دفتر احوال ضابط الشرطة المناوب

دفتر احوال ضابط الشرطة المناوب


08-17-2008, 02:52 AM


  » http://sudaneseonline.com/cgi-bin/sdb/2bb.cgi?seq=msg&board=438&msg=1292641193&rn=87


Post: #1
Title: دفتر احوال ضابط الشرطة المناوب
Author: Ali Sirelkhatim
Date: 08-17-2008, 02:52 AM
Parent: #0

الاخوة الاعزاء
الرجاء المرور وكتابة قيد بدفتر الحوال
الغرض ان نكون على اتصال ببعضنا البعض
الاخوة الاعضاء بسودانيز اون لاين مرحبا بكم ضيوفا معنا فى هذا البوست بآرائكم و مقترحاتكم
من ليس لديه pass word بامكانه ارسال القيد عبر البريد الالكترونى الاتى
[email protected]
الشكر موصول للجميع

Post: #2
Title: Re: دفتر احوال ضابط الشرطة المناوب
Author: Ali Sirelkhatim
Date: 08-17-2008, 03:34 AM
Parent: #1



Post: #3
Title: Re: دفتر احوال ضابط الشرطة المناوب
Author: سامى عتبانى
Date: 08-17-2008, 04:04 AM
Parent: #2

ناس الشُرطه بس
ولا ناس الديش برضو
؟؟

Post: #6
Title: Re: دفتر احوال ضابط الشرطة المناوب
Author: omer osman
Date: 08-17-2008, 06:00 AM
Parent: #3

جنابو سامي

تحياتي

ياتو دفعة في الديش ياجنابو ؟

Post: #17
Title: Re: دفتر احوال ضابط الشرطة المناوب
Author: سامى عتبانى
Date: 08-17-2008, 03:26 PM
Parent: #6

Quote: جنابو سامي

تحياتي

ياتو دفعة في الديش ياجنابو ؟


يا السعاده
عمر عثمان
انا بس من اصدقاء القوات النظاميه السودانيه

Post: #52
Title: Re: دفتر احوال ضابط الشرطة المناوب
Author: Ali Sirelkhatim
Date: 08-25-2008, 03:26 PM
Parent: #3

الاخ سامى
ناس الشرطة وناس الديش وناس السودان كلهم
مرحب بالجميع
شكرا على مرورك ومرحب بيك اى وقت

Post: #4
Title: Re: دفتر احوال ضابط الشرطة المناوب
Author: سامى عتبانى
Date: 08-17-2008, 04:04 AM
Parent: #2

عُزرا


حزف للتكرار
عاوز اعمل كلك عملته كلكين

Post: #7
Title: Re: دفتر احوال ضابط الشرطة المناوب
Author: Abdelhafiez Hassan
Date: 08-17-2008, 06:50 AM
Parent: #2




أسجل مرورى على مكتب الضابط المناوب.....

بقية الزملاء مسجلين غياب حتى فى بوست

ضباط الشرطة المحالين للصالح العام!!!!!!!

Post: #5
Title: Re: دفتر احوال ضابط الشرطة المناوب
Author: omer osman
Date: 08-17-2008, 05:55 AM
Parent: #1

سيادتو على

صباح الخير سعادتك

17/8 الساعة 8.45 ص هدوء احوال بمنطقة الخرطوم - الطائف.

17/8 الساعة 8.46ص بالمناسبة كمندان المنطقة دفعتك على محمد عثمان.

Post: #8
Title: Re: دفتر احوال ضابط الشرطة المناوب
Author: أيمن الطيب
Date: 08-17-2008, 07:14 AM
Parent: #5

علي سر الختم يا صاحب,,
الشوق بحور,,

ياخ سبحان الله!!!!!!!!!!!!!!!!!!!!!!!!!!!!
تعرف لما شفت الإسم قلت دا ماأظنو صاحبى
البوليس القّدّ السلك وشتّت دااااااااااااك
قسما أنا سألت عنك قدورة قبل عدة أيام!!!
وأكيد عندك فكرة إنو قدورة موجود فى قطر!!

نحن ما بحلنا إلا تلفون طوييييييييل !!
ويا حبذا لو معاهو عشرة سنوكر طويلة!!

دى صدفة عجيبة,,,

تحياتى يا صديق من الزمن الحلو,,,,

Post: #9
Title: Re: دفتر احوال ضابط الشرطة المناوب
Author: Ali Sirelkhatim
Date: 08-17-2008, 10:36 AM
Parent: #8

عزيزي علي سرالختم
شوق ما ليهو حدود
ليك و لاسرتك الكريمه
حضرنا للتوقيع في دفتر حضورك يا سعادتك
وأتمني أن يجمعنا بكل الاخوه الزملاء في الداخل و الخارج
تحياتي عبرك للجميع
خاصة السيد العقيد عبد الحفيظ حسن و الضابط النابغه عمر عثمان
اخوك
عبد الحميد محمد علي
اتحداك لو إتذكرتني



Post: #10
Title: Re: دفتر احوال ضابط الشرطة المناوب
Author: أيمن الطيب
Date: 08-17-2008, 10:45 AM
Parent: #9

يا بوليس الحاصل شنو!!!!!!!!!!!

عبد الحميد محمد على وعلى سرالختم عاملين شيرنق
فى باسوورد!!!!!!!!!


فى إنتحال شخصيه هنا ولا أنا فاهم غلط


هو فى كم على سرالختم هنا عشان نفهم بس!!!!


تحياتى

Post: #13
Title: Re: دفتر احوال ضابط الشرطة المناوب
Author: Ali Sirelkhatim
Date: 08-17-2008, 11:22 AM
Parent: #10

الاخ ايمن
الشوق بحر ياراجل وزى ماقلت الا تلفون عشان دى سنين من الونسة
الاخ حميد ماعندو pass word فهو ارسل بريد الكترونى وانا نشرته
رقم التلفون 5854780220
اخوك على سرالختم

Post: #11
Title: Re: دفتر احوال ضابط الشرطة المناوب
Author: Ali Sirelkhatim
Date: 08-17-2008, 11:03 AM
Parent: #9

الاخ حميد
انت لسه فى منيسوتا انا والله كايس تلفونك لى زمن
فى نقة وكلام كتير الا بالتلفون ياحبيب عشان اخوك فى الطباعة ماشاء الله كلمة كل تلاتة يوم
5854780220

Post: #12
Title: Re: دفتر احوال ضابط الشرطة المناوب
Author: Ali Sirelkhatim
Date: 08-17-2008, 11:09 AM
Parent: #5

الاخ عمرعثمان
ان شاءالله انت كويس وبخير وكله تمام
تحياتى ليك وبالله ادينا سطر فى دفتر الاحوال كلماتجد فرصة

Post: #14
Title: Re: دفتر احوال ضابط الشرطة المناوب
Author: Abdelhafiez Hassan
Date: 08-17-2008, 12:47 PM
Parent: #12

العزيز عبدالحميد.....

Quote: خاصة السيد العقيد عبد الحفيظ حسن و الضابط النابغه عمر عثمان
اخوك
عبد الحميد محمد علي



أين أنت ؟؟؟؟فقدناك فى بوست (ضباط الشرطة المحالين للصالح العام)

و أفتقدنا توثيقاتك الهامة؟؟؟؟

أظهر ياخى!!

Post: #15
Title: دفتر أحوال الضابط المناوب
Author: Mohiedin Sir El Khatim
Date: 08-17-2008, 01:18 PM
Parent: #1

17/8 4:17م أسجل مرورى على مكتب الضابط المناوب .. محى الدين

الأخ على سر الختم ... لك التحايا، و الله مشتاقين كتير ( طبعا دة بره دفتر الأحوال)

Post: #16
Title: Re: دفتر أحوال الضابط المناوب
Author: Ali Sirelkhatim
Date: 08-17-2008, 02:55 PM
Parent: #15

الاخ محىالدين
لك اعطر التحايا والاشواق
وشكرا على القيد بدفتر الاحوال
ليك وحشة والله
اخوك على سرالختم

الاخ محىالدين
لك اعطر التحايا والاشواق
وشكرا على القيد بدفتر الاحوال
ليك وحشة والله
اخوك على سرالختم

Post: #18
Title: Re: دفتر أحوال الضابط المناوب
Author: الطيب بشير
Date: 08-17-2008, 04:02 PM
Parent: #16

.

حضرنا يا سعادتك

آخر ضابط عملت معه في مينيسوتا مشرّف البوســت

بكل انضباط الدنيا مشتاقين يا سعادتو عبد الحميد

أحوالنا؟؟

مجاعة في الجنوب و الشرق..و سبعة ماتوا بالمطر في الخرطوم و سقوط أكثر من120 بيت

عدا ذلك..أحوالنا هادئة و لا شيء يذكر!!

نقيب شرطة"م"..حيث تشير الميم، عكس ما هو معروف، لكلمة مغبون

.

Post: #19
Title: Re: دفتر أحوال الضابط المناوب
Author: Ali Sirelkhatim
Date: 08-17-2008, 06:11 PM
Parent: #18

الاخ الطيب
ان شاء الله انت والاولاد بخير والف الف شكر على مرورك
وبالله ارجو مواصلة الكتابة عندما تجدسانحة
اخوك
على سرالختم

Post: #20
Title: Re: دفتر أحوال الضابط المناوب
Author: Ali Sirelkhatim
Date: 08-18-2008, 02:32 AM
Parent: #19

up

Post: #21
Title: Re: دفتر أحوال الضابط المناوب
Author: Ali Sirelkhatim
Date: 08-18-2008, 03:57 PM
Parent: #20

يبدوا ان الاحوال هادئة ولا شى يستحق الذكر

Post: #22
Title: Re: دفتر أحوال الضابط المناوب
Author: Ali Sirelkhatim
Date: 08-18-2008, 03:57 PM
Parent: #20

يبدوا ان الاحوال هادئة ولا شى يستحق الذكر

Post: #2029
Title: Re: دفتر أحوال الضابط المناوب
Author: MOHAMMED ELSHEIKH
Date: 08-15-2009, 08:49 PM
Parent: #22

up

Post: #23
Title: Re: دفتر احوال ضابط الشرطة المناوب
Author: فارس موسى
Date: 08-19-2008, 03:41 AM
Parent: #1

دفعتى (بكسر الدال طبعن ) اخدا على نطق دوسه ولا عبد الرازق ساكن او فارس موسى ولد ام ضمير

فالصعيد بقى بطال !! على سرالختم الضابط النمر الكارب (طبعن التكاسى الجعلى النيوركى وحش الإحتياطى

عبد الكافى ما بجى بهنا) دا بكان بتاع ملكيه ساكت .ياخى تحياتى وبركه بالشوفه الإسفيريه ولازم تحكى

عن دفعتك كلهم ،قطع شك قابلتهم .

المهم يا سيدى دى مذكره خارج الدفتر فمباراة الملكيه الكهن امثال عصام جبرالله واخرين ودرت ضبطنا

وربطنا الكان وبقينا اقرب للمرابطين لاننا إتعلمنا كلام الملكيه الدلاقين من على شاكلة :

انا بعتقد !! والحته دا ياسعادتك رأى فيها !! وحنشوف ؟تصدق ؟


انا حاجعل من دفتر احوالك دا اولا دفتر احوال الدفعه 52 (طبعا بالقديم ) دفعة الإنتفاضه

اولاد وبنات اكتوبر (الإتولدو حوالين اكتوبر ) حيرسل ليك عبده عوض إيميل يقول ليك قرنق جيل اكوار

كان شايل بمبانو وراء قرشى فارس وبعاين لمولانا إمام !

حنكتب عن البوليس ،عن الشرطه ، وعن المرابطين يالطيب بشير (عن الملكيه والاهالى الإستوطنو المملكه

وإحتلو عرشها المنيع )

حنكتب عن البوليس ابعمه والشرطه ست الكاب والدقن التحت البوريه !!

رسلو لينا يا ناس كل الدفع الطرائف ،البلاغات ،المواقف ، الشخصيات ،القيادات ، ناس الصف

التعلمجيه ، كل ما يحدث وما حدث فى مجتمع الشرطه (الكبكابات والرجافات يمتنعون )


وكسمبهار واحده من النبواءت التى تحققت فى دفعتنا :

فى العام86 ونحن يا دوبك بقينا سناير واول دفعه يطبقو فيها نظام ال4 سنوات عصرئذ ،كانت تدور

مدواولات وحوارات ساخنه وفق الضبط والربط فى قاعة السينر وقد كانت اغلبها مع سعادة المقدم

انذاك كمال محجوب مشاوى (قائد الدفعه) كان ابرز المتحاججين والملاوين فى رفضنا لنظام ال4

سنين دفعتنا السيد قرنق جيل اكوال عضو المجلس الوطنى الحالى (ملازم اول شرطه معاش )

وعندما ضاق به السيد المقدم كمال مشاوى زرعا بفصاحته وحججه وبراهينه وعلى رأسها الذى اضحكنا

جميعا قوله للمقدم مشاوى باننا ملأنا اورنيك التقديم للكليه بتاع السنتين !! والذى اضحك الدفعه

اكثر تذكير المقدم بالشرط الوارد فى الاورنيك بعدم السماح للطالب والطالبه طيلة فترة التدريب

ومشار لها بين قوسين بعدم الزواح !!(طبعن قرنق كان متزوج من إتنين والمسؤليه تقع على دفعتنا

دليل الدفعه (اطول زول فى الدفعه ) على محمد عثمان الشايقى (الجلاسى ) (حير الجنوبيين والتعلمجيه)

ويقال إنو (شمار طبعن ) إنو قال لنسوانو سنتين والدبوره وبجيكن راجع علا اللواء (شراره ) ودى قصه

يحكيها على سرالختم لانو من بتاعين البياده الشراره !!،اللواء شراره مقلب دفعتنا قرنق ولخبت ليهو

موضوع اسرتو رأسا على عقب !!انى واى لما المقدم ضاق بقرنق ذرعا اطلق نبوءته التى رأيناها تتحقق

بعيد توقيع نيفاشا حيث علق قبل 21 عام بان الطالب دا يقصد (قرنق) بتكلم ذى ناس الإتحاد الإشتراكى !!

وإذ كان ها هو قرنق جيل اكوار طالب كلية الشرطه السينر فى 86 وراجل المرتين والملازم اول معاش

طبعا من اوائل الذين تمت إحالتهم للصالح العام وعضو الحركه الشعبيه لتحرير السودان الذى تحققت

فيه نبوءة قائد دفعتنا فى ذلك الزمن البهى سعادة العميد معاش كمال مشاوى (اظنه فى دولة قطر الان)

التحيه للسيد العميد مشاوى والتحيه للسيد النائب البرلمانى النابه والمفوه دفعتى النمر قرنق جيل

اكوار ولكل منتسبى ومنتسبات(جكسينا) الكنا بنحندك بيهو اعدقانا الالداء ناس مصنع الرجال والمحن

(كلية العزابه )!! طبعا حيجيكم ابوديه (عضو البورد ) ويقول ليكم يا ناس كلية سوسن .


وسنواصل

وهناك المثير الخطر !!


الإيميل :


[email protected]

Post: #24
Title: Re: دفتر احوال ضابط الشرطة المناوب
Author: Ali Sirelkhatim
Date: 08-19-2008, 12:29 PM
Parent: #23

التحية للاخ قرنق جيل.وايضا السيد العميد ايمن الامين والسيد العقيد الور اروب كوال
ونتمنى تكتبوا لنا قيد بدفتر الاحوال

Post: #25
Title: Re: دفتر احوال ضابط الشرطة المناوب
Author: Ali Sirelkhatim
Date: 08-20-2008, 02:06 AM
Parent: #1

_________________________________________________________

Post: #26
Title: Re: دفتر احوال ضابط الشرطة المناوب
Author: Ali Sirelkhatim
Date: 08-20-2008, 02:06 AM
Parent: #1

______________________________________

Post: #27
Title: Re: دفتر احوال ضابط الشرطة المناوب
Author: muntasir
Date: 08-20-2008, 03:04 AM
Parent: #26

سلام جاكم
من نوادر دفاتر الأحوال
كان العم الرقيب أول آنذاك محكر سبت النور الشاويش النبطشى بالشمالى أمدرمان وكانت تنتابه حالات شاعريه لاتجد محرجآ إلا بدفتر الآحوال وفى يوم جا عدد من عساكر المباحث شايلين ليهم سرير وضلفة دولاب وقعت من حراميه كانوا ساكينهم فى الخدير والحفر فما كان من العم محكر إلا آن فتح القيد التالى

الساعه الخامسه أشرقت شمس الصباح وصاح الديك ورأيت فتية المباحث الآشاوس يحملون ما خف وزنه وغلا ثمنه فهنيئآ لهم وهنيئآ للربان الماهر
عبدالوهاب النور

تانى يوم لما جا عبدالوهاب النور جاب عمك محكر زفاه زفه بكونوا ناس السوق الجديد سمعوها قال يا محكر إشترى ليك كراس أكتب فيه تجلياتك وآختى دفتر ألأحوال

كما أذكر الصول آنذاك العم كرار الذى كان يقوم بتنوين كل حرف يعنى بسلم دفتر الأحوال الصباح لوح خلوة
أما أحسن من يسجل قيد أو تعليق بدفتر أحوال فهو اللواء مدير منطقة أمدرمان فى ذلك الوقت أحمد المرتضى البكرى أبو حراز
وهذا بمثابه مرور

Post: #28
Title: Re: دفتر احوال ضابط الشرطة المناوب
Author: Mohamed Yassin Khalifa
Date: 08-20-2008, 03:48 AM
Parent: #27

يا علي السر سلامات ومراحب شديدة بوجودك البوليسي معانا عبر المنبر الجليل...
والله ليك وحشة ولي أولادك وبقية أهلنا في روشستر المنفى دي... وإنشاء الله الجميع على ما يرام

بس بعد ما تكمل البوست الظريف ده أرفع التمام وبلغ الأحوال عبر الهاتف الـ في الملف

Post: #34
Title: Re: دفتر احوال ضابط الشرطة المناوب
Author: Ali Sirelkhatim
Date: 08-20-2008, 07:47 PM
Parent: #27

الاخ منتصر
الف شكر على المرور واتحفنا بالله عليك بالمزيد من الذكريات الجميلةكلما سمحت ظروفك
الف شكر
اخوك على سرالختم

Post: #29
Title: Re: دفتر احوال ضابط الشرطة المناوب
Author: فارس موسى
Date: 08-20-2008, 04:02 AM
Parent: #1

منتصر إزيك وكيفك


Quote: أما أحسن من يسجل قيد أو تعليق بدفتر أحوال فهو اللواء مدير منطقة أمدرمان فى ذلك الوقت أحمد المرتضى البكرى أبو حراز


نعم صدقت إشتهر اللواء ابو حراز بالكتابه الانيقه والمدهشه حيث كان الضباط ينتظرون بفارغ الصبر

نزول دفتر احوال الضابط المناوب فى اى وحده رأسها اللواء اللغوى الضليع والعالم المفوه ابوحراز

واذكر من اطرف تعليقاته (على هامش قيد كتبه احد العقداء) ونسى العقيد كتابة إسمه !!فتساءل

اللواء على هامش الدفتر وبالقلم الاحمر :ومن انت يا حلم الصبا؟؟!! فكانت حديث ضباط الوحده .




هدوء الاحوال .

Post: #30
Title: Re: دفتر احوال ضابط الشرطة المناوب
Author: Ali Sirelkhatim
Date: 08-20-2008, 09:16 AM
Parent: #29

ذكريات وطرائف
الدرس الاول فى الفروسية

ياطلبة الدرس الاول من دروس الفروسية. ده راس الحصان وده ضنب الحصان وده الحصان اى سؤال؟

Post: #31
Title: Re: دفتر احوال ضابط الشرطة المناوب
Author: الطيب بشير
Date: 08-20-2008, 03:57 PM
Parent: #1

Quote: حنكتب عن البوليس ،عن الشرطه ، وعن المرابطين يالطيب بشير (عن الملكيه والاهالى الإستوطنو المملكه وإحتلو عرشها المنيع )


نحن يا سعادتك مااااا عندنا كلام..لا زال في الخاطر بقية انضباط..النعمنو أقدميتنا في البوست مجوبكة..و الهوا تقييييل..لكن لا بأس ببعض الكفاوي اللي كنت أنا بسببها للدفعة واحد وستين..بيد أني أكثر من نال طابور بطانية في الكلية، و لا فخر، و أول من(قـدّ) له ملفه قائد الدفعة بنفسه، المقدم
و قتها عصام علي الشريف، اللواء الآن في وين ما عارف..

بعد دخولي الكلية بنحو شهر، أي في عز فترة الحبس الخطرة،..جاءتني زيارة من زملاء و زميلات بالتلفزيون ..و طبعآ دخلوا على اللواء على طول..و كان الرجل المهذب الخلوق صديق الهادي..برغم أنه شرح لهم أن الزيارة ممنوعة..لكن تحت إصرار المشاهير و "لياقة" بعض المذيعات..طلب حضور ملازم الميدان (صديق العبيد)، الدفعة 54، و قبل أن يصرف له اللواء التعليمات كانت المذيعات يتفاصحن (عاوزين نقابل "الأستاذ" الطيب بشير)..و هو يقول ليهن "أيواااا"...
ياخ عثمان بتاع المخزن بيضحك في "أيواااا" دي لمن نحن اتخرجنا ما نساها..قال لي صديق العبيد دة قرّب يطق فيهو عرق..أستاذ؟؟؟...أستاذ شنو البتتقال لي مستجد بيزحف؟؟...
و الله يا شباب طابور الذنب كان بقيادة رائد!!
و كل التعلمجية شايلين صفافير..
ياخ العسكري بيكون نصيبو صنف بس يزازي بيهو..
الدفعة بتزحف قبل ما أنا أرجع من الزيارة..
و بيسألوا بعض (بأي ذنب قتلت)...ما عارفين!!
شاكلو ناس الصعوط..و ناس قد السلك..و اتهموا العندهم قمصان ملونة في واليبهم..
لكن لمن عرفوا دة العبد لله و عرفوا التفاصيل لم يحميني منهم سوى الحبس الانفرادي..

.

Post: #32
Title: Re: دفتر احوال ضابط الشرطة المناوب
Author: Ali Sirelkhatim
Date: 08-20-2008, 05:29 PM
Parent: #31

up

Post: #33
Title: Re: دفتر احوال ضابط الشرطة المناوب
Author: Ali Sirelkhatim
Date: 08-20-2008, 06:32 PM
Parent: #32

الدفعه على سرالختم
20/8 9:50(م) (الدفعه 52 ) رائد شرطه (م) محمد عبد المنعم حسن التلب مرورى للمره الاولى متفقدا دفتر احوال الضابط المناوب والذى وجدته بحق سيكون همزه وصل بين الاجيال المتتابعه فى الشرطه الموجودين بالسودان وخارجه السابقون واللاحقون منهم المجودون بالخدمه وخارجها وحتى تكون الفائده اعم اقترح الاتى:
1/ ان يسجل كل متفقد للاحوال تاريخ وزمن مروره حتى نتابع الاخبار حسب تسلسلها الزمنى
2/ان يسجل كل متفقد للاحوال دفعته بالقديم ورتبته والغايه غير خافيه على الجميع
3/ان يتناول اخبار الدفعات حتى يصبح وسيله للربط بين الزملاء بالداخل والخارج
4/لاباس من تناول طرائف الدفعات لانها تعطى للموقع نكهه خاصه وتعيدنا لذكريات الزمن الجميل
5/تناول الاحداث بموضوعيه بعيدا عن التجريح وابداء النقد الهادف
وهذه مؤاشرات ارجو ان تلقى القبول والتطوير
والتحيه لارواح كل شهداء الشرطه والمتفقدين للاحوال,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

رائد شرطه (م) محمد عبد المنعم حسن التلب




Post: #35
Title: Re: دفتر احوال ضابط الشرطة المناوب
Author: Ali Sirelkhatim
Date: 08-21-2008, 04:06 AM
Parent: #33

اثنى بشدة

Post: #36
Title: Re: دفتر احوال ضابط الشرطة المناوب
Author: أيمن الطيب
Date: 08-21-2008, 07:34 AM
Parent: #35

سلامات يا شباب,,

يا على سر الختم مرورى اليوم لتحية هذا الرجل المحترم,,,
Quote: رائد شرطه (م) محمد عبد المنعم حسن التلب

وأيضا عبره التحية لإخيه الأصغر أحمد عبدالمنعم التلب الإنسان
الخلوق المهذب الأصيل ,,,وأتمنى أن يكون وأسرته بخير,,

كثيرا ما يصعب التعبير ولكن لا بد من كلمة حق تقال أحيانا ,,
هؤلاء الرجال بعضهم تعاملت معه من بعيد وبعضهم جمعتنا الظروف
والدنيا بهم عن قرب ولم يتركوا غير آثارا جميلة وإحترام كبير,,
رغم الشتات ومشاغل الحياة,,
يا ابوعلوة تلفونك Made My Day والله وعاجز عن شكرك ونشوفك قريب
بإذن الله,,

تحياتى,,

Post: #37
Title: Re: دفتر احوال ضابط الشرطة المناوب
Author: Ali Sirelkhatim
Date: 08-21-2008, 06:34 PM
Parent: #36

يا على سر الختم مرورى اليوم لتحية هذا الرجل المحترم,,,

Quote: رائد شرطه (م) محمد عبد المنعم حسن التلب


وأيضا عبره التحية لإخيه الأصغر أحمد عبدالمنعم التلب الإنسان
الخلوق المهذب الأصيل ,,,وأتمنى أن يكون وأسرته بخير,,



شكرا الاخ ايمن على المرور وشكرا انابة عن الاخوان محمد واحمد التلب

Post: #38
Title: Re: دفتر احوال ضابط الشرطة المناوب
Author: Emad Abdulla
Date: 08-21-2008, 07:31 PM
Parent: #37


تمام سعادتك ..
هدوء الأحوال ..
البلد نايمة .

عليهو العوض .

....
عماد عبدالله ..
الدفعة 45


Post: #39
Title: Re: دفتر احوال ضابط الشرطة المناوب
Author: Ali Sirelkhatim
Date: 08-22-2008, 06:16 AM
Parent: #38

up

Post: #40
Title: Re: دفتر احوال ضابط الشرطة المناوب
Author: Ali Sirelkhatim
Date: 08-22-2008, 07:25 PM
Parent: #38

السيد عماد
نشكر سعادتك على المرور
ونتمنى انك تدينا قيد فى الدفتر كلما سمحت ظروفك
الف شكر
ويا السيدصلاح الحاج[برلة] و الفاتح كامل والطيب عثمان يوسف وين انتو

على سرالختم

Post: #41
Title: Re: دفتر احوال ضابط الشرطة المناوب
Author: Ali Sirelkhatim
Date: 08-23-2008, 04:17 AM
Parent: #40

12:15
رائد شرطه (م) محمد عبد المنعم التلب مرورى متفقدا احوال الضابط المناوب والذى وجدته يغط فى ثبات عميق فترحمت بجواره على روح فقيد الشرطه والدفعه 52 وفقيد الشباب المرحوم الرائد شرطه (م) طارق محمد احمد محمد خير . له الرحمه ولكم طول العمر عدا ذلك هدؤء احوال تام ,,,,,,,,,,,,,,,,,,,,,,,,,,,,,,,,,,,,,,,,,,,

Post: #42
Title: Re: دفتر احوال ضابط الشرطة المناوب
Author: Ali Sirelkhatim
Date: 08-23-2008, 01:03 PM
Parent: #41

لاخ العزيز على سر الختم
تحياتى لكم ولك من ثنى على لنيل عضويه المنبرواخص بالشكر الساسبقين واللاحقين وبصفه خاصه :
1/ ابن عمتى المهندس /عاطف عمر واسرته الكريمه بدولة الامارات
2/الاخ الكريم الطيب شيقوق
3/الاخوه الزملاء الكرام زملاء المهنه /عمر محمد عثمان/د.محمد المشرف
4/والاخ الراقى / محمد يسن خليفه
5/وشكر خاص للاخ طارق ميرغنى لتثنيته لى لدى الباشمهندس بكرى ابوبكر
وكل الشكر للاخ للدفعه العزيز جدا على ود السر

رائد شرطة م محمد عبدالمنعم التلب

Post: #43
Title: Re: دفتر احوال ضابط الشرطة المناوب
Author: Ali Sirelkhatim
Date: 08-24-2008, 04:49 AM
Parent: #42

up

Post: #44
Title: Re: دفتر احوال ضابط الشرطة المناوب
Author: Ali Sirelkhatim
Date: 08-24-2008, 05:37 PM
Parent: #43

انطلقت الصافرة
بدأ فرش المتاع لمستجدى الدفعة 52
احضرنا كل شى فى فرش المتاع ماعدا مجلة الشرطة العدد العاشر وكانت سبب الجزاء
وقال السيد الملازم اول وقتها ابراهيم عثمان
كيف ياطلبة ماتجيبوا مجلة الشرطة العدد العاشر دى مش عهدة صرفناها ليكم وبدا العذاب ثلاثة ايام من طوابير الذنب والادارة الداخلية والصلعة بالموس

وادرشهم يا اكيج

Post: #45
Title: Re: دفتر احوال ضابط الشرطة المناوب
Author: على محمد على بشير
Date: 08-24-2008, 06:00 PM
Parent: #44

يا سعادتك

طالما انكم كلكم ضباط بوليص
انا ح امثل ليكم دور المجرم او الشاويش النبطشى
رايكم شنو ؟

عموما
الى ان تدونى رايكم
السلام عليكم اجمعين

وشكرا جميلا لكل عين سهرت لحماية امن الشعب

Post: #46
Title: Re: دفتر احوال ضابط الشرطة المناوب
Author: Ali Sirelkhatim
Date: 08-24-2008, 07:06 PM
Parent: #45

الاخ على محمد على بشير
ياخ انت ما محتاج تمثل اى حاجة انت كدة بس عاجبناوعايزنك معاناياسودانى يا اصيل مرحب بيك معانا وشكرا على مرورك
اخوك
على سرالختم

Post: #47
Title: Re: دفتر احوال ضابط الشرطة المناوب
Author: Ali Sirelkhatim
Date: 08-25-2008, 02:56 AM
Parent: #44


مجلة الشرطة العدد العاشر
قصيدة مازلت اذكرها كتبها العميد م عمر على حسن

وافيق من المى الممض ومن حصاد مواجعى
لارى الجمال قبالتى
ويقبل الصوت الودود مسامعى
كيف الصباح لديك
بل كيف الصباح لديك يا انت ياحلم الكرى
وشذى الطيوب وروح عمرى الضائع
انى اخاف عليك من حبا تمكن من فؤادى
واستحل مدامعى
ولكم بخلت بدمع عينى
ولكم شربت من العذاب مرارة
وشربت من سم الفراق الناقع
انى اخاف من الهوى
واخاف من ود الصديق
فلا تزيدينى اسى وفواجع

Post: #48
Title: Re: دفتر احوال ضابط الشرطة المناوب
Author: Ali Sirelkhatim
Date: 08-25-2008, 03:56 AM
Parent: #47

احب الشاى حبا جما واعشق الكفتيرة حتى الثمالة

Post: #49
Title: Re: دفتر احوال ضابط الشرطة المناوب
Author: على محمد على بشير
Date: 08-25-2008, 05:22 AM
Parent: #48

Quote: احب الشاى حبا جما واعشق الكفتيرة حتى الثمالة


الفريق ابراهيم احمد عبد الكريم ( عليه رحمة الله )
مدير عام الشرطه الاسبق
كان لديه برنامج فى الاذاعه السودانيه كان بيحكى فيها ذكرياته فى العمل الشرطى
المهم من ضمن مماحكاهو
قال نقلوهو الى شرطة كسلا وكان برتبة العقيد وقال فى اول يوم ليهو جاب ليهو النبطشى
كباية قهوه وقام شربا لانو اعتبر انها تحيه من احد الضباط وفى اليوم الذى يليه تكرر
نفس الامر وبرضو هو ظن انو دا ضابط تانى ارسل ليهو القهوه برضو تحيه وكدا
المهم لما تكرر الامر اوقف العسكرى وساله حكاية القهوه الكل يوم دى شنو ؟
العسكرى قال ليهو فى زول بيبدأ يومه العملى بدون ما يشريب قهوه
وقال فعلا الى ان ترك العمل فى الشرطه لا يستطيع ان يبدأ يومه الا اذا شرب قهوة الصباح
يعنى من ديك وعييك ...

عليه رحمة الله

Post: #51
Title: Re: دفتر احوال ضابط الشرطة المناوب
Author: Ali Sirelkhatim
Date: 08-25-2008, 03:23 PM
Parent: #49

الاخ على
شكرا على مرورك ومرحب بيك اى وقت
واذا عندك اى قصة او طرفة فالرجاء الكتابة
شكرا ليك يا رجل يا راقى
اخوك على سرالختم

Post: #50
Title: Re: دفتر احوال ضابط الشرطة المناوب
Author: الطيب بشير
Date: 08-25-2008, 01:29 PM
Parent: #1

Quote: ويا السيدصلاح الحاج[برلة] و الفاتح كامل والطيب عثمان يوسف وين انتو


يرحم الله اللواء عثمان يوسف الراجل الضكران

و تحية للكومندان الطيب عثمان يوسف الذي جازاني جزاءً حارآ جدآ حين ضبطني و أنا أشرب (موية الظباط) في العمارة اياها و أنا بعدُ طالب في زي المستجد المميز..طـُـلبة كـُـهنة بيشرب من الكولر بتاع النقباء القاعدين في دورة حتمية!!..و بدا بي إسمك منو:
قلت الطيب بـشـ....و قبل أن أكمل ردّ بمساخة تتناسب و جرأتي (الإسم سااااالم)...
انتهى يومي بعذاب و دردقة مريرة..

التحية للعزيز الطيب عثمان يوسف و ألف رحمة و نور على قبر والده العظيم اللواء عثمان يوسف .

Post: #53
Title: Re: دفتر احوال ضابط الشرطة المناوب
Author: Ali Sirelkhatim
Date: 08-25-2008, 03:52 PM
Parent: #50

يا جنابو الطيب بشير
انت البوديك تشرب من الكولير بتاع الضباط شنو وانت مستجد
انحنا لما كنا مستجدين الموية الكنا بنشربا ما معروفة موية ولا عرديب ولا آبرى احمروكان عزانا الوحيد مخزون عصير روزانا وكنا بنشتريه من بقالة قنبور
وبعدين صاحبك الطيب عثمان يوسف ده كان كارثة زيك كده باما اتعذبنا بى سببه لما كنا طلبه.


