Post: #1
Title: صور (العوين) الفوق دى يا جماعة !
Author: محمد حامد جمعه
Date: 06-04-2013, 01:40 PM
شوف ليها طريقة ، يوم بتودينا التوج ، ياخ ناسنا ديل بتاعين شربكة ، نفتح المنبر دا نتصفح فى مقهى نت ولا موقع عام لو خاشى من لاب توب يفتحو لينا بلاغ ! ، بتاع فاضح ولا شروع ولا اى وهمة ، ياخ حجر الشيشة فيهو حراسة وطلوع بضمان وتانى يوم محكمة تغرمك ! فبالله شوف الحكاية دى ولو دعايات لمراهم وكريمات خليهم يجيبو بنات لابسات حاجة او ما تيسر منها ، ياخ بتصفح فى المنبر فى مكان كدا اى زول يخش يشوف فخذات البنات الفوق ديل يعاين لى كدا كيف كيف ما عارف ...فى مرة عديل قالت لى يخس !
|
Post: #2
Title: Re: صور (العوين) الفوق دى يا جماعة !
Author: محمد حامد جمعه
Date: 06-04-2013, 01:46 PM
Parent: #1
فياخ ما تحرجنا ساى ، نقعد كل ما قرب زول نغطغط فى الصفحات وواجهة المنبر ، عارف براك السودانيين الزول لو شاف طرف الفخذ دى يمرق منك يقول سئيلى الله محمد حامد بحضر اباحيات من شاكلة الافلام الثقافية ديك !
|
Post: #3
Title: Re: صور (العوين) الفوق دى يا جماعة !
Author: Abdo Mustafa
Date: 06-04-2013, 02:08 PM
Parent: #2
الأخ محمد حامد جمعة
أظن الناس اتكلمت في موضوع الإعلانات الفوق دي كثير
بس في حاجة غايبة علي الكثيرين
الإعلانات...دي بتظهر للزول حسب...رغبتو
قول لي كيف
قوقل(ادسنس) GOOGLE ADSENSE... الله يديهو العافية... كل ما يكبر يصبح اكثر ذكاءا
وإعلاناتو ما بتظهر للزول ساي
بشوفك...أول حاجة يا جاي من وين ولا كنت بتفتش في شنو
ولا كنت بتتصفح في شنو
وبجي مباريك
(ركز علي تفتش في شنو)
وهذه عملية في غاية الذكاء الإعلاني...لأن مافي داعي ... يجيبو لي زول
إعلان رحلة في البحر الكاريبي وهو مشتهي كيس تمباك (فاضي)
خلاصة القول
إن ما تراهو في الإعلانات الفوق دي...بتجيك بي مزاجك
وليس بمزاج...أحد تاني
أحيانا ودي أحيانا...بتتغير الإعلانات ..حسب الدولة
دي لو كان شركات (LOCALIZED)
أما صور العوين ديل كلها عبارة عن إعلان لمواقع
بتجيك حسب فتيشك
وإن داير تتاكد أمش فتش في قوقل لي تلاجة وتعال
والله أعلم
|
Post: #4
Title: Re: صور (العوين) الفوق دى يا جماعة !
Author: محمد حامد جمعه
Date: 06-04-2013, 02:12 PM
Parent: #3
| Quote: الإعلانات...دي بتظهر للزول حسب...رغبتو |
الرغبة حاجة والتفيش حاجة ، طيب لو خشيت او خاشى من مقهى نت الشورة كيف ، القصة دى ياخ لاصقة كدا
|
Post: #5
Title: Re: صور (العوين) الفوق دى يا جماعة !
Author: محمد حامد جمعه
Date: 06-04-2013, 02:17 PM
Parent: #4
نمشى نفتش تلاجة (اختبار)
|
Post: #6
Title: Re: صور (العوين) الفوق دى يا جماعة !
