Post: #1 Title: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 01:59 PM Parent: #0
واحدة من أميز الكوادر النسائية خوضاً للعمل السياسي في ثوبه الجديد .. في كل المحافل السياسية كانت حضوراً.. وكانت مواقفها واضحة إما من خلال البيانات التي تصدر عن حزبها أو عن طريق المشاركة في الندوات والملتقيات والمنتديات .. لا أدري ولكن لا أشعر أن هالة عبد الحليم تخطط وحزبها للتربع على الكرسي الرئاسة أو خوض أي معارك إنتخابية ربما لقلة العضوية داخل حزبها وربما لدوافع متعلقة بسياسات الحزب أو ربما للقناعة بعدم جدوى هكذا خطوة والتي ربما تجعل الحزب مكشوفاً .. الإنتخابات على الأبوبا وكالعادة وبنفس إستقبالنا لرمضان وللعيد كونه مفاجأة دون أن نستعد له هكذا تتعامل أحزابنا السياسية مع الإنتخابات ثم ما أن تعلن النتائج لصالح المؤتمر الوطني حتى وبدأنا في إيجاد المبررات من تزوير وغش و و و .. أشعر أن الفترة القادمة ستشهد موضة ترشح النساء للرئاسة في السودان فلا أستبعد مريم الصادق المهدي ولا أستبعد ندى القلعة كونها ستقول أن القانون يكفل لها فبعد أن ترأست نادي بيت المال الرياضي فها قد حان الوقت لرئاسة السودان .. وبما أن التسابق الرئاسي ربما يصل مرحلة الإستهتار فيتقدم الجميع للرئاسة بفمهو أن لي الحق في الترشح كمواطن تنطبق عليه الشروط والمواصفات فعلى من يمسكون بجمرة العمل السياسي في ثوبها الجديّ تجهيز أنفسهم منذ الان ..وحينها لكل حادثة حديث ..فقط عليك أن تعمل وتجتهد .. نتمنى أن تقوم هالة عبد الحليم بترشيح نفسها و أدعوها للتحلّي بالشجاعة لطرح برنامجها الرئاسي منذ الآن ..
تخريمة : الرسول فيكم كان تجيبو سيرة دينا خالد ..
Post: #2 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-24-2013, 02:03 PM
كلنا هالة
- صوتي من هسع حاجزو ليها ان شاء الله بس ما يهرم
Post: #3 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 02:28 PM Parent: #2
غايتو حيدر البعرفو انا ده بيلحق ناس التاج مكي قريييب :) :) :) عليك بي موية الملح وقليل من كريستال البلح :)
Post: #4 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: cantona_1 Date: 06-24-2013, 02:35 PM Parent: #2
Quote: تخريمة : الرسول فيكم كان تجيبو سيرة دينا خالد ..
ما دام الحكاية ترشيحات أنا أرشح دينا خالد ..مع أني ما بعرفها ولا بتعرفني إمكن لو فازت تتذكرني وتقول الزول رشحني وتديني لي حاجة استنفع بيها. مش الجماعة بقولوا: (بارك الله فيمن نفع واستنفع)؟
كبـّاشي الصـّـافي
Post: #5 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 02:47 PM Parent: #4
والله يا كانتونا ما عشان معانا هنا وقد تقرانا لكن البت دينا دي فعلاً راسها بيوزن بلد ولو إترشحت وفازت بتنفع السودان كتيير بناءَ على الاراء وطريقة التفكير البنشوفا ليها هنا ولي معرفتي بي إمكانياتها .. بس مشكلتها إنها مشهورة على نطاق سودانيز بس ما مرقت لي برة وطرحت أفكارا ..وناس سودانيز ديل وقت الحارة بتاعت الانتخابات بيعملوا يع ومااا عليهم تكلة .. :)
Post: #6 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Hani Arabi Mohamed Date: 06-24-2013, 02:47 PM Parent: #4
معك اتضامن وأصوت لدينا بنت خالد
Post: #7 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Hani Arabi Mohamed Date: 06-24-2013, 02:49 PM Parent: #4
معك اتضامن وأصوت لدينا بنت خالد
Post: #8 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-24-2013, 02:55 PM Parent: #7
Quote: كريستال البلح
قول شيفاز جوني ووكر او حتى بيرة هينكن الكريستلا ده حق مثقفاتية السبعينات المبشتنين الما بعجبوك ياخ
Post: #9 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-24-2013, 02:59 PM Parent: #7
(لن يفلح قوم ولّوا أمرهم امرأة)
هذا الحديث من الأحاديث التي تلقتها الأمة بالقبول ، ونصه :
عَنْ أَبِي بَكْرَةَ رضي الله عنه قَالَ : ( لَقَدْ نَفَعَنِي اللَّهُ بِكَلِمَةٍ سَمِعْتُهَا مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ أَيَّامَ الْجَمَلِ بَعْدَ مَا كِدْتُ أَنْ أَلْحَقَ بِأَصْحَابِ الْجَمَلِ فَأُقَاتِلَ مَعَهُمْ . قَالَ : لَمَّا بَلَغَ رَسُولَ اللَّهِ صَلَّى اللَّهُ عَلَيْهِ وَسَلَّمَ أَنَّ أَهْلَ فَارِسَ قَدْ مَلَّكُوا عَلَيْهِمْ بِنْتَ كِسْرَى قَالَ : لَنْ يُفْلِحَ قَوْمٌ وَلَّوْا أَمْرَهُمْ امْرَأَةً ) رواه البخاري (4425)، ورواه النسائي في " السنن " (8/227) وبوب عليه النسائي بقوله : "النهي عن استعمال النساء في الحكم " انتهى.
وليس في هذا الحديث انتقاص لقدرات المرأة القيادية في الإسلام ، ولكنه توجيه لقدراتها التوجيه الصحيح المناسب ، حفاظاً عليها من الهدر والضياع في أمر لا يلائم طبيعة المرأة النفسية والبدنية والشخصية ، ولا يتوافق مع أحكام الشريعة الإسلامية الأخرى ، التي حفظت المرأة من الفساد والإفساد .
