Post: #1
Title: الوالي ينفق مليون دولار لتكريم نفسه
Author: د. ياسر عبد القادر
Date: 05-29-2013, 10:28 PM
علي ذمة كفر ووتر....علي ذمة أهرام سبورت
طلب مسئولو الأهلي من نظرائهم في المريخ السوداني عدم تكريم حسام البدري المدير الفني للفريق الأول لكرة القدم بالقلعة الحمراء ضمن المباراة التي ستقام يوم الجمعة المقبل احتفالًا برئيس النادي جمال الوالي ، وحصل النادي الأهلي علي 150 ألف دولار للموافقة علي حضور تكريم الوالي بأمواله ، بالإضافة إلي 50 ألف دولار لم يتضمنها العقد ، واشترط مسئولو القلعة الحمراء تحمل النادي المضيف تكاليف السفر والإقامة
وتطير بعثة فريق الأهلي برئاسة خالد الدرندلي إلي السودان غدًا الخميس علي ان تقام المباراة في اليوم التالي ، وتعود البعثة يوم السبت ، وينضم اللاعبون الدوليون إلي معسكر المنتخب عقب الوصول إلي القاهرة مباشرة ، استعدادًا للمواجهتين الأخيرتين بالتصفيات المؤهلة إلي نهائيات كأس العالم 2014 ، وحصر بعض الأشقاء السودانيون المبلغ الذي سيقوم جمال الوالي رئيس النادي بصرفه لتكريم نفسه علي أمر غير واضح حتي الآن ما يقرب من مليون دولار ، وانحصرت التكاليف في المبلغ الذي حصل عليه النادي الأهلي والإقامة والسفر والهدايا التي سيتم توزيعها خلال الحفل ، بالإضافة إلي وفد القنوات الفضائية التي سترافق البعثة
http://sport.ahram.org.eg/NewsQ/55653.aspx
الخبر كما هو من أهرام سبورت
|
Post: #2
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-29-2013, 10:56 PM
Parent: #1
طب وهم مالهم........والينا ولا واليهم
إحنا راضيين....يكرم نفسو....يهشك نفسو....يدكتر نفسو
فلوسو و هو حر فيها
حكمة اليوم: اللي عندو قرش محيرو.......يشتري بيه حمام و يطيرو
حكمتو بالغة
|
Post: #3
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-29-2013, 10:59 PM
Parent: #2
بعدين جمال الوالي دا شكلو ما إشتغل في الخليج قبل كدا.......لو حصل مر علي الخليج في دورة حياتو السريعة دي...ماكان أدي أهمية قدر كدا لأولاد بمبة ديل
|
Post: #4
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-29-2013, 11:04 PM
Parent: #3
إهتمام جمال الوالي المتزايد بأخوانا أبناء النيل ديل ذكرني عهدا مضي...كانت فيه مصر أخت بلادي الشقيقة.....كانت مصر هي أقصي ما يتمناه السوداني...اللي عايز يتاجر يمشي مصر...واللي عايز يسيح يمشي مصر...واللي عايز شهر عسل يمشي مصر.....
أذكر جارنا قبل عيد الضحية ...قد مرض خروفه مرضا شديدا....فنصحه بعض الاقارب بالسفر به إلي مصر لعلاجه....وقد كان....(-:
|
Post: #5
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-29-2013, 11:12 PM
Parent: #4
وجمال الوالي هذا الذي يصرف مليونا من الدولارات لتكريمه....سمعت أنه خريج جامعة بيروت (في الاسكندرية)...وكانوا يسمونهم البيارتة كما سمعت من أخوتي...لأنهم يداومون عكس الناس...وإمتحاناتهم عكس الناس...بل و شهاداتهم ذاتها عكس الناس....لدي أخ بعد أن تم صرف دم القلب عليه...أخذ شهادة من مثل البيارتة...ومن ثم علقها علي حيطة الديوان...ولم يتذكرها مرة تانية
ماعلينا.........إحنا كنا فين......أه تكريم الوالي لنفسو بمليون دولار
طب ياخي كنت تدي أب كرشولا خمسين جنيه بس
|
Post: #6
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-29-2013, 11:15 PM
Parent: #5
الحضري لو سمع بي تكريمك لي نفسك بمليون دولار...بكرة بيجي طاير...من المطار و علي الملعب عدل
أصلو هو بيحب دورارررات الوالي جدا....مريخ إيه و بطيخ إيه....دا بيموت في الدورارر
|
Post: #7
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-29-2013, 11:22 PM
Parent: #6
أي و الله...السودان هو بلد العجائب...وليست بلد ( أليس)......عسكري حايم حفيان بيحرر في مدينة....وواحد بيكرم نفسو بي مليون دوررراررر
إنت قايل أولاد بمبة بيستروك.....
