عنصرية طيران الامارات تجاه السودانين

هل هي عنصرية الاعراب ام هي استهانة بالشعب ..في يوم الثلاثاء and#1634;and#1639;/and#1637; وانا علي متن طائرة الامارات المتجهة الي دبي فؤجيئت بالمضيفات يرشون الطائرة بمواد كيميايئة قاتلة للحشرات وفي وجود الركاب بداخلها ومنهم الاطفال وكبار السن وعندها استوقفت المضيفة وطلبت منها ان اري العلبة وعندما بدات في قراتها اخذتها مني عندها طلبت ان اصورها فرفضت وذهبت
واتت بكبيرة المضيفات والتي اوضحت لي ان هذا اجراء يقومون به لكل الطائرات القادمة من افريقيا فاوضحت لها ان هذة عنصرية تجاه جنس معين ولن نقبل بها ..وقد شرعت في رفع دعوي قضايئة ضد شركة خطوط طيران الامارات واحتاج الي دعمكم المعنوي والضغط علي شركة طيران الامارات حتي تحترمنا ولا تعاملنا كالحشرات وايقاف هذة العنصرية ..

كلنا معك..

الدعوي تم رفعها بالولايات المتحدة الامريكية

الاخ عوض مشكور علي المرور والدعم..

تحياتي اخي حافظ

لا ارى عنصرية في تصرف طاقم الطائرة واتباعهم للاجراءات الصحية التي تحفظ نظافة الطائرة وتهيئ جو مناسب للركاب وماذا نفعل اذا كانت بلددنا مليئة بالذباب والبعوض وكثيرا ما تجد ذبابا داخل الطائرة قبل الاقلاع من مطار الخرطوم يدخل الى الطائرة عند فتح الابواب واذكرك ان طاقم الطائرة بالاضافة الى عدد كبير من الاجانب يكونون داخل الطائرة اثناء الرش ودائما قبل الرش ينبهون الركاب ويطالبون من سيتضايق ان يغطي وجهه .. لا ارى حرجا في ذلك بل هو اجراء صحي جدا يضمن عدم انتقال هذه الحشرات الى دول اخرى رغم قناعتي انها حتى ولو انتقلت فلن تجد بيئة تعيش فيها.

يا معتصم مالو ياخ خلي حافظ يرفعها قضية زي دي حتى لو لم نكسبها مهمة عشان يعملوا حساب للسودان و السودانيين
تمام يا حافظ بالتوفيق

نحن مع خمسين دولة اخرى

Quote: Pesticide application in the occupied or soon-to-be occupied aircraft cabin and cockpit can be a serious health hazard for crewmembers and passengers. Pesticide exposure can be significant and some crewmembers must work in the sprayed environment regularly and repeatedly. Almost 50 countries require pesticide spraying on all or selected flights, apparently to prevent the importation of insects that either carry tropical disease or damage plant/animal health. The cabin may also be pre-treated in a country that does not require pesticide spraying. There are no requirements to inform either crewmembers or passengers prior to ticket purchase or flight. The sprays contain an active ingredient (typically 2% permethrin or d-phenothrin), solvents, and in some cases, propellants. Reported symptoms include acute respiratory and sinus problems, rash/hives, headache, and anaphylactic shock, as well as chronic immune, respiratory, and neurological problems. Damp mattresses and carpet in the crew bunk rooms have posed particular problems for cabin and cockpit crew. AFA advocates the use of non-chemical means of disinsection such as the air curtain technology being tested at a US Department of Agriculture lab in Florida, under the direction of the Department of Transportation. Delta Airlines is also involved in this project.

الاخ عبد اللطيف مشكور علي المعلومة ولكن كان يجب رش الطائرة وهي خالية من الركاب .وتحديد الطائرات القادمة من افريقيا هو نوع من العنصرية.

ود البشري بالظبط كلامك والعيار المايصيب يدوش..

الاخ معتصم سلامات عندما قرات علبة المبيد مكتوب عليها الا يقوم الركاب باستنشاقها ..وهي مواد كيميائية خطرة علي الصحة وكان مفترض رشها قبل دخول الركاب الي الطائرة...ثم تحديد جنس معين تعتبر عنصرية والحشرات موجودة حتي بامريكا ولكنهم لا يستطيعوا ان يفعلو فعلتهم هذة في اوروبا او امريكا...ولابد ان نتصدي لصلفهم واستهتارهم بنا .

مكرر

جاد كريم

جاد كريم ??????????

عفارم عليك

شكرا يادكتورة ولامبرر لاستهتارهم باجناس معينة ..ولا نحاول ان نبرر لهم فالذباب والبعوض موجود حتي في البيت الابيض.