وقد سئلت اللجنة الدائمة السؤال الآتي : "هل يجوز لجماعة من المسلمات اللائي هن أكثر ثقافة من الرجال ، أن يصبحن قادة للرجال ؟ بالإضافة إلى عدم قيام المرأة بإمامة الناس في الصلاة ، ما هي الموانع الأخرى من تولي المرأة للمناصب أو الزعامة ، ولماذا ؟ فأجابت : دلت السنة ومقاصد الشريعة والإجماع والواقع على أن المرأة لا تتولى منصب الإمارة ولا منصب القضاء ؛ لعموم حديث أبي بكرة أن النبي صلى الله عليه وسلم لما بلغه أن فارساً ولّوا أمرهم امرأة قال : ( لن يفلح قوم ولّوا أمرهم امرأة ) فإن كلا من كلمة ( قوم ) وكلمة ( امرأة ) نكرة وقعت في سياق النفي فَتَعُم ، والعبرة بعموم اللفظ لا بخصوص السبب كما هو معروف في الأصول . وذلك أن الشأن في النساء نقص عقولهن ، وضعف فكرهن ، وقوة عاطفتهن ، فتطغى على تفكيرهن ؛ ولأن الشأن في الإمارة أن يتفقد متوليها أحوال الرعية ، ويتولى شؤونها العامة اللازمة لإصلاحها ، فيضطر إلى الأسفار في الولايات ، والاختلاط بأفراد الأمة وجماعاتها ، وإلى قيادة الجيش أحياناً في الجهاد ، وإلى مواجهة الأعداء في إبرام عقود ومعاهدات ، وإلى عقد بيعات مع أفراد الأمة وجماعاتها رجالاً ونساءً ، في السلم والحرب ، ونحو ذلك مما لا يتناسب مع أحوال المرأة ، وما يتعلق بها من أحكام شرعت لحماية عرضها ، والحفاظ عليها من التبذل الممقوت . ويشهد لذلك أيضا إجماع الأمة في عصر الخلفاء الراشدين وأئمة القرون الثلاثة المشهود لها بالخير إجماعاً عملياً على عدم إسناد الإمارة والقضاء إلى امرأة ، وقد كان منهن المثقفات في علوم الدين اللائي يرجع إليهن في علوم القرآن والحديث والأحكام ، بل لم تتطلع النساء في تلك القرون إلى تولي الإمارة وما يتصل بها من المناصب والزعامات العامة " . " فتاوى اللجنة الدائمة " (17/13-17) الشيخ عبد العزيز بن باز ، الشيخ : عبد الرزاق عفيفي . الشيخ عبد الله بن غديان"انتهى . http://islamqa.info/ar/ref/135052 ــــــــــــــــــــ
يا عمر الفاروغ انحنا مراهنين عليك كظلامي كامل الدسم تقوم فجاءة كدا تنبلج بالبوست دا ويشرق فجر استنارة
Post: #10 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-24-2013, 03:24 PM Parent: #9
كان دينا كان هالة
الاتنين بستاهلن
_____________
لكن انت بتاع مشاكل
Post: #11 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Yassir Tayfour Date: 06-24-2013, 03:41 PM Parent: #10
يا ولي عمر عينو في ميادة سوار الدهب ومنشن بندقيتو علي هالة عبد الحليم! --- جِنس حقارات ؛)
Post: #13 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-24-2013, 04:03 PM Parent: #11
يا ابو الياء
هالة عبد الحليم زولتنا مننا وفينا بوردابية زينا لكن ميادة رافعة علينا القزاز ف المنبر
Post: #12 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: سامى عبد المطلب Date: 06-24-2013, 03:54 PM Parent: #7
لن ينصلح حال هذه البلد ما دام على سدتها رجال لا هم لهم الا اشعال المزيد من الحروب بغبائهم تاره وبحماقتهم تاره اخرى ..... هاله تستحق ..... ودينا تستاهل ...
Post: #14 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 04:46 PM Parent: #12
طبعاً يا أساسي أخوك النصيييحة فيهو حبببة رقشة كده فيما يتعلق بي الضلمة والإشعاع .. ولمن الموضوع يتعلق بالمرأة بميّل على جهة كيدهن عظيم .. النصيييحة وما أكضب عليك انا الدين بتاعي حببة وجني وجن الإعتماد على القوقلة في تثبيت الفتاوي وصحة الأحاديث و و .. وصراااحة انا مقر ومعترف إني مقصر في الحتة دي لأنو الموضوع ده موضوع عايز بحث ودراسة وتمحيص وهنا ما بقصد حديثك انت ده لأ بقصد عموووم الامور الدينية البيتم طرحها في المنبر .. وزمااان انا فتحت بوست مفاده انو المنبر ينقص شخص متفقه في الدين علما ومنطقا وبحثا وتجويد.. معظم الهنا بيعتمدوا على القوقلة واللفحي والقشرة بي معلومة .. صراحة يا اساسي دينيا ما بقدر اناقشك وكلام حبيبنا المصطفى متى ما ثبت صحته وصحة تفاسيره ف أكيد ما بيكون عندي قول .. لكن على المستوى الدنيوي فحاليا كتييير من النساء يحكمن العالم بقبضة من حديد ومعظم الانظمة العربية الحاكمة تديرها النساء في الظل اما بتحديد ولي العهد واما باصدار قرارات.. المانيا الاقوى اقتصادياً على مستوى العالم تديرها إمرأة وهي ليست كومبارس بل في كااامل قوتها وجبروتها في ظل ضعف كل الدول الأوروبية التي يحكمها الرجال.. في حاجة لفتت نظري في الفتوى بتاعتك المتعلقة بي إنو أحياناً الرئيس بيحتاج يشارك في الحرب !!!!! النصييييحة دي ما شوفتها قريب وما اظن اشوفها مرورا بي صدام والقذافي نهاية بي حكومتنا الرشيدة..
Post: #15 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 04:50 PM Parent: #14
أبداً والله يا وليد ما بتاع مشاكل لكن انا بحكم الخبرة هنا ففاهم المنتيلتي بتاعت البورداب كوييس فقلت بدري بدري أكتل ليهم الدش في يدهم .. جمييل جداً لمن تبييخ الحاجات للناس بدري بدري عشان يبقا القول ما عندو معنى لأني ما بي صدد الاتجاه في المسار التاني داك..
تخريمة : اها انت عملت شنو في برنامجك؟؟ ولا بس تدفع قروشك المحراقك ديييك وتنزل رئيس بعد ما حاولت المرة الفاتت عضو برلمان..
Post: #16 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 04:54 PM Parent: #15
ياسر يا طيفور.. الحي بيك ياخ ...ووينك يا وديع .. طبعاً أخوك حلاوة سياسة دي مااا بالحيل عليها ..وشغال فيها بي نظرية إستفت قلبك.. اها من خلال مشاهدة هالة في حلقة في التلفزيون اضافة لي بعض القرايات ادتني انديكوتر بتاع إنها بت بلد وزولة قلبها على الناس وحاجاتا واااضحة وما بتعرف اللولوة ..طرحها واضح ومواقفها ثابتة .. النصيييحة سوار الدهب دي ما بعرفا ليكم ..لكن مالو يترشحو الاتنين وواحدة تبقا الرئيس والتانية نائبة فإن نست واحدة ذكرتها الأخرى :)
Post: #17 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: nour tawir Date: 06-24-2013, 05:07 PM Parent: #16
عمر الفاروق...
من دواعى سرورنا انه هالة عبدالحليم تبقى رئيسة جمهورية... بعد ما السودان بقى زريبة هوامل.. أى خروف ولا نعجة.. ممكن تحكمه.. المؤسف فعلا فى كل السيناريوهات الهآيفة عن السودان.. أنه السودان ماعنده حبيب... ولا عنده وجيع.. والسكاكين شّغالة فيه تقطيع..
أنا من رأيى ندا القلعة برضو تخش المنآفسة... أشمعنى يعنى؟ مش الشريف بى جلالة قدره مبسوط منها؟
Post: #18 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 05:24 PM Parent: #17
شكراً يا سامي وهاني على الدعم والمساندة .. كدي ركزوا لينا مع هالة ..دينا دي خلوها لي جيل السبعينات ..
Post: #19 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: nour tawir Date: 06-24-2013, 05:30 PM Parent: #18
عمر الفاروق...
تتخطانى عشان قلت رأيى؟ ما كنت تعّلق.. عشان أشرح ليك بتفاصيل التفاصيل... السودان دا بقى زريبة هوآمل كيف.. لغاية ماهآلة واللى زيها يحكموه..
أتوا بتلعبوا ولا شنو؟
Post: #20 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 05:32 PM Parent: #18
نور يا تاور.. ما عارف لكن مداخلتك بي طريقتها دي بتدي إحساس ما يعرف بي الذم بما يشبه المدح.. يعني دي زييي لمن تكون بت بتوصف لي صاحبتا في زولة شينة تقوم تقول ليها ياااخ والله هناية دي من شدة مااا شينة ..إنتي أسمح منها .. هالة تحكم السودان ما عشان السودان بقوا يحكموهوا النعاج والخراف.. ولا عشااان بقى مهزلة وكل من هب ودب يترشح نوووو هالة تحكم لأنها جديرة بي دكة الحكم دي بناء على افكارها وشخصيتها السودانية الأصيلة .. هالة تحكم بي عقلها ورحابة صدرها.. هالة تحكم بي قوتها وإرادتها ..