مثل اليوم: حامد العجاجة التشيل نعالك
|
Post: #8
Title: Re: الوالي ينفق مليون دولار لتكريم نفسه
Author: waleed nayel
Date: 05-29-2013, 11:28 PM
Parent: #6
د. ياسر ....تحاياي...
و كما علمنا انه تكريم بوصفه اكثر رئيس نادي محبوب او كما قالوا
والانكي انه في استفتاء برنامج تلفزيوني هايف ....
محن سودانيه لا اول لها ولا اخر
|
Post: #9
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-29-2013, 11:34 PM
Parent: #8
وليد سلامات
زول بيكرم نفسو بمليون دولار....صعب عليهو يشتري أصوات إستفتاء تلفزيوني هايف زي مابتقول.....أصوات شنو...دا ممكن يشتري الطربيزة كلها
|
Post: #10
Title: Re: الوالي ينفق مليون دولار لتكريم نفسه
Author: عبدالعزيز الفاضلابى
Date: 05-29-2013, 11:34 PM
Parent: #8
يادكتور إت ماعندك سالفة
تحياتي
أخبار أهلي شندي شنو؟
|
Post: #11
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-29-2013, 11:39 PM
Parent: #10
سلامات يا فاضلابي......والله الدنيا ويكند....وأهو بتسلي
علي فكرة....بنطون الفاضلاب أخبارو شنو
|
Post: #12
Title: Re: الوالي ينفق مليون دولار لتكريم نفسه
Author: عبدالعزيز الفاضلابى
Date: 05-29-2013, 11:55 PM
Parent: #11
| Quote: علي فكرة....بنطون الفاضلاب أخبارو شنو |
تعيش إنت ـ
ياخ اتسلي بكاس خادم الحرمين الشريفين
ادارة فريق الاتحاد وكت اللعيبة الكبار قعدو يتدلعوا
فرتكوهو وجابوا ناس فهد المولد ـ اليوم لاعبين النهائي
مباراة الكورة في السودان رضاعة في في شطر ميت
بتجيب ليك الدغت.
|
Post: #13
Title: Re: الوالي ينفق مليون دولار لتكريم نفسه
Author: عبداللطيف شريف على
Date: 05-30-2013, 09:27 AM
Parent: #12
*
|
Post: #14
Title: Re: الوالي ينفق مليون دولار لتكريم نفسه
Author: حمزاوي
Date: 05-30-2013, 09:46 AM
Parent: #13
قرر لاعبو المريخ تكريم جمال الوالي وتقديم هدية له واتفق اللاعبون على استقطاع جزء من الراتب الشهري لكل وشراء هدية مناسبة وتقديمها لجمال الوالي مساء الغد في لفتة تؤكد مساهمة اللاعبين في تكريم رئيس النادي بمناسبة حصوله على لقب اكثر رؤساء الاندية شعبية على مستوي الوطن العربي وارجع لاعبو الاحمر لـ (سودانا فوق) ان مقترح التكريم جاء بناء على طلب من اللاعب هيثم مصطفى
|
Post: #15
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 10:05 AM
Parent: #14
حمزاوي يابو النسب......ياخ أضحك الله سنك
you made my weekend
مثل اليوم: يلمها النمل و ياطاها الفيل
|
Post: #16
Title: Re: الوالي ينفق مليون دولار لتكريم نفسه
Author: عبداللطيف شريف على
Date: 05-30-2013, 10:45 AM
Parent: #15
Quote: حمزاوي يابو النسب......ياخ أضحك الله سنك
|
دكتور ياسر حناسبكم انا كمان ...
