Post: #1 Title: مناصرة الدكتاتوريات او المشاركة فيها خيانة للاوطان Author: abubakr salih Date: 05-30-2013, 04:12 PM
الدكتاتوريات تضعف الوطن، و تمزق المجتمع بالصراعات السياسية و ربما الصراعات المسحلة كما هو الحال فى السودان.
Post: #2 Title: Re: مناصرة الدكتاتوريات او المشاركة فيها خيانة للاوطان Author: abubakr salih Date: 05-30-2013, 04:14 PM Parent: #1
الدكتاتورية سلطة مطلقة، سلطة بلا رقابة شعبية او قضائية. و السلطة المطلقة فساد مطلق.
Post: #3 Title: Re: مناصرة الدكتاتوريات او المشاركة فيها خيانة للاوطان Author: abubakr salih Date: 05-30-2013, 04:17 PM Parent: #2
و الفساد يعني مزيد من الاضاف للوطن، مزيد من اٍضاعة الحقوق و مزيد من التمزق الاجتماعي و مزيد من الغبائن الاجتماعية و المرارات.
Post: #4 Title: Re: مناصرة الدكتاتوريات او المشاركة فيها خيانة للاوطان Author: abubakr salih Date: 05-30-2013, 04:28 PM Parent: #3
تسلط، فساد، غبائن و تفكك اٍجتماعي و تفكك فى الرابطة الوطنية هذه هى ثمار الدكتاتوريات.
Post: #5 Title: Re: مناصرة الدكتاتوريات او المشاركة فيها خيانة للاوطان Author: abubakr salih Date: 05-30-2013, 05:34 PM Parent: #4
الدول النامية -مثل حال بلادنا السودان- اصلا دول لديها مشاكل كثيرة و عقبات كبيرة فى تعترض طريقها للتنمية و النهوض. عشان كده بلد زي ما ناقصة مشاكل زيادة الفيها مكفيها، مافى داعي يقوم حفنة من ابنائها بالانقلابات العسكرية و التحكم فى السلطة و المال مما يولد الصراعات التى نراها الان.
عشان كده نقول للناس الدكتاتورية خيانة للوطن.
Post: #6 Title: Re: مناصرة الدكتاتوريات او المشاركة فيها خيانة للاوطان Author: Barakat Alsharif Date: 05-30-2013, 05:46 PM Parent: #5
Post: #7 Title: Re: مناصرة الدكتاتوريات او المشاركة فيها خيانة للاوطان Author: abubakr salih Date: 05-30-2013, 06:10 PM Parent: #6
ايوة يا شيخ بركات، الكلام الانا بقول ليهو دا حصيلة التأمل فى التاريخ تاريخنا السياسي القريب كل الدكتاتوريات انتهت بحتطيم الوطن، عبود و نميري والبشير و كمان حقت البشير فاتت الكبار و القدرها اخرها مصطفى عثمان بمشى الخليج يسوم الاراضى السودانية للعربان.
انا بتعلم من دروس التأريخ فهل تعيها انت؟
Post: #8 Title: Re: مناصرة الدكتاتوريات او المشاركة فيها خيانة للاوطان Author: Barakat Alsharif Date: 05-30-2013, 08:46 PM Parent: #7
زيك بتعلم
Post: #9 Title: Re: مناصرة الدكتاتوريات او المشاركة فيها خيانة للاوطان Author: Nasr Date: 05-30-2013, 09:03 PM Parent: #8
Quote: تسلط، فساد، غبائن و تفكك اٍجتماعي و تفكك فى الرابطة الوطنية هذه هى ثمار الدكتاتوريات
سلمت يداك يا أبوبكر
Post: #10 Title: Re: مناصرة الدكتاتوريات او المشاركة فيها خيانة للاوطان Author: abubakr salih Date: 05-31-2013, 11:52 AM Parent: #9
Quote: سلمت يداك يا أبوبكر
لك التحية يا نصر.