Post: #21 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: nour tawir Date: 06-24-2013, 05:36 PM Parent: #18
عمر الفاروق..
كنت ترد على عشان أشرح ليك.. بتفاصيل التفاصيل... أنه السودان دا بقى زريبة هوامل... وأنه هالة عبدالحليم.. لوحكمت السودان... أى سودانى يشيل شنطته ويطلع... وآخر وآحد فيهم يّطفى النور فى مطار الخرطوم ويمشى.. بلا رجعة..
Post: #22 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: محمد البشرى الخضر Date: 06-24-2013, 08:57 PM Parent: #21
نرشّح البقول عليه أو عليها سيدي الإمام بس! حتى لو كان قال تنظير
Post: #23 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: محمد البشرى الخضر Date: 06-24-2013, 09:21 PM Parent: #22
لا لا تنظير لأ.. بعد اعادة التفكير تقرا المداخلة السابقة : نرشّح البقول عليه أو عليها سيدي الإمام - عدا تنظير
Post: #24 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: nour tawir Date: 06-24-2013, 09:31 PM Parent: #23
عمر الفاروق....
هالة تحكم لأنها جديرة بي دكة الحكم دي بناء على افكارها وشخصيتها السودانية الأصيلة .. هالة تحكم بي عقلها ورحابة صدرها.. هالة تحكم بي قوتها وإرادتها .. ....
لما السودانيين يتعاملوا مع الآشياء بتجّرد.. وبدون أنفعالات... وردود أفعال.. يبقى حآلنا حينصلح..
أما حكاية قوتها وأرادتها ورحابة صدرها..الخ فما افتكر أنت جمعتك بيهامواقف سياسية فى السودان... زى تجربتنا... عشان تطلع بالكلام دا.. كلامك شكلوا كدا طالع من أنطباع... وشوية مواقف.. دى الخّلتك تطلع بالقرار دا.. فهالة تعرف شنو عن السودان ومشاكله؟ .. وبعدين أنا قلت السودان.. ومن كتر البهدلة الحآصله ليه على يد أبنائه... بقى زريبة هوامل... والزريبة دى ياأخى أى أنسان أو حيوان بيدخلها.. وهالة أمرأة سودانية... قررت... أو قررتو أنتو أنها تحكم الزريبة دى.. .... كلامى فى محّله ما بتغير.. لآنه رأيى فى هالة.. ثابت ما بتغير..
Post: #25 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 10:03 PM Parent: #24
نور تاور:
Quote: عمر الفاروق...
تتخطانى عشان قلت رأيى؟ ما كنت تعّلق.. عشان أشرح ليك بتفاصيل التفاصيل... السودان دا بقى زريبة هوآمل كيف.. لغاية ماهآلة واللى زيها يحكموه..
أتوا بتلعبوا ولا شنو؟
انا لحدددي اسة ما فهمت المداخلة دي ..والله خشيت اكتر من خمسة مرات وتاني قفلت لأنو ما فهمت أرد اقول ليك شنو في الحتة الفوق دي!!! قصدتي شنو بي إتخطيتك ؟؟ حاولي اقري البوست من الأول لحدددي ما كتبتي كلامك ده وتعالي بعد داك وريني قاصدة شنو عشان اقدر اكمل معاك ..
Post: #26 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-24-2013, 10:25 PM Parent: #25
نور تاور:
Quote: فهالة تعرف شنو عن السودان ومشاكله؟
حسب علمي هالة متواجدة في السودان ولفترات طوييييلة قد تتخللها أسفار.. وحسب علمي نور تاور موجودة خارج السودان لفترة طويييلة قد تتخلها زيارات للسودان .. المعادلة دي بالمنطق والعقل كافية لي إنو مفروض هالة تعرف عن السودان أكتر منك بإفتراض إنو التساؤل بتاعك بيوحي إنك تعرفي عن السودان ما لا تعرفه هالة .. رأيك في هالة من حقك ..زي ما رأيي في هالة من حقي..زي رأيي إكس و واي سواء كان إيجابي أو سلبي.. بالتأكيد لم ولن تجمعني المواقف بهالة فانا لست بسياسي فقط وفقط سيجمعني بهالة ندوة أو برنامج تلفزيوني أستمع فيه إليها أو حوار صحفي ثم أخرج بإنطباع كما خرجت من قبل عن السيد الصادق وعن النميري وعن عمر البشير فقط من خلال مواقف استمع اليها لا أشهدها بنفسي !!!
Post: #27 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: محمد عبدالرحمن Date: 06-25-2013, 09:48 AM Parent: #26
يانور تاور
عمر دا عايز يتونس ساكت ..اصلا مالاقاك زول عندو رغبة يتونس ...هالة قالت شنو ذاتو ماعارف ..شاف ليهو بوست بهناك ترشيح لامراة فتح بوستو دا ....فبالله قللى ليهو من المصطلحات اصلا هو استاذ جامعى تخصص كمبيوتر ...ماعندو شغل بالباقى ....
Post: #28 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: nour tawir Date: 06-25-2013, 02:16 PM Parent: #27
محمد عبدالرحمن...
عمر الفاروق محموق وحآلته حالة.. أولا التواجد داخل السودان أو خآرجه... ليسآ مقياسا لمعرفة السودان.. تانيا أنا قلت رأيى.... فى ترشيح الولية الاسمها حالة عبدالحليم لرئاسة الجمهورية.. لآسباب أنا مقتنعة بيها... زى ما عمر الفاروق مقتنع بأسباب ترشيح الست هالة.. يبقى الزعل فى شنو؟ ... أتو الديمقراطية البيكوركو ليها السودانيين دى.. حّارة ليه؟ أما اذا كان دآير يتونس سآكت.. كان يدينا خبر عشان نعمل الجبنة.. ونجيب البلح والفشار والذى مّنه..
Post: #29 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-25-2013, 02:33 PM Parent: #28
يا نور تاور
كدي خليك من عمر الفاروق
انا ده شايف هالة زولة كويسة .. شوف ساي زي عمر الفاروق ده لو نزلت رئاسة بديها ولو نزلتي انت ضدها بديك انت
لكن لو نزل عادل عبد العاطي ضدها بدي عادل
لكن لو نزلت رئيسة اللبرالي الحالية بدي هالة
فعليك الله .. اشرحي لي انا ده هالة مالها .. عشان لو فيها عيب او طق سياسي نعرفوا وما نصوت ساي
ولا كيف ؟
Post: #30 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-25-2013, 02:34 PM Parent: #28
Quote: أتو الديمقراطية البيكوركو ليها السودانيين دى.. حّارة ليه؟
انا واحد من الناس اصصصصلو ما بنادي بي الديموقراطية عشان تحكمنا في السودان لأننا شعب فوضوي ما ينفع معاهو إلا الديكتاتورية .. بس عموماً ده ما موضوعي .. حالياً مستغرب للهجمة والنفس الحار الخشيتي بيهو وإنتي بتفترضي علي إنو مفروض أوول ما إنتي خشيتي اقوم أوقف ردود الناس التانيين وأرد عليك إنتي وزعلتي لمجرد إني رديت على ناس قبلك .. ويبدو في الحتة دي إنو عندك تضخيم لي ال(انا ) وحب الذات أو ربما هي عقدة داخلية ..صراحة غلبني لحدي أسة أفسرها وبرضو إنتي غلبك توريني كنتي قاصدة شنو !!! مداخلاتك الأخيرة يا نور تاور تنضح منها فكرة شكل النسوان في الجزر بعيداً عن الخوض في الأفكار السياسية ..وغالباً ما أتوقع في مداخلاتك التالية لو إستمريتي بهذه الطريقة أن تتحول ل ردحي أكتر من كونها رأي في شخصية قيادية .. ..
