وقفة لترتيب الذات واعادة اكتشاف الخطاء.. نقد ذاتي.

مين القال انو النقد خرافة
لمن الزول يفتح الباب لتجميع الذات المشتتة في الحوارات، ويلقاها مـــــــــــاف؟

هي محاولة اهتداء لضوء جواي، بيحاول يضوي العتمة فيني.. ومتاوقة بين الشوف والحاصل البيعمي،
وطفيرة لحيطة البال لاكتشاف العوج، او ربما اصلاح انعواج الانعدال، ان كان ذلك ممكن..
او ايضاً، ربما قـــول بصوت عالي للضوء كي يشلع جواي نور.

باختصار هي محاولة:
لخلع جلباب الذات او تعريتها و تعديل خطوي الصار متعسر.. كي اتصنف جيد جداً لي.
او كما قال المجـنون جنو "كونك تكسب روحك رابح".
--------------




مني عوض خوجلي
2- معذ عمر بخيت
3- بدرالدين احمد موسي
4- هشام هباني
5- نادر ابكدوك
6- محسن خالد
7- حسين ملاسي
8- الجدة الشريرة
9- صلاح جادات
10- ابوقوتة
11- منصور المفتاح
12- تبارك شيخ الدين
13- عمر ود الباوقة
14- محمد عادل
15- Afraa Sanad
16- عاطف مكاوي
17- ابو الريش
18- رحمه فضل المولى عجك
19- تراجي مصطفي
20- بكري ابوبكر

راجع ليكـــــــم واحد واحد،
مش برضو قالو الحرية افعال وكلام))))؟
اذاً دعوني امارس كلام حرية الافعال كما يحلو لي.
ودي
راني السماني

-----
عدل: لاضافة (ء)

بت حلتي مني عوض خوجلي
في البوست دا
Re: أحبائي أعضاء المنبر ودعتكم الله والعفو والعافية ...
ردي ليها في البوست اعلاه كان حاد وما كان في ليهو اي داعي، ما داير افتش اسباب لما حدث مني
ولكن اتذكر جيدا عندما قرأت مداخلتاها في ذاك البوست تذكرت حبوبتي ثرياء بانقا موسي الشيخ موسي ... وحالت الهسترياء التي دخلت فيها عندما سمعت
خبر اعدام الشهيد مصطفي عوض خوجلي، كنت ابلغ من العمر العاشرة، وحقيقة دي اول خطواتي لكره هذا النظام، واكتشاف فساده ايضاً.
كيف يقتلو ناس في اواخر شهر رمضان المحرم وقبل يوم العيد بيوم او يومين ونحن استاذ نصر الدين في المدرسة كان بيقول لينا "الشهر دا شهر عبادة وحرام تقتلو فيهو حتي حشرة" او في ما معناه.
كن لحظتها نلعب تحت شجر بيت ناس العم عوض خوجلي انا واحفاده مازن صدقي وسمير ابو القاسم
ومن الاصدقاء ايضاً كان معنا على ما اذكر الامين وابن عمه مصطفي علي شريف، عمار عنتر، طارق ابوبكر واشرف فضل الله. ان لم تخني الذاكرة
اتذكر كيف اندفعت ماجدة عوض خوجلي خارج المنزل وقابلت بوليس ماشي في الشارع.. ضربتو كف، علي ما اعتقد هذا ما حدث لحظتها، حقيقة ما متذكر كويس.

كل هذه الاحداث اتت الي زهني وانا اقرأ مداخلة مني عوض خوجلي لعمر ود الباوقة، التي الكانت في مجملها سلمية وعميقة ايضاً خاصة عندما قالت له "لانك زول مهذب وود ناس مابتشبههم.."
ولكني بكل طياشة لم اتحري هذا العمق وجري جري مشيت رديت.

خلاصة الكلام : كل التفاصيل دي ما بتديني الحق اني ارد رد حاد كالذي حدث..
لذا لاجد غير الاعتذار للخالة مني عوض خوجلي مع كل التمني ان تقبل ولها كامل الحرية في الرفض، وليس لي غير ان اعتذر مرة اخري.

