيديو لو شاكى فى الفيديو امشى المكان وتاكد بنفسك

لك عميق احترامى

ودى صور من الخرطوم

الفيديو


http://www.youtube.com/watch?v=_JgLAUytDOs

شان ما تشتِّتوا الكورة و تعملوا فيها رايحين
مافي زول قال ليكم لا توجد مِثل هذه اللافتات في شارع المك نمر و في كم حِتّة تاني
لكن كلامنا وااااااااااااااااضِح
الصورة الفبركتو فيها اللافتة جمب المركز العام للمؤتمر الوطني
مزووووووووووووووووووووووورة
و الدليل أهو:
صور طاااااااااااااااااازة قبل أقل من ساعة







قصدكم كان واضِح إدانة المؤتمر الوطنيي و إثارة الشُبهات حوله إنُّو وراء هذه الصور و يضعها أمام مقرّه العام
أهو أنا مشيت ليكم دزززززززززززززز وِقِفت في نُص شارع المطار صوّرت ليكم الجانب التمّت فيهو الفبركة
و مشيت للجهة التانية الفيها البوابة الرئيسية حيث تمتد ذات اللافتة
و اعترضني الحارس الفي الباب و حاول يمنعني من التصوير
لحدي ما جا زول مسئول من جوة و أقنعتو بالمسألة
و سألتوا عن اللافتة و تأريخها فقال لي ليها قريب شهر و نص
و أكّد لي عدد من الناس فيهم بيّاعين طبالي جمب المركز إنُّو اللافتة دي ليها قريب شهر و نص
و إنُّو أصلاً ما كان في لافتة موضوعة في الأرض بتاعت منبر سلام عادل ولا غيرو
فشوفوا ليكم حجة تانية تداروا بيها خيبتكم

مجموعةمن الصور التثقيفية للناخب اللون الاخضر هو سيد الموقف

الشجرة احسن حاجة لكم التعليق

Quote: الاخ الفاضل عبد الوهاب "اولا انا مابكذب ابدا وتاني حاجة الصورة دي في شارع كسلا (بحري الاملاك)وانا بنزل في اليوتيوب نفس الصورة فيديو لو شاكى فى الفيديو امشى المكان وتاكد بنفسك

الفاضلة نجلاء
ياستي مين قال انك كذابة ؟ ومين قال انو اللافتة غير موجودة ؟
انا تحدثت من ناحية فنية انو هذه اللافتة ملعوب فيها ... تم تصويرها وحذفوا منها كلمات واضيفت ليها كلمات اخرى ... والحذف والاضافة ظاهرة لاي زول شغال شغلانتنا دي ويانجلاء دي شغلتي الباكل منها عيش وابديت الملاحظة دي من حتة فنية بحتة شايفة كيف ...

أما اذا دايرة تسمعي تحليلي الشخصي والغير ملزم لاي زول .. اللافتة دي تم التلاعب بها من جهة غير معلومة لاثارة الفتنة
ولا اعتقد ان ناس المؤتمر الوطني يمكن أن يستخدموا مثل هذا الكلام الفارغ للدعاية الانتخابية بل انا بعتبرها دعاية مضادة دا اولا

وثانيا : الجهة التي قامت بتوزيع اللافتة دي صورتها وعدلتها وطبعتها باصابع زول وعمود الكهرباء الكانت معلقة فوقو يعني زي دايرة تثبت حاجة معينة بانو الشغل دا حقيقي ومكتوب كما ورد في الصور الفوق دي .

ثالثا : ناس منبر السلام العادل لو هم فعلا القاموا بتوزيع اللافتة دي ليه ما استخدموا التصميم الاصلا موجود عندهم والطبعوا منو اللافتة لاول مرة .. او قاموا باعادة تصميمها وخصوصا انو تصميم بتاع زول مبتدئ ركيك وما فيهو اي جماليات .
والكان حيظهر كدا



وأهو انا سحبت العمود بتاع الكهرباء والاصبعين وكان ممكن احذف واضيف اي كلام انا عايزو

المهم يا نجلاء انا داير اثبّت ليك حاجات مهمة :
1/ انا لا اتهمك انت بالكذب
2/ اللافتة الموجودة في الصور دي مزورة وتم التلاعب بها
3/ حريقة في المؤتمر الوطني ومنبر السلام العادل وكل ديناصورات السياسة بقزازة جاز واحدة
4/ دي آخر مداخلة لي في الموضوع دا
مع وافر تقديري واحترامي