محمد عبد الرحمن الزول البيريدني وما قادر يصصصرح لمممن خووفني والله وبقيت شاااككي !!! يا زول مالك ؟؟؟ شفقتني ..صدق!!! الواحد بقا لمن يشوفك بيقرر أول شي يلبس ليهو برمودة حديد حتى يجي داخل البوست بتذكرني بي الإداريين والمدربين بتاعين الكورة وأساتذة المتوسط ..خيير عسا ما شر؟
فاتني أن أنوه بأن معظم الأمريكان يرشحون الرئيس بناء على ربطة عنقه وتسريحة شعره وإبتسامته و و .. ياخ انا هالة دي عا########ي ساااي كده بي تيابا وسماحتا الفي التلفزيونات دي ..(حسب اللقاء الحضرتو معاها في قناة أمدرمان كانت سمممحة النصيييحة وتسريحتا موباااالغة وشعرا ناااعم )
Post: #31 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: خالد عبد الله محمود Date: 06-25-2013, 03:15 PM Parent: #30
و الله يا عمر أنا شايف إنو مافي سياسي/ سياسية سوداني / سودانية مؤهل لشغل منصب الرئيس لذلكـ أنا بقترح نجيب رئيس أو رئيسة محترفة من برة السودان يعني نشوف لينا واحدة زي ميركل دي نجيضة و عارفة شغلها كويس
لكن كان علي السماحة و تسريحة الشعر فأنا برشح أروي الربيع
Post: #32 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-25-2013, 03:34 PM Parent: #31
هالة هلاَ هلالا
- ياعمر حانبدأ في حملة الترشيح من الربيع القادم انا مسؤول من بوسترات الدعاية والصور السمحة بالله ساعدني في علم الحزب .. القاهو وين ماعارف
Post: #33 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-25-2013, 03:39 PM Parent: #32
يا خالد أروى الربيع كوورتا فككت زيي سارة أبو .. بقت مسيييخة ومكررة وماسكة ليها مليون درب بين الموسيقى والدلوكة والسياسة والتراث وال وال وال.. هالة دربها واااحد ياخ ..يا كافي البلا يوم واحد ما شوفتها في التلفزيون بتتكلم عن غنا البنات .. زولة مالية مركزة ..وانا بتعجبني المرا المالية مركزا ..
تخريمة : يا حيدر هالة رمز القلب ..
Post: #34 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-25-2013, 03:40 PM Parent: #33
Quote: يا حيدر هالة رمز القلب ..
Post: #35 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: قاسم المهداوى Date: 06-25-2013, 03:42 PM Parent: #34
Quote: لماذا لا تجهّز هالة عبد الحليم نفسها لرئاسة الجمهورية؟؟
سؤال وجيه نثنى وندعم ترشيح هالة حليم
قاسم المهداوى
Post: #37 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-25-2013, 03:52 PM Parent: #35
حسدوني في حبك.. عزالي ... من بدري لاموني غير خبره.. وجهلوني.. لو تدري
حسدوني في حبك وجهلوا.. جليل قدري لكني ما بهتم ما دام .. رحب .. صدري يا جالب الافراح .. زيد الوشوني جراح.. ان قالوا اسمك مين .. قول ليهم البدري
بعدك نحل جسمي وقربك جبر كسري وشوفتك ترد الروح وليمك يفك اسري يا من لقاه رباح .. انا دمي ليك مباح .. بس قول لي .. امتى تبين .. يالحاذق العصري
مهما .. يطول بعدك .. ومهما يحل زجري شوفتك ترد الروح وليمك يفك اسري يا زهرة التفاح ... زاكي وعبيرك فاح ... زي نفحة الياسمين في طلعة العصري
املي وحياة روحي ..في خدك الزهري بيك السعادة تتم وبيك يبتسم دهري يا من لقاه رباح .. ظاهر بغير .. ايضاح صحي انت نور العين .. ما احلى فيك سهري [/IMG]
Post: #36 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-25-2013, 03:43 PM Parent: #34
Quote: القلب ..
خلاص الشغل حا يبدأ في الفالنتاين دي
Post: #38 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-25-2013, 03:54 PM Parent: #36
Quote: خلاص الشغل حا يبدأ في الفالنتاين دي
وشعار الحملة
حمام الجك ..يلا يا منقه
Post: #39 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-25-2013, 03:57 PM Parent: #38
Quote: شعار الحملة
وردة حمراء منقوش على حوافها " دع الخيل تمر وتبتسم الجميلة "
- الخيل ديل انا وود الفاروق
Post: #40 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-25-2013, 03:57 PM Parent: #38
واللوقو يا وليد ح يكون يد بتحندك ومكتوب تحتها : كييييّة كيييّة ..ليي كييييّة ..فاكرا إيه الدنيا هييية ..دنيا رايحة زايلة رايحة لا دايمة ليك لالالالا لييييّة .. :) :)
تخريمة : عليك الله ما ذكرتك غنا الحافلات بعد الرجعة من التمرين ؟ :)
Post: #41 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-25-2013, 04:03 PM Parent: #40
هاهاهاهاهاهاهاهاهاهاهاهاهاهاها
والله يا عمر مودي الليلة متسلطن .. شغال في التقديم الالكتروني وخاتي السماعة في اضاني
من الصباح بديتها بود الجبل غلبني اسمع محمود غنية واحد وقفلتو قلت بخرب مودي بعد داك مشيت على الخواجة محمود على الحاج ثم نسرين نمر بعدها عمر جعفر وهسع فاتح محمد احمد عوض
بغني في ليك حق ما تحني لي وانت في ديناك ديه
متسلطن للدين
لو عندك اي حاجة عاوزها مني اطلبها هسع تنفذ على طول
Post: #42 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-25-2013, 04:30 PM Parent: #41
يا سلاااام يا وليد ياخ.. غايتو لو بتسمع في الخال محمد احمد عوض فياخ اديني من : عشمتيني في حبك ليه..انا في حبك ليه.. ما دام ناوية تجني عليي.. ومادام ناوية تجني عليه ..
ياخ الأغنية دي بتذكرني حلتنا ايام الصبا وقعاد المحطات ..
طبعاً انت سيد العارفين ونحن متفقين في صوتك النااادر عرفتو .. ياخ يا وليد خلينا نطلع في البوكسي الكاشف ونوزع صور هالة دي ونحن مشغلين محمد احمد عوض في المكرفون ..
Post: #43 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: الخير محمد عوض Date: 06-25-2013, 04:44 PM Parent: #42
يا ابو عمير كيفك يا حبوب
دخلت هنا عشان ابدي كامل اعجابي بما طرحت من فكرة :)...... طبعا متكيف لحاجة تانية لكن حمدو في بطنو
هالة ابصم عليها بالعشرة كسياسية ناضجة ومؤهلة لقيادة السودان
دينا مساعدة ريئيس مشكلة واااااااااااااااجد :)
Post: #44 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: الخير محمد عوض Date: 06-25-2013, 04:45 PM Parent: #43
بلقى فيه .. من امانيا الرضيعة نور حياتي .. ضوء فجري
صوتك يحمل ذكريات عاشت معانا بتلمس الماضي بحنانا تطرق الحاضر في قبله وتروي من انهار دمانا
ذكريات .. لو كنتي تدري !! كيف بحافظ ليك عليها كنتي ساهرتي الليالي وعدتي لي اشواقنا فيها
وكان .. مؤمل .. تبقي لي ... وابقى ليك وابني عرش الحب .. بشعري بين ايديك ..
