إرتفاع نسبة وفيات مرضى الطوارئ فى مستشفى امدرمان التعليمي ..

الله يلعن كل متسبب

تحياتي
أنا لا استغرب ذلك ..وهذا ماظهر من جبل الجليد ...والله حاجه مؤسفه ..الله يكون في عون المواطن المسكين ...
ومسألة إنو الزول يومو تمه ،،دي واحده من المشاكل المزمنه...
التحقيق الشفاف في مثل هذه الحالات يمنع تكرارها في المستقبل ...
والله حاجه تحير ..كيف مريض في قسم طوارئ محترم أو غير محترم يكون راقد من غير إنو الطبيب يمر عليهو مره كل يوم ناهيك عن أيام عديده من غير مرور..
الله يكون في العون ..

أأأأأأأأأأأأأأه يا وطنى جريح نازف

يا وطن الصابرين
يا ارض الطيبين

ووووجعي عليك

كيف يكونوا اطباء وين الضمائر وووووووووووين

لا حولا ولا قوة إلا بالله!

يا حميدة دى مستندات خطيرة.
و فيها ادانه واضحه وصريحة للمشار اليهم فى قرارات اللجنه.
واضح جداً الاهمال والتسيب من كل الاطراف المعنية.

Quote: و فيها ادانه واضحه وصريحة للمشار اليهم فى قرارات اللجنه.

ما داسينها الحاجات دي و متداولة في الصحف .. و حكاية مستشفى الزيتونة ما حصل فيها اي حاجة .. !!

اها يا حميدة

بالجد كده مفروض نعمل شنو؟ ما قادرين نسكت وما قادرين نعمل حاجة، البوست دا دبرس بي دبرسة شديدة، دي مش مجرد اسماء، ديل ناس عندهم اصحاب وعندهم اسر واحلام.

Quote: والله حاجه تحير ..كيف مريض في قسم طوارئ محترم أو غير محترم يكون راقد من غير إنو الطبيب يمر عليهو مره كل يوم ناهيك عن أيام عديده من غير مرور.. الله يكون في العون ..

يشتكوا لي منو ؟ وزير الصحة ذاتو مشتكنو بسبب الاهمال !!!!!!
دي بلد دي وزير صحتها سمسار ، ورئيسها رقاص، وماعندها وزير دفاع يعني قاعدين في السهلة .

كارثة بكل المقاييس ...

كيف يصبر هذا الشعب وأبسط حقوقه منتهكة ..

كثير من الضمائر ماتت .. وكثير من الإنسانية قبرت ..

ولا حول ولا قوة الأ بالله ..

عام 73 وانا بالمرحلة المتوسطة،في مستشفي ريفي اصبت بقرحة حادة نازفة،في منتصف الليل،وقفت كل المستشفي طوارئ، نقلوا لي الدم،افاقوني من غيبوبتي،اخذوني لحوادث الخرطوم،كانو في انتظاري بنقالتهم عند الباب ،هرع بي الاطباء،والتفوا حولي، تعهدوني بالرعاية حتي عافاني الله بفضله وجهدهم،وخرجت وهؤلاء الاطباء حتي الان لي اصدقاء،كان هناك نظام طبي صارم،محترم،اضف اليه اخلاق الاطباء.
قبل اعوام قليلة،في مستشفي سوبا الجامعي،وانا امارض شقيقتي،في منتصف الليل ،سقطت مريضة وهي في طريقها للحمام،اتصلت علي شقيقتي وانا نايم في الفناء،حضرنا،حملنا المراة،كانت تتنفس،تصحو وتغيب،بحثنا عن الطبيب،الممرضة معنا،لم نجده،تلفونه مغلق،بعد ساعة واكثر،وجدناه نائما،كانت حينها المراة الطيبة قد ذهبت الي رب حنون،وقد فشلت الممرضة في اعطائها اكسجينا،ولكن الجهاز لم يعمل.
وعلي مدي شهر ويزيد،كنا نسبل عيون العابرين للضفة الاخري وياتي الطبيب غالبا مع لحظة اخد الامانة..
عندي عشرات الشهود علي احداث فوضي في هذا الصرح الاول،لقد كانت م سوبا،معلما وصرحا،بدات نقل الكلي حين كانت مستشفيات الاردن،تتعلم جراحة الزائدة الدودية،فما الذي حدث؟

مثل هذا الحدث كان المفروض يوقف القصر الجمهوري ومؤسسة الرئاسة على
(رجل واحدة)في دولة محترمة ...
.
.
قالوا (حكومة الإنقاذ الوطني) .. تنقذ شنو .. ده غطسة حجر البلد والمواطن ..

حسبي الله ونعم الوكيل عليكم ..

وما خفى أعظم



سلام حميده

كيفك يا عثمان ..

النظام الصحي في السودان من أسوأ الأنظمة الصحية في العالم ..
والضحية المواطن السوداني أولا ..
والكوادر الصحية العاملة في هذا النظام الصحي ثانيا ..

..
لا أعتقد أن هناك من قد يموت لنقص في البوتاسيوم وهو داخل مستشفى تعليمي او غير تعليمي ..
وفحص كيمياء الدم مسألة جوهرية وبسيطة جدا جدا ..
وتكاد تكون اول اجراء بعد الدخول للمستشفى ..
وبجانب ذلك أعراض هبوط البوتاسيوم واضحة جدا !!
ولكن ذلك ما يحدث للاسف ..
يموت الناس في بلادي هكذا ..
ولأسباب بسيطة جدا .. جدا

شكرا حميده ..

يبدو اننا دخلنا ايضا في عصر العلاج بالنظر
ركاكة التقارير تكشف عن ما وصلنا اليه بفضل ثورة التعليم واستراتيجية بوفيسرات الكيزان ابراهيم محمد عمر والزبير بشير
هذه دولة الهوس لا مجال للعلم فيها فهما طرفي نقيض
اكثر ما استوقفنى في الخطاب جزاكم الله خيرا!
على شنة ما تم ام ما سيتم!
جنى

بالله هو مستشفى حوادث ام درمان دا مستشفى يعني ؟
من خلال تجربة لمرافقة مريض الى مستشفى حوادث ام درمان قبل حوالي شهر فانا خرجت بنتيجة مفادها انو كونو تطلع (حي ) و (سليم) من مستشفى حوادث ام درمان فدا الاستثناء ...
القاعدة انك تموت ...