Post: #1
Title: ناس صور وفيديوهات أبو كرشولا ..! فرقكم شنو من الجماعة ديل ؟!
Author: ناذر محمد الخليفة
Date: 06-02-2013, 10:30 AM
|
Post: #2
Title: Re: ناس صور وفيديوهات أبو كرشولا ..! فرقكم شنو من الجماعة ديل ؟!
Author: حمد عبد الغفار عمر
Date: 06-02-2013, 10:34 AM
Parent: #1
سلام يا ناذر
بالمناسبة
انت أبو كرشولا دي ريفي دمشق ولا ريفي حماه 
ياخ الحروب دي بتورينا أسامي أماكن ما سمعنا بيها قبل دا
|
Post: #3
Title: Re: ناس صور وفيديوهات أبو كرشولا ..! فرقكم شنو من الجماعة ديل ؟!
Author: ناذر محمد الخليفة
Date: 06-02-2013, 11:00 AM
Parent: #2
سلام يا حمد ..
Quote: نت أبو كرشولا دي ريفي دمشق ولا ريفي حماه
ياخ الحروب دي بتورينا أسامي أماكن ما سمعنا بيها قبل دا |
عندنا واحد شغال معانا من اب كرشولة دي .. ليهو سنين قادينا بيها اب كرشولة أب كرشولة ويحكي لينا عنها وأنحنا طبعا أول مرة نسمع بيها .. قبل الضربة بي يوم واحد هو كان ماشي هناك لي عرس أخوهو .. طبعا حصلت الضربة والعرس أتاجل وهو ما سافر .. بقينا كل مرة نسألو وهو يدينا الأخبار ..
واحد قال ليهو .. بختك يا معلم اب كرشولة بقت مشهورة وجايبنها في أي حتة .. تاني ما في زول يعمل ليك ما بيعرفا ..!!
|
Post: #4
Title: Re: ناس صور وفيديوهات أبو كرشولا ..! فرقكم شنو من الجماعة ديل ؟!
Author: Dr.Elsadig Abdalla
Date: 06-02-2013, 11:10 AM
Parent: #3
طيب ياناذر طالما صاحبك ده بقا من المشاهير وبكرشولا كمان من المشاهير ..ماتعمل لينا معاهو لقاء هنا نحن نسأل وهو يجاوب واول سؤالين مني :
1-ماهو معني أبكرشولا ...وطالما في أبكرشولا أكيد في أمكرشولا..واين هي الان ؟
2-مامصير العرس ؟
|
Post: #5
Title: Re: ناس صور وفيديوهات أبو كرشولا ..! فرقكم شنو من الجماعة ديل ؟!
Author: ناذر محمد الخليفة
Date: 06-02-2013, 12:11 PM
Parent: #4
والله يا دكتور الصادق سألتهم ليهو :
Quote: -ماهو معني أبكرشولا ...وطالما في أبكرشولا أكيد في أمكرشولا..واين هي الان ؟
2-مامصير العرس ؟ |
أب كرشولا هو أصر أنو الكلمة جاية من الكرش نسبة لأنو المنطقة غنية بالفواكه والخضروات وانا ذكرت ليهو كلام زوجة أخونا كبر وهو أنو الجملة جاية من أب كرش ولى نسبة لمفتش انجليزي في المنطقة اسمو محمد سعيد جراب الفول مشهور بي كبر كرشو .. فامن مات أو نقلوهو الجماعة فرحوا وقالو أب كرش ولى .. ومع الزمن الجماعة أضغموها ولاكوها فبقت أب كرشولا ..!!
أما موضوع العرس فالاهل كلهم اتسربوا من اب كرشولا بالعجلات بالليل واحد واحد بأتجاه الرهد وهناك العريس والعروسة لقوا روحم مع بعض وأولياء العروس والعريسة في قاموا عقدوا هناك ..!!
|
|