Post: #1
Title: (صـــــــــــــور) استقبال ، سعوديون يبحثون عن (أنسابهم) في الشمالية.
Author: معاوية عبيد الصائم
Date: 06-17-2013, 06:21 PM
منقــــــــــول ..............
تم إستقبالهم بـ(النحاس) وإيقاعات (الكدنقا)...
06-17-2013 07:37 AM
مروي: يوسف دوكة
وسط التكبيرات المدوية وايقاع النحاس الذي لم يضرب منذ معركة كورتي -والذى تم إستخراجه لدى زيارتهم- استقبلت مدينة مروي بالولاية الشمالية الوفد الذي جاء من الاراضي المقدسة للتعرف على الاشراف في السودان، ولزيارة مقبرة الملوك الأشراف العباسيين الهاشميين في دويم ود حاج ومواصلة لارحامهم في السودان ، وضم الوفد السعودي كلا من الشيخ حسني أحمد عباس رئيس نقابة الاشراف العباسين بالسعودية وفيصل بن فهد وخالد محسن المكادي والشريفة مها محسن المكادي.
مقبرة شايق:
كانت بداية الوفد السعودي في ديم حامد حيث استقبلهم رجال المنطقة بأعيرة نارية ورحبت بهم النساء بالزغاريد التي شقت عنان السماء وبعد هذا الترحيب الحار بالوفد توجه لزيارة مقبرة الملوك الاشراف العباسيين الهاشميين في ديم ود حاج (الملك شايق ابن الملك حميدان والملك الحاج محمد (كدنقا) ابن الملك شايق والأمير نافع بن الملك (شايق)، وقرأ الوفد الفاتحة على روح الموتى وبعدها اخذ الوفد في التقاط الصور التذكارية في المقابر.
سادة العرب:
بعدها تحدث الشيخ حسني أحمد رئيس نقابة الاشراف العباسيين بالسعودية قائلا : (نحن جئنا من السعودية لزيارة هذه المنطقة الجميلة التي تحمل داخل ارضها اجدادنا ونحن الآن نخطو على خطي اجدانا لنصرة هذا الدين)، ومن جهته قال الشيخ فيصل نائب الامين العام: (من حقكم أن تتفاخروا بأنفسكم لانكم سادة العرب وانتم من حكمتم العالم اكثر من 100 سنة وهذا يعني انكم سادة العرب) واضاف : (بعض ضعاف النفوس يحاولون تشويه سمعتنا ويتهموننا باننا سفاكو دماء وبالطبع نحن غير ذلك)، وفي ختام حديثه تمنى أن تتكررهذه الزيارة مرة اخرى.
ود كدنقا:
وبعد منطقة ديم ود حاج توجه الوفد إلى منطقة حزيمة تلك المنطقة التي تعد من المناطق الاثرية والتاريخية في السودان والتي كانت عاصمة للملكة التي حكمها الملك صبير، وفي منطقة حزيمة استقبل الوفد في المنطقة بـ(ايقاع) الكدنقا والنحاس والذى لم يستخرج منذ معركة كورتي كما قال لنا عبدالرازق أحمد سعد -وهو وريث للنحاس- ولقد جعل هذا الاستقبال الوفد يرفع حاجبي الدهشة لروعته، قبل أن يتوجه لزيارة مقبرتي الملك صالح حنك بن الملك الحاج محمد ود كدنقا بن الملك شايق و الملك يوسف ود الأرباب بن الملك صالح.
السوداني
|
Post: #2
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: عبدالمجيد الكونت
Date: 06-17-2013, 09:24 PM
Parent: #1
كدنقا ده جدي لزم والله صحي
|
Post: #3
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: معتصم محمد صالح
Date: 06-17-2013, 09:30 PM
Parent: #2
تحياتي معاوية
دويم ودحاج مسقط رأسي ولازالت خلاوى جدنا ود حاج قائم بعض جدرانها لتشهد على نار القران التي اتقدت زمانا هناك ونهل من معين علمه اغلب اهل الشمال .. لكن قصة سعوديين دي اول مرة اسمع بيها كما سمعت بقصة يهود نوري التي لا تبعد اكثر من 3 كيلومتر من قريتنا ولا ادري من القادم ..
|
Post: #5
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: cantona_1
Date: 06-17-2013, 09:44 PM
Parent: #4
يا أخوانا الجماعة الجدهم أبو جهل من نسل الصحابي الجليل عكرمة بن ابي جهل ما جو مع الجماعة ديل؟ وكمان جدودنا ناس معاوية بن أبي سفيان ما جو معاهم عشان نحن من نسل بني أمية! تتلصقوا في العرب لمن يحتوكم حتة الشرا من القندول.