ما عينة فريدة وكده يا ااا عظيم .....!!!
|
Post: #17
Title: Re: الوالي ينفق مليون دولار لتكريم نفسه
Author: حمزاوي
Date: 05-30-2013, 11:08 AM
Parent: #16
يا سلام يا عبداللطيف شريف
تعال ومن عيوني
انت بس شاور
دا شرف عظيم لينا انك تكون نسيبنا
اي رطانية يعجبك كلمنا وانا اكون الوكيل
وما يهمك
اصلو اسمك ظااااطو اسم رطانة يا عبداللطيف شريف علي
|
Post: #18
Title: Re: الوالي ينفق مليون دولار لتكريم نفسه
Author: عبداللطيف شريف على
Date: 05-30-2013, 11:20 AM
Parent: #17
Quote: يا سلام يا عبداللطيف شريف
تعال ومن عيوني
انت بس شاور
دا شرف عظيم لينا انك تكون نسيبنا
اي رطانية يعجبك كلمنا وانا اكون الوكيل
وما يهمك
اصلو اسمك ظااااطو اسم رطانة يا عبداللطيف شريف علي |
يا شيخ حمزاوى
انا كتبت ذلك زعل من صاحب البوست ....
لانو عفص لى ..
وكان رده لك لانك نسيبة ...
ويا اخى يشرفنى نسبك جدا وانا بعرفك خالص خالص ولدرجة ما حتصدقها ...!!
وصدق لك معزة وجدا عندى ...
وتقبل ودى وتقديرى يا كبيرنا الغالى .
اخوك المحسى ابن المحسى حفيد ترهاقا .
|
Post: #20
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 11:37 AM
Parent: #18
عبد اللطيف........
ياخي سبق السيف العزل
والله ماقاصد...بس بديت من أخر مداخلة...وبطلع لي فوق.أذن الضهر...مشيت أصلي و أجي راجع أواصل .....بعدين كروم دا ما زي اكسبلورر ...مابجيب لي كود و لازم أرجع و أعمل كوبي بيست تاني
بعدين إنتي قايلني مبسوط من نسب ناس حمزاوي ديل....إلا مقطعها في مصاريني ساكت...يازول أنا ولدي من هسي بيذكر المؤنث و بيؤنث المذكر...مع إنو مولود في أمريكا...شفت الناس ديل عرقهم قوي كيف؟؟ (-:
يازول خاطرك طيب....
بعدين يا حمزاوي ماتجي تسوق لينا بناتكم ديل هنا.......كفاية خارجنا ليكم واحدة (-:
|
Post: #19
Title: Re: الوالي ينفق مليون دولار لتكريم نفسه
Author: Sayed Bekab
Date: 05-30-2013, 11:31 AM
Parent: #15
دكتور ياسر و الاخوة الكرام كيفكم
| Quote: لو حصل مر علي الخليج في دورة حياتو السريعة دي...ماكان أدي أهمية قدر كدا لأولاد بمبة ديل |
200 الف دولار لفريق الاهلي عشان يلعب فى السودان ديل بمشو بلعبو فى الكويت ب80 الف دولار ؟؟؟ الله لي ناس قريحتي راحت ... التكريم واجب ما اختلفنا الزول فاز فى صدي الملاعب .... لكن صور علي بصات الولاية و مليون دولار صرف ليه ما في اي منطق ....... very interesting way of wasting 1 million USD ...... اها السنة الجاية حيفوز بيها رئيس نادي تاني و عايزين نشوف الفرق فى التكريم و الصرف ..... بالرغم من تحفظي علي صرف تلك المبالغ علي فريق من اولاد بمبه اتمني كل التوفيق للسيد جمال الوالي .