شكراالاخ الطيب بشير على الكتابةوماتنقطع

ويافارس موسى وين مسجل غياب وبعدين الدفعة عبده عوض ده يا رقوه فريق ولا وقع ليه اللوترى{بتاع القروش} لانو فاتح لينا وكده

ويا الطيب عثمان يوسف شكرا ليك وللاخ الفاتح كامل على الوقت الظريف معاكم فى ابوظبى

أخوكم على سرالختم

Post: #54
Title: Re: دفتر احوال ضابط الشرطة المناوب
Author: على محمد على بشير
Date: 08-25-2008, 04:26 PM
Parent: #53

Quote: الاخ على
شكرا على مرورك ومرحب بيك اى وقت
واذا عندك اى قصة او طرفة فالرجاء الكتابة
شكرا ليك يا رجل يا راقى
اخوك على سرالختم


طيب هاك دى

من ضمن ذاك البرنامج الذى يتحدث فيه الفريق شرطه ابراهيم احمد عبد الكريم عن ذكرياته
تحدث عن عمى الرائد شرطه معاش خضر على بشير ( عليهم رحمة الله اجمعين )
والذى كان يعمل فى ادارة مكافحة التهريب فى شرطة كسلا وكان قد بدأ خدمته فى الشرطه برتبة
جندى وتدرج الى رتبة المساعد ومن ثم ترقى الى ملازم ثانى الى ان وصل الى رتبة رائد ولم
يساعده مرض القلب بمواصلة الخدمه الى ان تقاعد الى المعاش بظروف صحيه

المهم
قال الفريق ابراهيم انو الرائد خضر كان حرب شعواء على التهريب فى حدودنا الشرقيه وانه يتزكر
فى اول طلعه له للحدود الشرقيه بمعية الملازم اول انزاك خضر على بشير الشهير بابو سلك ان الرائد
خضر كان يطلب من السائق ان يبطئ السرعه كلما مررنا بقافله من الجمال وكان فى مرات بيقول للسائق
خلاص امشى وفى مرات بيقول للسائق اقيف عندك , وفى الوقفه دى كان بيطلب من العساكر يفتشوا الجمال
وفعلا وفى كل وقفه كنا بنقبض مهربات على ظهر الجمال , تبدا من البن الحبشى والخمور وتنتهى ببعض
قطع السلاح , وقال انو ولا مره امر الرائد خضر السائق بالتوقف وفتشنا قافله وفشلنا
اكثر من ذلك قال فى مرتين قبضنا جمال مسروقه بعد ان ضغط الرائد خضر على من يمتطونها متهما
اياهم بانهم سارقنها وفعلا فى المرتين انهار اللصوص واعترفوا بالسرقه

وقال انو الامر دا لفت نظره بشده فقام بسؤال الرائد خضر , عن هل انت يتعرف المهربين من وجوههم
وتسطيع ان تفرزهم من القوافل العاديه ام انه لك طريقه بتحدد بيها الجمال المهربه من عدمها
وعن كيف بتعرف انو ديل مهربين وانو ديل حرامية جمال

وقال انو الرائد خضر افاده عن السؤال الاول بانه حينما يطلب من السائق ان يبطى فهو يقوم بالنظر
فى عيون الذى يكون فى اول القافله نظره حاده وصارمه , فأن تلجلج وصرف نظره عن عيون الرائد خضر
فأن هذا الشخص والقافله التى معه وراءها امر ما , اما اذا بادل راكب الجمل الرائد خضر النظر
ولم يتهيب الموقف فهو فى السليم وليس لديه شئ يخاف عليه من الشرطه

اما السؤال الثانى والذى يتعلق بمعرفة سارقى الجمال فقد افاده بانه ولان عمله يتعلق بالتهريب
فقد كان يزور حراسة قسم كسلا منز ان كان برتبة الرقيب واوكلت قيادة مجموعة عساكر لعمل مسح
للحدود , اعتاد ان يزور الحراسات كلما تم القبض على سارقى جمال , وكانت الزياره فقط لتبادل
احاديث وديه معه عن السرقه وكيف تمت وكيف تم القبض عليهم وماهى اخبار لصوص الجمال الاخرين
وكان يسالهم عن اخر مره شاهدوهم فيها
وافاد الرائد خضر انه لم يكن يقصد من هذه الزيارات غير ان يعمل ارشيف فى ذاكرته لاشكال ووجوه
السارقين وتفاصيل دقيقه عن جريمة السرقه وكيف تمت واى تفاصيل صغيره عن الامر , وبما انو الرائد
خضر كان يملك ذاكره حديديه فانه كان يعرف وجه اى لص جمال تبادل معه الحديث حتى ولو بعد عشرات
السنين , وكان هذا الامر يفيده جدا فى عمله فى مكافحة التهريب والذى نجح فيه ايما نجاح

غير ذلك تحدث سعادة الفريق عن توبة كثير من المهربين على يد الرائد خضر واصبحوا مواطنين
صالحين بعد ان كانوا من المساهمين فى تخريب الاقتصاد الوطنى

Post: #55
Title: Re: دفتر احوال ضابط الشرطة المناوب
Author: Ali Sirelkhatim
Date: 08-25-2008, 04:44 PM
Parent: #54

الله يرحمهم ويغفر ليهم
وشكرا ياخ على ونحن فى اتظار المزيد من كتاباتك
أخوك على سرالختم

Post: #56
Title: Re: دفتر احوال ضابط الشرطة المناوب
Author: Ali Sirelkhatim
Date: 08-26-2008, 02:06 PM
Parent: #55

26/8 سعت 11:55ظ
رائد شرطه (م) محمد عبدالمنعم التلب مرورى متفقدا الاحوال وادون صوت شكر وتقدير للاخ ايمن الطيب على ذكره لنا بالخير وشقيقى احمد .ولقد ترحمت فى المداخله السابقه على روح المرحوم طارق محمد احمد ولابد لى فى هذا المقام ان اشكر كل الاخوة الذين ابرقوا او تكبدوا عنا السفر للعزاء فى المرحوم نيابة عن اسرة المرحوم ودفعته . وانوه الى معارف واصدقاء المرحوم بان ابناء دفعته قد قرروا تشيد مسجد (صدقه جاريه) لروح المرحوم بمربع 4 بالحاج يوسف سمى مسجد الابرار بمساحة 400 م مربع ولقد قطع العمل فيه شوطا مقدرا _ وهناك حساب باسم(مسجد الابرار) ببنك الخرطوم فرع البلديه بالخرطوم بحرى بالرقم (43630)
والصور ادناه توضح حجم العمل المنجز. وهذا العمل يحتاج لمساندة كل اصدقاء المرحوم


الاخ التلب الرجاء ارسال الصورة مرة اخرى


Post: #57
Title: Re: دفتر احوال ضابط الشرطة المناوب
Author: Ali Sirelkhatim
Date: 08-26-2008, 04:30 PM
Parent: #56







Post: #58
Title: Re: دفتر احوال ضابط الشرطة المناوب
Author: Ali Sirelkhatim
Date: 08-26-2008, 04:40 PM
Parent: #57







Post: #59
Title: Re: دفتر احوال ضابط الشرطة المناوب
Author: Ali Sirelkhatim
Date: 08-26-2008, 05:08 PM
Parent: #58







Post: #60
Title: Re: دفتر احوال ضابط الشرطة المناوب
Author: Ali Sirelkhatim
Date: 08-26-2008, 06:27 PM
Parent: #59




فريق كرة القدم الدفعة 52

Post: #61
Title: Re: دفتر احوال ضابط الشرطة المناوب
Author: Ali Sirelkhatim
Date: 08-26-2008, 06:44 PM
Parent: #60




Post: #62
Title: Re: دفتر احوال ضابط الشرطة المناوب
Author: osama dahab
Date: 08-26-2008, 08:13 PM
Parent: #61

يا شباب
مساء الخير
بوليس الجنوب معاكم والا انتو انفصاليين

Post: #63
Title: Re: دفتر احوال ضابط الشرطة المناوب
Author: Ali Sirelkhatim
Date: 08-26-2008, 08:24 PM
Parent: #62

السيد اسامة دهب
الف الف مرحب بيك ياجنابو
اخوك على سرالختم

Post: #64
Title: Re: دفتر احوال ضابط الشرطة المناوب
Author: ASHRAF MUSTAFA
Date: 08-26-2008, 08:49 PM
Parent: #63

تمام سعادتك
ممكن اعمل تسليم خطاب




مفروض اكون في الكلية الحربية الدفعة 42 لكن الطيارة قامت

تحياتي اخي علي
وجاهزين للميدان لمن تاشروا

Post: #65
Title: Re: دفتر احوال ضابط الشرطة المناوب
Author: Ali Sirelkhatim
Date: 08-26-2008, 10:45 PM
Parent: #64

الاخ اشرف
الف مرحب بيك والميدان ميدانك وتشرف اى وقت

اخوك على سرالختم

Post: #66
Title: Re: دفتر احوال ضابط الشرطة المناوب
Author: Ali Sirelkhatim
Date: 08-26-2008, 10:50 PM
Parent: #65

الاخ عادل عبدالحميد
الف شكر يا جنابو على المكالمة التلفونية الظريفة وان شاء الله نكون على اتصال
اخوك على سرالختم

Post: #67
Title: Re: دفتر احوال ضابط الشرطة المناوب
Author: Ali Sirelkhatim
Date: 08-27-2008, 01:46 AM
Parent: #66

السلام عليكم ورحمة الله وبركاته الأخ على أسجل مرورى على دفتر اللأحوال بعدغياب 17 سنةا من الكتابه فى دفتر الأحوال تعرف فى صورة منتخب الكليه أنا ذاتى ما عرفت نفسى صحة تمام وشعر أسوااااد والتحيه ل كل البوليس ويا لتلب بينا سلك قريب وأحيرا أتركم مع حكمة من المساعد ضوءالبيت يا طلبةواليقظة وحسن التصرف من حيث نفس كذلك

ياسر عبدالكريم محمد الدفعة 52
ملواكى وسكانسن أمريكا

Post: #68
Title: Re: دفتر احوال ضابط الشرطة المناوب
Author: Dr.Mohammed Ali Elmusharaf
Date: 08-27-2008, 02:15 AM
Parent: #1

نقيب شرطه (م) محمد علي المشرف مرورى متفقدا الاحوال

اترحم على روح اخي الرائد شرطة (م) طارق محمد احمد وكان اخر اتصال لي به تلفونياعندما كنت في هولندا وهو في كسلا في رحلة عمل


اللهم اغفر لعبدك "طارق محمد احمد" بقدر ما سعى إلى فعل الخيرات وعمل له..
اللهم أنت أعلم به منا.. فاغفر له وارحمه وعافه ووسع مدخله وأكرم نزله..
اللهم اجعل كل عمل قام به تقربا إليك و خالصا لوجهك الكريم صدقة جارية له..
اللهم لا تحرمنا أجره.... آمين .. آمين..

احترامي للجميع

Post: #69
Title: Re: دفتر احوال ضابط الشرطة المناوب
Author: Ali Sirelkhatim
Date: 08-27-2008, 02:32 AM
Parent: #68

اللهم آمين

شكرا يا اخ مشرف












Post: #70
Title: Re: دفتر احوال ضابط الشرطة المناوب
Author: Ali Sirelkhatim
Date: 08-27-2008, 01:53 PM
Parent: #69





فريق كرة القدم الدفعة 54 و55

من اليمين وقوفآ الشاذلى 55 وليد المعلم 54 عارف المحبوب 54 على هاشم الوقيع 54 حسن الكفش 54 السيد الرائد آنذاك عصام شريف فخر الدين عبدالصادق 54 (غير مؤكد)أمين نورالدايم الشهير بأمين الشيي....الوجيه55 من اليسار جلوسآ أسامه فيروز 54 صلاح الزبير55 ناجى أحمد خوجلى54 أحمد حجر54بكرى حسن جمعه 55 مدثر البرلوم54 إبراهيم الرشيد 55 مع الشكر لمحمد إسماعيل وأمين نورالدايم



Post: #71
Title: Re: دفتر احوال ضابط الشرطة المناوب
Author: Ali Sirelkhatim
Date: 08-27-2008, 03:51 PM
Parent: #70

الاخ ايمن
الف مبروك المولود وان شاالله يتربى فى عزّك
اخوك على سرالختم

Post: #72
Title: Re: دفتر احوال ضابط الشرطة المناوب
Author: Ali Sirelkhatim
Date: 08-27-2008, 09:49 PM
Parent: #71

الأخ الكريم على سرالختم
لك عاطر التحايا
وعبركم التحيه لكل الأخوه الزملاء المتداخلون وللأخوه الضيوف
ورحم الله أخى وصديقى طارق محمد أحمد .. فقد أخذ معه جزءا من روحنا
تغمده الله بواسع رحمته وألهمكم وذويه وكل أصدقائه الصبر الجميل
ونشهد لله أنه كان كامل الأخلاق بارا بوالديه وأهله واصدقاءه ..رحمه الله
......................................................
أسجل مرورى اليوم الأربعاء الساعه 11.30م من الدمام بالمملكه العربيه السعوديه
حضرت قبل أيام من الإجازه السنويه من السودان
سوف أقوم لاحقا بتسجيل إنطباعاتى عبركم للأخوه الزملاء
وبالله البوست دا خلوه دايما فوق
ولكم الود المقيم
أخوكم
أسامه على محمد عثمان
ملازم شرطه معاش
الدفعه 54

Post: #73
Title: Re: دفتر احوال ضابط الشرطة المناوب
Author: Ali Sirelkhatim
Date: 08-27-2008, 09:59 PM
Parent: #72

الاخ اسامة
الف شكر على مرورك ووارجو مواصلة الكتابة حتى يظل البوست دايما فوق
اخوك
على سرالختم

Post: #74
Title: Re: دفتر احوال ضابط الشرطة المناوب
Author: Ali Sirelkhatim
Date: 08-27-2008, 10:01 PM
Parent: #73

27/8سعت 12:30(ص)
مرورى متفقدا احوال الضابط المناوب وهدوء احوال تام رايت ان اقترح على الاخوه المتفقدين للاحوال الكتابه عن الرعيل الاول من ضباط وضباط صف الذين اثروا العمل الشرطى (سيرتهم الذاتيه_ واعمالهم الشهيره_ ولاباس من طرائفهم) وساجتهد من جانبى فى ذلك والباب مفتوح للاجتهاد والتعديل والاضافه,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


رائد شرطه (م) محمد التلب

Post: #75
Title: Re: دفتر احوال ضابط الشرطة المناوب
Author: Ali Sirelkhatim
Date: 08-27-2008, 10:21 PM
Parent: #74

الاخ محمد اسماعيل محمد فضل
شكرا يا جنابو على التصحيح وشكرا على المكالمة التلفونية
وماتنقطع وانا فى انتظار الصور

اخوك على سرالختم

Post: #159
Title: Re: دفتر احوال ضابط الشرطة المناوب
Author: muntasir
Date: 09-04-2008, 01:08 AM
Parent: #70

Quote:




ÝÑíÞ ßÑÉ ÇáÞÏã ÇáÏÝÚÉ 54 æ55




من اليمين وقوفآ الشاذلى 55 وليد المعلم 54 عارف المحبوب 54 على هاشم الوقيع 54 حسن الكفش 54 السيد الرائد آنذاك عصام شريف فخر الدين عبدالصادق 54 (غير مؤكد)أمين نورالدايم الشهير بأمين الشيي....الوجيه55 من اليسار جلوسآ أسامه فيروز 54 صلاح الزبير55 ناجى أحمد خوجلى54 أحمد حجر54بكرى حسن جمعه 55 مدثر البرلوم54 إبراهيم الرشيد 55 مع الشكر لمحمد إسماعيل وأمين نورالدايم

Post: #76
Title: Re: دفتر احوال ضابط الشرطة المناوب
Author: murtada
Date: 08-28-2008, 03:36 AM
Parent: #1

السلام عليكم ورحمة الله وبركاته

كنت مغرم جدا بالعمل الشرطى وكانت امنيتي دخول كلية الشرطة....راد من هذه الامنية توصية تقدم بها احد مدراءالشرطة السابقين قابلني وانا مع الوالد في مصلحة الاراضي جوارالمرور الخرطوم...بعدالتحية والمجاملة اخبره الوالد بان الولد مجننا عاوز يطلع ضابط ... فسألنى ليه عاوز تبقي ضابط ... ذكرت له عشان احفظ النظام...ضحك وقال للوالد ولدك ده بينفع ضابط ...ضحك الوالد وقال له ده والله اناعارفو في السوارى مايقدر . كان هذا في بداية الثانوي ...

مرت الايام وانا في تالت ثانوي كان هناك بروفات تخريج اظنها للدفعه 56/57 (1989) وصرت كل يوم اقضي فسحة الفطور في استاد الخرطوم واشاهد البروفات ...وكنت ادرس بالمقرن الثانوية وهي قريبه... كان اول الدفعة علي مااعتقد اسمه عمر والثاني اسامه او العكس ... ذهبت يوم التخريج ولا اعرف احد انما حبا في المهنة.

امتحنت الشهادة وطلعت النتيجة واصريت علي كلية الشرطة. اخذني الوالد ومعى الاورنيك الي الفريق عبداللطيف الملك وكان وقتها مدير الجوازات وكان بيته جوار نادى المعلمين....وعدني خيرا بالقبول في الدفعة 60 ووقع بالقلم الاحمر من ضمن المزكين علي الطلب. ووقع عميد شرطة معرفة بالوالد كان مدير شرطة القضارف اسمه عبد الله عبد الرحيم. بدأت المعاينات وكانت الانقاذ في شهورها الأولي بعد المعاينة الثانية احيل العميد للصالح العام وتلاه الفريق الملك.

ادركت ان الموضوع فاشل. واصلت وبعد فترة وقبل الكشف الطبي الغيت الدفعة واستبدلت بالجامعيين. اصبت باحباط... وتشاء الاقدار ان اذهب للدراسة بالخارج. تغير مسار حياتي تماما...تخرجت في مجال احببته وعملت فيه 5 سنوات ثم هاجرت لكندا واكملت دراسات عليا لا فاجاء عام 2004 ان التخصص الذي احببته بدا في جامعة الرباط. المهم- كما بقول تبارك - ما كان ليصيبك لم يكن ليخئطك.

الجميل في الامران البشير شهد حفل تخريج الدفعة 60 ثانويين قبل يومين اى بعد 19 سنه من اختيار من هم من المفترض ان يكونو خريجي هذه الدفعة. ضحكت وكنت اشاهد تلفزيون السودان وحكيت القصه لام الاولاد وختمتها ب - والله بعد كده الإ محمد يدرس ليهم فيها- ومحمدهو ابني الكبير.

Post: #77
Title: Re: دفتر احوال ضابط الشرطة المناوب
Author: Ali Sirelkhatim
Date: 08-28-2008, 04:07 AM
Parent: #76

الاخ مرتضى
مرحب بيك وشكرا على المداخلة ونتمنى انك تواصل الكتابة معنا
الف شكر
اخوك على سرالختم

Post: #78
Title: Re: دفتر احوال ضابط الشرطة المناوب
Author: Ali Sirelkhatim
Date: 08-28-2008, 05:12 AM
Parent: #77

السيد المقدم ماضى احمد محمود
كم اسعدنى ان اسمع صوتك عبر الهاتف بعد اكثر من تسعة عشر عاما
الف شكر على المكالمة التلفونية وان شاء الله نكون على اتصال

اخوك على سرالختم

Post: #79
Title: Re: دفتر احوال ضابط الشرطة المناوب
Author: Ali Sirelkhatim
Date: 08-28-2008, 03:49 PM
Parent: #78




Post: #80
Title: Re: دفتر احوال ضابط الشرطة المناوب
Author: Ali Sirelkhatim
Date: 08-28-2008, 04:34 PM
Parent: #79

الصوره دى لكلية الشرطة واخذت من الشارع البيفصل بين الكليةومعهد تدريب الرتب الاخرى والمستجدين ويظهر التعلمجية تحت ضل الشجرة وميدان الكورة



Post: #81
Title: Re: دفتر احوال ضابط الشرطة المناوب
Author: Ali Sirelkhatim
Date: 08-28-2008, 10:37 PM
Parent: #80

28/8 سعت 11:50(م)
الاخ مرتضى
مرحب بيك واول الدفعه التى كنت تحضر بروفات تخريجها(الدفعه 56) اخونا عمر محمد عثمان الظاهر فى هذا البوست وهو من واجهات البوليس المنيره ولكم التحايا
رائد شرطه (م) محمد التلب ,,,,,,,,,,,,,,,,,,,,,,,,,,,,,,,,,,,,,,,,

Post: #82
Title: Re: دفتر احوال ضابط الشرطة المناوب
Author: Ali Sirelkhatim
Date: 08-29-2008, 01:45 AM
Parent: #81

الأخ العزيز الدفعة / علي سرالختم
السلام عليكم ورحمة الله وبركاته ..
بداية .. وقبل كل شئ ..أرجو أن أترحم على روح فقيدنا وفقيد الشباب وفقيد الشرطة المرحوم طارق محمد أحمد والذي راح مبكياً على شبابه وروحه الطاهرة الحلوة النظيفة و بفقده فقدنا ( الحلو ) وترك لنا كل ( المر ) ،، ألف رحمة عليه وعلى كل عزيز فقدناه .. وأسال الله أن لا يرينا مكروهاً في كل عزيز علينا ..
أحييك أخي علي السر وأشكرك على طرح هذا البوست الرائع الجميل ..والذي أراه جميلاً كجمال حبنا لبعض ، وزاده جمالاً وروعة مرور وظهور أخوة أعزاء كم فقدناهم بعد أن تفرقت بنا السبل وأصبحنا بفعل هذا الزمن القبيح كل منا يردح في كل صوب وحدب وعزاي أن يستمر جميلاً ورائعاً كما جمالهم وروعتهم ، وأن نلتقي فيه سوياً نتنسم عبير زكرياتنا الحلوة أيام الكلية وسنوات الخدمة بحلوها ومرها ونوادرها وطرائفها التي أفتقدها الكثير منا للبعد عنها لسبب أو لآخر ..
أخواني الأعزاء .. أحييكم جميعاً .. وأتمنى أن تكونوا بخير وصحة وعافية .. والشوق الشديد جداً لكم جميعاً وأكيد حنتلاقى ولي عودة أكيدة قريبة عبر هذا البوست اللقطة إن كان في العمر بقية ولكم كل الود والشوق ..

أخوكم رائد شرطة ( م ) عبدالله عوض الحاج - الدفعة ( 52) بالقديم وبس !!!!!

شيكاغو - الولايات المتحدة

Post: #83
Title: Re: دفتر احوال ضابط الشرطة المناوب
Author: Ali Sirelkhatim
Date: 08-29-2008, 02:52 AM
Parent: #82

ساعة 10.20نقيب شرطة م على جويلى اسجل مرورى بدفتر الاحوال وتحياتى الى جميع الاخوة الزملاء وارجو ان نكون على اتصال ببعضنا البعض وايضاارجو من الاخوة التكاتف مع الاخ عبدالحفيظ فى البوست الخاص بضباط الشرطة بالمعاش وخاصة الاخوة بالمهجر وايضا تحية خاصة للاخ النقيب شرطة م فيصل عثمان ولا اسكت الله لك حسا ياسعادتو فيصل


نقيب شرطة م على جويلى

Post: #2825
Title: Re: دفتر احوال ضابط الشرطة المناوب
Author: Ali Sirelkhatim
Date: 02-02-2010, 11:07 AM
Parent: #80

Up

Post: #84
Title: Re: دفتر احوال ضابط الشرطة المناوب
Author: murtada
Date: 08-29-2008, 03:36 AM
Parent: #1

Quote: 28/8 سعت 11:50(م)
الاخ مرتضى
مرحب بيك واول الدفعه التى كنت تحضر بروفات تخريجها(الدفعه 56) اخونا عمر محمد عثمان الظاهر فى هذا البوست وهو من واجهات البوليس المنيره ولكم التحايا
رائد شرطه (م) محمد التلب ,,,,,,,,,,,,,,,,,,,,,,,,,,,,,,,,,,,,,,,,




سبحان الله ... والله الدنيا ضيقه فعلا ...
Small world?x

كان هذا الشخص قدوه او مثال لي في تلك الايام.



طبعا الواحد ممكن ياخد لقب طالب شرطة معاش. باعتبار القبول كان شبه مضمون بس الدفعة اتلغت ... فجاه كده دفعة كاملة وجاهزة للمعسكر واتلغت ...

Post: #85
Title: Re: دفتر احوال ضابط الشرطة المناوب
Author: فارس موسى
Date: 08-29-2008, 05:34 AM
Parent: #1

يا على سرالختم .. مساء الخيرات

بوستك دا انا فزيت منو لأنو دفعتك سيد التلب ختاها تعليمات واضحه !

ما داير لماضه .. وتمرد .. ولا حتى نهبش الحاصل والإتحصل خلال ال20 عام الماضيه

واخوك طبعا انجانجا نمبر ون ونى الرباط دا ما لعبتى عشان كده إبتعدت من دفتر احوالكم الكلو الاحوال هادئه !!!!!

الاحوال هادئه كيف يا على والصوره الاولى الفيها الكارثه الشبل الطيب ود المرحوم اللواء الاسد (لابس رسمى ) الطيب طبعا هو والمعاه

وعلى رأسهم كاتب التوجيهات بإلتزام الهدوء وعدم التجريح ؟؟ سيد التلب ، جميعهم دفعتى تمت إحالتهم لصالح دولة المرابطين سمبله

ساكت وهم من اشرف وأنزه الضباط الذين تخرجوا فى كلية الشرطه (طلحه محمد احمد طبعا مستقيل ) والتلب جاينى يقول لى بدون تجريح؟


الهم ارحم كل ابناء الدفعه الذين إنتقلوا للرفيق الاعلى :

على مالك الحسن

الياس اجيو مولينقا

الزول بتاع الفنيه من شرق النيل الإتوفى فى الابيض

طارق محمد احمد

الزول المن رفاعه (بتاع المرور ) معليش انا مسحت اسامى كتير يا التلب واكيد إنتو ذاكرتكم بحكم التواصل الفقدناه بتخليكم تصلحونا

فى الاسامى . ( عبده عوض بكون نايم 1:27 ص فى العاصمه )

الخلود لكل شهداء الشرطه ضباط وضباط صف وجنود .


اخونا بكرى ابوبكر الرائد محمد عبد المنعم التلب إضافه لعساكر البورد (الاصلا شويه ) والملكيه هارننى هرى !!

لو جيت مارى فى دفتر الاحوال دا ساعدنا بباص ويرد للصديق والدفعه الكارب التلب واطمنك بقى ملكى خالللللللص !!!


على نو هارد فييلنغ !

Post: #86
Title: Re: دفتر احوال ضابط الشرطة المناوب
Author: Dr.Mohammed Ali Elmusharaf
Date: 08-29-2008, 07:37 AM
Parent: #1

مروري للتاكد من خبر انضمام النقيب شرطة (م) عمر محمد عثمان للمؤتمر الا وطني

فتحي شيلا يقفذ الي اسفل

ارجو ان لا يكون الخبر صحيحا

Post: #87
Title: Re: دفتر احوال ضابط الشرطة المناوب
Author: osama dahab
Date: 08-29-2008, 07:45 AM
Parent: #86

فوووووووووووووووووووووووووووووق لاجل الوطن الواحد الموحد

Post: #88
Title: Re: دفتر احوال ضابط الشرطة المناوب
Author: omer osman
Date: 08-29-2008, 12:10 PM
Parent: #1

مروري مع هدوء احوال. وتحياتي وتقديري للاخ طالب شرطة معاش مرتضي ويالها من ايام وذكريات ايام البروفات في ستاد الخرطوم.

هيج الاخوان احزاننا على الراحل طارق محمد احمد وهو في الجنة بأذن واحد احد.

الاخ المشرف تحياتي والخبر صحيح لكن للامر حيثيات طويلة سنفتح لها بوست خاص.

Post: #89
Title: Re: دفتر احوال ضابط الشرطة المناوب
Author: Ali Sirelkhatim
Date: 08-29-2008, 01:36 PM
Parent: #88

Quote:
الاخوة الاعزاء
الرجاء المرور وكتابة قيد بدفتر الحوال
الغرض ان نكون على اتصال ببعضنا البعض
من ليس لديه pass word بامكانه ارسال القيد عبر البريد الالكترونى الاتى
[email protected]
الشكر موصول للجميع

Post: #106
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 03:12 AM
Parent: #88

الاخ عمر عثمان
ياخ ماتمشى تفتح ليك بوست تانى وتنسى البوست حقى ده انحنا عايزنك معانا هنا برضو
انا معجب جدا بى شجاعتك صدقك ووضوحك يارجل
اخوك على سرالختم

Post: #90
Title: Re: دفتر احوال ضابط الشرطة المناوب
Author: Dr.Mohammed Ali Elmusharaf
Date: 08-29-2008, 05:59 PM
Parent: #1

الاخ الكريم محمد عثمان
تحياتي


Quote: الاخ المشرف تحياتي والخبر صحيح لكن للامر حيثيات طويلة سنفتح لها بوست خاص.


احترم خيارك رغم قناعتي ان البوليس يجب ان يحيى بوليس ويموت بوليس ولا ينحاز الا للشعب ولا يتلوث بوحل السياسة

ما يسمي بالمؤتمر الوطني نفذ اكبر مجزرة في تاريخ الشرطة لذلك اجدني مستغربا لخيارك كقائد للدفعة 56

اكرر احترامي لشخصك الكريم

محمد علي المشرف

Post: #91
Title: Re: دفتر احوال ضابط الشرطة المناوب
Author: osama dahab
Date: 08-29-2008, 07:26 PM
Parent: #90

Quote: البوليس يجب ان يحيى بوليس ويموت بوليس ولا ينحاز الا للشعب



البوليس يجب ان يحيى بوليس ويموت بوليس ولا ينحاز الا للشعب



البوليس يجب ان يحيى بوليس ويموت بوليس ولا ينحاز الا للشعب



البوليس يجب ان يحيى بوليس ويموت بوليس ولا ينحاز الا للشعب




البوليس يجب ان يحيى بوليس ويموت بوليس ولا ينحاز الا للشعب



البوليس يجب ان يحيى بوليس ويموت بوليس ولا ينحاز الا للشعب





Post: #92
Title: Re: دفتر احوال ضابط الشرطة المناوب
Author: حيدر حسن ميرغني
Date: 08-29-2008, 07:50 PM
Parent: #91





جنابو على سر الختم

سلامات

الزول الواقف الثالث من اليسار إبن عمي العزيز بكري عبد المطلب ميرغي

وهو متابع جيد للبوست ده ويغريكم السلام

تعالوا نطالب بعضوية له عشان نكتر فبيلة (الجنابوهات) في المنبر

فكرت أفتح بوست خاص لطلب العضوية لكن سيد الحوش شايلا معاي حبتين

Post: #94
Title: Re: دفتر احوال ضابط الشرطة المناوب
Author: Ali Sirelkhatim
Date: 08-29-2008, 08:20 PM
Parent: #92

Quote: الزول الواقف الثالث من اليسار إبن عمي العزيز بكري عبد المطلب ميرغي



الاخ حيدر
الواقف نمرة تلاتة من اليسار هو النقيب وقتها واللواء حالياعصام على شريف انت تقصد الثالث من اليمين؟

عندنا محاولات جادة مع السيد الباشمهندس بمنح العضوية لناس الشرطة
وان شاء الله يحصل خير
شكرا على المداخلة

اخوك على سرالختم

Post: #93
Title: Re: دفتر احوال ضابط الشرطة المناوب
Author: Ali Sirelkhatim
Date: 08-29-2008, 08:01 PM
Parent: #91

الاخ اسامة
انا يخيل لى اتقابلنا قبل كده
هل درست الثانوى فى حلفا الجديدة؟

اخوك على سرالختم

Post: #95
Title: Re: دفتر احوال ضابط الشرطة المناوب
Author: osama dahab
Date: 08-29-2008, 09:18 PM
Parent: #93

اخى على سر الختم
لا لم ادرس بحلفا
بالرغم من انى حلفاوى
على السكين
الا اننى
ممن ادمنو الترحال فى السودان الحبيب
جنوبا وشرقا وغربا
ولى وعد لم يكتمل مع الشمال
لكن كاننا التقينا
شكلك ما غريب على
الا اننى اكبرك سنا فانا مواليد67
وصورتك ان لم تكن قدييييمة تدل على صغر سنك

Post: #96
Title: Re: دفتر احوال ضابط الشرطة المناوب
Author: Ali Sirelkhatim
Date: 08-29-2008, 09:42 PM
Parent: #95

الاخ اسامة
الصورة دى اخذت اواخر سنة 1988
لما كنت ملازم اول وجيه.




اما الان اذا شفتنى ما بتعرفنى مقبل على وين
انا احلت للصالح العام ملازم اول فىاكتوبر 1989
وانا درست الثانوى فى حلفا الجديدة لكن انا شايفك والله بس ما قادر اتذكر بالتحديد

اخوك على سرالختم

Post: #97
Title: Re: دفتر احوال ضابط الشرطة المناوب
Author: حيدر حسن ميرغني
Date: 08-29-2008, 09:51 PM
Parent: #96

الأخ علي

مجرد تصويب لمداخلتي الفوق

إبن عمي اسمه الصحيح بابكر عبد المطلب وكان في الدفعة 56 وملقب بكجول

اذا من أرشرت إليه أنا في الصورة ليس هو

Post: #98
Title: Re: دفتر احوال ضابط الشرطة المناوب
Author: Ali Sirelkhatim
Date: 08-29-2008, 10:11 PM
Parent: #97

الاخ حيدر
شكرا للتصويب
زى ما قلت ليك ان شاء الله سيد الحوش ينستر معانا
وحانكون على اتصال ان شاء الله.

اخوك على سرالختم

Post: #286
Title: Re: دفتر احوال ضابط الشرطة المناوب
Author: Ali Sirelkhatim
Date: 09-12-2008, 05:42 PM
Parent: #98

اسجل مرورى بدفتر الاحوال والله شى جميل انو الواحد يشوف الترابط الحاصل بين الناس ويا على سرالختم الناس الكبار فى صور فطور الدفعة ديل دفعتنا نحنا ؟
رمضان كريم وكل سنة وانتو طيبين

اخوكم / لطفى احمد عمر {الدفعة 52}

Post: #729
Title: Re: دفتر احوال ضابط الشرطة المناوب
Author: Ali Sirelkhatim
Date: 11-24-2008, 03:13 PM
Parent: #98

Adeel Saleh to me
show details 2:31 AM (7 hours ago)

رائد شرطة (م)/بشرى مبارك
عنوان المقال : غربة فى بلد النصارى
أضيف بتاريخ 9/11/2008
أسم العمود : مـن المانيـا (من بون رغم البون)
نص المقال :
غربة فى بلد النصارى



غربة في بلد النصارى والنظام هو الأمـــــــــــــــارة
ما بتحس بي عزة فيها بس تحس طعم الحقــــــــــارة
وما بتشوف جامع جوارك أو تشوف مسجد منـــارة
لو بلادي نظامه عادل والظلم فـــــارق ديـــــــــــــاره
كنت رجعت وكنت حجزت وما غشيت حتى السفارة
ما تقول الغربة حلوة زي جهنم حامي نـــــــــــــــاره
وما تقول لي العلاج ما بتموت قبل الإشـــــــــــــارة
إلا بس قسمة وإرادة نرضى بي القسمة وخيــــــاره
اللسان ماهو اللسان يفقد الطفل المبادرة والشطــارة
ولو طلع هو المبادر يلقى أشواك فـــــــــــي الإدارة
يفقد العزم والنباهة وما بتشوف فيهو الجســــــــارة
إسلامنا ما لاقي الحظوظ خط هو أحمر زي إشارة
لو تخطيت الإشارة بقيت حديث كل العمـــــــــــارة
مرة أمن ومرة شرطة وكل يوم حاتجيك زيــــارة
ما تخلي وريقة حايمة من ولدت تجيب قــــــــراره
يعدو ليك كل النجوم والكواكب في مـــــــــــــــداره
وفي النهاية يقولو ليك (إرهابي) خرب في الإمارة
وفي النهاية يقولو ليك( إرهابي) خرب في الإمارة

رائد شرطة م بشرى مبارك إدريس
السكرتير الثقافي والرياضي والإعلامي
للجالية السودانية بألمانيا الإتحادية بون


نقلا عن موقع رئاسة الشرطة

Post: #1856
Title: Re: دفتر احوال ضابط الشرطة المناوب
Author: Ali Sirelkhatim
Date: 06-12-2009, 02:18 PM
Parent: #98

Eltayeb Medani me
show details 10:09 AM (5 minutes ago) Reply


سوالف واحد لئيم


واحد لئيم تجوز ....


راح شهر العسل لوحده


-----------------------


واحد لئيم طرده أبوه من البيت


عاد كتب على باب بيتهم


' مقر تنظيم القاعدة '


------------------------


واحد لئيم عنده تاكسي، طلق زوجته،


راح ليوصلها لبيت ابوها


شغّل العدّاد


------------------------


واحد لئيم عيّنوه رئيس الشرطة،


قام غير رقم الطوارئ من 900


إلى 09742806329577935


------------------------


حرامي ( لئيم ) دخل بيت .. ما لقى شيء يسرقه ...


اتصل على أمريكا


و ترك السماعة مرفوعة !!!


------------------------


واح لئيم صوّر أبوه وهم يدفنوه .......


وكل يوم يحط الشريط لأمه !!


------------------------





لئيم اتصل على إذاعة الراديو وطلب أغنية


' بابا فين ' .... وأهداها للأيتام


----------------------------
------------------------





واحد لئيم قعد سنة يتحايل على حبيبته علشان تخرج معه ، ولما وافقت


راح قال لابوها


-----------------------





لئيم عينوه مدرّس بمدرسة معوَّقين،


حط أول حصة ' قفز حواجز '


------------------------





لئيم قطعتلو الدولة نصف راتبه تبرع للانتفاضة ..


قام تبرع بالنص الثاني لإسرائيل

Post: #2090
Title: Re: دفتر احوال ضابط الشرطة المناوب
Author: Ali Sirelkhatim
Date: 08-27-2009, 12:34 PM
Parent: #97

فوق فوق شرطتنا فوق

Post: #2563
Title: Re: دفتر احوال ضابط الشرطة المناوب
Author: محمد السليمانى
Date: 11-30-2009, 08:47 PM
Parent: #97

السلام

تمام سياتك ...

احوال اليوم ...

15 حادث مرور . شارع مدنى
3 حوادث مرور شارع ش الشمال
2 حادث شارع الوادى
1 حادث طريق المتمه
والكثير الكثير لم ترصد

اى تعليمات سياتك

Post: #473
Title: Re: دفتر احوال ضابط الشرطة المناوب
Author: Muna Khugali
Date: 10-04-2008, 10:53 AM
Parent: #96

بوست مختلف..

شكرا علي دعوتك الكريمه للتسجيل في الدفتر..


Quote: يا سعادتك

طالما انكم كلكم ضباط بوليص
انا ح امثل ليكم دور المجرم او الشاويش النبطشى
رايكم شنو ؟

عموما
الى ان تدونى رايكم
السلام عليكم اجمعين




واردد معه..

شكرا جميلا لكل عين سهرت لحماية امن الشعب

كل عام وانتم بخير..

Post: #479
Title: Re: دفتر احوال ضابط الشرطة المناوب
Author: Ali Sirelkhatim
Date: 10-04-2008, 05:57 PM
Parent: #473

نور بيتنا .. وشارع بيتنا يوم ماجيتنا..


الملكة بعاصمة الضباب

عاد العيد..
وعادت الزهور..
وعاد قمرنا..
وعادت البدور..

ما اجمله عيد

يا اعظم وارقى انسانة
شكرا لتلبية الدعوة
حفظكم الله

منصب المدير العام..كيف معاك؟


Post: #99
Title: Re: دفتر احوال ضابط الشرطة المناوب
Author: حسين عوضاى
Date: 08-29-2008, 11:04 PM
Parent: #1

الاح الاكرم على سر الختم

تحايا

لك ولكل ضباط وضباط صف جنود قوات الشرطه الباسله على مر الازمنه ...


بعد تفقد الاحوال وكتابه قيد المرور بدفتر احوالكم ........... بسال سعادتك عن الاعزاء


عبده عوض

اسامه محمد ابراهيم

عبدالرحيم فقيرى

احمد شعيب

محمد طاهر عمر

الطيب زوج الهنديه


ارجو ابلاغ تحياتى لهم او عناوينهم اذا كان بينكم تواصل فلى معهم زكريات جميله قبل وبعد الاحاله ايام منزل حى الضباط


واترحم على العزيز جدآ الخالد فينا الاخ المغفور له باذن الله طارق محمد احمد خير لايمكن للكلمات ان توصف قدر هذا الانسان

النبيل وعزاؤنا انه فى جنات الخلود .

صور التحريج الفيها عبده عوض وطارق محمد احمد ده تخريج النيلين ولا الجزيره ايام دورة الكمبيوتر .....



تحياتى واكيد احتراماتى

Post: #100
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 01:13 AM
Parent: #99

الاخ حسين
ليك تحياتى وشكرى
والشباب ديل حا افيدك بالتلفون عن اخبارهم واراضيهم وتلفوناتهم
اخوك على سرالختم

Post: #101
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 01:17 AM
Parent: #100

بسم الله الرحمن الرحيم
أخونا على السر لك التحايا الطيبة رغم إنى كنت فى المنتخب 52 لكن ما عرفت غير 3 ماجد الفكى عبدالرحمن بحر حيدر عابدين الرآئد آنذاك سيف النصر لو فى زول بتزكر الباقين يورينا -شايف فارس ما عاجبه هدوء الأحوال طبعا الشباب بقصده الأحوال نايمة ويائسة وبراحة عليهم يا دفعة ما تركبم هواء تقيل -ويا على عايزين نشوف صورة موديل 2008 - خلينا من هنتر 70 دى.
وين باقى الشباب ناس برعى وعبدالماجد والنزير وبدر الدين الكارثة وبحر إتحركوا يا شباب عشان نعرف أحوال بعض .
ولو فى زول عنده تلفون عبدالرحمن بحر يقول عووك.
وسلام للجميع وكما قال إبراهيم إكيج .ألزز حاجة فى العسكرية يوم الماهية وكلمة إنصراف.حان موعد إنصرافى.


نقيب شرطة [ه] م ياسر عبدالكريم محمد أمريكا

Post: #102
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 02:00 AM
Parent: #101

الاخ ياسر عبد الكريم{القرشى}
رسل عنوانك عشان ارسل ليك الكى بورد العربى
الاخ فارس موسى
انتا دايما فاتح نيران كده ياراجل مالك انت ياخ وزى ما قال ياسر عبدالكريم ياخ بالله عليك ماتجيب الهوى للزملاء.
وزى ما قال الشاعر{عاد ما بسالك لكن بى طريقتك دى يوم بتكتل ليك زول} وبعدينعايز احكى ليك عن صاحبك الكارثة بدرالدين عطا لما كنت فى السودان قبل تلاثة اسابيع هو كان فى سنار وضرب لى تلفون قال لى يا على سرالختم ازيك ياخ جيت بتين قلت ليه قبل تلاثة يوم قال لى ومسافر بتين قلت
ليه بعد بكرة قال لى انت جاى بى اورنيك ولا شنو.
الف تحية للاخ بدرالدين عطا
ويا ناس الخليج وين انتو انحنا الندا بتاعنا بنسمع فى برى اللاماب وفى كوبر انتو الظاهر الندا بجيكم متاخر
يا الارضى انت قاعد فى الدوحة والدوحة مافيها كمبيوترات ولا شنو خليكم معانا ياناس ورى وبحر معانا.
اخوتى لكم جميعا حبى وشوقى.

