Post: #1
Title: ثيرموميتر التهاني و التعازي ... و نفسيات البورداب !!
Author: يحي قباني
Date: 06-24-2013, 09:34 PM
Parent: #0
زماااان ...
كانت من صفاتنا في السودان ...
لو اختصم اي شخص مع شخص اخر ...
و مهما بلغ الفجور في الخصومة بين الناس في السودان ( زماااان ) ...
تنتهي كل تلك الخصومة عند اول مناسبة اجتماعية ...
اذا حدث لاحد طرفي الخصومة مناسبة ... فرح ...
كنجاح احد الابناء ... خطوبة بنت من بناته ...
او حتي لو ترح ... وفاة او حادث ...
تجد الخصم الاخر يأتي ... و يبارك او يواسي ...
وتبدأ الاحضان بينهما ... وتذوب كل الثلوج ...
وتجد الخصم من اكثر الناس وقوفا بجانب الاخر !!!
بل بالعكس ... تجد ( الاجاويد ) المخلصين يهرعون بجمع الاطراف في مثل تلك المناسبات
لعلمهم التام ... انها ستحل كل العقد ...
الا ما اشاهده هنا في هذا المنبر ( العجيب ) ...
شاهدت اناسا يختصمون مع آخرين لان هؤلاء لهم خصومة مع شخص ثالث ...
نظام ( مواجبة ) وكده ...
ولكن ما فاجأني حقيقة ...
لا ترح و لا فرح ... لا تجدهم يجاملون ولا من يحزنزن ... لا شئ يهز وجدانهم !!!
اعلم ان ( زحمة ) البوستات احيانا ( تضيع ) بوست المجاملة فرحا كانت ام ترحا .. ... ولكن
كثيرا ما تجد البوست و تجدهم حواليه ولا عليه ...
شاهدت ايضا من ليس له اي خصومة مع اي احد ...
ولكنه يجامل في حدود ما ( يشوت ) في اتجاهه بعض الناس !!! رغم انه لا يعرفهم ...
و لكن ( للضمان ) كده ...
هل تغيرت نفسيات المواطن السوداني لهذه الدرجة ؟؟؟
من اين جاءت تلك ( البقعة ) الداكنة و كيف دخلت في نفوس السودانيين !!!
معقول ديل انحنا القال فوقنا حميد :
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
_____________________________________
والله محتار ...
ولا اكون بس طولت من السودان ؟
|
Post: #2
Title: Re: ثيرموميتر التهاني و التعازي ... و نفسيات البورداب !!
Author: سيف اليزل سعد عمر
Date: 06-24-2013, 09:38 PM
Parent: #1
محاولة لبناء ما تهتك من النسيج الاجتماعى السودانى خلال ربع القرن الماضى
|
Post: #3
Title: Re: ثيرموميتر التهاني و التعازي ... و نفسيات البورداب !!
Author: محمد البشرى الخضر
Date: 06-24-2013, 09:56 PM
| Quote: ولا اكون بس طولت من السودان ؟ |
ما كدا يا هندسة لكن يمكن تسعين في المية من البورداب عايشين برة السودان بالسنين
فا اكيد طوّلوا من حاجات البلد و اتطبّعوا بطباع المجتمعات الجديدة
|
Post: #4
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-25-2013, 01:59 AM
Parent: #3
| Quote: محاولة لبناء ما تهتك من النسيج الاجتماعى السودانى خلال ربع القرن الماضى |
الاخ سيف
حبابك يا رجل ...
نحاول سوا ... جايز نفلح ...
|
Post: #5
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-25-2013, 02:01 AM
Parent: #4
Quote: ما كدا يا هندسة لكن يمكن تسعين في المية من البورداب عايشين برة السودان بالسنين
فا اكيد طوّلوا من حاجات البلد و اتطبّعوا بطباع المجتمعات الجديدة |
ود البشري يا صديقي ...
دحين اهلنا زماااان
ما قالوا الطبِع يغلب التطبع ؟؟؟
الناس مالها اتلخبتت و ( إنخلتت ) ؟
|
Post: #6
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-26-2013, 01:27 PM
Parent: #5
يعني مثلا ...