------------------------------------------------------------------------------------------------------------------------------------------------------------------------------------
بالله كرمو لينا معاكم البرير و خلوهو يحل عننا :)
|
Post: #21
Title: Re: الوالي ينفق مليون دولار لتكريم نفسه
Author: محمد علي البصير
Date: 05-30-2013, 11:49 AM
Parent: #19
Quote: ـ
جمال الوالي حارس الاموال المنهوبة من الشعب السوداني
ـــــــــــــــــــــــــــــــــــــــــــــــــــــــــــــــــــــ
جمال الوالي.. ما هذا السفه؟؟
ــــــــــــــــــــــــــــــــــــــــــــــ
حسن وراق
[email protected]
لم اسمع طيلة حياتي باسم جمال الوالي هذا الذي هبط علينا كعفريت من السماء استثمارات واعمال وصار بقدرة قادر نجم من نجوم المجتمع السوداني ولا أحد يعرف من اين له كل هذا الزيط والجاه والاموال المتلتلة.
لم يك جمال الوالي من الوارثين من آباء عرفوا باركان الرأسمالية الوطنية السودانية مثل خليل عثمان وبشير النفيدي والشيخ مصطفي الامين او من آل الخواض او من آل عثمان صالح او عصاميا كود الجبل أي اسم
من تلك الاسماء جاء جمال الوالي وما اعرفه ان والده عليه الرحمة مزارعا في مشروع الجزيرة ومن قيادات اتحاد المزارعين .
الثروة التي هبطت علي جمال الوالي لو كانت من عمل اقتصادي يمارسه عبر شركاته فهذا مؤشر يؤكد أن نسبة النمؤ الاقتصادي في السودان تفوق ما هو في الولايات المتحدة واليابان وعندما كان المليونير الامريكي روكفلر
في سن جمال الوالي لم يك يحلم بان يمتلك شقة وعربة فورد . وحتي اذا كان السيد جمال الوالي حارسا للاموال المجنبة التي لا تدخل خزينة الدولة وميزانيتها وتدار في شكل شركات امنية فهذا المال لا يخصه بالطبع وهو مطالب
قبل أن يتم تكريمه ان يقلها علي الملأ من اين له كل هذا المال الذي يصرفه كصرف من لا يخاف الفقر واهله في الجزيرة اولي بهذا المال السائب والمشروع الذي دافع عنه والده المرحوم محمد عبدالله الوالي يلفظ في انفاسه الاخيرة .
لقد ذهلت بما جاء في الاخبار ان هذا الجمال الوالي يصرف علي تكريم نفسه مليون دولار ولا يصرفها علي النازحين من ابوكرشولا او حتي توفير طلمبات مياه لأهالي كردفان او انقاذ مستشفي السرطان بوادمدني
الذي يعمل به شقيقه او و أو ولكنه يعمل بما يقوله اهلنا الشوايقة (مال الريح تشيلو الهبوب ) . سؤال اخير ، ماذا قدم هذا الوالي ليتم تكريمه وهو يتراس نادي لم يحرز بطولة واحدة. بطلوا هذا السفه في اموال الشعب السوداني
ذا السفه؟؟
|
|
Post: #22
Title: Re: الوالي ينفق مليون دولار لتكريم نفسه
Author: عبداللطيف شريف على
Date: 05-30-2013, 11:53 AM
Parent: #19
Quote: يازول خاطرك طيب....
|
دكتور ياسر الخاطر طيب باذن الله ...
بس تقول شنو (الداؤودية اشتغلت وكدة) ...
اكثر ما يضعنا فى محكات غريبة التسرع ...
ارجو قبول اعتذارى عن تسرعى واستعجالى .....!!
غايتو قهوة الصباح دى مهمة جدا ......
ويظل الود قصدنا وغايتنا .
دم بخير وعافية .
|
Post: #23
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 11:54 AM
Parent: #19
سيد بيكاب يا صديق
| Quote: بالله كرمو لينا معاكم البرير و خلوهو يحل عننا :) |
يازول.....دا زول تاجر ......
غايتو دا لو عايز يكرم نفسو....إلا يعمل ليهو حلة كبيرة حقت لوبا عفن...قدام زريبة العيش...
