ابقوا ادوهم كورسات فى الاحترام لمن تعملوا حملات يا ناس المرور

عشان شافنى براى يعنى
اخير كان خلعت بدلتك فى نص الشارع وبعد دا قل ادبك زى ما عايز
لكن مافى داعى بزيك الرسمى
تتعامل بقلة احترام
حالتها الساعه 2 الظهر
والسخانه مولعه فى كل زول فينا جهنم
كان بعربيه كان كدارى بيقول وب الروب
لفيت ولقيت الحمله فى وشى فى عبيد ختم
ماعندى مشكله مشيت بثقه
ورابطه حزام الامان
الاستوب احمر ووقفت عادى
جانى بالشباك المعاكس قال لى حزامك مرخى
عاينت لحزام قولت له شنو مرخى دى
قال لى مرخى ما مشدود كويس
قولت له محتاج يعنى تصليح
قال لى بضحكه ماياها
لا مافى داعى ممكن اجى اشده ليكى بنفسى
طوالى حسيت ان الحكايه قلة ادب فارغه
منها كانت الاشاره فتحت
ابيت ارد اصلا عليه وعلى سخفه
ومشيت بدربى
ما مشكله
عادى
مش
نتفائل من اجل الوهم البتصروا تنصحونى بيه
ان الحياه جميله والبشر محترمه والخير متوفر بكثره وانا زوله غاويه نككككككككككككككككد
شخصيا ما عندى مشكله
دقيت لود اهلى وكان قريب وجاه سمعه فارغه وما قدر يرد
لكن الباقيات والبيحصل باسوء من كده
دى مشاغله عاديه
وعاديه جدا لو صدرت من زول فى الشارع
لكن احترموا زيكم البتلبسوا اقلها
لانه ما بيعكسكم وبيعكس مهنتكم المفرووووووووووووووووض تكون
لحماية الشعب والمواطنيين يا ناس المرور

سلام رانيه، نقول شنو بس حسبنا الله ونعم الوكيل...

أقذر خلق الله شرطة السودان بكل مسمياتهم، وياما شفنا منهم كل أنواع قلة الأدب وعدم الإحترام...

بالمناسبة يا رانية
الاجهزة النظامية من شرطة وجيش وقوات اخري, من اكثر المؤسسات التي يطالها التخريب
والعبث وتجاهل احتياجياتها لاداء خدمانتها. في ظل الانظمة الدكتاتورية والتوليتارية
مثل نظام البؤس الاسلاموي بالخرطوم.
هذه الحقيقة تغيب عن الكثيرين. واعتقد مبررات ذلك واضحة للعيان, بمثل الموقف السخيف
الذي تعرضتي له.
عموما هذا لايقدح في منارات رجال الشرطة ونساء الشرطة, الذين خدموا الشعب. وكانوا يضعون
شعار الشرطة الاشهر نصب اعيينهم.


التحية لك.

اخي الفاضل ودا البيزعل ،مهن ليها تاريخ وقدسيه بقيت تهان وما تحترم كان مرور كان شرطه كان طب كان تعليم كان القضاء رسالتها الاصليه اختفت

أخي وائل صدقني ياما شوفنا سخف ومشينا لكن دي اسمها وقاحه غايتو حنصل وين ازيد من كده

تحياتي يا أخت رانيه

انتي غلطانه ..ماكان تمشي لمن الاشاره بقت خضراء ...

كان تخلي العربيه في نص الشارع وتنزلي..

وتصرخي فيه باعلى صوتك :قلت شنو يامعفن ؟دي لو كانت أختك كان ترضى ليها كده

ولو معاهو ضابط قاعد بعيد كالعاده زي الملك داخل العربيه تمشي تشتكيهو ...يمكن يكون أحسن منو ...(أشك في ذلك )

وطبعا العربات وراك بتكون إتجمعت والناس إتلمت ..تقومي تصرخي تاني ...الحقووووني ...الزول ده إتحرش بي ..

والله حاتلقى مية واحد يدوهو ليك علقه مايحلم بيها ..والله إلا يقوم جاري ...
ده عباره عن وس خ وقرف وعفن وزباله ماشيه وسط الناس

وزيادة فوق كلام د. صديق يبقى هناك الحق العام وزيادة على الفارغ المافارق مع الصعاليك ده لو اعتبرناهو فارغ لأنو كلام وتأديب مستحق لمثل هذا المستهزئ

كان بعد ذلك يكون هناك مساءلة قانونية تطاله فالشخص معروف واسمو في ديباجتو والشارع عام وألف من يشهد..

ويكون بي كده ادبه ليهو ولأشكاله..

فليس كل البنات بقوة بت الشيخ .. فالعسكري شكلو متعود!

فى الف من يشهد يا عوض ما اظن
كان بيتكلم وعربات التانيه حواليه
زول سئله بتقول فى شنو مافى
برغم صوته كان عالى
:((((
دا لمن المتسولين الفى الاستوبات يضايقوا وحده سايقه
وشخصيا حصلت معاى
واحد بالغلط بيدخل ويقول له عيب مافى
بالعكس بيقعدوا يضاحكوا فى الحاصل

دكتور الصادق
ود اهلى لمن جاه قال له بالله حزامها مرخى
واداه فى الميتين ستين
ودا يقول له عيب نحنا متزوجين ما بنعمل كده
غايتو فكرة انى انزل دى اكضب عليك فيها
ما تشوف اللسان الطويل دا
كرعينى ماتوا عديل اصلا من الخلعه
فى مره كنت بتكلم فى موبايل وقام لفحنى بتاع مرور
وما اتفاهم معاى طوالى ركب العربيه وقال لى ارح
لصراحه اعصابى تجمدت
كيفين يركب معاى العربيه
ويشيل وينضم ويسئل فينى
هو الطبيعى يدينى مخالفه وخلاص
الركوب دا شنو لزمو
ولمن قربنا على رئاسة المرور قال لى خلاص ادينى اى حاجه وبخليكى
تصدق من خلعتى مرقت 20 الف فنيته له
كان همى ينزل من العربيه وبس
وحريقه فيه وفى القروش وفى المرور ذاتها
وفى مره واحد برضو لاطش منى 50 جنيه
اخويه قال لى تانى تركبى بتاع مرور بسود عيشتك
و لو وقفك منو ما تسمحى له يركب العربيه وتقفليها عليكى وتتصلى بنا
غايتو بالجد فى لحظات دى الرعب بيجمد تفكير الزول وانه بس عايز يتخارج
:((((((