هل فقد السودانيون المغتربون نخوتهم في المهجر ولماذا؟ توجد نماذج

جاييكم لخال فاطنة الصار بجي راكب عربيتو متعمعم ومتلفح بالشال وعينو للسودانية واقفة في الحر منتظرة تاكسي ولما يشوفا يدوس الابنص وعيييييييييييييييييييييييك.

لماذا يلا قيك السوداني في الاصنصير وبغم ما يقولا ليك ؟ سؤال يطرحه احد خيلان فاطنة

يكون جارك في بلاد المهجر ولما يلاقيك يدنقر ساااااااااااااااااى - استغراب من احد خيلان فاطنة

يسمع بفلان مات في مدينتو ويقول سيبك - استفسار يطرحه احد خيلان فاطنة

بالمقابل كما يقول فيصل القاسمي

هل تتردد السودانيات في الركوب مع السوداني خال فاطمة الذى وقف ليقلها بسيارته لمجرد ظنها انه .........- هنا يتساءل واحد فضولي ساي .

هل لبعض السودانيين مشاكلهم التي تجعل الكثيرين التردد من الاقتراب او التعرف بهم - خال فاطنة يتساءل

هل للزوجات اى دور في تحديد كيفية تعامل ازواجهن مع السودانيين الاخرين - الكثيرون يظنون هكذا

قصدك فضل الظهر يا الطيـب؟

Quote: قصدك فضل الظهر يا الطيـب؟

اى حبيبنا المرتضى ومال فضل العنكوليب ؟

السلام عليكم أخونا ود شيقوق ..

Quote: هل فقد السودانيون المغتربون نخوتهم في المهجر ولماذا؟

الحيكومة هي السبب ..

لماذا لا يتصل بك احد معارفك من السودانيين في بلاد المهجر الا عندما يكون في حاجة لمساعدته في طامة حلت به ؟ سؤال من احد اخوان فاطنة.

دكتور احمد

كيفك انت

Quote: الحيكومة هي السبب ..

هكذا تقول بعض المصادر

انت دحين الحيكومة دى قبضها في بلاد المهجر مانعة كدا لشنو؟

في السودان تسمع منها وتصهين ساااااااااااااااى

غايتو ماني عارف .
لكن والله يا الطيب أخوي السودانية جنوبية ولا شمالية وين ما كانت
نفرش ليها الدنيا سجاد أحمر ونجيب ليها لبن الطير من وأدي المنايا مهما بعد .
لا لا .
النخوة موجودة والبطل لا يموت .
..
عاين
وأنا لنج في أمريكا كنت عايز أساعد وأحدة أمريكية عشان تركب المترو زولتك دايرة تجيب لي الحكومة هههها .
بس والله يا الطيب تب ما وقفت من مساعداتن المسكينات .
ياخ هو الدنيا دي فيها شنو ؟

Quote: غايتو ماني عارف . لكن والله يا الطيب أخوي السودانية جنوبية ولا شمالية وين ما كانت نفرش ليها الدنيا سجاد أحمر ونجيب ليها لبن الطير من وأدي المنايا مهما بعد . لا لا . النخوة موجودة والبطل لا يموت . .. عاين وأنا لنج في أمريكا كنت عايز أساعد وأحدة أمريكية عشان تركب المترو زولتك دايرة تجيب لي الحكومة هههها . بس والله يا الطيب تب ما وقفت من مساعداتن المسكينات . ياخ هو الدنيا دي فيها شنو ؟

اى يا عثمان كلامك صاح لانو في امريكا ما عندكم قشة مرة - زى ناس امبدة - الكريم كريم والما كريم كريم وهلم جرا

Quote: هل للزوجات اى دور في تحديد كيفية تعامل ازواجهن مع السودانيين الاخرين

في دي معااااااااااك تب

وأضيف ليها كمان مقولة : ياخي ديل غير الهوا ما بجيبو لينا حاجة

تحياتي

حذف للتكرار

ود السلمة

سلامي يا زعيم

Quote: دي معااااااااااك تب وأضيف ليها كمان مقولة : ياخي ديل غير الهوا ما بجيبو لينا حاجة

ما تستعجل بتجيك واحدة هسه تلفخك بكوعا

غايتو يالطيب ـ زي ما قال ليك عثمان ده
هنا في نيويورك الكلام ده ماعندنا
السودانيين هنا يختوهو قرض مع بعض في السياسة
لكن في الملمات فهم علي قلب رجل واحد ،،

الفاضلابي

اها امي وصلت طاب

عليك الرسول ما تحوم بيها المدائن - قول لام اولادك اقلي البن لخالتك دي وشمميها شمميها شمميها المقلاية دى ما زولة فسحييييي على شواطئ المحيط .

Quote: غايتو يالطيب ـ زي ما قال ليك عثمان ده هنا في نيويورك الكلام ده ماعندنا السودانيين هنا يختوهو قرض مع بعض في السياسة لكن في الملمات فهم علي قلب رجل واحد ،،

بلدكم ما فيهو ترصّد كلو شفافية وافصاح للطيش

هل للسودانيات في بلاد المهجر اي دور في تحديد مع اى مستوى ينبغي ان يتواصل ازواجهن ؟ يتساءل واحد من الرياض مدينة الخرطوم

ست ماشي انوم العايز يكتب يكتب والعايز يقرا يقرا

اها امي وصلت طاب
دي كانت والدة زوجة خالد سليمان
الـ لي هي والدة ولد استاذك عبدالله بشير(هاشم) عضو المنبر.
وطبعاَ هي يالطيب زي والدتنا بالظبط -- إنت بتعرف ناس سنجة
والطيبة العندهن تكفي الدنيا ـ ووالدتي ذاتها لما كانت معاي في سنجة
الناس ماكانت مدياني فيها طرف.. ياسلام علي سنجة وناس سنجة.


ـــــــــــــــــــــــــــــــــ
إت مالك تقول راميك جمل

Quote: اها امي وصلت طاب دي كانت والدة زوجة خالد سليمان الـ لي هي والدة ولد استاذك عبدالله بشير(هاشم) عضو المنبر.

دا شنو دا انت بقيت لولاو كدا مالك ؟

كلامك دا غلبني عديل زى المتباينة الهندسية

يا الطيب عندنا صاحب جاب أمو بروكلن
تاني يوم حبكت معاها الا تقلي البن .
يازول مع العطرابة ديك بعد دقيقتين جوها 13 بوليس دأفشين الشقة .
..
جماعتك بعد ما عرفوا ده بن رجعوا .
يعني يا الطيب لو الشغلة كانت طلح كان هسع زولتك تكون في السجن المركزي .
وه وه وه وهههههههها .

Quote: يعني يا الطيب لو الشغلة كانت طلح كان هسع زولتك تكون في السجن المركزي . وه وه وه وهههههههها .

اكان كدي ناس البردانة بعد الشمس تغيب بتتكرزن طااااااب هههههههههههههههههههههه

Quote: دا شنو دا انت بقيت لولاو كدا مالك ؟ كلامك دا غلبني عديل زى المتباينة الهندسية

بعد كدي امش نوم ماتجيب لينا كٌبة
هسع يقولوا المحامين ديل بقوا يهضربوا مالن
الكريستال ده بلملم فوقك الشواطين.

