نداء للولايات النيلية انجدونا بتناكر مياه

باسم الاخوة والانسانية نناديكم مدونا بتناكر مياه "والعاقبة عندكم فى المسرات"
ويا سكان العاصمة وقنواته خذوا ايلا وتنميته حلال عليكم وبل خذوا اسم ذهب ارياب الذى لا يقدم لنا غير التلوث وبل خذوا معكم كورنيش البحر الاحمر واقيموا سهرات راس السنة فى الخرطوم كما حولتم ميناء بورتسودان الى سوبا لايغلبكم تحويل الكورنيش ولكن فى المقابل ارسلوا لنا تنكرين موية كفاية عندنا
الله فرجينى

سلام أخ هاشم نورديت ...

والله بحر ولا عندنا ... ولكن عندنا موية فولة وحفير ورهد وتبلدي كمان - بس ما تظنها شربات- لكن موية زي موية صافية وسوبا كان عاوزين نرسل ليكم كم تنكر من كردفان.. ترى عيال بحر ولا برضو بمويتم تمشي غرب لكردفان ولا شرق لبورتسودان

نتمنى أن تكون للدولة سياسة واضحة في حل مشكل المياه في الشرق والغرب

كبــّـاشي الصـّـافي

(العوج راي والعديل راي)

مولانا نوريت، الكيزان اللصوص قبل فترة دفعوا 1,3 مليون دولار، رشوة لسمسار محتال
عشان يحسن ليهم علاقتهم مع دول البغى و العدوان. هذه الحكومة سفيهه و يجب ان تذهب
للجحيم.

والله حقكم ..
يعني الجماعة ديل غلبم يربطو إن شاء الله خرطوش مع المواسير الواصلة المصفاة ؟
هسه لو قالوا خصخصة كان زماااان جاتكم ترع ..
الله فرجيني.

صاحب البوست وضيوفه السلام عليكم ..

سمعت بان مشروع امداد بورتسودان بالمياه قد فشل بالرغم من وجود ممول صيني و ذلك بسبب عدم دفع هامش الجدية و الذي اتوقع ان يكون مبلغ بسيط جدا مقارنة بما تدره الولاية.


الاخ canton_1
لك التحية و الاحترام

اعتقد ان التعبير قد خانك و انك لا تقصد اساءة بقولك ان عيال بحر و لا بيرضوا موبتهم تمشي ..

ولا تزعل يا ود إبراهيم .. عيال بحر ديل ناس حكومة بس .. إنت ولا معاهم .. إن شاء الله زعل يكون راح؟

كبــّـاشي الصـّـافي

(العوج راي والعديل راي)

سلام يا هاشم , بالله لما تستلموا التنكرين ادونا واحد للقضارف و الفقراء اتقاسموا النبقة.

تعرف يا رفيق مشكلة الموية في شرق السودان قائمة من الاستقلال ما اتحلت و لا حلتها مليارات دولارات البترول
في كسلا الناس حفروا بمجهودهم الابار و لقوا موية و تطورت لمحطة مياه بمساعدة الهولنديين اما مشكلة بورتسودان و القضارف فلا زالت بدون حل و نحنا في القضارف نخلط مياه الابار المالحة بمياه الشوك المتقطعة. الحل الجذري يكمن في التغيير الجذري لنظام الحكم في السودان و بوادر ثورة الشرق تلوح في الافق و الفجر الجديد سيشرق من الشرق و بوحدة قوي الفجر الجديد و كل قوي المعارضة السودانية
سينتصر شعبنا علي نظام الابالسة و يقيم الدولة السودانية العادلة الديمقراطية التي تعطي الاقاليم حقهم كاملا في السلطة و التنمية و في مقدمة الاولويات توفير مياه الشرب النظيفة و الخدمات الصحية و التعليم و الطعام.

التحية للجميع وياريت كل زائر لبورتسودان يجيب معاه ان شاء الله فتيل موية وجيبوا اباريقكم مليانة لانها ستخدم مواطنى شنغهاى السودان
الله فرجينى

الأخ هاشم
السلام عليكم ورحمة الله وبركاته
مياه الشرب من أولويات التنمية
فلماذا تتقاضى حكومة البحر الأحمر عن هذه المشكلة
وقد صدقت حينما قايضت كل ما عملته حكومة الولاية بتناكر ماء
لكم التحية أهل الشرق العظماء
وننادي معكم بتنمية تستهدف المواطن وليس المسئولين

ما آلمنى حقا ان المياه تباع حسب درجة نقائها اى الجوز للمياه النقية يصل الى اكثر من سبعة الف مما يعنى اننا نبيع الموت للفقراء الذين لايقوون على شراء مياه نقية اين الانسانية هنا واين حق هذا الانسان الذى افقرته الانقاذ؟
الله هونينى