وإلي أن تصلح مداخلتك يا حبيب
حكمة اليوم: رزق المجانين علي الهبل
|
Post: #24
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 12:02 PM
Parent: #23
محمد علي البصير يا صديق حبابك
شكرا علي المقال القوي...إلا صاحبك الكتب المقال دا عينو قوية خلاس
بعدين تصدق أنا في الاول قريتها ذا السفه (بتشديد الفاء) (-:
تحياتي
|
Post: #25
Title: Re: الوالي ينفق مليون دولار لتكريم نفسه
Author: Sayed Bekab
Date: 05-30-2013, 12:16 PM
Parent: #24
| Quote: يازول أنا ولدي من هسي بيذكر المؤنث و بيؤنث المذكر. |
الود ده بطلع شاطر و فالح ما تخاف نسبنا ده اصلو ما بجيب ورا ...... إن شاء الله بكون بضرب تركين كمان :)
|
Post: #26
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 12:18 PM
Parent: #24
فاضلابي سلامات مرة تانية
Quote: Quote: علي فكرة....بنطون الفاضلاب أخبارو شنو
تعيش إنت ـ
ياخ اتسلي بكاس خادم الحرمين الشريفين
ادارة فريق الاتحاد وكت اللعيبة الكبار قعدو يتدلعوا
فرتكوهو وجابوا ناس فهد المولد ـ اليوم لاعبين النهائي
مباراة الكورة في السودان رضاعة في في شطر ميت
بتجيب ليك الدغت. |
بالله بنطون الفاضلاب راح في حق الله
إنا لله ياخ
تعرف بنطون الفاضلاب دا متعتنا مرة في السنة...في عيد الفطرة وهي المرة الوحيدة الكان بيسمحو لينا نمشي فيها المنتزه
عندنا ولد جيران مسلط...كان بيصر إنو نمشي نركب بنطون الفاضلاب نعدي بهناك ونجي راجعين قبل المغرب.....أيام والريس الكبير داك ...سواق البنطون...كان خالف رجلو وهو بيسوق...إن شاء الله موجود؟؟
أما عن الاتحاد ...والله قدمو درس أمس الاولاد الصغار ديل و هم بيشيلو كاس الملك
وصاحبك البيكرم في نفسو دا يمشي يجيب لي سادومبا و الحضري
ماقلت ليك رزق المجانين علي الهبل
|
Post: #27
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 12:26 PM
Parent: #26
قلت لي شنو يا بيكاب؟؟؟؟ تركين حتة واحدة كدة ؟؟؟؟؟
مايقدرش............. 911 علي طول
|
Post: #28
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 12:27 PM
Parent: #26
تحياتي لشباب الفيسبوك
راجع لكم
|
Post: #29
Title: Re: الوالي ينفق مليون دولار لتكريم نفسه
Author: محمد حمزة الحسين
Date: 05-30-2013, 02:22 PM
Parent: #28
:
:
:
:
مع التحيات لله الزاكيات
|
Post: #30
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 02:55 PM
Parent: #29
محمد حمزة الحسين
إحنا البضاعة بتاعت فالج و لا تعالج .......وشنو كدا أعيت من يداويها.....دي في دكانا دا مافي....ولا كان صرفت ليك منها زماااان
إن شاء الله مرقت ليك بي شي من الدوراررات الحايمة ساكت دي
|
Post: #31
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 03:06 PM
Parent: #30
مين كدا ادريس
| Quote: .( أخر الزمن يحسدوا القرد فى حمرة مؤخرته) جمال الوالي رئيس طوالي ولو كره الحاقدون |
الحضري شابكنا حمار وبردعة...وانت شابكنا قرد و مؤخرة....انتو قصتكم شنو مع الوالي دا ياخ
|
Post: #32
Title: Re: الوالي ينفق مليون دولار لتكريم نفسه
Author: أسامة البلال
Date: 05-30-2013, 03:58 PM
Parent: #31
دا سفه يستحق الحجر
لا نقول فقراء السودان ولكن الفقراء من أهله وجيرانه وهم كثر أولي بهذه الأموال
الفساد وليس سواهو هو الحيجيب خبر ناس الإنقاذ
|
Post: #33
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 07:57 PM
Parent: #32
أسامة البلال شكرا علي المرور
قريت اليوم في جريدة ...أنه كانت هناك معركة النملة والفيل بين عصام الحاج و جمال الوالي.....حاول الاول إستفزاز الاخر بأن في المريخ ديونا بمبلغ مليار و نصف و أخري في المحاكم بمبلغ تلاتة مليار و نصف بالاضافة لمبالغ تسجيل هيثم و علاء (أظنها 4 مليار).....فرد الوالي علي الفور...مامشكلة...حأسددها كلها....دا طبعا غير تسجيلات الشهر( كم مليار كدا) دا و كرنفال الملكة أليزابيث أبو مليون دورااررر غدا....