في واحد شايل كيبوردو وحايم
لو زول قحة ... يتنحنح بي وراهو
أي بوست ... في أي وقت من أوقات اليوم
تلقاهو يا اول يا تاني رد بالكتير
والله العظيم لي فترة كنت قايلو ( نائب ) بكري !!
اها في بوستات مجاملات ما فيها غير فرح ليس إلا
صاحبنا ده ما يكلف خاطرو و يجبر بي خاطر سيد البوست !!?!?!
ده مثال حي للمواجبة
رغم انو ما شكلهم راجين مواجبته دي في عضمها
___________________________________
دي انا بسميها مواجبة مشوبة بالعوارة ..!
|
Post: #7
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-26-2013, 01:35 PM
Parent: #6
مثال آخر
القنادف !!
القندف بيفتكر انو ما محتاج يجامل زول
كيف يتنازل و يجامل وهو ( القندف ) !!!؟
أو بفتكر انو لو جامل ما مفروض يجامل إلا
من وصلوا مرحلة ( القندفة ) !!
_______________________
رغم ( القندفة ) الكضابة ...
لكن الحق ما عليكم ... الحق علي الناس القندفتكم !!!
|
Post: #8
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-26-2013, 01:50 PM
Parent: #7
أيضاً مثال ...
المخلوقات الدقيقة !!
وده نوع جديد من الناس في السودان
يتكاثر زي الفطريات ..كما في الخميرة
اول ما يحس في بوست فيهو مبادئ خميرة
وبمجرد ما يشوف الفطريات الأخري بدأت تتكاثر
يجيك جاري ... مرات يصفق مرات يولع في النيران
طبعا لأنو المخلوقات ( الدقيقة ) معروف انها
بتتكاثر عن طريق الانشطار الثنائي و التبرعم و الاقتران .
اها النوع ده اول ما يجئ بوست ( healthy)
أو فيهو شئ من الفرح أو المواساة
لا يمكن يجئ و يجامل ...
______________________________________
الهواء النقي بيقتلوا ... محتاج موية مجاري علي طول الخط
|
Post: #9
Title: Re: ثيرموميتر التهاني و التعازي ... و نفسيات البورداب !!
Author: Hussein Mallasi
Date: 06-26-2013, 01:59 PM
Parent: #8
واضح فعلاً إنك طولت من السودان .. لأنو كلامك بتاع الملاومة
والمطاعنة دا كان حكراً على النسوان .. وفي النسوان نسوان زمان.
|
Post: #10
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-26-2013, 02:08 PM
Parent: #9
اوووووه ...
حسين حسب الله ملاسي !!!
قلت لي كلام نسوان ؟؟
والنسوان يا ربي كلامهم مالو ؟
_______________________
الفهم قسم ...
|
Post: #11
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-26-2013, 02:16 PM
Parent: #10
مره سالو اسامه أنور عكاشة
الكاتب المعروف بعدما كتب قصة درامية
أساءت للملكية و النظام الملكي ( حسب فهمهم ) ...
سالو المذيع بانو قصته دي أثارت حفيظة السعودية
وانهم قاموا بمنع عرض المسلسل !!!
فكان رده ...
انا لما بكتب قصة درامية لمسلسل
آخر مكان مكان ممكن يخطر علي بالي أني بوجهلو رسالة
عبر كتاباتي هو السعودية...
هم أحرار يقروا ينشرو ما ينشروش
مش هم اللي بنتظرهم يقرولي ..!
|
Post: #15
Title: Re: ثيرموميتر التهاني و التعازي ... و نفسيات البورداب !!
Author: Muna Khugali
Date: 06-26-2013, 02:26 PM
Parent: #10
سلام ود قباني..
التهاني والتعازي في رأيي واجب ان كنا حقا نود التمسك بأواصر العلاقة في المنبر..
التي ربما قد نميناها خارج المنبر او حتي في حدود المنبر..
تخفيف الالأم من الآخر في حالة الحزن عن طريق المشاركة بكلمة دعاء امر هام للغاية..
