انتو يا ناس الخبر داخل المنبر علي مسؤلية صاحبه ولا صاحب الحوش ؟؟؟

بقينا نقرأ اكتر من 15 خبر نمرق منهم بي واحد بس فيه مشابهة بسيييييييييطة للحقيقة
والمنبر بقي اغلب المتصارعين فيه يميلون للشتل ال بدون موية
دحين السؤال :
الخبر داخل المنبر مسؤلية منو ؟؟
صاحبه
صاحب الحوش
ولا المصداقية لنا ول سوانا دي ما لازمانا ما طول انو في ناس بتقرأ وبس ؟؟؟
انا هنا غايتو بضم كومي مع كوم ود شيقوق القال فيهو :
ألحقونا سودانيز اونلاين طلقت طاااب ( توجد حاجات شينة بالحيل)

من زمن الحلو مات
الحلو حي
كوم مع مات بي ادلته هو الخاصة بيهو
وكوم مع حي بي ادلته هو الخاصة بيهو
والخرطوم محاصرة
وال جبهو محاصرة
ولا الخرطوم سقطت
لا الجبهة ابادوها
وكل في فلكه يسبح بالكذب
ولا عاصم للبورد من حماقاتنا وحماقاتهم ولا رادع

ابوكرشولا عادت هذه حقيقة ام الكذب فكان حول :
هل كانت فاضية ؟؟؟ زي ما قالو ناس المعارضة ؟؟؟؟
ولا مليانة زي ما قال ناس الموالاة ؟؟
وبقي الجري في اتجاهين
اتجاه يثبت انا فاضية بي ادلته هو
واتجاه يثبت انها مليانة بي ادلته هو حتي وصلنا لي هنا :
حصريّاً: صُور هلْكى ما يُسمّى بالثّوريّة (شالوها حُمْرة عين)
وجات العوة هنا :
اكاذيب الكوز علاء الدين يوسف حول صور ابو كرشولا الحصرية
ف زادوه بي ده :
سرقة وبجاحة يا حاج علاء الدين يوسف وتجارة بجثث الموتي ... ( صور )
وفعززه بهذا :
علاء الدّين لا يكذب .. لكن بيقبضكم بالثّابتة
ولحد اسي السؤال ما زال قائم :
دي صور كرشولا ولا لا مافي زول جاوب عليه مع انو علاء قال :
وهاههي صُور قتْلاهم وهُم بلباس الحرب الذي اكتووا بناره التي أشعلوها في أبو كرشولا
ها هي الصُّور تقطع ألسنة المُتنطّعين وتُريهم كيف دخل جيشنا الباسِل أبو كرشولا
وكيف هُزِم العُملاء والمُرْتزقة

ف لا الكذب يحرر ارض محتلة
لا يسقط نظام
فلماذا نتسابق عليه ؟؟؟
وهل المنبر بهذه الطريقة سيكون كما كان سابقا مرجعية للاخبار بعد كل ( اللت والعجن ) الواقع فينا الايام دي ؟؟؟
ولا ده ما مهم ؟؟؟

؟؟؟؟؟؟؟؟؟؟؟؟؟
.........
؟؟؟؟؟؟؟؟؟؟؟

غايتو لو حاولنا جادين نتمسك بالحد الأدني من المصداقية خدمة للقارئي والمنبر بنكون عملنا خير كبير وكتير جدا