Post: #1
Title: نور يشتمنا وهايلى يقول بيتا سب
Author: محمد حامد جمعه
Date: 06-04-2013, 09:21 AM
قارن بين قول وقول ، موقف بعض وجهاء ساسة مصر ، وكبير الحكومة الاثيوبية رئيس الوزراء وهو يتحدث لشعبه ..شوفو الفرق
...........................................
باى (النيل ) لمن (حق منو ؟ ) لولاجن (لينا كلنا) ، نا (نحنا ) ، قبز (مصر) ، كذا (و) ، سودان ، اهون (الان ) من ندنو شقر (ما هى المشكلة) ؟ اهون (ونحن الان ) ، نسرى نو (نبنى) شقر مطا ( المشكلة جات ) قبز تننادوا (المصريين زعلوا ) قن لراسهم قداى ( لكن على كيفهم ) هداسى لهبشة هزب (السد لشعب الحبشة) ، للجوج (لاطفالنا وعيالنا ) ، لنقا (لبكره ) بطام اما سنقا الو لسودان( متشكر كتير للسودان ) وند اماجن (اشقائنا اخوان شققا ) بطام ارف هقر( شعب عظيم ) سودان لهبشة قرا بيت ادلم ( سودان لاثيوبيا مش جار بس ) ، السودان فرد من العائلة (بيتا سب ) سلزى (عشان كدا) بطام نكبر (نجله جدا ) اكزير اكال (الله يعرف ) انديد(كيف) نقدر السودان ونجله ونعلى منه
>>>>>>>>>>>>>>
الترجمة (بقدرما تيسرلى )
|
Post: #2
Title: Re: نور يشتمنا وهايلى يقول بيتا سب
Author: مدثر صديق
Date: 06-04-2013, 10:06 AM
Parent: #1
سلام محمد
تقرير قناة الجزيرة امس يقول (88% من الشعب الاثيوبي لا يتمتع بالكهرباء ).......
|
Post: #4
Title: Re: نور يشتمنا وهايلى يقول بيتا سب
Author: محمد حامد جمعه
Date: 06-04-2013, 10:12 AM
Parent: #2
لا اعلم ارقام هذا الامر ولكن لاحظت كثيرا ظاهرة انقطاع التيار الكهربائى مما يشى باشكالات
|
Post: #3
Title: Re: نور يشتمنا وهايلى يقول بيتا سب
Author: محمد عبد الماجد الصايم
Date: 06-04-2013, 10:09 AM
Parent: #1
بيتا سب يا كمندان!!
غايتو قرايتي ليها في العنوان كانت زي الشتيمة شتيمة كـدا
|
Post: #5
Title: Re: نور يشتمنا وهايلى يقول بيتا سب
Author: فيصل عثمان الحسن
Date: 06-04-2013, 10:19 AM
Parent: #3
الحبش أهلنا تب ومن حقهم بناء السد واستغلال مواردهم لأقصى
حد لمصلحة شعبهم , حررم لو قروشهم قصرت نعمل ليهم كشف .
|
Post: #6
Title: Re: نور يشتمنا وهايلى يقول بيتا سب
Author: محمد حامد جمعه
Date: 06-04-2013, 10:26 AM
Parent: #3
| Quote: غايتو قرايتي ليها في العنوان كانت زي الشتيمة شتيمة كـدا |
لا منهم ما بجينا لوم وبيت سب اى ابن البيت والعائلة ومن له صلة قرابة (زمدى)
بيت هى نفس المعنى فى العربية ومنها (بيتا منقست ) اى مقر الحكومة ، و(حكيم بيت ) اى المستشفى و(اسر البيت ) اى بيت الاسر ويعنى السجن ، و(شنت بيت ) اى بيت البول - لا مؤاخذة - او الحمام وهكذا
|
Post: #7
Title: Re: نور يشتمنا وهايلى يقول بيتا سب
Author: طلحة عبدالله
Date: 06-04-2013, 10:31 AM
Parent: #6
يا محمد حامد اتوا قاعدين تدوا الجماعة ديل أكتر كتير من حجمهم الحقيقي
ما كل واحد بعر ليهو بعرة في جريدة واللا تلفزيون سايب تعملوا ليهو رأس وقعر ..
