وجعي! ياجارة من شدة ريدتي ليك وأنتي عاملة مجنونه #

على عنقريب هبابي قديم أراقوه بملايه لفوهو وسط العويل والثكلي قعدن يقلون دا ما مجنون من زمان بس خلوا رسموا ليهو خريطةَ طريقٍ لأحلامو ومراراًتو منو أختو ست البنات بت الرجال اللي ح تزغرد الليله وتقول تور شين رقد ما من مرض بس سببو ريدة وكمان شديدة لامن عين رقد ولا مرضان مرض موت ما حنقتو بالحب ضياعتو الريده داك أخوي بيتأوه جرحو الجوه فيهو غائر وكمان بينزف تحت الجلد ما بظهر عديل بس شوية هضربه وكمان هالويس منها ومن صورتها وكمان من خيبات العمر الطويل دا من جزء بسيط من الوجع ما خنقوه بحَلُمَ الاثيل بس كيف يطير من البلد من ناسو القبيل قالوا (سفيه ما منو رجا) ممكن يعيش لكنو ما عاد خفيفاً بقي ضئيل مسكون بالوهم في قعرِ الغياب قاعد ومتحكر كيف العمل لما تصبح ذكري جميلة وأمكن مضحكة للحبيبه ألله غالب بالجد كدا . قالوا دي جارة أتغزال فيها بس تعين هي نظرةٌ وحيدةٌ هي سبب شرودي قالوا عنها الكتير أقلها بتدخن ما تدخن أنتو شنو ؟ وأستنشق أنا من عبق دخان الحياة وفي مروري الصباحيّ أمام عتبةِ عمرها أعدّ خطواتي نظراتها ورائي وأبتسمُ، إذ شميت ريحةَ شتيمةٍ تعطّر آثاري في الطريق الضيّق داك القريب من زقاقنا أغيب دخانُ سيجارتها مع الغروبٍ جد ما شين وأنشالله ما أرجع منو أبدا بس أسافر معهو للعدم أنشالله
تذكري لما أنتي مارَّةٌ بخيمةِ بيت البكا الكل بيتفرج عليك قالوا ريحتا حلوة قلت دا اللي عرفتوا بس والله الريحه حلوة والجسم فنان وجمال الوش دا ما في الاحلام ما شفتوها ليه المكابرة ؟ أدوا الجمال حقو كمان ولا معايير الجمال عندكم بس بقت ريحه ودلكه ودخان بالله شوف السجمانيين ديل قعد أرتِّل كلام ريدتي الأخير ليها بيني وبين نفسي في باحةِ صمتها أنا زي الشماسه بي حاجةٌ لكم من الشتائمَ والنبذ يوميّا عشان ملائكتي تصحي معي شوية وأبقي قدر قدري على مصراعة الخطايا آخرَ النهار يا جارة! عندما لا يحتاجه أحد الا لزول من جنس تاني يكملو أو يستغيث به السرير محتاج لمرةٍ جمال من عرق العزابه و###### الوحدة وجوع الجسد بكون منكسر وبس منتظر متين يضويء الفجر فوق كبابي السكارى !؟ ونغرف من نسيان الخمر وكلام الحلمانين بفجرٍ مُبكِّر وأنشا الله يكون فجرك وزي صباحاتك ياجارة أخ أنتي ما جزء من المرض والوجع الشديد بالحيل أسوي شنو بس فيك ؟ أها منتظرين قالوا حكمة العقالين ودوا الريد المتين هي أنتي والله أنتي وبعدك بنات حوا حرم علي و أمكن تكوني أنت البديل ما لعنة الزمن الرقيع دا عجزي وحاجات كدا أمكن أكون أنا السبب ولا علاج حكيم عراف ولا صدر البت الحشيه (نقستي ) بس أنتي وبس أنتي والله بيكيك لحوجتي ليك وما ذلّني صمتي الصبور ليك كان يسخّا قدري في لحظة قرارك وأخير من علقةً اتكسر فيه العمر كامل و الله أنا جادي ودي أوجع عشوق عيان وأنكسار فارس صميم في أحشاء الظلام بفضفاض للخلان عليك الله ياجارة
ولدَ الزول دا عشان يُعانق ولدَهو غرقان في الريده والعشق كلّ ما ينتهي من علاقةٍ حميمةٍ بيتعذب في جديدة كوني النهاية وأكسبي ضلي أمكن اكون جنة دنياك ؟
دا جن العصر وبقي الباقي من العمر
صحي فهمتو حاجه ؟؟؟!