البمد إيدو على السودان بنقطعها ليهو والبعاين للسودان بنقد ليهو عينه

تساؤل لعمر البشير : ما جوك الاسرائيليين جوة البيت ما قطعت ايديهم ليه ولا قددت عيونهم ليييييييه ؟


June 9, 2013

(فاروق حامد – فيس بوك)

ما جوك الاسرائيليين جوة البيت ما قطعت ايديهم ليه ولا قددت عيونهم ليييييييه ؟
عمر البشير قال في احتفال “بالشلعاب” البمد إيدو على السودان بنقطعها ليهو والبعاين للسودان بنقد ليهو عينه !!!! أبشر بطول سلامة يا مادي إيدك ويا معاين بعيونك !! قبل كده يا عمر ما قطعت يد اسرائيل لما ضربت بورتسودان خرتمية مرة ليييييييييه ؟ وجاتك امريكا جنب بيتك وضربت مصنع الشفاء وجاتك تاني اسرائيل وضربتك ليك مصنع الأسلحة بتاعك جوة ثكنات جيشك ودمرته تدميرا ,, أها عملت ليهم شنو ؟؟؟؟؟؟
وهسع سيبك من حسن الجوار مع جنوبنا الحبيب ,, ياخ حاول مرة واحدة اعمل حسن جوار وطيب تعامل معانا نحن الساكنين جنبك في الخرطوم واترك الاستعلاء على مواطنيك في الشمال وخاصة اخواننا المهمشين ,, وحاول لو قدرت كمان توقف مليشياتك وأمنك وجنجويدك من أخذ أرواحنا مقابل جلوسك على كرسي لن يغنيك من الله شيئاً ,,, قبل أن ينقلب عليك جنجويدك !! والمثل بقول التسوي بإيدك يغلب أجاويدك وهم الأن يمورون غيظا !!!! نحن نعرف ذلك وسترى !!!

نفس الخاطرة مرت علي يا محمد علي لمّا سمعت الخطاب
والحتة بتاعة البطوّل لسانو علينا جا في بالي كلام أيمن نور الوصف "موقف السودان بالمقرف" ودي تحديدا كدا معنية بيها الحكومة نفسها!!

شكرًا يا ود البشري للتذكير بقطع اللسان
و ايمن نور اعتذر رقم انه كان بقصد حكومة السودان و حكومة السودان فعلا مقرفة و نظام الإنقاذ عمايله كلها مقرفة