الاخ الكريم الطيب سلام من الله و رحمة ، اولا استمحك عذرا لاننى غائب من هذا المكان

لظروف اسرية بالغة الدقة ـ حيث كنت و ما زلت متابع لابن شقيقتى من شهور طويله هنا

بدوحة الخير ، فى نقل كلى له ومن ثم عملية قلب ، اعلم انك حضرت الى الدوحة ربما مرات

و حالت ظروفى الصعبه دون لقياك ، فانا مثلا ساكن فى اقضى الجنوبى الغربى ، و اذهب

مع ابن شقيقتى للغسيل الى اقصى الشمال منطقة اسمها الخور . المهم اخوك متلوم مش معاك

انت بكل مع ناس كتار .

للاسف الاخلاقيات تغيرت ولى عودة ان ربنا سهل.

لماذا لمن يلاقيك صديقك في سوق باب شريف ومعاه مرتو بيعمل فيها ما شايفك ؟؟؟

الحبيب عمي الطيب
اسعد الله صباحك

انا غايتو اتفق معاك عشرمية في المليون انو النسوان في بلاد المهجر هن البحددن ارجالهن يمشوا مع منو ويقيفوا مع منو وياكلوا مع منو

يعني بالعربي الفصيح كدا هن المالكات زمام الأمور في المهجر

انت يا عمي قايل رجال الزمن دا زيكن أنتو ولا شنو يا عمي الحبيب

المسنوووووووح أنا جاي قريييب أوعك تقفل تلفونك ,,,

زي ماقالوا ليك أخوانا عثمان موسي والفاضلابي والله

نحن بخيييييير والاخلاق تب متل اخلاق جيل الثلاثينات .

كتر لي من العنكوليب واللبان العدني والحمام ( برود)المغربي

عشان عقلك ما يطش ويمشي بعيد ..

بالجد مبالغة
لؤمكم عايزين تقشو في حريمكم
من اكلت الكسرة ما شوية ما سمعت بمرة سودانية قالت لزوجها
حاجة سمعها خاصة في مواضيع الاصدقاء والاهل
براكم بقيتو كعبين وعايزين حيطة قصيرة

Quote: نفرش ليها الدنيا سجاد أحمر ونجيب ليها لبن الطير من وأدي المنايا مهما بعد . لا لا . النخوة موجودة والبطل لا يموت .

جاييكم بالمهلة

تحياتي أخوي الطيب وضيوفك الطيبين
...
أنت مشيت للناس البره
الشايلين قلوبهم في إيديهم وشايلين الهم !
هم الناس المعاهم من زوجة وعيال
وهم الشغل وتوابعوا
وهم البلد وناس البلد
كدي اديني فرصتين وشوف الفرق بين
بين النخوة .. وسجم النخوة ..!
كدي النوريك والناس تسمع نخوة الناس الجوه البلد
البتجيب المرض
عاد دي يشهد الله وملايكة السماء لاها حكاية سمعتها
ولا قريتها في الجرايد
ده شوف العين البياكلها الدود
أسمع والناس التسمع وقولوا حسبنا الله ونعم الوكيل
أنت شفت المواصلات
وشفت مصيبة البنات
بركبن مجبورات .شان يلحقن المحاضرات
ويتختن وسط كماشات .. نتنات .. ومصديات .. ومقرفات
يا الطيب أخوي . أقسم بالله أنا ما ركبت مواصلات إلا ونزلت بي حسرات وعبرات
من البحصل للبنات
..
البت ما تلحق تقعد إلا وتلقاها تتململ والساعة ديك تعرف أنو يد الغدر طالتها
من غير خجل ولا ادب .. واحد يمد ايدو للبت ويختار المكان البريحوا
بعض البنات بنزلن قبل ما تجي محطتها
والحارة الما بترضى الحقارة والسفالة تقيف علي حيلها وترصعوا كف مليان
وتدور الشكلة وتسمع البت ما تسمع الما فيها وتستمر الشكلة لدقايق ما شوية
وين أخوان فاطمة ؟!
فراجه .. مستمعين ومستمتعين
مافي واحد بنطق بي كلمة كلو لسانو في خشمو ( ديل الناس الكبار أما الشباب طوالي يركبو السماعات )
اريتو حال السرور !
دي مهازل بتحصل علي راس كل دقيقة في مواصلات بلدنا
نخوة شنو ؟
أسأل من الرجالة الماتت بي موت رجالها
دي نخوة الناس الجوة
وبجيك بي حكاية لي نخوة الناس البره
الجابت الهوا والمضرا
ومعليش كان طولت عليكم .. بس الرواية لازم تتم .

يازول لعلك بخير وعافية
ات ازول بتحفر داير وين
البلد اتقسمت كيمان كلو زول ماسك في شظر ميت ....انا عايز اعلامي يمشي يعمل استعلام ويسال الناس عن معنى كلمة نخوة ، مروءة ...أكيد الغالب من الجيل الثاني من جيل السودان لم يدرس هذه المادة في المدرسة
كترة السلام بتقلل المعرفة مش؟
كل يوم في دار الغربة بتشوف سائحون وسائحات من السودانيين البعرفك بعمل فيها رايح والمابعرفك ينظرك نظرة اشفاق !!
الظوب ولا العرقوب
معرفة الرجال كنز ...الكنز لتحصل عليه يشترظ ان يكون رجٌل !!
المرأة مسكينة دايمن الحيظة القصيرة والجناح الكسير نحملها خيباتنا ...بعض الحريم أشك في انوثتهن من شدة ماهن فيهن نخوة ورجولة!

يازول انت خاتي ليك اكتر من سؤال اكتفي بهذه التلميحات والباقي تمو عنكوليب أو تبش
أين ستقضي الصيف ؟؟

سلام يا شيقا.
ياخ السودان يكاد يكون الدولة الوحيدة التي يعتمد نصف سكانها في الداخل على ربع السكان في الخارج.
فشعب بهذه المواصفات لا يمكن ان يفقد النخوة. ولكن ربما هي ضغوطات الحياة وظروف الغربة البطٌالة.
You shall give them the benefit of the doubt
ولله بنقول شيقا ذاتو بقى كعب( حاشاك).
--
يا حليل زمان الواحد كان ساكن في سودانيز كأنه مشارك بكري.هسع الواحد بقى لو قدر يكتب مداخلتين في اليوم بكون ما قصر.
"الغربة إن شاءالله تعقري".

محبتي

توحي

Quote: ياخ السودان يكاد يكون الدولة الوحيدة التي يعتمد نصف سكانها في الداخل على ربع السكان في الخارج. فشعب بهذه المواصفات لا يمكن ان يفقد النخوة. ولكن ربما هي ضغوطات الحياة وظروف الغربة البطٌالة.

No we are speaking about the behavior of one expat 'viz-a-viz' his counterpart . Whether he provides financial assistance to his relatives in Sudan or not is a substantially different issue.

Quote: You shall give them the benefit of the doubt ولله بنقول شيقا ذاتو بقى كعب( حاشاك).

