أساطير المغتربين "حكاوي"

حكى لي واحد أمس قال في دكتور سوداني جاء السعودية بتأشيرة راعي

وعمل في مستشفى وتصادف أن مرض ابن الأمير نايف فلم يجدوا غير هذا الطبيب فعالجه

وعندما علم الأمير نايف بذلك أم بإحضار ذلك الطبيب وسأله عن مؤهلاته ووضعه في المستشفى فأخبره ذلك الطبيب بأنه يعمل بتأشيرة راعي أملا في أن يقوم الأمير بالتوصية بتغيير مهنته

فما كان من الأمير نايف وإلا طلب إحضار مدير المستشفى وأمر بإيقافه عن العمل لتشغيله طبيب بمهنة راعي وأمر بتسفير الطبيب السوداني فورا بخروج نهائي


جزاء سمنار


دلللللللللللللللللل

برضو حكاية إنو واحد من أبناء شرق السودان كان سكران لط وماشي في شارع بالدمام فجأة قابلو موكب إبن أمير المنطقة الشرقية

الأمير وقف وقال نادوا السوداني دا

السوداني جاء وقف قدام الأمير ، الأمير سألو قال ليهو انت ليه تمشي سكران في الشارع

السوداني حسب السكرة قال ليهو أيوا بمشي

الأمير قال ليهو انت عارفني أنا منو ؟ السوداني قال ليهو انت منو؟
قال ليهو أنا بن أمير المنطقة الشرقية

السوداني قال ليهو ويعني ما أنا برضو حفيد عثمان دقنة أمير المنطقة الشرقية في السودان

وطبعا بعد داك باقي القصة إنو عجبتو شجاعة السوداني وأداه كم ألف ريال كدا وقال ليهم وصلوهو بيتو

هههههههههههه
وقصة ابن الوليد بن طلال الشال زول ملح و قال ليه انا خالد بن الوليد داك قال لي طيب انا عمر بن الخطاب و برضو اداه كم الف ريــــال

الأسطورة الكبيرة قصة احنا بنينا الخليج و احنا زينا مافي وكل ما نسمع قصة زول سرق او قصص فساد نقول ديل ما سودانيين ديل حبش وتشاديات لابسين تياب
ياخي نحن ناس عاديين فينا كدا وفينا كدا مافي داعي للوهمات ساي

- الشينة منكورة: طوالي يقولوا ليك ما سوداني -

متى نقتنع أن تشاد وأثيوبيا وأرتريا جزء منا وأقرب إلينا من حبل الوريد ؟

Quote: متى نقتنع أن تشاد وأثيوبيا وأرتريا جزء منا وأقرب إلينا من حبل الوريد ؟

مرحبا محمد شيخ الدين


وبرضو حكاية الفحولة الجنسية وحكاية الراعي السوداني السألتو البدوية قالت ليهو انتو بتمارسو الجنس كيف مع حريمكم وقعد يوصف ليها (بالكلام طبعا) ولما حصل مرحلة معينة كدا

البدوية غمرت وطاخ وقعت مُغمى عليها .


ياخ الناس راقدة رُز ويقولوا ليك فحولة جنسية

فحولة جنسية مع الكفلاء والجوازات ومكتب العمل دي وين؟

هلا محمد البشرى

Quote: الأسطورة الكبيرة قصة احنا بنينا الخليج و احنا زينا مافي وكل ما نسمع قصة زول سرق او قصص فساد نقول ديل ما سودانيين

بنيناه ساي ياخي نحن لما جينا الناس ديل ما عندهم كهرباء وكانوا شغالين بالرتاين الخ الخ

قال ليك واحد كفيلو أكل رواتبو وسفرو نهائي عن طريق الشرطة

مشى السودان كتّف كفيلو عند شيخ
قال ليك الكفيل دا كل ما يخت خيمة في محل تقوم فيها النار

حكى للسودانيين قالوا ليه الزول السفرتو دا بيكون عمل فيك عملية
بالله قال ليك الكفيل دا قعد يحنس في الناس ديل عشان يوصفوا ليهو محل الزول دا في السودان