Author: Abdo Mustafa
Date: 06-04-2013, 02:17 PM
Parent: #4
| Quote: الرغبة حاجة والتفيش حاجة ، طيب لو خشيت او خاشى من مقهى نت الشورة كيف ، القصة دى ياخ لاصقة كدا |
نظف المتصفح ..(del history and cache)
لأنو القبلك يمكن كان كايسلو لي شيتا ما بعجبك
وأبدأ
لاصقة دي....لا علاقة لها بالواقع
|
Post: #7
Title: Re: صور (العوين) الفوق دى يا جماعة !
Author: Abdo Mustafa
Date: 06-04-2013, 02:21 PM
Parent: #6
ودي نصيحة للعوين البجن يتاوقن لي رجالن....ويقول ليها بتصفح في سودانيز أولاين
كان لقيتي صور عوين ذي ما وصفن ود جمعة
توري من الكومبيوتر...وما يقول ليك دي إعلانات خاتيها
بكري..........الزول دا كان سارح
والله أعلم
|
Post: #8
Title: Re: صور (العوين) الفوق دى يا جماعة !
Author: Abdo Mustafa
Date: 06-04-2013, 04:41 PM
Parent: #7
اها يا ود جمعة ما وريتنا نتيجة التجربة
عشان الناس تستفيد.....
|
Post: #9
Title: Re: صور (العوين) الفوق دى يا جماعة !
Author: Frankly
Date: 06-04-2013, 05:19 PM
Parent: #8
| Quote: الإعلانات...دي بتظهر للزول حسب...رغبتو |
هذا الكلام غير صحيح على اطلاقه
صحيح أنّ الكثير من شركات الإعلانات تستخدم الكوكيز واللوكال سيتينق إلا أن هناك إعلانات قد تظهر بدون الاعتماد على تاريخ تصفح الكمبيوتر ومكان تواجده الجغرافي أو الافتراضي وذلك حسب رغبة الشركة المعلِنة فبعض الشركات توجه إعلاناتها لجمهور معين وهنا تتيح لها شركات الإعلانات استخدام الكوكيز واللوكال سيتينق
امّا المعلنين عبر شركات الإعلانات الذين لا يهمهم مكان وتاريخ تصفح الكمبيوترات فهؤلاء لا يتستخدمون الكوكيز بل يستخدمون خدمة الروتيشين في الاعلانات
بالنسبة للاعلانات التي تظهر فوق دي لا علاقة لها بالكوكيز
لماذا؟
لأنّ الكوكيز كما قلنا هو تاريخ التصفح فإذا بحث الإنسان عن الدراسة أونلاين ستأتيه اعلانات عن الدراسة أونلاين وهكذا
وإذا بحث عن الزواج ستأتيه صفحات التعرف على البنات
لكن في حال الإعلان الفوق دا لا علاقة بين الكوكيز والإعلان من حيث المضمون
فالإعلان اعتقد كان عن كريمات أو شيء من هذا القبيل وليس أعلان عن بنات أو تعارف بنات أو تصفح صفحات نيوديتي
أقول اعتقد لأنّي عطلت الإعلانات من الظهور منذ فترة ليست بالقليلة
وتظهر لي فقط اعلانات الرد سي
وحافظ للتحويلات المالية
واعتقد أن بكري قد قام كمعظم مديري منابر الحوار من التأكيد على عدم تفعيل عرض الإعلانات العارية ضمن باقة شركات الإعلانات اد سينس وغيرها
لذلك أنا على قناعة كبيرة أنّ حذف الكوكيز لن يحل المشكلة هنا
|
Post: #10
Title: Re: صور (العوين) الفوق دى يا جماعة !
Author: Tabaldina
Date: 06-04-2013, 05:36 PM
Parent: #9
..
.
شكرا محمد وكمال ..
بغض النظر عن انها دعايات واعلانات مدفوعة القيمة او بتمول الموقع..
لكن بالجد شوهت مكانة المنبر .. وخلتو زيو وزى اى منبر بتاع دعايات رخيصة ..
------------
انا شخصيا والله بقيت استحى اطلاع كتابات المنبرفى مكان عام
خاصة مع نسسوان المايوهات والتإنسان رخيص وفيديو غريب كدا ..
|
|