--

قول عني ما تقول والّما يطول العنب حامضا عني يقول


مسنووووووووووووووح

نواصل

-
[

Quote: يازول لعلك بخير وعافية ات ازول بتحفر داير وين البلد اتقسمت كيمان كلو زول ماسك في شظر ميت ....انا عايز اعلامي يمشي يعمل استعلام ويسال الناس عن معنى كلمة نخوة ، مروءة ...أكيد الغالب من الجيل الثاني من جيل السودان لم يدرس هذه المادة في المدرسة كترة السلام بتقلل المعرفة مش؟ كل يوم في دار الغربة بتشوف سائحون وسائحات من السودانيين البعرفك بعمل فيها رايح والمابعرفك ينظرك نظرة اشفاق !! الظوب ولا العرقوب معرفة الرجال كنز ...الكنز لتحصل عليه يشترظ ان يكون رجٌل !! المرأة مسكينة دايمن الحيظة القصيرة والجناح الكسير نحملها خيباتنا ...بعض الحريم أشك في انوثتهن من شدة ماهن فيهن نخوة ورجولة! يازول انت خاتي ليك اكتر من سؤال اكتفي بهذه التلميحات والباقي تمو عنكوليب أو تبش أين ستقضي الصيف ؟؟

ات يا ود عمي منحاز عديييييييييييل كدا مالك شغال في منظمة حقوق المرأة والطفل ولا شنو؟

يا شوشو بت عمي

Quote: أنت مشيت للناس البره الشايلين قلوبهم في إيديهم وشايلين الهم ! هم الناس المعاهم من زوجة وعيال وهم الشغل وتوابعوا وهم البلد وناس البلد كدي اديني فرصتين وشوف الفرق بين بين النخوة .. وسجم النخوة ..! كدي النوريك والناس تسمع نخوة الناس الجوه البلد البتجيب المرض عاد دي يشهد الله وملايكة السماء لاها حكاية سمعتها ولا قريتها في الجرايد ده شوف العين البياكلها الدود أسمع والناس التسمع وقولوا حسبنا الله ونعم الوكيل أنت شفت المواصلات وشفت مصيبة البنات بركبن مجبورات .شان يلحقن المحاضرات ويتختن وسط كماشات .. نتنات .. ومصديات .. ومقرفات يا الطيب أخوي . أقسم بالله أنا ما ركبت مواصلات إلا ونزلت بي حسرات وعبرات من البحصل للبنات .. البت ما تلحق تقعد إلا وتلقاها تتململ والساعة ديك تعرف أنو يد الغدر طالتها من غير خجل ولا ادب .. واحد يمد ايدو للبت ويختار المكان البريحوا بعض البنات بنزلن قبل ما تجي محطتها والحارة الما بترضى الحقارة والسفالة تقيف علي حيلها وترصعوا كف مليان وتدور الشكلة وتسمع البت ما تسمع الما فيها وتستمر الشكلة لدقايق ما شوية وين أخوان فاطمة ؟! فراجه .. مستمعين ومستمتعين مافي واحد بنطق بي كلمة كلو لسانو في خشمو ( ديل الناس الكبار أما الشباب طوالي يركبو السماعات ) اريتو حال السرور ! دي مهازل بتحصل علي راس كل دقيقة في مواصلات بلدنا نخوة شنو ؟ أسأل من الرجالة الماتت بي موت رجالها دي نخوة الناس الجوة وبجيك بي حكاية لي نخوة الناس البره الجابت الهوا والمضرا ومعليش كان طولت عليكم .. بس الرواية لازم تتم .

نفسك الحار دا طلعك من الموضوع وخلاك تتحدثي عن سياسة بسمارك الداخلية نحن قلنا السياسة الخارجة ياخ

تحية....


موضوع جدير بالبحث والتامل( رغم بعدك نرسل سلامنا)

الخال له مقتضيات....وفاطمه لها مطلوبات...والحال كذلك فالموضوع في تقديري رباعي الابعاد...ثقافة المكان...قابلية او عدم قابلية الفرد السوداني للاستلاب...التخلف الاجتماعي...مدي الاحتقان بالفضائل السودانية الراكزة...

واديك مثال من تجربة شخصية..اثنان من اصدقائي قمت بالواجب التام نحو تامين هجرتهم الي شمال العالم بالجهد والمال لكنهما وبقرار من وزارات الداخلية لديهما اعلنا مقاطعتي بالواضح ومع علامة تعجب للزمان يا تري ام المكان ام التربية..


مثال اخر..توقفت بناءا علي اشارة من ماجدة سودانية للتوصيل..تم ايقافنا من هيئة الحسبة ولولا لطف الله ومنيعرفونني من لاخوة كرام لجري الحكم بتهمة مرافقة غير المحرم...هي طبيبة جاءت للتو الي دنيا الاغتراب ...وانا ود عم الاغتراب

يا سعادة المستشار ود الكامل

وين اراضيك افتقدنا كتاباتك الحلوة يا العشا

Quote: الخال له مقتضيات....وفاطمه لها مطلوبات...والحال كذلك فالموضوع في تقديري رباعي الابعاد...ثقافة المكان...قابلية او عدم قابلية الفرد السوداني للاستلاب...التخلف الاجتماعي...مدي الاحتقان بالفضائل السودانية الراكزة...

يا سعادتك انا بحكي عن نخب صفوية صاروا يتصرفون هكذا - ياخ اقول ليك تكون قدمت كم وكم جميل لناس عشان يطلعوا برة البلد - تلقاهم الايام الاولى حلوين معاك تلفونات وونسة وكدا بعد سنة وكدا اكان رن ليك تقطع الشك عايزك في خدمة بس مش حنان منو وكدا .

Quote: واديك مثال من تجربة شخصية..اثنان من اصدقائي قمت بالواجب التام نحو تامين هجرتهم الي شمال العالم بالجهد والمال لكنهما وبقرار من وزارات الداخلية لديهما اعلنا مقاطعتي بالواضح ومع علامة تعجب للزمان يا تري ام المكان ام التربية..

اكتلها في حشاك واسكت بس

Quote: مثال اخر..توقفت بناءا علي اشارة من ماجدة سودانية للتوصيل..تم ايقافنا من هيئة الحسبة ولولا لطف الله ومنيعرفونني من لاخوة كرام لجري الحكم بتهمة مرافقة غير المحرم...هي طبيبة جاءت للتو الي دنيا الاغتراب ...وانا ود عم الاغتراب

الله جاعل ليك السترة بس والحمد لله

بس في دول الخليج التانية مافي حاجات زى دي ولو شفت سودانية واقفة في الحر ووقفت ليها عشان تشيلها بتسمعك كلام فارغ ( معليش ما كلهن لكن الاغلبية) - عشان كدا بقينا لما نشوفهن ندوس الابنص ونعصر بنمرة 4 طوالي ولسان حالنا يقول ابعد من الشر وغنيلو

دكتورة نجاة ذاتا

Quote: بالجد مبالغة لؤمكم عايزين تقشو في حريمكم من اكلت الكسرة ما شوية ما سمعت بمرة سودانية قالت لزوجها حاجة سمعها خاصة في مواضيع الاصدقاء والاهل براكم بقيتو كعبين وعايزين حيطة قصيرة

مممممممممم عاد دا كلام ؟

وعين الرضا عن كل عيب كليلة ولكن عين السخط تبدي المساويا

ود الكامل المسنوح

وينك

قانص؟

Quote: المسنوووووووح أنا جاي قريييب أوعك تقفل تلفونك ,,, زي ماقالوا ليك أخوانا عثمان موسي والفاضلابي والله نحن بخيييييير والاخلاق تب متل اخلاق جيل الثلاثينات . كتر لي من العنكوليب واللبان العدني والحمام ( برود)المغربي عشان عقلك ما يطش ويمشي بعيد ..