كبـّاشي الصـّـافي
|
Post: #7
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: MOHAMMED ELSHEIKH
Date: 06-18-2013, 05:36 AM
Parent: #6
ياسلااااااام
"حزيمة" عديييييييييييل
يعني صاحبي عبد لحميد على الحسن بشارة طلع من الأوس والخزج؟
بختك ياعمار محمد آدم
|
Post: #8
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: Elawad Eltayeb
Date: 06-18-2013, 07:56 AM
Parent: #7
| Quote: الملك صالح حنك بن الملك الحاج محمد ود كدنقا بن الملك شايق |
إذا كان ده هو جد شاويشاب اوسلي معناها ده جدي عديل كده
|
Post: #9
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: محمد عمر الفكي
Date: 06-18-2013, 09:01 AM
Parent: #8
واين بريمة من هذا المولد؟
|
Post: #10
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: بريمة محمد
Date: 06-18-2013, 09:24 AM
Parent: #9
الأخ محمد عمر الفكى،
سلام
| Quote: واين بريمة من هذا المولد؟ |
بخ بخ .. بأحفاد العباس في وطنهم السودان ..
-------------------------
بريمة أرسل برقيات تهنئة من أول لحظة .. والدعوة ممتدة لزيارة الوفد لمناجع صقور جهينة من قبائل البقارة والأبالة بغربنا الحبيب.
ما قصرت بسؤالك عنى ..
بريمة
|
Post: #11
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: محمد عمر الفكي
Date: 06-18-2013, 09:45 AM
Parent: #10
وعليكم السلام يا اخ بريمة
قلت اصلو ما معقول بوست زي دا ويحصل 9 او 10 مداخلات وبريمة ما يكون فيهو الا يكون عيان
حمد الله على سلامة الظهور
|
Post: #12
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: الصادق خليفة
Date: 06-18-2013, 10:16 AM
Parent: #10
متابعة
|
Post: #13
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: هشام المجمر
Date: 06-18-2013, 10:34 AM
Parent: #12
يعنى اخوانا الجعليين طلعوا بقد القفة ..لا عباسيين لا جدهم النبى...ههه
والشايقية اشراف...
ده بوست بتاع مشاكل و اولاد شايق ديل اصلا نباشين
حسه فى داعى يجيبو الوفد ده من السعودية!!!!!!
اقتراح للاخوة الجعليين ان يرفعوا قضية اشانة سمعة على نقيب الاشراف العباسيين الهاشميين او يعملو ليهم نقابة تانية بمعرفة الجعليين فى السعودية على ان يزور نقيبها السعودى السودان فى اسرع فرصة و يزور مقابر الاجداد.
صاحب البوست
سلام
ده كلام شغب ساكت ما تشتغل بيهو كتير
|
Post: #14
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: عبدالكريم الاحمر
Date: 06-18-2013, 11:40 AM
Parent: #13
| Quote: يا أخوانا الجماعة الجدهم أبو جهل من نسل الصحابي الجليل عكرمة بن ابي جهل ما جو مع الجماعة ديل؟ وكمان جدودنا ناس معاوية بن أبي سفيان ما جو معاهم عشان نحن من نسل بني أمية! تتلصقوا في العرب لمن يحتوكم حتة الشرا من القندول. |
كباشي الصافي
ما تجق جق النقار باقي اته مارق على جدك ابراهيم القوم
اولاد احميد بطرانين ما بطر ساكت .. جدك الكبير الشيخ ديدان
من دوارته للدواس قال للفارس علوان النبيط
النبيبيط جيتا جيت
قرن الخرتيت
مرض الفرنديد
طبق أم دريسة ما بتنكل فريك
تور الجاموس الراتع اللويت
يوم بقيت ما فيك الرجال قالو فينا شيك
مع تحياتي لصاحب البوست
|
Post: #27
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: الرشيد البصيلى
Date: 06-19-2013, 10:21 AM
Parent: #10
.....