واسقي قلبك من ودادي وتحي في روضة فؤادي
غير ان .! البين طوانا وبدد امالنا في هوانا رحت اقنع .. لما اسمع.. صوتك النادر .. يمتع بالحديث انسان ..سوانا
Post: #47 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-25-2013, 05:50 PM Parent: #46
Quote: ونحن مشغلين محمد احمد عوض في المكرفون ..
انا لله ياخ نلملم قلوب العذارى قلب قلب .. وما اكثرهم في سودان الجن ده هالة في القلب
Post: #48 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-25-2013, 05:56 PM Parent: #47
يا حيدر شعارنا حا يكون
(صوتك النادر .. ادي لي هالة .. سمعت !)
Post: #49 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-25-2013, 05:59 PM Parent: #48
أكيد يافردة one vote counts
Post: #50 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Ali Sirelkhatim Date: 06-25-2013, 06:14 PM Parent: #49
Quote: صوتي من هسع حاجزو ليها ان شاء الله بس ما يهرم
Ditto
Post: #51 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-25-2013, 06:58 PM Parent: #50
الخير يا وديع.. طبعا نحن اييي زول حمدو في بطنو ده زولنا ومن اكبر المنجحين للحملة .. بعدين انت ماف زول حمدو في ضهرو؟؟؟ وحمد لبد ..وهاااك هاااك البقجلي ده ..
Post: #52 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حمد عبد الغفار عمر Date: 06-25-2013, 07:23 PM Parent: #51
جابتني حمد لبد دي وهالة
ياخ خمسة حمد في مداخلة واحدة
Quote: تراجي مصطفي ونجاة محمود
الزول دا ما عايز الحرب الأهلية دي تنتهي أصلو في السودان
هالة تستحق تكون رئيسة
بس لكن يا عمر زي هالة دي عايزة ليها بلد هادئ واقتصادو مستقر زي اليابان موش كمسيبة زي الحاصلة عندنا دي
تسلمك حتة حُكم ما حصل أصصصلو
وهاك هاك البزقلي دا
Post: #53 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-26-2013, 06:49 AM Parent: #52
الجمبة دي .. اهما شي
Post: #54 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 07:24 AM Parent: #53
والجمبة الرايت أهم سايت .. والجمبة اللفت زي الزفت ..
Post: #55 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-26-2013, 07:31 AM Parent: #54
وهاك .. هاك .. البقجلي ده
وقاموا قلبو الغنية
ادردق تعال ليا .. يا بلال عليا ووووووب احيا ... يا بلال عليا
Post: #56 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حمد عبد الغفار عمر Date: 06-26-2013, 07:41 AM Parent: #55
البزقلي
نحن نشوت وانت تجلي
Post: #57 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 08:09 AM Parent: #56
حمد والديبة (هالة) عجيبة ..
Post: #58 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: nour tawir Date: 06-26-2013, 08:28 AM Parent: #57
عمر الفاروق...
ويبدو في الحتة دي إنو عندك تضخيم لي ال(انا ) وحب الذات أو ربما هي عقدة داخلية ..صراحة غلبني لحدي أسة أفسرها وبرضو إنتي غلبك توريني كنتي قاصدة شنو !!! مداخلاتك الأخيرة يا نور تاور تنضح منها فكرة شكل النسوان في الجزر بعيداً عن الخوض في الأفكار السياسية ..وغالباً ما أتوقع في مداخلاتك التالية لو إستمريتي بهذه الطريقة أن تتحول ل ردحي أكتر من كونها رأي في شخصية قيادية .. .. يا عمر الفاروق... أنا بعد آخر مدآخلة قفلت الباب دا ومشيت ونسيت الموضوع.. وبما أنه فضلوا يومين للآرشفة وغّطسة البوستات.. رجعت أقرأ البوستات الكتبت فيها قبل ما تختفى.. لقيت روحى تآنى هنا..
و يا عمر الفاروق لو نور تاور عندها تضّخم فى الآنا... يبقى الشعب السودانى كله عنده تضّخم الآنا... أبتداء منك.. لآنك لو قريت لى صفحة وآحدة فى المنبر دا.. حتعرف أنى بتعآمل فى الدنيا الزآيلة دى... بمنتهى البساطة والتوآضع... لآنى عآرفة نفخة الآنا دى هى أكبر دليل على عدم القة بالنفس.. فمافى غرور أو أستعلاء... وأصلا دى صفآت تورث الهم والكآبة..
ثانيا حكاية النسوان الفى الجزر.. وبعد كدا الردحى... دا يمكن مستوى النساء ألانت بتعرفه وبتتعامل معاه... لآنى ما قآعدة أمشى الجزر من أساسه.. وما مستوى الردحى... أت بتكتب أى كلام والسلام... بلا فهم..
أما حكاية أنى لو أترشحت برضو ممكن تدينى صوتك.. أطمئن يا أخ... كرسى السودان دا لو يدونى ليه هدية... ومعاه مفتاح الجنة... ما بقبله... ولا بيشرفنى... ولا بيزيدنى سنتمتر قيمة..
تعرف ليه؟ لآنه كرسى منحوس... وكتر الناس الما محترمين القعدو فوقه... بيخلوك تكره اليوم النصبوا فوقه الكرسى زاتو..
أما أنى ما وريتك قصدى شنو.. وغلبنى أوريك قصدى شنو... أولا ما فى قصد يشرحوه ليك... لآنك رآفض تفهم... قآعد تلف وتدور زى المروحة المحلوجة.. يعنى الحكاية فى النهاية... ضياع وكت غآلى.. وصرف كلام لا يودى ولا يجيب..
أت ما فآتح ليك بوست عشان تفهم... أت عندك دقيقتين تلاتة مستغنى عنهم... وعآيز تصرفهم.. ويا أخى أحنا زمننا ضييييق .. بنصرفه للى بنحس أنه يستاهل الحوار... والآخذ والرد... لكين لقيتك رآيق وفآيق... وما مستاهل الدقيقة الوآحدة... بس أنا برد عليك عشان القراء..
غلّطت وأحترمتك وتداخلت معآك.. ودى غلطة تانى ما حتتكرر..
Post: #59 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 08:48 AM Parent: #58
نور تاور.. سؤالي كان بسييط وما عايز اللولوة دي كلها .. إنتي قصدتي شنو بي إنو انا ما رديت عليك وفطيتك ؟؟ يا إما بالجد لمن كتبتي كلامك ده ما كنتي واعية يا ما شايفة !! زولة تكتب المداخلة وتجي في المداخلة اللي بعدها مباشرة تقول ليك إنت ليي فطيتني؟؟؟
Quote: أما حكاية أنى لو أترشحت برضو ممكن تدينى صوتك..
ثم وإنو فعلاً إنتي بتكتبي ما شايفة وما واعية ولا كمان انا البكتب ما واعي وما شايف !!! وين انا قلت الكلام ده ؟؟؟ يبقا يا نور يا تاور أرجعي أمسحي أييي كلام كتبتيهو تعليقاً على النقطة ومتعلق بي انا ..حلوين؟؟
النقطة الوحيدة القلتيها صاح ..انا فايق ورايق وبجي اضييع وقتي هنا فقط من أجل ملء الفراغ وفرتقة الزهج ليس إلا .. بالنسبة لي نسوان الجزر فأنا في ظني إنهم بيتفوقوا عليك في نقطة جوهرية شديييد ..إنهن نسوان واضحاات وبيرموا ليك الحاجة بب كده ..