تعال ساي والله جنس عنكوليب كمان منقى ما عليك الا تتناول وتتجغم زيييييييين نامن لعابك يسيل بكورنات خشمك

الصادق ود اخوى الصديق

Quote: انا غايتو اتفق معاك عشرمية في المليون انو النسوان في بلاد المهجر هن البحددن ارجالهن يمشوا مع منو ويقيفوا مع منو وياكلوا مع منو يعني بالعربي الفصيح كدا هن المالكات زمام الأمور في المهجر

يا الصادق يا ابني مالك عايز تخلي الجندر يتلهمني هههههههههههه انا مش قلت كدا بقول في واحدين بقول كدا وانت كدا ضميتك صوتك ليهم

Quote: انت يا عمي قايل رجال الزمن دا زيكن أنتو ولا شنو يا عمي الحبيب

اى نحن خيلان فاطنة ذاتم ات فاكرنا شهادة عربية ؟

يا عادل

كيفك؟

Quote: لماذا لمن يلاقيك صديقك في سوق باب شريف ومعاه مرتو بيعمل فيها ما شايفك ؟؟؟

دا اكيد بكون ما عندو حاجة يفاخر بها الامم

انت كمان خليك حريف لو بصيتو ماشي معاها اعصر ضبنك وزوغ سريع

ابن عمي هجو الاقرع

سلام


يا اخي الف سلامة لود اختك وربنا يمتعه بالصحة والعافية

يا اخي حشاك انت ما بتقصر وظروفك دى مقدرة جدا

الشكر موصول لكل الفيسباب الذين شاركونا النقاش وهم خارج التخطيط

تحياتي وسلامات مولانا شيقوق

وعن نخوة ناس برة المشو جوه نقول ليك

واقعة حقيقية

ذهبت زوجتي وفي يدها جواز سفرها وجوازي سفر كريمتينا لشؤون العاملين بالخارج لعمل تأشيرة خروج كى يحضرن في إجازتهن
وجه الضابط ( مشكوراً ) السيدات وكن حوالى الخمس سيدات بعمل صف منفصل مواز لصف الرجال
بدأ الضابط عمله فرداً من كل صف
عندما حان الدور على زوجتي قدمت للضابط الجوازات الثلاثة التي كانت تحملها فاحتج من الطرف الآخر ( أحد أخوان فاطنة )
ياخ دي عندها تلات جوازات خلص ليها جواز وخليها تنتظر يخلص واحد مننا وبعدين خلص ليها التاني ويخلص واحد مننا وبعدين خلص ليها التالت
تقول زوجتي أنها لم ترد عليه ، وتوقعت أن تسمع إستهجاناً من الواقفين معه في الصف
لم تسمع شيئاً بل أنها تفاجأت أن الضابط قد توقف وكأنه ينتظر ردها على ما سمعت

بهدوء طلبت منه أن يعيد لها جوازاتها ويخلص معاملات ثلاثة رجال في الصف ثم تقدم له الجوازات

وهذا ما حدث بالظبط

استاذنا عاطف عمر

كيفك وكيف اولادك؟

Quote: بهدوء طلبت منه أن يعيد لها جوازاتها ويخلص معاملات ثلاثة رجال في الصف ثم تقدم له الجوازات

ديل رجال عديمو المروءة والضابط ضعيف شخصية - الله يديها العافية هي الطلعت خالة فاطنة

Quote: انا غايتو اتفق معاك عشرمية في المليون انو النسوان في بلاد المهجر هن البحددن ارجالهن يمشوا مع منو ويقيفوا مع منو وياكلوا مع منو يعني بالعربي الفصيح كدا هن المالكات زمام الأمور في المهجر انت يا عمي قايل رجال الزمن دا زيكن أنتو ولا شنو يا عمي الحبيب

سمع أضاني دي ، زول صاحبي قال : راجل صاحبة مرتو صاحبو ، وتاني ما تسألوني !!!!!!!

Quote: راجل صاحبة مرتو صاحبو ،

شكيت محنك يا عمر - دا زول نيي ساي

Quote: نفرش ليها الدنيا سجاد أحمر ونجيب ليها لبن الطير من وأدي المنايا مهما بعد . لا لا . النخوة موجودة والبطل لا يموت

كدي !!
ود العز والمهل .. عثمان موسي ..
امانه ما نحن كده محل مانمشي ..

ونعيمه من عشها زوزايه يا خال .... بالمناسبه انت خالي والله خال فاطنه ؟ .... الجن اليغباك ... البنية قالت ليك الجوه بيقرّصوا
البنات في المواصلات .. البنات كانن بركبن المواصلات ويسكن المحاضرات زمنكم ..

ياخي الزمن اتغير .. وضغوط الحياه غلّبت الناس .. لكن الخير برضو في .. البتنزل من البص تخليه للسفها .. ما برضها حره وما بتدور
الدنيه .. والبتصقع الراجل كف (عافي من امها الربتها) ما بت رجال وبتقول للعالم لسه فينا الخير ..

ما يحدث هذا زبد .. وسيذهب جفاء وسيمكث في الارض ما ينفع الناس ..

اسمع النضحكك ..
استدعت المدرسه امير ابني لأن ابنته ساره لا تستطيع اكمال اليوم الدراسي لانها محمومه .. حضر امير الي المدرسة واصطحب ابنته
بسيارته .. في الطريق الي البيت قالت له سارة بانزعاج .. هل اخبرت امي بأنني ساعود معك وليس ببص المدرسه ؟.. قال لا .. قالت
له شيل شيلتك ماما حتزعق فينا لاني ركبت معك .......

عمر علي حسن

-


الظاهرة التي أشارت لها الأستاذة (رشا بابكر) قديمة ومنتشرة خارج السودان (مصر خصوصاً)
ومبثوثة في قصص يوسف إدريس وغيره من الكتاب والروائيين.

لكن أن تتفشى الظاهرة في ظل دولة "المشروع الحضاري" فذلك أمر أرجو أن تسمح لنا الأخت رشا بأن نخالفها الرأي وأن لا نصدقها حتى وأن ترآى لها
أنها شاهدته بعينيها الاثنتين أو بنظارتيها أو عدستيها اللاصقتين.