أيمن نور دا منو كمان ؟؟؟؟
|
Post: #8
Title: Re: نور يشتمنا وهايلى يقول بيتا سب
Author: بشير حسـن بشـير
Date: 06-04-2013, 11:27 AM
Parent: #7
زرت الحبشه كثيرا وجلست فيها لفتره طويله
عاشرت الاثيوبيين ودخلت بيوتهم واكلت معهم
شاركتهم افراحهم واحزانهم
لم اجد شعب يكن لنا الحب والاحترام مثلهم
هم شعب عظيم سليل حضارات راقيه
اتمنى ان يكون موقف الحكومه السودانيه مع بناء هذا السد
بكل وضوح
و(.........) فى مصر وساستها (.........) فيهم
شكرا محمد جمعه
|
Post: #10
Title: Re: نور يشتمنا وهايلى يقول بيتا سب
Author: MOHAMMED ELSHEIKH
Date: 06-04-2013, 11:31 AM
Parent: #8
هبشة انا يفكركي
انا افلت زربكم حنتي حنتي
|
Post: #9
Title: Re: نور يشتمنا وهايلى يقول بيتا سب
Author: بدر الدين مهدي
Date: 06-04-2013, 11:29 AM
Parent: #7
مع الأحباش قلباً وغالباً في حقوقهم المشروعة في الاستفادة من مياه النيل بشتى السبل وبلاش عياط واستهبال وأنانية مفرطة
|
Post: #11
Title: Re: نور يشتمنا وهايلى يقول بيتا سب
Author: عبداللطيف شريف على
Date: 06-04-2013, 12:04 PM
Parent: #9
Quote: زرت الحبشه كثيرا وجلست فيها لفتره طويله
عاشرت الاثيوبيين ودخلت بيوتهم واكلت معهم
شاركتهم افراحهم واحزانهم
لم اجد شعب يكن لنا الحب والاحترام مثلهم
هم شعب عظيم سليل حضارات راقيه
اتمنى ان يكون موقف الحكومه السودانيه مع بناء هذا السد
بكل وضوح
|
ما احلاهم من شعب عريق .
عاشرتهم وعايشتهم احبهم ويحبوننا .
منم جقر الاى ,جقر يلم .
|
Post: #12
Title: Re: نور يشتمنا وهايلى يقول بيتا سب
Author: مدثر صديق
Date: 06-04-2013, 12:23 PM
Parent: #11
الاخ محمد سلام مرة اخرى
اعتقد ان جميع دول العالم تشتم بعضها البعض (سرا) ...فقط(المصريين) بعد ثورة يناير (طاش ) سهمهم ...
....
الغرض من كلامي (ان) يحمل كلام (هايلى) في سياقه الدبلوماسي لا اكثر و لا اقل .........
...
اما من يقول ان الشعب (الفلاني) يحبنا ..و العلاني( غير ) ذلك ...فهذا لا محل له في دنيا الحقيقة ........
........
|
Post: #13
Title: Re: نور يشتمنا وهايلى يقول بيتا سب
Author: طارق عمر مكاوي
Date: 06-04-2013, 12:30 PM
Parent: #12
أجد في عباراته الكثير من الصدق .. شكراً هايلي .
|
Post: #15
Title: Re: نور يشتمنا وهايلى يقول بيتا سب
Author: وليد محمد المبارك
Date: 06-04-2013, 12:38 PM
Parent: #13
لا ادري اي عدل ومنطق الذي يجعل دولة مصب ياتيها النيل متاخرا .. تتمتع بمياهه اكثر من دولة المنبع ودولة العبور ؟؟؟؟؟؟؟!!!!!!
ان كانت مصر تريد النيل لها وحدها .. فلتجل امطاره تصب في اراضيها ولا تزعج الاثيوبيين بمياهه ... فالمياه التي يتمتع بها المصريين .. تاخذ مساحة وارض غالية من اراضي الاثيوبيين تخزن فيها هذه المياه .. وتاخذ مساحة كذلك من اراضي السودانيين يمر بها النيل .. فكيف تتمتع مصر لوحدها بمياه تخزن في اثوبيا وتمر في اراضي السودان
؟؟؟!!!