Post: #60 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 09:22 AM Parent: #59
الاستاذة نور تاور
تحية وتقدير ياخ عليك الله امسحيها لي في وشي , عمر الفاروغ دا ما يمسك بيك زمن ساكت الفاروغ دا حده يسالوهو من نجاة غرزة صوتها كيف في الزنق , ممكن يجيبوهو يتكلم عن صولات ايمن الربع والنضارة البلبسها اثناء عزفه للاورغ هل هي متسقة مع الستارة الوراهو والاديداس اللابسها , بالكتير ممكن يتكلم ليك عن الشدرة الكانو بنطوا منها في خور ابوعنجة في الخريف وانها بتشبه شجرة العنب الرامية في بيتهم الجات في اغنية خاينة يا دنيا , لو بالغ واتقطع وما خلي حاجة ممكن يسهب في تياب نسرين نمر وهل هي مناسبة لبرنامجها حالة استفهام وشكل البوديوم البتقيف وراهو عشان تقدم الحلقة .. غير كدا يا استاذة نور عمر الفاروغ ما عنده في السياسة العند حبوبتي . ما اكضب عليك هو زول صحبي واكتر زول ممكن افتشوا في البورد لمن يكون ما عندي موضوع وداير اضيع وقت اجي اشوفو وين عشان يضيع لي وقتي فيما لا يفيد ولا يضر وهو استاذ في هذا الضرب من ضروب تضيع وقت العباد والحديث عن اكل الرز بالجداد
Post: #61 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: nour tawir Date: 06-26-2013, 09:25 AM Parent: #59
عمر الفاروق...
يا إما بالجد لمن كتبتي كلامك ده ما كنتي واعية يا ما شايفة !! .... ترد على ولا تفّطّنى... ما دام دا المستوى. بتاعك... وما دام قلت عندك وكت ورايق وفآيق.. وجآى تضيع وكتك هنا.. يبقى مباراتك تقليل قيمة وليس ألا..
وبعدين وآضحة جدا... الردحى دا بتاع منو؟؟ والكتابة بدون وعى.. حقة من..
يا عمر الفاروق.. حوش بكرى دا لآمى.. والمصّبرنا عليه ما شويه... والفرق بين العنده قضية... والعنده وكت دآير يضيعه.. هو بالضبط الحآصل فى بوستك الهايف دا..
Post: #62 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Hussein Mallasi Date: 06-26-2013, 09:29 AM Parent: #61
ما المانع .. ألم تحكم بوتو الباكستان .. ألم يترشح كيجاب وعبد الله علي إبراهيم للرئاسة!
Post: #63 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 09:48 AM Parent: #62
Quote: واكتر زول ممكن افتشوا في البورد لمن يكون ما عندي موضوع وداير اضيع وقت اجي اشوفو وين عشان يضيع لي وقتي فيما لا يفيد ولا يضر وهو استاذ في هذا الضرب من ضروب تضيع وقت العباد والحديث عن اكل الرز بالجداد
الفرق بيني وبينك يا أساسي إنو انا لمن يكون ما عندي موضوع وداير أضييع وقت بجي البورد مباشرة دون الإنتقاء .. بالمناسبة نسرين النمر بتعرف تختار البلوزة البودي التحت التوب بعناية فائقة تحسد عليها ..
Post: #64 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 09:51 AM Parent: #63
يا سحس .. المفاجأة الأكبر هي تجهيز وليد المبارك لملف كااامل للرئاسة الفترة القادمة .. وليد بدأ في وضع اللبنات الأولى لبرنامجه الرئاسي ..وربما تشهد الساحة منافسة شرسة بينه وبين هالة .. عن نفسي أعوّل كثيراً في حال فوز وليد أن يولّيني منصب أمين أمانة المرأة ...
Post: #65 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 10:37 AM Parent: #64
Quote: الفرق بيني وبينك يا أساسي إنو انا لمن يكون ما عندي موضوع وداير أضييع وقت بجي البورد مباشرة دون الإنتقاء .. بالمناسبة نسرين النمر بتعرف تختار البلوزة البودي التحت التوب بعناية فائقة تحسد عليها ..
ممكن يا عمر تسهب لينا شوية فيماهية الفرق بين البلوزة البودى والكارينا , وهل هما جنس واحد او يوجد هناك فرق ام ان الكارينا هي واحدة من ماركات البودي ؟
Post: #66 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-26-2013, 11:10 AM Parent: #65
لا صوت يعلوا فوق صوت الحملة بلوزات شنو كمان هسع بقينا عندنا حملتين بدل واحدة - وليد وهالة بالله ركَزوا معانا في القليب شوية ياخ
Post: #67 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 11:23 AM Parent: #66
Quote: بلوزات شنو كمان
كيفن بلوزات شنو يا حيدر ما دام وصلتو انه الرئيس يكون مراة لازم نتكلم عن الكارينا والبودي الحيلبسوا رئيسنا المفدى , وطبعا تعقبها مرحلة التياب هل حيشتري رئيسنا القدام تيابه من سعد قشرة ويدعم الصناعة الوطنية ولا يرسل يجيبوها ليهو من باب شريف بجدة ودبي مع تجار الشنطة ؟ دا اس الحملة يا حيدر ياخ
Post: #68 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 11:45 AM Parent: #67
طبعا يا اساسي في نوعين من البودي .. في واحدة بيكون الكم قافل فيها طق..والتانية بيكون كمها واسع ..أها التانية دي بتعولق اللبسة .. بعدين البودي ده خشم بيوت .. صاح في نوع الشوال منو بي 40 ريال .. لكن في نوع كده الواحدة بي 300 ريال .. التقول بيدوك معاها البودي جدجد..
Post: #69 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Hussein Mallasi Date: 06-26-2013, 12:05 PM Parent: #67
تياب من سعد قشرة لدعم (الصناعة) الوطنية .. فتأمل!
_______ أتراه لم يستمع لذلك الشيخ المتنطع الذي طالب المواطنين بعدم الشراء من سعد قشرة!
Post: #70 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 12:11 PM Parent: #69
Quote: أتراه لم يستمع لذلك الشيخ المتنطع الذي طالب المواطنين بعدم الشراء من سعد قشرة!
ان اجابت رئيسنا القادم ذاك الشيخ في تنطعه , فما الداعي للترشيح اصلا ؟ ام تراك تلمح الي ان المرشحة لا تجرؤ علي منافحة تنطع الشيوخ انه هي تريست ؟
Post: #71 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Hussein Mallasi Date: 06-26-2013, 12:17 PM Parent: #70
المح إلى أن السودان هو الذي (لا يجرؤ) على صناعة تياب لتباع في سعد قشرة .. أو في غير سعد قشرة.
Post: #72 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 12:23 PM Parent: #71
Quote: المح إلى أن السودان هو الذي (لا يجرؤ) على صناعة تياب لتباع في سعد قشرة .. أو في غير سعد قشرة
لا ياخ كله مستورد ؟
Post: #73 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Hussein Mallasi Date: 06-26-2013, 12:26 PM Parent: #72
جت .. حتى قطن تنجيد المراتب أرجح أن يكون مستورداً من الصين!
Post: #74 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-26-2013, 12:28 PM Parent: #72
Quote: لا ياخ كله مستورد ؟
ارشح هذا اللون الفرايحي من التياب حتى تبدو رئيستنا في كامل بهائها
Post: #75 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 12:34 PM Parent: #74
حيدر .. شكلنا ح نشيلك من التيم بتاع الحملة الرئاسية ... دي شنو تياب القونات دي يا اخوي ؟؟
رئيستنا زولة رااايقة وبتحب السادة ..