ودي
راني السماني

معذ عمر بخيت

والله قدر ما فتشت لي مبرر منطقي لتصرفاتي الهوجاء معاك في بوست النساء ما لقيت، شنو يعني لو قلت ياليت هذا الكون كله نساء ؟
هل صيصبح كله نساء بالجد؟ اكيد لا وبعداك انا ذاتي ماني ناقد ولا يمكن ان ابقي ناقد ان كنت اتعامل بهذه الحدية في النقد
طيب مالي ومال القرأية ام دق؟ ياخ وحات ربي لو قعدت للصباح نصك دا ما بقدر اكتب زيو.

ما اتذكره من تلك الردود لا تخرج من زول الا يكون عندو حسابات عاوز يصفيها وانا متاكد جداً انو لا حسابات لي معك..
فأسف جدا علي كل تلك المداخلات الكان مافي داعي ليها من اساسو.

ودي
راني السماني

-------
التعديل: لاضافة الميم التي سقطت سهواً قبل بقدر في السطر الرابع.

بدر الدين احمد موسي
عاطف مكاوي
امنة مختار " الجدة الشريرة"
تراجي مصطفي
صلاح جادات
بغض النظر عن منو الغلطان فينا... لشوكنة التفاصيل، احسن اختصر واقول انا بعتذر.

ودي
راني السماني

الاخ راني

النقد الذاتي هو احترام للذات و الغير.........

لك الود يا جميل........

يا زول عاصرناك و ( عايشناك ) والعيبة ما بتطلَّع منك ساهل
وفي طلعتها ياهو علاجها بكي النقد الذاتي

ياكا إنت ياكا إنت



وتحياتي يا زول














------------
معذرة يا راني كتبت المداخلة فوجدتها نزلت اثنين فعدلت في واحدة
والآن لقيت الأخرى إختفت وظاهرة المعدلَّة فقط
بسم الله بوستيك ده مسكون اظنو :)


محبتي يا رجل التي تعرف

Quote: يا زول عاصرناك و ( عايشناك ) والعيبة ما بتطلَّع منك ساهل وفي طلعتها ياهو علاجها بكي النقد الذاتي ياكا إنت ياكا إنت وتحياتي يا زول

العزيز محمد الجزولي
كيفنك يا صديق

جيت ارد علي مداخلتك دي لقيتك حذفتها وفي مكانها كتبت " مكرر" انشاء الله الداعي خير، ياصديق.

مشتاقين نتلمي تاني والله
اشرف سعد، نور الدين عطاء السيد، عبدالجليل حسين، معتز ابشرو، عثمان البشري، حسن خضر، عادل القصاص، الدحيش، فياض،
ياسر سكر، طارق واحمد عبدالله، خالد عبدالله، الريح كودي، السماني لوال
صالح، عوض الفاضل، حاتم مشاوي، كونكة، علاء الدين ابراهيم، علي تروس، وليد الشوية، هساوي......... وباقي العقد الفريد.
ولا يفوتني ان اترحم علي
((ميرغني حمزة، خالد جقوار، عادل المحامي ربنا يرحمهم )).

يا لها من ايام
ودي يا زول يا زين

راني السماني

Quote: معذرة يا راني كتبت المداخلة فوجدتها نزلت اثنين فعدلت في واحدة والآن لقيت الأخرى إختفت وظاهرة المعدلَّة فقط بسم الله بوستيك ده مسكون اظنو :) محبتي يا رجل التي تعرف

تسلم يا صديق
اديني خبرك، تليفوني في البروفايل.

ودي وكل ما تيسر من قرآن الوجد

راني السماني

Nader Abu Kadouk

Quote: الاخ راني النقد الذاتي هو احترام للذات و الغير......... لك الود يا جميل........

عارف يا نادر انت بالذات كسرت لي الدش في يدي، وخليتني اقعد براي وافكر واقول لي "في شنو؟"
قمت لقيت مافي اي شي..
مافي اي شيء، بيستاهل كل هذا الجهل مني.

شكراً علي الماسنجر، فهو كان دافع لاعادة ترتيب الاشياء.