اخوكم على سرالختم


Post: #104
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 02:13 AM
Parent: #102

الاخ عبد الماجد تاج السر
لي هسة بتذكرفى زيارتى الاخيرة للسودان لما كنا قاعدين فى الكراسى قدام بيتكم وبنشرب فى شاى المغرب والبحر قدامنا وناس الحلة بيجوا مارين ويسلموا عليك {وين يا جنابو} وواحدين يضربوا بورى ياخ طبعا الواحد ليه اكثر من عشرين سنة ما قعد قعده زى ديك؟
ان شا الله انت والاولاد بخيروعلى خير.
اخوك
على سرالختم

Post: #103
Title: Re: دفتر احوال ضابط الشرطة المناوب
Author: suhair elsheikh
Date: 08-30-2008, 02:09 AM
Parent: #1

ابو علوة خوتنا الحلوة سلام بلا حدود لك واسرتك وكل
الاحباب بارض روشستر الجميلة
ياسلام وأن فرقتنا سبل الحياة ستبقي ذكري جواركم اجمل فترة
قضيتها في الغربة القاسية
ياحليل ايام البت سهييير وجيتاااارر
اها يا جنابو ده بوست رسمي للضباط مادايرة
اغير مجراه واذكر منهم الرائد محمد خليل سعد وسامي حريز
لك الشكر ووافر التقدير

Post: #105
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 02:24 AM
Parent: #103

الاخت سهير
الف مرحب بيك وشكرا على مرورك والله مشتاقين
وان شاالله تكونى والاولاد بخير وبعدين البوست ده للضباط وضيوفنا الغير ضباط برضو مرحب بيهم ومرحب بيك اى وقت يااخت سهير وبالله قولى لى زوجك العزيز النصرى على قالليك انت ما بتمر تسلم مالك هو قايل نفسو فريق اول ولا شنو
تحياتى ليه ولكل الاسرة
اخوك على سرالختم

Post: #107
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 08:30 AM
Parent: #105

up

Post: #108
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 05:54 PM
Parent: #107

بالله واحد يورينا فى الصوره ديل منو؟



Post: #109
Title: Re: دفتر احوال ضابط الشرطة المناوب
Author: حسين عوضاى
Date: 08-30-2008, 06:05 PM
Parent: #108

انا غايتو عرفتا عبدالرحيم فقيرى ( برعى )





Post: #110
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 06:12 PM
Parent: #109

ياسيد سيف
لك كل التحايا والاشواق والود يا رجل يا عظيم
يا سيد برعى وين انت مسجل غياب
بالله ادونا قيد فى دفتر الاحوال
اخوكم على سرالختم



Post: #111
Title: Re: دفتر احوال ضابط الشرطة المناوب
Author: Ali Sirelkhatim
Date: 08-30-2008, 06:22 PM
Parent: #110

الاخ حسين
حاولت الاتصال بيك الان ويبدو انك قافل التلفون حا احاول اتصل بيك تانى بعد شوية كده ولا التلفون الفى ملفك ده ما يا هو؟
اخوك على سرالختم

Post: #112
Title: Re: دفتر احوال ضابط الشرطة المناوب
Author: حسين عوضاى
Date: 08-30-2008, 07:17 PM
Parent: #111

Quote: الاخ حسين
حاولت الاتصال بيك الان ويبدو انك قافل التلفون حا احاول اتصل بيك تانى بعد شوية كده ولا التلفون الفى ملفك ده ما يا هو؟
اخوك على سرالختم



قومندان على


تحياتى


نفس التلفون ..... راجع الماسنجر




00966503166620 او 00966501367306





























احترامى

Post: #114
Title: Re: دفتر احوال ضابط الشرطة المناوب
Author: omer osman
Date: 08-31-2008, 07:16 AM
Parent: #109

من اليمين 1- الزين الدفعة 52.
2- التلب الدفعة 52
3- فقيري 52
4- عبدالغني عبد السخي 51
5- عثمان على 51
6- المرحوم طارق محمد احمد 52
7- الرائد محمد سيداحمد ضابط مالي
8- القاعد ولابس نضارة ضابط مالي اسحق عثمان
ويبدو ان الصورة قدام دار الشرطة

Post: #116
Title: Re: دفتر احوال ضابط الشرطة المناوب
Author: Ali Sirelkhatim
Date: 08-31-2008, 02:56 PM
Parent: #114

شغل نضيف يا عمر وخليك قريب عشان فى صور كثيرة فى الطريق
حانحتاج مساعدتك فيها
شكرا ليك يارجل

اخوك على سرالختم

Post: #311
Title: Re: دفتر احوال ضابط الشرطة المناوب
Author: Mohamed Foto7li
Date: 09-16-2008, 06:10 PM
Parent: #108

الصوره دي فيه المقدم اسحاق عثمان رحمه

Post: #113
Title: Re: دفتر احوال ضابط الشرطة المناوب
Author: حسين عوضاى
Date: 08-30-2008, 10:09 PM
Parent: #1

الاخ على سر الختم

الف الف شكر لك .

محادثه جميله جدآ جمعتنى بالاعزاء الافاضل عبده عوض وعبدالرحيم فقيرى (برعى ) وكان للمحادثه شجونها والقها وزكريات بحضرة

الراحل المقيم صاحب اجمل قلب وانضر وجه وأشرق ابتسامه وانذه يد واعف لسان سليل الاخيار وملاذ الحيران وملجأ الضعفان وكسوة العريان

اخو الاخوان طارق محمد احمد محمد خير .

يااااه اخر مره التقينا وكنا بمعية الاخوان خالد عمر خيال وماجد الفكى والعزيز فرح عبدالرحمن الطاهر ببورتسودان لم اكن ادرى

بان هذه أخر لحظه ارى وجهه فيها ولكنها الاقدار شاءت ان يكون طارق محمد احمد بجوار الرحمن .........

وما الاراده بقادره على قهر الاقدار ...... عزاؤنا يا طارق انك فى عليين حيث لا أذن سمعت ولا عين رأت .... فطب يا صديقى الجميل

الف رحمه ونور على قبرك يا انبل النبلاء .............

Post: #117
Title: Re: دفتر احوال ضابط الشرطة المناوب
Author: Ali Sirelkhatim
Date: 08-31-2008, 03:00 PM
Parent: #113

الاخ حسين
شكرا على كلامك الجميل وخليك على اتصال دايما
اخوك على سرالختم

Post: #115
Title: Re: دفتر احوال ضابط الشرطة المناوب
Author: الطيب بشير
Date: 08-31-2008, 02:14 PM
Parent: #1

.
مروري متفقدآ الأحوال بالبوسـت

نقيب شرطة "م" الطيب بشير حيث تشيرالميم، بعكس العادة، الى (مبسوط) من لـمـّـة البوليس..

تقديري

.

Post: #118
Title: Re: دفتر احوال ضابط الشرطة المناوب
Author: Ali Sirelkhatim
Date: 08-31-2008, 03:16 PM
Parent: #115

الاخ الطيب بشير
منور البوست وان شاالله دايما مبسوط وبعدين عايزين نقرا ليك قصة تانى من زمن الكلية لانو عندى احساس انو كوارثك كانت كثيرة
باللا رجع شريط الذكريات.

اخوك على سرالختم

Post: #119
Title: Re: دفتر احوال ضابط الشرطة المناوب
Author: Ali Sirelkhatim
Date: 08-31-2008, 04:55 PM
Parent: #118

Quote: رايت ان اقترح على الاخوه المتفقدين للاحوال الكتابه عن الرعيل الاول من ضباط وضباط صف الذين اثروا العمل الشرطى (سيرتهم الذاتيه_ واعمالهم الشهيره_ ولاباس من طرائفهم) وساجتهد من جانبى فى ذلك والباب مفتوح للاجتهاد والتعديل والاضافه,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


رائد شرطه (م) محمد التلب


اقتراح جميل جدا من الاخ التلب ويالا يا اخوانا واحد يبدء ليناوايضا اذكر بان المداخلا ت ممكن تترسل عن طريق البريد الالكترونى الاتى
[email protected]

Post: #120
Title: Re: دفتر احوال ضابط الشرطة المناوب
Author: Ali Sirelkhatim
Date: 08-31-2008, 07:54 PM
Parent: #119

صورة للميز خلف دار الشرطة



Post: #121
Title: Re: دفتر احوال ضابط الشرطة المناوب
Author: النصرى أمين
Date: 08-31-2008, 09:41 PM
Parent: #1

سعادة اللواء ركن معاش اركانحرب على سرالختم
فى اوائل الثمانينات تم القبض على وابن عمى وايداعنا سجن بحرى الواقع خلف سوق سعد قشره
كانت جريمتنا الوحيده بيع الصلصه بدون رخصه تجاريه ...

اليكم التفاصيل ..
طلب منى ابن عمى "سواقة" البكسى الهايلوكس المحمل بالصلصه الاصليه موضحا انه لايعرف
قيادة السيارات ولا يحمل رخصه بعد .. كنت انا فرحان جدا جدا برخصتى الجديده ..وافقت على الطلب
فورا بحيث يكون نصيبى من العمليه السواقه ونسبة من الارباح لاتتعدى ملاليم ..

المهم ..
تم ايداعنا غرفه واسعه بها حوالى 10 الف من عتاة المجرمين ..
طلبت من العسكرى ان يحولنا للغرفه المجاوره وبها سجين واحد فقط
رد على بزهج
" ده مجنون ....داير تقعد معاهو؟"

بدات التحرشات فور دخولنا الزنزانه خاصه واننا كنا اصغر السجناء ....
نظرت لقريبى ووجدته يرجف من الخوف والاصطكاكه ,,
كان امير الغرفه شخص ضخم الجثه يتطاير الشر من عيونه قد بدا فى استفذاذنا و"يشلت" برجله
وهو يروح ويجى بين السجناء ...
المهم سعادتك فكرت وبسرعه للخروج من الورطه خاصه وقد اخبرنا العسكرى اننا سنقضى الليله هناك

وبدات احكى لقريبى قصص عن تجارب سابقه لى فى الزنزانات واخر مره عندما طعنت احدهم عندما شاغلنا
اخته وبدا فى مهاجمتنا . وكنا نذهب للحفلات و "نفرتكها" نشاغل بناتها وندق اولادها ,,,
كنت احكى القصص عال يسمعها كل السجناء واظن انهم كانو يستمتعون بها لقتل الوقت ..

لحسن الحظ يا سعادنو انو قريبى كان مصدق كل القصص دى ومتفاعل معاها جدا ..

لولا الافراج عنا فى اليوم التالى لكنت امير الزنزانه وفتوتها الاوحد ....

سعاده اللواء
لدى ملاحظه ... توجد حفر صغيره بحيطان الزنزانه يتم فيها تخزين التمباك واعاده استعماله بحيث
ان السفه الواحد يمكن استخدامها عشرات المرات..
سؤالى
هل يتم تفتيش شلاليف المتهمين قبل دخولهم الزنزانه ؟


هل ولا ما هل ؟

Post: #122
Title: Re: دفتر احوال ضابط الشرطة المناوب
Author: Ali Sirelkhatim
Date: 08-31-2008, 09:52 PM
Parent: #121

النصرى امين يا ظريف
صمت دهرا ونطق كفرا
انت الوداك تبيع صلصة شنو ما كان تبيع تبش ولا جرجير لكن لازم تعرف حوض الجرجير فيه كم ربطه .
ما ارح ماتيللا ماتركبوا
شكرا السيد النصرى على المرور
وما تنقطع وماتعملها شغلة

Post: #123
Title: Re: دفتر احوال ضابط الشرطة المناوب
Author: Ali Sirelkhatim
Date: 09-01-2008, 08:20 AM
Parent: #122

up

Post: #124
Title: Re: دفتر احوال ضابط الشرطة المناوب
Author: Dr.Mohammed Ali Elmusharaf
Date: 09-01-2008, 12:23 PM
Parent: #1

الزمـــلاء الافاضل

كل عام وانتم بخير

تقبل الله صيامكم وقيامكم

Post: #125
Title: Re: دفتر احوال ضابط الشرطة المناوب
Author: Ali Sirelkhatim
Date: 09-01-2008, 06:56 PM
Parent: #124

وانت والجميع بخير يادكتورالمشرف
وكل سنة وانت طيب
اخوك على سرالختم

Post: #126
Title: Re: دفتر احوال ضابط الشرطة المناوب
Author: Ali Sirelkhatim
Date: 09-01-2008, 07:00 PM
Parent: #125

بسم الله الرحمن الرحيم
السلام عليكم ورحمة الله وبركاته.
رمضان كريم يا بوليس . إنشآء الله تكونوا خميته الرماد لأنه رمضان السنه دى شكله حآآآر ومن هس دخل العضم . لكن خلاص العيد قرب يا شباب.
يا الطيب بشير سلام ليك والأسره الكريمة .
يا على موضوع الجرجير ظريف وللجرجير فوائد كثيرة أوصى أخوانا المتزوجين يكتروا منه .والمشكله إنه مافى فى أمريكا . ود حلال يلحقنا بى ربطة ولا مزرعة . أحسن حاجه فى دفترالأحوال إنه مافى زول جاب سيرة الكشف الطبى والقحه عشان ما تفضحونا مع الملكية ..


نقيب شرطة.م . ياسر عبد الكريم محمد

Post: #127
Title: Re: دفتر احوال ضابط الشرطة المناوب
Author: Ali Sirelkhatim
Date: 09-01-2008, 07:24 PM
Parent: #126

Quote: سعاده اللواء
لدى ملاحظه ... توجد حفر صغيره بحيطان الزنزانه يتم فيها تخزين التمباك واعاده استعماله بحيث
ان السفه الواحد يمكن استخدامها عشرات المرات..
سؤالى
هل يتم تفتيش شلاليف المتهمين قبل دخولهم الزنزانه ؟

الاخ النصرى
نحن دايما بنفتش شلاليف المتهمين قبل دخولهم الحراسة واذكر مرة متهم شلاليفه كبار جدا جدا فتشناهم لقينا سوق الجلود كله جوه وفتحنا ليه بلاغ تحت المادة 14598 تدمير الاقتصاد الوطنى وتخزين التمباك بالشلوفة بكميات تجارية ولانامت اعين الجبناء؟
وبعدين ياخ انت بتاعين التمباك ديل كلهم سلطان الكيف او صاروخ الكيف للعمارى الجيد وكلهم نمره واحد اصلو ماحصل لاقانى نمرة اتنين
وهسه نحنا عايزين نعمل تحقيق فى الموضوع ده وكده.
وبالله يا اخوانا لو فى واحد شاف سلطان اوصاروخ كيف للعمارى الجيد نمرة اتنين اوتلاتة يدينا خبر

اخوكم


على سرالختم

Post: #128
Title: Re: دفتر احوال ضابط الشرطة المناوب
Author: Ali Sirelkhatim
Date: 09-01-2008, 10:32 PM
Parent: #127

كانوا اربعة قدوا السلك ومشوا حفلة فى نادى الضباط ولى شلاقتهم قالوا لازم يباركو لى العروس وصادف لسوء حظهم انو الملازم اول وقتها سعيد ابراهيم كان فى العرس من المعازيم فخمشوا متلبسين. وقال ليهم تمشوا تسلمو نفسكم للضابط النبطشى وعينك ماتشوف الا النور بعدها.
الحبس والصلعة بالموس والميدان الاحمر وما ادراك ما الميدان الاحمر.
ورابعهم هو ياسر البشع ورفض يتصور لانوا بعد الصلعة راسو محفر زى محل الشكلة. ويظهر فى الصورةاحمد التجانى الريح سنهورى و ياسر عبد الكريم ابراهيم{الراس المدبر للزوغة}والنبطشى عبدالرحمن بحر وعبدالله عوض الحاج




Post: #129
Title: Re: دفتر احوال ضابط الشرطة المناوب
Author: Ali Sirelkhatim
Date: 09-01-2008, 10:51 PM
Parent: #128

السيد هشام ميز
فى انتظار مشاركة منك يا سعادتك والله
رمضان كريم

اخوك على سرالختم

Post: #130
Title: Re: دفتر احوال ضابط الشرطة المناوب
Author: حسن الطيب يس
Date: 09-02-2008, 00:06 AM
Parent: #1

الاخ علي سرالختم
رمضان كريم
انا حايم في أوهايو في شارع كبير
شفت شلة جالسين حول طربيزة و كل واحد ماسك شيشة
دونهم في الدفترو هم
محمد إسماعيل
خالد موسي
أبو كساوي
أمين نور الدايم

لي عوده

Post: #131
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 01:38 AM
Parent: #130

الاخ حسن
رمضان كريم
شكرا على المرور والضباط ديل ماعندهم كمبيوترات ولا شنو بالله نورهم بالبوست ده لانو اصحابك ديل قاعدين يضربوا فى الشيشة ماجايبين خبر ياراجل
كل سنة وانت طيب يا اخ حسن
اخوك على سرالختم

Post: #132
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 01:48 AM
Parent: #131

2/9 سعت 1:45 رائد شرطه (م) محمد التلب
مرورى متفقدا الاحوال ومهنئا الجميع بطلة شهر رمضان البهيه اعاده الله علينا وعليكم باليمن والخير والبركات والكلام ده يشمل ايضا اعضاء حزب البهجه وارجو من الاخ على السر يذكرنا بكشفهم وطرائفهم لاسيما هنالك مقوله شهيره لاحد اعضاء الحزب فى اليوم السابق لبدايه شهر رمضان قال فيها (ان شالونى شيل ومانى واعى ودونى للحكيم وادانى ابره ... برضى مانى فاطر) سؤال لاولاد الدفعه من القائل ؟ ؟ ؟
وعلى ذكر الطرف قبل تخريج دفعتنا بايام قلائل تم حبس عدد 13 فرد من ابناء الدفعه بالحبس الشديد (الكركون) او القرقول ولمن فاتهم الاستماع هو زنزانه مثل الموجوده باقسام البوليس ولقد سميت هذه المجموعة فيما بعد بالشياطين ال13 وكان من ضمنهم ياسر احمد عبدالله الشهير بياسر البشع وهى تسميه اطلقها عليه النقيب انذاك كمال محمد سليمان متعه الله بالصحه والعافيه وايضا من ضمنهم الطالب شرطه احمد البدوى مصطفى(العقيد شرطه الان) وهو من ابناء الحلفايه واثناء مناوبتى فى حراسه الشياطين ال13 حكى لنا الاخ احمد البدوى قصة احد ابناء حلتهم ويلقب( بعبد القادر شقاوه) فقال:
عندما كانوا صغارا . . كانوا بيلعبوا الكوره فى المنطقه الشرق ظلط الحلفايه وفى يوم اثناء اللعب ضرب واحد من الاولاد عبد القادر فى رجله كسره ليهو !! ففكروا فى طريقه عشان ينقلوهو بيها للحلة فقاموا جابو حمار وبطحوا فيه عبد القادر بالعرض على بطنه .وبعد ان تحرك الحمار وقرب على الحله اخد ليهو جفله اسقطت عبد القادر من ضهر الحمار وكسرت يده . بعد ذلك ودو عبد القادر المستشفى وجبصو ليهو يده وكراعه فى وقت واحد من خلاف. فى المساء قام عبد القادر مرق من الاوضه عاوز يبول وقف فى ركن الحوش وابتداء يبول لمت فيهو عقرب عضتوا فى رجله السليمه رفع الرجل الملدوغه وقع فى صاج العواسه حرق يده التانيه واصبح عبد القادر صلات طيبه فى كل الاجزاء واطلق عليه لقب عبد الفادر شقاوة من ذلك اليوم ,,,
ملحوظه: الاخ بحر تلفونه 00966501983096 ردا على اسفسار اخونا القرشى

Post: #133
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 01:53 AM
Parent: #132

Quote: فيها (ان شالونى شيل ومانى واعى ودونى للحكيم وادانى ابره ... برضى مانى فاطر) سؤال لاولاد الدفعه من القائل ؟ ؟ ؟

الاجابة الصحيحة
حبسنى بوتى
ولاما يا هو يا تللب

Post: #134
Title: Re: دفتر احوال ضابط الشرطة المناوب
Author: omer osman
Date: 09-02-2008, 05:52 AM
Parent: #130

سيادتو حسن الطيب

شقيق البوليس الكارب الرائد م حسين الطيب الدفعة 49

تحياتي وبلغ سلامي لدفعتي خالد موسي والسناير محمد اسماعيل وابوكساوي وامين نورالدائم

كلم امين نورالدائم قولوا ليهو اليومين دي عندنا ( رمضان + صلاح بابكر)

Post: #135
Title: Re: دفتر احوال ضابط الشرطة المناوب
Author: الطيب بشير
Date: 09-02-2008, 06:10 AM
Parent: #1

Quote: الاخ الطيب بشير
منور البوست وان شاالله دايما مبسوط وبعدين عايزين نقرا ليك قصة تانى من زمن الكلية لانو عندى احساس انو كوارثك كانت كثيرة
باللا رجع شريط الذكريات.

اخوك على سرالختم


مرحبتين يا سعادتك..

طبعآ دي تعليمات واضحة ..و انا بجك راجع بحكابات الكلية ان شاء الله

بس بنستأذن نسلم على الكومندان ياسر عبدالكريم
و الله ليك وحشة يا سعادتو أبو الياء

بعدين الجرجير معدوم عندكم في الشمال فقط، لكننا في ميامي و "ضواحيها" عثرنا عليه بكثرة..و جديييييد قطع الصباح ذاااتو..أنا استقريت بالخرطوم منذ عام و نيف..شفت نيف دي؟؟ لو ما كدة كان شحنتو ليك الليلة دي..لو عندك بوليس في فلوريدا أو أي زول هميم ممكن يبعت ليك جرجير الصباح..دي على وزن أخبار الصباح..

تبلغ تحياتك للعائلة و بدورك بلغ سلامنا لجميع للأسرة و كل ناس ملواكي/شيكاغو/منيابوليس/روشستر و عاصمة ويسكونسن اللي طار اسمها الآن..

تحية برضك مكربة جدآ للكومندان التلب..أخبارك مقطوعة يا سعادتك حتى عند أسامة عبد العزيز الطيب شقي الدفعة 56 المبتلى بصداقتي و الموجود أثناء السفارة الأمريكية بالخرطوم..

تقديري


البوليس الطيب بشير

Post: #136
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 12:43 PM
Parent: #135

الساعه 1.38 ظهرا 2/9/2008م
ملازم( م) /أسامه على
مرورى متفقدا الأحوال
رمضان كريم وتصوموا وتفطروا على خير

الأخ التلب
تحياتى الحاره
ضحكت حتى أدمعت عيونى من حكاية الأخ احمد البدوى عن عبدالقادر شقاوه
أخونا عبده عوض قليل الظهور .. خير إن شاء الله؟
وتحياتى لكل الأخوان عمر محمد عثمان ،د.مشرف ، فارس موسى وكل الزملاء
المشرفين البوست.. وتحيه خاصه لك أخى على
وبالله وين ناس 54 ...أحرجتونا ..عاملنها قعاد قهاوى

Post: #137
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 12:46 PM
Parent: #136

الأخوة الزملاء .. رمضان كريم
أرجو بمناسبة الشهر المبارك أن نرفع أيدينا للمولى عز وجل ونسأله أن يرحم فقيدنا العزيز المرحوم طارق محمد أحمد وكل فقدائنا الذين رحلوا عنا وهم الآن معنا وفي قلوبنا وإختارهم الله إلى جواره حباً فيهم ورحمة بهم ..
اللهم أرحمهم جميعاً في هذا الشهر المبارك وأجعل الجنة مثواهم يارب وألهمنا الصبر الجميل على فقدهم وأسالك أن لا ترينا مكروهاً في عزيز لدينا .. آمين يارب

رائد /م/ عبدالله عوض الحاج - شيكاغو

Post: #138
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 12:56 PM
Parent: #137

دخلنا الكلية قبل أسابيع قليلة من شهر رمضان في عام 1986 وأتذكر كانو معانا عشرة من
الاخوة المسيحيين
قبل رمضان بيوم جانا السيد الملازم أول جمال عبد المطلب وكان هو أحد المشرفين علي دفعتنا جاء الي القاعة لحصر عدد
الفاطرين وقد رسخ في ذهنه العجيب إنو عدد الفاطرين يجب أن يكون عشره فقط
ولكن بعد ان أمر بوقوف الفاطرين وقام بعدهم وجدهم حداشر المسألة أبدا ما وقعت ليهو فقام
بتكرار العد عدة مرات وكنت انا ضمن الواقفين وده العقد لسيدجمال حساباته وما قادر يقتنع بأنو المسيحين عشرة والفاطرين
حداشر
طبعا لم أسلم من إستنكار الدفعة لتصرفي هذا ولكن بعد مرور اليوم الاول إنضم إلينا أكثر من خمسة
وكذلك في اليوم الذي يليه وبنهاية الشهر كان عدد الفاطرين فصيلة و صنفين
و بالمناسبة دي وين أخونا السيد جمال عبد المطلب بالله بلغوه تحياتي

ملازم م عبدالحميد محمد على

Post: #139
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 12:57 PM
Parent: #138

الأخ العزيز علي سرالختم
رمضان كريم وربنا يتقبل صيامكم تحياتي الحارة لك ولكل البواليس وأعضاء المنبر العام
رمضان شهر كريم وحلو وتكثر فيه النوادر والأشياء الجميلة والطرائف الحلوة
كان أخوانا عبدالله محمد طه وعلى ما أظن معاه الدفعة معتز عزالعرب ويرافقهم ( صديق الشرطة )أسامة السمك يقومون بزيارة الزملاء في شهر رمضان في منازلهم قبل موعد الإفطار بلحظات يعني نظام مفاجاءات في رمضان لزوم الإفطار وكدا .. وفي يوم قرروا زيارة الأخ الكارثة بدرالدين عطا في منزله قرب موعد الأذان عشان يفطروا معاه دون سابق موعد .. وبعد وصولهم لمنزل بدرالدين عطا تفاجأ بهم لعدم وجود سابق موعد أو عزومة فرفض لهم السماح بالدخول وتبقى للآذان لحظات ساعتها ،، لو لا أن والدته ( أم المؤمنين ) متعها الله بالصحة والعافية تدخلت سمح لهم أخيراً وغير راضياً بالدخول للمنزل في ذلك الوقت العصيب وهم في إنتظار الأفطار معه بالمنزل .. وبعد الآذان أحضر لهم بدرالدين جردل موية من الزير وتمر ووضعه أمامهم قائلاً : وأما السائل فلا تنهر .. يالله حللوا صيامكم وإتخارجوا ..وفعلاً الجماعة حللوا صيامهم بموية الزير والتمر وإتخارجوا ولم يكرروها مره أخرى مع شخص آخر .. تحياتي لهم ولكم جميعاً .. وتصوموا وتفطروا على خير .. بس ما مع بدرالدين عطا .

أخوكم رائد / م / عبدالله عوض الحاج - الولايات المتحدة - شيكاغو

Post: #140
Title: Re: دفتر احوال ضابط الشرطة المناوب
Author: فرح
Date: 09-02-2008, 02:46 PM
Parent: #139

بوست جميل خالص
رمضان كريم

Post: #141
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 03:05 PM
Parent: #140

الاخ الاستاذ فرح
رمضان كريم
والله يا ود المسالمة من مشيت ملفك ولقيتك كاتب محل اكلتك المفضلة كل شى ما عدا الجمكسين عرفتك انك زولنا تب وبالله عليك واصل معانا بالكتابة والف شكر ليك على مرورك.

Post: #142
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 03:17 PM
Parent: #141

اه يا شباب الصورة دى كنا ماشين الدروه للضرب نار ويظهر فيها كبير الكوارث الحضورى سرالختم وريتشارد وخلف ريتشارد مباشرة قائد تان الكوارث ياسر محمد عبدالله {البشع} والخاتى سفته وراقد ورا فى الكورنه ده خلوه فى سركم ود الاشلاق ود الفصيلة الرابعة ده.



Post: #151
Title: Re: دفتر احوال ضابط الشرطة المناوب
Author: Ali Sirelkhatim
Date: 09-03-2008, 03:00 AM
Parent: #136

الاخ اسامة على
الشباب بتاعين اوهايو ديل شيشتهم دى الا كان مطعمة معقول بس دا يكون توباكو ساكت كده.
كدى لحد مانسمع منهم يمكن من طريقة كلامهم نعرف حاجة
اخوك على سرالختم

Post: #143
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 03:24 PM
Parent: #135

يا جنابو الطيب بشير
عندى صوره لى صاحبك الطيب عثمان يوسف حا اهديها ليك اترقبها قريب ان شا الله.
وبالله يا اخوانا اى زول عنده صور يرسلها لينا رجاء خاص.
اخوكم على سرالختم

Post: #144
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 03:46 PM
Parent: #143

يا اخوانا تتذكروا لما كنا مستجدين وبعدين كان فى طالب بيدرشو فيه وما فى داعى لذكر الاسامى لكن اول حرف فى اسمه نصر عبدالعزيز وكان شارب عصير روزانا وقام طرش والتعلمجى مشى للنقيب وقتها كمال محمد سليمان وقال ليه ياسيادتك الطالب ده طرش دم؟

Post: #145
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 03:57 PM
Parent: #144

الصوره للطالب شرطة محمد عبدالمنعم التلب

الصوره دى يا محمد فى بيتكم فى كوبر وان ما اخاف الكدب القاعد ورا ده الطباخ اسحق وكان كاسر كراعه.



Post: #146
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 04:07 PM
Parent: #145

الاخ العزيز الدفعة/ نصر عبد العزيز
رمضان كريم وكله سنة وانت طيب
لك تحياتى وودى
اخوك على سرالختم



Post: #147
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 10:38 PM
Parent: #146

3/9 سعت 12:45 رائد شرطه (م) محمد التلب
اولا شفتو الرشاقه فى الصوره اعلاه (ليت الشباب يعود يوما ...)
ثانيا الاخ الطيب بشير حمدا بسلامتك بالخرطوم وتلفونى 0912312618
ثالثا طرفه خاصه بدفاتر الاحوال:
تولى اخونا الطالب شرطه انذاك محمد ماهر سيد احمد مناوبا عام للدفعه وكان يكتب اقصد بيكوجن فى الاحوال كيفما يشاء وكان متعب الملازم اول مشرف الدفعه انذاك العميد شرطه الان ابوبكر عبد الرازق غاية التعب فى قرايه خطو وترتيب الاحداث لانه حماده كان بيكتب الاحوال كلها اخر اليوم وبتجوط عليه الشغلانه من حيث الترتيب وفى اخر يوم ليهو فى المناوبه كان تعليق الملازم اول ابوبكر كالاتى:
هدوء احوال الدفعه 52 ولاشى يستحق التعليق سوى انتهاء مناوبة الطالب محمد ماهر بحمد الله,,,,,,,,,,,,,,

Post: #148
Title: Re: دفتر احوال ضابط الشرطة المناوب
Author: Ali Sirelkhatim
Date: 09-02-2008, 11:31 PM
Parent: #147

الصوره دى فى شهر واحد سنة1987 ويبدو فيها برعى ياسر عبدالكريم التلب وبدرالدين عطا فى موقف البصات فى حلفا ومتجهين على كسلا وركبنا البص الفى الصوره ده واتذكر قدام كانو راكبين اتنين على شمال السواق وخمسة على يمينه والا تبقى حاوى حتى تعرف السايق البص ياتو فيهم ونحنا كنا راكبين ورا وكان فى واحدمن الركاب واقف شماعة ورافع يده ماسك فى الشماعة وكان فى فار ميت فى اباطه والحمدلله لم يغمى علينا لحد ما وصلنا كسلا بالسلامة.
البص اللورى السفنجه كان فى باب السواق مرسوم سهم داخل فى قلب ومقطر دم ومن الخلف كان كاتب خلوها ياحساد.
وبعدين ياخوانا ناس اللوارى والبصات والحافلات ديل لما تكون جديدة يكتبوا ليك فيها الغزال الشارد او الابيض ضميرك ولا نور العين ومن ماالواحد عربيتو تقدم وتتهلهل يبدء يكتب ليك يا ساتر او السايقة واصلة ولا يالطيف.
ودى مجرد ملاحظات وكده

على سرالختم



Post: #149
Title: Re: دفتر احوال ضابط الشرطة المناوب
Author: حسن الطيب يس
Date: 09-03-2008, 00:02 AM
Parent: #1

الاخ عمر عثمان
رمضان كريم
لك الف تحية من الاخوان محمد اسماعيل
وابوكساوي و امين نور الدايم و خالد موسي
امين بيقول ليك الضابط المعاكم ده ارسلة الله لكم
فتنة و إمتحان شدوا حيلكم معاهو
علي السر
سجل غياب في دفتر الاحوال للشباب ديل

Post: #150
Title: Re: دفتر احوال ضابط الشرطة المناوب
Author: Ali Sirelkhatim
Date: 09-03-2008, 02:31 AM
Parent: #149

السيد حسن الطيب
طبعا حيرتنى مشيت بروفابلك كايس اعرف حاجة عنك ولكن شكرا لاخونا عمر عثمان وطبعا عمر ده عبارة عن موسوعة معلومات ما شاء الله ويفحمك فى اى مجال.
وعرفت من الاخ التلب انك كمندان جيش بس ما عرفت الدفعة كم.
مرحب بيك ياسعادتك معانا هنا وخالص التحايا للاخ حسين الطيب.
وبما انك كمندان جيش نحكى ليك الطرفة دى.
العقيد وقتها الفاضل البشارى فى الميس مع الدفعة 33 مستجدين فال ليهم خلى بالك يا مستجدين حانعلمكم كيف تاكلو بالشوكة والسكين عشان بعدين لو ودوك ملحق عسكرى برة ماتفضحونا. تمسك الشوكة باليد الشمال والسكين باليد اليمين تقطع اللحمة بالسكين باليد اليمين وتطعنها بالشوكة باليد الشمال وتاكل. واحد من الطلبة اختبر وقال ليه يا سعادتك لكن من الاسلام والسنة الاكل باليد اليمين. احتار السيد العقيد وفجاة قال ليه الدخل الدين فى الجيش شنوياطالب.

اخوك على سرالختم

Post: #152
Title: Re: دفتر احوال ضابط الشرطة المناوب
Author: Ali Sirelkhatim
Date: 09-03-2008, 02:01 PM
Parent: #150

الاخ الكريم علي وكل الاخوة الزملاء داخل وخارج الوطن
تحياتي .. ادون قيدي هذا واستغفر الله لي ولكم في هذا الشهر الفضيل , وبمناسبة الفضيل اين حلاقنا الشهير عبدالفضيل ؟
عموما تحياتي وانشاءالله نكون من المارين دوما متي ماسمحت ظروفنا في الخرطوم كما اتمني مرور الزملاء من مختلف الدفعات حتي لايقتصر هذا الدفتر علي ابناء الدفعة الواحدة ومن ثم يصبح دفترا لاحوال ( النبطشي العام ) للدفعة
ودمتم
نقيب شرطة (م) بالقديم الدفعة 47 : هشام يوسف طه . ميز )

Post: #153
Title: Re: دفتر احوال ضابط الشرطة المناوب
Author: Ali Sirelkhatim
Date: 09-03-2008, 04:58 PM
Parent: #152

أشرقت الانوار وهللت البشائر ياسبد هشام
والف مرحب بالسيد هشام يوسف ومنور يا سعادتك والله.وحبذا لو اتحفتنا بطرفة من زمنكم فى الكلية او الشرطة عموما

اخوك على سرالختم

Post: #154
Title: Re: دفتر احوال ضابط الشرطة المناوب
Author: Ali Sirelkhatim
Date: 09-03-2008, 05:01 PM
Parent: #153

عمر عثمان وين انت؟ اصحى يا بريش ورينا ده منو الفى الصورة ده,



Post: #155
Title: Re: دفتر احوال ضابط الشرطة المناوب
Author: Ali Sirelkhatim
Date: 09-03-2008, 05:39 PM
Parent: #154

وبدات الصور تصل من كل يقاع الدنيا

الملازم اول بشرى الدفعة 49
الملازم الوليد حمزة الدفعة 51
الملازم امير محمد عثمان الدفعة51
الملازم التلب الدفعة 52
الصورة اخذت فى الدروة ضرب نار الفرقة التخصصية بالاحتياطى المركزى



Post: #156
Title: Re: دفتر احوال ضابط الشرطة المناوب
Author: Ali Sirelkhatim
Date: 09-03-2008, 06:38 PM
Parent: #155

الاخوة الاعزاء : الذكريات كثيرة ولكن احلاها تلك التي ارتبطت بالزملاء في الشرطة عموما وبمنسوبي الدفعة 47 علي وجه الخصوص .. انا شخصيا ارتبطت بي حكاوي كثيرة ويشهد الله ان اغلبها نسب الي حشفا وسؤ كيله كما يقولون .. وحتي هذه اللحظه هنالك بعض الزملاء يروون الكثير المثير من الروايات التي اندهش مرتين عند سماعها : مرة من غرابة الرواية والمرة الثانية عندما اعلم اننى كنت بطلها .. اللهم لا اعتراض علي حكمك ..
طيب نحكي شوية عن ذكريات الكلية الطريفه : في صبيحة احد الايام واثناء تاديتنا للتمارين الرياضية قمت بترديد بعض العبارات التي تخرج عن الياقه والانضباط .. انزعج مدرب الرياضة وقتها وكان يدعي كوة ( ما كوة جار النبي ) فاخرجني امام الطابور وبعد تاكيدي له بانني فعلا تفوهت بتلك العبارات .. قدمني للضابط المسؤل عن الميدان وكان وقتها النقيب حافظ بشري ( تحياتي له ) وعندما سالني السيد حافظ بشري عن صحة الادعاء انكرت له تماما وقلت له ان العريف كوة اعتاد ان ينسج حكايات من بنات اوهامه . . حينئذ بهت العريف كوة واحتار لدرجة الذهول وظل يردد : والله ياسعادتك الطالب ده كذاب وكمان عندو (نكران ذات ) .ونواصل
هشام ميز

Post: #157
Title: Re: دفتر احوال ضابط الشرطة المناوب
Author: Ali Sirelkhatim
Date: 09-03-2008, 07:46 PM
Parent: #156

غنى عن التعريف



Post: #158
Title: Re: دفتر احوال ضابط الشرطة المناوب
Author: Ali Sirelkhatim
Date: 09-03-2008, 08:02 PM
Parent: #157

Quote: -ويا على عايزين نشوف صورة موديل 2008 - خلينا من هنتر 70 دى.

الاخ ياسر عبد الكريم
اها هاك دى تسعينات والفينات جاياك فى السكة قريبا
على سرالختم



Post: #160
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 01:55 AM
Parent: #158

السلام عليكم ورحمة الله وبركاته.
بسم الله ياعلى الحصل ليك شنو . الكلام ده بعد العرس ولا قبلو ولا سحلية عدت فوق راسك وصحيت لقيت نفسك كدة .تحياتى لى اعضاء حزب البهجة قربنا نحصلكم .
هاك موديل 2008 بتاعتى .
نقيب شرطة.م. ياسر عبدالكريم محمد







Post: #161
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 02:46 PM
Parent: #160

والله ياالقرشى صورك تبدو فيها اصغر من زمنك الكنت طالب.

Post: #162
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 03:09 PM
Parent: #161

ذات مره من المرارير كنت عايز لى ساعة فمشيناانا والتلب لى محل اسمه الهلالى اتذكر فى شارع الجمهورية. فى ساعتين عجبونى شديد وغلبنى اختار. واحدة بى اتنين جنيه والتانية بخمسة جنيه ام اتنين جنيه بتتحمل ضغط الماء خمسين متر تحت الماء والتانية مية متر .
التلب قال لى ياخ شيل ام اتنين جنيه دى و خلينا نمشى نشوف لينا شغلة نقضاها. انا قلت ليه انا عايز ام خمسة جنيه عشان بتتحمل مية مترتحت المويه. قال لى انت غاتس ماشى وين ياخ شيل ام اتنين جنيه دى وريحنا.

Post: #163
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 03:20 PM
Parent: #162

صورة للحبس وشدة ما مليان بدرالدين عطا وياسر البشع{مامتاكد منه} مالاقين حتة يرقدوا فيها



Post: #164
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 03:37 PM
Parent: #163

مرة كنافى كلية الشرطة فى السفرة بنتعشى {بدرالدين عطا عبدالرحيم سيد فقيرى{برعى} التلب وشخصى} فقام بدرالدين سال سوال وقال ياخوانا اهم صفة فى شريكة حياتكم تكون شنو. برعى قال لازم تكون زولةطيبة وكده . التلب قال لازم تكون طباخه ممتازة فقام بدرالدين عطا قال ليه خلاس تعال نعرس ليك باب الله ده يا التلب {وباب الله كان الطباخ فى الكلية طباخ يده طاعمة من النوع اللى يظبط ليك حلة لحد ما تشك فى سلوكه}.


لنا عودة

Post: #165
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 03:50 PM
Parent: #164

الاخ على سرالختم
سعت11.40 الملازم اول م هاجر عوض مرورى بدفتر الاحوال وسوف يكون فطور الدفعة 52 يوم الاحد بفندق المريديان ان شاء الله ورمضان كريم.