يا وهبة الناس ديل أنا غايتو خلافي معاهم في نُقطة مُحدّدة
أتّفِق معك و معهم في وجود هذه اللافِتات
و دة ما موضوعي
موضوعي اللافتة اللي تم التلاعب بيها و بي مركز المؤتمر الوطني و دبلجوهم مع بعض
في قصد واضح هو النيل من الخصم (المؤتمر) بأنّه يتبنّى هذا الخط لمنبر السلام العادل
و هو لعمري تزوير و إشانة سمعة و ممارسة غير كريمة لجهة سياسِيّة غير راشِدة
صور طاااااااااااااااااازة قبل أقل من ساعة

دي الصورة المفبركة



ودي الصورة الصحيحة






قصدكم كان واضِح إدانة المؤتمر الوطنيي و إثارة الشُبهات حوله إنُّو وراء هذه الصور و يضعها أمام مقرّه العام
أهو أنا مشيت ليكم دزززززززززززززز وِقِفت في نُص شارع المطار صوّرت ليكم الجانب التمّت فيهو الفبركة
و مشيت للجهة التانية الفيها البوابة الرئيسية حيث تمتد ذات اللافتة
و اعترضني الحارس الفي الباب و حاول يمنعني من التصوير
لحدي ما جا زول مسئول من جوة و أقنعتو بالمسألة
و سألتوا عن اللافتة و تأريخها فقال لي ليها قريب شهر و نص
و أكّد لي عدد من الناس فيهم بيّاعين طبالي جمب المركز إنُّو اللافتة دي ليها قريب شهر و نص
و إنُّو أصلاً ما كان في لافتة موضوعة في الأرض بتاعت منبر سلام عادل ولا غيرو

قرفنا تشييع تزاهة المفوضية فى موكب جنايزى 6_4 (صور وفيديو).


قرفناقرفننننننننننننننننننننننننننننننننننننننننننننننننننا

العزيزة نجلاء .. تحية طيبة

أولاً : واقع الحال يقول أنه ليس هنالك على الأرض (قوى للإجماع الوطني) .. والدليل هو عدم الإتفاق على أي حد أدنى لصالح الوطن ...!!!

ثانياً : الناس لا تستنكر مبدأ الإنسحاب .. ولكنها تستنكر عدم نضوج أحزاب المعارضة الرئيسية ، وإستغلال المؤتمر الوطني والحركة الشعبية لهذا الواقع المزري ..!!

ثالثاً : إن قرار الحركة الشعبية بالإنسحاب من سباق الرئاسة والإنتخابات التشريعية في 13 ولاية شمالية ما عدا جنوب كردفان والنيل الأزرق فهو قرار تشتم فيه نية الإنفصال المبيتة ولا يصب إطلاقاً في صالح مشوار السودان الجديد الموحد ..!! وكان من الأفضل لها إما الإنسحاب الكلي شمالاً وجنوباً أو الإستمرار على الرغم من كل السلبيات وحتمية التزوير ...!!!

رابعاً وهذا هو المهم ، وإنني أعلم إنك من الناشطين المخلصين ، فإنني أقترح على كل الشباب أن يطوروا فكرة (قرفنا) وحملة (عرمان لرئاسة السودان) وكل حملات الفيس بوك والتويتر وغيرها إلى حراك سياسي واحد وموحد وإنزاله من صفحات النت إلى شوارع الخرطوم وبقية عواصم الولايات من أجل إجبار كهنة السودان القديم من حكومة ومعاضة إلى تغيير واقع الحال ، وأن لا يظل هذا الحراك السياسي معتقل ومرهون لحزب معين أو حركة شعبية أو تيار بعينه ، وأنا بصفتي حزبي لا أدعو إلى إلغاء الأحزاب ولكنني أدعو إلى أن تأخذ الجماهير الحزبية وغير الحزبية زمام المبادرة وأن تضع هدفاً واحداً نصب أعينها ، ألا وهو تغيير واقع الحال ، والإنتصار ليس صعباً إن تجمعت هذه القوى الحية.

لك كل الود والتحايا ....


"أبوفواز"

http://www.facebook.com/group.php?v=app_2344061033&gid=258833801883