الخبر الاكيد قالوا الرئيس سيبلع...مسدار

الخبر اللكيد قالوا,,, الرئيس سيبلع
براميل الموية,,, مغروفة من الترع
كيزان البورد ,,كاسين النجدة والفزع
ياجادات اللخو... لا تسرع تقوم تضرع

هبانى اللصم اسد العرين الاشجع
دوس العريب خلى الجموع تتفرنقع
بق بق وقف بعيد من الحسرة يتوجع
دكتور بشير بصور الموتى يستمتع

حبيب الكل الكان للهلال يشجع
اصبح لى كويز له نويرات تلمع
قول لناس علاء سيب طبيز الشفع
تعظيم سلام,عيال المسلمى وهجوالاقرع

كيزان( 13) بقر الجنوب الافرع
جونا دافرين لا فهم لا دين لا ورع
لناس ابقوتة عادى يسىء يكفت يصفع
بشوت فى البوست عديل الكبير الاصلع

ساعة دوام وراجعين

سلام ابوقوتة
اخترت قافية صعبة كسّرت الوزن و تقّوم النفس
كدي نحاول نسمكر معاك فيها شوية


الخبر الأكيد ريّسنا بالع بلعة
الموية بالبرميل جايبنو من الترعة
والكيزان هديك كايسين الفرج و الفزعة
ياجادات الأخو روق كان تجيد الصنعة

أبقوتا السلام.ليك...تلات ومربع
هبشت الرئيس ارجي الراجيك أمانه ما وقع
بجوك ناس اردم واكسح وامسح و كع
شي خبت وشي شلاليت وشي لبع
....
العوج سواهو عرمان كيفن يقولو تعال ابلع
دا وكت مفاوضات كان يخليهو شوية يتجدع
الحلق براهو معولق مالك بتهبش محل الوجع
إلا بقولك الجفلن خلهن وللواقفات اقرع

أو كما قال... هناي

متاسفين للتاخير
طلعت مهمة. وساطة بين اخوين
دخل فيها الشيطان لمن سلو سكاكين
رجعت منها بصداع وصرافتى فاضية
عموما النفوس اطايبت .ياريت الساسة يسو كدا

نجى للمسادير وهى من بحر المتجرجر
لكن خلينا نجارى بحر الهنفولى حقك


ياود البشرى فيك الخصال مجتمعة
اخوك طلحةعبدالله .الرياضى اب لمعة
عينو فى الوالى.كرم نفسو للسمعة
وبقى زول سياسة,, زى ملاسى وجمعة

Quote: العوج سواهو عرمان كيفن يقولو تعال ابلع دا وكت مفاوضات كان يخليهو شوية يتجدع الحلق براهو معولق مالك بتهبش محل الوجع إلا بقولك الجفلن خلهن وللواقفات اقرع

اخ عبده مصطفى شغلك نضيف
بجيك بكرة

عبده اخوى رجل المهام الصاعد
رئيسنا صنديد فى المحافل راعد
للبلع حلقو مو زى زمان مساعد
لكنه سيبلع واقف مصنقر قاعد