Post: #1
Title: غريب أمر السودان هذه الأيام!
Author: Hussein Mallasi
Date: 06-05-2013, 05:56 PM
الحكومة عايزة تفكها وما عارفة كيف؛
والمعارضة عايزة تمسكها وما عارفة كيف؛
والشعب غير مبالي ورامي طوبة الحكومة والمعارضة!
|
Post: #2
Title: Re: غريب أمر السودان هذه الأيام!
Author: cantona_1
Date: 06-05-2013, 06:28 PM
Parent: #1
سلام يا ملاسي يا إبني إنت فاكر في شعب أوعى من الشعب السوداني؟ الحكاية بقت جنازة بحر.. ما في زول بقدر عليها. لو وضعت نفسك الحاكم الجديد ماذا تفعل إزاء:
1- مشاكل الحروب في جنوب كردفان والنيل الأزرق ودار فوووووووووور؟
2- ماذا تفعل مع مشكلة المياه في بورتسودان وكردفان؟
3- ماذا تفعل في معترك مصر وإثيوبيا؟
4- حتسلم منو للجنائية وتابي بي منو؟
5- مشاكل التعليم الذي لحق أمات طه تبدأ حلها من وين؟
6- مشاكل الصحة والمرض التي تبدأ بالملاريا ولا تنتهي الإيدز تسوي معاها شنو؟
7- الخدمة المدنية التي إنهارت كعمارة وزارة الداخلية تقومها كيف؟
8- أنصاف المتعلمين خريجي الجوامع الجديدة توظفهم وين؟
9- السكة الحديد وسودانير والمواني البحرية والخطوط البحرية تعمل ليها شنو؟
10- وما تنسى خط هيثرو؟
11- أما أكبر مهماتك فكيف تأكل الناس كسرة بملاح أو عيش بفول؟
كفاك ولا أزيدك ..
وأنا خالك حتعمل لي شنو في النهاية؟ لك تحياتي وكل الود.
كباشي الصافي
|
Post: #3
Title: Re: غريب أمر السودان هذه الأيام!
Author: mohamed hussein
Date: 06-07-2013, 03:15 AM
Parent: #2
دي دايره كبري اتجاهين..
والبداية بزوال الانقاذـــ الوطني..
وبعد داك الفورة 1000
وحمدلله علي السلامة.
|
|