فالمؤكد أن الأفكار والقيم التي غرسها حجة الإسلام و شيخ القوانين (الدكتور حسن الترابي) قد آتت اؤكلها بعد أن نجح في إقامة الدولة الرسالية نجاحاً سارت بذكره الركبان،
وهاهي الدولة بعد نحو ربع قرن و قد استوى عودها و قد بلغت تمامها، وها هو الشيخ قد بلّغ الرسالة، وأدى الأمانة، ونصح الأمة ، وكشف الغُـمة..

ولا شك أن جهود تلميذه القانوني الضليع ووزير "التخطيط الاجتماعي" الأستاذ (علي عثمان محمد طه) في إعادة صياغة الإنسان السوداني لم تذهب سدى
بعد أن حققت تلك السياسة أهدافها بالكامل حيث تم الــ reformatting للإنسان السودان وتم إفراغه من تلك القيم البالية وإعادة تحميله بقيم التوجه الحضاري الجديدة
ثم وُضع بهدوء لينطلق على الصراط المستقيم.

وفي ظل دولة "المشروع الحضاري" فإن كل الذكور هناك، كما أكد الآخ شيقوق أمتلأوا "بالنخوة" حتى النخاع،
بل وربما أصبح لدينا فائض نخوة يمكن تقديم جزء منه كمنح مجانيه للدول الأخرى البائسة من تلك التي تعاني فقراً في الدم ،
أو تصديره وبيعه بمليارات الدولارات لتلك الغنية التي تعاني وفرة في الأموال و شُحاً في النخوة.


في السودان – أخي شيقوق، وأختي رشا- فإن "السلام من الخارج" و "السلام من الداخل" قد انتشر و "ذاع وعم القرى والحضر"
وفي الدولة الرسالية أصبح الذئب يرعى مع الحمل ويتبادل معه تسعاً وتسعين قُبلة دون خوف من أن يقضم شفاهه أو يلتهمه.

فالدولة الرسالية - والحمد لله- تقيم الحدود (حدود الشرع) وتصون الحدود (حدود المليون ميل مربع) ولا تسمح بضياع شبر واحد من تلك المليون ميل مربع ومقدّس.

والدولة الرسالية تصون قدسية المال العام، ولا تسمح لكائن من كان (حتى وإن كان شقيق الرئيس، أو حرم الرئيس، أو أبرز معاونيه)
أن يسرق أو يختلس أو حتى أن يقترب ليلمس مليماً واحداً من ذلك المال المقدس.

فالسيادة الوطنية، وقدسية المال العام وقدسية جسد الأنثى وكيانها تبقى في قمة أولويات "الإنقاذ" و على رأس مشروعها الحضاري.

وأظن أن ما أدعته الأخت رشا زوراً وبهتاناً يذهب في أحد أتجاهين، ويبقى واحداً من احتمالين:

إما أنه لم يحدث بالمطلق ، رغم أنه قد يكون شُـبه للأخت رشا أنه حدث كما أسلفنا.

أو أنه حدث فعلاً ولكنه حدث ببرأءة و بدافع النخوة ، و ربما باعتباره جزءاً من سياسة "التمكين"

أعني تمكين ذلك الشباب الرسالي أن يتجسس ويتحسس جسد أخته المسلمة خوفاً عليها وليس طمعاً فيها ،
وبما يتوافق مع قوانين الدولة الرسالية التي لن تقدر في هذه الحالة أن تعاقبه ،
بل ربما يكون من واجب الدولة الرسالية – إن التزمت توجيهات الشيخ و شِرعة تلاميذه في الحكم-
أن تكافئه على حسن صنيعه وفائض نخوته.





...
..
.

Quote: قال لا .. قالت له شيل شيلتك ماما حتزعق فينا لاني ركبت معك .......

ههههههههههها عافي من امها اتاريها خالة فاطنة عديييييييل

Quote: No we are speaking about the behavior of one expat 'viz-a-viz' his counterpart . Whether he provides financial assistance to his relatives in Sudan or not is a substantially different issue.

waw ya Shiga.
Excuse my former input if it appears irrelivent, but just for the record: would it be fair to assume that your post's title is a blanket that covers the whole Sudanese expats and not just an individual expat "vis a vis" his counterpart
?
Love and respect

رجعنالكم

هي ظاهرة تستحق أن تؤخذ مأخذ الجد لما لها من اثر بالغ في تأسيس ثقافة طمس أواصر الترابط بين أبناء وطن عرف بتماسك اجتماعي فريد يأخذ جمالة الأخاذ من خلال هذه المنظومة السودانية السمحة ، ولعلنا في المهجر أحوج ما نكون الي تسامي فوق ذواتنا رحمة بالأجيال التي هي صنيعة مجتمعات ولربما لا تعاني من تلك الأشياء التي باعدت بيننا ، فلنتعامل بالحد الأذني من السودانية المتأصلة فينا خلقا وحفاظا لهذه الأجيال ودعم مسيرة تواصلها نحو بناء اجتماعي قوي ومعافي من ما علق بها من ترسبات مفتعلة لاتؤثر في البناء القاعدي لهذه الأمة العظمة .

Quote: لماذا يلا قيك السوداني في الاصنصير وبغم ما يقولا ليك ؟ سؤال يطرحه احد خيلان فاطنة يكون جارك في بلاد المهجر ولما يلاقيك يدنقر ساااااااااااااااااى - استغراب من احد خيلان فاطنة يسمع بفلان مات في مدينتو ويقول سيبك - استفسار يطرحه احد خيلان فاطنة بالمقابل كما يقول فيصل القاسمي هل تتردد السودانيات في الركوب مع السوداني خال فاطمة الذى وقف ليقلها بسيارته لمجرد ظنها انه .........- هنا يتساءل واحد فضولي ساي . هل لبعض السودانيين مشاكلهم التي تجعل الكثيرين التردد من الاقتراب او التعرف بهم - خال فاطنة يتساءل هل للزوجات اى دور في تحديد كيفية تعامل ازواجهن مع السودانيين الاخرين - الكثيرون يظنون هكذا

الاهانة و الذل وطأطأة الراس دي حاصلة جوة
فالذي يهان داخل بلده تتواصل معه الاهانة الى الخارج في صور سلبية شتى..

العود أعوج يا شيقوق!!

جاييكم يا مبارك وود عيسى بعد افوت ضيوفي ديل

Quote: الاهانة و الذل وطأطأة الراس دي حاصلة جوة فالذي يهان داخل بلده تتواصل معه الاهانة الى الخارج في صور سلبية شتى.. العود أعوج يا شيقوق!!

اعوج وبس؟ امشي اسمع كلام المفتي هذا الرجل الاحمق الذى ولي امر الافتاء والتشريع وتمثيل السودان في المحافل الدولية بشأن اتفاقيات سحب مياه النيل .

ياخ دا تتمنى ما يفتح خشمو اصلا

استاذى المبارك المحمداني

الف تحية ليك

Quote: هي ظاهرة تستحق أن تؤخذ مأخذ الجد لما لها من اثر بالغ في تأسيس ثقافة طمس أواصر الترابط بين أبناء وطن عرف بتماسك اجتماعي فريد يأخذ جمالة الأخاذ من خلال هذه المنظومة السودانية السمحة ، ولعلنا في المهجر أحوج ما نكون الي تسامي فوق ذواتنا رحمة بالأجيال التي هي صنيعة مجتمعات ولربما لا تعاني من تلك الأشياء التي باعدت بيننا ، فلنتعامل بالحد الأذني من السودانية المتأصلة فينا خلقا وحفاظا لهذه الأجيال ودعم مسيرة تواصلها نحو بناء اجتماعي قوي ومعافي من ما علق بها من ترسبات مفتعلة لاتؤثر في البناء القاعدي لهذه الأمة العظمة .

