تأمل مابين مكان السجن مستشفي ومابين الدم وصل الركاب !!

عازة في هوااك ما بين اهات الخليل وصراعات
مابين نظام مهيمن علي كل مفاصلها ومعارض
ناحت النساء في الريف والمدن واطفال فقد والاب والام
في حرب لانهاية لها في اكتر الاماكن سكون وووداعة
عازة ملت الخطب والعتنريات من كل الاطراف
كفاية اقتتال كفاية اسي ومحن الناس مضت نحو التقدم
ونحن انحدر الي مستنقعات الحروب والثأرات وجماعتي وجماعتك
يعلم الله ملينا كل الوجوه حكومة ومعارض فكو دربنا وجعتو قلبنا
ارحمونا الله يرحمك لاحكومة تحسست اوجاع الناس ولامعارضة
وصلت لحل القضية والقضية مواطن يئن تحت وطئت
معناة يومية من الفجر الي الي اطراف الليل
فقد الاحساس بطعم الوطن وبلد فقد هيبته وسط عالم
يضج بالربيضاء والنكراات

--------------عزة في هواك

عزة في هواك عزة نحن الجبال

وللبخوض صفاك عزة نحن النبال

عزة ما بنوم الليل محــــال

وبحسب النجوم فوق الرحال

خلقة الزاد كمل وأنا حالي حال

متين أعود أشوف ظبياتنا الكحال

عزة ما سليت وطن الجمــال

ولا أبتغيت بديل غير الكمــال

***



وقلبي لي سواك ما شفتو مال

خذيني باليمين وانا راقد شمال

عزة ما نسيت جنــة بلال

وملعب الشباب تحت الظلال

ونحن كالزهور فوق التلال

نتشابي للنجوم وانا ضافر الهلال



عزة جسمي صار زي الخلال

وحظي في الركاب صابه الكلال

وقلبي لسه ما عرف الملال

أظنه ود قبيل وكريم الخلال

عزة ما أشتهيت نوم الحجال

ولا السوار بكي في يمينا جال

وعزة في الفريق لي ضيق مجال

قبيلة بت قبيل ملأ الكون رجال



***

عزة شفت كيف نهض العيال

جددوا القديم تركوا الخيال

روحك أم سماح سري كالسيال

شجوا الفؤاد حيوا محسور الليال

عزة في الفؤاد سحرك حلال

ونار هواك شفا وتيهك دلال

ودمعي في هواك حلو كالزلال

تزيدى كل يوم عظمة ازداد جلال



***



عزة في حذا الخرطوم قبال

وعزة من جنان شمبات حبال

وعزة لي ربوع ام در جبال

وعزة في الفؤاد دوا يشفي الوبال
---

يفيض النيل .. نحيض نحن

يظل حال البلد .. واقف

تقع محنة

ولا النيل القديم ياهو ... ولا يانا

نعاين فى الجروف تِنهد .. ولا يانا

رُقاب تمر الجدود تِنقَص .. ولا يانا

متين إيد الغُبُش تتمد

ولا قِدّام

تتِشْ عين الضلام بى الضو
تتِشْ عين الضلام بى الضو
تتِشْ عين الضلام بى الضو