وطبعا سافر وشال ليهو معاه تأشيرة ومشى أداهو أكتر من حقوا وقال ليهو يلا السعودية اشتغل زي ما يعجبك

واحد سوداني انتظر طويل العمر يجي المدينة

اول ما شافو قام جاري عليهو

في جريتو دي عسكري اداهو شنكل وقع وقام جاري تاني

وصل وسلم على طويل العمرالذي أمر واحد من مرافقيه باعطائه ظرف

اخونا اخذ الظرف وقام جاري

دخل الحمامات شان يحسبها

دخل معاهو عسكري

فتح الظرف

لقى ورقة واحدة خمسين ريال والباقي ورق أبيض مقطع بحجم المائة ريال

واحد اخونا جا السعودية جديد كرت الشباب قالوا ليهو نشغلك في الشقق المفروشة كحل مؤقت لحدي ما نلقي ليك شغلانية تانية احسن ، اخونا قال بسم الله و بدا الشغل .... اول يوم دوام جاهو سعودي معاهو عايلتو قال ليهو ابقي شقة صغيرة لمدة اسبوع ممكن احصل عندكم ، اخونا قال ليهو اي بالحيل في ومشي معاهو ووراهو شقة من غرفتين و صالة و مطبخ و حمام السعودي قال ليهو والله الشقة زوينة بس ما فيها مقلط ولو بدنا نقلط وين نقلط اخونا قالوا كيف مافي لو عاوز تقلط الحمام ده عملوهو لي شنو ما عشان تقلط فيهو و الكيتة دورت و عينك ما تشوف الا النور لحدت الجماعة جو جارين و سالوا السعودي في شنو حكي ليهم السوداني الوس خ يبيني اقلط في الحمام ههههههه لمان فهموا تقلط في السودان يعني تزق السعودي انشرط ضحك


حاشية لغير الناطقين بها (( اللهجة السعودية يا ود الصايم عشان بريمة داك ما يزعل ههه )
تقلط يعني تقعد تتونس و مقلط يعني مجلس و بالعربي يعني صالون هههههههههه

مرحب هاني

Quote: متى نقتنع أن تشاد وأثيوبيا وأرتريا جزء منا وأقرب إلينا من حبل الوريد

ياها نفس القرابة مع السعوديين واليمن والمصريين

موش ياها الخلطة السحرية دي؟

هاني عربي

Quote: وأقرب إلينا من حبل الوريد

الاخ حمد وضيوفه الكرام

الاسطورة دي حقيقية - ليكم مطلق الحرية في تصديقها من عدمه

واحد مطوع من ناس بورسودان مشى يحضر محاضرة أسبوعية لأحد الأمراء بمدينة جدة

أها الأمير لما جاء - كل الناس قامت على حيلها ما عدا السوداني

بعد المحاضرة الأمير قال لجماعته نادوا لي السوداني دا - ساله قال ليهو : ليه ما وقفت لي

السوداني قال ليهو الرسول (ص) لما كان بيجي للصحابة ما كان في واحد بيقيف ليهو

الأمير شغلو معاهو وبعد كم شهر كدى اداهو ظرف فيهو حوالي 150 ألف ريال -

الراجل دا اشترى عمارة في بورسودان والجماعة قاموا لقبوهو بالبرنس سلطان وهو موجود الآن بجدة

لووووووووول

لو دايرين دوكمنت للزول دا - عندي بنزلها ليكم

--------------------------------------------

بس أكبر أسطورة في رأي هي أسطورة السودانيين الاتنين الكانو عمرة وقبضهم عسكري وهم ماشيين على الجيب - قام واحد قال للتاني ارشو ؟؟؟؟؟؟؟؟؟؟؟؟؟؟؟؟؟؟؟؟؟؟؟ ..... الخ


لوووووووووووووووولين

مرحب قرجة

Quote: لقى ورقة واحدة خمسين ريال والباقي ورق أبيض مقطع بحجم المائة ريال

برضو السودانيين الجايين أول مرة وفي راسهم إنو السعودية القروش مجدعة فيها ساي

بعد ما طلعوا من المطار واحد عاين في الواطة لقى ليهو 100 ريال واقعة شاتها برجلو وقال لأخوه شفتا من هسة بدينا