بريمةً انت بصحك يا خوي ، انا تفسيري للموضوع : رحلة البحث عن الاراضي الزراعية !!!!!!!! ، الجماعة ديل من زمان كانو وين؟؟؟ بل أضانك حتسمع عن قريب عن طلبات الافدنة بحق الإرث و ليس ايجارات للاراضي الزراعية
|
Post: #15
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: حاتم موسى عبدالعزيز
Date: 06-18-2013, 11:54 AM
Parent: #1
في خبر سابق منشور في سودانيز أون لاين تم أكتشاف جدة هندية لحفيد الملكة إليزبيث والرجل الثاني في ترتيب ولاية العهد للملكة المتحدة, عن طريق الحمض النووي.
وبنفس الطريقة يمكن إجراء الحمض النووي للكشف عن أصول الشايقية وأصول جميع القبائل السودانية الأخرى وخاصة ذات الأصول العربية منها.
وبعد ذلك من حق الجميع أن يفرح بما يشاء وهو يستند على حقيقة علمية لا غلاط فيها ولا نقاش. (((((((((الحمض النووي هو الفيصل))))))))))), والسلام.
|
Post: #16
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: أحمد الشايقي
Date: 06-18-2013, 12:05 PM
Parent: #15
أكثر ما يفخر به الشايقية السوراب أن جدتهم لأبيهم (حسـن سـوار ) من قبيلة الفـور, فيا ليت مثل هذه الزيارات تبودلت بين أبناء الوطن الواحد ..
|
Post: #17
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: حاتم موسى عبدالعزيز
Date: 06-18-2013, 12:29 PM
Parent: #16
ياريت ويا ليت,,,,,,,,,
|
Post: #18
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: عبدالمجيد الكونت
Date: 06-18-2013, 12:39 PM
Parent: #17
Quote: أكثر ما يفخر به الشايقية السوراب أن جدتهم لأبيهم (حسـن سـوار ) من قبيلة الفـور, فيا ليت مثل هذه الزيارات تبودلت بين أبناء الوطن الواحد ..
|
هذه القصة حكاها لي والدي كثيرا وعن كيف وصل ابناء سوار لاخيهم والتعرف عليه ... ليتنا فعلا نبحث عن روابط السودانيين فيما بينهم بدلا
|
Post: #19
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: محمد حمزة الحسين
Date: 06-18-2013, 12:39 PM
Parent: #16
معاوية عبيد الصايم
يهدوك من المريسة تمشى تشد العرقى او كما قال المثل
التفاخر بالانساب جاهلية دعوها فهى منتنة
بعدين تية يا ود عبيد انتا جرى فيك زلط اسامة عبد الله دا والله شنووو القصة اللخووو ما قالوا من ام الطيور
:
:
:
:
:
:
:
:
مع التحيات لله الزاكيات
|
Post: #20
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: Hatim Alhwary
Date: 06-18-2013, 01:09 PM
Parent: #19
| Quote: تم إستقبالهم بـ(النحاس) وإيقاعات (الكدنقا)... |
طيب وين الدفوف؟
أها والكدنقا دا جلبه معهم اسلاف العباسيين من الحجاز...؟
|
Post: #21
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: عبدالمجيد الكونت
Date: 06-18-2013, 01:36 PM
Parent: #20
Quote: طيب وين الدفوف؟
أها والكدنقا دا جلبه معهم اسلاف العباسيين من الحجاز...؟ |
الأخ حاتم (الهواري)
اشارتك للدفوف فيها تلميج غير كريم ارجو ان تسحبه ان كنت تعني به الغناء والرقص
النحاس وشجاعة اهل الشايقية ليست محل مزايدة من احد هنا او في اي مكان اخر ومعركة كورتي خير دليل على ذلك ولسنا هنا بصدد التفاخر بالانساب او غيرها وان كان الانتساب لبيت رسول الله (ص) مفخرة لكل مسلم
وانت تكتب في اسمك دلالة نسبك ولم يستهجن الناس عليك شئ في ذلك ... فارجو شاكرا سحب هذا التلميح غير الكريم
الكدنقا ...ايقاع شايقي ارتبط بالنحاس والحرب
وكدنقا اسم احد ابناء شايق جد الشايقية
|
Post: #22
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: منتصر عبد الباسط
Date: 06-18-2013, 03:38 PM
Parent: #21
| Quote: وانتم من حكمتم العالم اكثر من 100 سنة |
من هم الذين حكموا العالم 100 سنه ؟!