الأخ حافظ
للأسف هذا الإجراء قانوني تماماً و لا يمكن تحميل أي نوع من المسؤولية للشركة التي تقوم بتنفيذه بحسب التوجيهات الصادرة من بلدان تفرضه أما على جميع الرحلات
القادمة إليها أو على رحلات قادمة من دول بعينها.

الاخ سيف النصر.. .حسب القوانين الامريكية اي اجراء سالب ضد جنس معين تعتبر جريمة عنصرية..والدعوي بالولايات المتحدة وهي لفت نظر لهم ويمكن دعمها اعلاميا فالسودان ليس بها وباء كالكورونا بالسعودية او انفلونزا الطيور ففي هذة الحالة يعتبر اجراء مبرر.

مصداقاً لكلامك حول العنصرية روى لي صديقي وهو مقيم معنا هنا في هولندا ويحمل الجنسية الهولندية ، بأنه ذهب لخطوط الامارات لحجز تذكرة للسودان وبعد ان حدد اليوم عرف ان هناك ترانزيت في دبي حوالي 10 ساعات فسأل الموظف هل يوجد ضمن التذكرة فندق أم سيقضي الساعات العشرة بالمطار فسأله الموظف جوازك شنو؟ لو مسافر بالجواز السوداني ستقضي الساعات بالمطار ، اما بالجواز الهولندي فستحجز لك الخطوط بفندق، ولمن سأله ليه تفرقوا بين مسافرين يدفعوا نفس قيمة التذكرة ، الموظف قال ليه ده التعليمات ، هل في عنصرية اكثر من كده!!

Quote: فالسودان ليس بها وباء كالكورونا بالسعودية او انفلونزا الطيور ففي هذة الحالة يعتبر اجراء مبرر

لسه اخوانا المصريون بطالبونا باكرت الحمي الصفراء وكان ماعندك ممكن يرجعوك من المطار
وهم بدخولوا السودان لافحص لاكشف ذي الداخلين زريبه مما ادي الي تفشي مرض التهاب الكبد الوبائي القاتل
والحكومه تتفرج كأن الامر لا يعنيها

بعيد عن حيثيات الحدث بحد ذاته والحوار والتحديات التي حصلت حينها وما بأمكان المرأ أن يستشف من اللغة أو الحركات أو النبرة إذا كانت عنصرية أو عادية,,, فهذه أعلم بها من واجه الموقف.

أود أن أقول وحسب معرفتي بالأنظمة في دولة الإمارات, إن الناس ديل ما فاضين لي عنصرية وللكلام الموجود عندنا في السودان الناس ديل مهنيين وهمهم الأول أن يرفعوا نسبة الجودة الموجودة في البلد بل نسبة الإمتياز والتميز ومشغوليين من التحول من الحكومة الإلكترونية إلى الحكومة الذكية ورفاهية المواطن وغيرها من سبل (الهاي استاندرد) وصدقني الإجراء ده حسب وجهة نظري لم يتم تنفيذو إلى بعد الرجوع لمعايير صارمة وفق قواعد وقوانيين من جهات ومنظمات عالمية مسؤولة عن الصحة أو الطيران الدولي يعني لا من المضيفة ولا الكبتن ولا طيران الإمارات ولا حتى هيئة الطيران المدني الإماراتية أو ما يقابلها من هيئات وطنية في ذلك البلد, هذا حسب وجهة نظري. كحل وسط أقترح عليك أن تبحث جيدا هل تم تطبيق مثل هذا الإجراء في طيران الإمارات ضد بلد معين أو جهة أو قارة معينة عند حدوث كارثة معينة أو مرض معين كجنون البقر أو كرونا او الحمة القلاعية أو أو غيرها من الأمراض (لا يعني هذا بس مسألة الرش بالمبيد أعني أي إجراء أحترازي آخر مشابه) إذا كانت الإجابة نعم, فكف عنك الدعوة فالحال حينها على بعضو, إن كانت الإجابة لا ودي أول مرة ضد أول بلد أو قارة, بقول ليك سير في دعوتك ودعواتنا وقلوبنا معاك. بالمناسبة قبل 5 أشهر ظهر بوادر مرض أحد الحميات في دارفور والما عندو كرت التطعيم ما بيركب الطيارة وحتى كن ركبت الطيارة بتترش مبيد لمن تقول بس (وأنا أترشيت لمن قلت بس) والرحلة محلية في محلية من الفاشر أو نيالا أو الجنينة للعاصمة القومية, خبراء,,,, أسألكم هل هذه أيضا عنصرية.