Post: #76 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 12:45 PM Parent: #75
Quote: جت .. حتى قطن تنجيد المراتب أرجح أن يكون مستورداً من الصين!
علي كدا يا سحس اولى بصوتنا ميادة سوار الدهب ... علي الاقل قصة الاسكيرتات والبلوزات دي معروفة انها مستوردة
Post: #77 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 12:48 PM Parent: #74
يا حيدر طلعت زول اهالي ساكت وذوقك ضعيف جدن اما سمعت بالتياب الجوبير والتياب الشك والمطرز بالكمبيوتر ؟ جايب لينا توب بتاع بوليستر ولا ترفيرة ما تعرف وتتغزل فيهو ؟
Post: #78 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اسماء الجنيد Date: 06-26-2013, 12:59 PM Parent: #77
Quote: اما سمعت بالتياب الجوبير والتياب الشك والمطرز بالكمبيوتر ؟ جايب لينا توب بتاع بوليستر ولا ترفيرة ما تعرف وتتغزل فيهو ؟
اساسي سلام وطالباك ترسل لي توب العيد ، شكلك عزااااااااال ما شاء الله رغم إني نص الوصف الفوق ده ما سمعت بيه لووولز لكن في دي شكلك محترف جد جد وبما إنه إنت في جدة ، بتكون شنط العرسالن الفي السنوات المضت كلهاااااااااا إنت العازلها دحين توب العيد عليك من هسه حتى إختيار الألوان
وعمر الفاروق عليك الكارينا ام 300 ريال والله قال بي قولك تجيب لي من ابو شوال بي 40
سلام للجميع والتحية للأخت هالة ولكل الأخوات وكل زوار البوست
Post: #79 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: هشام هباني Date: 06-26-2013, 01:17 PM Parent: #78
هذه رئيسة السودان القادمة بلا منازع ...فهم ...مواقف...حضور وايضا أناقة.
Post: #80 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 01:39 PM Parent: #79
أسماء يا جنيد.. عليك بي تياب الحراير...رااايقة وإنتي زولة رايقة..وأبعدي من التواتل :) :).. بالمناسبة عايزين لينا وزيرة للحب والجمال ..أها نرشحك؟
Post: #81 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: ASHRAF TAHA Date: 06-26-2013, 01:42 PM Parent: #79
تـرشيــح خــارج الدوائـر الانتخابيــة: انا برشح حسين ملاسي امام وخطيب الجامع الجنبنا في رمضان الجاي خصوصن انو الصيف حيكون حار شديد... في خطبة الجمعة يصلي على الرسول ويقعد ويقوم يقرا سطرين ويقول: أقم الصلاة .. فتأمل
Post: #82 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-26-2013, 01:58 PM Parent: #81
عمر واساسي معليش شديد اخوكم غايب سنين ومامتابع طيب خلوني مع ناس البوكس والمكرفونات
Post: #83 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 02:32 PM Parent: #78
سلام يا اسماء وصلتي تب يا اسماء , ياخ خليك من اسماء التياب وموديلاتها المطرزين زاتهم الواحد بقي خبرة فيهم المطرزين البيعملوا التياب شفتي كيف , 13 سنة في جدة شي شيلات و تياب هدايا للسودان وطلبات واجازات , كمان جدة جدة قصة انه الناس تمشي تشترى من باب شريف تقريبا خلوها اهل البلد بقوا البيمشوا السوق ناس الشارع ساكت او البتجيبهم العمرة او البيجو مارين بي جدة , بقي في موضة اسمها البازارات ودي يا استاذتنا بالعربي عرض ازياء تياب سودانية لمصممات التياب والبقو اكتر من المشتريات زاتهم , دا بالاضافة لانه الثياب زاتها بقوا النسوان هنا يبتكرن التوب الدايرنه ويمشوا للمطرز يعملوا ليهم حسب وجهة نظرها الواحدة , اها اساسية خبرة في المجال دا ويصلها اليوم طلبك دا مشفوع بتزكيتنا وخبراتنا في المجال
ـــــــــــــــ دا البناخده منك يا عمر الفاروغ الواحد دخل ينتخب رئيسة السودان اكتشف الدلالية الجواهو
Post: #84 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 02:53 PM Parent: #83
أها النديك الحنك الما خمج يا اساسي ..ياخ لمممن بقيت أحن على الرجل السوداني من هكذا بازارات .. عندنا في الرياض النسوان بيعملن البازار فيضطر الرجال لي توصيلهن ..فبقت من أهم شروط البازار إنو يكون قريب من منطقة فيها شقق مفروشة .. الرجال ينزلوا النسوان في البازار ويمشو يأجروا الشقة لي يوم كااامل ويجيبو ليك الكشاتين والضمنة ويدووورا ليك كدااا لي الصباح ..أها بعد شوية تسمع التلفونات تطاقش ..طبعاً في النوع الحريف البيعمل تلفونو هزّاز وفجأة كده يقول ليهم عن إذنكم أصلي الصبح قدام ..
بالجد انا بستغرب الناس بتمشي البازار ده كيف؟؟؟ النسوان السودانيات ديل معولقااات في إبتكار التياب ..ياخ أقول ليك حاجة غريبة ؟؟ أحسن مصمم تياب في الرياض دكتور صيدلي ..
تخريمة : أيوة كده يا أساسي ..ويلكوم باااك :) :)
Post: #85 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Yassir Tayfour Date: 06-26-2013, 03:02 PM Parent: #84
عمر وأساسي اخجلو ؛)
Post: #87 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 03:07 PM Parent: #85
Quote: عمر وأساسي اخجلو ؛)
شوف دا بالله , عشان ما عندكم بازارات ولا باب شريف , ما قاعد تشتري تياب من الهنود والصومالين قايلنا فيها ما عارفين ^_^
Quote: أسماء يا جنيد.. عليك بي تياب الحراير...رااايقة وإنتي زولة رايقة..وأبعدي من التواتل :) :).. بالمناسبة عايزين لينا وزيرة للحب والجمال ..أها نرشحك؟
يا عمر كلامك منطقي بس في ملاحظة توب الحرير مرات بالصباح ما بتلبس يعني كل وقت عنده توبه , المطرزات مهما كان عندها هيبتها ياخ وابهتها , وما كل النسوان بتناسبهم تياب الحرير خليك منطقي ياخ وما تفرض وجهة نظرك
Post: #86 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اساسي Date: 06-26-2013, 03:03 PM Parent: #84
Quote: عمر واساسي معليش شديد اخوكم غايب سنين ومامتابع طيب خلوني مع ناس البوكس والمكرفونات
يا حيدر كلامك دا ما تقوله لينا كلامك دا قوله لجهاز شئون المغتربين ما عندنا ليك شفاعة
اتذكرت النكتة الحقيقية حكاها الوالد رحمة الله عليه : قال ليك في واحد عنده ولد ما بيرضي فيهو الهبشة مدلعه دلع شديد , اها يوم الود قام اتشالق وطلع في راس البيت , اها حبوبة الولد اللهي ام ابوهو قامت شاكلته ونهرته وفكت فيهو مركوب ولا عصايا ما عارف الود جا واقع من الحيطة كسر يده , اها ابو الولد جاي راجع من الشغل قابلوهو الشفع قالو ليهو ولدك يده انكسرت , ابو الولد قبل ما يصل البيت لف طوالي علي النققطة مشي فتح بلاغ وطلب اورنيك ثمانية , اها جا راجع البيت الام خجلانة دايرة تكلمه : بدات تقول ليهو والله قبيل من غير ما اقصد الولد قلا ادبه وطلع في الحيطة قمت نهرته بس . قام قال ليها والله يا امي انا ما عندي معاك مشكلة بس كلامك دا قوليهو في النقطة .
