Post: #1
Title: تبلدينا ....
Author: حاتم الياس
Date: 06-01-2013, 11:17 AM
Parent: #0
مرحباً بعودتك المجيدة ياشاب .....ما شايف زول رحب بيك قلنا نقوم بالواجب
|
Post: #2
Title: Re: تبلدينا ....
Author: محمد عبد الماجد الصايم
Date: 06-01-2013, 11:22 AM
Parent: #1
يا زول تبلدينا هيّن ..
خلينا نرحب بيكـ إنت زاتكـ!
كل مرّة يرشوكـ زي البوش تختفي كم يوم!!
|
Post: #6
Title: Re: تبلدينا ....
Author: Tabaldina
Date: 06-01-2013, 11:35 AM
Parent: #2
..
.
Quote: يا زول تبلدينا هيّن ..
خلينا نرحب بيكـ إنت زاتكـ!
كل مرّة يرشوكـ زي البوش تختفي كم يوم!! |
الرشو منو .. يا ناس .. هههه
انت يا ود الصايم اقعد للمديدة حرقتنى دى بس ..
بس برضو ليكم قرمه .. لوووووووووولز
-----------
ما قلت لى الحاج يوسف شرق- شارع الازهرى دا
المسمى الجديد للمايقوما محطة 9 .. قرقر قرقر قرقر
|
Post: #3
Title: Re: تبلدينا ....
Author: محمد المسلمي
Date: 06-01-2013, 11:24 AM
Parent: #1
Quote:
مرحباً بعودتك المجيدة ياشاب .....ما شايف زول رحب بيك قلنا نقوم بالواجب |
مابتقصر ياعمك
التحية لك وله حيث ماكنتم
|
Post: #9
Title: Re: تبلدينا ....
Author: Tabaldina
Date: 06-01-2013, 11:47 AM
Parent: #3
..
.
Quote: مابتقصر ياعمك
التحية لك وله حيث ماكنتم |
صديقى ود المسلمى ..
انت الووين ياخى .. دخلت ج ق اسيا ولالسه ؟؟
--------
لك الود اضعاف مضعغه وفى ميزان حسناتك يا شيخنا ..
|
Post: #4
Title: Re: تبلدينا ....
Author: Tabaldina
Date: 06-01-2013, 11:26 AM
Parent: #1
..
.
حاتم يا صديقى ,,
.. فى ترحيب كبير ..حدث هنا ..ولكن يبدو عليك
انت قد ادمنت الغياب مثلنا ..
-------------
ما زلت فى اندهاش من نافذة تسمى الفيس بوك ..!!
وجدال يدور عن صور بين هؤلاء واولئك ولا احد ردا على جوهر القضية .,
هل هى فعلا من " ابوكرشولا " ..؟؟
والان يدهشنى احدهم بجهله عن انتهاكات " اليونسفا " وهو يتبسم ..!!
( مدهش امر مثقفى المنبر هؤلاء . لا يتطورن ولا يتقدمون فكريا قيد انمله )
|
Post: #5
Title: Re: تبلدينا ....
Author: tmbis
Date: 06-01-2013, 11:34 AM
Parent: #4
| Quote: ( مدهش امر مثقفى المنبر هؤلاء . لا يتطورن ولا يتقمون قيد انمله " |
يا تنقـــا ...
ليس هنك مثقفا في منبر بكري .. باستثناء بكري هيم سيلف ..
حتى حاتم اتو الفاكرنو مثقف .. طلع قاعد ساكت وهو ينزل اعلان عن ثوريته اخير منو اعلان شامبيون الجواك بطل ,,
انت عامل كيف وحمد الله على السلامة ..؟ !!!
|
Post: #7
Title: Re: تبلدينا ....
Author: محمد عبد الماجد الصايم
Date: 06-01-2013, 11:40 AM
Parent: #5
المدعو تمبس ..
نرجو تلافي الأخطاء الإملائية ما أمكن!
ثم الأخطاء النحوية .. فأنت في حضرة المثقفين!!
|
Post: #10
Title: Re: تبلدينا ....
Author: tmbis
Date: 06-01-2013, 11:52 AM
Parent: #7
Quote: نرجو تلافي الأخطاء الإملائية ما أمكن!
ثم الأخطاء النحوية .. فأنت في حضرة المثقفين!! |
اكان بقت علي تنقا وحاتم .. وشخصك الضعيف .. عليك الله ارخيني ..