Post: #166
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 08:14 PM
Parent: #165

الصورة دى على اليمين السر التهامى والاخ التانى ده ما عرفتو والله.



Post: #167
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 08:33 PM
Parent: #166

وده الاخ حاتم باسعيد والباقين ماعرفتهم



Post: #168
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 08:44 PM
Parent: #167

الرائد وقتها على حسن والملازم وقتها الطيب عثمان يوسف



Post: #169
Title: Re: دفتر احوال ضابط الشرطة المناوب
Author: Ali Sirelkhatim
Date: 09-04-2008, 11:43 PM
Parent: #168

Quote: سعت11.40 الملازم اول م هاجر عوض مرورى بدفتر الاحوال وسوف يكون فطور الدفعة 52 يوم الاحد بفندق المريديان ان شاء الله ورمضان
كريم.



يا خوانا ياناس حزب البهجة جنابو ها جر قاصده فطور رمضان وكده. بس قلت انبهكم عشان مافى واحد فيكم يمشى المريديان الساعة عشرة الصباح وكده لانو ده الفطور البعد أ ذان المغرب.

اخوكم على سرالختم

Post: #170
Title: Re: دفتر احوال ضابط الشرطة المناوب
Author: فيصل عثمان الحسن
Date: 09-05-2008, 00:16 AM
Parent: #168

مررت متفقدا الأحوال , وهى قطعا غير هادئة , ولن تكون كذلك ,طالما أن أحد عتاة مجرمى الميدان الأحمر وملوك الشغب مشرف البوست .
الكارثة بالجد جد هشام يوسف طه أو هشام ميز كما تحلو لنا التسمية , هو أحد أركان وأعمدة الدفعة 47 وعميدها المتوج بالاجماع .
مهما الواحد حاول أن يتحدث عن هذا الرجل المدهش سيجد نفسه مقصر , ومصدر الدهشة هو أن الكارثة هشام بقدرما هو مشاغب ومتعب وفى
حالة بحث دائم عن المقالب , هو أيضا ود البلد الأصيل جمل شيلنا وواسطة عقدنا , يغيل العثرة ويشيع البهجة , هاتفته بالأمس ووجدت
برفقته الميمونة الصديق العزيز والضابط المميز سعادة العميد كمال موسى الزين , صاحب أغرب موس حلاقة , وان ما أخاف الكضب , أظنها
من صنعه ( الموس ماركة الصقر ) ودى عندها قصة ما بتتحكى هنا . كم سعدت بالحديث للعزيز كمال بعد فراق دام لأكثر من 25 عام , يعنى بعد تخرجنا من كلية الشرطة مباشرة , حيث ذهب الوجيه كمال لدارفور التى أحبها وأحبته وعاش فيها أجمل سنين عمره , لك الحب يا كمال , ومثله للعزيز هشام الذى جعل أيام التدريب على قساوتها ونكدها محتملة .
بالمناسبة يا على أكثر زول متابع لبلاوى هشام ومحنه هو الصديق المقدم معاش مجدى خليل , خت يدك معانا يا أبو المجد وطلع لينا بلاوى الكارثة هشام , عشان ما يجى يقول الناس بتنسب ليهو المصائب الكان بسوى فيها .

Post: #171
Title: Re: دفتر احوال ضابط الشرطة المناوب
Author: Ali Sirelkhatim
Date: 09-05-2008, 01:30 AM
Parent: #170

الاخ العزيز جنابو فيصل عثمان
رمضان كريم ياراجل وحيرتنا لما اختفيت كده وبعدين جنابو على جويلى هنا فى امريكا والله بيسال منك باستمرار وقبل بس ربع ساعة كان معاى فى التلفون بيسال منك.
والله الواحد بيتذكر لما كنت بتجى فى التدريب الموحد وكان عندك مستجدين هناك فى الموحد مع عمك المقدم حسن بابكر وبرضو الاخ سيف الجنيد فى نفس الاونة ديك كان عنده مستجدين بتاعين الشرطة الامنية والله ياجنابو فيصل الواحد بيتذكر لما كنت بتجى سايق البكس بتاع المباحث المركزيةوالكرافانات البيضاء بالتدريب الموحد والكلام ده كانه اول امس لكن حقيقة مرت واحد وعشرين سنة.
وبعدين صاحبناجنابو هشام ده عنده نكران ذات.
التحايا والاشواق للسيد المقدم مجدالدين خليل وان شاالله نسمع منه ويشارك معانا فى البوست ده ويطلع كوارث جنابو هشام ميز وانت طبعا بتكون شاهد عيان على الكثير منها ونتوقع تتحفنا بما تجود به الذاكرة.
كل سنة وانتو طيبين وتصوموا وتفطروا على خير وكل عام والجميع بخير

اخوكم
على سرالختم

Post: #172
Title: Re: دفتر احوال ضابط الشرطة المناوب
Author: Ali Sirelkhatim
Date: 09-05-2008, 12:57 PM
Parent: #171




من اليمين للشمال وقوفا:محمد الأمين احمد(عميد) يعقوب الجمري(رحمه الله) الصادق مصطفي(عميد م) عادل خضر(رحمه الله) ابوعبيده حسن الطيب(نقيب م) عادل النوش(عميد) كمال بشير(رحمه الله) علي منزل(عميد م) من اليمين للشمال جلوسا:ابراهيم عبدالعزيز(عميد م) الطريفي ادريس(عميد) عماد احمد سعد(عميد) صديق خالد(نقيب م) فيصل عثمان(نقيب م) والي اللقاء في صور اخري

نقيب م هشام يوسف{ميز}
الدفعة 47

Post: #173
Title: Re: دفتر احوال ضابط الشرطة المناوب
Author: فيصل عثمان الحسن
Date: 09-05-2008, 08:53 PM
Parent: #172

العزيز هشام لك الود, ليتك تدرى يا صديقى بالذى فعلته بى تلك الصورة النادرة التى أعادتنى القهقرى لأعوام خلت , عرفنا فيها معنى
الزمالة الحقة , وكيف تكون العلاقات الانسانية التى تتجاوز الأسرة والحلة والقبيلة الى السودان الواسع الرحب الذى نفخر بأن لنا فى كل شبر فيه صديق صدوق , نسعى لمعرفة أخباره , نسعد لسعادته ونحزن لأى مكروه يصيبه .
الرحمة والمغفرة وعالى الجنان للأحباب , يعقوب بشير حامد الجمرى , عادل خضر عثمان الشهير بعادل تولة , كمال بشير , ونسألك يا ذا الجلال والاكرام وببركة هذا الشهر الفضيل أن تكرم وفادتهم , وتنزل على أرواحهم الطاهرة شآبيب رحمتك ومغفرتك وتلزم أسرهم الكريمة الصابرة وايانا الصبر الجميل وحسن العزاء , والهناء وراحة البال والعمر المديد للزملاء الأفاضل , محمد الأمين أحمد , الصادق مصطفى , أبو عبيدة حسن الطيب , عادل النوش , عماد أحمد سعد , ابراهيم عبد العزيز , الطريفى أدريس دفع الله , على منزل عثمان , صديق خالد دفع الله , والتحايا عبر هذا البوست لكل اخوانى وأحبابى منسوبى الدفعة 47 سائلا الله أن يديم المودة والمحبة بيننا , وأن تزول أسباب غيابنا
القسرى ونعود لرحاب من نحب ونهوى .
شكرا يا هشام , وشكرا يا على يا جميل أن أهديتنا هذه المساحة لنجتر زكريات عزيزة ومحببة وهى اكسير الحياة لمن هم فى ظروفنا.

Post: #174
Title: Re: دفتر احوال ضابط الشرطة المناوب
Author: Ali Sirelkhatim
Date: 09-05-2008, 11:00 PM
Parent: #173




Post: #175
Title: Re: دفتر احوال ضابط الشرطة المناوب
Author: Ali Sirelkhatim
Date: 09-05-2008, 11:11 PM
Parent: #174




الاخ فيصل: صورتان اضافيتان لاختبار ذاكرتك وبعد ما تعرف الشخصيات دي وريني قصة الجرادل في الصور دي شنو ؟

نقيب م هشام يوسف {ميز}

Post: #176
Title: Re: دفتر احوال ضابط الشرطة المناوب
Author: Ali Sirelkhatim
Date: 09-05-2008, 11:26 PM
Parent: #175

Quote: شكرا يا هشام , وشكرا يا على يا جميل أن أهديتنا هذه المساحة لنجتر زكريات عزيزة ومحببة وهى اكسير الحياة لمن هم فى ظروفنا.

شكرا ياخ فيصل على كلامك الجميل وان شاالله البوست ده يلمنا بى ناس مختفين ليهم سنين ونعرف وين اراضيهم واخبارهم
وشكرا يا اخ هشام لانو لولاك دفترنا قرب يبقى دفتراحوال النبطشى العام والرجاء المواصلة.
اخوكم على سرالختم

Post: #178
Title: Re: دفتر احوال ضابط الشرطة المناوب
Author: فيصل عثمان الحسن
Date: 09-06-2008, 01:31 AM
Parent: #175

فى الصورة دى شايف الرائد معاش عبد المنعم شبو بالقميص البنى , والمقدم معاش صلاح شاهين بالفنلة البيضاء والجردل الحوله المعركة أظنه نفس الجردل الفى الصورة الأولى ويبدو أن سبب المعركة باقى محتويات الجردل , ياخى أنا كدة شامى الريحة , والزول الصورتو ما واضحة دا وبحاول يفك الاشتباك عله يظفر ب جغمة أما العميد عثمان أب لمبة واما الشيخ فونو , لكن تعال يا منعول أنا ما كلمتونى مالكم .

Post: #177
Title: Re: دفتر احوال ضابط الشرطة المناوب
Author: فيصل عثمان الحسن
Date: 09-06-2008, 01:01 AM
Parent: #174

هشام يا حبيب , الكبر حصل والنظر ضعف لكن أهلنا قالوا القلب بشوف .
أمسك عندك من اليمين لليسار , اللابس بنطلون وفنيلة حمالات هو الصديق العزيز الرائد معاش عوض عثمان عضو الحركة الشعبية لتحرير
السودان , بجواره الصديق العزيز أول دفعتنا العميد معاش مكى خضر مكى , لا أدرى كيف يحال أول الدفعة للمعاش وهو بمثابة الرمز وحائز على درجة الماستر فى القانون!!! , بجواره مباشرة صورة غير واضحة أظنها للصديق العميد على مصطفى ابن كسلا , بعده الصديق الرائد معاش عاطف هاشم مالك ابن سنجةالشهير ب كتلو وهويضع يمناه على وجه الصديق عبد المنعم محمد أحمد شبو , أما الجلوس من اليمين لليسار , الصديق العميد عادل حبيب بخيت ويجلس فى مواجهته الأخ قريب الله الطباخ , أما الجالس على الأرض فهو الصديق العميد ابراهيم مصطفى ابن
القضارف , لقيتنى كيف .

Post: #179
Title: Re: دفتر احوال ضابط الشرطة المناوب
Author: Ali Sirelkhatim
Date: 09-06-2008, 01:53 PM
Parent: #177

العزيز فيصل
لقيتك مش ولابد .. لكن عايزين احسن من كده ... اولا الطباخ اسمو كرم الله والقاعد ده العميد علي مصطفي امام مش ابراهيم ... والي اللقاء في صورة قادمة
هشام ميز

Post: #180
Title: Re: دفتر احوال ضابط الشرطة المناوب
Author: Ali Sirelkhatim
Date: 09-06-2008, 01:55 PM
Parent: #179

الاخوة العسس : -تحياتي
قبل ان اكتب مجددا عن ذكريات الكلية والشرطة عموما ,أود ان اؤكد لكل الزملاء بأن الجميع محل تقدير واحترام وان كل مايكتب عن الزملاء لاتصبغه أي لونية من اي نوع حيث لم نكن يومها وليومنا هذا لدينا اي ميول قبلية أو حزبية أو خلافه ومن ثم فأن كل ماحدث من طرائف وحكايات لم تحدث لأي سبب سوي الدعابه واللهو الأكثر من برئ , حفظ الله ابناء هذا الوطن يدا واحدة تغرس خيرا ووحدة علي مر الدهور والأجيال ... ترقبوني قربيبا في طرفه كان بطلها صديقي العزيز دينق مابور بالحركة الشعبية الان, متعه الله بالصحة والعافية


هشام ميز

Post: #181
Title: Re: دفتر احوال ضابط الشرطة المناوب
Author: Ali Sirelkhatim
Date: 09-06-2008, 04:18 PM
Parent: #180

يا الطيب بشير ما قلت ليك صاحبك كان كارثة.



Post: #182
Title: Re: دفتر احوال ضابط الشرطة المناوب
Author: Ali Sirelkhatim
Date: 09-06-2008, 08:18 PM
Parent: #181

بسم الله الرحمن الرحيم.
الأخوة الزملاء تحية طيبة .علمت من مرور أختنا العزيزة هاجر عوض بى فطور الدفعة وكم أعجبتنى روح الأخاء والزمالة والصداقة التى جعلتنى أفتخر بالإنتماء لهذه الدفعة وأقول لهم إنه قلوبنا معكم وكذلك بطونا .وبرضو أتفق مع الأخ هشام ميز أن من قضى سنتين فى راب كلية الشرطة تربطه بزميله علاقة زمالة وصداقة وأخوة دائمة ما دام النفس طالع .
أتمنى للإخوة فى الدفعة 52 إفطارا هنيئا وأن تحزوا بقية الدفع حذوهم كما أتمنى من المولى عز وجل أن يجمع شمل المغتربين والمهاجرين وأن يرحم أمواتنا جميعا آمين يا رب .
الأخ على السر الكى بورد العربى وصل ولك الشكر .
بمناسبة الفطور أذكر ونحنا جونيور بعد رجوعنا الكلية يوم الجمعة بعد aتمام الساعة 9 شفت لى زول بتسحب على الصفرة وشايل كيس أديته شوية كدة وهاجمته لقيتأخونا م. م الز . ياكل فى جكناية وببكى من شدة اللزة والمتعة أخونا كان يحب الطعام حبا جما. ومشيناهاخطى .

نقيب م ياسر عبدالكريم محمد

Post: #183
Title: Re: دفتر احوال ضابط الشرطة المناوب
Author: Ali Sirelkhatim
Date: 09-06-2008, 08:25 PM
Parent: #182




شكرا ياياسر على الصور الجميلة دى

Post: #184
Title: Re: دفتر احوال ضابط الشرطة المناوب
Author: Ali Sirelkhatim
Date: 09-06-2008, 08:30 PM
Parent: #183




Post: #185
Title: Re: دفتر احوال ضابط الشرطة المناوب
Author: Ali Sirelkhatim
Date: 09-06-2008, 08:39 PM
Parent: #184

حضرنا ياسعادتك الساعة 11.25مساء بتوقيت الخرطوم من شركة الامان للصرافة بعفراء مول
وليدعلى Albassas ..

Post: #186
Title: Re: دفتر احوال ضابط الشرطة المناوب
Author: حسن الطيب يس
Date: 09-07-2008, 08:56 PM
Parent: #1

الاخ عمر عثمان
الشباب ديل
خالد موسي و ابو كساوي
محمد إسماعيل و ود نور الدايم
يرسلوا لك أعطر التحايا بمناسبت رمضان
قالوا عاوزين التلفون و البريد E mail
لك الود مع التحية للاخ التلب

Post: #187
Title: Re: دفتر احوال ضابط الشرطة المناوب
Author: Ali Sirelkhatim
Date: 09-07-2008, 09:05 PM
Parent: #186

في احدي ليالي الصيف الحاره كان الزملاء يفترشون النجيل امام الغرف .. وكنا انا والزميل وليد سر الختم عائدين من رحلة ليلية في الحي المجاور , وبما ان طبيعة ذلك المشوار اصابتنا بالجوع والعطش فقصدنا مبرد الماء القريب من الغر ف وبعد ان ارتوينا سمعنا ضجيج تحت المبرد واذا بها قطة تتمطي ومن حولها صغارها متشبثين باثدائها , نظرت الي الاخ وليد نظرة عرف مغزاها دون عناء تفسير , فحملنا سويا ماتيسر من قطط وليدة وقصدنا اينما كان الزملاء يهنئون بنومهم فوق النجيل البارد .. وبعد فحص سريع لانسب الضحايا كان الاخ دينق مابور يرقد داخل طلبته المترهله علي جنباته وسيقانه النحيفه في انحناءه محدثة فراغات تناسب مقصدنا تماما وبسرعة افرغنا حمولتنا من قطط داخل سروال الطلبه وتسترنا بالظلام نراقب مايحدث .. ويبدو ان القطط لم تالف مسكنها الجديد ولاساكنيه فاعملت اظافرها بكل مالاقته ... الشئ الذي جعل صديقنا مابور يصرخ ويقفز عاليا وهو يمطر قططا ولم يهدا حتي تخلص من اخر القطط وكان يسب ويتوعد بلهجته تارة و تارة بما تيسر من عربية وغصنا نحن في عتمة الليل حفاظا علي ارواحنا في تلك الليلة علي الاقل .. وبعدها لم يفارق اخونا دينق بنطال الكاكي كلباس لنومه مطلقا
مع تحياتي......

هشام ميز

Post: #188
Title: Re: دفتر احوال ضابط الشرطة المناوب
Author: Ali Sirelkhatim
Date: 09-07-2008, 11:38 PM
Parent: #187

8/9 سعت 2:45
تناول ضباط الدفعه 52 وجبه افطار رمضان بفندق المريديان
بالخرطوم وكان الحضور فى حدود 80 فردا بحضور اعضاء
المكتب التفيذى للدفعه ولقد شرف الافطار السيد الفريق شرطه
د. العادل العاجب يعقوب نائب مدير عام الشرطه والسيد اللواء
شرطه ادم دليل كضيوف شرف والقيت الكلمات وكان يوم
مشهود من ايام الدفعه التى نامل لها التقدم والاذدهار فى كل
الميادين وسنحاول عكس هذا الافطار من خلال القطات المرفقه
رائد شرطه (م) محمد التلب



Post: #189
Title: Re: دفتر احوال ضابط الشرطة المناوب
Author: Ali Sirelkhatim
Date: 09-07-2008, 11:41 PM
Parent: #188




Post: #190
Title: Re: دفتر احوال ضابط الشرطة المناوب
Author: Ali Sirelkhatim
Date: 09-07-2008, 11:42 PM
Parent: #189




Post: #191
Title: Re: دفتر احوال ضابط الشرطة المناوب
Author: Ali Sirelkhatim
Date: 09-07-2008, 11:44 PM
Parent: #190




Post: #192
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 01:42 AM
Parent: #191




Post: #193
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 01:44 AM
Parent: #192




Post: #194
Title: Re: دفتر احوال ضابط الشرطة المناوب
Author: Mohamed Yassin Khalifa
Date: 09-08-2008, 06:58 AM
Parent: #193

سعادة اللواء حسن الطيب يس

تحية طيبة وإحترام... ورمضان كريم!


طلب خاص من سعادتك توصل سلامي للأخ العزيز أبوكساوي في أوهايو... وتلفوني 9176749286






------------------------------------------------------------

على السر...رمضان كريم!




عدل لأجل الحبيب علي السر الختم... وكل أهل البوليس

Post: #199
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 10:27 PM
Parent: #193




Post: #1597
Title: Re: دفتر احوال ضابط الشرطة المناوب
Author: Ali Sirelkhatim
Date: 05-02-2009, 03:34 AM
Parent: #199

وين الطيب عثمان يوسف مختفى؟

Post: #200
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 10:32 PM
Parent: #192




Post: #2589
Title: Re: دفتر احوال ضابط الشرطة المناوب
Author: Ali Sirelkhatim
Date: 12-04-2009, 01:06 AM
Parent: #191

.

Post: #201
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 10:46 PM
Parent: #189




Post: #196
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 05:46 PM
Parent: #187

8/9 سعت 4:35
تحيه رمضانيه عطره ارسلها للاخ الفاضل سعادتو حسن الطيب
وهو المعادن النادره فى هذا الزمان ورغم انه ضابط من القوات
المسلحه لكن معارفه بضباط الشرطه لاحصر لهم ولاعدد فله
التجله والتقدير وارجو ان ابث عبره التحيه لاخونا عثمان خليفه
ان كان على اتصال به
رائد شرطه (م) محمد التلب

Post: #197
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 05:49 PM
Parent: #187




Post: #198
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 05:51 PM
Parent: #187




Post: #202
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 10:54 PM
Parent: #198




Post: #203
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 10:55 PM
Parent: #202




Post: #204
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 10:57 PM
Parent: #202




Post: #205
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 11:04 PM
Parent: #204

10/9 سعت 1:30
لسان حال صور افطار الدفعه يحدث عن الترابط
بين ابناء هذه الدفعه (اللهم ادمها نعمه واحفظها من
الزوال)
رائد شرطه (م) محمد التلب

Post: #195
Title: Re: دفتر احوال ضابط الشرطة المناوب
Author: omer osman
Date: 09-08-2008, 07:18 AM
Parent: #186

سيادتو حسن

صباح الخير

تلفوني 0912309392 الايميل [email protected]

Post: #206
Title: Re: دفتر احوال ضابط الشرطة المناوب
Author: Ali Sirelkhatim
Date: 09-08-2008, 11:31 PM
Parent: #195

الأخ على سرالختم
كيف حالك عساك بخير

ارسل لك من صور الدفعة56 تم
تصويرها فى صيف 2007

الصورة من اليمين للشمال
رائد معاش أحمد شعيب و المقدم دكتور محمد أحمد المحجوب
والعقيد محمد كرم الله و العقيد عمر القاسم ونقيب م أحمد
خضر و عقيد أسامة كنين و عقيد محمد سيدأحمد

عادل عبدالحميد



Post: #207
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:11 AM
Parent: #206

هذه الصور مشاركة
من الدفعة 54 وصلتنا من الاخ محمد اسماعيل من اوهايو



Post: #208
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:12 AM
Parent: #207




Post: #209
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:13 AM
Parent: #208




Post: #210
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:14 AM
Parent: #209




Post: #211
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:15 AM
Parent: #210




Post: #212
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:16 AM
Parent: #211




Post: #213
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:18 AM
Parent: #212




Post: #214
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:19 AM
Parent: #213




Post: #215
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:20 AM
Parent: #214




Post: #216
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 00:21 AM
Parent: #215




Post: #217
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 02:17 AM
Parent: #216




Post: #218
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 02:18 AM
Parent: #217




Post: #219
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 02:19 AM
Parent: #218




Post: #220
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 02:21 AM
Parent: #219




Post: #221
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 02:22 AM
Parent: #220




Post: #222
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 03:49 AM
Parent: #221




Post: #223
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 03:50 AM
Parent: #222




Post: #224
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 03:51 AM
Parent: #223




Post: #272
Title: Re: دفتر احوال ضابط الشرطة المناوب
Author: muntasir
Date: 09-11-2008, 02:57 AM
Parent: #219

Quote:




وقوفآ من اليمين
أسامه محمد إبراهيم..خالد وداعه...أحمد مدنى مهدى سبيل...جمال حمد...طارق الرشيد..أسامه على...خالد حسن...محمد إسماعيل...سعيدمحمد سعيد,..الراحل رحمه نور الهدى...الراحل الهادى الزاكى عليهما رحمةالله...أسامه فيروز...عصام أحمد الشيخ

Post: #271
Title: Re: دفتر احوال ضابط الشرطة المناوب
Author: muntasir
Date: 09-11-2008, 02:38 AM
Parent: #218

Quote:




الفصيلة السادسة الدفعه 54
وقوفآ من اليمين
ربيع احمد سالم...عثمان الحاج معلا...أسامه قاسم...طارق الياس...بابكر إبراهيم الخضر...صمويل جورج...حسن الكفش
محمد إسماعيل...الصادق الكومر...النورأحمد عثمان...أبوبكر عبدالوهاب...عبدالرحمن دفع الله الجاك...مدثر حسن...عبدالوهاب أبكر كرامه

Post: #270
Title: Re: دفتر احوال ضابط الشرطة المناوب
Author: muntasir
Date: 09-11-2008, 00:45 AM
Parent: #215

Quote:




من اليمين

أسعد عبدالصادق..منتصرعبدالعظيم (شتيل)..محمد طاهر..أسامه على...أسامه الأمين..المرحوم يوسف السنجك

Post: #254
Title: Re: دفتر احوال ضابط الشرطة المناوب
Author: omer osman
Date: 09-10-2008, 03:59 AM
Parent: #213





الواقفين من اليمين امين نورالدائم 55 في امريكا اسامة الامين 54 السجل المدني محمد المبشر 54 صاحب محل مجوهرات احمد حجر 54 كلية الشرطة

الجالسين صلاح الزبير 55 هولندا معتصم 51 السجل المدني حسن كفش 54 امريكا

Post: #253
Title: Re: دفتر احوال ضابط الشرطة المناوب
Author: omer osman
Date: 09-10-2008, 03:48 AM
Parent: #209







مرحبا بالسناير

من اليمين حسن كفش - امريكا
الصادق كومر - في الخدمة
مدني عبيد - معاش في السودان صاحب سلسلة مطاعم
محمد اسماعيل - اظن في امريكا

Post: #255
Title: Re: دفتر احوال ضابط الشرطة المناوب
Author: muntasir
Date: 09-10-2008, 04:06 AM
Parent: #208

Quote:




وقوفآ من اليمين
عبدالوهاب أبكر كرامه...محمد إسماعيل...نزارفيصل...طارق إلياس
من اليمين جلوسآ
لراحل يوسف السنجك عليه رحمة الله...بابكر

Post: #225
Title: Re: دفتر احوال ضابط الشرطة المناوب
Author: فارس موسى
Date: 09-09-2008, 04:40 AM
Parent: #1

على سر الختم

طبعا إنت ماسح ساكت لا دفعتك لا جنايرك

الناس الكبار الشايسهاتهم عمداء .. عمداء ديل بتاعين فطور رمضان ديل اوعه تقول دفعتك ؟؟؟

غايتو انا دفعتى فيهم حسن حامد القاعد بين السيد اللواء والسيد النائب !

يا حسبو والنذير خدر ياخى مشتاق ليكم جدا وكمان ابورزقه حامد ول ساكن والسلطان دوسه وقولو ليهو فارس قال ليك (شيفنا )

حامد يا متايوا ود الحسن (يوسف )

بله حسب الرسول شايفكم دسيتوهو ! ووين ابجلحات هى لسه جلحات ؟؟

يا حيدر عابدين إنت لسه درب البدراوى دا ما داير تفارقوا ؟؟ ولا إنتو ناس السادسه وبرى كمان !!

وقت دسيتو الحضورى مصورن لينا البشع والقرد مالكم علينا ؟؟

يا محمد إسماعيل ياخى ما ترسل لى الصوره بتاعة الملازم (الاخيدر القيافه ) المتوسطتك إنت ودفعتك الكارثه توفيق قريب الله (نقشر بيها شويه )

على سر الختم يا ماسح !

ياخى دى صور جميله جدا وتحياتى لاشاوس 56 عدا طلال مرجان وكوكو طبيق والوليد يوسف سعيد ومهدى الامين وخالد عبد الباقى !

يا خالد وداعه ياخى قرمانين عديل كده وخليك هامش وطلع مالك كرومه دا من جحورو ..إنشالله تكب ليهو موية منقه !!

شكرا يا بوليس وعاشت الشرطه .

على ما تفكو اسرنا وخلونا نرجع لملكيتنا ونخرمج اصلنا بقينا اهالى من زمن !

إنتو بدر الدين عطا لسه حزب البهجه بعد ال20 سنه توجه حضارى دى ! ؟ وينو ؟

بختكم

إتخيلو رمضان فى امريكا حار جدا السنه دى .

بعد دا ما ما راجع بابنوسه !

وين قرنق جيل اكوار .. فاطر مع منو ؟

وين سيادتو ايمن الامين . ( الحركه الشعبيه البتستوعب نا س أيمن دى ذادوها مويه ولا شنو ؟؟ )

ارقدوا عافيه ومترابطين

لن ننسى رفقتنا يوما وسلام سلاح للدفعه 52 .

Post: #226
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 04:48 PM
Parent: #225

الدفعة الفارس
انحنا عايزين تعليقاتك الظريفة دى وماتتخيل مدى السعادة البيشعروا بيها اخوانك لما بس يقرو كلماتك ويحسو بى وجودك معاهم يا دفعة.
لا عدمناك فارس موسى.

اخوك على سرالختم

Post: #227
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 06:06 PM
Parent: #226

الصور الاتية وصلتنا من الاخ العزيز ا لسيد النقيب م على جويلى {الدفعة 46 }
الصورة للطالب شرطة على جويلى 1980الدفعة 46



Post: #228
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 06:21 PM
Parent: #227

المكان بورتسودان 1982 قسم شرطة البر الشرقى والذى يضم شرطة الموانى ايضا
من الشمال لليمين السيد النقيب/اسماعيل الشموق .الملازم على جويلى الملازم صلاح ميرغنى والملازم فتح الرحمن



Post: #229
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 06:38 PM
Parent: #228

المكان شرطة كسلا 1981
المناسبة كورس الضابط المناوب للدفعة 46
ويظهر فى الصورة المقدم شرطة وقتها عبد الغنى خلف الله والسيد الرائد خضر على بشير عليه رحمة الله والملازم محى الدين الدفعة 44 بالزى الملكى ووقوفا من اليمين للشمال معتصمم /عادل على ابراهيم/على جويلى/الدرديرى جلدة دارفور/احمد عثمان كاليق/حيدر احمد سليمان/ المرحوم احمد مضوى الطاهر/ابراهيم محمد موسى



Post: #231
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 06:56 PM
Parent: #229

نفس الشخصيات اعلاه بالاضافة الى ابعاج والطالب شرطة حاتم الحاج ويظهر بين المقدم عبد الغنىوالرائد المرحوم خضر على بشير



Post: #232
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 07:25 PM
Parent: #231




Post: #233
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 07:27 PM
Parent: #232

الصورة اعلاه



Post: #234
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 07:35 PM
Parent: #232




Post: #235
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 07:53 PM
Parent: #234

نفس المناسبة 1981 وهذه رحلة العودة وكما هو معروف فى ذلك الزمان بالقطار بالاضافة لابناء الدفعة 46 من ابناء القضارف وهم من اليمين للشمال وقوفا حيدر عبدالحى/ملكى ساكت/الدرديرى /عادل على ابراهيم/الباقر/حاتم الحاج/حيدر احمد سليمان/عثمان قناوىجلوسا من اليمين لليسارعبد المنعم/ابراهيم محمد موسى/حامد احمد الهادى/جعفرمحمود وبالزى الرسمى الطالب اسماعيل احمد خليفة عليه رحمة الله.



Post: #236
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 08:14 PM
Parent: #235

من اليمين للشمال جلوسا الملازم حمد الريح {د44 }ابوعوة {د43} عادل {د44} لااذكر اسمه لطول المدة. يوسف {د43} . وقوفا طلبة الدفعة 46 يتوسطهم الملازم جمال {د45}



Post: #237
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 08:30 PM
Parent: #236

نفس الشخصيات بالاضافة للملازم شوقى عثمان{45} وقوفا يتوسط طلبة الدفعة 46



Post: #230
Title: Re: دفتر احوال ضابط الشرطة المناوب
Author: 7abib_alkul
Date: 09-09-2008, 06:38 PM
Parent: #228

بهذا القيد اشير الي استلامي اعباء الضابط المناوب لهذا اليوم والاحوال هادئة ولا شي يتسحق الزكر

Post: #238
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 10:33 PM
Parent: #230

كيفك اخي علي انا اعتبر هذه اجمل فرصة اعطاني اياها دفعتنا عبد الرحيم القرد الذي اخبرني بدفتر احوالكم الموجوده في المنبر العام فهذا عمل عظيم قمت به و انت دوما منذ ان كنا طلبه يافعين بكلية الشرطة سباق الي الإبتكارات الجميله وهذا ما إعتدناه دوما منك .. اتمني ان تكون بالف خير وصحه والله مشتاق اليك شديد ولجميع ضباط الدفعه وبالأخص الذين معكم في الولايات المتحده فارس موسي و الطيب مدني وكلهم دون فرز أتمني ان نتواصل دوما واعتبر مني هذا الإيميل عباره عن مرور بدفتر احوالكم العامر والتحيه الخاصة للأخ فارس موسي لأنه بادر بتحيتنا لكم الود
> ماحييت
> اخوك ودفعتك
> العميد الركن
> ايمن الأمين مصطفي- الجيش الشعبي لتحرير السودان
> مكتب نائب القائد العام
>

Post: #239
Title: Re: دفتر احوال ضابط الشرطة المناوب
Author: Ali Sirelkhatim
Date: 09-09-2008, 10:38 PM
Parent: #238

الساعه 12.50صباحا .. م (م) أسامه على .. أسجل مرورى
الأحوال غير هادئه .. الطيب عثمان يوسف وشله من المشاغبين يظهروا بالبوست
..الشكر الجزيل للأخ محمد أسماعيل محمد فضل أبن دفعتنا(54) وهو
يتحفنا بأجمل الصور التى أعادتنا لزمن الصبا الباكر (حليلو)وللأسف
لدى مجموعه قيمه من الصور بالسودان بعيده عنى سأنشرها بإذن الله
لكم يوما ..الرحمه والمغفره لأبناء الدفعه والذين إصطفاهم المولى عز وجل الى
جواره ..الأحباء رحمه نور الهدى.. إيهاب بحيرى .. يوسف السنجك
الهادى الزاكى.. فتح الرحمن محمد على.. نصرالدين محمد الفكى.. والرحمه
لكل الزملاءالذين توفاهم الله الى جواره ونساله عز وجل أن يسكنهم فسيح
جناته بحرمة هذا الشهر الكريم
والتحايا لكل الأخوه الزملاء ورمضان كريم ..ومزيدا من الصور الجميله من الزمن السمح .. والجماعه العندهم صور بالله يطلعوها لينا بسرعه .. ودمتم


Post: #240
Title: Re: دفتر احوال ضابط الشرطة المناوب
Author: حيدر حسن ميرغني
Date: 09-09-2008, 11:07 PM
Parent: #239

رمضان كريم ياعلي وضيوفه الكرام

عزيزنا بكرى: ضابط الشرطة المتقاعد(بابكر عبدالمطلب ميرغن...ى دفتر أحوالكم!!!!!!

Post: #241
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 01:05 AM
Parent: #240

وهذه الصور مشاركة من الاخ امين نورالدايم الدفعة 55


رحلة نيلية


Post: #242
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 01:07 AM
Parent: #241




Post: #243
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 01:08 AM
Parent: #242




Post: #244
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 01:09 AM
Parent: #243




Post: #245
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 01:10 AM
Parent: #244




Post: #246
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 01:12 AM
Parent: #245




Post: #247
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 01:15 AM
Parent: #246




Post: #248
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 01:16 AM
Parent: #247




Post: #256
Title: Re: دفتر احوال ضابط الشرطة المناوب
Author: omer osman
Date: 09-10-2008, 04:13 AM
Parent: #241

تحياتي لللاخ امين نورالدائم

الصور دي في رحلة نيلية للدفعة 55 مع مشاركة للبعض من 56 شخصي وكرودي ظاهرين في بعض الصور وكذلك السيد الرائد شرطة م الطيب عثمان يوسف 52 طبعا السيد

الرائد دي لزوم الانضباط ياسيادتو على وفارس موسي باقي دفعتكم عكليتة يقول كتبنا اسمو حاف كده

Post: #249
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 01:29 AM
Parent: #230

مرحب بحبيب الكل
رمضان كريم
اخوك على سرالختم

Post: #250
Title: Re: دفتر احوال ضابط الشرطة المناوب
Author: Adil Hamza
Date: 09-10-2008, 02:53 AM
Parent: #1

الأخ على سرالختم
تحية طيبة

جيتك بالدرب العديل
و سعيد جدا بى لمة الزملاء
من الشرطة و من هنا احى كل
الزملا و تحية خاصة للدفعة 56
من هم بالخدمة و المتقاعدين

و السلام

عادل عبدالحميد

Post: #251
Title: Re: دفتر احوال ضابط الشرطة المناوب
Author: Adil Hamza
Date: 09-10-2008, 02:56 AM
Parent: #1

عدل للتكرار مع اعتزارى

عادل عبدالحميد

Post: #252
Title: Re: دفتر احوال ضابط الشرطة المناوب
Author: muntasir
Date: 09-10-2008, 03:37 AM
Parent: #251

نترحم على أخوة جمعنا بهم رباط أقوى من رباط الدم والقرابة اللهم بحق شهرك الكريم تقبلهم قبولآ حسنآ وأغفر لهم اللهم إن

رحمه نور الهدى.. إيهاب بحيرى .. يوسف السنجك
الهادى الزاكى.. فتح الرحمن محمد على.. نصرالدين محمد الفكى. روبرت رومانو حجر ..أندرو أجينق ...بابكر محمد بابكر

بجوارك فاسبغ عليهم من لدنك رحمة اللهم لا نزكيهم لك ولكن نشهد أنهم كانوا خير إخوة

الدفعه أسامه على
رمضان كريم وعرفنا إنو معاك عارف المحبوب فخليه يجى مارق

Post: #257
Title: Re: دفتر احوال ضابط الشرطة المناوب
Author: omer osman
Date: 09-10-2008, 04:16 AM
Parent: #1

دفعتي عادل عبدالحميد (عادل حمزة) المنبر نور بحضوركم وعادل لمن لا يعرفه راجل راقي وهادي وظريف في صمت وبالمناسبة لديه صولات وجولات مع سيادتو

الطيب عثمان يوسف

Post: #258
Title: Re: دفتر احوال ضابط الشرطة المناوب
Author: فارس موسى
Date: 09-10-2008, 05:06 AM
Parent: #1

حليل زمن الصبا وحليل زهر الحياه

كان النصف الثانى من الثمانينات لنا نحن الجيل الإتولد حوالين اكتوبر ودخل كلية البوليس فى اخريات

عهد النميرى زمن بهى وجميل واحى دفعة الإنتفاضه اشاوس الدفعه 52 الاحياء منهم والاموات

هيجت تلك الصور شجنا مكبوتا فى الحنايا لزملاء تدربنا سويا وعملنا معا لسنوات تعمقت العلاقات

بيننا ونحن من مختلف الدفعات وعركتنا صروف الحياه والمهنه التى احببناها وعشقناها وكنا اوفياء

لها ولاهلنا الذين حملنا هم امنهم وراحتهم وطمانينتهم وسلامة حياتهم وممتلكاتهم قبال تجى حيكومة

السجم والرماد (غصبا عن الصياغ يا على ) ! وسيست المهنه وغيرت المفاهيم والثقافه التى تربينا

عليها ايفاعا وتشربناها من قاده واساتذه كانوا معلمين واباء واخوه اشقاء غرسوا فينا قيم

الضبط الربط والإنتماء وحب المهنه والولاء ومحبة مجتمعها كان هناك قاده عظام تركوا بصماتهم

الشرطيه واقول الشرطيه لانها لهم وحدهم بدء من تعلية حساسية المنتمى فينا تجاه ابجديات المهنه

من امانه وشرف وغيره وإعتداد بالنفس وحب الخير ومساعدة الضعفاء ورد الحقوق ومطاردة الجناه

حتى ينال كل مجرم عقابه وكنا نبذل قصارى جهدنا رغم قلة المعينات والتكنلوجيا فى ذاك الزمن

لتقديم ارقى الخدمات لشعبنا واهالينا ومواطنينا وضيوف بلادنا الذين كثيرا ما اشادوا بعطاء

ونبل الشرطه السودانيه .