Post: #88 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-26-2013, 03:36 PM Parent: #86
Quote: كلامك دا قوله لجهاز شئون المغتربين
والله دي حالة صعبة يا صديق .. ما في خيارات ؟
- كلَه يهون في سبيل الرئاسة
Post: #89 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-26-2013, 04:23 PM Parent: #88
Post: #90 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: خالد عبد الله محمود Date: 06-26-2013, 04:36 PM Parent: #89
Quote: دا البناخده منك يا عمر الفاروغ الواحد دخل ينتخب رئيسة السودان اكتشف الدلالية الجواهو
دلالية شنو يا اساسي ياخ
سوما دي ما شكلها ناوية تدفع حاجة !!
Post: #91 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: اسماء الجنيد Date: 06-26-2013, 06:28 PM Parent: #90
Quote: دا البناخده منك يا عمر الفاروغ الواحد دخل ينتخب رئيسة السودان اكتشف الدلالية الجواهو
لووووووووووووووووولز والله لكن يا أساسي نورتني لي بزنس جد جد طبعا لقيتك خبير و محترف عديييل في انواع وماركات والوان التياب ما شاء الله , بالتأكيد محتاجين دعم اساسية الأساسية وفي رواية اخرى إن كيدهن عظيم.. نقوووووووم أساسية وأنا نشيل افاكرك النيرة ونعمل بزنس بين جدة وأوربا,, ما تقول هنا معلمين الله من التياب ؟ اها شن قولك في الفكرة دي ؟ وحقك محفوظ في الحفظ والصون ، بس اختا لي عمر اب راسا مدوقس ده
Quote: سوما دي ما شكلها ناوية تدفع حاجة !!
والله لكن يا خالد لقيتك بخيل وحراااااش مالك علي قاطع نصيبي ومحرش على اساسي
عشان كلامك ده عليك باقي الحاجات البتخص لبسة العيد من إكسسوارات و ( شنطة وحذاء) وماركة معروووفة ،، شفت يا خالد شلاقتك ؟ لووووووولز
Post: #92 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-27-2013, 06:26 AM Parent: #91
يا عمر يعني بتعرف تشتري تياب !!!
تعبت يا معلم ... تاني ما تقول لي دي ملابس للشفع ... وكان راجل تعال السودان تاني واغشانا ... غايتو ما تلاقي ما قلتو نوبة
Post: #93 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: حيدر حسن ميرغني Date: 06-27-2013, 06:34 AM Parent: #92
Quote: يا عمر يعني بتعرف تشتري تياب !!!
يا وليد اي جداوي بيعرف في امور التيبان اساسي أب رويس ده ما يعمل ليك فيها خبير موضة
Post: #95 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-27-2013, 06:49 AM Parent: #93
يا حيدر
كل مرة شابكني ليك هدايا هدوم شفع
اساسي ما شفنا منو اي حاجة .. يعمينا
Post: #94 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: احمد التجانى احمد Date: 06-27-2013, 06:42 AM Parent: #92
Quote: دا البناخده منك يا عمر الفاروغ الواحد دخل ينتخب رئيسة السودان اكتشف الدلالية الجواهو
جاك كلامى يا السمانى , لما قلت ليك اعترافك سريع من اول كفين هسة الواحد لو عايز يتشمشر فيك ما خليت ليه حاجة يقولها فيك
* خايف عليك من رسوخ صفة الدلالية فى اذهان القراء , لانى تتخيل كل ما اقلبها القاها لافقة معاك
Post: #96 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-27-2013, 07:56 AM Parent: #94
والله يا وليد ياخ النوبة يستاهلوا ... ومعليش غايتو أسمح لينا نقولا ليك مع إنو بعد ده ح نتورط وما ح نقدر ممط من كلامنا ..لكن مش زمااان بيقولوا ليك فلان ده أمو راضية عليهو ؟ أو زول يكون الناس عارفنو رمممة ورمتااالي لكن بعد داك يقولوا الزول ده ربنا بيريدو؟ أها انت غايتو ربنا بيريدك وأمك داعية ليك .. النوبة في الزمن ده عملة نادرة وانت وقعت ليك في نوبة شكلهم أصصصلي ما تجميع ..ودي شكلها دعوة والدة ساااي يا اخوي ..نوبة ضكرااانة وشكلها بي زي مليون جعلي كده وخمسة مليون دونقلاوي .. بس النصيييحة الشناف بتاعا ده مااا بقدر عليهو ..الشفع ديل تراهو الواحد بيجازف وتتمها الوان وتغشهم ..لكن نقع ليها في البوهية حقتا ؟؟ بتنجججضني نجااااض.. فعشان كده خليني انتظر لمن النوبة بتاعننا يرجعوا وبعد داك نشوف قصة التحويل من الشفع للكبار دي .. خصوووصا وانو هي الفضلت والنصييييحة طااالباني رسسسسمي بعد الشاي والعصير :) :) :)
Post: #97 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: وليد محمد المبارك Date: 06-27-2013, 11:27 AM Parent: #96
يا عمر انت قايل رضاء الام ده بجي سااااااااااااااااااااااااااااااااااااااااااااااااااااااااااي ولا قايل الشفت دي .. سموني ليها في سودانيزاونلاين
اخوك عزال للدين .. كدي عاين لاصحابي في سودانيز اون لاين دي وانت بتعرف
ثم ضحك هاع هاع هاع هااااااااع، وابتسم ابتسامة رضاء
Post: #98 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: AMNA MUKHTAR Date: 06-29-2013, 02:07 AM Parent: #90
هوى ها ..
موضوع مهم زى ترشيح رئيسة للسودان لا يجب أن يتم تناوله بهكذا إستخفاف .
كامل دعمي لهالة وميادة ..يستاهلن
وأرشح ( أساسية ) ...:)
Post: #99 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-29-2013, 03:00 AM Parent: #98
أمونة .. عيييبي لي نفسك في كلمتين؟؟؟ ياخ انتي انزلي انتخابات وانا بضمن ليك كللل المساطيل( وما أكثرهم) إنهم ح يدوك صوتهم.. إنتي قايل حزب الخدر ده ساااهل؟؟ بس اهم شي تخلي الرمز حقكم ( الخدرا )...
Post: #100 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: Ali Abdalla Hassan Date: 06-29-2013, 04:02 AM Parent: #99
بوست غير موفق
هنالك سودانيات مؤهلات لمنصب رئيس الجمهورية وقادرات على إدارة شؤون البلاد بكل نجاح وربما أفضل بكثير من السياسيين الرجال الذين لا يجيدون غير إدمان السياسة والفشل في آن واحد.
ولكن أسلوب البوست فيه إحتقار للمرأة السودانية. ولست أدري لماذا أختار صاحب البوست هالة عبدالحليم فقط وهنالك المئات من السودانيات المؤهلات للترشح لمنصب رئاسة الجمهورية.
Post: #101 Title: Re: لماذا لا تجهّز هالة عبد الحليم نفسها لرئاسة الجمهورية؟؟ Author: عمر الفاروق Date: 06-29-2013, 04:12 AM Parent: #100
إعلان .. هذا البوست دعوة لترشيح المئات من النساء.. لحدي أسة في تلاتة من النساء اترشحن ..أها يا جماعة باقي لينا التسعينات من النساء..
[/IMG]