كذلك مشاركة الفرح..هل هناك أجمل من أن تفرح الآخرين؟؟
...............
...............
الا أن هناك من يسيء فهمك لموضوع المشاركة..لا يشاركك ألمك
أو فرحك عندما يحدث أي منهما علي الرغم من أنك شاركته من قبل في كل ما مر به...
فيجعلك هذا التصرف تعيد النظر في أمر مشاركته آلامه وأفراحه في المستقبل ...
بالظبط زي الزول البتدخل ليه بوستاته وما يرد ليك..تاني بتدخله؟؟
الحمدلله علي نعمة الحب والرحمة في القلوب..
تحياتي لك ولزوار البوست..
|
Post: #12
Title: Re: ثيرموميتر التهاني و التعازي ... و نفسيات البورداب !!
Author: محمد محمود محمد
Date: 06-26-2013, 02:22 PM
Parent: #9
قباني يا حبيب..
تعرف البورد ده فيهو أسوأ ما اكتسبناهو من صفات الفترة الأخيرة
يعني الحباة الواقعية ما بالسؤ ده..
وده راجع للشخصية الأسفيرية ال بتتقمص بعض الناس هنا
يعني تلاقي واحد كان بيحلم أنو شتّام و سليط اللسان
و تاني بيحلم أنو شجاع وبيوقّف كل زول في حدّو
وغيرو بيدّعي المساخة و القطامة..
أها ديل كلهم بيجوا يمارسوا تهيؤاتهم عن أنفسهم هنا في البورد
.....عشان كدة ما تستغرب لما تقرا هنا ..(إنو فلان ده أنا بعرفو ..زول لطيف و مهذّب وما زي ما بيظهر في البورد)
إنفصام شخصية مرتبط بالكي بورد يا صديقي...
______ تحياتي يا هندسة
|
Post: #13
Title: Re: ثيرموميتر التهاني و التعازي ... و نفسيات البورداب !!
Author: محمد محمود محمد
Date: 06-26-2013, 02:22 PM
Parent: #9
قباني يا حبيب..
تعرف البورد ده فيهو أسوأ ما اكتسبناهو من صفات الفترة الأخيرة
يعني الحباة الواقعية ما بالسؤ ده..
وده راجع للشخصية الأسفيرية ال بتتقمص بعض الناس هنا
يعني تلاقي واحد كان بيحلم أنو شتّام و سليط اللسان
و تاني بيحلم أنو شجاع وبيوقّف كل زول في حدّو
وغيرو بيدّعي المساخة و القطامة..
أها ديل كلهم بيجوا يمارسوا تهيؤاتهم عن أنفسهم هنا في البورد
.....عشان كدة ما تستغرب لما تقرا هنا ..(إنو فلان ده أنا بعرفو ..زول لطيف و مهذّب وما زي ما بيظهر في البورد)
إنفصام شخصية مرتبط بالكي بورد يا صديقي...
______ تحياتي يا هندسة
|
Post: #14
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-26-2013, 02:26 PM
Parent: #13
Quote: قباني يا حبيب..
تعرف البورد ده فيهو أسوأ ما اكتسبناهو من صفات الفترة الأخيرة
يعني الحباة الواقعية ما بالسؤ ده..
وده راجع للشخصية الأسفيرية ال بتتقمص بعض الناس هنا
يعني تلاقي واحد كان بيحلم أنو شتّام و سليط اللسان
و تاني بيحلم أنو شجاع وبيوقّف كل زول في حدّو
وغيرو بيدّعي المساخة و القطامة..
أها ديل كلهم بيجوا يمارسوا تهيؤاتهم عن أنفسهم هنا في البورد
.....عشان كدة ما تستغرب لما تقرا هنا ..(إنو فلان ده أنا بعرفو ..زول لطيف و مهذّب وما زي ما بيظهر في البورد)
إنفصام شخصية مرتبط بالكي بورد يا صديقي...
