سوق الخضار فى ماليزيا ابداع يفتح النفس ويعقد فى نفس الوقت توجد صور

ناسنا يقولو ليك بيع البصل بما حصل
عليك الله شوف بيع البصل ده هنا كيف

وما تنسى الجزر بيقوى النظر

حسن العرض يرغب الزبون في الشراء

بتذكر السوق الشعبى ام درمان وكيف يباع الخضار هناك

فرق كبير والله

البضاعة معروضة في الخيش وفوق ارض والغبار يقول يا ليل والجراثيم لاقية راحتها على الاخر
والمضحك المحلية تاخذ عليهم ضريبة
ضريب يضربكم انشاء الله

حبابك يا عادل...

الماليزين عندهم طريقة عرض جاذبه جدا ..

وبجيك راجع كان الله هون ..


تعديل حرف

قمة الجمال

شكرلصاحب البوست الرائع
العرض جاذب جدا
بس لايفوق سلطة خدرا بى دكوة وشطة بى ليمون يادوبك مقلوعة من حوض تربال اخدددددر
لن انسى سلطة بلادى رغم روعة الحاضر والقه

يوسف روق المنقة يا زول

دكوة شنو ياخ على الطلاق كان جينا للدكوة دى زاتا وشفتهم بينتجوها ويعبوها كيف
تخلى دكوتنا البتضرس للزول بسبب التراب الفيها

مع تحياتى لبنات بلدنا وهن يجتهدن في صناعة الدكوة بالفندك والفنداكة

قولوا ماشاء الله

مين علمك يافراش تعبد عيون القاش

كله زى ده
كله زى ده
والبريدو شطة خدرة

سلام صاحب البوست وضيوفه
ثلاث يذهبن الحَزَن
طبعاً التشكيلات دي تظل علي حالها طوال الوقت
لأن العمال مش زي عمالنا ـ ايديهم وعيونهم علي البضاعة طول الوقت.
نحن راجين الحكومة تأكلنا وتشرّبنا وتغسِّل لينا إيدينا بعد الاكل.

سلامات

ياخي نحن عشنا دهرا من الزمن في ماليزيا
وما شفنا رص خضار زي ده

لكن شفته في اميل قبل فترة
وغالبا يكون ياباني او اروبي


تحياتي

Quote: لأن العمال مش زي عمالنا ـ ايديهم وعيونهم علي البضاعة طول الوقت

الفاضلابى

سلام انت صادق فيما ذهبت اليه اعلاه ونحن لا نحترم ولا نطور اكل عيشنا ابدا

Quote: نحن راجين الحكومة تأكلنا وتشرّبنا وتغسِّل لينا إيدينا بعد الاكل

في دى ما معاك لانو الحكومة ايضا لديها دور بخلق البيئة النظيفة للعمل وتهيئة العمال والفنيين عبر التدريب ورفع المهارات

ولا كيييف

الأخ الأكرم عادل

سلامات وتحياتي لك ولبوستك الراقي الشهي

صور تفتح النفس, ما اعتقد إنها لأسواق ماليزيا وعلى ما يبدو أنه مهرجان الحصاد بدولة أخرى

بعض أسواق خضار ماليزيا ..

زوق وفن وجمال

شكرا اخونا عادل

الأستاذ عادل عبد العزيز ... سلامات


ما أظنك سمعت بقصة بلدياتي الجا الخرتوم، نزل مع واحد من أقاربه. كانوا مجموعة يتغدون خارج منازلهم عندما كان السودان بخير. لاحظ الضيف أن هنالك أحد الناس لا يأكل إلا السلطة، واستغرب هذا التصرف لكنه لم يسأل.
قضى مدته ورجع البلد، وعاد في العام القادم ونزل مع قريبه نفسه. عندما حضر الجماعة للغداء بعد يومين تلاتة لاحظ غياب الرجل الذي كان لا يأكل إلا السلطة. فسال قريبه عنه. فقال له: الرجل توفاه الله. رد بلدياتي: أنا عرفت بموت من أكلا للخدار أكلة نعزية (ماعز).