احى فى هذه العجاله من قادتنا الافذاذ ولتسعفنى الذاكره والزملاء إن نسيت احى السيد الفريق اول

عباس مدنى والراحل المقيم الحلفاوى الجنب الذى كنا نلقبه بالليث الابيض سعادة الفريق اول شرطه

فيصل محمد خليل ، اللواء صلاح مطر ، اللواء فيصل مطر ، عبد الاله الملك ، الفريق العضم عوض سلاطين

دارفور (دا زول بدون تحيز كردفانى شرطى بس مفروض كان يكون على راس البوليس ) ولكن !

الراحل محمد عبد الجبار (عميد ) والعميد عمر جميل والفريق معاش واستاذى ومعلمى عبدالله عبده

كاهن ،والفريق الطاش واللواء واستاذ الاجيال ابو حراز ولا يفوتنى ان اذكر نوارة البوليس على مر

التاريخ والاجيال الاديب الاريب والفنان الراقى والرجل الموسوعه والعالم المغفور له الراحل الفريق

اول إبراهيم احمد عبد الكريم واستاذنا إبراهيم الكافى وتاج السر إدريس واخيرا وليس اخرا اللواء

كمال محمد سليمان واللواء معاش عصام شريف واللواء عبد الرحمن حطبه واللواء بشار محمد تاجر وداؤود

والفريق اول شرطه محجوب حسن سعد الرجل صاحب المواقف طيلة إنتمائه واستاذ الاجيال العلامه الفريق

عادل العاجب يعقوب النائب الحالى .



تحياتى لصديقى وفردتى وكمندانى الذى علمنى المصادمه العميد مكى عبد القادر .

وين ناس 49 و50 و51

ولنا عوده قطع شك كان الكريم مد فى الايام .

Post: #259
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 10:12 AM
Parent: #258

abdalla awad to me
show details 5:25 AM (38 minutes ago) Reply


مروري متفقداً الأحوال و كل حاجة تمام ( أمطار خفيفة متفرقة تهطل على مبنى الرئاسة ) أو كما كتب أخونا عبدالماجد تاج السر قيداً في أول مناوبة له برئاسة الجوازات بعد التخرج من الكلية.
الأخوة الأعزاء في الدفعة 52 أحييكم أجمل تحية .. وأقول رمضان كريم .. وكم أسعدتني أمسيتكم في حفل إفطار الدفعة السنوي .. ويا سلام على التلاقي والتآلف والمحبة بين الأخوان في الدفعة .. ويا سلام على سعادة الفريق المدهش العادل العاجب (العلمنا كل شئ جميل ورائع ونحن طلبة مستجدين في الكلية ) ويا سلام على سعادة اللواء آدم دليل , شرفتونا والله وزدتونا سعادة .أحييكم جميعاً أخواني وأهنئكم بشهر الصوم وإنشاءالله دائماً ملمومين في الخير ..وبهذه المناسبة أترحم على أرواح أخوة أعزاء فقدناهم في الدفعة.. المرحوم علي مالك والمرحوم عبدالله أحمد محمد الحاج والمرحوم حسين عبدالماجد والمرحوم رحمة الله عطا المنان والمرحوم طارق محمد أحمد .. وأسأل الله لهم جميعاً الرحمة والمغفرة ولكل فقدائنا في الشرطة في هذا الشهر المبارك وإنا لله وإنا إليه راجعون
وياسلام على على أخواتنا في الدفعة مريم وهاجر وفتحية وأميرة .. ويا سلام على معاوية محمد أحمد والذي شارك نيابة عن المرحوم طارق .. له التحية ..
بس لكن وروني وين المظلي الكبير علي الطويل .. ما ظاهر ليه .. يبدو أنه نازل مظلة بعيداً عن الأضواء كعادته ولا كمال شداد عامل ليه فلقلة ..!! أظهر وبان يا رجل وليك الأمان ... ووين زعيم حزب المارقين بدرالدين عطا - مستر بينسا - وهل لازال يقود حزب البهجة حتى الآن .. ويا آدم إبراهيم عبدالماجد حكى لي كل شئ وبلقاك قدام يا حلو يا ظريف !! ويا حسن حامد كبير والله دائماً مع الكبار والله أكبر .. و يا سعادة العميد أيمن الأمين - طرف قيادة الجيش الشعبي لتحرير السودان - تحياتي الحارة لك ومتين ركبّوا ليك ماكينة عميد من طراز هينو !! وعقبال الأركان حرب يادفعة يا كارب .. بس ما خليت لقرنق جيل شئ ؟ ويا عبدالرازق حامد منور الدفعة دائماً والله .. ويالنذير كدي شوف لينا حكاية بدراوي وحيدر عابدين دي شنو ؟ والمنظر بس فاقد الدفعة وليد أحمد مدني وعثمان منصور.. أما البشع والقرد فالصورة تحكي عن مؤامرة أو كارثة في الخفاء وربنا يجيب العواقب سليمة .. وبالمناسبة بسأل عن صحة أخونا أحمد عبدالغفار وأتمنى أن يكون في أتمّ الصحة والعافية وتحياتي له .. وأخيراً الله يديك العافية يالتلب .. لقد وضعتنا تماماً في قلب الحدث بتلك الصور الرائعة ..
وبعيداً عن الدفعة وليس بعيداً جداً .. يا أسامة علي الكرور .. رمضان كريم .. وشباب شنو الجائي تتكلم عليهو .. حقو وإنت في السعودية تنتهز الفرصة وتشوف ليك طريقة حجة وربنا يتوب عليك ويهديك يا كارثة .. ولاً شنو يا خالد وداعة وإبراهيم الرشيد .. الكلام ليكم برضو .. ولكما التحية ..
ويا عمر محمد محمد عثمان الضابط النابغة لك كل الود والشوق ولكل أحبائنا في الدفعة 56.. وما تنسى توصلها للأخوان أحمد شعيب وللاخ صابر الله جابو .. وسمعنا إنو الله جابو الخرطوم ..ثاني .. وكيف عاملين مع ( البلح ) السنة دي في رمضان إنشاءالله ما في مشاكل وصائمين كويس !!
ولكم جميعاً كل الود وكل الشوق ورمضان كريم ..
رائد - م - عبدالله عوض - شيكاغو

Post: #260
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 10:33 AM
Parent: #259

الاخ عادل عبدالحميد
الف مبروك العضوية وان شا الله عقبال باقى الاخوة. الاخوة العندهم باس ورد عايزنهم يكتبوا لينا اخبارالزملاء من دفعاتهم والدفع الاخرى ووين اراضيهم وكده . واتمنى انكم تساعدونى بالمداخلات عشان دفتر الاحوال دايما يكون فى الصفحة الاولى.
دايما فى المقدمة
ياشرطة التاريخ.

اخوكم على سرالختم

Post: #261
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 10:53 AM
Parent: #260

مجموعة صور مشاركة من الاخ محمد اسماعيل من اوهايؤ{الدفعة 54}
شكرا يا قورباتشوف.وقوفا من اليمين للشمال عبده حسين حماد{د51}الخضر ابووافى{د49}محمدمحمداحمد الحاج{د54}جلوساملازم اول نيازى{51}الملازم محمد اسماعيل{54}



Post: #262
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 10:56 AM
Parent: #261




Post: #263
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 10:57 AM
Parent: #262




Post: #264
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 10:59 AM
Parent: #263




Post: #265
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 11:02 AM
Parent: #264




Post: #266
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 11:03 AM
Parent: #265




Post: #267
Title: Re: دفتر احوال ضابط الشرطة المناوب
Author: Adil Hamza
Date: 09-10-2008, 10:50 PM
Parent: #266

أول الدفعه عمر محمد عثمان
ياخى كيف حالك سنين كثيره ما اتلاقينا
الشوق بحر والله ليك و كل الدفعة
متابع كل بوستاتك عندك زاكره حديديه
كل السناير النسيتهم زكرتنى ليهم
تحياتى للدفعه البتشوفهم بدون فرز

عادل عبدالحميد

Post: #268
Title: Re: دفتر احوال ضابط الشرطة المناوب
Author: Adil Hamza
Date: 09-10-2008, 10:58 PM
Parent: #267

بابكر عبدالمطلب يا دفعة
كيفك يا دفعة لسة حايم بى بره
اتمنا ان نشوفك معانا بالداخل
الايام الجاية
استلمت ايميلك

عادل عبدالحميد

Post: #269
Title: Re: دفتر احوال ضابط الشرطة المناوب
Author: Ali Sirelkhatim
Date: 09-10-2008, 11:21 PM
Parent: #268

show details 7:12 PM (5 minutes ago) Reply


الأخ علي سرالختم وصلني ايميلك الرقيق الذي يعكس شخصيتك التي خبرها كل من تعامل معك واود في هذه العجاله ان اسجل قيد في دفتركم الي كل اشقائي ابناء الدفعه 52 وكل الدفع الأخري و معها ايضا رفقائنا في القوات النظامية الإخري وحقيقي الدفعة 52 تعتبر من الدفع المميزه من اجل ذلك سوف اطلق عليها اسم الدفعة 52 تحدي مررت علي دفتر احوالكم احوال الضابط المناوب وجدته تعليق اخي العزيز جدا علي نفسي فارس موسي الذي أضحكني تعليقه جدا بعد زمن طويل من عدم الضحك بسرور وصدق هذا الفارس الذي يمتلك كثيرا من نواصي اللغة العربية هو و أخونا عذب اللسان النذير خضر لكن يا فارس المغاوير انا لست في الحركة الشعبية انما في الجيش الشعبي و هناك فرق كبير و الجيش الشعبي ليس بمويه انما فيضان عاتي و أخوك قائد ميداني في هذا الجيش و انا كنت قائد ثاني الفرقة الخامسه كرمك و قائد الفرقة الرابعة كاوده جنوب كردفان اشتغلت في كل شرق الإستوائية و غربها وايضا في الجبهة الشرقية 2002 همش كوريب ... مررت ايضا بتعليق اخونا عبدالله عوض والله يا عبدالله انا قايلك في قطر ياحليلك وحليل الأيام الجميله لن انسي تلك الأيام عندما كنا ملازمين و جلساتنا الليلية امام منزلك العامر بمدني بالله كيفك وكيف الأسره وبالأخص اخونا احمد عوض انشالله تزوج وترك العزوبيه تحياتي لهم جميعا و يا عبده يا ابني انا انتهيت من الأركان حرب عام 2007 و ايضا من كلية القاده و الأركان بالخرطوم و ايضا في دراسة تسمي علوم الحرب العليا درستها في فرجينيا و انا ما مركب مكنة هينو انا عميد منذ شهر 4 2006 و الأن انتهيت من فرقة قيادة الألوية وسوف اترقي الي رتبة اللواء في اول يناير القادم لمن تجي السودان حافتح ليك صالة كبار الزوار احتراما للدفعة .... اخي علي التقيت بقرنق جيل مره واحده فقط وبالمناسة هو ليس في الجيش معنا انما هو في القطاع السياسي ولم يكن معنا بالجنوب فقط انا قابلته في الخرطوم عندما عدنا 2005 و لم اقابله بعدها لم اقابل حتي الأن ألور ولا أدري بأي وحده يعمل و لكن سوف اتحصل ليك علي تلفوناتم.
اخوكم الذي يحبكم جميعا
عميد ركن /ايمن الامين مصطفى

Post: #273
Title: Re: دفتر احوال ضابط الشرطة المناوب
Author: عبده عوض
Date: 09-11-2008, 08:24 AM
Parent: #1

الأخ العزيزعلي سر الختم
تحياتي الحارة لك .. أهو ذي ما شايف معاكم معاكم .. وشكري للباشمهندس بكري وللأخ العزيز النصري ..
سعادة العميد الركن / أيمن الأمين .. والله يا سعادتك بعد كدا الواحد ما بقدر يقول حاجة ,, والسيرة الذاتية مشرفة وتملاً العين وماشاءالله وربنا يوفقك وللأمام يادفعة إنت لها ولا نشك في إمكانياتك العسكربة وقيادتك الميدانية.. وقريباً نسمع بيك لواء أركان حرب بإذن الله . وصاحبك أحمد عوض متزوج وعنده ولد وحالياً مغترب في السعودية منذ أربع سنوات تقريباً.. وأكيد لنا إتصال قريباً بس عاوز أتحصل على تلفونك ولك كل الود ..

Post: #274
Title: Re: دفتر احوال ضابط الشرطة المناوب
Author: حسين عوضاى
Date: 09-11-2008, 10:54 AM
Parent: #273

بعد كتابة قيد المرور فى دفتر الاحوال

نرحب بالعزيز جدآ عبده عوض وامنياتنا ان يطيب به وله المقام .............







مرحبآ والف مرحب بالقادم الوريف .





حسين

Post: #275
Title: Re: دفتر احوال ضابط الشرطة المناوب
Author: Ali Sirelkhatim
Date: 09-11-2008, 12:16 PM
Parent: #273

الاخ عبده عوض
الف مبروك وعقبال التلب وياسر عبدالكريم
تلفون ايمن عندى بضرب ليك اديك ليه.

Post: #276
Title: Re: دفتر احوال ضابط الشرطة المناوب
Author: Adil Hamza
Date: 09-11-2008, 02:14 PM
Parent: #275

مرحب بيك جنابو عبده عوض
و اتمنا ان يطيب لك المقام و اتمنا ان
نرى الاخوان التلب و بابكر
عبدالطلب هنا قريبا

يا على رسلت ليك ماسنجر و فى انتظار الرد

عادل عبدالحميد

Post: #277
Title: Re: دفتر احوال ضابط الشرطة المناوب
Author: Dr.Mohammed Ali Elmusharaf
Date: 09-11-2008, 02:24 PM
Parent: #275

الحبيب عبده عوض

الف مبروك

وياحليل شرشرتكم لبرعي في دار الشرطة

انقل لك سلام واشواق معاوية عباس والامين البرير

Quote: تحياتى لصديقى وفردتى وكمندانى الذى علمنى المصادمه العميد مكى عبد القادر .


التحية لهذا الرجل الجميل النقي ولو في حد عارف تلفونوا اكون شاكر

[email protected]


محبتي للجميع

محمد علي المشرف

Post: #278
Title: Re: دفتر احوال ضابط الشرطة المناوب
Author: النصرى أمين
Date: 09-11-2008, 05:50 PM
Parent: #1

الف مرحب بالصديق عبده عوض
والشكر للمهندس بكرى ابوبكر















---------

على السر::
ما ارحا ..ما يلا ....ماتركبو

Post: #279
Title: Re: دفتر احوال ضابط الشرطة المناوب
Author: Ali Sirelkhatim
Date: 09-11-2008, 07:38 PM
Parent: #278

النصرى امين
مبروك الصالون

Post: #280
Title: Re: دفتر احوال ضابط الشرطة المناوب
Author: Ali Sirelkhatim
Date: 09-11-2008, 08:42 PM
Parent: #279




Post: #281
Title: Re: دفتر احوال ضابط الشرطة المناوب
Author: Ali Sirelkhatim
Date: 09-11-2008, 08:46 PM
Parent: #280




Post: #282
Title: Re: دفتر احوال ضابط الشرطة المناوب
Author: Ali Sirelkhatim
Date: 09-11-2008, 10:04 PM
Parent: #281

سعت 11.36 م مرورى متفقدا الأحوال
وبصراحه إتخلعت وبقيت أفتش لى الكاب بتاعى ( مع إنى فى المعاش زمن طويل) ودا
لما شفت أخونا العميد الركن أيمن أمين ... إنتباه للجميع و تحيه كاربه ليهو
أخونا عبده عوض ... يا أخى أنا زمان حجيت وذلك مع قلة ذنوبى مقارنة بكم
ازيدك كمان حج معاى أحب الناس لى ولكم المرحوم طارق محمد أحمد وكذلك
المرحوم رحمه نورالهدى وهؤلاء الإثنان من أنقى الناس سيرة وسريره
رحمهم الله وأحسن إليهم .. أها إنت تحج وين؟ ومتين ؟ ومع منو؟...ومبروك الباسوورد
الظاهر عندك واسطه كاربه ..شوف لينا واحد معاك عشان نجى بالدرب عديل
ومانشغل أخونا على السر دا كتير ... وبالله شوف ليك واحد لى بدرالدين عطا
عشان يفضحك لينا هنا
الأخ منتصر كوجار ..الكارثه التى تمشى على رجلين ... مشتاقين والله وفتشت للإيميل
بتاعك فى ملفك مالقيتو.. بالله لازم ترسلوا لى
الأخ محمد إسماعيل ..تحيات لكم والأسره الكريمه وللأخوان أبوكساوى
وأمين نورالدائم .. وبالله مزيدا من الصور الجميله دى
والتحايا للأخوان ...محمد التلب .. فارس موسى..عمر محمد عثمان .. عادل عبدالحميد .. والتحيه لكل الأخوه ..وأولا وأخيرا التحيه لك أخى على سرالختم
على هذا المجهود الرائع
أخوكم / أسامه على
الدفعه54
[email protected]




Express yourself instantly with MSN Messenger! MSN Messenger

Post: #283
Title: Re: دفتر احوال ضابط الشرطة المناوب
Author: Ali Sirelkhatim
Date: 09-11-2008, 10:31 PM
Parent: #282




Post: #284
Title: دفتر أحوال الضابط المناوب
Author: عبده عوض
Date: 09-12-2008, 08:31 AM
Parent: #1

أخونا أسامة علي
تحياتي الحارة لك وللأسرة الكريمة ..
ربنا يرحم طارق محمد أحمد ورحمة نور الهدي .. ويرزقهما الجنة .. ويتقبل حجتهما ..
أما أنت .. كدي حاول ثاني وثالث .. أمكن ربنا يتقبل .. وإنشاءالله ربنا يتقبل حجتكم وتوبتكم!!!
ولك كل الود ياحلو يا ظربف .. وبالمناسبة إين حبيبنا محمد الفاتح .. أرجو أن تبلغه عاطر تحياتي ..ودمت ..

Post: #285
Title: Re: دفتر أحوال الضابط المناوب
Author: Ali Sirelkhatim
Date: 09-12-2008, 05:26 PM
Parent: #284

أخي الفاضل علي سررت جدا بايميلك لك الشكر علي هذه التحايا العطره .. كنت أكثر طلبة الدفعة 52 انضباطا حقيقي كنت عسكري حقيقي و هذه الملاحظة لمن لم يعرفوك وانت طالب شرطة و انت ايضا ضابط شرطة أعلموا بان علي الدنقلاوى كان عسكريا بمعني ما تحمل هذه الكلمة من معني حتي عندما كان يرتدي الزي الرسمي كان دائما ملفت للنظر حفظك الله اخي علي و أدام عليك نعمه ... مرورا بدفتر الأحوال لابد أن أكتب قيدين الأول لأخي ودفعتي عبده عوض أنا مبسوط يادفعة انك في شيكاغو وطلعته من الدوحة و مبسو ط اكثر بل وسعيد بزواج صديقي و أخي أحمد ربنا يسمعنا عنكم دوما كل خير ... القيد الثاني لأخي و صديقي جدا اسامة الكرور ضابط الدفعة 54 الكارب كيفك اخي اسامة وكيف فاتح الكرور و طارق الكرور وكل اسرة الكرور برفاعة انشالله كلهم تمام ... لكن يا أخي انت أبعد مما تكون في السعودية دي و الله حاجة ادهشتني سعوديه و حج يا اسامة أهدأ شوية
اخوكم ايمن

Post: #287
Title: Re: دفتر أحوال الضابط المناوب
Author: Ali Sirelkhatim
Date: 09-12-2008, 07:39 PM
Parent: #285

الاخ ايمن
شكرا ليك يادفعة على كلامك الجميل.
اخوك/على سرالختم

Post: #288
Title: Re: دفتر أحوال الضابط المناوب
Author: Ali Sirelkhatim
Date: 09-13-2008, 05:19 AM
Parent: #287




Post: #289
Title: سلام
Author: عبده عوض
Date: 09-13-2008, 07:01 AM
Parent: #1

الأخ أيمن الأمين تحياتي لك يا دفعة يا رائع .. أخوك أحمد عوض يغريك التحايا والسلام والشوق من الرياض وحا يتصل بيك قريباً بإذن الله .. وصاحبك أسامة الكرور دا عاوز يخمنا ساي ونحن كاشفين نومتو وعارفين إنو سرو باتع .. ويا أسامة حقو بس تكتب لينا عن ذكرياتك مع الكلية وكدا وخليك من الباقي !! أما من القسم الشمالي وإنت جائي جاي خليك منو لأنو فعلاً عاوز ليه منك كم حجة كدا ولاّ شنو يا أيمن !! مع تحياتي لك يا حلو يا ظريف .. ويا علي الطويل أنا شايف إنو علي السر دا قاصدك عديييييل !! وأبارك ظهور عبدالمنعم أحمد الشيخ .. بس وروني وين أستاذالأجيال عادل علي عبدالجليل .. وما ظهر ليه .. ولكم كل الود ..

Post: #290
Title: Re: سلام
Author: Ali Sirelkhatim
Date: 09-13-2008, 12:55 PM
Parent: #289

Quote: بس لكن وروني وين المظلي الكبير علي الطويل .. ما ظاهر ليه .. يبدو أنه نازل مظلة بعيداً عن الأضواء كعادته ولا كمال شداد عامل ليه فلقلة ..!! أظهر وبان يا رجل وليك الأمان

الاخ عبده
صور فطور الدفعة كثيرة وكل فترة حانخت واحدة يعنى المعنى حانحلى بيهم البوست
وين الاخ عبدالله محجوب ؟

وين قصصك وذكرياتك باعبده يالا ضحكنا شوية


على سرالختم

Post: #291
Title: Re: سلام
Author: Ali Sirelkhatim
Date: 09-14-2008, 01:12 AM
Parent: #290




Post: #292
Title: الاخوة والاخوات البورداب كم انا سعيد بالانضمام اليكم والف شكر للاخ بكرى ابوبكر
Author: محمد عبدالمنعم التلب
Date: 09-14-2008, 07:31 PM
Parent: #291

الاخوة والاخوات
كم انا سعيد بالانضمام للبورد والف شكر للاخ بكرى ابوبكر
ورمضان كريم وكل سنة والجميع بخير

اخوكم محمد عبدالمنعم التلب

Post: #293
Title: Re: الاخوة والاخوات البورداب كم انا سعيد بالانضمام اليكم والف شكر للاخ بكرى ابوبكر
Author: على محمد على بشير
Date: 09-14-2008, 09:00 PM
Parent: #292

شكرا اخى على سوركتى

لنشرك لصورة عمنا المرحوم الرائد معاش خضر على بشير


Post: #294
Title: دفتر احوال ضابط الشرطة المناوب
Author: Ali Sirelkhatim
Date: 09-14-2008, 10:19 PM
Parent: #293

شكرا يااخ على محمدعلى بشير على مرورك

على سرالختم

Post: #296
Title: Re: دفتر احوال ضابط الشرطة المناوب
Author: Ali Sirelkhatim
Date: 09-14-2008, 10:34 PM
Parent: #294

بسم الله الرحمن الرحيم.
الأخوة الز ملاء لكم التحية. الأخوان عبده عوض والتلب مبروك العضوية وتتربه فى عزكم .صور إفطار الدفعة حاجة تمام ويا ريت تكون هناك مساحة للأخبار الإجتماعية عشان نعرف أخبار الزملاء .وبالنسبة لغياب الأخوان بدر الدين وبلة والحضورى الظاهر مسكوهم شديد وما عارف القرد فلت كيف .بعدين شيلوا العمم دى عشان نشوف الريسان شكلها كيف .
الأخ أيمن ماشاء الله وعقبال وزارة الدفاع يا دفعة .ويا على الطويل عبده عوض من يوم النجم الساحلى ما رصعم قافل تلفونه .
سلام للأخت فتحية ولس شباب .
نقيب شرطة (م)ياسر عبدالكريم محمد



من اليمين للشمال على سرالختم/احمد التجانى/محمد يوسف الحاج/ياسر عبد الكريم/ياسر محمد عبدالله/عبدالرحمن محمد بحر

Post: #295
Title: Re: الاخوة والاخوات البورداب كم انا سعيد بالانضمام اليكم والف شكر للاخ بكرى ابوبكر
Author: محمد عبدالمنعم التلب
Date: 09-14-2008, 10:33 PM
Parent: #293

14/9 سعت1:25
الاخوه الاشراط الاخوه زوار دفتر احوال الضابط
المناوب اطل عليكم لاول مره من الباب عديل بعد
بعد حصولى على العضويه التى ارجو ان تكون دافعا
لى لاثراء هذا المنبر والمنابر الاخرى ولايفوتنى فى
هذه السانحه ان اشكر سيد البيت الاخ الباشمهندس
بكرى ابوبكر وكل الاخوه ضباط الشرطه الذين دعمونى
لنيل العضويه وعلى راسهم دفعتى اللدود على سرالختم
ولاانسى الاخوه من خارج قبيلة الشرطه ومن لايشكر
الناس لايشكر الله .
وهذه البدايه والله من وراء القصد

Post: #297
Title: دفتر احوال ضبط الشرطة المناوب
Author: Ali Sirelkhatim
Date: 09-15-2008, 07:52 PM
Parent: #295

اين اختفى البوليس



























اين اختفى البوليس؟












نضرب 911 ولاكيف

Post: #298
Title: Re: دفتر احوال ضبط الشرطة المناوب
Author: Ali Sirelkhatim
Date: 09-15-2008, 09:21 PM
Parent: #297

الأخ/على سرالختم
تحياتى وأشواقى
الظاهر رمضان دخل على الجماعه وإختفوا
بس فى ناس مافى داعى لأساميهم
ماصايمين وكمان عندهم باسوورد جديد ..مختفين ليه؟
نستثنى من ذلك أخونا التلب وأخونا عادل عبدالحميد
..................................
سيادتو أيمن الأمين... تحياتى لك وللأسره
العقيد طارق الكرور فى رئاسة السجون وهو على وش ترقيه
الفاتح الكرور فى شركة زين بالخرطوم
وكل الأهل بخير وعافيه.. وبسلموا عليك
..............................
عبده عوض ..والله مشتاقين
...........................
وين الدفعه منتصر .... السنه دى صايم ولاشنو؟



..............................
تحياتى للجميع .. ودمتم بعافيه
أسامه على..54

Post: #299
Title: Re: دفتر احوال ضبط الشرطة المناوب
Author: Ali Sirelkhatim
Date: 09-15-2008, 09:25 PM
Parent: #298

مبروووووووووك ياتلب إنضمامك للمنبر ... ما أصلا إنت زول مرتب و منظم و بوليس حقيقي و أكيد حتأتي بالجديد يا أول ميدانا الهمام ... لاقيتك صدفه و لم احظي بمقابله اخري .. بقيتو مهمين يادفعه و ما قادرين نصل ليكم ربنا يوفقكم دوما ... الأخ ياسر عبد الكريم كيفك يادفعه و الله مشتاقين و الله في صورك الجديده ما عرفتك لكن لمن رجعته لصور الكلية بالصلعه عرفتك بالحيل قلته ما دي أخونا ياسر الكان زمان سوداني اصيل لكن صورتك في بلد اليانكيز مختلفه عن ياسر السوداني عشان كده حنسميك ياسر يانكيز لك الود و الشوق كله وربنا يسمعنا عن كل ابناء دفعتنا اجمل و اسر الأخبار وفقكم الله وحفظكم ابناء 52 جميعا
ايمن الأمين مصطفي
الدفعه 52 تحدي

Post: #300
Title: Re: دفتر احوال ضبط الشرطة المناوب
Author: Adil Hamza
Date: 09-15-2008, 10:53 PM
Parent: #299

الاخ على كيف اخبارك زمن ما اتكلمت
معاك حا اديك تلفون بعد الفطور

التعليق بتاع اسامة على ده عجبنى
و عاوز اتعلم بيهو الاقتباس
Quote: بس فى ناس مافى داعى لأساميهم

ماصايمين وكمان عندهم باسوورد جديد ..مختفين ليه؟
نستثنى من ذلك أخونا التلب وأخونا عادل عبدالحميد


سلام لى كل البوليس

عادل عبدالحميد

Post: #302
Title: Re: دفتر احوال ضبط الشرطة المناوب
Author: محمد عبدالمنعم التلب
Date: 09-16-2008, 00:36 AM
Parent: #300

15/9 سعت2:55 (ص)
مرورى متفقدا احوال الضابط المناوب ويعمها الهدوء
ولقد اطلعت على القيدين السابقين ولاحظت ان القيد
الاول يخص حبيبنا الدفعه عبده عوض الشهير ب (ليفو)
ارجو ان ينستر وما يجيب لينا الكلام مع الجونير وخصوصا
اسامه الكرور.
اما القيد الثانى اخونا السيد العميد ايمن الامين اشواقنا
بحر وضربنا ليك اكثر من مره قى تلفوناتك الاديتنى ليها
مره من المرات بحضور اخونا على السر واما مشغوله
او مقفوله على العموم انحنا متوفرين بكثره ولمن تكون
فاضى اتصل وانا قريب ليك فى بحرى .
وبمناسبة المرور على الاحوال كنت مناوبا بالاحتياطى
المركزى وبرفقتى مجموعه من الضباط وكان من ضمنهم
اخونا العقيد/ الحسين محمد المكى الرجل الذى حل معه الانضباط
اينما حل وكانت هنالك خدمه من الستجدين ترابط امام
مكتب الضابط المناوب لمساعدة المناوب فى تسير اعباء
عمله لاسيماء وان المساحات بين المكاتب بالمعسكر بعيدة
فقام اخونا حسين نادى واحد من المستجدين ( وانتم ادرى
بزهللة المستجدين) داير يرسلوا عشان ينادى ليهو صول
السريه السادسه . قال ليهو( شفتا يامستجد عنبر السريه
السادسه . . . ) وقبل الحسين يكمل كلامه المستجد عمل
انصراف وقام جارى .
اخونا الحسين استغرب جدا من تصرف المستجد وقام قال
ليهو( كما كت يامستجد . . انته جارى وين) فقام رده عليهو
المستجد وقال ليهو( انا ماشى اجيب السريه السادسه سيادتك)
فقام اخونا الحسين ضحك وقال ليهو مبروك اعمل صفا واسترح
النشاط بغطى على الغلط . ربنا يطرى اخونا الحسين بالخير
وكل ابناء الدفعه وبالمناسبه اجريت عمليه جراحيه ناجحه
بالعين فى القاهره لاخونا العقيد /عمر محمد احمد (شفاه الله)


Post: #301
Title: Re: دفتر احوال ضابط الشرطة المناوب
Author: Kamal Karrar
Date: 09-16-2008, 00:20 AM
Parent: #1

الأخ/ علي سرالختم

الأخوة الضباط المغاوير...

أنا ملكي.. مركب مكينة عسكري... ومعزوم من قبل الأخ/ علي سرالختم بالمرور والإطلاع على دفتر أحوال ضابط الشرطة المناوب.. فوجدته ينضح بالذكريات الجميلة ولم ألحظ ما يفيد صرف أورنيك 8 أو غيره.. يعني الأمن مستتب...

يا علي.. أها أنا جيت قبل طارق وأثبت ليك إني أكثر شبابا منه.. فأنا هنا أنوب عن دفعتي من الشرطيين / تاج الدين خضر الجزولي، حسان إدريس، علي عبدالهادي، عمر رجب محمد، المرحوم/ حيدر أحمد العبيد، المرحوم/ صلاح برجل، محجوب الجاك، الأخ/ صلاح أحمد الحاج،

وبإسمهم جميعا أقول ليكم إسترح... وتقبلوا تطفلي على جمعكم البهي.. سائلا المولي أن يتغمد المتوفين بواسع رحمته.. وأن يسبغ على الأحياء منكم نعمه ظاهرها وباطنها...

تخريمة:-
ياعلي سر الختم: أحمد التيجاني الريح السنهوري، رغم أنه من مدني، إلا أنه تربي تحت أرجلنا في المزاد ببحري.. سلامي له وقد علمت أنه أيضا في بلاد العم سام..

إنتباه

Post: #303
Title: Re: دفتر احوال ضابط الشرطة المناوب
Author: Ali Sirelkhatim
Date: 09-16-2008, 00:41 AM
Parent: #301

الاخ كمال سرالختم
والله البوست يادوبو انتعسش كده لما اخد شوية طراوة من بحرى والله منور البوست يا ود السر وحبذا لوعندك اى ذكريات عن الاخوان الذكرتهم ديل وهم طبعا اعلام فى راسها نار فى تاريخ شرطة السودان. الله يرحم ويغفر لمن توفى منهم. وطارق ميرغنى ده بنديهو اربعة وعشرين ساعة اذا ما سجل مرور حانعزله من مشير لى وكيل عريف وحا نفتح ليه بلاغ بتاع اشانة سمعة.

اخوك الامريكى التايوانى على سرالختم

Post: #304
Title: Re: دفتر احوال ضابط الشرطة المناوب
Author: Ali Sirelkhatim
Date: 09-16-2008, 01:07 AM
Parent: #303

بالمناسبة ياناس 52 بالولايات المتحدة عايزين المشاركات لصندوق الدفعة وانا اقترح الناس ترسلها لى يا سر عبد الكريم ويكون هو المسؤول عن جمع الاشتراكات من الان فصاعدا بالله ابدو رسلو والماعارف عنوان ياسر وتلفونو يضرب لى انا وتلفونى طبعا 5854780220 وافتكر الناس تدفع ماتيسر ولكن فى مبلغ معين مامفروض المشاركة تقل منه والرجاء يا ناس الخرطوم ترسلو لينا بريد الكترونى عشان نحنا ما عارفنه كم.
وزى ما شايفين الدولارات فى الصورة دى ويبدو انها مساهمةالاخت فتحية عبدالرحمن وياناس امريكا بالله ماتمشو تحرجونا واحد فيكم يرسل ليه طرادة ولا حاجة.









على سرالختم

Post: #305
Title: Re: دفتر احوال ضابط الشرطة المناوب
Author: فارس موسى
Date: 09-16-2008, 02:04 AM
Parent: #1

Quote: مبروك اعمل صفا واسترح
النشاط بغطى على الغلط . ربنا يطرى اخونا الحسين بالخير
وكل ابناء الدفعه وبالمناسبه اجريت عمليه جراحيه ناجحه
بالعين فى القاهره لاخونا العقيد /عمر محمد احمد (شفاه الله)


مرحبا بصديقى ودفعتى الكارب واحد منارات جيلنا قاطبة فى الشرطه الرائد معاش محمد عبد المنعم

التلب والبورد منور . ( والغلط بقى يغطى على النشاط ) اخيرا .

تحياتى وامنياتى بالشفاء للدفعه عمر محمد احمد .

التحيه لصديقى و جونيرى المشاكس ( الحاج ) اسامه الكرور وعبره للصديق الفاتح الكرور .

المشاركات بتاعة صندوق الدفعه جاهزين ليها المشكله إنو ياسر دا ببنى ومدثر عبدالرحمن

بجيب فينا القون الرابع !! ادونى ياها انا (بتاع إجازات بس)!

وين المدعوان عبدالله محمد طه وطارق الرشيد ابوهلال .

يا عبده عوض مبروك الباس ورد (عشان ما تشيل حسى بعدين عارف قطامتك ) التلب دا اقدم مننا ال2

بدر الدين عطا لا ادعم ترشيحو للعضويه نحن عندنا قضايا هامش وكده ماشه على قدم وساق ، دايرنو

يجى يركبنا قطر نيالا ويرجعنا من بلد حلاوه رغيف دى !!

يا عبد الرحيم فقيرى ياخى قرمانين عديل كده

بله حسب الرسول انضم للحركه الشعبيه ولا شنو ؟

يا على يا تويل جهز شنطتك الكشف الجاى مديرا لشرطة محلية سفاهه !!

يا فتحيه ياخى مشتاقون ياخى وتحياتى عبرك لدفعتى هاجر ومريم واميره ، إن شالله الاخيره ما تشبهنى

بالنذير الراجل .

فارس موسى from بابنوسه .

Post: #306
Title: Re: دفتر احوال ضابط الشرطة المناوب
Author: Ali Sirelkhatim
Date: 09-16-2008, 02:46 AM
Parent: #305

Quote: اجريت عمليه جراحيه ناجحه
بالعين فى القاهره لاخونا العقيد /عمر محمد احمد (شفاه الله)

كفارة يادفعة مع تمنياتنا ليك بعاجل الشفاء

اخوك على سرالختم

Post: #307
Title: Re: دفتر احوال ضابط الشرطة المناوب
Author: Ali Sirelkhatim
Date: 09-16-2008, 03:07 AM
Parent: #306

الاخ العزيز الدفعة الجعلتى حاتم عثمان الشريف
الاخ العزيز الدفعة عبد الواحد عثمان اسماعيل
وين انتو مختفين كده والله مشتاقين ليكم شوق شديد جداجداجداجدا
اضربو لى تلفون 5854780220 ما تقولى خالى منو وانت ما تقول لى اخوى منو ولا شنو شنو ارفعو تمامكم هنا يا ظباط بلاش جن معاكم .

اخوكم على سرالختم
روشستر نيويورك

Post: #308
Title: Re: دفتر احوال ضابط الشرطة المناوب
Author: Ali Sirelkhatim
Date: 09-16-2008, 03:29 AM
Parent: #305

Quote: يا فتحيه ياخى مشتاقون ياخى وتحياتى عبرك لدفعتى هاجر ومريم واميره ، إن شالله الاخيره ما تشبهنى

بالنذير الراجل



يا فارس موسى والله اعمل حسابك شايف النذير بحمر ليك كيف . ولسان حاله بيقول ليك والله هسه اجى اطرشك حلاوة رغيف الاكلتها فى امريكا دى

Post: #309
Title: Re: دفتر احوال ضابط الشرطة المناوب
Author: Ali Sirelkhatim
Date: 09-16-2008, 02:43 PM
Parent: #308

الأكرم علي سر الختم
تحياتي .. و أشواقي .. و عبرك لكل بوليس الزمن الجميل .. و دفتر أحوال زي ده المرق لينا حبيبنا علي جويلي بكرة بمرق لينا انشاء الله رباح سر الختم و النور أب راس و حافظ كوكا و الزقندي ( ديل كل واحد منهم داير ليهو ملحق لي دفتر الأحوال عشان نحكي ليك عنهم ) .. أرجو نقل تحياتي لأفراد دفعتكم ( طبعاً يوماتي مع الطيب ) في نقاش حول ما يدور في هذا البوست و أحاديث الذكريات .و مبروك للتلب و عبده عوض و عقبال الباقيين .

الفاتح كامل سعيد{الدفعة 46}

Post: #310
Title: Re: دفتر احوال ضابط الشرطة المناوب
Author: Ali Sirelkhatim
Date: 09-16-2008, 05:36 PM
Parent: #308

تحياتى الأخ / على سرالختم
والتحايا للسنير الفارس /فارس موسى
وتحيه عطره لسعادتو الفاتح كامل.. أسعدتنا مشاركتكم لنا
وبالله وين سعادتو الطيب عثمان يوسف(سعادتو دى عشان نختى الشبك) تحياتى
الحاره لكم ... وبالمناسبه وأنا فى السودان الشهر الماضى هناك
من حكى لى بأن الطيب .. آسف ..سعادتو الطيب إلتقى فى إحدى
المناسبات الإجتماعيه بعبدالباقى مصطفى (كلاب) وأسمعه
مالم يسمعه من قبل عن مسؤليته عن كثير مما حدث من تنكيل بضباط
الشرطه فى عهد إدارته للشؤون الإداريه ورفض مصافحته .. عفارم
عليك ..وهذا التصرف ينبغى أن يكون عاما ..ولكن لايقدر
عليه إلا سعادتو الطيب
تحياتى وتقديرى له
أسامه على 54

Post: #312
Title: Re: دفتر احوال ضابط الشرطة المناوب
Author: Ali Sirelkhatim
Date: 09-17-2008, 00:23 AM
Parent: #310




Post: #313
Title: Re: دفتر احوال ضابط الشرطة المناوب
Author: فارس موسى
Date: 09-17-2008, 02:18 AM
Parent: #1

Quote: سعادتو الطيب إلتقى فى إحدى
المناسبات الإجتماعيه بعبدالباقى مصطفى (كلاب) وأسمعه
مالم يسمعه من قبل عن مسؤليته عن كثير مما حدث من تنكيل بضباط
الشرطه فى عهد إدارته للشؤون الإداريه ورفض مصافحته


اسامه رمضان كريم وتحياتى للمعاك

الطيب عثمان يوسف زول فحل وظابط نمر وهو شبل من اسد ...ولكن !