______ تحياتي يا هندسة |
محمد محمود يا صديقي
لكن الكي بورد ده الزول ما بيصحي منو؟؟؟
ما بجي يوم يعاين اول قبال ما يطقطق في الكيبورد
سبحان الله يا ابوحميد
نعاين بس
|
Post: #16
Title: Re: ثيرموميتر التهاني و التعازي ... و نفسيات البورداب !!
Author: saidahmed shami
Date: 06-26-2013, 02:34 PM
Parent: #13
شخصيا البورد أضاف لي أصدقاء حلوين وبي سبب البورد عرفت 60 % من بورداب الامارات
رغم قصر المدة بس حسيت أني بعرف كل البورداب من زمان
أريتك طيب أخوي قباني
|
Post: #17
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-26-2013, 02:40 PM
Parent: #16
Quote: شخصيا البورد أضاف لي أصدقاء حلوين وبي سبب البورد عرفت 60 % من بورداب الامارات
رغم قصر المدة بس حسيت أني بعرف كل البورداب من زمان
أريتك طيب أخوي قباني
|
وأنا نفس الشي يا شامي
كونت أصدقاء افتخر بهم تماماً
وأنا هنا ما ( عممت ) البورد يا صديقي
انا بتكلم عن فئة معينة فقط
كن بخير يا صديق
|
Post: #18
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-26-2013, 02:55 PM
Parent: #17
| Quote: الحمدلله علي نعمة الحب والرحمة في القلوب.. |
مني يا جميلة ...
نعمة الحب ربنا ختاها داخل الناس جميعاً ...
الا ان بعض الناس عمايا يا صديقتي...
دمتي صديقه ...
|
Post: #19
Title: Re: ثيرموميتر التهاني و التعازي ... و نفسيات البورداب !!
Author: وضاحة
Date: 06-26-2013, 03:05 PM
Parent: #18
يحي
انا طردونى قالوا لى انتى ما سودانية الحاشرك وسطنا شنو
علشان انا احمل جنسية غير سودانية
وبدافع عنها الانى احترم البلد العشت فيها وترعرت واحتوتنى عمرى كلوا لا اعرف غيرها يحي
انا حزينة يحي
|
Post: #20
Title: Re: ثيرموميتر التهاني و التعازي ... و نفسيات البورداب !!
Author: محمد البشرى الخضر
Date: 06-26-2013, 04:51 PM
Parent: #19
بعد اذنك يا يحيى
يا وضاحة ما في زول بحق ليه يطردك او ينزع عنك إنتمائك او يفرض عليك شي
انت من تفعلين ذلك, قريت ليك كم مرة حديث عن السودان و السودانيين بطريقة توحي بعدم انتماءك له و لهم ولا ابالغ لو قلت بل انها توحي بأنك تستعرّين من هذا الإنتماء ودا البخلّي البعض يوجه ليك كلام عنيف و ما احسستي منه بالطرد
اغلب الأعضاء هنا يحملون جنسيات دول أخرى العديد منها من دول العالم الأول, لكنهم لا يقولون (سودانكم) بل (سوداننا)
|
Post: #22
Title: Re: ثيرموميتر التهاني و التعازي ... و نفسيات البورداب !!
Author: وضاحة
Date: 06-26-2013, 05:22 PM
Parent: #20
Quote: بعد اذنك يا يحيى
يا وضاحة ما في زول بحق ليه يطردك او ينزع عنك إنتمائك او يفرض عليك شي
انت من تفعلين ذلك, قريت ليك كم مرة حديث عن السودان و السودانيين بطريقة توحي بعدم انتماءك له و لهم ولا ابالغ لو قلت بل انها توحي بأنك تستعرّين من هذا الإنتماء ودا البخلّي البعض يوجه ليك كلام عنيف و ما احسستي منه بالطرد
اغلب الأعضاء هنا يحملون جنسيات دول أخرى العديد منها من دول العالم الأول, لكنهم لا يقولون (سودانكم) بل (سوداننا) |
العزيز محمد ود البشرى
السودان والسودانين وانا شنو ودمى شنو !!!
