Post: #1
Title: الجواز والإقامة ...........؟؟؟؟؟؟؟؟؟
Author: عثمان فضل الله
Date: 06-07-2013, 10:27 PM
Parent: #0
الزميل بصحيفة البيان الإماراتية صلاح عمر الشريف من المولعين بمتابعة هذا الموقع .. كثيراً مايحدثني يناقشني في ما يكتب فيه سواء كان داخل المنبر او في الاخبار والمقالات وله مشاركات عديدة وتعليقات على الموضوعات .. صلاح سولت له نفسه ان يخاطب "سيد الحوش" طالباً الانضمام للموقع رسمياً فبعث الايميل مشفوعاً برقم هاتفه الجوال وأسماء عدد من الزملاء الاعضاء هنا كمعارف له ولكن تفاجأ كما انا بطلب بدا لى غريباً حداً وهو ان يرسل صورة من جواز السفر والاقامة حتى تتم المصادقة على انضمامه لسودانيز اون لاين الاخ الكريم بكري نعلم تماماً ان هناك العديد من المشكلات ولكن كمان مااظن انها تحصل ان تطلب صورة من جواز السفر والاقامة
|
Post: #2
Title: Re: الجواز والإقامة ...........؟؟؟؟؟؟؟؟؟
Author: عثمان فضل الله
Date: 06-07-2013, 10:34 PM
Parent: #1
*****
|
Post: #3
Title: Re: الجواز والإقامة ...........؟؟؟؟؟؟؟؟؟
Author: Mohammed Sedeq
Date: 06-07-2013, 10:37 PM
Parent: #1
السلام عليكم اخ عثمان حكاية الجواز و الاقامة هي اقرب للقانون الجديد للموقع طبقت مع العضوية الجديدة و انا واحد من الذين طلب منهم ذلك
ولا اعتقد ان في الامر مشكلة لان من يطلع علي الهوية هو المهندس بكري فقط
|
Post: #4
Title: Re: الجواز والإقامة ...........؟؟؟؟؟؟؟؟؟
Author: عثمان فضل الله
Date: 06-07-2013, 10:42 PM
Parent: #3
لو سمح لى الباش مهندس بكري ان الامر فيه شوية "عسف"........... ممكن يكتفي بالهاتف واظنه أكثر اثباتا من تطلب من شخص اوراقه الثبوتية
|
Post: #5
Title: Re: الجواز والإقامة ...........؟؟؟؟؟؟؟؟؟
Author: عثمان فضل الله
Date: 06-07-2013, 10:45 PM
Parent: #3
محمد شكراً على المعلومة وهي بالنسبة لي ولكثيرين ناقشتهم فيها جديدة .. اعتقد ان التزكية هي انجع مثلا ان تطلب من الشخص ان يزكى عبر ايميلات من الاشخاص الذين بعرفونه داخل المنبر.. واتمنى ان لانكون بنتطاول على الاستاذ في "حوشه"
|
Post: #6
Title: Re: الجواز والإقامة ...........؟؟؟؟؟؟؟؟؟
Author: على عبدالله بشير
Date: 06-07-2013, 11:17 PM
Parent: #5
| Quote: محمد شكراً على المعلومة وهي بالنسبة لي ولكثيرين ناقشتهم فيها جديدة .. اعتقد ان التزكية هي انجع مثلا ان تطلب من الشخص ان يزكى عبر ايميلات من الاشخاص الذين بعرفونه داخل المنبر.. واتمنى ان لانكون بنتطاول على الاستاذ في "حوشه" |
أخى عثمان سلامى
أول سابقة قضائية ألكترونية فى السودان دارت أحداثها من هذا المنبر
و هى قضية مشهورة يعلمها أغلب الأعضاء و القراء و تلفزيون النيل
الأزرق ناقشها فى حلقتين كاملتين قبل شهور قلائل ..
شخص زكى شخص لينال عضوية ...
العضو الجديد كتب كلام هنا يمس أحدى العضوات
و عندما رًفع الأمر للمحاكم تنصل المًزكى و قال لا يعرفه ...