الله يخليك كلام طيب ومحكم شكلا وموضوعا

هذه النوعية الكرور بكل اسف موجودة وبي كثرة ... لكن الغربة ايضا بتلمك برجال معدنهم سوداني أصيل لايصدا ابدا ...

سلام يا مجدي

Quote: هذه النوعية الكرور بكل اسف موجودة وبي كثرة ... لكن الغربة ايضا بتلمك برجال معدنهم سوداني أصيل لايصدا ابدا ...

صحيح ما زال هنالك رجال و النساء حافظوا على انبل واجمل خصالنا الموروثة

فعلا كل السودانيين اينما كانو اخوان فاطنه

لكن كلهم كوم واخوان فاطنه جده كوم


بعد العمره قلت امشي مرور علي مدينة جده


اخو فاطنه الاول سلمت عليهو والله مااشتغل بي شغله

اخو فاطنه التاني ده كشر لي وشيهو عديييل
والله اكان ليهو يجي يخنقني


انا قلت يمكن من السخانه والرطوبة بتاعة جده

سلام اخي عمر عثمان

Quote: فعلا كل السودانيين اينما كانو اخوان فاطنه لكن كلهم كوم واخوان فاطنه جده كوم بعد العمره قلت امشي مرور علي مدينة جده اخو فاطنه الاول سلمت عليهو والله مااشتغل بي شغله اخو فاطنه التاني ده كشر لي وشيهو عديييل والله اكان ليهو يجي يخنقني

انت عارف يا عمر اخوى انت هسه عامل فيها اخو فاطنة زول حارة وسلامات وتحايا وكدا - انت عارف هم بقولوا عنك شنو؟

بقول امام جاى الغربة جديد او زول اهبل ساي استغفر الله

قالوا الواحد من ما قام اتلهمكم بالسلام اكدوا انا جاي جديد

Quote: انا قلت يمكن من السخانه والرطوبة بتاعة جده

ديل اصلهم ناس سخانة ليل ونهار - الحر و الساونا هي عناصر الامتاع بالنسبة ليهم ههههها

شيقا يا سعادة مستشارنا
سلام وتحية ليك ولضيوفك الكرام وشكراً على الموضوع الحيوي ده.
نحن في بلد كل المقيمين فيها لا يتجاوز عددهم 23 سوداني بدون العيال ولكن الحمد لله قلة العدد دي ما فيها مثل ما نسمع عنه عندكم في الخليج ,,, كلنا مع بعض بنتلاقى بالأحضان وبالتلفون وفي المناسبات حكاية الطناش والتجاوز دي ما عندنا .. لكن بنلمسها وللغرابة في اي سوداني جايى في زيارة للسياحة او للعلاج او الاثنين معاً .. اديك مثال : بعد كل صلاة جمعة بنتلاقى كلنا للتحية والسلام... في الفترات السابقة درجت إدارة الكهرباء في السودان على ارسال مهندسين وفنيين للتدريب وكذلك وزارة الصحة على ابتعاث اطباء للدراسات العليا اها يا سيدي ناس الكهرباء بحكم الترتيبات التي تحجز ليهم في فندق قريب وبنلاقيهم بعد الصلاة تصور يا شيقا كلهم بيجوا مارين فينا مرور الكرام حتى مع سماعهم لاصواتنا ولا واحد فيهم بيقول سلام ولما تحاول ان تلقي السلام تلاقيهم بيجتهدوا على تفاديك .. اما الجايين من الخليج فحدث ولا حرج ومن تجارب شخصية عديدة لمست انهم ما عاوزين حتى مجرد القاء السلام او رده ومن العينة دي مثال لأسرة ( الامثلة كثيرة) وجدتهم في موقف يحتاج لمساعدة للوصول الي احد الاماكن وكانوا بيسالوا في احد رجال الامن في محطة قطار والراجل المسكين ما فاهم لا عربي ولا انجليزي فتطوعت على طريقة خال فاطمة او الزول الحمش داك وسلمت عليهم ما لقيت رد وسالتهم عن وجهتهم وما لقيت التكتح لا رد ولا يحزنون فأخدت بعضي وفي القلب حسرة والخاطر مكسور ولكني عذرتهم ( المرأة لابسه توبنا المابغباني والحنة مرسومة والعيال كانوا بتكلموا) علشان ما واحد ما يقول لي احتمال ما سودانية..
المهم يا حبيب الحكاية حزت في نفسي واتيحت لي الفرصة في فترة بعدها لسؤال احد القادمين من الخليج بتوصية من احد الاصدقاء المشتركين فسالته واكد لي ما ذهبت اليه انهم بيحاولوا تفادي اي سوداني يلاقوه بالصدفة خوفاً من الهوا الذي ذكره احدهم هنا... والله حكاية مدهشة ومحيرة .
لكن اقول ليك المسالة ليست ضغوط عمل او ضغوط غربة والكلام ده الحكاية بترجع عيب في الزول البطنش ده وقلة ذوق ووضاعة وعدم تحضر وسوء فهم فكيف تحكم على انسان بيسلم عليك وتطنشه على انه حيسبب ليك مصيبة وكيف تحكم عليه وتطنشه بانه قد يحتاجك في شيء او يجيب ليك هوا وإن كان في بعض الدول عينة من ديل فلماذا التعميم ومقاطعة وتطنيش الصالح والطالح ؟ هل بفهم عدم الحاجة للأخرين او بفهم انه قد يتسبب في فقدانك لوظيفتك او بفهم انه قد يسالك مساعدة مادية او بفهم شنو يا ربي !!!
يا اخي والله حاجة تقرقف...

Quote: هل بفهم عدم الحاجة للأخرين او بفهم انه قد يتسبب في فقدانك لوظيفتك او بفهم انه قد يسالك مساعدة مادية او بفهم شنو يا ربي !!! يا اخي والله حاجة تقرقف...

تسلم يا ابا السباع فعلا غايتنا من هذا البوست هي البحث عن اسباب تراجع القيم النبيلة التي جبل عليها هذا الشعب الطيب

حيا الله ود شيقوق وضيوفه الكرام
والله للأسف فقدنا كثيراً من النخوة!
وأديكم أنموذج واضح جداً:
زول سوداني، عامل مكافح، في المدينة المنورة، تعرّض لإصابة عمل، حيث هوى به السقف الذي
كان يهدمه،
فأُجريت له عملية وجبس، اتضح بعد تسعة أشهر إنو فيها غلط!
فأجريت له عملية أخرى، برضو للأسف كان فيها خطأ؛
فتقررت له عملية أخرى، تكلفتها حوالي 12 ألف ريال، وذلك منذ ما يقارب العام،
والله إلى الآن لم تُجر هذه العملية،
بسبب العجز عن دفع تكاليف العلاج!
وأنا عملت ليه بوست هنا في سودانيز، غايتو لميت في 500 ريال جاد بها أخ عزيز!
فتخيل: ده نموذج من المدينة المنورة!