يمكن مرات بكون منفعلة او متوترة لما اقرى ردود الاخارين وبزعل كيف بسئوا لى بلد ماعاشوا فيها وما بعرفوها زى وبحكم عليها وبحاولوا يشوهوا ليك صورتها
انا بحاول اوصل ليهم فكرة بس هم حساسين زيادة عن الزوم انا ما بعرف اسئى ولا بقصد الاساءة الحمد لله لم اربي على ذلك
وانا بعتزر لى اى زول لو فهم تعبير خطاء وانا صدقنى ما بقصد اى شى
|
Post: #23
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-27-2013, 04:32 AM
Parent: #22
Quote: يحي
انا طردونى قالوا لى انتى ما سودانية الحاشرك وسطنا شنو
علشان انا احمل جنسية غير سودانية
وبدافع عنها الانى احترم البلد العشت فيها وترعرت واحتوتنى عمرى كلوا لا اعرف غيرها يحي
انا حزينة يحي |
وضاحة يا بتنا الحلوة ...
ياخي زى ما قال باشمهندس ود البشري
زول بيطردك ده ما وارد ...
ومحمد امكن قال ليك انك بتتكلمي عن قطر كانها بلدك ( الاول ) ... و معتبره السودان بلد اجنبي
المشكله اذا في تعبيرك عن حبك هنا و هناك ..
انا شخصيا عشت مرحلتين مهمات في حياتي
واحدة في السعودية ... والبلد ديك ادتني كتير و الحمد لله ...
والان 20 سنة في كندا ... وهي كمان ادتني اكتر من ما اطلب و اتمني ( مش مادة فقط ) ...
لكن بيبقي الكلام عن السودان ليهو طعمو ...
يعني لما اولادى يسافروا السودان ... بقول للكندين They went back HOME to visit our families
رغم انو كندا هوم و ابو الهوم زاتو ... ومستعد اكاتل عشانها ...
كمان عندك شئ مهم ... السودانيين بقي عندهم خصلة عجيبة ...
يعيبوا الدنيا كلها ... و ما دايرين زول يعيبهم او يعيب بلدهم ...!!
اذا بس اجبري بالخاطر و ما تخاطبي السودان الا و انو بلدك منه و اليه ...
|
Post: #21
Title: Re: ثيرموميتر التهاني و التعازي ... و نفسيات البورداب !!
Author: علي محمد الفكي
Date: 06-26-2013, 04:55 PM
Parent: #19
الفجور في الخصومة بقت سمة مميزة للمنبر يا قباني
واختلاف الراي يفسد الود
ومش كده وبس محاولة اغتيال شخصية الاخر
ومحاربتو وارهابو
وكمان بتنادو ليها ويتجمعوا
والناس البتدخل من الفيس برضو بعض منهم مستغلين المسألة بتاعة انو ما عليهم رقيب اداري
وهاك يا شتائم وكلام جارح
ويا وضاحة ما تحزني من الكتابات الزي دي اصلو الناس ما بترمي الا الشجر المثمر
واصلي بنفس نقائك العرفناك بيهو واكتبي قناعاتك
|
Post: #24
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-27-2013, 04:34 AM
Parent: #21
Quote: الفجور في الخصومة بقت سمة مميزة للمنبر يا قباني
واختلاف الراي يفسد الود
ومش كده وبس محاولة اغتيال شخصية الاخر
ومحاربتو وارهابو
وكمان بتنادو ليها ويتجمعوا |
جبت من الأخر يا ود الفكي ...
كلامك عديييييل ...
|
Post: #25
Title: Re: ثيرموميتر التهاني و التعازي ... و نفسيات البورداب !!
Author: يحي قباني
Date: 06-27-2013, 04:55 AM
Parent: #16
Quote: شخصيا البورد أضاف لي أصدقاء حلوين وبي سبب البورد عرفت 60 % من بورداب الامارات
رغم قصر المدة بس حسيت أني بعرف كل البورداب من زمان
أريتك طيب أخوي قباني
|
وأنا نفس الشي يا شامي
كونت أصدقاء افتخر بهم تماماً
وأنا هنا ما ( عممت ) البورد يا صديقي
انا بتكلم عن فئة معينة فقط
كن بخير يا صديق
|
|