عبد الباقى كلاب لم يبدأ فى تصفية الشرطه بعد جلوسه على كرسى الشؤون الاداريه الذى لم يخلق له قط

بل بدأ مبكرا ، وأنت من القلائل الذين تابعوا ما كتبته وسعادتو فيصل الحسن واخرين عن تلك الحقبه

التى اطلقت فيها كلاب الجبهه المسعوره وعلى رأسها المدعو عبد الباقى لتنهش جسد الشرطه وتهشم

عظامه بفصل وطرد الشرفاء ولكننا والدنيا رمضان واخونا على سر الختم ما بحب مباراة الزى وزيك

وزى الطيب ( لانهم بجيبوا ليهو الهوا ) وقد تم تحذيرنا كمغبونين بالترفع عن سبب الاذى وتم

توجيهنا بتعليمات عليا شفاهيه خارج دفتر احوال الذكريات فقرض على الذكريات يا كرور وما تقلب

مواجعنا .

حبنا للجميع وتحيه خاصه لدفعتى النمر الطيب عثمان يوسف ( الكارثه ).

Post: #314
Title: Re: دفتر احوال ضابط الشرطة المناوب
Author: عبده عوض
Date: 09-17-2008, 03:40 AM
Parent: #313

بداية .. سلام وشوق شديد حبيبنا الكومندان سعادتو الفاتح كامل .. وينك يا رجل إفتقدناك كثيراً والله .. ومبروك علينا إطلالتك عبر دفتر الأحوال .. وياريت كمان ما تنقطع يا رائع ..
الأخ العزيز أسامة علي .. تحياتي الحارة .. رمضان قام بيك ولا شنو!! عارف الصيام بعمل فيك شنو ..كلامك ذيك كدا حلو وجميل ( أوع تكون صدقت يا كرور !! ) .. وما تنقطع بالله .. لكن القيد بتاع فارس دا فيهو إشارة واضحة لخط سير هذا البوست .. وعايزين كل الحبابيب الحلوين يتلموا هنا في البوست دا ونتذكر أيامنا الحلوة ونستعرض الصور ونضحك ونهابش بعض عبر زماننا الكان جميل ومميز ولاّ شنو !! وكل واحد فينا تقطعت بيهو السبل ممكن بلاقي حبايبو هنا.. وبالمناسبة .. ما تنسوا وأذكركم يا أخوانا بالبوست بتاع سعادتو عبدالحفيظ حسن عبدالحفيظ في منبر سودانيز أون لاين وهو متاح للجميع للكتابة عن حجم وأنواع الظلم الذي حاق بجسد قوة الشرطة والزملاء الأعزاء وكذا المواقف البطولية للكثيرين منهم .. وهو بوست رائع وجميل وجدير بمتابعتكم وينتظركم للمشاركة فيه بإبداء الرأي والمشورة بما يخدم قضيتنا والعمل على نصرتها بكافة السبل .. وإنت يا أسامة علي بالذات لديك فيه مشاركات إيجابية ونشطة وطلات حلوة وأنا على يقين بأنه لازال لديك الكثير فلا تحرمنا منه بالله .. ولنعمل على رفع هذا البوست وعدم إهماله وهجره بعد المشاركات والآراء الحلوة والقوية من الأخوة الزملاء .. ونحن في إنتظاركم جميعاً.. والله من مرواء القصد .. وعلي سر الختم دا بس خلوه للمهابشة ويضحكنا ويذكرنا بكل ما هو جميل ورائع ولا شنو يا فاس موسى .. ولكم كل الود والتحايا ..

Post: #315
Title: Re: دفتر احوال ضابط الشرطة المناوب
Author: محمد سنى دفع الله
Date: 09-17-2008, 06:45 AM
Parent: #314

معقول ده
ندخل مكتب النبطشي
ما نلقى ولا جنابو واحد
موجود
خلاص اتلميتوا وطلعتو فطور بره
ولا شنو الحاصل ؟
ذكرتونا ايام الزبط والربط
واللبس القيافة والدقة والمواعيد
والقشلين الملمع والزراير المصنفرة بالليمون والرملة
وقت البوليس بقولوا ليهو
بــولــيــس
والكلمة دي زي ما قال خالناسعادة الضابط العظيم علي صديق عليه الرحمة
هذه الكلمة اصبحت عربية وفي كل بلد ليها شخصيتها الاعتبارية
وعارف يالفاكي البوست بتاعك وقاعد تتحاوم تلم في المواد والصور
ناسنا واهلنل لي هسي بقولو البوليس
حضرنا ولم نجدكم
مواطن
محمد سنى دفع الله
الساعة 10و 10
من صباح اليوم
لتقديم بلاغ محبة
لحضرة بوليس السودان
مودتي ومحبتي الابدية

Post: #320
Title: Re: دفتر احوال ضابط الشرطة المناوب
Author: Ali Sirelkhatim
Date: 09-17-2008, 03:38 PM
Parent: #313

Quote: واخونا على سر الختم ما بحب مباراة الزى وزيك

وزى الطيب ( لانهم بجيبوا ليهو الهوا ) وقد تم تحذيرنا كمغبونين بالترفع عن سبب الاذى وتم

توجيهنا بتعليمات عليا شفاهيه خارج دفتر احوال الذكريات فقرض على الذكريات يا كرور وما تقلب

مواجعنا .

يا فارس موسى انا ما قاعد معاك هنا فى امريكاوبناكل فى حلاوة رغيف وبنشرب فى عصير البرتكان المركز هوا شنو البتجيبو لى؟ انت يا دفعة مكنتك خفت ولا شنو؟

Post: #316
Title: Re: دفتر احوال ضابط الشرطة المناوب
Author: omer osman
Date: 09-17-2008, 07:23 AM
Parent: #1

سعادة الفريق شرطة فنان / محمد السني دفع الله

ده كلتش كبير سعادتك تجي ماري وماتلقي ضابط واحد امسحنا لينا في وشنا سعادتك وكان اقدميتي كان بتساعد كان ختيتم كلهم في الايقاف الشديد.

بس بي اقدمية سودانيزاون لاين بضاير ليك ناس على سرالختم والتلب وعبده عوض ودفعتي عادل حمزة زي الماحصل حاجة الا سيادتو فارس موسي ده هنا برضوا

اقدم مننا.

على العموم شكرا سعادتك على المرور وبلاغ المحبة أو خلينا نقول ده بلاغ شروع في المحبة لحدي ماتلاقي الضباط الما منضبطبن ديل

Post: #317
Title: Re: دفتر احوال ضابط الشرطة المناوب
Author: محمد سنى دفع الله
Date: 09-17-2008, 08:31 AM
Parent: #316

خلاص سويتني
فريق
ليه
لواء ما عجباك دفعتي كلهم لوااااءت
ومحبتي نقصتها لي شروع في المحبة
الحمد لله ما سويتها محبة بي اهمال !!!
ههههههههيييي
كيفك عمر عثمان مالك صاحي لي هسي
عارف زمان لمن نمش نعرض مسرحياتنا
في المدن البعيدة
بكون موصننا على كم ضابط وكم دكتور
وكم دياشي
فأول ما نصل وننزل الاستراحة او مكان نزولنا
وقبل ما نفكر في البروفات بجونا اولاد الدفعة
وهاك يا عزومات في ميز الشرطة والاطباء والدياشة
والفرقة ماشاء الله كل واحد عندو ياصاحبو باقرا معاه
يا صاحب اخوه ياواحد من كبار المسعولين في البوليس ولا الحييكومة
بعرف ابوه يا اخوه يا ذومال..
المهم خلقنا علاقات زماله ما بتتنسي
ليكم محبتي وفرحان بي لمتكم
واصلوا تنفيذ الاوامر
واجمعوا هنا
للمحبة بي اهمال
والشروع في قتلننا بالمودة

Post: #318
Title: Re: دفتر احوال ضابط الشرطة المناوب
Author: Abdelhafiez Hassan
Date: 09-17-2008, 02:57 PM
Parent: #317

الاخوة الزملاء الأعزاء....
لكم كل الحب والود والتجلة...
وفعلا ده بوست جميل و خفيف الظل....

وتعليق الأخ الزميل عبده موضوعى ومفيد
ويعكس تصنيف راقى للبوستات...
وارجو أن يدعمه الزملاء الأعزاء!!!!!


Quote: ما تنسوا وأذكركم يا أخوانا بالبوست بتاع سعادتو عبدالحفيظ حسن عبدالحفيظ في منبر سودانيز أون لاين وهو متاح للجميع للكتابة عن حجم وأنواع الظلم الذي حاق بجسد قوة الشرطة والزملاء الأعزاء وكذا المواقف البطولية للكثيرين منهم .. وهو بوست رائع وجميل وجدير بمتابعتكم وينتظركم للمشاركة فيه بإبداء الرأي والمشورة بما يخدم قضيتنا والعمل على نصرتها بكافة السبل .. وإنت يا أسامة علي بالذات لديك فيه مشاركات إيجابية ونشطة وطلات حلوة وأنا على يقين بأنه لازال لديك الكثير فلا تحرمنا منه بالله .. ولنعمل على رفع هذا البوست وعدم إهماله وهجره بعد المشاركات والآراء الحلوة والقوية من الأخوة الزملاء .. ونحن في إنتظاركم جميعاً.. والله من مرواء القصد .. وعلي سر الختم دا بس خلوه للمهابشة ويضحكنا ويذكرنا بكل ما هو جميل ورائع ولا شنو يا فاس موسى .. ولكم كل الود والتحايا ..

Post: #319
Title: Re: دفتر احوال ضابط الشرطة المناوب
Author: Ali Sirelkhatim
Date: 09-17-2008, 03:21 PM
Parent: #317

Quote: خلاص سويتني
فريق
ليه
لواء ما عجباك دفعتي كلهم لوااااءت
ومحبتي نقصتها لي شروع في المحبة
الحمد لله ما سويتها محبة بي اهمال !!!
ههههههههيييي
كيفك عمر عثمان مالك صاحي لي هسي
عارف زمان لمن نمش نعرض مسرحياتنا
في المدن البعيدة
بكون موصننا على كم ضابط وكم دكتور
وكم دياشي
فأول ما نصل وننزل الاستراحة او مكان نزولنا
وقبل ما نفكر في البروفات بجونا اولاد الدفعة
وهاك يا عزومات في ميز الشرطة والاطباء والدياشة
والفرقة ماشاء الله كل واحد عندو ياصاحبو باقرا معاه
يا صاحب اخوه ياواحد من كبار المسعولين في البوليس ولا الحييكومة
بعرف ابوه يا اخوه يا ذومال..
المهم خلقنا علاقات زماله ما بتتنسي
ليكم محبتي وفرحان بي لمتكم
واصلوا تنفيذ الاوامر
واجمعوا هنا
للمحبة بي اهمال
والشروع في قتلننا بالمودة


الاستاذ الراقى العظيم اللواء محمد السنى دفع الله شخصيا
والله نورتنا وشرفتنا بمرورك واول مرة اشوف زول يدوه فريق ويقول لا عايز لواء .
اشكرك بشده على مرورك وتفقد الاحوال وبما انك لواء الان دا معناه لازم تمر وتتفقد الاحوال وتتحفنا بكلماتك وتعليقاتك الحلوة ايها الاستاذ ايها الفنان
ايها الرجل الانسان
ايها الرجل الانسان.
الف شكر وبالله عليك ماتنقطع

اخوك على سرالختم

Post: #321
Title: Re: دفتر احوال ضابط الشرطة المناوب
Author: Ali Sirelkhatim
Date: 09-17-2008, 04:46 PM
Parent: #319

الزملاء الاعزاء
عاطر التحايا .. أحاول منذ أمد أن أتسلل الي مقركم العامر ولكن ابيت أن أقطع سيل الصور ومداخلات أبناء الدفعة والتي لاشك في حلاوتها وعذوبتها بين أفراد الدفعة
دعوني أنتهز هذه السانحة وأهني الفريق الصديق : محمد حسن محمد ادريس بتعيينه مديرا عاما لشركة أواب لللاستثمار والتجارة وهي شركة تتبع للشرطة ... والصديق محمد حسن غني عن التعريف حيث عرفه الجميع مثالا للخلق القويم والمهنيه العاليه وانحيازه التام لهموم الشرطة والشرطيين وماأسباب احالته الا دليلا وبرهانا دامغا لوقفته المشهودة مع الزملاء بالمعاش جزاه الله عنهم خيرا ...... كان سعادته ضيف الشرف لافطار الدفعة السنوي يوم الاحد الماضي بفندق قصر الصداقه وكان لوجوده بيننا في ذلك اليوم الأثر الطيب في نفوسنا التي طالما حفظت له جمائله المتعددة منذ أن كنا طلبه بالكلية في بواكير عام 1981 وحتي تاريخ هذه اللحظات ... عرفناه ضابطا مستقيما ومربيا جليلا , له من الحزم والشدة مايقابلهما من الرقة والسلاسة ,كل في موضعه حسبما يتطلبه الظرف , لم يجد الظلم والحسد إلي نفسه سبيلا فكان محل إحترام وتقدير الكبير قبل الصغير ... ....قضينا معه عامين كاملين في الكلية وكانت هنالك من المواقف والطرائف التي يضيق هذا المجال لسردها ولكن أعدكم بالكثير منها في مقبلات الايام بأذن الله ... وأخيرا دعوني أهنيء بأسمكم جميعا سعادة الفريق محمد حسن محمد أدريس متمنيين له وجودا دائما بين قبيلة الشرطة التي سعد كثيرا بأنتمائه إليها وسعدت به
والي اللقاء
هشام ميز



Post: #322
Title: Re: دفتر احوال ضابط الشرطة المناوب
Author: Ali Sirelkhatim
Date: 09-17-2008, 05:15 PM
Parent: #321

وهذه الصورة مشاركة من الدفعة 47 الطالب شرطه أبوبكر عبدالرازق وتحيه خاصه للدفعه 52



Post: #323
Title: Re: دفتر احوال ضابط الشرطة المناوب
Author: Ali Sirelkhatim
Date: 09-17-2008, 07:48 PM
Parent: #322

الأخ /على سرالختم
والأخ/ فارس موسى
والأخ/ عبده عوض
والأخوه الزملاء
نأسف للسرد فى مداخلتى السابقه والذى جاء عرضا بذكرى الأخ الطيب
ولم أقصد تحويل مسار البوست... والله هو عاجبنى شديد بمساره الموجود
والتعليمات وصلت وستنفذ ..ولكم العتبى حتى ترضوا
الفنان المرهف /السنى دفع الله
والله نورت البوست .. وبالله عليك تقبل بى رتبة فريق دى
والله تكون أحسن تانى فريق فى السودان (بعد المريخ طبعا) وقبل الهلال
وكل بقية الفرق والفرقاء؟؟ ... وبالله ماتحرمنا من طلتك يوماتى
سعادتو هشام ميز
تحياتى الحاره .. وأنت دائما تمتعنا بالصور الجميله
وصوره حلوه لصديقى الساخر لحد البالغه التاج أحمد جمعه
تحياتى له.. وقد إلتقيته فى أغسطس الماضى وكان كالعهد به
ساخرا من كل شىء وممتعا فى كل حكاويه
أسامه على 54
التعديل اضافة اسم مرسل المداخلة.

Post: #324
Title: Re: دفتر احوال ضابط الشرطة المناوب
Author: فيصل عثمان الحسن
Date: 09-17-2008, 11:35 PM
Parent: #323

العزيز على سرالختم تحياتى يا صديق .
لم فينى على جويلى وشدانى ادارة داخلية وقال لى ما بتجى البوست الا يجى دفعتك هشام ميز , ودا تحيز للدفعة
غير مقبول , وبما أن العزيز جويلى سينيرى رديت على الاستيضاح بتاعو بمنتهى الأدب والكبكبة وكنت مفكر أوسط
الكمندان النور محمد النور , لكن الرجل وكعهدنا به تقبل اعتذارى , لك الحب يا جويلى ورمضان كريم
والتحايا موصولة للأحباب , النور محمد النور , رباح السر , فريد محمد أحمد الخليفة , والضابط الفحل عبد الرازق
سالم, وحافظ الأمين .
شايف الكمندان الفاتح كامل مشرف البوست , له التحايا وكثير الأشواق .

Post: #325
Title: Re: دفتر احوال ضابط الشرطة المناوب
Author: Ali Sirelkhatim
Date: 09-17-2008, 11:53 PM
Parent: #324

الاخ العزيز فيصل
كنت بتكلم مع هشام ميز اليوم وفى صور كتيرة جاية فى السكة لفطور دفعتكم بفندق قصر الصداقة ان شاء الله حاتشوف فيها الكثير من الاخوان البكون ليك سنين ما شفتهم.


اخوك على سرالختم


التعديل
فندق فصرالصداقة وليس الهلتون

Post: #326
Title: Re: دفتر احوال ضابط الشرطة المناوب
Author: محمد عبدالمنعم التلب
Date: 09-18-2008, 00:10 AM
Parent: #324

18/9 سعت 3:55(ص) بتوقيت السودان
اجبرتنى هذه الاسماء:
فيصل عثمان الحسن
عبد الرازق سالم
الفاتح كامل
على جويلى
رباح سر الختم
ان ادون هذا القيد بكل توقير واحترام لاشخاص عزيزه
علينا واخوان كرام ورجلا ذو مواقف اهم منى التحيه
وكل التقدير.
ومن كان لديه تلفون او اميل القمندان عبد الرازق سالم
ارجو ارساله على الاميل التالى كما ارجو التواصل مع
هذا العقد الفريد وغيرهم من الاخوه على نفس العنوان:
[email protected]

Post: #327
Title: Re: دفتر احوال ضابط الشرطة المناوب
Author: فيصل عثمان الحسن
Date: 09-18-2008, 00:38 AM
Parent: #324

الفى الصورة القاعدين حول الطربيزة , أقصى اليمين سعادة الفريق محمد الحسن محمد ادريس يمينه
العميد مشرف مأمون عباس , وثالثهم العميد عادل حسين بلال .
سعادة الفريق محمد الحسن ادريس الخرطومى الوسيم , قوى الشكيمة والعزيمة ابن الشرطة البار
هو أحد الذين تتلمذنا على أياديهم الكريمة , نحن طلبة الدفعة 47 وتعلمنا منهم معنى الصبر
وقوة الاحتمال والانضباط العالى , والانحياز التام لقيم العدل والحق , ليس بغريب على الرجل
أن يصطف مع المدير العام السابق فى انحياز لقضايا المعاشيين , ويضحى بالمنصب الرفيع , ليقينه
بأن الانسان القيادى بدون مواقف مشرفة لا يسوى خردلة , وليس بغريب على نظام الخرطوم أن يصيب
الشرطة فى أفضل بنيها , كما ظل يفعل لعقدين من الزمن ,مبروك المنصب الجديد يا مقبول وقطعا
موعودون بنجاحات مدوية كما عودتنا , لك الود وعالى التقدير والاحترام يا رجل يا كريم .
لفتة بارعة يا هشام أن يكون ضيف شرف افطار الدفعة رجل فى قامة سعادة الفريق محمد الحسن
رغم جنك البتعمل فيهو يا هشام لكنك دائما مصحصح , وبتعرف الاصول والوفاء للرجال الأفاضل
من تنوء أكتفنا بحمل جمائلهم .
يا مشرف مأمون فى حضرت الجنرالات الكبار يطيب الجلوس والاستماع , وليس التنظير كما أراك تفعل
انضبط شوية ياخى , انت يا مشرف وكت دخلت كلية الشرطة , ما قالوا ليك الألفاظ من شاكلة , أعتقد
وأفتكر وأرى بتعادل سب الدين عند أنصار السنة , وانت يا عادل أخوى شايف رمضان ما جاب معاك
أى نتيجة .
تحياتى لكل الأفاضل الدفعة 47 سائلا الله أن يجعل كل أيامكم محبة والفة , وكل رمضان وأنتم بألف خير
وعافية . بعدين ما شايف سعادة العميد ابتسام ولا سعادة العميد حليمة الجندى أتمنى أن تكونا بخير
وأرجو أن تبلغهما تحياتى يا هشام.

Post: #328
Title: Re: دفتر احوال ضابط الشرطة المناوب
Author: فيصل عثمان الحسن
Date: 09-18-2008, 01:01 AM
Parent: #327

الحبيب التلب تحياتى يا عزيز ورمضان كريم .
نحن قلنا تجينا خاشى بهوائية ولابس لبس خمسة وفى يدك الشمال صفارة
وفى يمينك عصا لمن عصى من المتدربين فى الحلقة , تجينا لابس كرفتة
اليك هاتف الصديق عبدالرازق سالم وهوكالآتى : 0016462624383
أرجو أن تبلغ تحياتى للصديق على الطويل وكل الأحباب طرفكم .
ويا ريت يا التلب يكون عندك هاتف للصديق أبو جديرى .

Post: #329
Title: Re: دفتر احوال ضابط الشرطة المناوب
Author: Ali Sirelkhatim
Date: 09-18-2008, 01:56 AM
Parent: #328

مكالمة تلفونية من الاخ حسن كفش الدفعة54 ويبلغ التحايا والاشواق لكل البوليس وبيقول ليكم رمضان كريم.

Post: #330
Title: Re: دفتر احوال ضابط الشرطة المناوب
Author: Abdelhafiez Hassan
Date: 09-18-2008, 11:09 AM
Parent: #329

الأخ العزيز كمال كرار.....
لك التحايا......


Quote: دفعتي من الشرطيين / تاج الدين خضر الجزولي، حسان إدريس، علي عبدالهادي، عمر رجب محمد، المرحوم/ حيدر أحمد العبيد، المرحوم/ صلاح برجل، محجوب الجاك، الأخ/ صلاح أحمد الحاج، دفعتي من الشرطيين / تاج الدين خضر الجزولي، حسان إدريس، علي عبدالهادي، عمر رجب محمد، المرحوم/ حيدر أحمد العبيد، المرحوم/ صلاح برجل، محجوب الجاك، الأخ/ صلاح أحمد الحاج،


و أنا نسيتنى مالك!!!
و الا عشان ما قريت معاكم
فى بحرى!!!!!!

Post: #331
Title: Re: دفتر احوال ضابط الشرطة المناوب
Author: Kamal Karrar
Date: 09-18-2008, 01:04 PM
Parent: #330

Quote: و أنا نسيتنى مالك!!!
و الا عشان ما قريت معاكم
فى بحرى!!!!!!


والله يا سعادة القمندان ..دي أنا أستاهل فيها حبس قشلاق

أو كركون عدييييييل كده

بس السني دفع الله حق تجردوه من الرتبة...لأنو قال تلميع القشلين!!!

القشلين ده بليمعوه كيف؟؟؟!!!!.. اللطاش ممكن لأنو فيه أبزين.. نحاسي لكن القشلين ده مش من الصوف؟؟؟

ولا مصطلحات الكديت مختلفة؟؟؟

غايتو يا عبدالحفيظ سامحنا... أو أدينا طابور ذنب بلبس 3...

Post: #332
Title: Re: دفتر احوال ضابط الشرطة المناوب
Author: محمد سنى دفع الله
Date: 09-18-2008, 01:36 PM
Parent: #331

يا جماعة لمن طالبت مساواتي بي دفعتي
البقو لواءات
انا ما بحب القفز بالزانة
لكن طالما عملتونا فريق انشاءالله نترقي
في العام ده لي مشير
يا كمال كرار
اجردوني حتة واحدة
جنس حسادة وهومتين خشينا واترقينا
وده كلوا في غلطة بسيطة
ما ميزنا بين الإشلاق والكرشلين والقشلين
انا قاصد الحزام ابو ابزين وحديدة نحاس
فبدل تجردني ..
اديني حبس اشلاق ولا جزا حار ولا انقلني لي مناطق الشدة
لكن تجردني
التجريدة التجردك
من الوراك وقدامك
يا كمال كرار
قلت لي من بحري
كان ما اكلم ليك
اولاد بحري
مش بتاعين الغنية
القالوا بتحبو
لاالتانيين القالوا
بدقوا
تجردني انا
انتظر لمن اجي سيد البوست

Post: #333
Title: Re: دفتر احوال ضابط الشرطة المناوب
Author: Kamal Karrar
Date: 09-18-2008, 01:48 PM
Parent: #332

Quote: يا كمال كرار
اجردوني حتة واحدة
جنس حسادة وهومتين خشينا واترقينا
وده كلوا في غلطة بسيطة
ما ميزنا بين الإشلاق والكرشلين والقشلين
انا قاصد الحزام ابو ابزين وحديدة نحاس
فبدل تجردني ..
اديني حبس اشلاق ولا جزا حار ولا انقلني لي مناطق الشدة
لكن تجردني
التجريدة التجردك
من الوراك وقدامك


لوووووووووووول ياالسني...

أخير أنا ملكي زيك... كلامي في الهواء ساكت.. لكن العساكر.. راقدين ليك بيها.. غايتو غلطة زي دي أقل جزاء فيها.. نقلية ل "صقع الجمل".. كده أرجى الراجيك..وشوف الجماعة حيدفنو ليك كيف!!! يا أخي حد يلخبط بين القشلين والقمر دين؟!!!

Post: #334
Title: Re: دفتر احوال ضابط الشرطة المناوب
Author: Ali Sirelkhatim
Date: 09-18-2008, 02:08 PM
Parent: #332

السيد الفريق محمد السنى
السيد الفريق ود السر كرار

يا اخواننا كدى باركوهاوبعدين يا ود السر كرار بس ذكرتنى قصة المرحومةالاستاذة عشة الفلاتية مع المرحوم الاستاذ ابراهيم الكاشف. { انت هسه ود السنى ده سالوك منه؟

لكم تحياتى حبى وتقديرى يا جيل البطولات.

اخوكم على سرالختم

Post: #335
Title: Re: دفتر احوال ضابط الشرطة المناوب
Author: محمد سنى دفع الله
Date: 09-18-2008, 02:23 PM
Parent: #334

قلت لي كيف
يا كمال كرار
طلعت ملكي زينا
ربنا اديك
واغطيك واعليك فوق المابيك
وسعادتو علي اديك العافية
قلنا ندخل ونبارك
ونسأل من احبابنا
الفي البوليس
طوالي دخلو لينا بالتجريدة
ولابدين لينا في القش
بالله الدنيا رمضان
فك لينا المشكلى دي
وبنرفع العلم الابيض
هدنة
وبجيكم بكرة لي احبابنا
نسأل منهم
وليكم كل المودةوالمحبة

Post: #336
Title: Re: دفتر احوال ضابط الشرطة المناوب
Author: Ali Sirelkhatim
Date: 09-18-2008, 03:03 PM
Parent: #335

Quote: قلت لي كيف
يا كمال كرار
طلعت ملكي زينا
ربنا اديك
واغطيك واعليك فوق المابيك
وسعادتو علي اديك العافية
قلنا ندخل ونبارك
ونسأل من احبابنا
الفي البوليس
طوالي دخلو لينا بالتجريدة
ولابدين لينا في القش
بالله الدنيا رمضان
فك لينا المشكلى دي
وبنرفع العلم الابيض
هدنة
وبجيكم بكرة لي احبابنا
نسأل منهم
وليكم كل المودةوالمحبة

ونحن فى الانتظار يا استاذ.

Post: #337
Title: Re: دفتر احوال ضابط الشرطة المناوب
Author: Ali Sirelkhatim
Date: 09-18-2008, 07:15 PM
Parent: #336

تحية كاربة ليك و لكل بوليس السودان و ما ننسى كمان ضيوفك الكرام000000000
مرورى متفقدا الاحوال ومبسوط جدا للمة دى رغم انو ما مكتملة ولن تكتمل
الا بمشاركة الجميع و من هنا اناشد كل بوليس السودان بالمشاركة والمرور
على مكتب الضابط المناوب و كتابة سطر سطرين على دفتر الاحوال و يا حبذا
لومدعومة بالصور حتى نستعيد ذكريات الزمن الجميل ولا يفوتنى هنا ان اتقدم
بالشكر لكل المشاركين فى هذا البوست وفى بوست السيد الكمندان عبدالحفيظ و
دمتم فى حفظ الله و رعايته00000000000000000000000000000000

اخوكم
نقيب(م)محمد اسماعيل محمد فضل
دفعة 54

Post: #338
Title: Re: دفتر احوال ضابط الشرطة المناوب
Author: Ali Sirelkhatim
Date: 09-18-2008, 08:29 PM
Parent: #337

الاخ / علي سر الختم
مروري متفقدا أحوالكم وهي تشير الي الهدوء الذي يعكر صفوة ناس فارس موسي والبقية معروفه لدي الجميع , , وكمان شايف دخل عليكم هشام ميز وده اعملو حسابكم منو بتاع هواء وممكن يقوم في اي لحظه وأسال مجرب .
حقيقه انا في غاية السعادة بهذه الصفحه وانا سوف اعمل علي نشرها للجميع .... عموما دي اول رسالة لكم ارجو ان تكونوا بخير والتحايا لكل من راسلكم من الأخوة الضباط العاملين وبالمعاش وتحية خاصه للقموندان عبدالحفيظ حسن عبدالحفيظ ... نرجو ان نستمر في مراسلتكم .... وشكرا
عبدالرحيم عثمان - القرد

Post: #339
Title: Re: دفتر احوال ضابط الشرطة المناوب
Author: Ali Sirelkhatim
Date: 09-18-2008, 10:49 PM
Parent: #338




Post: #340
Title: Re: دفتر احوال ضابط الشرطة المناوب
Author: Ali Sirelkhatim
Date: 09-18-2008, 11:02 PM
Parent: #339

يا عبده عوض الرجال الكبار الفى الصورة دى اوع تقول ناس جايين لى عقد ولا حاجة... ديل دفعتك



Post: #341
Title: Re: دفتر احوال ضابط الشرطة المناوب
Author: Ali Sirelkhatim
Date: 09-18-2008, 11:08 PM
Parent: #340




Post: #342
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 01:17 AM
Parent: #341

مشاهد من افطار الدفعة 47 بفندق قصر الصداقة



Post: #343
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 01:19 AM
Parent: #342




Post: #344
Title: Re: دفتر احوال ضابط الشرطة المناوب
Author: Dr. Moiz Bakhiet
Date: 09-19-2008, 02:02 AM
Parent: #343

تحية وتجلة واحترام لكل ضباط الشرطة الشرفاء

واحترام عظيم لكل من طالهم غدر الزمن والنظام الذي أحال رجالاً عظماء لصالحه الخاص

ورحم الله أخي وابن خالي الغالي العميد مكي عثمان مكي أزرق

الذي رحل بحسرته على ما تعرض له من ظلم ممن لا يخافون الله

ويحكمون باسم شريعته

..

سلام ومحبة لك ايها الحبيب علي سر الختم

ولكل ضيوفك الأحباء

Post: #345
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 02:52 AM
Parent: #344

السيد البروف المعز
اولا نسال الله الرحمة والمغفرة للسيد العميد مكى عثمان مكى.
واشكر لك مرورك
والله انه لشرف عظيم لنا
شرف لكل من يمشى على وجه البسيطة ان ينال بضعة احرف من يراعك المرهف الاخاذ لما بين الثنابا والضلوع.
لك حبى واحترامى اخى المعز.

حفظكم الله

على سرالختم

Post: #346
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 02:54 AM
Parent: #345

بسم الله الرحمن الرحيم.
الإخوة الزملاء لكم خالص التحايا .يا على السر أثنى إنه ياسر يلم قروش الإشتراك السنوى وزى ما قال فارس موسى أنا ببنى وفى مرحلة التشطيب وهى إسم على مسمى .
الأخ عبدالرحيم القرد مرحب بيك إنت فكوك كيف فى رمضان ما قالوا بمسكوكم .
تحية للأخ عمر محمد أحمد وحمدلله على السلامة وشكرا للأخ التلب على المعلومة .
وين أخونا أمير برتق مشتاقين ورمضان كريم .
التلب صور الفطور جميلة لكن نصها الدفعة 52 ونصها مواليد 52 الحاصل شنو .وأخيرا تحياتى للجميع .
نقيب معاش ياسر عبدالكريم ------ ومشيناها خطا

Post: #347
Title: Re: دفتر احوال ضابط الشرطة المناوب
Author: عبده عوض
Date: 09-19-2008, 08:41 AM
Parent: #346

- مروري متفقداً الأحوال ..
- بداية .. الف مرحب بالكومندانات الأساتذة الكبار محمد السني وكمال كرار ود. المعز يخيت.. والله منورين البوست وكل وحدات الشرطة،، وشرفتونا بوجودكم معنا وأينما حللتمم ياصفوة بطعم الحلو .. فقد أضفتم لنا بعداًًً آخرا ًرائعاً ..
- إفطارات الدفعة 52 والدفعة 47 .. يا سلام على كل ما هو رائع وجميل .. رجعتونا لزمن جميل ياكمومندات ويا دفعة .. ربنا يحفظكم جميعاً ويجمع بينكم في كل ما هو جميل ورائع .. وكل سنة وأنتم طيبون ..
- التحية للأخوان هشام ميز وعبدالرحيم القرد وياسر ومحمد يوسف .. وأتمنى المواصلة .. ويا محمد إسماعيل إنت دفعتك ديل ما صايمين ولا شنو .. خلاص أعملوا ليكم إفطار جماعي مع أمين نور الدائم وخالد موسى وأبوكساوي .. بس أوعى ترسل لينا صورة أمين نور الدائم دا حرصاً على إستمرار البوست ومشاركة الناس فيهو !! ويالقرد سلام وتحية خاصة .. أحي فيك أول مشاركة من مرابطي الداخل في الخدمة .. يالله يالبقة شدو حيلكم معانا وبطلوا الكنكشة والخندقة .. وماعاوزين اللعب يكون بس هجمات مرتدة وضربات جزاء في آخر الدقائق ولاّ شنو يا علي الطويل والنذير وآدم ( مليط !!) وصلاح ( سنجة!!) والبقية.. وبالمناسبة مسعولين عن الخير .. وين بدرالدين عطا الكارثة يالتلب .. عرفت إنو متخندق في سنار .. ياربي يكون لسة قاطعين كهرباء وإنترنت وموية و.. و.. !! طبعاً أنا عارفو لما يصوم بكون حالتو كيف .. صاحبي وأنا بعرفو كويس!! وأرجو أن تبلغوا تحياتي للأخ العزيز الدفعة عمر محمد أحمد وألف سلامة ليك يا صديقي العزيز وشنو حكاية العيون دي .. دا كلو من الوقوف الكثير في الشوارع والتقاطعات المرورية .. ولا الكبر حصل يا دفعة !!!
- وينكم يا أسامة علي وعمر محمد عثمان .. والبقية ..
- أذكركم ببوست سعادة العقيد عبدالحفيظ حسن عبدالحفيظ .. وما تودره وتودروا معاه القضية الكبرى !!
- ولكم جميعاً كل الود والشوق والتحايا ..
رائد ( م ) عبدالله عوض

Post: #348
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 10:10 AM
Parent: #347

Quote: بسم الله الرحمن الرحيم.
الإخوة الزملاء لكم خالص التحايا .يا على السر أثنى إنه ياسر يلم قروش الإشتراك السنوى وزى ما قال فارس موسى أنا ببنى وفى مرحلة التشطيب وهى إسم على مسمى .
الأخ عبدالرحيم القرد مرحب بيك إنت فكوك كيف فى رمضان ما قالوا بمسكوكم .
تحية للأخ عمر محمد أحمد وحمدلله على السلامة وشكرا للأخ التلب على المعلومة .
وين أخونا أمير برتق مشتاقين ورمضان كريم .
التلب صور الفطور جميلة لكن نصها الدفعة 52 ونصها مواليد 52 الحاصل شنو .وأخيرا تحياتى للجميع .
نقيب معاش ياسر عبدالكريم ------ ومشيناها خطا

Abdalrhim Osman to me
show details 4:36 AM (1 hour ago) Reply


ياعلى سرالختم صباح الخير
تحياتي لكل الاخوان بامريكا . وتحية خاصة للأخ /ياسر عبدالكريم وبعدين منو القال ليك ياسر ما قعد يبني لعلمك ياسر قاعد يشطب ويا دوب محتاج للقروش أنا ارفض تسليمه القروش وأديك رقم حسابي رسلوها فيه ـوبعدين يا ياسر شواطين السودان ربطوهم زمان والشواطين الآن بأمريكا وبعدين في واحد فيهم جبتو لينا السودان "ميز " لكن ربطناه والآن بنشر في الدعوة المسيحية وفي واحد برضو جانا من كينيا أسمه ايمن الامين برضو ماسكنو عموما الكلام كتير لكن الدنيا رمضان ما قادرين نتكلم وخلينا للفطر ؛ تحياتي .

Post: #349
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 10:25 AM
Parent: #348

نواصل المشاهد من افطار الدفعة 47






Post: #350
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 10:26 AM
Parent: #349




Post: #351
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 10:27 AM
Parent: #350




Post: #538
Title: Re: دفتر احوال ضابط الشرطة المناوب
Author: Ali Sirelkhatim
Date: 10-27-2008, 03:07 AM
Parent: #349




Post: #352
Title: Re: دفتر احوال ضابط الشرطة المناوب
Author: Kamal Karrar
Date: 09-19-2008, 10:41 AM
Parent: #1

يا سعادة/ علي سر الختم...

خليني برضو أسلم علي شخصين .. يمكن بيقروا البوست ده.. وهما:

نجيب مبارك مساعد (دفعة)

عكرمة الشيخ أدريس

والأثنين أولاد خالات...

ما عارف أرقمام دفعتهم.. لكن نجيب بدري شوية.. يعني ناس دفعتو الأستمروا أصبحوا فرقاء...

أها لقيتني كيف؟ مش شحذت ذاكرتكم قدر ما أقدر

Post: #353
Title: Re: دفتر احوال ضابط الشرطة المناوب
Author: Abdelhafiez Hassan
Date: 09-19-2008, 01:23 PM
Parent: #352

العزيز كمال كرار....

Quote: نجيب مبارك مساعد (دفعة)


نجيب مبارك مساعد....دفعتنا....يعنى الدفعة 35...
نفس دفعة ناس تاج الين خضر...عمر رجب...كمال محمدين
محجوب الجاك....على عبدالهادى...وبقية العقد الفريد
الدين دكرتهم فى مداخلاتك السابقة!!!!!!

Post: #354
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 02:00 PM
Parent: #353

Quote: يا سعادة/ علي سر الختم...

خليني برضو أسلم علي شخصين .. يمكن بيقروا البوست ده.. وهما:

نجيب مبارك مساعد (دفعة)

عكرمة الشيخ أدريس

والأثنين أولاد خالات...

ما عارف أرقمام دفعتهم.. لكن نجيب بدري شوية.. يعني ناس دفعتو الأستمروا أصبحوا فرقاء...

أها لقيتني كيف؟ مش شحذت ذاكرتكم قدر ما أقدر

العزيز ود السر كرار
والله لقيناك فريق ونص وخمسة.