لو تتذكر يا المسنوح

لمن جيتكم زيارة في السلطنة

وانت عينك في مطعم السمك

قمت عزمتني في مطعم الدجاج !!!!!

اها دي عدم فهم ؟؟؟؟

ولا فقد ( نخوة ) ؟؟؟؟؟

!!!!!!!!!

الشبلي

ياخ خيلان فاطنة خشوم بيوت فهو اي - خال فاطنة - عند ناس البندر بيعزمك اما في فندق بوفيه مفتوح او اتلهم بيك سوق الناقة
اما خال فاطنة عند ناس الضهاري لما يشوفك من بعيد جاى متلهم ديوانو وانت راكب حمارك او جملك طوالي بتلقاك في الصقيعة برة ويمسك حمارك من قلادتو ويتلهم بيهو الشاية عشان يربطو ليك هو شخصيا وينادي الوليد عشان يمشي زريبة القصب يجيب لحمارك كليقة قصب ويدخل المخزن يجيب لحمارك كمان عيش عليقة - وطوالي يقوم سررررررررررررر ينسرق منك براااااااحة ويتلهم زريبة الضان عشان يعزل الفحل اب علاعل وينادى واحد ليهو حجبات عشان يضبحو ويوضبو ويسلمو النسوان للجيهه وبعد تاكل المرارات والمشاوي وتشبع طب تقول راجع اهلك خال فاطنة هنا اصلا ما بشد ليك حمارك تشد براك اكان فيك مروة للشدان !! - يعني شوف خال فاطنة بنزل ليك دابتك وانت جاى لكن ما بشدها ليها وانت راجع عولك .

انت فاكر ساي ؟

Quote: وسلمت عليهم ما لقيت رد وسالتهم عن وجهتهم وما لقيت التكتح لا رد ولا يحزنون فأخدت بعضي وفي القلب حسرة

في سري وددت ان اقول ان هذا افك مبين .. ولكن شيئا مماثلا صادفني في احد اسانسيرات دبي ..
دخلت الاسانسير وبه راكبان .. واحد خواجة والثاني سوداني .. قلت السلام عليكم .. غمغم الخواجه وخفض السوداني بصره
قليلا .. قلت له ازيك يا استاذ .. رد مكرها .. زي ماتقول كده .. أهلا .. تثاقلت عليه قائلا انت بتشتغل هنا ؟.. اجاب في اقتضاب
لا .. جاي لي زول ؟ .. قال بايجاز ايوه .. سألته بثقاله اكثر منو ده ؟ .. اجابني ببرود واقتضاب اكثر .. واحد .. فتح الباب ..
نزلنا .. سأل السكرتيرة ممكن اقابل مستر عمر علي حسن .. ارتبكت الفتاه فنحن داخلان معا .. ثم اجلسته .. وعادت وقادته الي
داخل المكتب ..

لو شعر بالحرج لانبسطت وسعدت .. ولكنه قال ببساطة ما افتكرتك الزول الانا جايي اقابله .. فوتّها له ودخلت معه في الموضوع
.. وخرج وعند الباب استوقفته وقلت له .. السلام لله ياخي تاني لما زول يقول السلام عليكم رد .. ما بتكلفك حاجه ..

قابلته في المطار مع شخص اعرفه .. قال لي مسكين جاء هنا ضيع وقته وقروشه وما لقي شغل .. قلت له كيف يلقي شغل وهو
(مستكبر) ما برد السلام حتي ... قال لي لا يا شيخ عمر الجيل ده خجول .. وصدقته ..

لم يصادفني هذا النوع كثيرا .. فقد تعودت ان انظر للشخص في عينه واوجه له السلام كاني اقصد الا يخطئه .. واتلقي الرد ..

لعل السن وكثرة المعارف قد حرمتني من كثير من الظواهر التي تتحدثون عنها بهذا القدر من المراره .. ولعل الرجل الذي سكانا يوما
كاملا واخرجنا من بين 18 مليون بشر في كالكتا قبل اربعين عاما وهو لا يعرف غير اننا سودانيان .. والاخر الذي سكاني في
ميدان الطرف الاغر حتي ركبت القطار الاندرقراواند فركب ورائي ليتعرف بي ويعرفني بنفسه .. وغيرها من المقابلات العفويه
التي انقلبت لصداقات متينه تقف بيني وبين مثل هذا النوع من الحكايات ..

لماذا لا تسلمون عليهم دوغري في اعينهم وتمدون ايديكم بالتحيه ثم تواجهوهم اذا لم يستجيبوا ...

قلبتم راسنا ياخال ..

عمر علي حسن

Quote: لماذا لا تسلمون عليهم دوغري في اعينهم وتمدون ايديكم بالتحيه ثم تواجهوهم اذا لم يستجيبوا ...

هيييييييييييع خالي الجنب تاني اكتر من الكلام القلتو فوق دا ما تقول ولا كلمة

فعلا دعونا نواجه هولاء ايا كانت ردود افعالهم

وفي اغلب الاحيان قد تكون المسألة - يا خال - مجرد سؤ ظن ، فربما يكون هو ذاتو خال فاطنة اكتر من اى حد لكن خايف يقوم يبادر بالتحية ويلقاك خشيم لطمة ساي لا بترد لا حاجة