الاخ حاتم مشكور علي المرور بناء علي حديث المضيفة هذا الاجراء علي الطائرات القادمة من افريقيا..حسب القوانين الامريكية اي اجراء سالب ضد جنس معين تعتبر جريمة عنصرية..

يا حافظ حفظك الله ورعاك
إنت عبرت عني تماماً بشكواك هذه ضد طيران الإمارات

يازول نحن قدام ما وراك
ارمي بس

سلام حافظ وضيوفة
أيام انتشار حمى الضنك فى السعودية وتحديداً منطقة جيزان.
اتخذت السلطات الصحية السعودية أجرات عديدة ومن ضمنها نفس الاجراء البتتكلم عنه للرحلات الجوية القادمة من جيزان الى الرياض والمدن الاخرى.
حيث كان يتم رش الطائرة بالمبيدات قبل نزول الركاب منها.
الجوازنه (اهل منطقة جيزان)اعتبروا الموضع ده عنصرية وعملوا كم مشكلة فى بعض الرحلات.
المهم إن الاجراء كان سليم جداً وساهم مساهمة كبيرة فى عدم انتشار المرض للمناطق الاخرى بصورة اوسع.

أعتقد الإجراء مأخوذ من ناحية صحية وليست عنصرية بعض الدول يتطلب إجراء صحى عند القدوم منها
مثلا" فى كثير من المطارات القادمون من أفريقيا يتطلب كرت الحمى الصفراء وإذا كنت سودانى أو أفريقى
وقادم من أى منطقة أخرى لا يتطلب ذلك . يعنى التمييز ما تجاه عنصر معين بقدر ما إنو تجاه مناطق جغرافية معينة
يتواجد بها نوع معين من الأمراض أو الحشرات.

وأحسن أتقدمت بشكوى يمكن يكون الإجراء رغم وجاهة منطقو غير قانونى


تحياتى

دا استهتار واضح بالسودانيين ..حتي المصريه والسوريه كانت طائراتها البتمشي السودان يختارو اقدم واكتر طائره مبشتنه وكم وكم اتشاكلنا مهاهم لكن لاحياة لمن تنادي
مره مسافرين من دمشق للخرطوم ركبونا طائره قديمه لما مشينا نص ساعه الطائره رجعت المطار قالو القزاز بتاع كابينة الكابتن اتشقق ورجعنا مطار سوريا غيرو القزاز وقالو اركبو
رفض الناس كلهم يركبو الطائره فقامو جابو واحده جديده والله ومشينا بيها وكانت فرق كبير والله ..


كامل دعمنا لك

تعرف يا حافظ ...

الخطوط الجوية السودانية ...كانت بتنزل مطار القاهرة ...قادمة من الخرطوم ...

الكلام ده في اواخر سبيعينات القرن الماضي ...

وكانت في مشاكل حمي صفرا و كوليرا و بلاوي ...

كانو بيقعدونا في الطيارة ... وبيجوا مارين ( المصريين ) شايلين ( بف باف ) عديل

و دوسة واحده ... لامن تخلص العلبة وهم ماشين في الممرات ...

اتذكر مرة وصلنا ... جا داخل الطيارة ( السودانية ) واحد من موظفين المطار المصريين وقال بالانجليزي ( الكعب داك )

Blease stay in your seats , we have to BEEF BAAF the Blane
______________________________________________________________________________
ربنا يوفقك في الشكوي ... لكن اعتقد انهم غير مخالفين ...

حافظ بخيت take it easy

الموضوع ماعندو علاقة بي عنصرية والله بطيخ
نحن بقينا حساسين أكتر من اللازم والعنصرية بقت في رؤوسنا أكتر من الواقع

آخر مرة إتبخينا بالبف باف أو أي كان نوعه كان في رحلة القطرية لندن الدوحة يعني ما مرت حتي فوق الأجواء الأفريقية. بختنا المضيفة الآسيوية لمن إتسطلنا وإتكيفنا. الطائرة نصها خواجات مافي زول قال بغم
وبعدين إتخيل الطاقم بتاع الطائرة كل رحلة بترشوا ويستنشقوا المواد دي لدرجة الإدمان ما أظن لو بالدرجة دي من الخطورة وفي حيز ضيق ومغلق ممكن يقبلوا يعرضوا نفسهم لخطر زي دا وفيهم كتير من جنسيات دول متقدمه عندها قوانين تحمي مواطنيها

أما حكاية طوالي ربط العنصرية بالعرب فأظن دا بقي حيطة قصيرة. هل تعرف أغلب خطوط الطيران الخليجية لا يوجد خليجي واحد في إداراتها الفنية التي تقرر مثل هذه الأشياء أغلبهم أجانب وغربيين

http://www.fodors.com/community/africa-the-mi...ed-inside-planes.cfm

http://www.airliners.net/aviation-forums/gene...on/read.main/1489930

User currently offlineSkydrol From Canada, joined Oct 2003, 860 posts, RR: 11


When flying to countries which require this practice, at what point do they inform passengers they will be exposed to these pesticides?

when purchasing tickets?
when checking in at the baggage drop off point?
at the departure gate?
shortly after boarding?
at the end of the flight when the spraying will commence?