والله مرات كدا لما تقوم بي الهوشـة بحس انو الكتابة معاكم غير ذات جدوى .. ياخ نحن نوعيتنا دي منبر حسـن وزه زاتو ما بقدر يستوعبنا .. 
|
Post: #11
Title: Re: تبلدينا ....
Author: محمد عبد الماجد الصايم
Date: 06-01-2013, 12:01 PM
Parent: #10
يا معلم .. شخصي الضيف ما مع أي زول
أنا هنا جاي براااي الله ورقبتي!!
وإذا عنكـ أي تشكيكـ في ثقافة حاتم العروبي وتبلديكم
فـ الاتنين يهنديل قداكـ .. أديهم النجيضة!!
|
Post: #13
Title: Re: تبلدينا ....
Author: tmbis
Date: 06-01-2013, 12:20 PM
Parent: #11
| Quote: أنا هنا جاي براااي الله ورقبتي!! |
مشقبل كدا انت قدمت لي طلب عضوية في منبر حسن وزة .. وختوها ليك بالجمبة الفيها الحديدة ..؟ واللا دا واحد غيرك
|
Post: #8
Title: Re: تبلدينا ....
Author: Tabaldina
Date: 06-01-2013, 11:42 AM
Parent: #5
..
.
Quote: يا تنقـــا ...
ليس هنك مثقفا في منبر بكري .. باستثناء بكري هيم سيلف .. |
يا تامبا ...
مشكلتهم ما بحصل ليهم استحداث او اب ديتنغ او ان شاء الله فيرشن جديد ...هههه
نفس الفهم القديم ونفس المعلومات الضحلة ونفس السطحية .,
ياخى بكرى ذات نفسو .. بقى كلاسيكى للان ماسك لى فى اللون الذى الاسهال دا ..!!
وكتر لينا من دعايات شطف البطن شد الوجه زى :
50Years Old Looks Likes 35
محن ..!!
------
سائلين منك يا مان .. ما زلنا فى البلد التى نجضتنا نجاض ..
|
Post: #12
Title: Re: تبلدينا ....
Author: محمد المرتضى حامد
Date: 06-01-2013, 12:13 PM
Parent: #8
والله عزيزنا صالح يستحق ترحيب وتكريم يفـوق ما ناله الوالي يا حاتم
سلامي لتبلدينا ولك ولضيفك..
-
Quote: المدعو تمبس ..
نرجو تلافي الأخطاء الإملائية ما أمكن!
ثم الأخطاء النحوية .. فأنت في حضرة المثقفين!! |
| Quote: فـ الاتنين يهنديل قداكـ .. أديهم النجيضة!! |
وبرضو سلام لودالصايم محذرا وناصحا تمبس.
|
Post: #14
Title: Re: تبلدينا ....
Author: حاتم الياس
Date: 06-01-2013, 12:25 PM
Parent: #8
ود الصائم البترشه منو ياشاب !! على الدين انا عندى ردم بتحت الحكم اب صلعة الأسمو (كولينا) مابشوفو لمن تلقى الزول كاضم من الوجع ' انا لاعب مدربين قايلنى لاعب صحافة وجوطة تسجيلات زى ناس تامبا ووليد وود الصائم وعموم كتبة السنترليق
|
Post: #15
Title: Re: تبلدينا ....
Author: محمد عبد الماجد الصايم
Date: 06-02-2013, 07:54 AM
Parent: #14
Quote: قايلنى لاعب صحافة وجوطة تسجيلات زى ناس
تامبا ووليد وود الصائم وعموم كتبة السنترليق |
هههههههههههههههههههههههههههههههههههه
هههههههههههههههههههههههههههههههههههه
لايكـ يا عروبي .. لمن كضمت من الوجع!!
بتخيل لي كتبة السنترليق أحسن من الرمادية اليومين ديل!!
|
Post: #16
Title: Re: تبلدينا ....
Author: محمد عبد الماجد الصايم
Date: 06-02-2013, 07:55 AM
Parent: #15
حبيبنا محمد المرتضى .. ياخ أنا زول سبهلل ساي
المشكلة في تمبس الطارح نفسو مفكر استراتيجي متحوّل لـ (فولترون)!!
|
Post: #17
Title: Re: تبلدينا ....