الزول دا مفروض يكون رئيس بروناي دار السلام...
|
Post: #34
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-30-2013, 08:19 PM
Parent: #33
سيد بيكاب سلامات
مبرووك المولود ياخ...إن شاء الله من الصالحين....والبعيدين عن أكل التركين (-:
|
Post: #35
Title: Re: الوالي ينفق مليون دولار لتكريم نفسه
Author: حيدر بشير
Date: 05-31-2013, 08:25 AM
Parent: #34
الحضري لو سمع بي تكريمك لي نفسك بمليون دولار...بكرة بيجي طاير...من المطار و علي الملعب عدل
أصلو هو بيحب دورارررات الوالي جدا....مريخ إيه و بطيخ إيه....دا بيموت في الدورارر
العزيز دكتور ياسر
لك من التحايا انضرها
اها ترى سمع بيها و قال حا يجى ناطى من المطار على الميدان و يشيل الفيها النصيب و يرجع يكمل السهرة فى كفر البطيخ
ديل عالم لا بتخجل و لا بتضارى عيوبها
يصرف الملايين فى الفارغة و يخم فى العواجيز
عصام الحاج قال ليهم دا تكريم للمتمرد الحضرى لكن مين يسمع ليه
|
Post: #36
Title: Re: الوالي ينفق مليون دولار لتكريم نفسه
Author: خالد درق
Date: 05-31-2013, 09:09 AM
Parent: #35
شندي ...
|
Post: #37
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-31-2013, 11:31 AM
Parent: #35
صديقنا حيدر بشير
Quote: العزيز دكتور ياسر
لك من التحايا انضرها
اها ترى سمع بيها و قال حا يجى ناطى من المطار على الميدان و يشيل الفيها النصيب و يرجع يكمل السهرة فى كفر البطيخ
ديل عالم لا بتخجل و لا بتضارى عيوبها
يصرف الملايين فى الفارغة و يخم فى العواجيز
عصام الحاج قال ليهم دا تكريم للمتمرد الحضرى لكن مين يسمع ليه |
طبعا الحضري مامكن يفوت مولد زي دا......دا ممكن يتسي كل الاهانات الوجهها للسودان والمريخ والاتحاد العام ذاتو...دا مش قال علاقتي بالمريخ انتهت و لم يعبر كل لجان الاتحاد العام وسفههم تمام....ممكن يجي عادي و من المطار للملعب و للمطار تاني....أصلو دي بلد ما عندها سيد
تحياتي
|
Post: #38
Title: Re: الوالي ينفق مليون دولار لتكريم نفسه
Author: بدرالدين الطائف
Date: 05-31-2013, 12:05 PM
Parent: #37
فعلاً ده سُفه.
الناس الماشين يحضروا المهرجان حق الوالى بالتاكيد فيهم ناس مابيكون عندهم حق الرجعه لى بيوتهم .
وإحتمال فيهم ناس حق العشاء ما عندهم.
عشقهم للنادى والوالى هو من قادهم .
|
Post: #39
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-31-2013, 03:00 PM
Parent: #35
بدرالدين سلامات
Quote: الناس الماشين يحضروا المهرجان حق الوالى بالتاكيد فيهم ناس مابيكون عندهم حق الرجعه لى بيوتهم .
وإحتمال فيهم ناس حق العشاء ما عندهم.