Unless it is one of the first two situations, where passengers have advanced notice and can have the option to choose not to travel, it should be unlawful.

Thanks for this information. I will make certain I check into this before traveling to any country which would require airlines to expose my family to these poisons.

مكرر

Quote: فسأل الموظف هل يوجد ضمن التذكرة فندق أم سيقضي الساعات العشرة بالمطار فسأله الموظف جوازك شنو؟ لو مسافر بالجواز السوداني ستقضي الساعات بالمطار ، اما بالجواز الهولندي فستحجز لك الخطوط بفندق، ولمن سأله ليه تفرقوا بين مسافرين يدفعوا نفس قيمة التذكرة ، الموظف قال ليه ده التعليمات ، هل في عنصرية اكثر من كده!!

كضـــــــــــــــــــــــاب والله كضاب
اي ترانزيت اكثر من 9 ساعات تراعي فيه قيمة التذكرة ويمنح المسافر فندق لكن زولك بكون قطع تذكرته علي اقل درجات الدرجة السياحية وهي ثلاثة درجات ..
او زولك ده باري الاوفرات بتاعت الانترنت فما تجنو ساي علي شركة محترمة زي طيران الامارات
ــــــــــــــــــــ

بالنسبة لاخونا صاحب البوست واللي قال انه العبوة مكتوب عليها انه يجب ان لا تستنشق !!!
انت عارف انه فتيل الريحة بتاعتك اي كان نوعه برضو مفروض ما تستنشقه بصورة مباشره ؟؟

الاخ اسامة تحياتي
العرب بكل مكوناتهم يتعنصرون تجاه الافريقي حتي هنا في امريكا اذا ارد السؤال عن شئ يذهب الي الابيض حتي لو كان الاسود اقرب اليه.
رش الطائرات اجراء مبرر اذا كانت هناك اوبيئة او كوارث طبيعية في منطقة ما .ما السبب في حالة السودان

الاخ يحي قباني ذكرت
الكلام ده في اواخر سبيعينات القرن الماضي ...

وكانت في مشاكل حمي صفرا و كوليرا و بلاوي ...
اذا كان هناك مبرر للرش ..ما المبرر الان الا اذا كان المبرر السودانين في حد ذاتهم

سلام عليكم

اظن عضو المنبر الصادق عبدالرحيم
احد القيادة في طيران الامارات ,,

الاخ عثمان تحياتي حتي لو اتفقنا علي انه اجراء صحي فلا مبرر له تجاه السودان اذا لم يعلن عنه انه منطقة وباء او كوارث

Quote: أعتقد الإجراء مأخوذ من ناحية صحية وليست عنصرية بعض الدول يتطلب إجراء صحى عند القدوم منها مثلا" فى كثير من المطارات القادمون من أفريقيا يتطلب كرت الحمى الصفراء وإذا كنت سودانى أو أفريقى وقادم من أى منطقة أخرى لا يتطلب ذلك . يعنى التمييز ما تجاه عنصر معين بقدر ما إنو تجاه مناطق جغرافية معينة يتواجد بها نوع معين من الأمراض أو الحشرات. وأحسن أتقدمت بشكوى يمكن يكون الإجراء رغم وجاهة منطقو غير قانونى تحياتى

كلام سليم، أنا شخصيا حصل لي الكلام دا في أكثر من دولة لو كنت قادم من السودان و عدد من الدول (في قائمة بالدول دي) بيطلبو منك كرت صحي أو بيعملو ليك كشف طبي في المطار...

أنا كنت مرة جاي من الدوحة و مرة من أبوظبي ما طلبو مني أي كشف رغم أنه جوازي سوداني، الموضوع أبداً ما عنصرية تجاه السودانيين في حد ذاتهم أو أي جنس، مجرد إجراء وقائي عادي و مافيهو حاجة...

وزي ما قال أخونا أسامة البلال فعلا نحن السودانيين بقى عندنا عقدة انه العرب عنصريين تجاهنا



تحياتي..