الاستاذ / حمد عبدالغفار
تحية واحترام
أرى ان هذه القصة غير صحيحة ، تعلم جيدا أنا ابناء الامير يتعالجون في المستشفيات السعودية الراقية كمستشفى الملك فيصل التخصصى والمستشفى الجامعى ومستشفي قوى الامن ومسشتفي الملك فهد وغيرها من المستشفيات أو المستشفيات الاهلية كمستشفى سليمان الحبيب ومستشفى دلة ، فهل يعقل ان لايجد الى ابن الامير مستشفى من تلك المستشفيات حيث انها على اسواء الفروض تعين الطبيب الاخصائي وليس الطبيب العام وهل يعقل ان تعين هذه المستشفيات اخصائى بمهنة راعى . هذا مستحيل وممنوع نظاماً
المستشفيات التى ذكرتها لك تعين الطبيب من حملة البورد الامريكى والبريطانى وغيره وجميع من يحملون البورد يدخلون بمهن طبيب لانهم يختارون بعناية فائقة .
هذه القصة اجزم بإنها تأليف وغير صحيحة وتعلم ويعلم الجميع أن المواطن العادي خلااف ابن الامريكي بتمتع بالعناية الطلبية اللازمة التى وفرتها الدولة لمواطنيها وصرفت عليها مبالغ طائلة واستقدمت خيار الاطباء .
من ناحية ثانية لوا فترضنا أن هذا الطبيب يعمل في مستوصف خاص ، فالنظام الطبى في الدولة يطالبه لكى يمارس المهنة ان يتحصل على امتحان المهن الطبية في مراكزها المنشترة داخل المملكة وبعدها يسمح له بالعمل ومن شروطها يجب ان يكون الطبيب حاصل على إقامة نظامية وبمهنة طبيب .
هذه القصة تدل على ضيق افق من قام بتأليفها ويضحك بها على نفسها وغير صحيحة .
وللسودانين قصص واساطير يشيب لها الولدان وكلها من تأليفهم ويصدقها البعض .
احترامى وتقدير ومزيد من التواصل
واختلاف الراي لايفسد للود قضية .
مودتى

مرحب اسامة محمد بابكر

Quote: تقلط يعني تقعد تتونس و مقلط يعني مجلس و بالعربي يعني صالون هههههههههه

ياخ اللغة دي مدخلانا في مشاكل

قبل كم سنة كانت عندي مشكلة مع الكفيل (سابق) وعايز اتخارج منو وهو زول صعب

المهم قابلت أخوهو عشان اتوسط قال لي يا حمد خليك هادئ مع الراجل دا صعب شوية

قمت قلت ليهو أنا عارفو أحمق

اندرع ليك فيني كييف أقول أخوهو أحمق وطبعا أحمق دي معناها عندهم بيختلف عن معناها عندنا

يعني زول بليد وما بيعرف اتصرف

Quote: قال ليك واحد كفيلو أكل رواتبو وسفرو نهائي عن طريق الشرطة مشى السودان كتّف كفيلو عند شيخ قال ليك الكفيل دا كل ما يخت خيمة في محل تقوم فيها النار حكى للسودانيين قالوا ليه الزول السفرتو دا بيكون عمل فيك عملية بالله قال ليك الكفيل دا قعد يحنس في الناس ديل عشان يوصفوا ليهو محل الزول دا في السودان وطبعا سافر وشال ليهو معاه تأشيرة ومشى أداهو أكتر من حقوا وقال ليهو يلا السعودية اشتغل زي ما يعجبك

اخى العزيز حمد عبدالغفار عمر

تحياتى بوست اكثر من رائع ...

وطبعا عنوانه اساطير المغتربيين ...

فهى اساطير ليس الا ...


يا عمك واحد زى صاحبك بتاع الخيم المحترقة ...