Post: #355
Title: Re: دفتر احوال ضابط الشرطة المناوب
Author: Ali Sirelkhatim
Date: 09-19-2008, 09:06 PM
Parent: #354

عبدالرحيم عثمان النور/ على سرالختم/ حامد عبد الكريم/ عمر صديق على نميرى



Post: #356
Title: Re: دفتر احوال ضابط الشرطة المناوب
Author: محمد عبدالمنعم التلب
Date: 09-19-2008, 10:08 PM
Parent: #355

20/9 سعت (1:05) ص
الصوره اعلاه الساعه 2 صباحا فى العام86 قبل تمام التحرك
للدروه لضرب النار النهائى قبل التخرج والشتاء كان شتاء
يلاحظ ذلك من فنلات البرد والكلام ده كان شهر 12

Post: #357
Title: Re: دفتر احوال ضابط الشرطة المناوب
Author: Ali Sirelkhatim
Date: 09-20-2008, 08:33 AM
Parent: #356

هنا حيث تنزل الثلوج
مسبوقة بفصل تتغير فيه الوان اوراق الاشجارمن الاخضر
الى الاحمر والاصفر
ثم تبدء فى التساقط..
تبقى الافرع متشبثة بالشجرة الام
الى ان تقترب الشمس ...
وتذيب بضوئهاالثلوج ا لمتراكمة من فصل الشتاء
ويتمخض عن ذلك سماع خرير المياه وهى تجرى قى جداول الحب..
ويعود الربيع..
ويعود الربيع..
وتعود العصافير والطيور المهاجرة..
وتعود الحياة..

على سرالختم
روشستر,نيويورك
سبتمبر20 2008
الساعة 04:30 صباحا


Post: #358
Title: Re: دفتر احوال ضابط الشرطة المناوب
Author: Ali Sirelkhatim
Date: 09-20-2008, 04:51 PM
Parent: #357

12:15 PM (41 minutes ago)





الطيب عثمان يوسف




.القيد رقم : 1/
* سيد على
السلام عليكم ورحمة الله وبركاته، وربنا يجعلنا وإياكم من عتقاء هذا الشهر المبارك كى تتبدد مقولة ( إبراهيم أكيج ) إبليس والبوليس ثابت والباقي انصراف

** سيد على
لك كل الود والتقدير على افتتاحك لدفتر الأحوال وكما تذكر كانت فكرته وليد ابوظبى عندما سألتك عن دفتر أحوال رحلة بور سودان وقلت لي انو مع التلب وقلت مع التلب معناها موجود ( التلب بالله عليك لو معاك الدفتر ده طلعو لينا )

** يأتي مروري لتفقد الأحوال متأخرا كالعادة من زمن التمام .
** التحية والتجلة لكل افراد وضابط الشرطه فى كل انحاء العالم ( ما عدا ناس غوانتنامو )
** تحية خاصة اخص بها كل أسر رفاقى الذين طالتهم يد المنون .
** تحية عطره لكل رفاقى و رفيقاتى فى (52) .
** تحية حلوه لكل الذين عملت معهم من أفراد وضباط الشرطة السودانية
** أحلى التحايا لكل الذين يذكروننى بالخير والشر و الذين يسألون عنى دوما .
** تحية رمضانية خاصة لكل أسرة سودانيزاونلاين

*** القيد رقم : 2/
سيظل رفيق حياتى معى وسنظل معا ما حييت ، لذا سيكون مرورى فى دفتر الأحوال بإسم ( طارق والطيب )
** برنامجى للقيود التاليه كالآتى :
القيد رقم : 3/ ملامح عن علاقتى بالمرحوم طارق محمد أحمد وأشياء لا يعلمها الكثيرين ، القيد رقم : 4/ أسماء فى سماء الشرطه السودانية . القيد رقم : 4/ البطل الملازم أول ألور أروب كوال ، القيد رقم : 5/ يا ناس (52) هل تصدقوا

** فانتظروا مرورى القادم .
** عمر محمد عثمان : ذلك الرائع الهمام
** التلب لك كل الود والاحترام
** الطيب بشير ياغايب عن العين انت وين ، الله يطراك بالخيرويذكرك فيمن عنده
** فارس موسى : غزال رمال بلادى الحبيبه
** هاجر عوض : لك كل الود والتحايا انتى واسرتك وعبد الواحد
** بدر الدين عطا : أعتقد أن الكل فى إنتظارك
****** نداء صاااااااااااارخ أرجو من كل الاخوه التكرم بمدنا بكل الصور التى بحوزتهم لما لها من سحر المفعول .
** الى القاء

الطيب عثمان يوسف

_______________________________________________________________

Post: #359
Title: Re: دفتر احوال ضابط الشرطة المناوب
Author: Ali Sirelkhatim
Date: 09-20-2008, 08:17 PM
Parent: #358

احمد البدوى/هاجر عوض/الطيب عثمان يوسف/بدرالدين عطا



Post: #360
Title: Re: دفتر احوال ضابط الشرطة المناوب
Author: Ali Sirelkhatim
Date: 09-21-2008, 03:47 AM
Parent: #359

بسم الله الرحمن الرحيم.
يا سلام وما معقول أخيرا أخونا الطيب عثمان يوسف خرج من معبده بعد طول إعتكاف والله مشتاقين والتحية لى أفراد أسرتك الكريمة أنا كان قابلت الوالدة وأختك قبل فترة فى فيرجينيا وعرفت أختك بالشبه بس .
أخوناعبدالرحيم القرد شوقنا بحر ورمضان قرب إنتهى حضر البيلية وكلم بدر الدين وبلة الغائب .
يا الطيب أ حكى لينا الكسر يدك شنو فى الصورة.
سلام للجمي و-----------------مشيناها خطا .
نقيب م ياسرعبدالكريم محمد

Post: #361
Title: Re: دفتر احوال ضابط الشرطة المناوب
Author: omer osman
Date: 09-21-2008, 04:42 AM
Parent: #1

سيادتو الطيب عثمان يوسف شرفت المنبر والمنابر المجاورة.

الطيب لمن لايعرفه ولاأظن ان هناك من لايعرفه (بوليس زي ماكتاب اشغال الشرطة العملية قال) بس عندوا عيب واحد انو هلالابي نسأل الله ان يهديه.

الاخ الطيب سيظل طارق محمد احمد فينا مدي الدهر وهو خير من يطبق الحديث الشريف تبسمك في وجه اخيك صدقة اللهم اغفر له وارحمه وعوضه عن شبابه الجنة.

سلامي لكل بواليس ابوظبي.

Post: #362
Title: Re: دفتر احوال ضابط الشرطة المناوب
Author: مكي ابراهيم مكي
Date: 09-21-2008, 04:58 AM
Parent: #361

up

Post: #364
Title: Re: دفتر احوال ضابط الشرطة المناوب
Author: Ali Sirelkhatim
Date: 09-21-2008, 02:19 PM
Parent: #362

Quote: الاخوة الاعزاء
الرجاء المرور وكتابة قيد بدفتر الحوال
الغرض ان نكون على اتصال ببعضنا البعض
من ليس لديه pass word بامكانه ارسال القيد عبر البريد الالكترونى الاتى
[email protected]
الشكر موصول للجميع


السيد/مكى ابراهيم مكى
هذاالبوست الغرض منه اجتماعى فقط ويهدف الى الترابط بين الاخوة ضباط الشرطة
الرجاء حذف هذا الفيديو عن معسكر كلمة اذ ان هذا البوست ليس المكان المناسب له.
ان كانت لديك مشاركة فى سياق مجرى البوست فمبرحبا بك ضيفا معنا.

على سرالختم
























Post: #363
Title: Re: دفتر احوال ضابط الشرطة المناوب
Author: فارس موسى
Date: 09-21-2008, 05:48 AM
Parent: #1

Quote: ** فانتظروا مرورى القادم .


عييييييييييييييييييييييك

الطيب عثمان يوسف ذات نفسو شخشيا !! إزيك يا دفعه مشتاقون جدا ورمضان كريم وتحياتى عبرك لاسرتك والزملاء طرفكم .

تعازى الحاره والصادقه فى فقدنا جميعا الراحل المقيم بروحه السمحه الممراحه ركازة دفعتنا ومرقها الإجتماعى وفى الليلة الظلماء يفتقد طارق محمد احمد

الف رحمه ونور تنزل على روحه الطيبه وقبره الذى ندعو رب العرش ان يجعله روضه من رياض الجنه ويلهمنا الصبر والسلوان .

سعيد جدا بطلتك واملى كبير فى تكرار مروركم وأعمل حسابك دفتر احوال على دا للتداعى والذكريات فقط !! الدواس فى بوست سيد عبد الحفيظ يمكنك مكاتبته على

بريده الإلكترونى وهو بدوره سينشر شهادتكم على جراحات الشرطه الغائره فى جسدها حتى راهننا .

يا ناس جوه سنلتزم جانب الإنضباط والتقيد بهدف البوست التواصلى النبيل ورجاءنا اخبار الدفعه ، ود العطا الكارثه بله حسب الظروف شرحو وبكرنجه

ووين ناس قنوب الوادى يا تلب ريتشارد ، صمويل تعبان انقويا ، نجاك سيشود داك ووين لنتينو فلانتينو وانى الزول دا حى ؟

طارق الرشيد وعبدالله محمد طه وابا عبد الكريم (الراجل ) وين حلنقى ووين مصطفى همد ؟

يالطيب قابلت والدتنا ساره قبل اسبوعين وعلمت منها بإنجاز إبن الشرطه الجراح ياسر عثمان يوسف وكم سعدت بإنجازاته ارجو ان تبلغه تحياتى وتهانى الحاره

واملى كبير فى ان تترك نون كسلها وتوثق لتجربته عبر هذا المنبر خاصة والوالده قد احضرت كل ما كتبته الصحافه السودانيه وفخره بإنتمائه لاسره شرطيه

ونحن نفخر به ايضا . ودعواتى له بالتوفيق والسداد ومزيدا من النجاحات .

وكل سنه وإنت طيب .

Post: #365
Title: Re: دفتر احوال ضابط الشرطة المناوب
Author: محمد عبدالمنعم التلب
Date: 09-21-2008, 09:45 PM
Parent: #363

22/9 سعت 12:45 ص بتوقيت السودان
لقيتكم نايمين قلتا اشبل الدفتر واجرى زى ماكنا
بنعمل مع المناوبين فى المرور. اعملوا حسابكم
الفتر دا ان جبته راجع من قعر الصفحه الثانيه
ماشى على الثالثه يدكم معانا

Post: #366
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 00:55 AM
Parent: #365

الطيب عثمان يوسف to me
show details 3:21 PM (5 hours ago) Reply




* ( طارق والطيب ) ادون مرورى متفقدا الأحوال على عجل .
* ياسر عبد الكريم : مشتاقين جدا آخر مره التقينا كانت فى الرئاسه على ما أعتقد ، المرحوم طارق وانت وانا ، اتمنى ان نلتقى مجددا فى اقرب وقت .
* فارس الفارس : آخر مره التقينا كنا بنتمشى فى حلتكم اشلاق ام درمان يومك المسافر فيه لامريكا اول مره ، المرحوم طارق وانت وانا ( يا حليل طارق ويا حليل الاشلاق ويا حليل السودان كلو) الجماعه وصلو لغاية القسم الأوسط ام درمان و الجبخانه مدوره نهارا جهارا و ناس (عباس ) قالوا متابعين من قبل تلاته ايام . مبروك ......... لى عوده يا فارس .
** اقتراح جاد جدا ..... اقترح ان نضم الأخ عمر محمد عثمان للدفعه (52) وسيتم التصويت خلال اول اجتماع للجمعيه العموميه للدفعه وللعلم التصويت مش لضم الاخ عمر لأنو الموضوع ده منتهى التصويت حيكون لأخلاء اربعه خانات حيملأها الاخ عمر محمد عثمان وحتكون الدفعه (56) نقصت فصيله كامله . ارجو من الاخوه فى (52) كل واحد يجهز قائمه بالأسماء الأربعه ، انا ما قلت اميره بابكر ولا جبت سيرة البحر ولا حاجه .
الاقتراح ده انا متأكد انو أول حاجه مثنى من بنات دفعتنا كلهمن وأولهن فتحيه عبدالرحمن ( عمر خلى عندك انضباط ما تسرح لأنو حتكون فى ذيل الدفعه ) ومثنى من فارس موسى وياسر عبد الكريم اكيد حيقول لى ( قو اهد) و التلب جهز 8 بدل 4 على السر موافق اوتوماتكلى ...... لى عوده
*** الأخ ايمن الأمين ( قدها وقدود ) مبروك وتستاهل ومثلت (52) خير تمثيل . فرحت ليك من قلبى .
*** عبده عوض .... عبد الرحيم سيد فقيرى ...... مصطفى همد..... عبد الماجد تاج السر ..... يس عبد القادر .... وليد احمد مدنى ..... بدر الدين عطا .....محمد ماهر ..... بابكر عبد الله .....عثمان منصور ..... فتحيه ..مريم .....هاجر ..... الطيب .... ( ترجل الفارس) ..... لى عوده فى القيد الثالث ...

*** عنوانى ( [email protected] )
* مغادرتى
الطيب عثمان يوسف

Post: #367
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 01:41 AM
Parent: #366

الاخ العزيز/على سرالختم
بكل الود والترحاب احى جهدكم المقدر بلم شمل زملائنا ضباط الشرطة. وعبركم احى كل زملائناالمناضلين بالداخل والخارج وفى مقدمتهم ذلك المقدام الذى مالبس شاهرا سيفه من الداخل بشجاعة وثبات من اجل احقاق الحق اخى سعادة العقيد عبد الحفيظ حفظه الله. واخى المغوار فيصل عثمان وفارس موسى والزملاء الاجلاء التلب وعبده عوض عبدالمطلب وعادل عبد الحميد والف مبروك العضوية. واخص فى هذه العجالةدفعتى من بوليس الزمن الجميل اخى الفاتح كامل صاحب الابتسامة العريضة والذى لايخلو من النكتة والطرفة.

مرة كنا نايمين فى الحوش برة فى ميز الحركة انا والاخ الحاج جبارةالله وبعدين صحيت الصباح لقيت لا الحاج لا سريره مافيشين. الله الحاصل شنو يا اخوانا فتشت غرف الميز كلها ولا اثر للحاج جبارة ولا سريره. ومشيت على البوابة بتاعت الميز والقى ليك الحاج نايم فى سريره والعربات ماشة فى الشارع الرئيسى قدام الميز فصحيته قام صحى كده وعاين كده واتلفت شاف العربات ماشة جنب الباب والجماعة الشالوه بى سريره وختوه جنب الباب وهو نايم برضو دخـلوا ليه سفنجاتو فى الجيبين بتاعة الجلابية وكنا محتارين ده منو العمل العملية دى واتضح لاحقا انو ديل كانو الملازم اول الفاتح كامل والملازم اول صلاح سبيل هم الشالو الرائد الحاج جبارة وختوه بى سريره فى باب الميز وكان ثلاثتهم يعملوا بالجوازات وقتها {الجنسية}.

اخوكم النقيب معاش /على جويلى {الدفعة 46 }

Post: #368
Title: Re: دفتر احوال ضابط الشرطة المناوب
Author: Adil Hamza
Date: 09-22-2008, 01:56 AM
Parent: #367

مروري متفقدا الاحوال و هى هادئه
صور افطار رمضان للدفعة 47 و الدفعة 52
جميلة جدا بس ما عارف ناس دفعتى ما صايمين و الا شنو

الاخ على يوم الجمعة الماضى اتصلت تلفونيا على
الخال العميد م على سرالختم الدفعة 32 و أخطرنى
بانه متابع هذا البوست و كذلك بوست السيد العقيد
عبدالحفيظ بتاع المحالين للصالح العام و اخطرنى
بان ابلغكم تحياته انت و العقيد عبالحفيظ و كل
الزملاء المشاركين

رائد م عادل عبدالحميد

Post: #370
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 12:03 PM
Parent: #368

Quote: الاخ على يوم الجمعة الماضى اتصلت تلفونيا على
الخال العميد م على سرالختم الدفعة 32 و أخطرنى
بانه متابع هذا البوست و كذلك بوست السيد العقيد
عبدالحفيظ بتاع المحالين للصالح العام و اخطرنى
بان ابلغكم تحياته انت و العقيد عبالحفيظ و كل
الزملاء المشاركين


الف تحية لسعادة العميد على سرالختم

وطبعا تشابه الاسامى يا سعادتك جهه جهه البوليس جهجهه شديدة
فى ناس كتار بيضربو لى تلفونات وبتونس كده وطبعا المعارف محور الونسةكلهم بوليس مما يزيد الجهجهه وتجى لحظة كده يكون فى سؤال او حاجة كده ما بعرفها الا على سرالختم بتاع الدفعة 32 حتى بعداك نبقى فى ياجنابو انت قاصد على سرالختم ياتو.
عاشت الاسامى ياسعادتك
ولى عظيم الشرف بالانتماء لبوليس الزمن الجميل.
ورمضان كريم

اخوك على سرالختم {الدفعة52}

Post: #369
Title: Re: دفتر احوال ضابط الشرطة المناوب
Author: Khalid Kodi
Date: 09-22-2008, 02:52 AM
Parent: #1

أخونا الزمااان على سر الختم،

ياأخى إنته متين جيت هنا؟

الواحد مايغيب من المنبر ده ولاشنو؟

عموما سلامات ومرحب بيك لغاية مانلاقيك فى مظاهره "نفلعكم" بى بمبابكم المضروب.

Post: #371
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 12:12 PM
Parent: #369

استاذنا الفنان الرائع/ خالد كودى

والله مشتاقين ومنور البوست
وينك يا راجل ياعظيم
اخر عهدى بيك كنت محاضرا فى الجامعة فى بوسطن
اتمنى انك تكون بخير وكله تمام

رمضان كريم وكل سنة وانت طيب

اخوك
على سرالختم

5854780220

Post: #372
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 04:45 PM
Parent: #371

الاخ بينسة وفى رواية اخرى طيارة



Post: #373
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 05:05 PM
Parent: #372

أسامه على.. دفعه 54
مرورى متفقدا الأحوال
مرحبا بالأخت هاجر عوض.. نورتينا .. تحياتى للأخ محمد عوض والأخ عبدالواحد
مرحبا بإبن الدفعه محمد إسماعيل... أخيرا ظهرت وبنت.. وين الباقين
مرحبا اخونا عبدالرحيم القرد .. نورتنا
مرحبا بالأخ الطيب عثمان يوسف ..بالله كتر من الطله عشان تحلى البوست الحلودا
ومسؤلبن من الخير ..وييييين أخونا محمد ماهر.. بالله لو فى واحد عندو
عنوانو ولاتلفون يمدنا بيهو
تحياتى لكل الإخوه الزملاء والزوار
ودمتم
أسامه على .. دفعه 54

Post: #374
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 07:04 PM
Parent: #373

Ayman Mustafa to me
show details 2:49 PM (11 minutes ago) Reply


نعود الي المرور بدفتر أحوالك يادفعه بعد انقطاع سببه كثرة الشغل فقط ... التحيه لكل اخواني بالدفعه 52 ولكل البوليس ... تحياتي اخي الفاضل الطيب عثمان يوسف ليك وحشه يارجل زمن طويل لم نلتقي رغم اني اتصلت بيك لمن انا كنت في الإمارات 2003 لكن لظروف لم اسعد بلقياك انشالله انت تمام و الأولاد وكل الأسره و الدفعه المعاكم بلغ تحاياتي للسيد الفاتح كامل و عمر صديق .... يا فارس موسي ايميلي المعاك و الله قفل ما عارف الحاصل شنو و انا اتصلت بيك عدة مرات مشغل المجيب الآلي .. ارجو انك تتصلي بي ضروري .. ما انسي تحياتي لليفو ( عبدالله عوض ) وياسر عبد الكريم و يا التلب تلفوني 0922200933 ارجو الإتصال لأنه تلفونك ضاع مني و انا عايزك ضروري تحياتي لكم يارفاق الزمن الجميل حفظكم الله
ايمن الأمين

Post: #375
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 07:09 PM
Parent: #374




Post: #376
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 07:09 PM
Parent: #375




Post: #377
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 07:10 PM
Parent: #376




Post: #378
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 07:11 PM
Parent: #377




Post: #379
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 07:13 PM
Parent: #378




Post: #380
Title: Re: دفتر احوال ضابط الشرطة المناوب
Author: Ali Sirelkhatim
Date: 09-22-2008, 07:47 PM
Parent: #379

الاخ العزيز/ على سرالختم
رائد م صلاح الحاج اسجل مرورى على دفتر الاحوال وتحياتى واشواقى لكل بوليس الزمن الجميل وتحية خاصة للاخ النقيب م على جويلى والاخ التلب.

رائدم صلاح الحاج{برلة}الدفعة 45

Post: #381
Title: Re: دفتر احوال ضابط الشرطة المناوب
Author: محمد عبدالمنعم التلب
Date: 09-22-2008, 11:14 PM
Parent: #380

23/9 سعت 1:55 (ص) بتوقيت السودان
اصلوا مامعقول سعادتو صلاح الحاج (برله) معانا اسف نحن معاهو
لمن فاتهم الاستماع السيد صلاح قمندانه بالاحتياطى المركزى وكنا نسمع دفعته بيقولوا
ليهو يابرله لكن ماكنا عارفين سر التسميه واخيرا عرفنا انه السيد صلاح
كان من اميز لاعبين الكره قى بيت المال وجمهور المعجبين ( فى ذلك الزمن)
كان يلقبه بصلاح برلينه . . .والبرلينه لجيل ناس عمر محمد عثمان هى عربه
صغيره رشيقه سريعه وردت فى اغانى زمان (عربيته برلينا وجوه قلبوا خاتينا)
واظنكم كلكم سمعتو الغونا دى قى ميزات زمان .
تحيه يملاءها الاحترام ذلك الرجل المحترم صلاح الحاج
الاخ على رجاء ارسال تلفون سيادتو صلاح على الاميل عشان مايكون فى جكس
من بتاع زمان او من المارى على الدفتر يقوم يضرب للقمندان يجيب ليهو كتاحه
ولى حاجه

Post: #382
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 06:12 AM
Parent: #381

من هذا المنبر اخوتى اتوجه باحر التحايا والاشواق للرجل المرهف الرجل الانسان اخو الاخوان السيد العميد كبوش.
لك الف تحية ياسعادتك .
رمضان كريم وكل عام وانت بخير يارجل ياعظيم.

اخوك على سرالختم{الدفعة 52}
روشستر .نيويورك
الولايات المتحدة

Post: #383
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 12:52 PM
Parent: #382

elfatih saeed to me
show details 5:21 AM (3 hours ago) Reply



تحية إجلال و احترام و شوق لبوليس الزمن الجميل

1. سيادتو عبد الحفيظ حسن.
2. سيادتو صلاح الحاج . ( برلينة )

الحبايب
3. علي جويلي.
4. فيصل عثمان.
5. هشام يوسف .( ميز )
6. التلب.
7. عبده عوض.
8. أيمن الأمين.
9. أسامة علي.

و عبر الصور الرائعة تحايا و شوق :

1. سعادة العادل العاجب يعقوب.
2. سعادة محمد حسن ادريس .
3. سعادة سيف النصر اسماعيل.
4. سعادة آدم دليل.

و الحبايب:

5. حاتم محمد عبد الله ( تُمُن).
6. الشيخ فونو.
7. عوض عثمان
8. مشرف مأمون.
9. عادل حسين بلال.
10. عبد الحافظ إبراهيم.
11. شمس الدين محمد أحمد.
12. أحمد الرشيد أحمد جلي.
13. أبو بكر عبد الرازق حسين. ( و تحية لعواطف قرشي ).
14. عوض الكريم محمد خليل ( بتعِاين لي شنو ؟ ليك وحشة ياخ )
15. فتحية عبد الرحمن.
16. هاجر عوض . ( و تحية لمحمد عوض )
17. عبدالرحيم فقيري.

الفاتح كامل سعيد {الدفعة 46}

Post: #384
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 12:56 PM
Parent: #383

elfatih saeed to me
show details 5:22 AM (3 hours ago) Reply


سدرة المنتهى

في أرض الجونيور و بين العنبرين الأول و الثاني و بجوار السلك نبتت سدرة ظليلة عادة ما تكون أول ما يذهب لها المقبولون ليجدوا " العم عبد الفضيل" في انتظارهم بمقصاته و عادة ما يكون معه في هذا اليوم بعضاً من زملائه ليساعدوه في تحويل حوالي المائة و خمسون طالباً من " اولاد ثانوي" إلى " مستجدين " في أول خطوة لهذا التحول الذي يشمل كل شئ و إلى ما لا نهاية و يظل مرتبطاً بهذه اللا نهاية مع معظم من يجلس تحت سدرة المنتهى إلا من رحِم ربي .

Post: #385
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 06:13 PM
Parent: #384

Quote: اقتراح جاد جدا ..... اقترح ان نضم الأخ عمر محمد عثمان للدفعه (52) وسيتم التصويت خلال اول اجتماع للجمعيه العموميه للدفعه وللعلم التصويت مش لضم الاخ عمر لأنو الموضوع ده منتهى التصويت حيكون لأخلاء اربعه خانات حيملأها الاخ عمر محمد عثمان وحتكون الدفعه (56) نقصت فصيله كامله . ارجو من الاخوه فى (52) كل واحد يجهز قائمه بالأسماء الأربعه ، انا ما قلت اميره بابكر ولا جبت سيرة البحر ولا حاجه .
osama osman to me
show details 1:55 PM (16 minutes ago) Reply


أسامه على ..54
مرورى متفقدا الأحوال ..البوست- أقصد -دفتر الأحوال قرب يغتس فى الصفحه التانيه
وين الناس العندهم باسوورد؟؟؟
أطلعت على إقتراح أخونا الطيب بالقيد الثاث فى مروره الأخير
وأعتقد أنه لابد من موافقتنا لأن أقدمية الأخ عمر محمد عثمان ستنتقل
من خلفنا إلى أمامنا...أنا شخصيا ونيابه عن كل الدفعه موافق على
هذا الإنتقال بس عندى تحفظ على مكان البديل الذى
سيخلو الموقع به ( وحأعمل ما عارفو منو!!) هذا البديل أقترح
نقله إلى ذيل الدفعه 59 .. هذا إذا قبل أفراد الدفعه 59 ..ودا طبعا
إذا حصل يوم وقفونا بالأقدميه يكون بعيد مننا بمسافه
أهنىء أخى (الشهيد الحى) عمر محمد عثمان وأهنىء أخوانا بالدفعه 52
وخالص المواساه للدفعه 56 بفقدان ركن من أركانها وسريه من يراياها
وخالص التحايا لكل الأخوه الزملاء
ولكم الود المقيم
أسامه على ..الدفعه 54

Post: #386
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 07:59 PM
Parent: #385

أسامه على ..دفعه 54
مرورى للمره الثانيه متفقدا الأحوال
مجموعه من الصور مهداه للأخوه الزملاء
ورحم الله أخى الحبيب طارق محمد أحمد
أسامه على

Post: #387
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 08:09 PM
Parent: #386




Post: #388
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 08:14 PM
Parent: #387




Post: #389
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 08:29 PM
Parent: #388




Post: #390
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 08:33 PM
Parent: #389




Post: #391
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 08:42 PM
Parent: #390




Post: #392
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 08:44 PM
Parent: #391




Post: #393
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 08:48 PM
Parent: #392




Post: #394
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 08:51 PM
Parent: #393




Post: #395
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 08:59 PM
Parent: #394

أسامه على.. دفعه 54
مرورى للمره الثالثه هذا اليوم متفقدا الأحوال.. وألاحظ تغيب الزملاء عن المرور منذ
مرورى الأول وحتى الثالث .كلتش عديل كده.. وتستاهلوا
..................................................................
فى يوم دخولنا لكلية الشرطه فى الرابعه مساء الجمعه 28/2/1986م حضر متأخرا
لدقائق ركب أخونا محمد إسماعيل محمد فضل.. فقد حضر بحافله وفى معيته
المودعون من أصدقاء وجكس وهم يغنون (سيره عديل كده) ومشرفى الدفعه
الرائد وقتها عصام شريف والنقيب وقتها إبراهيم عثمان والنقيب الفاتح ابشنب
يتفرجون ودخل أخونا محمد إسماعيل تشيعه الأغانى من الجكس والنظرات الناريه
من مشرفى الدفعه مع تعليقات عصام شريف الساخره والمتوعده
بالله يامحمد إسماعيل ذكرنا الحصل ليك شنو بعدها؟؟
أسامه على ..54

Post: #396
Title: Re: دفتر احوال ضابط الشرطة المناوب
Author: omer osman
Date: 09-23-2008, 09:02 PM
Parent: #1

مساء الخير أو صباح الخير حسب التوقيت المحلي لكل بوليس

ياسيادتو التلب نحن صغار لكن ماقدر ده كمان انت قايلني اسامة عبدالعزيز والا شنو ؟ البرلينة كيف ما بنعرفه؟

اما الاقتراح المقدم من سيادتو الطيب ومثني من عدد من الكمندانات بنقلي للدفعة 52 طبعا دي تعليمات وده شرف عظيم بس لو خليتوني اقعد في نفس ناس

كرودي ووليد محي الدين ومعاوية جعفر وسراج منصور وكل الجماعة الماعندهم ضبط وربط ديل (ماعدا علاء الديم م الحسن) يكون احسن وعشان مافيهم اى واحد يعمل

خطوة للامام كل زول يلزم اقدميتو مش كده ياوليد محي الدين ماتقول لي بقيت عقيد وشايل ليك عصاية

Post: #397
Title: Re: دفتر احوال ضابط الشرطة المناوب
Author: Ali Sirelkhatim
Date: 09-23-2008, 09:57 PM
Parent: #396




Post: #398
Title: Re: دفتر احوال ضابط الشرطة المناوب
Author: عبده عوض
Date: 09-24-2008, 04:46 AM
Parent: #397

مروري متفقداً الأحوال .. وتحياتي للجميع ..
- أبدأ بحبيبنا اسامة علي الكرور .. عاوز تخمنا ساي كدا يا أسامة يا أخوي بصورتك دي .. وإنت جائي طالع من الحمام وملتف بالبشكير ولا الأحرام بتاع ناس العمرة البجوكم في السعودية ولا البتمشوا توصولوهم لمكة والمدينة وعامل لي فيها حاج !! وكمان حاشر لي نفسك مع ناس فتح الرحمن والمرحوم طارق ( له الرحمة ) .. على العموم الصورة دي على أكثر تقدير أخذت في الدوحة مع الأخوان أمير محمد عثمان والزين حسب الرسول وأسامة محمد إبراهيم ونزار .. وعلى ما أظن جائي تلحق صلاة ناس أمير وأسامة الفاتتك دي .. و كعادتك جائي متأخر ذي ما كنت في الكلية في كل تمام !! وإذا تنازلت ليك كثير ممكن أديك فيها عمرة وبس !! وأكثر من كدا يا أسامة يا أخوي ما بجاملك و مابزيدك ولا شبر لو تزعل أو ترضى !! وأمشي شوف ليك حج صحيح وموثوق به بدلاً عن الصور المزيفة بتاعتك دي .. لأني ممكن أعمل ليك ألف واحدة زيها في سوق ليبيا ذي ما بقول بدرالدين عطا .. وقال كمان إهداء !! ولك كل الود ..
- الأخ الحبيب عمر محمد عثمان .. دبلوماسيتكم الراقية تغني عن كتم أنفاس من ذكرتهم من أبناء دفعتك .. وإقتراح أخونا الطيب مطروح للموافقة عليه من مجلس الدفعة والذي غالباً ما يحظى بالموافقة وبالإجماع المطلق زائداً صوت العميد أركان حرب أيمن الأمين ( دا طبعاً صوت ذهبي بنستخدمو في حالات المعارضة والمناكفات من الدفع الأخرى وحنطلعوا عشان نسكت بيهو إحتجاجات الدفع الوسيطة والمعارضة ذي ناس أسامة علي وصلاح بابكر ,امين نور الدائم و البقية الماسمعو بالحكاية دي .. يعني صوت ذي حق الفيتو .. لا إعتراض من أحد إلا من رتبة اللواء وما فوق ، والسنة الجاية اللواءات ذاتهم يشوفوا ليهم طريقة معانا !! ولا شنو يافارس .. نايمة معاك نوم ( أم ق.....) يعني الحكاية مكربة ومضمونة .. وطبعاً ياحبيب إنت ما عندك الحق توافق أو ترفض عشان خاطر إقتراح أخونا الطيب دا واللي هو بعد الموافقة عليه من الدفعة يصبح بمثابة التعليمات !! ذي أخونا بدر عطا لما فطوه مع ناس برعي والطيب في الترقية وقاموا رقوهم بعدها بستة شهور .. كانوا زعلانين وما قدروا يعتذروا عن عدم قبولهم للترقية المتأخرة دي لأنو وقتها أصبحت في حكم التعليمات رضوا أم أبوا .. أما أخوانا ناس كرودي ووليد محي الدين ومعاوية جعفر وشعيب وباقي الدفع الأخرى فخليك منهم .. ديل مادايرين منك قعاد معاهم ذاتو لأنو تعليماتك واجبة النفاذ عليهم وإنت خارج الخدمة .. أنا متأكد الطيب دا خاتيك للكبيرة .. لناس صابر الله جابو وصلاح بابكر وأحمد التكينة .. وأنا للآن ما جبت سيرة أمين نور الدائم لأنو دا حمام ميت مقدور عليه وعارفين دواه .. وفي إنتظار القرار بترقيتكم إلى الدفعة 52 .. وألف مبروك مقدماً .. ويا ناس الدفعة 56 أقترح عليكم تسجلوا أفياني بتاع الهلال دا قبل ما يطير منكم !!!!
- ودمتم ..

Post: #399
Title: Re: دفتر احوال ضابط الشرطة المناوب
Author: Ali Sirelkhatim
Date: 09-24-2008, 08:34 PM
Parent: #398

صوت شكر وعرفان








عرفناك المعلم الجليل..
عرفناك الصادق الامين..

عرفناك موسوعة علمية تمشى على الارض.
عرفناك العادل الورع التقى..
عرفناك العاجب لكل من اقترب منك..
عرفناك سيدى الفريق..
عرفناك العادل العاجب يعقوب

الشكر لك لما تقدمه لشرطة السودان
الشكر لك لما قدمته للدفعة 52
الشكر كل الشكر

حفظكم الله

على سرالختم
روشستر .نيويورك
الولايات المتحدة

Post: #400
Title: Re: دفتر احوال ضابط الشرطة المناوب
Author: Ali Sirelkhatim
Date: 09-25-2008, 02:36 AM
Parent: #399

mohamed mohamed to me
show details 9:02 PM (1 hour ago) Reply

السلام عليكم يا معشر البوليس و السلام على ضيوفكم الكرام
مرورى متفقدا الاحوال.بالاشارة لقيد الدفعة(الحاج)اسامة على اولا مشتاقون
وبنا لوعة ويا راجل انت( حاج) و الدنيا رمضان الحافلة ما فيها اى جكس و
ديل الشلة بتاعت الكوتشينة و كانوا معاى فى البيت و حلفوا الا يوصلونى و
التوصيلة فى النهاية جابت لى الهواء و لحد ما اتخرجنا ما نسوها لى و اهو
انت لحدى حسه عامل لينا بيها الفضائح الله يسامح الكان السبب.اما موضوع
حجتك دى زى ما قال السيد عبده عوض دايره اثبات اكتر من صورتك بتاعت
الحمام دى وبعدين انت براك شايف الناس الحجو بجد مصورين وسط الخيام. الا
رحم الله اخانا و حبيبنا السيد طارق محمد احمد و اسكنه فسيح جناته مع
الصدقين والشهداء وحسن اولئك رفيقا و آلهم آله و ذويه الصبر و حسن العزاء
ونعزى مرة اخرى اخونا و حبيبنا السيد محمد عبدالمنعم التلب وكل السادة
السناير بالدفعة 52 فالفقد واحد...و يا دفعة كيفك و كيف اخبارك وكيف
اخبار الدفعة اسامة محمد ابراهيم وبرضو سمعنا انو معاكم درة ابوحراز
الدفعة عارف المحبوب والكارثة الدفعة مرتضى يوسف بالله سلامنا الكتير
ليهم ولكل المعاكم و ما تنسى كمان اخوك وحبيبنا محمد الفاتح الكرور و لو
عندك ليه تلفون بالله اسعفنا بيه مع تلفونك و تلفونات بقية الشباب...و
قبل ما اشير لقيد الكمندان الطيب عثمان يوسف اول حاجة بحييه تحية كاربة
واحيى اسرته الجملية كانوا فى برنامج تلفزيونى قبل كده الكويس انو
الكمندان كان سليم و معافى يعنى مافى كسر فى اليد و لا اى حاجة تانية من
النوع ده..و نفس التحية الكاربة دى نحيى بيها قريبى الضابط المناوب السيد
على سرالختم(قورباتشوف)ونشكره على تحمل اعباء المناوبة انابة عن كل بوليس
السودان ونرجو من كل الزملاء المرور عليه و تدوين قيد بدفتر الاحوال..ولى
عودة باذن الله
اخوكم
محمد اسماعيل محمد فضل
دفعة 54

Post: #401
Title: Re: دفتر احوال ضابط الشرطة المناوب
Author: فارس موسى
Date: 09-25-2008, 02:56 AM
Parent: #1

اسامه مبروك الحجه وما تشتغل بناس سوق ليبيا ديل الشغله .

اعترض على ضم عمر محمد عثمان للدفعه 52 لثلاثه اسباب والدنيا رمضان :

اولا الجنا دا نجيض وكان دخل فى 52 بجهجه الاقدميه بتاعة الدفعه لانو نفس الناس الرشحوهو ما حيقبلوا إنو يكون فى ذيل

الدفعه وعمر نجاضتو ( الشطاره يا أمين نور الدائم !) ما بتخلينا نعارض اى إقتراح إنو تتعلى مراتبو ودا بدخل ناس

كتار فى 52 فى مشكله كفانا ايمن دخل الغابه وجانا عميد (ديو ) للواء !! ، يقوم الفرنسى يس هنرى يجينا فريق !!

إنتو ليه ما رشحتو تلميذى النمر طلال ود مرجان ؟؟ وإذا رشحتو معاهو طلال انا بدعم ترشيح عمر ، كدا كيف يا امين

مش ناس هامش جد جد .!!!!

ثانيا يا ناس 52 لما تشيلو كمندان 56 القافل لينا موج الكوارث بتاعة 56الإنضباط حيفك فى 56 فليس لكرودى والمحجوب

وعادل سلمى وخالد عبد الباقى ( المغدور به ) بواسطة سنيرو المنقه خالد زفت (وداعه ) ليس لدى هولاء سطوة عمر محمد

عثمان وهى سطوه نعرف مصدرها فهو تلميذ على التويل .

وثالثا واخيرا عشان الملاعين من 54 و55 ناس محمد إسماعيل وامين بتاع الإشلاق الما ظريف واخرين تعلمونهم وعمر يعلمهم

كفانا الله السنتهم الحداد وإلا الضبط والربط تانى ما بنقدر عليهو مع امثال كرومه ومحمد صلاح الدين واسامه محمد

إبراهيم ( ياخ مشتاق ليك يا كارثه )

تحياتى لاحمد فرج الزاكى ونصر الكلحى والوليد يوسيف سعيد وعاصم ابوه والصديق الوجيه معتز حيدر ( ياخلى قرمانين

يا بتاع الادقه إنت !!!)

تحياتى لعادل سلمى ، عمر حسن سابل ( حأديك تلفون يا ظابط ، رمضان داخل العضم )وتحياتى لفتح الرحمن النور واسامه

حسن وبقه وبله حسب الرسول واخرين كثر فى الذاكره والخاطر .

سجلوا إعتراضى على إنضمام عمر محمد عثمان !! كده مبسوط يا أمين نور الدائم ؟


لو عمر دا انضم ل52 انا بنضم للعدل والمساواه يالتلب وحاسوق معاى دوسه وابرزقه وعبد الكريم ابا وناس من 54 وواحدين

من 56 ذاتو وقول لبدر الدين عطا يطلع لينا تساريح على قطر باغات الزيت وشوالات الشطه !! قال عمر قال ما كفانا داك !!