فصورة الجواز أو الأقامة أفضل أثبات لأى شخص ...
|
Post: #7
Title: Re: الجواز والإقامة ...........؟؟؟؟؟؟؟؟؟
Author: على عبدالله بشير
Date: 06-07-2013, 11:18 PM
Parent: #5
حذف للتكرار
|
Post: #8
Title: Re: الجواز والإقامة ...........؟؟؟؟؟؟؟؟؟
Author: Mohd Ibrahim
Date: 06-08-2013, 10:43 AM
Parent: #7
انا افتكر الرقم الوطني كفاية
|
Post: #9
Title: Re: الجواز والإقامة ...........؟؟؟؟؟؟؟؟؟
Author: احمد محمد بشير
Date: 06-08-2013, 10:48 AM
Parent: #8
1-اها لو الواحد ما عنده جواز سفر؟؟
2-عادي الناس ممكن تصور جوازات لاشخاص آخرين؟ ما هو الحل لهذه المشكلة؟
3-التذكية اسلم طريقة لتسجيل اعضاء جدد متمكنين من الكتابة
4-في 2013 ظهر مجموعةمن الاعضاء وطلعوا بيس ساااي وما بمستوى البورد
وده نتيجة لسياسة القبول بصورة من الجواز.
يا بكري راجع سياستك دي.
|
Post: #10
Title: Re: الجواز والإقامة ...........؟؟؟؟؟؟؟؟؟
Author: عصام علي أحمد
Date: 06-08-2013, 12:43 PM
Parent: #9
يمكن بكري عايز يقدم لينا فى اللوتري
عثمان غايب عن فعاليات بورداب الامارات انشاء الله المانع خير
تحياتى
|
Post: #11
Title: Re: الجواز والإقامة ...........؟؟؟؟؟؟؟؟؟
Author: Hussein Mallasi
Date: 06-08-2013, 01:07 PM
رقم الهاتف وحده غير كافي؛ التزكية وحدها غير كافية؛ وصورة الجواز والإقامة فقط. غير
كافية. لابد من التلاتة مجتمعين .. إذ لو كانوا مجتمعين لما فعل محمد ناصر (وعصابته) ما فعلوا.
|
Post: #14
Title: Re: الجواز والإقامة ...........؟؟؟؟؟؟؟؟؟
Author: حسن مهدي
Date: 06-08-2013, 01:18 PM
Parent: #11
Quote: -في 2013 ظهر مجموعةمن الاعضاء وطلعوا بيس ساااي وما بمستوى البورد
وده نتيجة لسياسة القبول بصورة من الجواز.
|
وماهو مستوى البورد يا استاذ احمد ؟؟؟ اهو ما نراه امامنا ونطالعه يوميا ..!!
|
Post: #13
Title: Re: الجواز والإقامة ...........؟؟؟؟؟؟؟؟؟
Author: حافظ انقابو
Date: 06-08-2013, 01:18 PM
Quote: يمكن بكري عايز يقدم لينا فى اللوتري
|
لا حولا يا عمك عصام والله دي أوسكار الأوسكار
_______________
سلامات يا عثمان فضل الله .. وليك التحية
بكري مضطر والمضطر بطلب الاقامة :)
نحنا غايتو دخلناها ساي لا اقامة لا جواز .. رقم وطني ما عندي
تحياتي لك والاسرة
|
Post: #20
Title: Re: الجواز والإقامة ...........؟؟؟؟؟؟؟؟؟
Author: عثمان فضل الله
Date: 06-10-2013, 09:15 AM
ياعصام ماقاعدين تدعوني ليها ..بسمع بيها بعد ماتنتهي
|
Post: #12
Title: Re: الجواز والإقامة ...........؟؟؟؟؟؟؟؟؟
Author: اسامة عثمان السيد
Date: 06-08-2013, 01:18 PM
Parent: #9
| Quote: -في 2013 ظهر مجموعةمن الاعضاء وطلعوا بيس ساااي وما بمستوى البورد |
طلعوا بيس
|
Post: #15
Title: Re: الجواز والإقامة ...........؟؟؟؟؟؟؟؟؟
Author: بكرى ابوبكر
Date: 06-08-2013, 04:26 PM
Parent: #12
الاستاذ عثمان فضل الله سلامى ليك و لضيوفك الكرام
اسف للتاخير فى رد عليكم و ما عندى كلام بعد كلام الاستاذ على عبدالله بشير اعلاه
و للاخوة من الفيسبوك ...اكبر المواقع تتعرض للتهكير و نحن لا نضع معلومات الاعضاء الشخصية فى السيرفا و نحتفظ بها فى جهاز غير متصل بالانترنت م كل المعلومات التى تراها فى ملفات الاعضاء فقط الاسم حتى الايميله لا نظهره و باقى المعلومات هو حر فى اضافتها او عدم اضافتها و لا نطلب منه اضافتها و لكل موقع شروطه و لوائحه ...نظام التزكية و التلفون متعب لنا و للاعضاء و تسجيل الاعضاء الجدد يحتاج الى اسابيع حتى يكتمل ...
