وزير الإرشاد بالقضارف: أرفض الاستقالة لأنها أدب غربي وأنا إسلامي!!

Quote: وزير الإرشاد بالقضارف : أرفض الاستقالة لأنها أدب غربي وأنا إسلامي القضارف : محمد سلمان رفض وزير الرعاية الارشاد بولاية القضارف تقديم استقالته واصفا الاستقاله بالأدب الغربي الذي لا يقتدي به سيادته لكونه إسلاميا. في وقت وجّه فيه مجلس تشريعي الولاية في جلسة طارئة انعقدت أمس لمناقشة حادثة وفاة (12) مواطنا صبيحة يوم الأحد

http://www.alwatansudan.com/index.php?type=1andissue_id=1963andid=1

هسه يجيك واحد مقتدي بي مولانا ده و يقول ليك ارفض الوقوف للإشارة الحمراء لأن نظام إشارات المرور غربي و نحن ناس أنظمة شرعية ساي
اها نسوي شنو نحن مع الباب الفتحو لينا سيادتو المستهبل ده؟
سلامات يا نذير

سلام يا حجازي :
ولماذا لا يرفض الانتخابات صراحةً لانها ادب غربي ؟ ولماذا لا يرفض البنطلون لانه ادب غربي ولماذا لا يرفض الانقلاب نفسه لانه عمل افريقي ولا اسلامي ؟ والزول بصحه بفتكر انو نحن صدقنا انه بيرفض الاستقالة لهذا السبب ؟ يعني ياوزير مافي اي سبب تاني ؟ قول والله ؟ هههههههه

لووووووووووووووووووووووووول @ د. سيف and النعمة

يا جماعة زول يودي الراجل دا الضل، ويقول ليهو النكس اللي لاباسو زاتو قماشو غربي
والله إلا يمشي ميطي ويركب جمل علشان يكون إسلامي خالص

لووووووووووووووووووووووووووووووووووووول @ أحمد المرضي

دحين يا جماعة الوزارة دي زاتها ما نظام غربي؟! زي ما قال شيخهم الترابي!!

كان شالوهو ما بتشال، وكان خلوهو خرب الدار

لقد صدق الرجل فيما قال فلماذا يلومونه فالرجل فى الدولة الإسلامية لا يفصله عن وظيفته العامة سوى الموت أو الفصل إن كان هناك من هو أعلى منه و أمضي ذلك ، و قد كان إمامنا الحسن رضي الله عنه استثناءً فى ذلك و إن كان البعض يري أنّه حتى إمامنا رضي الله عنه و أرضاه قد فعل ذلك باشتراط . فلماذا تغمطوا الرجل حقه فى الإحتفاظ بالوظيفة العامة التى ورثها من دولته الإسلامية التى لا يستقيل فيها أحد ؟.

أرجو المعذرة أخى النذذير فقد أنستني المفاجأة أن أؤدّى واجب التحية . كن بخير و كل الأهل و الأسرة .

سلام


المكتب والتربيزة ادب غربي

خلي يمشي يقعد في البرش والشملة

يا النذير يا اخوي
شكرا علي نكتة منتصف الليل في كندا
الزول دا حقو يعرف ان التلاجة، الغسالة، الخلاطة، العربية و الخرسانة ذاتها منجزات غربية
بعد يعرف انو الموبايل الشايله دا ايضا غربي و انتاج كفار
خليهو يخليهم كمان مع الإستقالات
دا واحد من جماعة الضو محمد الماحي .... الرجل الفاسد

النذير

سلامات.

الكوز ده راكب سيارة أخر موديل ولا راكب دابة؟

الأخ النذير ........لك التحية

المشكلة شنو الرجل ( بيأصل ) لي عدم الاستقالة

وبرضه ( توطين ) لي ثقافة عدم الأستقالة

قول ليه الأداة الانت اعلنت بيها رفض الاستقالة برضه غربية كان ميكريفون ولا كيبورد ولا قلم حتي

شكري لك

Quote: ويركب جمل

اطمنك تب يا اخوي الجمل ركبو
وكلهم بركبو الجمال لانهم بحبو القصواء

هاك الناقة دي