Post: #11 Title: Re: مناصرة الدكتاتوريات او المشاركة فيها خيانة للاوطان Author: abubakr salih Date: 05-31-2013, 11:53 AM Parent: #10
Quote: زيك بتعلم
ما باين للاسف!
Post: #12 Title: Re: مناصرة الدكتاتوريات او المشاركة فيها خيانة للاوطان Author: abubakr salih Date: 05-31-2013, 11:57 AM Parent: #11
فى تجربة الانقاذ حكاية جديرة للتأمل. الانقاذيين كانو اكثر من يزعق بأسم الحفاظ على الاراضي و المكتسبات الوطنية و اٍستقلال القرار السوداني و عيييييييييك سيل من الهرطقات اللانهائية. فى الاخر انتهى بنا الحال ان تتأكل الدولة كلها من الاطراف و كل دولة من دول الجوار اقتطعت لها نصيب مقدر من الاراضي السودانية بل و اصحبت الانقاذ زاتها تجرى وراء و الوسطاء و تستأجر السماسرة لتدخل فى رحمة القوى الامبريالية و العالمية.
Post: #13 Title: Re: مناصرة الدكتاتوريات او المشاركة فيها خيانة للاوطان Author: عاطف عمر Date: 05-31-2013, 12:00 PM Parent: #1
تحياتي وسلامات عزيزنا أبو بكر
أبنوا أحزاب ديمقراطية ... ديمقراطية حقيقية لا ديمقراطية ( الزعيم الخالد أبداً ) علموا الأحزاب ومنسوبيها حق المختلف معها في الوجود وفي الرأى وفي التعبير وفي الممارسة بل ودافعوا عن حقه في الوجود وفي التعبير عن رأيه
تتعلم الأحزاب مجتمعة أصول الممارسة الديمقراطية
بعد كل هذا
لو جاء عسكري بدبابة لومني أنا القدامك دا
____________
راجع دروس تاريخ السودان القريب يا أبوبكر لم يأت إنقلاب عسكري إلا نتيجة لفساد الحكم ( الديمقراطي ) الذي كان قائماً ولهشاشته وماجاء إنقلاب عسكري إلا ورحب به الناس أو قابلوه بعدم إكتراث
Post: #14 Title: Re: مناصرة الدكتاتوريات او المشاركة فيها خيانة للاوطان Author: Barakat Alsharif Date: 05-31-2013, 09:21 PM Parent: #13
Quote: ما باين للاسف!
نفس الشعور والاسف
Post: #15 Title: Re: مناصرة الدكتاتوريات او المشاركة فيها خيانة للاوطان Author: abubakr salih Date: 05-31-2013, 09:24 PM Parent: #13
Quote: أبنوا أحزاب ديمقراطية ... ديمقراطية حقيقية لا ديمقراطية ( الزعيم الخالد أبداً ) علموا الأحزاب ومنسوبيها حق المختلف معها في الوجود وفي الرأى وفي التعبير وفي الممارسة بل ودافعوا عن حقه في الوجود وفي التعبير عن رأيه
يا باشمهندس، لك التحيات الطيبة و المودة. كلامك سليم جداً جداً. الاحزاب الحالية تعاني بشدة من غياب الديمقراطية و عدم القدرة حتى على التغيير و اٍستيعاب متغيرات الواقع.. لكن الاحزاب دى بكل مشاكلها الا انها بت حلال، الشئ بالعمولوا فيها الكيزان دا ولا الشيطان ما ممكن يعمله.
بالنسبة للكيزان القضية الاساسية هى كرسى السلطة الذى يجلسون عليه، كل السودان يتمثل فى هذا الكرسي، و ما عندهم مانع يبيعوا السودان كلها مقابل الحفاظ على الكرسي. الناس ديل ببيعوا فى السودان بالقطاعي. ببيعوا حاجات زاتها ما ممكن تخطر على قلب بشر مثل بيع خط هيثرو!