فيا عادل ما تكتر من أكل الخدار عليك باللحم. ولقريبي هذا نظرية في أكل الخدار واللحم. سألني المرفعين كان لقى الخروف البكتل أخوه ياتو فيهم؟ قلت له المرفعين. (الذئب ياجماعة الحنكشة). وكان النمر لاقى التور البكتل أخو منو؟ قلت له: النمر. سألني كان الأسد لاقى الجمل البكتل أخو منو؟ قلت له:الأسد.
قال لي: توا شوف التلاتة البياكلوا اللحم كتلوا التلاتة البياكلوا القش. تقول لي أكل السلطة زي النعزية. هذا الرجل حتى توفاه الله عن عمر يناهز التسعين عاماً لم يأكل سلطة ولا خدار كالنعزية كما يقول. ولا يأكل ملاح الخدرة والبامية ابداً. رحمه الله رحمة واسعة.


كباشي الصافي


(العوج راي والعديل راي)

Quote: ياخي نحن عشنا دهرا من الزمن في ماليزيا وما شفنا رص خضار زي ده لكن شفته في اميل قبل فترة وغالبا يكون ياباني او اروبي

عبدالعزيز يا صفوة نجيك في ماليزيا تقول انا في سنغافورة
نجيك في سنغافورا تقول انا في ماليزيا



وبعدين بأأأأأأأ؟؟؟

Quote: عبدالعزيز يا صفوة نجيك في ماليزيا تقول انا في سنغافورة نجيك في سنغافورا تقول انا في ماليزيا وبعدين بأأأأأأأ؟؟؟

الاخ العزيز عادل ولد عبدالعزيز
سلامات

ياخي تشيلك العيون
ونرحب بيك في كل جنوب شرق آسيا
ونحتضنك بالزهور هذه وجمالها باللونين

خالص التحايا والود

Quote: الأستاذ عادل عبد العزيز ... سلامات ما أظنك سمعت بقصة بلدياتي الجا الخرتوم، نزل مع واحد من أقاربه. كانوا مجموعة يتغدون خارج منازلهم عندما كان السودان بخير. لاحظ الضيف أن هنالك أحد الناس لا يأكل إلا السلطة، واستغرب هذا التصرف لكنه لم يسأل. قضى مدته ورجع البلد، وعاد في العام القادم ونزل مع قريبه نفسه. عندما حضر الجماعة للغداء بعد يومين تلاتة لاحظ غياب الرجل الذي كان لا يأكل إلا السلطة. فسال قريبه عنه. فقال له: الرجل توفاه الله. رد بلدياتي: أنا عرفت بموت من أكلا للخدار أكلة نعزية (ماعز). فيا عادل ما تكتر من أكل الخدار عليك باللحم. ولقريبي هذا نظرية في أكل الخدار واللحم. سألني المرفعين كان لقى الخروف البكتل أخوه ياتو فيهم؟ قلت له المرفعين. (الذئب ياجماعة الحنكشة). وكان النمر لاقى التور البكتل أخو منو؟ قلت له: النمر. سألني كان الأسد لاقى الجمل البكتل أخو منو؟ قلت له:الأسد. قال لي: توا شوف التلاتة البياكلوا اللحم كتلوا التلاتة البياكلوا القش. تقول لي أكل السلطة زي النعزية. هذا الرجل حتى توفاه الله عن عمر يناهز التسعين عاماً لم يأكل سلطة ولا خدار كالنعزية كما يقول. ولا يأكل ملاح الخدرة والبامية ابداً. رحمه الله رحمة واسعة. كباشي الصافي

الحمدلله الذي حبب اللحم والبروتين الحيواني إلى نفوسنا منذ الصغر

ههههههه المشكلة البقنع - المرة شنو هسي - جنها خدار لا لحمة لا دجاج لا سمك الا فيما ندر .. والله أخوي كباشي
عجبني سردك الجميل الذي طويت داخله رسالتك المهمة .. مازال ايماني ما ذكرت من ضرورة تناول البروتين الحيواني.. وأن الخدار وحده لا يكفي أبدا..



شكرا أخوي عادل
بوست جميل أنيق ويعكس روعة الناس الرصت الخدار
ماليزيا - كما سمعت - بلد متقدمة ورائعة

البلد الجميل بتكون فيها اي حاجة جميل

تخريمة
الابن عادل عبدالعزيز عبدالرحيم انت ولد الاستاذ عبدالعزيز عبدالرحيم
ناوا دنقلا

الغريبة ما عندهم قفف زي الليلاتنا في سوق الخدار طيب جابوها كيف