التحايا موصولة لكل هولاء الاخوة والاخوات الذى تواصلوا معنا عبر نافذة الفيس بوك

Quote: Nana Fathi Kashif · الأكثر تعليقا · ‏‎Senior Administrator for Accreditation‎‏ في ‏‎Saint Clement Academy (Ottawa)‎‏ الظروف القاهرة هى مختبر معادن الشعوب جوة البلد او خارجه. الإنسان البتغير بسرعة من حالة النخوة للانخوة بتكون مظاهر النخوة العنده دى سطحية skin deep فى الاساس ، والنخوة مش فى الزيارات والمجاملات والعزايم لان ظروف الناس كلها إتغيرت داخليا وخارجيا والفقر حاصل وبقى واضح وما مدسوس زي زمان ايام الناس كانت بتقدر تتشايل ! النخوة بتظهر فى الاوقات العصيبة ووقوف الناس مع بعض ومد يد المساعدة ما امكن إن شالله بكلمة طيبة، النخوة بتعنى إنك امين فى صداقة صديقك ولا تكدب عليه او تطعنه فى الظهر ولا تستخونه اوتستغله لقضاء حاجتك. النخوة هى حفظ الامانة فى مال وعرض الغير. النخوة بإختصار هى الشهامة والعندو نخوة دائما بتميز بالشجاعة والعدالة والماعندو نخوة بتميز بالجبن والخسة والظلم فى كل تصرفاته ما ظهر منها وما بطن. وحكاوى عدم النخوة دى بقت كتيرة وخصوصا من الرجال لدرجة الإنسان بقى ما عارف يتكلم مع منو ولا ما يتكلم مع منو خصوصا فى الداخل ! رد · 2 · أعجبني · متابعة المنشور · ‏الخميس‏، الساعة ‏10:58 مساءً‏ اضافة رد... الرد باستخدام...FacebookYahooAOLHotmailالرد باستخدام...FacebookYahooAOLWindows Liveنشر كـ‏‎Eltaib Shaigoog‎‏ (تغيير) .. Mahir H. Baik · متابعةمتابعةالسودانيون الذين قابلتهم في العديد من دول العالم جعلوني أنأى بنفسي عن التعامل معهم إلا من بيني و بينهم قرابة أو معرفة فيما مضى كنا نحكي إن قابلنا سودانيا سيا أما الأن فنحكي إن قابلنا سودانيا جيدا رد · 2 · أعجبني · متابعة المنشور · ‏4 يونيو‏، الساعة ‏09:33 مساءً‏ اضافة رد... الرد باستخدام...FacebookYahooAOLHotmailالرد باستخدام...FacebookYahooAOLWindows Liveنشر كـ‏‎Eltaib Shaigoog‎‏ (تغيير) .. Salma Salama · الأكثر تعليقا · Cedar Crest College هبشتنى محل بيوجع يالطيب اخوى البكا بالناسات هنا والتصنيف واقع قرش ونص انت ما محجبة انتى كافرة وحرام دخول بيتك لا فرح لاكره ، عايشة هنا تلاتاشر سنة وكنت النصيحةبمشى للناس لكن الحقارة ما برضاها ماتت امى زول خسر كراعه مافى والقول هنا بقينا امريكان الدايرنو بنمشى ليهو ، والزيك انت يا عشا البايتات ما بتلحق وكتر خيرك وبارك الله فيك فى سؤالك الدايم عنى .. معليش بقيت ما بخش المنبر ما عندى زمن لانه الشغل ماخد زمنى وازيد ، تسلم يا عشا الضيفان رد · 1 · أعجبني · متابعة المنشور · ‏الأربعاء‏، الساعة ‏06:28 مساءً‏ خالد خيرى · متابعةمتابعة · التسامح والمحبة وانت يااستاذة . . هبشتينا ( جت ) نحن معشر الكائنات المتهمة باستئصال ورم النخوة الحميد . . نسيت سبب الاستئصال والم الجراحة . . هل كان تجملاً ام تفرغاً . . ام بسبب الانشغال . . او كان تماشياً مع - الباب البجيب الريح - لا عزر يادم عند حواء . . الآن انظر لابتسامتك واراها من زاوية . . التشفى . . سابقاً كنت اقرأها - فى وجه اخيك - كونى بخير فانا اعلم دواخلك . . الشر يعم . رد · أعجبني · ‏الأربعاء‏، الساعة ‏08:45 مساءً‏. Othman A. Rahman Mohammedien · الأكثر تعليقا · ‏‎GM and DGM Office Administrator‎‏ في ‏‎Middle EAST Trading CO. METCO A Yemeni Closed Stock Company‎‏ رحم الله يا سلمى الوالدة واسكنها منازل الشهداء وحسن أولئك رفيقاً ... وبنى الله لها بيتا في الجنة بغرف من قصب لا صخب فيها ولا نصب ... محاولة يائسة لنلحق بركب النخوة ... فلقد كادت ان تسقط ولكننا لن ندعها ما حيينا خاصة نحن قبيلة الاغتراب ... أهل السودان القديم ... الخير فيهم حيث طال السودان وأهله تغيير سيئ ... نعلن من خلاله أسفنا العميق ... الله يهون على الجميع... رد · أعجبني · ‏الخميس‏، الساعة ‏03:01 صباحاً‏. شاهين احمد · Riyadh, Saudi Arabia احسن الله عزاكم وربنا يلهمكم الصبر رد · أعجبني · ‏الخميس‏، الساعة ‏04:07 صباحاً‏. اضافة رد... الرد باستخدام...FacebookYahooAOLHotmailالرد باستخدام...FacebookYahooAOLWindows Liveنشر كـ‏‎Eltaib Shaigoog‎‏ (تغيير) .. Ahmad Al-mugwari · University of Khartoum, Sudan السودانيون مازالوا بخير رغم الظروف الضاغطة والتباعد جاء بسبب الخوف من اللوم لان الاغتراب صار معيشة فقط ولاىوجد اى زيادة يمكن صرفها علي المحتاج ورغم دلك فان السوداني يساهم عند ماتكون هناك ضرورة ملحة كالمرض والموت والطلبة في الهند وفي مصر يتقاسمون اللقمة والمصاريف بينهم وبين اخوانهم السودانيين رد · أعجبني · متابعة المنشور · ‏الخميس‏، الساعة ‏01:36 صباحاً‏ اضافة رد... الرد باستخدام...FacebookYahooAOLHotmailالرد باستخدام...FacebookYahooAOLWindows Liveنشر كـ‏‎Eltaib Shaigoog‎‏ (تغيير) .. Naiem Hammad · مدرسة خور طقت الثانوية هذا بوست جيد .. شكرا على فتحه .. السودانيين تغيروا كتير دي حقيقة لا مراء فيها ... ولا تصدق مقولة فتش عن المرأة هنا ... لكن نقول ان الظروف ضغطت الناس جوا وبرا .. فلا الجوا هم الجوا الزي زمان ولا البرا هم البرا الزي زمااااااااااااااان ... ويا حليلك يا سودان العزة رد · أعجبني · متابعة المنشور · ‏الأربعاء‏، الساعة ‏03:22 مساءً‏ اضافة رد... الرد باستخدام...FacebookYahooAOLHotmailالرد باستخدام...FacebookYahooAOLWindows Liveنشر كـ‏‎Eltaib Shaigoog‎‏ (تغيير) .. Kamal Omer · Faculty of law cairo university يا أخونا البكتب ده شيقوق بتاعنا الواحد ده و لا فيصل القاسم ؟ يا الطيب يا خوي الناس بقت في السودان من الفلس العليها الواحد يدنقر في الواطه و لا يحنف وشيو علي الشباك لمن يشوف واحد بيعرفو عشان ما عندو يدفع ليهو حق المواصلات ، إلا ناس بره ديل ، و انا منهم ، عندهم أسبابهم التانية . رد · أعجبني · متابعة المنشور · ‏4 يونيو‏، الساعة ‏10:10 مساءً‏ اضافة رد... الرد باستخدام...FacebookYahooAOLHotmailالرد باستخدام...FacebookYahooAOLWindows Liveنشر كـ‏‎Eltaib Shaigoog‎‏ (تغيير) .. Abdallah Mohammed Abdallah · الأكثر تعليقا · Elgazeera والله انا في واحد كده بلاقيهو في السوبرماركت (زولنا) ومابيغباني جلابيتنا وطاقيتنا ذاتا ...أول مرة سلمت عليه طنش ...تاني مرة سلمت عليه طنش ...قلت بحددا معاهو ....تالت مرة لاقاني في باب العمارة الساكن فيها أنا (طلعنا جيران ) سلمت عليه رد علي ...

نواصل