الاخ بدرالدين الطائف
أيام انتشار حمى الضنك فى السعودية وتحديداً منطقة جيزان.
كان هناك سبب مبرر لرش المبيد وهو وجود مرض معين ما السبب في حالة السودان

الاخ بدرالدين الطائف
أيام انتشار حمى الضنك فى السعودية وتحديداً منطقة جيزان.
كان هناك سبب مبرر لرش المبيد وهو وجود مرض معين ما السبب في حالة السودان

الاخ الصادق مشكور علي المساندة والدعوي مجرد تعبير للرفض.

Quote: ..ولا نحاول ان نبرر لهم فالذباب والبعوض موجود حتي في البيت الابيض.

الجاك !!

انا شايف فحص الايدز والملاريا واب قرنبو والباعوضة ....ما مكن تعملو لناس جايين من السويد مثلا ...والا يكون غباء وتضييع فلوس ساكت ...
لكن عادى لبلاد منتشره فيها الحاجات دي...

وين العنصرية هنا.؟

امشي امريكا ذاتها ....في المطار ممكن يعزلوك من دون الناس عشان يفتشوك لوحدك...دة برضو عادي ..وما فيه عنصرية ..لانه جهاتكم بيجى منها الهوا دايما ..

الاخ عوض عمر انا عايش في امريكا واعمل بشرطتها واي اجراء يتم معك يكون له مايبرره ويتم شرح الاسباب من الاجراء وتمضي علي موافقة حتي يتم الاجراء..لكن السؤال هناما السبب والسودان ليس بها وباء معلن

يا حافظ معليش اسمح لي اقول ليك دي حساسية مفرطة ... حسب وظيفتي فأنا كثير السفر لي اسيا و اروبا و استراليا ... مريت بنفس الموقف قبل اقل من ثلاثة اسابيع في رحلة من دبي لي غوانزو في الصين و قبل الهبوط في مطار غوانزو تم رش الطائرة بنفس المادة و أيضا في خط الرجعة .. و حصلت لي مع طيران الامارات في رحلة بين دبي و أمستردام قبل أشهر و بين دبي و ملبورن استراليا ... و في رحلة الخطوط السنغافورية من سنغافورة لي ملبورن .. و الخطوط الماليزية من بانكوك لي كولالمبور ... و في رحلة الخطوط القطرية من الدوحة لي كولالمبور و في رحلة الخطوط الامارتية من تايلند لي دبي ... و في رحلة خطوط الاتحاد من ابوظبي لي سدني قبل اكثر من عامين ..

يعني دي أجراء متبع في أكثر من دولة و الخطوط ملزمة بي تطبيقه إذا إجراءت دولة القدوم تتطلب ذلك ..

الاخ alfarwq
احتمال تكون حساسية مفرطة من جراء مانتعرض له من هوان في اي مكان وعلي العموم سنري ما ستفعله الدعوي من رد فعل

حوادث ومشاهد مكرره وحصل من مصر الشقيقة ورشوا الطيارة قبل ما ينزل منها اي زول في مطار القاهرة

السوداني في السعودية مطلوب منه فحص الايدز والسحائي دون غيره من الجنسيات الاخرى عشان اسمراني يا شباب

العرب اصحاب البشرة البيضاء دي نظرتهم لينا ويتأففون من كل ما هو اسمر افريقي

عشان كدا ما نفنجض في بعضنا البعض ونتعالى ونستعلى ونقول دا بريمة عرب ودا دينق زنجي

والله فاكينها في روحنا ساي وما بتجيب اي حاجة مع الجماعة ديل وكلنا عند العرب هؤلاء صابون بلا جعلي بلا زغاوي معاكم

حسين عبد المجيد..لايك كبير
هذا قدرنا ونتعامل معه بحكمة

سلامات أخ حافظ

سؤالي؟؟؟

معروف ان طائرة الامارات القادمة من السودان اغلب ركابها أجانب غير سودانيين

والسؤال هل قاموا بفرز الافارقة والسودانيين من الاماراتيين والهنود وغيرهم من ركاب الطائرة؟

الاخ صابر تحياتي
طبعا لا ...واظن سافرت بيها انت قبل كده.
مصدر دهشتي كانت الرش في وجود الركاب .سافرت تقريبا الي معظم الدول وبمختلف خطوط الطيران ولم اري هذاالمنظر الا في الثمانينات بمطار القاهرة.ايضا ماهو المبرر وقد ذكرت المضيفة انهم يرشون الطائرات القادمة من افريقيا وهنا تحديد لمكان دون مبرر كوجود وباء مثلا.