تحياتى ومحبتى لكل منسوبى 56 وقبلهم حبايبي الحلوين 52 .


ارقدوا اوفياء .

Post: #402
Title: Re: دفتر احوال ضابط الشرطة المناوب
Author: omer osman
Date: 09-25-2008, 08:57 AM
Parent: #1

تعرف ياسيادتو فارس لو جاء زول داخل قبل دقائق كان قال عمر ده اكيد جنه في زول بضحك براهـ

حقيقة اضحكتني مداخلتك ودفوعك منطقية ماظهر منها وما بطن (طبعا مابطن ده بكون من امين نورالدائم)

اعادتني هذه الضحكات الى زمن جميييييييييييييل مسرحه الباب الغربي وبيوت الاشلاق (صلاح بابكر وامين وصلاح الزبير وامير حسن ) بيت ناس على الطويل

وكرودي ومعاوية جعفر وعلاءالدين محمد الحسن دار الشرطة استاد الخرطوم وستاد المريخ والهلال رئاسة الشرطة ومكاتب الانتربول جامعة الجزيرة اعادتني هذه

الضحكات الى اجواء مامون امان وحامد كنتاك وختم عبدالنبي والشهيد عبدالباسط سعد جبارة والتغطيات وعربات الارتكاز وناس مبشر ومحمد نادر ومحمد عوض

لم نشعر فيها بضيق او زهج شلة كبيرة تضم مجموعة من 52 و54 و55 و56 من الضباط العاملين في ولاية الخرطوم والاحتياطي المركزي عندما نلتقي في الباب الغربي

نقطع ملل الاستعداد والتغطيات بالونسة والضحك والمقالب والقفشات والحكاوي ناس عبده حران ياامين نورالدائم ؟؟ والرخيص وناس (بالدق) اسمو طار مني

(والزول البشبه امو) ؟؟ !!! والمقولة الشهيرة عن دار الشرطة وانو بقي (هلال مريخ) .........؟؟

هل نطمع في ان تعود هذه الايام ؟

Post: #403
Title: Re: دفتر احوال ضابط الشرطة المناوب
Author: Ali Sirelkhatim
Date: 09-25-2008, 12:31 PM
Parent: #402

Quote: مروري متفقداً الأحوال .. وتحياتي للجميع ..
- أبدأ بحبيبنا اسامة علي الكرور .. عاوز تخمنا ساي كدا يا أسامة يا أخوي بصورتك دي .. وإنت جائي طالع من الحمام وملتف بالبشكير ولا الأحرام بتاع ناس العمرة البجوكم في السعودية ولا البتمشوا توصولوهم لمكة والمدينة وعامل لي فيها حاج !! وكمان حاشر لي نفسك مع ناس فتح الرحمن والمرحوم طارق ( له الرحمة ) .. على العموم الصورة دي على أكثر تقدير أخذت في الدوحة مع الأخوان أمير محمد عثمان والزين حسب الرسول وأسامة محمد إبراهيم ونزار .. وعلى ما أظن جائي تلحق صلاة ناس أمير وأسامة الفاتتك دي .. و كعادتك جائي متأخر ذي ما كنت في الكلية في كل تمام !! وإذا تنازلت ليك كثير ممكن أديك فيها عمرة وبس !! وأكثر من كدا يا أسامة يا أخوي ما بجاملك و مابزيدك ولا شبر لو تزعل أو ترضى !! وأمشي شوف ليك حج صحيح وموثوق به بدلاً عن الصور المزيفة بتاعتك دي .. لأني ممكن أعمل ليك ألف واحدة زيها في سوق ليبيا ذي ما بقول بدرالدين عطا .. وقال كمان إهداء !! ولك كل الود ..
- الأخ الحبيب عمر محمد عثمان .. دبلوماسيتكم الراقية تغني عن كتم أنفاس من ذكرتهم من أبناء دفعتك .. وإقتراح أخونا الطيب مطروح للموافقة عليه من مجلس الدفعة والذي غالباً ما يحظى بالموافقة وبالإجماع المطلق زائداً صوت العميد أركان حرب أيمن الأمين ( دا طبعاً صوت ذهبي بنستخدمو في حالات المعارضة والمناكفات من الدفع الأخرى وحنطلعوا عشان نسكت بيهو إحتجاجات الدفع الوسيطة والمعارضة ذي ناس أسامة علي وصلاح بابكر ,امين نور الدائم و البقية الماسمعو بالحكاية دي .. يعني صوت ذي حق الفيتو .. لا إعتراض من أحد إلا من رتبة اللواء وما فوق ، والسنة الجاية اللواءات ذاتهم يشوفوا ليهم طريقة معانا !! ولا شنو يافارس .. نايمة معاك نوم ( أم ق.....) يعني الحكاية مكربة ومضمونة .. وطبعاً ياحبيب إنت ما عندك الحق توافق أو ترفض عشان خاطر إقتراح أخونا الطيب دا واللي هو بعد الموافقة عليه من الدفعة يصبح بمثابة التعليمات !! ذي أخونا بدر عطا لما فطوه مع ناس برعي والطيب في الترقية وقاموا رقوهم بعدها بستة شهور .. كانوا زعلانين وما قدروا يعتذروا عن عدم قبولهم للترقية المتأخرة دي لأنو وقتها أصبحت في حكم التعليمات رضوا أم أبوا .. أما أخوانا ناس كرودي ووليد محي الدين ومعاوية جعفر وشعيب وباقي الدفع الأخرى فخليك منهم .. ديل مادايرين منك قعاد معاهم ذاتو لأنو تعليماتك واجبة النفاذ عليهم وإنت خارج الخدمة .. أنا متأكد الطيب دا خاتيك للكبيرة .. لناس صابر الله جابو وصلاح بابكر وأحمد التكينة .. وأنا للآن ما جبت سيرة أمين نور الدائم لأنو دا حمام ميت مقدور عليه وعارفين دواه .. وفي إنتظار القرار بترقيتكم إلى الدفعة 52 .. وألف مبروك مقدماً .. ويا ناس الدفعة 56 أقترح عليكم تسجلوا أفياني بتاع الهلال دا قبل ما يطير منكم !!!!
- ودمتم ..

osama osman to me
show details 6:09 AM (2 hours ago) Reply
أسامه على ... دفعه 54 مرورى متفقدا الأحوال
نبدأ بأخونا عبده عوض .. الفقهاء قالوا الحسد فى العبادات والتقوى لاشىء فيه
دحين يا حبيبنا حسدك دا من النوع المستحب .. نسأل الله أن يكتب لك زيارة
بيته الكريم .. ولو دا حصل بالله كلمنى أستقبلك عشان أشرح ليك المناسك سواء
حج أو عمره .. وبعدين منو القال ليك أنا جاى متأخر فى الصلاة
(وعلى ما أظن جائي تلحق صلاة ناس أمير وأسامة الفاتتك دي)
أولا أنا صليت فى المسجد وجيت راجع لقيتم يادوب بصلوا
ثانيا : لو أصلوا بصلى بى أمير مجمد عثمان مافى داعى للتعب أحسن اشوف لى شغله تانيه
وبعدين حج سوق ليبيا وسوق الناقه دا حقك إنت وبدرالدين .. ويكفينى شهادة أخونا الفارس
فارس موسى .. وسيبك من الحقد دا ياعبده ونسأل الله أن يتوب عليكم ...آمين
أخونا الحبيب والدفعه ..محمد إسماعيل
تحياتى وأشواقى الحاره .. والله مشتاقين .. وبعدين ياحبيب موضوع الحافله السيره دا
أنا متذكروا كويس .. وشلة كوتشينة شنو دى .. يعلم الله الجكس بالبناطلين والتى شيرت
الوقت داك الدنيا بى خيرها والأمور عاديه .. وكمان بتذكر الدلوكه
والجكس يغنى ليك جنابو جنابو وشنو ماعارف كده .. غايتو مابتذكر الباقى
لكن الشهود كتيرين لو عايز بنجيبم ليك
وبعدين ماتتابع لى عبده عوض دا.. وتانى خاطبنى لو سمحت بى الحاج أسامه
بالله يامحمد إسماعيل رسل لينا الإيميل بتاعك عشان نواصلك .. وعنوانو موجود
فى البوست دا ... منتظرينك
حبيبنا الفارس فارس موسى .. مشتاقين والله .. والله يبارك فيك وعقبال نبارك ليك حجتك
وماتخاف على .. ناس سوق ليبيا انا ماشغال بيهم وخليهم يموتو بى غيظم
وموضوع أخونا عمر دا نحنا والله ماعندنا مانع بس زى ما قلت الخوف بعدين على
أقدمياتكم وماتجوا تقولوا نحن والله غلطنا وشنو شنو ؟؟
أخونا الطيب وينك تان إختفيت
الدفعه منتصر كوجار .. ياخى مشتاقين .. أظهر وبان
التحيه لكل الزملاء والزوار
ولكم الود المقيم

Post: #404
Title: Re: دفتر احوال ضابط الشرطة المناوب
Author: محمد عبدالمنعم التلب
Date: 09-25-2008, 10:16 PM
Parent: #403

26/9 سعت1:05 (ص) بتوقيت السودان
مرورى متفقدا الاحوال ولاحظت الكلام يدور حول الاقدميه وتحضرنى طرفتان
الاولى : اخونا العقيد شرطه (م) شمس الدين احمد حسين (كمكرى) كل مانتلاقى
يذكرنى بانه احنا الان اصبحنا عقداء بل اصبح يتسال عن لجان الترقى لرتبه العميد
وهو متمسك جدا بمسايرة المعاشين لاخوانهم فى الخدمه فى الترقيات .
الثانيه : فى واحد اخونا من الدفعه بالخدمه مايزال يحترم الاقدميه الاتخرجنا بيها من
الكليه وقناعته بان الدنيا ما مضمونه وهنالك امثله يضربها فى هذا المقام (السيد الفريق
صلاح الشفيع والسيد الفريق عمر جعفر)
فللاثنان التحيه على مفاهيمهم ولكل السبقونا والاحقونا التحيه والتقدير

Post: #405
Title: Re: دفتر احوال ضابط الشرطة المناوب
Author: محمد عبدالمنعم التلب
Date: 09-25-2008, 10:26 PM
Parent: #404

الاخ فارس لك التحيه والود
قابلت الاخ ابورزقه فى افطار الدفعه بالمرديان وكان مبسوط جدا لانه عاد للخرطوم فى كشف التنقلات وعشان تقنعه بانه يخلى المرديان والحاجات الطيبه دى متاج ليك مجهود جبار
مودتى

Post: #406
Title: Re: دفتر احوال ضابط الشرطة المناوب
Author: Ali Sirelkhatim
Date: 09-25-2008, 11:55 PM
Parent: #405

ى فمضى جميل العمر يتبعه


الطيب عثمان يوسف to me
show details 6:55 PM (57 minutes ago) Reply

** ( طارق والطيب ) مرورى متفقدا الأحوال

** القــــيد رقم : 3/ ( مضى فمضى جميل العمر يتبعه )

سبق وأن وعدتكم بأننى سوف القى الضوء على بعض الجوانب عن علاقتى بأخى وتوأم روحى طارق محمد أحمد ( رحمه الله ) و الكثير من هذه الجوانب خافيه على أقرب الناس الينا .....
* فى مدرسة شمبات الغربيه الإبتدائية العام 1978 كان القاء الأول والتى كان يديرها المربى الفاضل استاذ عبد الكافى ( له منا كل تقير واحترام ) جمعنى مع طارق استاذ عبد الرحمن احمد عثمان الدكتور حاليا بجامعة ام درمان الإسلامية ( سدد الله خطاه ) وكان ايامها هو أبو الفصل وكان من الطبيعى أن يكون الطالب طارق محمد احمد هو رئيس جمعيتنا فى الرياضيات وكلكم تعلمون مقدرات المرحوم فى حفظ الأرقام والعمليات الحسابيه .....
* كان نظيف الملابس الإ أنه لا يهتم بالأناقه ...
* كان مزعج جدا كثير ، الحركه ( الحركه كانت أصله والسكون والراحه عنده استثناء ) ظل على هذا الحال حتى اللحظات الأخيره من حياته وكانوا لا يستطيعون تنويمه الا بالادويه وليتهم لم يفعلوا لأن شـفاء طارق فى حراكه ( لذلك جاءت تسميته بالزلزال )
* طارق مواليد العام 1966 وكذلك أنا ... طارق مواليد مدينة ود مدنى وكذلك انا ... امتحنا الشهاده السودانيه من مدرسة الخرطوم بحرى الثانوية فى العام 1984 ... اختار طارق مثاق الرياضيات تخصص وكان يحل المسائل على الورق وعلى السبوره وعلى الأرض وشفاهة ..... بعدها مشينا المديريه مع بعض قابلنا الملازم أول طه جلال الدين ( له منا كل الود والتقدير ) بى شباك مكتب الضابط المناوب ادانا ارانيك التقديم لكلية الشرطة ...
* درسنا بعدها فى جامعة القاهرة الفرع ... وربتنا مع بعض فى السنة الثانية واتخرجنا مع بعض ذى ما واضح فى الصور ... درسنا فى جامعة الجزيرة مع بعض وأى كورس فى البوليس كنا مع بعض ..اشتغلت فى شرطة الولايه الشماليه فى الاحتياطى المحلى فى عطبرة واشتغل طارق فى رئاسة شرطة الولايه فى الدامر وكان القاضى مولانا ياسر محمد احمد اخو طارق قاضى محكمة الدامر ..
** اترقينا مع بعض من ملازم لى ملازم أول وفى رتبة النقيب اترقى طارق وانا ماترقيت ( الله يديه العافية العميد طه جمعه جابر جر لى فرملة اليد ) وده موضوع ليه قصة طريفة
اترقينا لرتبة الرائد مع بعض ..
** نسيت أذكر انو لما طلعت أسماءنا فى الجريدة لما تم قبولنا لكلية الشرطة طارق كان أول زول جاب لى الجريدة وجانى فرحان ..
** فى 31/10/1996 كنت فى رئاسة الشرطة .. الصباح .. علمت بإحالتى للصالح العام و طبعا سألت عن صاحبى لقيت الحبيب نازل اسمو فى الكشف قدامى طوالى .. بعدها وفى باب الجوازات قابلت طارق نازل من عربية وسلم على عادى وعرفت إنو فردتى ما ناقش الفلم ، فقلت ليهو ياطارق انا احلت للصالح العام . فصدم صدمه شديدة جدا وضرب جبهتو و وشو اتغير وحزن حزن شديد خالص وغير اتجاهه وادانى ضهرو محاولا إخفاء شيئا فى عينيه وانا كنت بضحك وفجأه قلت ليهو يا عباس ما تعملينا مناحه انت زاتك راكب معاى ،، فتعالت منا ضحكات عالية جدا ،، وضمنى بدفئ افتقدته الان كثيرا
** أغرب حاجه فى طارق الرائد شرطة المتقاعد إنو يا هو زاتو الشافع البسيط رئيس جمعيتنا للرياضيات فى المرحلة الإبتدائية قبل 30 سنه لم تيغير ابدا وكان كريم جدا نفس كرمه المعروف به .
** طارق كلكم عارفنه كريم وطويل البال وخدوم لكن الاكرم منه وأطول منه بالا كان والده المرحوم محمد احمد لكنه كان هادئا جدا لا يكثر الحديث ووالده كان عاملا بسيطا فى السكة الحديد توفاه الله بعد أن تحققت رغبة طارق عندما حدثنى بأن امنيته أن يحجج امه الحاجه بثينه وابوه وقد كان ، وبعدها بفتره قصيره توفى والده رحمة الله عليهما .
** بالمناسبه والدة طارق هى الحاجه بثينه حسن عثمان التلب عمة اخونا محمد عبد المنعم التلب واخوانه معاويه وياسر ووليد واخواته رباب ورحاب ..

** معلومه مهمه جدا : طيلة عمل طارق محمد أحمد فى الشرطة ومنذ أن كان طالبا لم تسجل دفاتر الشرطة اسمه مبلغا أبدا , لم يفتح بلاغ ضد أى شخص فى حياته أبدا ... وأذكر هنا طرفه حدثت عندما كان يقود البوكس بتاع الشرطة الأمنية فى اشارة المريديان وعندما فتحت له الأشاره تحرك وجاء بتاع تاكسى قاطع الأشاره وصدم البوكس وكسر الأبواب ونزل الراجل من التاكسى وقعد فى الرصيف واضعا يديه فى رأسه ونزل طارق وسأله يا ابن العم نعل ما جاتك عوجه ، فرد الجل بأن العوجه فى انو التاكسى ده بياكلوا منو أولادى وأولاد صاحب التاكسى وأنا سواق فيهو سااااي وكان التاكسى اتكسر حته حته وكان فى عسكرى مرور وافق شاف الحادث كامل وقال بتاع التاكسى دا الغلطان قام طارق قال للراجل يا زول ما عندك مشكله ودى العربية بتاعتك دى ورشة ناس كمير فى المنطقة الصناعيه وقول ليهم انا مرسلنى ليكم طارق محمد احمد و ما تفتح معاهم موضوع التكلفة والتفت لى عسكرى المرور وقال ليهو انت يا ابن العم كتر خيرك معاك النقيب طارق محمد احمد وانا الراجل دة ما عايز منو حاجة و حأصلح عربيتى براى فما كان من العسكرى الا أن حياه وقال ليهو انت يا جنابو حقك انت حر فيهو لكن انا حقى ما بخليهو الراجل ده قطع الاشاره دى خضراء .. ورش الراجل بى مخالفه ...
** حاجة ما بتتصدق :
كانت ليله باردة جدا والوقت متأخر جدا وكنا راكبين فى البوكس متجهين لى بيت ناس طارق فى الحاج يوسف وعلى ما اعتقد كان معانا بدر الدين عطا وبابكر عبدالله ووليد أحمد مدنى وعثمان منصور ان لم تخنى الذاكره وقدام مبنى التصنيع الحربى فى كوبر قام طارق وقف العربية ونزل فجأة ووقف مع واحد كان سائق موتر ولافى وشو بى شال وبعد دقيقتين جا قالينا انزلو ارفعوا الموتر ده فى البوكس ونزلنا رفعنا الموتر فى صندوق البوكس وركب الراجل معانا لأنو البوكس كان دبل كابينه ولما وصلنا الحاج يوسف الراجل قال يا اخونا كتر خيركم انا وصلت نزلونى هنا ، وتاااانى نزلنا ( شيلك ختك شيلك ختك .. نزلنا الموتر ) وبعدها سألنا طارق الراجل ده منو ،،، قالينا والله ما بعرفو ،،، طيب مالك او مالو ،، واحد سايق موتر ماشى فى الشارع توقفو و تركبو و تركب موترو معانا انت يا زول جنيت ولا شنو قام قالينا يا أخونا حرام عليكم البرد شديد والراجل لابس ليه هدوم خفاف فضحكنا كثيرا على طارق ونحن لا ندرى أننا نضحك على أنفنسنا ......
** مره جينا داخلين بيت ناس طارق وأذكر كان معانا عبده عوض ومصطفى همد و عبد الماجد تاج السر وطارق زاتو وكان عايز يغير ملابسو ونطلع تانى لقينا البيت فيهو شوية تنشنه وكان والده موجود وامه واخوه معاويه كان زعلان جدا فقام معاوية بد ا الكلام قلينا يا اخونا اتكلموا مع الزول ده ( طبعا قاصد طارق ) الزول ده يطلع كل يوم من الصباح ما عندو شغله غير ماشى يطلع لى فلان رخصه ولى فلان جواز وفلان تأشيره وماشى المطار فلان أولادو جايين من السعودية وشايلين معاهم رسيفر وماشى الأراضى فلان اسمو ما طلع فى الكتيب ( طبعا الرسوم بتاعت الحاجات دى كلها نحن عارفين البدفعها منو) ،،،، يأخوانا الزول دة لغاية اللحظه دى ما عمل للبيت دة أى حاجه ولا عارف عنو حاجة . لغاية هنا انتهى كلام اخونا معاويه . لكننى لاحظت فى عينى حاجه بثينه وعينى حاج محمد شيئا اخر ... المهم ،، اتكلمنا مع طارق وتركناه فى البيت وطلعنا وبعد كم يوم جيت ازوره ووجدته مريض ومحموم وتعبان جدا ورافض يمشى الدكتور فنادتنى حاجة بثينه فى الاوضه التانية قالت لى يا الطيب يا ولدى سوق معاك طارق دة وخلى يسوى الداير يسوى و حيبقى كويس انا عارفه ما فى شيئ مارضو غير قعدتو فى البيت وعدم خدمتو للناس والله الولد دة من انا ولدتو وهو واهب رقبتو لى خدمت الناس ، وتدخل حاج محمد ايضا : الطيب يا ولدى سوقو وما تشتغلو بى كلام معاويه ، معاويه بكبر الحاجات ساكت وخدمت الناس دى فى أحسن منها ... سوقو الله يديكم العافيه ( سلام سلاح للحاجه بثينه والعم محمد احمد ) طلعنا ولما وصلنا الشارع الرئيسى كانت الحمى قد اتلاشت وردت فى صاحبنا الروح والإبتسامه البريئه وقال لى وفق وتعال بى جاى انا حاسوق لأنو انت من الحاج يوسف لغاية الثورة حتعملينا 600 مشكلة ،، يا طارق المودينا الثوره شنو ,, فقالى حاجه ( طيبه ) قالت ماشه العمره فعايز اشيل منها الجواز عشان بكره اوديه السفاره الصباح بدرى ( على فكره علاقة طارق بى حاجه طيبه انو اخونا الرائد عبده عوض صدمها بالعربيه ورقدت فى مستشفى ام درمان يوم وباقى الشهرين فى السلاح الطبى بوساطه من طارق لأختنا العميد ( أميره عطا ) شقيقة اخونا الملازم أول بدرالدين عطا ...
و كالعادة كان المرافق للحاجة طيبه اخونا طارق و من ديك وعيك ... القصه دى حدثت منذ اكثر من عشرة سنوات .. ولغاية قبل وفاة طارق بفترة بسيطة مشيت معاه للحاجه طيبة فى الثوره وزرتها ولامتنى ولامت أخونا عبده عوض ،،، وطارق كان يحرش فيها وقلت ليهو يا طارق ما تشعلل النيران حاجة طيبة دى أنا بعرفها قبلك (لأنو انا وعبده عوض كنا مع بعض لما حصل الحادث ) فأنبرت لى الحاجة ..طارق البفقدنى وطارق اصلو ما إنقطع منى ..طارق وطارق ... طارق وطارق
وصلنا الثورة وشال منها الجواز وغادرناها أمام باب بيتها وهى تنادى وتدعو يا طارق الله يديك شنو ويديك شنو وسوى ليك شنو شنوو شنو شنو ..
** فتح الجواز .. الجواز طلع ما مجدد .. وطارق ما كان عندو قروش طبعا اكوكت أنا .. قدر العندى قدر عليها
** حتى هذه اللحظة حاجه طيبه لا تعلم بوفاة اخونا طارق ( البكلمها منو )
** حبيبى يا طارق .....

*** تلفون حاجة بثينه والدة طارق ( 00249911745560 ) وهى تفرح جدا لما احد اصدقاء المرحوم طارق يتصل ويسأل عنها فالنحيها جميعا

الكتابه عن طارق وحكاويهو تطول وانا متاكد ان كل منا لديه مع طارق ما يعجز السان والذاكره عن ذكره الا اننى اعدكم ان اصطحبة معى كلما تفقدت الاحوال
** سيادتو ألى ( على )
وين انت ياخى لا اسكت الله لك حسا
** الفارس : ما ناسى كلامك عن اقتراحى برجع ليك وعمر محمد عثمان ده انا ممكن استعمل معاك فيه اقدميتى
** عادل عبد الحميد : والله مشتاق ليك وسعدت جدا بتفقدك للأحوال بالمناسبه عمر محمد عثمان عايز يفتن بينا ما تشتغل بى كلامو كتير

Post: #407
Title: Re: دفتر احوال ضابط الشرطة المناوب
Author: Ali Sirelkhatim
Date: 09-26-2008, 00:03 AM
Parent: #406

show details 7:23 PM (37 minutes ago) Reply




السيد فارس موسى اول حاجة اشكرك كتير لانك عفيتنا من مصادمة دفعتك
العكليد الكمندان الطيب عثمان يوسف و انتو يا اخوى مع بعض زيتكم فى بيتكم
دفعة واحدة و كده
الجنا نجيض ما فى شك يا كمندان و امين نورالدائم و صلاح بابكر بايدوا
كلامك ده اما قصة ترشيح الوحش طلال مرجان وقصة ناس هامش جد جد و الدفوع
التانية القلتها دى نتمنى تكون حقيقة وما تكون بوراها اجندة خفية..وانحنا
يا كمندان ملاحظين اهتمامك الشديد و اعجابك الذى لا يمكنك اخفاؤه بالدفعة
56 رغم انو هم ما جونيرك و الكلام ده البخلى ناس 54&55 يدخلوا الغابة و
اتخيل لى من حقهم بحكم انهم جونيرك الانت مهمشم وانت المدافع عن قضايا
اهل الهامش..وتحت تحت يا كمندان كانت فى تحركات لطرح مشروع ضمك للدفعة 56
و كانت المشكلة الوحيدة المواجهة المشروع ده كيفية ضمك لدفعة احدث
..نتمنى يا كمندان تكون طوالى مع ناس الهامش...اسامة على يا دفعة يا كارب
انت كيف تتكلم مع الكمندان عبده عوض كده انت عاوز سيد فارس يلقى فينا
فرصة و يقول عدم انضباطنا هو سبب تهمشينا و تخييره للدفعة 56 علينا يا
دفعة اذا كان الحج بخل بالضبط و الربط (نلخوه) ويا دفعة معليش والله كان
ما تابعت الكمندانات ديل حاتابع منو مالك عايز تجيب لينا الهواء...بعدين
بدل ما تقعد تناكف فى الكمندانات قول لناس دفعتك ديل اظهروا بس خليكم من
الافطار الجماعى ده قنعنا منو رمضان و اتلحس...اما دفعتك كوجار فانت عارف
انو رمضان بدخل عضمو من اول يوم ياخى انت زاتو ما بركة البقى يصوم
والى ان نلتقى استودعكم الله الذى لا تضيع ودائعه
اخوكم
محمد اسماعيل محمد
دفعة 54

Post: #415
Title: Re: دفتر احوال ضابط الشرطة المناوب
Author: 7abib_alkul
Date: 09-26-2008, 11:17 PM
Parent: #404

يا ناس البوليس انا شايف دفتركم دا بقى اجيب سيرة القعدات والجكس والدلوكة و شايف ناس الشرطة الامنية بجوا اتاوقوا مرة مرة
لحد هسع مافى عوجة بس اوع تسرحوا فى الزكريات لمن نسمع صوت الكبابى تطاقش ونشم ريحة حفرة الدخان تنبعث من الميذ
تحياتى لسادة الضباط وتحية خاصة لسيد التلب

Post: #408
Title: Re: دفتر احوال ضابط الشرطة المناوب
Author: فارس موسى
Date: 09-26-2008, 02:14 AM
Parent: #1

Quote: كده انت عاوز سيد فارس يلقى فينا
فرصة و يقول عدم انضباطنا هو سبب تهمشينا و تخييره للدفعة 56 علينا يا
دفعة



محمد إسماعيل يا رفيق المهاجر والغبائن وعمدة بوليس اوهايو سلام وكل سنه وإنت طيب والمعاك

خلينى اتكلم عن نفسى انا ناس 54 و55 ديل اصحابى جدا وعلاقتى بيهم خاصه برضو ولكن ... ولكن تفتح باب التهميش

والتقريب سر محبة ناس دفعتنا لناس 56 شرحو بطول واقرب حاجه الإحساس بتاع محبتك ورعايتك لواحد من اخوانك الصغار

لانو بتشوف فيهو حاجات منك وبالتالى بكون فى زى إرتباط وجدانى وحنو وموده خاصه واكتفى عشان شرور اولاد الإشلاقات

الملأ بيهم عباس مدنى البوليس !!

تانى حاجه ناس 54 اغلبهم كانوا دفعة بعضنا فى الدراسه وبالتالى الحذر يشوب العلاقه خاصة إذا إكتشفت إنو فى ناس

فى 54 اقدم مننا فى فصول الدراسه !! وكمان الزول لما يعاصرك فى الكليه (جونير ) بكون زى الطريد !!

اما ناس 55 إنت براك عارف الرجال ديل جابوهم كيف ومن وين !! فعشان هيك اخير لينا اخوانا الصغار اولاد56

فى ناس فى 55 درسونا وواحدين نهرونا فى الحفلات جينا لقيناهم جنايرنا !! معقوله دى ؟؟

اها إنتو رأيكم شنو بتحبو جنايركم ؟؟ وياتو جناير ؟؟ جنايركم الدفعتكم ولا جنايركم البنحبهم نحن ؟؟

جاوب بس يا ضابط وما تطنطن !! نزل إيدك وجاوب إجابه واضحه بدون لف ودوران وما عايز تاريخ .

اها هسه فى داعى تدخلونا فى شبك ذى دى يا محمد والطيب .

الدنيا رمضان وفى ذمتك شوف لى الفريقين ديل :

مالك كرومه

خالد وداعه

الحاج اسامه الكرور

حسن فنيه (الحلفاوى العكليت )

بناسبة الحلفاوى العكليت اسامه انور الكارثه

حجر الحجر

يلا تعال شوف ديل

مهدى الامين

الوليد يوسف سعيد

خالد عبد الباقى

المحجوب

عمر محمد عثمان

عاصم ابوه

معتز حيدر

عادل سلمى

والماعندو محبه ل56 ما عندو الحبه


ياجماعه دونت تيك مى سيريس (ما تاخدونى بجد )

انا احبهم جميعا .


أمين نور الدايم اظهر ياخ وبطل غتاتة اولاد الإشلاق . تحياتى لبلدياتى المواطن والاهالى الدكتور المهندس محمد جاد كريم .

Post: #409
Title: Re: دفتر احوال ضابط الشرطة المناوب
Author: Yassir Tayfour
Date: 09-26-2008, 02:37 AM
Parent: #408

يا فارش موسى..
___
أرفع وشيك شوية..

Post: #410
Title: Re: دفتر احوال ضابط الشرطة المناوب
Author: Adil Hamza
Date: 09-26-2008, 02:39 AM
Parent: #408

مرورى متفقدا الاحوال
و سعيد جدا بهذا الحراك بالدفتر و مرور السادة الزملاء

سياتو الطيب عثمان يوسف و الله انا مشتاق ليك بالاكثر
و سعيد جدا انو الواحد قدر يكون على اتصال عبر السايبر
معاك نعرف اخبارك و تعرف اخبارنا- اخونا عمر محمد عثمان
يا سياتو الطيب ما زول مديده حارة اكيد عاوز النفوس
تتصافى و هى اصلا صافية لبن و بالمناسبة سعادتو الكان
ماسك مجلس التحقيق معانا هنا فى امريكا نشوفك حا تتزكرو
ما اظنك تتزكرو

سياتو فارس وينك ياخى اخبارك مقطوعة طولنا ما اتكلمنا
بديك تلفون بكرة بعد الفطور ود دفعتى ده العاوزين
تبقوهو دفعتكم بمقلبكم بمشى اصاحب ناس 50 او 49 و يمشى
فوق و يخليكم فى محلكم و الندم بحصل

سياتو محمد اسماعيل ليك وحشة ياخى صورك بتاعة الكلية
جميلة جدا تحياتى لى على اخواتو و امو

اخونا و دفعتنا عمر محمد عثمان شايفك خلاص حا تنضم
للدفعة 52 باقى نحن ما فارقة معانالانك اقدم مننا
لو فى 56 او 52 لكن الكلام ناس 54 و 55 حا تفوتم
فى الاقدمية و ما اظنهم برضو خاصة اخونا محمد اسماعيل
ده زولا قلبو حار ما برضى الكلام ده لكن فى النهاية
كلام ناس 52 يعتبر تعليمات
و يا عمر ما تشيل هم لى معاوية و سراج ديل انا بعصرم
ليك كويس بس كرودى و علاءالدين ديل اقدم منى وصى ليهم
محمد كرم الله

فتكم بى عافية و كل عام و انتم بخير

رائد م عادل عبدالحميد

Post: #411
Title: Re: دفتر احوال ضابط الشرطة المناوب
Author: Ali Sirelkhatim
Date: 09-26-2008, 03:13 AM
Parent: #410

الطيب عثمان يوسف to me
show details 10:32 PM (31 minutes ago) Reply




* ( طارق والطيب ) مرورى متفقدا الحوال

** سيد على :
يا اخى السلام سنه ، بعدين يا أخوى مشاركاتك اثناء المرور قلت خالص شايفك شغال شغل رانكر الجماعه يعكسو ليك فى الإيميلات وانت تشوت . عايزنك تدينا من بيت الكلاوى .
** محمد اسماعيل : يا ظابط انت وين الزمن ده كلو .... مداخلتك جميله جدا وضحكت فيها كتير خالص ... بعدين يا ظابط لو قريت اقتراحى كويس انا قلت انو الدفعه 56 حتنقص فصيله كامله بعد ترفيع عمر محمد عثمان لعلمك الفصيله دى حنكملها من 54 و55 واليك الأمثله التاليه ( أمين نور الدايم ، مالك كرومه ، الصادق ويو ، وليد المعلم ، عادل الباشا ، صلاح الزبير ... صابر الله جابو .... ده شنو ده .... حاجه تحير ) بعدين أ قول ليك ( سر ) فارس موسى انا بعرفو كويس كتب الكلام ده فى دفتر الأحوال عشان ما يفقد شعبيتو لكنو صدقنى بكون عمل لى عمر اعتزار رقيق جدا فى ايميلو الخاص .. اسمع و بكون قال ليهو انا اول واحد بثنى الاقتراح فى الجمعيه العموميه . وبينى وبينك بكون قال ليهو كلمتين غزل ومرسل معاهن صورتو كمان .. أسال اسامه على وصلاح بابكر . ( ياخ اقوليك حاجه ده قايمتو من دفعتنا المرشحه للشطب جهزها وكاتب فيها اسم ابوزيد محمد على والطاهر عبد الرحمن واميره بابكر و الاسم الرابع مشاوراتو جاريه مع امين نور الدايم )

** محمد عبد المنعم التلب : يا سعاتدك مرورنا على الأحوال ده ما تدينا فيو قيد واقتراحنا ده مر فيك سااااااى كده يا سعاتدك . خلينا فى الجد بالله يا محمد أرجو جرجرة عواجيز الدفعه ديل لتفقد الأحوال حتى نجنى الثمار الحقيقية منه . وييييييين هاجر عوض وبدر الدين عطا و مصطفى همد يا محمد .
** فارس موسى : كيف ليك كده ....
** عمر محمد عثمان : اللعب على الحبيلن ده ما بنفع وخليك زول واضح شنو مره تقول دى تعليمات ومره خلونى لى ناس كوردى ، ياخ انت كرودى ده ما كفايه الشلتها منو عايز تعمل فيو شنو اكتر من كده ( تحياتى لأم عبد الرحمن والحاجه ) ، عمر ، ضرورى تتصل بى فتح الرحمن النور و صديق دياب تخليهم يتفقدوا الحوال .. السيوفى طبعا فى الكمبيوتر ( my mother ) بس كلمو قليهو عندك 72 ساعه لو ما اتفقدت الأحوال انا بكشف حالو ( معاويه جعفر وكده ) طبعا فاهمنى يا عمر .
** ( د. وليد المعلم / مالك كرومه / الصادق ويو / عادل الباشا / صلاح الزبير / صابر الله جابو / امين نور الدايم / عادل عبد الحميد / الطيب بشير) عرفتكم زملاء عرفتكم رجال عرفتكم اشاوس عرفتكم اخوه واصدقاء . لكم منى كل الود والتقدير ودعائى لكم بالتوفيق .

مغادرتى وهدوء الاحوال ..
رائد شرطة / م / الطيب عثمان يوسف الدفعه .. 52

Post: #412
Title: Re: دفتر احوال ضابط الشرطة المناوب
Author: Ali Sirelkhatim
Date: 09-26-2008, 03:21 AM
Parent: #411

على سرالختم,عبدالرحيم سيد فقيرى,محمد عبدالمنعم التلب
ويا برعى اظهر



ياخ اخوانك مشتاقين ليك

Post: #413
Title: Re: دفتر احوال ضابط الشرطة المناوب
Author: Ali Sirelkhatim
Date: 09-26-2008, 08:29 PM
Parent: #412




دفار الجن
يا اخوانا الدفار ده اتحرك من اخر محطة وجاتنا البلاغات التالية:
1/فى واحد ركب من اخر محطة وهو لابس بنطلون وقميص ولما نزل فى محطة اربعة نزل بى لباس وشراب فقط.
2/واحدة ركبت من محطة تلاتة وهى ما حامل ونزلت فى محطة خمسة وهى حامل.{ديل محطتين بس وبرضو تقول لى ابوسريع اللميع}
3/واحد ركب من اخر محطة وكان لابس جلابية وعمة ونزل فى محطة خمسة وهو لابس بنطلون وقميص.
4/فى واحد ركب من محطة ستة وهو لابس سروال وعراقى ومانزل ذاتو وهو ليس موجود من ضمن ركاب الدفار.


وبعدين هو الدفار ده تابع للخطوط الجوية السودانية ولا شنو؟

دفار الجن ...
دفار الجن ..

على سرالختم
روشستر نيويورك
الولايات المتحدة

Post: #414
Title: Re: دفتر احوال ضابط الشرطة المناوب
Author: محمد عبدالمنعم التلب
Date: 09-26-2008, 10:48 PM
Parent: #413

27/9 سعت 1:20 (ص) بتوقيت السودان
مرورى متفقدا الاحوال موضوع انتقال الاخ عمر محمد عثمان انا برى انه يحال لمدير الشئون الاداريه بالدفعه الاخ شمس الدين اسف السيد العقيد شرطه معاش شمس الدين (كمكرى) لدراسه الامر ليحدد موقع تسكينه بالدفعه ان اجاز الفكره مع لجنته.
اجماعيا: بين ظهرانينا بالخرطوم هذه الايام لتمضية اجازة العيد:
لطفى احمد عمر
الفاتح الطيب مدنى
عبد الرحيم سيد فقيرى
حلوا اهلا ونزلوا سهلا وعيد سعيد للجميع باذن الله

Post: #416
Title: Re: دفتر احوال ضابط الشرطة المناوب
Author: Ali Sirelkhatim
Date: 09-27-2008, 04:12 PM
Parent: #414

يابوليييييييييييييييييييييييييييييييييييييييييييييييييييييييييس الحق الدفتر لقيتو فى الصفحة الثانية.
دى تعليمات لكل الذين لديهم باسورد ماعدا سيد التلب طبعا اما الباقين كلكم ياظباط الدفتر ده ما نلقاه فى الصفحة التانية.

ملاوز اول شرطة معاش

على سرالختم

Post: #417
Title: Re: دفتر احوال ضابط الشرطة المناوب
Author: Ali Sirelkhatim
Date: 09-27-2008, 05:34 PM
Parent: #416

*** ( طارق والطيب )

مرورى متفقدا الأحوال ...
عودتى الآن من نادى ضباط الشرطة ( ابو ظبى ) بعد انتهاء الافطار الجماعى الذى ضم كل من :
السيد اللــواء شرطة / محمد احمد هاشم
السيد اللــواء شرطة / د . محمد الامين البشرى
السيد العقيد / عبد الناصر الياس
السيد المقدم / الفاتح كامل
النقيب / اسامه عبد الرحيم .
وقمت باخطارهم بضرورة تفقد الأ حوال

** التلب : تحياتى الأخبار البتجى منك دائما حلوه
الحقنا بى رقم تلفون الأخ الفاتح الطيب مدنى
** مغادرتى

رائد / الطيب عثمان يوسف

Post: #418