بس زولى دى عمل (عماته) بى قربه كل ما يتذكر مقلب كفيله ينفخ ليك القربة , وفى الضفة الثانية السعودى بطنه (كرشه) تنتفخ اكثر ..

السعودى عرف مرضه سحر وفهم السودانى عملها فية ...

مشى الخرطوم وسال حتى وجد مكفولة القديم صاحب الدينا المصادرة طمعا وظلما

حيث كان الاتفاق ان تكون السيارة باسم الكفيل ويجعل المكفول له راتب شهر عرفانا وشكرا ...

المهم السعودى وصل الزول حق الكرم والضيافة تمام التمام , والصراحة بقت ات جيت يا الشقى ,....!!!!

وبعد تسوية الحقوق السودانى قال لكفيلة امشى فوق الشجرة ديييك فى قربة نفسها ....

ههههههههههههه عمك بطنه كمان نفست .......!!!

Quote: بس زولى دى عمل (عماته) بى قربه كل ما يتذكر مقلب كفيله ينفخ ليك القربة , وفى الضفة الثانية السعودى بطنه (كرشه) تنتفخ اكثر ..

وقيل في اسطورة أخرى أنها قرعة كما نقص منها الماء يتم تعبئتها فل.


تحياتي

سلام وتحايا ،،،
أسطورة:
السودانيان اللذان باعا كل ما يملكان بما في ذلك ذهب الحريم وكمان دخلا في ديون من أجل
الحضور للعمرة ومن ثم الزوغة وتحسين الوضع والعودة للسودان ولكن لحظهما العاثر أول ما وصلا
المطار في جدة لسبب خفي تقرر إرجاعهما إلى السودان وفي نفس الطائرة وواحد منهما أتجرس وبكي
بطريقة هستيرية عندما تذكر الحال المايل الذي خلفه ورائه وصادف ذلك مرور سعودي ميسور الحال
وعرف قصته بحذافيرها فأعطاه ظرف به مبلغ محترم... وعادا الاثنين إلى الخرطوم وعندها في المطار
طلب السوداني الصنديد الذي لم يتجر س أن يقاسمه صاحبه المبلغ فقال له يا زول أنت بكيت معاي.

مكرر

مرحب محمد جلال

ياخ أخونا هاني أقتبس لتضخيم العلاقة فقط

مرحب قسم الفضيل مضوي

Quote: الأمير شغلو معاهو وبعد كم شهر كدى اداهو ظرف فيهو حوالي 150 ألف ريال - الراجل دا اشترى عمارة في بورسودان والجماعة قاموا لقبوهو بالبرنس سلطان وهو موجود الآن بجدة

ولسه قاعد في جدة؟

لووووووولين ثلاثة

ياخ الأمراء ديل لما يجوا في محل، الكراسي بتقيف ليهم خلي الناس

Quote: ياخ الأمراء ديل لما يجوا في محل، الكراسي بتقيف ليهم خلي الناس

هههههههههههههههههههههههههههههههههههههههههههههههههههههههههههههههههههههههههههههههههههههههه . . .

الاخ حمد الله يفرحك فى الدارين زى مافرحتنى الليلة وانا زهجان .. ياخى والله بالغت فى التعبير ..


طبعا انا مع الضحك الشديد ماسلمت ذاتو- السلام عليكم ورحمة الله تعالى وبركاته من نفر كريم

مرحب استاذنا عبد العليم

Quote: هذه القصة تدل على ضيق افق من قام بتأليفها ويضحك بها على نفسها وغير صحيحة . وللسودانين قصص واساطير يشيب لها الولدان وكلها من تأليفهم ويصدقها البعض .