This is a normal procedure and there is nothing wrong about it
The problem is rooted in the perceiption reflecing a sterotype of our own creation while the same no where on the others thoughts...only on our deeply engarved aspects of inferiority

Bother Malik
is normal if there is a reason ..but there is no reason
did they do that with all airplane ..no... some country
we have to do something .

Quote: السوداني في السعودية مطلوب منه فحص الايدز والسحائي دون غيره من الجنسيات الاخرى عشان اسمراني يا شباب

دي يا حسين بالغت فيها و خيالك سرح .. أنا القدامك دي بحمل جنسية غربية ... و معاي باقي الموظفين الاجانب كلهم من اروبا ... عيون شقر ... ما زي ... كلنا بنجدد في اقاماتنا الاسبوع الفات و عملنا فحص أيدز و هبتايتز و أولادي طلبوا منهم شهادات تطعيم موثقة من وزارة الصحة السعودية و سفارة المملكة في دولنا .... يعني الحكاية ما عنصرية أبدا أجراء بلد عجبك تمشي بيه ما عجبك تخليه ... خلونا من العقد و الدونية المعشش في رسينكم دي

عزيزي صاحب البوست وضيوفه
تحية طيبة
ليس للعنصرية دخل في الأمر بل يحدث في الكثير من دول العالم ، كنت على رحلة من عاصمة خليجية الى لندن على الخطوط البريطانية فقام المضيف بنفس العملية ورش الطائرة كلها وبعد ذلك بحثت في الأمر فعلمت ان المنطقة التى تحيط بمطار هيثرو وجد بها كميات هائلة من البعوض ثبت أنها تأتي عن طريق الجو لذا كانت عملية الرش الوقائية ، فليس في الأمر عنصرية خاصة إذا سلمنا بأن الخرطوم بها بعوض وان العفش والناس وبكل بساطة لا يتم فلترتهم من البعوض في الطائرة فلا تأخذوا الأمر بأكثر مما يحتمل .
شعب الإمارات شعب مضياف طيب متواضع يعيش بينهم آلاف السودانيين ونزلت ضيفا على بلادهم مرارا ولم أجد منهم سوى كلمة مرحبا يا زول بل كانت إجراءات دخولي أسرع وأسهل من إجراءات حملة الجوازات الغربية بل وإضطررت لإنتظار زميلي الهندي لأكثر من ساعة لإكمال إجراءاته التى لم تكن أوراقه تنقص عن اوراقي بشئ.
تحياتي

الاخ محمد الزبير ..اوضحت بان المنطقة بمطار هيثرو كان بها برك تتوالد بها البعوضة وهي شئ اعلنته السلطات.اذا هو اجراء مبرر ..ما المبرر بالنسبة للسودان وعلي مدار السنة فاذا كان هناك شئ معين او وباء فلتعلن عنه السلطات او عند شرائك للتذاكر يتم اخبارك حتي يكون لك الخيار.خليهم يجو في مطار نيويورك ويعملوها بدون مبرر او سبب مقنع للركاب والسلطات.

يا حافظ سلامات
في عام 2005 الطائرة المصرية القادمة من القاهرة إلى جدة عملو فيها نفس الشغلانة دي ، و كان فيها ما لا يقل عن خمسين من الطلبة و الطالبات السعوديين ، و كنت السوداني الوحيد و البقية مصريين
- رغم الأمثلة الكتيرة الجابوها ليك الزملاء خصوصاً الفاروق برضك مصر على ( العنصرية ضد السودانيين )

الأخ حافظ هذا الإجراء لا يخص فقط قارة بعينها أو جنس أو عرق بعينه
أثناء دراستي في الهند سافرت بالامارتية و القطرية و الهندية
و كانوا يقومون بهذا الإجراء من مطارات الهند المختلفة (دلهي ، بومباي ،كليكات،مدراس)
في الرحلات المتجهة إلى الخليج .
و كانت الطائرة بها مختلف الجنسيات لم أرى اعتراضا من الهنود مثلا و اعتبارهم ان هذا الفعل
عنصرية ضد الهنود أو قارة آسيا .



...........................
هدئ من روعك !!

الاخوان كمال ومحمد يوسف .انا ما مصر علي موضوع العنصرية يمكن الاراء التي طرحت والامثلة تكون ادتني فكرة لكن الطلعت بيهو من اراءالاخوان انو يتم رش الطائرات في
مناطق كثيرة من العالم وفي اغلب الحالات تكون هناك مبررات منطقية..سؤالي ماهي المبررات في حالة السودان حتي المضيفة اجابتها لم تكن منطقية برش الطائرات القادمة من افريقيا بدون ماتوضح السبب.