نحن ما عاوزين النيل ده .. خليهم يشيلوه .. لكن ما يجي ماري بارضينا هنا .. ولا يخزن في اراضي اثيوبيا او يمطر ماءه فيها
حقارين
|
Post: #16
Title: Re: نور يشتمنا وهايلى يقول بيتا سب
Author: طارق عمر مكاوي
Date: 06-04-2013, 12:41 PM
Parent: #12
محاولة ترجمة للنص
من يملك النيل ؟ النيل لنا كلنا .. نحن و مصر و السودان .. و بعد أن بدأنا نبني المشروع تفاقمت الأزمة .. و إتخذت مصر موقفاً غاضباً .. و لكن لا أحد يجبر أحد .. السد لشعب إثيوبيا .. و لمحاربة الجوع و للأطفال القادمين .. و أشكر السودان و هم إخواننا .. و هم أكثر من جيران .. هم فرد من عائلتنا لذلك نجله جداً و الرب يعلم لأي حد نحبهم .
|
Post: #14
Title: Re: نور يشتمنا وهايلى يقول بيتا سب
Author: اسامة عثمان السيد
Date: 06-04-2013, 12:37 PM
Parent: #11
| Quote: قن لراسهم قداى ( لكن على كيفهم ) |
ههههههههههه ياخ ديل قريبين شديد هسي دي ماياها زاتها دق راسك بالحيطة
والله صحي
قن لراسهم قداى
حدثني اثيوبي من مواليد السودان يوجد تشابه كبير في بعض الكلمات خاصة الامهرية
|
Post: #17
Title: Re: نور يشتمنا وهايلى يقول بيتا سب
Author: ALGARADABI
Date: 06-04-2013, 02:38 PM
Parent: #14
بلاد الحبشة تاريخياً كانت تعني السودان و أثيوبيا و اريتريا
و الدكتور عبدالله الطيب - طيب الله ثراه - أثبت بالدليل القاطع أن هجرة الرسول ( ص) للحبشة كانت للسودان و الحبشة لانهم كانو دولة واحد آنذاك....
فرايكم شنو يا جماعة الخير نخت طيبتنا علي سماحتهم (وما دايرين أي فصاحة) ونقول للزمان أرجع يا زمان...
الكلام السابق مقتبس من قول أحد الفلاسفة الذي قال :
النيل أوله ملاحة ( جمال) و يقصد بلاد الحبشة
و أوسطة سماحة ( طيبة ) و ديل نحنا طيبة لدرجة العوارة
و آخره فصاحة ( حنك سنين) و ديل أولاد بمبا طبعاً
فشنو يا شباب .... الملاحة و السماحة كوم ، و الحنك كوم براهو
اشي ؟؟
|
Post: #18
Title: Re: نور يشتمنا وهايلى يقول بيتا سب
Author: محمد حامد جمعه
Date: 06-04-2013, 02:42 PM
Parent: #17
طبعا فى كلام الجماعة ديل توجد (الشهقة) وهذه لا تترجم ، بس اعملوا لايك
|
Post: #19
Title: Re: نور يشتمنا وهايلى يقول بيتا سب
Author: عمار عبدالله عبدالرحمن
Date: 06-04-2013, 04:35 PM
Parent: #18
| Quote: الترجمة (بقدرما تيسرلى ) |
ترجمة ديامية محترمه جدا يا كمندان
|
Post: #20
Title: Re: نور يشتمنا وهايلى يقول بيتا سب
Author: Hashim Kassala
Date: 06-04-2013, 04:49 PM
Parent: #19
الاخ محمد حامد وصحبه
تحياتي
اتفاقية مياه النيل عفا عليها الزمن وتغيرت اشياء كثيرة منذ توقيعها وحتى الآن أولها زيادة السكان في كل دول الحوض فضلا عن ظهور دول جديدة كجنوب السودان كل ذلك يحتم إعادة النظر فيها فهي ليست قرآنا منزلا .
سؤال
ما الذي حعل نصيب مصر 55 مليار؟
ما الذي جعل السودان دولة مصب ؟ هو في تقديري دولة ممر
|
Post: #21
Title: Re: نور يشتمنا وهايلى يقول بيتا سب
Author: Nasr
Date: 06-04-2013, 09:19 PM
Parent: #20
| Quote: اما من يقول ان الشعب (الفلاني) يحبنا ..و العلاني( غير ) ذلك ...فهذا لا محل له في دنيا الحقيقة |
تجولنا في شوارع القاهرة
وتجولنا في شوارع أديس أبابا
شفنا وعرفنا الفرق
تعاملنا مع مصريين وعرب
وتعاملنا مع إثيوبين وأفارقة
وشفنا وعرفنا الفرق
|
|