هل هم الجعليون الشوايقة
هؤلاء لم يحكموا العالم ولا 100 دقيقة
وإن كان يقصد العباسيين فقد حكموا العالم 500سنة
وليس مئة سنة ...
|
Post: #23
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: منتصر عبد الباسط
Date: 06-18-2013, 03:50 PM
Parent: #22
Quote: يعنى اخوانا الجعليين طلعوا بقد القفة ..لا عباسيين لا جدهم النبى...ههه
والشايقية اشراف...
|
.اعرف انك تمزح
ولكن لا مانع من استغلال الفرصة للتوضيح
الشوايقة لا يلحقوا بنسب العباسيين إلا من خلال نسب الجعليين
وهذا ما حدث .....الشوايقة فرع من قبيلة الجعليين وهم فرع تفرع من الجدود الجعليين الأوائل
و في عمود النسب ابناء عرمان المشهورين بالاسم أكثر من غيرهم
والجموعية وفروعهم والرباطاب وكذلك
مع الشوايقة المناصير وغير هذه الفروع ...
كل هولاء جعليون جدهم ابراهيم جعل بن ادريس
العباسي
|
Post: #24
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: معاوية عبيد الصائم
Date: 06-18-2013, 09:41 PM
Parent: #23
Quote: معاوية عبيد الصايم
يهدوك من المريسة تمشى تشد العرقى او كما قال المثل
التفاخر بالانساب جاهلية دعوها فهى منتنة
بعدين تية يا ود عبيد انتا جرى فيك زلط اسامة عبد الله دا والله شنووو القصة اللخووو ما قالوا من ام الطيور
:
|
شكرا لمرورك
|
Post: #25
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: Yassir Tayfour
Date: 06-19-2013, 00:11 AM
Parent: #24
يا افارقة ما تضحكو فينا الناس!
----
بشاشا ما خاتي عليكم، تباً لكم كارهي ذاتكم ؛)
|
Post: #26
Title: Re: (صـــــــــــــور) استقبال ، سعوديون يبحثون عن (أنسابهم) في الشما
Author: Elawad Eltayeb
Date: 06-19-2013, 08:59 AM
Parent: #25
| Quote: هذه القصة حكاها لي والدي كثيرا وعن كيف وصل ابناء سوار لاخيهم والتعرف عليه ... ليتنا فعلا نبحث عن روابط السودانيين فيما بينهم بدلا |
نعم والرواية كاملة هنا:
Quote: وان سوار هذا امه بنت التنقار سلطان جبل حريس بدارفور ويقال ان شايق في احد جولاته في تلك المناطق اي دارفور قدم خيولا هدية للسلطان التنقار . فزوج التنقار ابنته الي شايق وحملت بسوار ثم وضعته . بعد ذلك عاد شايق الي وطنه منطقة الدقاويت (منطقة مروي ) وعندما دنا اجله اخبر ابنه البكر الحاج محمد كدنقا بهذا الامر وطلب منه بان يذهب الي اخيه في دارفور ويعود به الي ديار الشايقية .
وبعد وفاة شايق ذهب كدنقا الي دارفور وعاد باخيه الي دياره . وفي مرة من المرات كان كدنقا في احد غزواته وعندما عاد الي الديار لم يجد اخيه سوار فسأل عنه . فأخبر بان اخويه حوش وعون قد باعاه الي عرب جلابة . فركب حصانة فسار خلف الجلابة حتي لحق بهم بالقرب من كورسكو بالاراضي المصرية فدفع لهم المبلغ الذي دفعوه الي اخويه عون وحوش ، وعاد باخيه سوار الي دياره ، ووضع حدا لكل تصرفات اخويه السابقة . وعاش سوار معززا مكرما في حماية اخيه الحاج محمد كدنقا .
|
والمصدر كتاب مروي المظهر والجوهر للباحثة فاطمة احمد علي عمر
http://www.tawtheegonline.com/vb/showthread.php?t=38969
|
|