طبعا تأليف وقصص ساذجة للحد البعيد

وتعرف كتير من القصص دي وإدعاء البطولات الزائفة كانت وبالا على السودانيين وزي ما قال ليك محمد البشرى فوق وهمة إننا بنينا الخليج دي

أنا من خلال وجودي هنا عارف جدا إنو السعوديين والخليجيين عامة مقتنعين إنهم ما عملوا حاجة عشان يجيهم الخير دا لكن مؤمنين بالله وبأنو المسألة دي رحمة من الله

فلما تجي انت تقول ليهم أنا العملت وأنا السويت ليكم بيحقدوا عليك وبختوك في عينهم

هسة هم الآية اتقلبت عندهم بيقولوا الناس بيجوا يتعلموا عندنا الشغل وممكن يكونوا محقين في كتير من المهن التطبيقية لقوة الإمكانات

يا حمد سمعت بقصة الزول المسكوه في الترحيل و قام بالليل رسم باخرة في الحيطة و قال للجماعة باكر من الدغش أنا مسافر و باخرتي ياها دي جاهزة
اها القايم معاي منو؟ و قيل انو الجماعة اخدوا ضحكتهم و قالوا عمك ده خرفو كعب و لما قاموا الصباح لا لقوه ولا لقوا الرسمة!
غايتو دي اقوى واحدة سمعتها.

سلام اخي حمد و الضيوف الكرام

Quote: ياخ اللغة دي مدخلانا في مشاكل

اول ايام الغربة كنت شغال بالجبيل و كان معاي زميل سعودي في نفس الشركة راجل محترم و متعلم جداً ( مهندس مدني ) و راسو ملان شديد لكن كان فيهو حاج غريبة ، كان لين و ناعم زيادة عن الحد شوية  و انا برلوم جديد في الغربة وجاي ياداب من السودان و لسة الغباش ما طلع من الجسم و الراس ملان بالافكار الزبالة عن السعودي و كيف بعاين للسوداني وكأنه الطاقة الجنسية في الدنيا كلها مقسومة علي اتنين نص للسودانيين و النص التاني لباقي شعوب الارض و انه في مثل في السعودية بقولوا السوداني تأمنوا علي مالك و لكن ما تأمنو علي اولادك و انه انحنا السودانيين بنينا الخليج و علمناهم و درسناهم ووووووووووو و افكار ما ليها حد المهم الراس شايل كتير ، يوم المهندس مشي يصيف في سويسرا و بعد اسبوعين رجع من الاجازة و نزل دوام واول ما شافني قام و جا ماشي علي و مادي قدومو و شابكني ليك هلا يا زول ، خشمك خشمك خشمك ابقي احب علي خشمك وانا شفتو ليك في اللحظة ديك كديس بس و رجعت ورا و مليت يدي و نزلت ليك فيهو بي عدد واحد كف لامن اضانو صنت و هاك يا الفاظ من التعجبك ديك امشي  يا لو......... يا خو..... يا صي...... يا كل...... ومافي لفظ حلو ما كيلتو ليهو و شبكتو ليك يا عففن امشي فتش لي محل الوس-اخة دي غادي و انحا ما ناسك ، ووووووووو المهم معانا اخونا سوداني جا جري يا اخوانا الحاصل شنو يا اسامة مالك و السعودي منطط عيونو و مخلوع من الزول الهايج قدامو حكيت للسوداني الحصل و في النهاية قلت ليهو عليك الله وري العجل ده محل التيران وين بالله ، اخونا ضحك لامن دمع وانا حيلي برد وعرفت الموضوع فيهو إنة المهم لامن وروني السعودي قاصد شنو انا ما عرفت محل اودي وشي وين و هاك يا جرسة وخجل وتحنيس واسف المهم في النهاية المهندس السعودي اتفهم الموضوع وقبل اعتذاري لكن و لفترة اكتر من عشرة سنوات قدر ما يلاقيني يقول لي ابي اسلم عليك في خشمك بس خشم سوداني



ملحوظة لغير الناطقين بها
الخشم في اللهجة السعودية هو النخرة
 سلام السعوديين النخرة تلاقي النخرة و هو ما يعرف بحب الخشوم ( فتح الحاء في حب ) ههههههههههههههه 

Quote: Abulizz Ali · الأكثر تعليقا الأخ قسم الفضيل ، إذا قاصد إنو حكاية رشوو دي أسطورة بمعنى أكذوبة فإنّ الحكاية صحيحة مية في المية. و قد شاهدت العسكري المضروب منوم في المستشفى و الحكاية دي حكاها بلسانو رد · · منذ ‏18‏ ساعة