ودي
راني السماني

منصور المفتاح
محسن خالد
حسين ملاسي
وحاتي ربي القاعد اعملو معاكم دا خستكة ساكت ومافي اي شي، وحقيقة اكتر ناس قاعد استمتع بكتاباتهم
يعني المسألة مافيها اي غبينة، وبالنسبة لي محسن، محسن دا بالاخص انا بعتبرو مدرسة متفردة ومتنوعة
يكفر عاطف خيري، يرعب الناس الي ان يرحلو من مناطقهم خوفاً علي روحهم ووليداتهم من نار اليشب
يبقي نبي طائر يقرأ الرموز يكتب عن السحاقية. كل هذه الاشياء جعلت منه انسان متفرد بل مدهش حقاً.

اما ملاسي و ومنصور ديل، قاعد يحرشني عليهم معاوية المدير looool فحقكم امشو اخلصو منو هناك، تلقي قاعد يتاوق ساكت اسي. والله صحي.

فعليكم الله اعفو لي لاي ازعاج ربما سببتو ليكم من "شغبي" العملتو معاكم دا، او كما تسمونه.

ودي
راني السماني

abuguta

أسف اني اتجاوزت انك في حالة فقدان انسان عزيز، وفي لحظات هكذا ما بعيد يفقد الانسان عقلة خلي السيطرة علي الكيبورد.
كان من المفترض ادي مساحة لمشاعرك جواي في اللحظة ديك بل اساعدك كي تعدي مراحل تلك الازمة بدل ما ازيدها، ولكن للاسف خذلتك، وأسف جداً لذلك.

أحسن الله عزاءكم، ونسأل الله أن يتقبله قبولا حسناً ..

إنا لله وإنا اليه راجعون ..

هذا لنك البوست المعني:
Re: انا ضد ناس الجبهة الثورية,,لانهم قتلوا ابن اختى,,,بوجد عزاء

مع عظيم أسفي
راني السماني

كلام طيب يامان

-
الغريبة انا درشتك مرة لحدتك مع تراجي - اسمي وينو
خُت اسمي واسم ود المدير في لستة العظماء دي واعتذر لينا ياخ

راني سلامات

دا بوست جيد جدا وموفق جدا ؛ وحقيقة ما تابعت كل التفاصيل دي
لكن استغربت جدا من ردك على اب قوتة وتعاملك مع مصابه الجلل

اتمنى انصلاح الخطاب

لك الود\

Quote: راني سلامات دا بوست جيد جدا وموفق جدا ؛ وحقيقة ما تابعت كل التفاصيل دي لكن استغربت جدا من ردك على اب قوتة وتعاملك مع مصابه الجلل اتمنى انصلاح الخطاب لك الود\

صدقني يا عادل
انا ذاتي مستغرب مني
ياااااخ دي قسوة ما عادية
دي زي انك تقوم تهري ليك زول ضرب وهو بيتقطع من جواه اصلاً...
اعتذر ليهو عليك الله عني ولو عندك ليهو تليفون رسلو لي.

مع اسفي الاكيد
راني السماني

Quote: Ummoayad Moayad · راني السماني لو ما خانتني الذاكرة قريت ليك من قبل كتابة حلوة ابان ولادة بتك الحليونة سارا وبرضو عندك صديق على ما اذكر اتوفي وشاركت الناس احزانك وبرضو وقت نويت تحجج الوالدة كان فيه وضوح وتصالح عجيب ومنها يا زول يا سمح عرفت انك انسان واضح ما بتخبي مشاعرك كان حُزن كان فرح ودي احسن ميزة في الزول المتصالح مع روحو ما يخبي مشاعرو . ومنها بقيت وقت اقرأ ليك اي كلام تاني بحس فيه عدم القسوة والخشونة يعني ما بتكون قاصد تهين زول بس بتجي معاك كدا وما خيبت ظني باعتزارك .. نسيب الناس المعنيين في البوست دا وحرية اختيارهم ورد الفعل عندهم . بس انا كان نفسي اقول الكلام دا من زمان ولقيت لي فرصة ..

شكراً يا Ummoayad Moayad علي حسن الظن واتمني عدم خذلانكـ.
انت عارف انا من امبارح مصنقر في الارشيف
دي البوستات البتتكلم عنها:


انا مازوم مازوم, مازوم

http://www.sudanesewebtalk.com/cgi-bin/sdb/2b...293524561andpage=0andpb=

اسهل طريقة تودي بيها امك الـحج... يوجد سجائر وخمر بالداخل...