الاخ سامي من الفيسبوك..من كثرة مانتعرض له من معاملات اصبحت عندنا حساسية مفرطة...
وافتكر الحوار الدائر الان هو حوار راقي فيه كثير من الحديث المنطقي ويخلو من الانفعال واساليب مقنعة لايصال وجهة نظر معينة.اتمني ان نناقش كل قضايانا بذات المستوي..

نانا فتحي من الفيسبوك شكرا علي الدعم والمساندة.
المصريين دول اخطر زول فيهم مات بالبرهاسيا، عبد الحليم حافظ مثال، وأعلى نسبة اصابات بمرض الكبد الوبائى فى العالم العربى وأفريقيا هى مصر ! فالشئ البحير يقوموا راشين ليك السفريات الجاية من الخرطوم بالبف باف بدون حساب للحالات الصحية المتباينة للركاب من جميع الاعمار. فى سفرية بالباص من العاصمة اتوا إلى مونتريال إحتجت إحدى الركاب بان إبنها يعانى من الربو الحاد والراكبة قبالته فى المقعد تضع عطر نفاد مما سيسبب له حالة إسعاف فما كان من سائق الباص للقرى هاونت إلا وطلب من السيدة دات العطر النافد بالنزول والإلتحاق بالبص الثانى بعد ساعة من الزمان وتم تحدير الركاب من إستخدام الروائح النفادة عند السفر مراعاة للمسافرين ! يعنى راكب دى ده لو رشوهوا بالبف باف حيحصل شنو ..يموت يعنى ! من المنطق ان تقوم كل خطوط الطيران بطلب إستخراج شهادات صحية للمسافرين من الدول الموبؤة بامراض معدية معينة قبل إقلاعهم او حتى قبل إتمام عملية الحجز والسفر الفعلى. وان تقوم كل الطائرات بالرش قبل وبعد السفرية ويمر بعدها الركاب القادمون من المناطق الجغرافية سيئة الدكر بغرفة تطهير بيولوجية تقوم بالتخلص من كل ما يحملونه على اجسادهم من حشرات وبراغيت. ولكن ان يصبح الموضوع إنتقائى وبدون مبريرات فهدا غير مقبول ويمكن لاى راكب تضرر ضررا صحيا من هكدا إجراء بدون إعلام مبكر لهده الإجرائات واخد التحوطات من قبل الشركة والراكب قبل الصعود الى الطائرة، إلى مقاضة الشركة الناقلة والمطالبة بتعويض عن الضرر والعلاح وتداعيات الإصابة من فقدان وظيفة او خسران صفقة مهمة او حتى مجرد تأخير عن قضاء عطلة ممتعة كان مخططا لها ! Go ahead Mr. hafiz Bakhit with your lawsuit specially if you and your lawyer think it's not going to drag you into a meaningless dilemma and a waste of time and energy

مكرر

الاخ حافظ

مشكور علي الموضوع

طيران الاتحاد وهو الناقل الرسمي لامارة ابوظبي ماعندهم هذا الاجراء مع انها دولة واحدة وسافرت كتير بطيران الاتحاد الي مختلف الدول

لم اصادف ولو مرة واحدة هذا الامر ومع ذلك موضوع العنصرية ده الامارات ابعد الناس عن ذلك لانهم بصراحة قمة الذوق والاحترام

بس ارجو لو كان هذا الامر ممكن يؤثر علي السودانيين اخوانك بالامارات برجاء عدم الاستمرار في الدعوة وانما اكتب لهم خطاب لادارة الشركة

اعلن فيه رفضك لهذا الامر وتاكد انهم حيردوا ليك وبارك الله فيك يااخوي ولك كل الشكر

الاخ حافظ بخيت
لك التحيه

تعرف الشعب السوداني بقي شعب الله المختار

ياخي دي عقده نقص عقدت العقده

سافرنا الي جميع بقاع الدنيا و شاهدنا نفس الاجراء الاحترازي

يعني عشان السودانيين شعب الله المختار و عشان عقدتهم المتأصله اخلو ليهم كل اجراءات السلامه البيئيه

لعلمك هذا الاجراء يضبط بمعيار ايزو OHSAS : 18001 : 2007

برضو لعلمك الذي لا يلتزم بهذا المعيار ممكن اسحبو ترخيصو و برضو بالقوانيين الامريكيه بتاعتك ده

امس في ملبورن و علي نفس الطياره الاماراتيه ، تم نفس الاجراء

ياخي اقعدو في الواطه

و اتركو العقد ،

كرهتونا السودان و يوم السودان

كل شئ السودان السودان ، التقول نحن نازلين من السماء

مواطن

أولا، العنصرية موجودة في كل مكان وتطل بوجهها القبيح من حين لآخير.. لسه مسيرة الإنسانية طويلة.
بس في المثال موضوع البوست، اتفق مع الزملاء القالوا انه إجراء روتيني وصحي
وانا مع الإجراء وان تطلّب رش العفش والمسافرين واحد واحد طالما جايين من بيئات فيها ملاريا وسل وغيره لأنه لمصلحة الجميع
وانا لو في الطيارة دي بقول ليهم ابدوا بي عليكم الله عشان اتخلص من اي بعوضة مبارياني..