عشقهم للنادى والوالى هو من قادهم |
أي والله هذا هو السفه بعينه......وماذا قدم الوالي له و لناديه....أي بطولة التي أحرزها المريخ في عهد الوالي....ماذا جلب الوالي للمريخ غير كمية محترفين مضروبين بملايين الدولارات سيسأل يوم القيامة فيم صرفها....,اليوم يريد أن يكرم نفسه بمليون أخري ...ويجئ هذا الدرويش الذي لا يملك حق العشاء عشان يكرم الوالي...حكمتو بالغة
|
Post: #40
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-31-2013, 06:04 PM
Parent: #39
سمعت أن البشير سيمنحه وسام .....في ماذا...هذا الرجل أمضي أكثر من عشر سنوات بالمريخ...صرف فيها صرف خرافي...والنتيجة ...إخفاقات....هل سيكافأ علي هذه الاخفاقات؟؟
أما إذا كان الوسام لموضوع أخر غير الرياضة.....فهذا لا شأن لنا به....
|
Post: #41
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-31-2013, 06:06 PM
Parent: #40
بالله أي واحد ممكن يتكرم و ينقل لنا هذا الحدث لايف
|
Post: #43
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-31-2013, 06:13 PM
Parent: #42
مشكوور يا بدر
|
Post: #44
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-31-2013, 06:24 PM
Parent: #42
كيف يقول المعلق أفضل نادي في السودان ضد أفضل نادي في مصر......من بطل السودان في اخر نسخة؟؟؟
بعدين المعلق كان بيقول جمال الوالي ساادة....بعد شوية بقي يقول الدكتور جمال الوالي...شكلو نبهوهو
|
Post: #45
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-31-2013, 06:28 PM
Parent: #44
يقول التكريم بمناسبة تنصيبه أفضل رئيس نادي؟؟؟؟
من الذي نصبه؟؟؟؟ مصطفي الاغا؟؟؟
|
Post: #46
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 05-31-2013, 08:21 PM
Parent: #45
بعد الشفتو في إحتفال جمال الوالي بمناسبة برنامج صدي الملاعب........إقتنعت جد جد إنو المريخ دا نادي الحكومة
وعلي جماهير الهلال أن تبحث لها عن شغلة أخري و تنسي الكورة تماما......وعلي البرير أن يقلب النادي صالة أفراح ولا أي حاجة
و إحنا قال بنلوم في الاتحاد و إنو بيحامي للمريخ....
دكتور جمال الوالي....دكتور إيه.......دا إنت أستاذ ...إنت بروفيسور عديييييل
أستودعتكم الله........بالله لموا الكراسي معاكم.........وأخر واحد يطفي النور
|
Post: #47
Title: Re: الوالي ينفق مليون دولار لتكريم نفسه
Author: Sayed Bekab
Date: 06-02-2013, 06:55 AM
Parent: #46
| Quote: من الصالحين....والبعيدين عن أكل التركين (-: |
يا دكتره سلام و هابي وييكد اند ...... يازول وحاه الله مصطفي الآغا زاتو متحير فى التكريم الهيلامانه ده و وسام درجه اولي و رقيص و هجييييج .... ناس تلبس شال و عمه Pink وناس تتعشي مويه و عيش ناشف ...
الله يبارك فيك الفي صورة دي الله يحفظها كان قريب ماشه هارفارد بعد 8 سنين إن شاء الله الكريم و من الصالحات و آكلات التركين الحمد الله و الشكر له :)
---------------------------------------------------------------------------------------------------------------------------------------------
لكن الحق يقال المريخ فريق تمام لكن بس الاهووووج الوليييييد اكرم ده منو دائما خوووووف :)
|
Post: #48
Title: Re: الوالي ينفق مليون دولار لتكريم نفسه
Author: Mirghani Taitawi
Date: 06-02-2013, 07:26 AM
Parent: #47
عافي منو الوالي.
كلام فى صحيفة مصرية نقلته (كفر ووتر) لا مصداقية
تعمل بيهو دا كلو!!!.
مين ما كرم الوالي؟ الـ كل تسابق لتكريمه لأنه جدير بـ التكريم.
الوالي متفق عليه حتى من خارج جماهير المريخ.
