Post: #1 Title: خالد شقوري ... شعر نجيييييييييض Author: عبدالمجيد الكونت Date: 06-18-2013, 12:52 PM
Post: #2 Title: Re: خالد شقوري ... شعر نجيييييييييض Author: عبد اللطيف بكري أحمد Date: 06-18-2013, 12:57 PM Parent: #1
انت الناس يقول ليك اهلهم جو كايسنهم انت تقول لي شعر،،
الشعر طاير
ذبحتنا ---------------
وبعدين ألكز حسن الشايقي داك يمكن برضو قرايبو كايسنو وهو ماجايب خبر ،،
يمكن يطلع لينا منكم كفيل
Post: #4 Title: Re: خالد شقوري ... شعر نجيييييييييض Author: عبدالمجيد الكونت Date: 06-18-2013, 01:01 PM Parent: #2
هلا وغلا استاذ عبداللطيف
الناس العباسيين ديل حايمين في حلتنا والاسماء الواردة في الاستقبال ديل كلهم اعمام وخيلاننا لكن اخوك مطنش ... من أبطأ به عمله لن يسرع به نسبه ... عموما مرحب بهم كضيوف على بلادنا الحبيبة
--------- البارح بتونس مع واحد بلدياتنا في الموضوع قلت ليه اجمل ما في قصة الاشراف دي ... حبوباتنا يرتاحن من حكاية الحليفة بالشريفة مريم دي .. ما دام كلنا طلعنا اشراف
Post: #3 Title: Re: خالد شقوري ... شعر نجيييييييييض Author: اساسي Date: 06-18-2013, 01:00 PM Parent: #1
امس دونما سبب واضح رن في رأسي الاسم خالد شقوري , تذكرت ايام الجامعة وصديقي علي المنصوري وهو يذكر خالد شقوري في الطالعة والنازلة وانا خالد شقوري دا منو ما عارفه لكن شايف الجماعة المع علي بيعرفوهو وقتها اتحسست اسأل خالد شقوري دا منو وعملت رايح من الموضوع , المهم ليتر اون عرفت انه خالد شقوري دا شاعر , وبصراحة انا الوقت داك ايام الجامعة جني وجن الشعر والمعطة بتاعة المثقفاتية ديك , يسألني الله اليوم الصباح قررت انه ابحث في قوقل عن خالد شقوري بالرغم من اني استل ما زول شعر . فسبحان الله الخلاك تنزل البوست دا دونما دافع يا كونط
Post: #5 Title: Re: خالد شقوري ... شعر نجيييييييييض Author: اساسي Date: 06-18-2013, 01:01 PM Parent: #3
والله العظيم كنت بصدد كتابة ما جاء في مداخلة عبد اللطيف بكري بطريقة ما والاشارة الي بوست قرايبك الكفلاء
Post: #6 Title: Re: خالد شقوري ... شعر نجيييييييييض Author: عبدالمجيد الكونت Date: 06-18-2013, 01:08 PM Parent: #5
Quote: امس دونما سبب واضح رن في رأسي الاسم خالد شقوري , تذكرت ايام الجامعة وصديقي علي المنصوري وهو يذكر خالد شقوري في الطالعة والنازلة وانا خالد شقوري دا منو ما عارفه لكن شايف الجماعة المع علي بيعرفوهو وقتها اتحسست اسأل خالد شقوري دا منو وعملت رايح من الموضوع , المهم ليتر اون عرفت انه خالد شقوري دا شاعر , وبصراحة انا الوقت داك ايام الجامعة جني وجن الشعر والمعطة بتاعة المثقفاتية ديك , يسألني الله اليوم الصباح قررت انه ابحث في قوقل عن خالد شقوري بالرغم من اني استل ما زول شعر . فسبحان الله الخلاك تنزل البوست دا دونما دافع يا كونط
.توارد خواطر عجيب يا اساسي والله .. خالد شقوري من افضل شعراء الاغنية الشايقية من الشباب رجل خلوق ومتمكن وكلماته مرتبه .. له ولك التحية
Quote: والله العظيم كنت بصدد كتابة ما جاء في مداخلة عبد اللطيف بكري بطريقة ما والاشارة الي بوست قرايبك الكفلاء
تاني لمن تخاطبوني ... تسبقوا مخاطبتكم بالشريف الكونت
قرايبي ناس طيبين ... واهل حوبة وكرم .. مرحب بالضيوف الذين قدموا اليهم ... نحن سودانيين قبل كل شئ ...
Post: #7 Title: Re: خالد شقوري ... شعر نجيييييييييض Author: وضاحة Date: 06-18-2013, 01:08 PM Parent: #5
وووووين يا صفيحة مشتاااااقين
يا سلااااااااااااااااااااااااام ياخى خالد دا مبالغة والله
رجل جميل جميل شديد
Post: #8 Title: Re: خالد شقوري ... شعر نجيييييييييض Author: saidahmed shami Date: 06-18-2013, 01:15 PM Parent: #7
بلداً لمَّت الطنبور . ود لقاي . موية النيل . حاج الماحي والقمحة كيفن ما بغنيها ... وكيفن ما بتكون سمحة النسمة التجيك مِندلي ... شاقي اللوبي حين تصلك تدلّي رِحالا جواكا ... وتقالدك إنت بين أهلك تنوم لامن براك تصحى الدرب البسوقك لا تحت عَلاَّك النخل البلا تطلع لو يندلى ويقول لك هاك الزول البتمشي عليهو .. يمشي عليكا ما بيرجاك والحن البيملا براحو ... مارق منو .. دارِك جاك نتقالد نحِن لبعضنا ... تبقى نفوسنا منشرحة الخضرة المقالدي النيل العز البسند الحيل الليل البعقبو صباحو ... أبداً ليلنا ما هو طويل والزرق اليدردر سيدو .. ياهو حلالو .. ينجمَّالو ليهو يشيل خيرك كلو بين إيديكا ... مو داير لو فد سرحة
الكونت كيفنك
Post: #10 Title: Re: خالد شقوري ... شعر نجيييييييييض Author: عبدالمجيد الكونت Date: 06-18-2013, 01:22 PM Parent: #8
Quote: الكونت كيفنك
مشتاق للجزيرة وتشقها ووكرها يا ود شامي الجسد تمام الا الروح الشوق مجهجها
جرف مقاشي
Post: #9 Title: Re: خالد شقوري ... شعر نجيييييييييض Author: عبدالمجيد الكونت Date: 06-18-2013, 01:16 PM Parent: #7
Quote: وووووين يا صفيحة مشتاااااقين
يا سلااااااااااااااااااااااااام ياخى خالد دا مبالغة والله
رجل جميل جميل شديد
وضاحة الرايقة حبابك
الكتابة في المنبر بقت مملة ياخي ... وبعضها معيب عشان كده اكتيفنا بالمتابعة من حين الى حين
كيفك والاهل
Post: #11 Title: Re: خالد شقوري ... شعر نجيييييييييض Author: عبدالمجيد الكونت Date: 06-18-2013, 11:49 PM Parent: #9