عن طيران الإمارات، طيران محترم وتاج على راس الصناعة دي، طيارات فخمة وكفاءتها عالية جدا، مواعيد تمام، وبرنامج الترفيه المرئي والمسموع لا يعلى عليه..
بس الأكل كعب جدا في وجهة نظري والطاقم الجوي اصبح ما عندو صبر وكثيرا ما تكون اخلاقهم ضيقة مع الركاب.

في مطار هونغ كونغ، بمجرد دخولك الصالة بيطلبوا من اللابسين طواقي خلعها
وذلك لأنه في جهاز فوق بقيس درجة حرارة راس كل مسافر .. ههههه.. وبنّبه القائمين على الأمر، ده كان أيام ال SARS هسه ما بعرف حاصل شنو
المهم الجميع التزموا بالتعليمات ومافي زول قال كاني ماني ولا اشمعنى انا .. بس احنا السودانيين حجتنا كتيرة ٍ

____
سلام يا سيد البوست

سيد البوست بعد السلام

Quote: أود أن أقول وحسب معرفتي بالأنظمة في دولة الإمارات, إن الناس ديل ما فاضين لي عنصرية وللكلام الموجود عندنا في السودان الناس ديل مهنيين وهمهم الأول أن يرفعوا نسبة الجودة الموجودة في البلد بل نسبة الإمتياز والتميز ومشغوليين من التحول من الحكومة الإلكترونية إلى الحكومة الذكية ورفاهية المواطن وغيرها من سبل

اجراء روتيني وصحي لمصلحتك و لمصلحه غيرك من الركاب اتفق انه يجب رش الطائرة قبل دخول الركاب ..... لو حصل سافرت علي الآماراتية للسعودية ايام الحج و عمره رمضان حتلقاهم بعملو حاجه قريبه لدي .

إستفحل الرش !

إستفحل الرش !

Quote: الاخ بدرالدين الطائف أيام انتشار حمى الضنك فى السعودية وتحديداً منطقة جيزان. كان هناك سبب مبرر لرش المبيد وهو وجود مرض معين ما السبب في حالة السودان

سلام ياحافظ
السودان فيهو الكثير من الوبئات البتحدث باستمرار.
والاهم الملاريا .

الناس تفتش على العنصرية عشان تلبسها جلابية
ارحمونا ياجماعة و بالمرة اركبوا سودانير وخلاص

الاخوة الاعزاء المتداخلون..تحياتي وشكري لكم علي النقاش وطرح الاراء وتوضيح بعض الحقائق يمكن ان تكون غائبة عن الشخص ولكي اوضح ايضا بعض النقاط لمن انفعل لمجرد طرح الموضوع للنقاش واعتباره نقص او دونية..
اولا نحن شعب كثائر شعوب الدنيا لنا طرقنا المختلفة في التفكير والتعامل مع الامور كل حسب وجهة نظره وبيئته فما يقبله شخص لا يقبله الاخر.
ثانيا عندما طرحت الموضوع هنا طرحته للنقاش وسماع اراء مختلفة بما فيها السالبة والمهاجمة حتي تعم الفائدة وتضيف معلومة جديدة.
ثالثا عنوان الوست استشفيته من كلام المضيفة عندما ذكرت لي بانهم يرشون الطائرات القادمة من افريقيا اي لم اتي به من فراغ او نقص اوعقدة دونية .
رابعا الحدث نفسه اول مرة امر به فطوال عشرين سنة اسافر علي طيران واخرها and#1634;and#1632;and#1633;and#1632; علي المصرية ولم اري رش .
خامسا الدعوي لاعلاقة لها بعموم السودانين فهي شخصية بيني وطيران الامارات باعتباري متضرر من اجراءهم ولم اخيير ولم اعلم بالامر مسبقا ومتضرر صحيا باعتباري مريض ازمة..والدعوي لاتتضمن تعويض مالي بل تعويض معنوي عن الضرر..