Author: tmbis
Date: 06-03-2013, 01:08 PM
Parent: #16
| Quote: وبرضو سلام لودالصايم محذرا وناصحا تمبس. |
ازيك يا مولانـا ياخ ..؟
والله الواحد محتاج لي ونسة معاك في ليل خرطومي .. في نواحي الخرطوم اتنين يا الطايف .. نحن امدرمانا دي بنختها لليوم الابيض
لذلك
طمنا على نفسياتك واحساسك العالي ..
اما بخصوص ود الصائم فزي ما شايف نحن من ضمن الاستراتيجية العامة حقتنا انو بعد كدا شغلنا ح يبقى على التقيل .. النص مثقفاتية زي ما قال اخونا الشاعر واللي اطلق عليهم اللون الرمادي .. ديل ما بلزمونا .. نحن بقى اسكيلنا عالي جدا يا دكتور نقعد نضيع زمنا ساكت مع ناس حاتم وود الصايم ؟؟
مستحيل طبعا
|
Post: #18
Title: Re: تبلدينا ....
Author: محمد حمزة الحسين
Date: 06-03-2013, 01:26 PM
Parent: #17
والله يا تمبس من ناحية بى تستاهل بى تستاااهل تب
لكن ما قدر دا ياخى
إلا حاتم الياس ارفعوا ايديكم عن حاتم الياس
فهو ما زال احدى اعمدة الفور اووووووول
:
:
:
:
مع التحيات لله الزاكيات
|
Post: #19
Title: Re: تبلدينا ....
Author: ميسرة سيد أحمد
Date: 06-03-2013, 02:37 PM
Parent: #18
مرحب تبلدينا بعودتك الميمونه
شتت لينا شويه وكبنا لينا ولو موية سكر
شايفك نشيط في الفيس بوك ،،،
|
Post: #20
Title: Re: تبلدينا ....
Author: tmbis
Date: 06-04-2013, 06:32 AM
Parent: #18
Quote: إلا حاتم الياس ارفعوا ايديكم عن حاتم الياس
فهو ما زال احدى اعمدة الفور اووووووول |
يا محمد حمزة سلامات ياخ ..
كان قبل كم يوم ومن ضمن احتفالاتي السنوية بثورة مايو الظافرة .. كنت قد اشرت وانا في غمرت الاحتفال اشرت إلى ثورية حاتم الياس وكيف جا في سيرته العطرة انو فرتق ليهو كم حفلة ..
تخيل انا طلعت زول قاعد ساكت ودقست الشاطر بي الف لطالما جيت لقيت حاتم الياس الكنت مفتكرو مثقف زيو زيي اقيتو لامي ليك ناس محمد الصائم وبيحجي فيهم ..
لكن معليش يا حمزة .. دقست الشاطر بي الف كيلو واط مع القطوعات بتاعت اليومين دي .
|
Post: #21
Title: Re: تبلدينا ....
Author: حاتم الياس
Date: 06-04-2013, 11:57 AM
Parent: #20
انا الايام دى عا########ى كلمة (متسق مع نفسو) عشان كده ماحارد عليك. .........براك عارف متسق مع نفسو دى هنا شكلها كيف عكس الرمادى طوالى بتبدا من شكل بروفايلك الخطير وبعد داك تقبل على ناس ملاسى وتمبس ونجاة
|
Post: #22
Title: Re: تبلدينا ....
Author: Tabaldina
Date: 06-04-2013, 04:59 PM
Parent: #21
,,
.
ما دام البوست دا .. شكلو حيبقى بتاع ناس بتونسوا فى فسحة
الميدان وبجرتوا شوية شمارات _ دا لو استثنيناء المثقف حاتم الياس ومولانا _
..
اه دايراسال سؤال الماعارف.. المصطلحات الجديدة دى فسروها لينا
الرمااادى ..
التحيييييييية
الروضة
---------------
بعدين االصور الاباحية الفى راس البورد دى فى نظركم عاادى
يعنى دى من اللوائح الاجيزت بغيابنا ؟؟؟
|
Post: #23
Title: Re: تبلدينا ....
Author: Tabaldina
Date: 06-15-2013, 05:25 PM
Parent: #22
..
.
قلنا نشكر بافى الناس قبال الأرشفة دى ... خصوصا الريس ميسرة ومولانا ود المرتضى ..
وهناك جديد ..
------------
يا ود الصايم انت يا بتضحك يا محوص ..؟؟
صورتك دى .. هههههههههههه وبس
|
|