ما تشغل بالك بالوالي كتير حفاظاً لـ صحتك يا د.
|
Post: #49
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 06-02-2013, 10:59 PM
Parent: #48
,,
|
Post: #50
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 06-02-2013, 11:06 PM
Parent: #49
قام السيد جمال الوالي رئيس نادي المريخ بحل ازمة اللاعب عصام الحضري بصورة نهائية بعد دفع كافة الاموال التي طلبها اللاعب من المريخ
|
Post: #51
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 06-03-2013, 00:13 AM
Parent: #50
Quote: .
ما تشغل بالك بالوالي كتير حفاظاً لـ صحتك يا د.[/QUOTE]
أيوة و الله كلامك صاح........صحتي أهم
|
Post: #52
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 06-03-2013, 00:34 AM
Parent: #51
إلا بدور أسألك يا تيتاوي
زولكم دا بعد سواتو دي كلها.......ما بيتبن حسابو يمكن يكون نقص شوية كدا...الموضوع دا ما بيأثر فوقو؟؟؟؟
غايتو زولنا دا كان صرف ليهو عشرة ألف دولار بس.....إلا يصبحها في رويال كير
بيكاب : جاييك...أصبرلي شوية بس
|
Post: #53
Title: Re: الوالي ينفق مليون دولار لتكريم نفسه
Author: Mohammed Mahdi
Date: 06-03-2013, 08:06 AM
Parent: #52
أمانه ما وقع دولار
|
Post: #54
Title: Re: الوالي ينفق مليون دولار لتكريم نفسه
Author: Mirghani Taitawi
Date: 06-03-2013, 08:33 AM
Parent: #52
يا د.
سؤالك ما فى محله لأنو
الوالي أكبر من إنو يتبن حساباتو .. فى جيش جرار بتبنوا ليهو.
بعدين .. زي ما بتقول الصحيفة وكفر ووتر الوالي صرف على تكريمه .. ودا أبعد ما يكون
العاقل يصدقو.. ( دائماً ) بعض اعلامكم بيفك ليهو كذبة ويصدقا .. عشان كدا مثل هذه
الأقاويل بقت ما تمشي وما بتجيب غرضا فى السوق ولا حتى (صحن فول).. بمعني بضاعة بايرة قبل تنزل السوق.
بعدين كترة الأقاويل والأكاذيب فى الوالي لو بتأثر فيهو زمان كان فى الباي باي .. حتى احنا المريخاب
بقينا نفتش لـ مثل هذه الأكاذيب عشان عارفنها جاية من وين وليه ونستمتع بيها ونشفق على أصحابها.
زولكم ذاتو بيصرف ملايين وبـ يلاكم حباً فى هلالكم بس إنتو كدا.
|
Post: #55
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 06-03-2013, 08:52 AM
Parent: #54
ياخوي زولك فضحوهو المصريين...إنت مافكيت الرابط ولا شنو؟؟
|
Post: #56
Title: Re: الوالي ينفق مليون دولار لتكريم نفسه
Author: Mirghani Taitawi
Date: 06-03-2013, 09:38 AM
Parent: #55
حقيقةً ما فكيت الرابط الكلام قريتو فى مكان آخر برضو وعارف المصدر صحيفة مصرية.
عدم المصداقية أصلاً فى جهة المصدر (المصريين).
من فترة طويلة برضو واحد كان لافي بوثيقة مُزورة قال جايبا من
دار الوثائق المصرية ( بالختم) عن تاريخ تأسيس نادي الهلال .. وفى النهاية
ما طلع بـ حق المشوار.. بمعني .. الوثيقة طلعت فشنك بالرغم من الختم الـ فيها.
دا حال الوسط الرياضي عندنا.
الزبدة .. الوالى حقيقةً ما محتاج تكريم ولا يبحث عنو .. التكريم من يبحث عن الوالي.
|
Post: #57
Title: Re: الوالي ينفق مليون دولار لتكريم نفسه
Author: د. ياسر عبد القادر
Date: 06-03-2013, 10:08 AM
Parent: #56
فالج ولا تعالج
|
|
|