وشكرا
|
Post: #16
Title: Re: الجواز والإقامة ...........؟؟؟؟؟؟؟؟؟
Author: هشام قريب الله صديق
Date: 06-08-2013, 04:40 PM
Parent: #12
السيد احمد محمد بشير
مع كامل الاحترام للا قدميه والسنيريه في الموقع ولكن هلا حكيت لنا عن لجنة اختياركم
وشروط انضمامكم للموقع ليرجع الموقع لعهده الاول ويختار الاعضاء بالتذكيه حتى يتم تحاشي الاعضاء البيس.
مع تحياتي للاخ عثمان صاحب البوست وكما افاد الاخوه اثبتت التزكيه صعوبة ملاحقة العضو في حالة المخالفه للقوانين.
|
Post: #17
Title: Re: الجواز والإقامة ...........؟؟؟؟؟؟؟؟؟
Author: احمد محمد بشير
Date: 06-08-2013, 04:53 PM
Parent: #16
يا اخونا استهدوا بالله انتو ما عندكم موضوع ولّ شنو؟
هذا البوست لمناقشة موضوع معين فلا تحرفوه عن مساره
ذكرت في مداخلتي وبكل وضوح أن البعض من دفعة نظام التسجيل الجديد 2013
طلعوا بيش سااااي وليس كلهم ....... فالرجاء ما تتحسسوا ساااي
مع احترامي الشديد ليكم كلكم. كلكم دي قاصد بيها الإعضاء الجُدد الجادين وكذلك البيش :)
تحياتي.
و أكرر لابد من التذكية / لانه لايمكن لأحد البورداب أن يذكي شخص (بيش سااي) لنيل العضوية
لأنه أي سيييك ميييك من العضو الجديد ح يكون مسئول منه البوردابي القديم الذي قام بالتكذية.
أتمنى أن تكون وضحت الرؤية ....... ولو اضفنا على شروط قبول العضوية اقتراحات ملاسي كده ح يكون 100%
|
Post: #18
Title: Re: الجواز والإقامة ...........؟؟؟؟؟؟؟؟؟
Author: Elmosley
Date: 06-10-2013, 00:01 AM
Parent: #1
العزيز بكري ابوبكر
والاخ عثمان فضل الله
صلاح عمر الشريف صديق شخصي ورجل مؤهل تماما ليكون عضوا هنا
وانا ازكيه بكل محبة وصدق
عزيزي صلاح يمكنك اعطاء المعلومات
لبكري فهو آمين ومآمون عليها
دعنا نتمتع بوجودك معنا
وشكرا مقدما عزيزي بكري آبوبكر
|
Post: #19
Title: Re: الجواز والإقامة ...........؟؟؟؟؟؟؟؟؟
Author: عثمان فضل الله
Date: 06-10-2013, 09:13 AM
Parent: #18
الاخوة الاعزاء والاخ لبكري تحياتي واحتراماتي لاهتمامكم وتعليقاتكم
|
|