ودي
راني السماني

رحمه فضل المولى عجك
شنو يعني الزول يقوم يحاول يخلق ليهو دواس من اجل ترتيب الراس؟
في البوست دا:

قطري بيصرف وبيتفشخر..(فيديو طازج )

انا كنت مزاجي متعكر في اللحظة ديك لقيت مدخل للخروج لتلك الازمة، وهو كان بالتعقيب علي احدي مداخلاتك
مضمون الشي بالنسبة لي كان مجرد شغب لاشباع الروح ولكن ربما ازمتك تلك الشتارة
الكويسة " اناي قالت ليك" انك ما فهمتني ودي كانت حاجة جيدة
بالنسبة ليها.
" قالت لي" اني ما ازمتك وهذا ما جعلك تتسأل

Quote: الحبيب رانى انا لم افهم قصدك لى او على لكن فيكن على فانا لست ملك مرسل او نبى معصوم ونحن كسودانيين معرف عننا استبدال الحروف كما ذهب بدهب ثور بتور والهمزه بلعين سوء بسوع وضاد بظاء ضابط وظابط والقائمه طويله

شنو يعني انك تلخبط في اللغة، ماهو انا ذاتي بطمبس فيها وفي هذه المداخلة ذاتها ما بستبعد الجوبكا!!
ما يعجبني حقاً هو ان تقول الجواك او ما تعتقد بغد النظر عن الصاح شنو من الغلط
فيا زول انت ماشي صاح وانا المخستكـ،
نقطة سطر جديد وأسف.

Quote: كلام طيب يامان - الغريبة انا درشتك مرة لحدتك مع تراجي - اسمي وينو خُت اسمي واسم ود المدير في لستة العظماء دي واعتذر لينا ياخ

غايتو لو ما دخلت ود المدير معاك كنت دخلت اسمك ولكن بما انك حشرت معاوية معاك.. اعتذار ليكم الاتنين، نههههي.

وبعداك شايفك حكاية تحريش ود المدير مشيتا ساكت؟ ناس ما فير في الدرش.

ودي يا حبيب
وادرشني ساكت كان لقيتني داقس تاني.

راني السماني

اهنئك على هذه البادرة

وأشكرك على الوقفة الشجاعة مع النفس،،

والله ياخوي الدنيا مابتسوى،،

والناس الهنا ديل كلهم على مختلف مشاربهم أي زول تحتاجه في عوزة تلقاه والسوداني الأصيل كل مكوناته

تسلم ياحبيب ، وهذا هو العشم في ابن المدينة اللذيذة والت يقتلنا هواها كل يوم،،

خت الصاجات في السكة دي مهما حاصرتك الرمال ، لن تندم ،،
لك ودي واعتذاري عن كل مابدر مني سابقاً،،

سلامي وامتناني

شكراً لك راني،
بل هنيئاً لك،
وأنت تتخذ هذا الموقف،
الإنساني العاقل الشجاع!

Quote: Ummoayad Moayad · يا راني ياخ مالك عملتني راجل انا ام مؤيد .. امشي في السكة دي بتصل..

والله يا ام مؤيد، كنا قاعدين انا والزميل حامد الصاوي، وقبل ما تردي علينا بشوية بس اكتشفنا انو اسمك ام مؤيد
ياااخ انت كاتباهو بطريقة صعبة خلاص... غايتو حققك علينا.. اهو شلنا منك العمة ولبسناك توب..

ودي ليك ولي مؤيد وابو مؤيد ذاتو

Quote: 12- تبارك شيخ الدين

... المهم ....

Quote: اهنئك على هذه البادرة وأشكرك على الوقفة الشجاعة مع النفس،، والله ياخوي الدنيا مابتسوى،، والناس الهنا ديل كلهم على مختلف مشاربهم أي زول تحتاجه في عوزة تلقاه والسوداني الأصيل كل مكوناته تسلم ياحبيب ، وهذا هو العشم في ابن المدينة اللذيذة والت يقتلنا هواها كل يوم،، خت الصاجات في السكة دي مهما حاصرتك الرمال ، لن تندم ،، لك ودي واعتذاري عن كل مابدر مني سابقاً،، سلامي وامتناني

تسلم اخي عبد اللطيف بكري أحمد
علي كلامك اللطيف ومشجع وعد ساخت الصاجات في هذه السكة او كما قلت...
لك ودي وفائق احترامي