الاخ في الفيس بوك عبد العزيز علي - تحياتي

الان فقط صدقتا الاسطورة دي - لأنها على لسان كل سوداني وافتكرتها اسطورة

الاخ حمد
في اسطورة برضو سمعتها من واحد سوداني من الرعيل الأول من المغتربين قال في واحد يمني كان ببيع في بطيخ في الشارع

وجاء عسكري يشتري منه بطيخة - اليمني قام غلى السعر على العسكري - المهم العسكري قام وداه السجن - وكان زمان في قانون انو العسكري الدخلك السجن هو اللازم يخرجك منه

المهم اليمني بعد 20 سنة وهو في السجن بسبب البطيخة قاموا سألوهو - قالوا ليهو انتا مالك قاعد في السجن - قال ليهم جابني العسكري فلان الفلاني

وفتشوا على العسكري وقالوا ليهو ياخ عندك واحد دخلتو السجن قبل 20 سنة وجاء العسكري وقال ليهو سامحني وما عارف شنو

المهم اليمني قال للعسكري أنا ما مسامحك لا في الدنيا ولا في الآخرة

برضو يخيل لي الاسطورة دي اسطورة (:(:(:(:(:

:
:

ود عبدالغفار وضيوفك ....سلام

أسد!! أيوه أسد، جابوهو حديقة الحيوانات في الرياض، ختّوهو في قفص حديدي
ؤ شبكوهو ليك فطور موز ، غدا موز ، عشا موز.... المسكين أصابو الهِزال ؤ بِقى
الغنماية تلحس(.......) ، سأل الحارس بتاعو قال ليهو إنتو لحم في البلد دي مافي؟ شابكِنِّي
موز، موز؟؟ الحارس قال ليهو : سوري.. إنت جايبنَّك بي فيزا بتاعت قِرِد!

قديييييييييمة طبعاً

إما حكاية، دكتور أوغير دكتور حضر الخليج بي فيزة راعي....فهذه حقيقة، والمحظوظ
من يستطيع تعديل المهنة.

سلام ومحبة لصاحب البوست وضيوفه الكرام

محمد فضل الله (يمين انا ضحكت لامن عايز اقع يازول بالغت)
أضحكـ الله سنكـ""

أهلا عبد اللطيف شريف

Quote: وبعد تسوية الحقوق السودانى قال لكفيلة امشى فوق الشجرة ديييك فى قربة نفسها .... ههههههههههههه عمك بطنه كمان نفست ......

كلو عند السودانيين كتابة

بعيدن حكاية تكرار الحاجات دي وعدم معقوليتها فقدت بريق تأثيرها ما عدا في قلة منهم

أنا أحكي ليك أسطورة حقتي أنا شخصيا حصلت الشهر الفات دا

حصل كلاش بيني وبين المعقب البنتعامل معاه، أنا نسيت الموضوع لكن هو دفنوا

المهم جا تجديد الإقامة وبحسن نية سلمتو القروش وكافة المستندات المطلوبة

مشى قفل تلفونو وعمل نائم لحدي ما الإقامة انتهت وبعدها طوالي المؤسسة بقت صفراء

ما سألتو لحدي ما يوم جاء المكتب ، معاي سوداني تاني بهظار قال لي في حضورو يا حمد أمشي ليك لي شيخ كارب عشان إقامتك دي تجدد

شوف الصدفة:
تاني يوم المعقب مشى الشركة الشغال فيها رسمي لقى نفسو مرفوت لمشكلة سابقة لكلامنا دا حصلت بينو وبين مدير الشركة

خت في رأسو إنو أنا عملت فيهو عملية هل تصدق الزول دا جاء المكتب وحول واحد من السعوديين من قسم تاني لقسمنا عشان المؤسسة تبقى خضراء ويجدد لي إقامتي بدون ما أسألو وجابها لي مجددة وأنا ما مصدق

وبعدها اتصل علي أبوهو وقال لي الراجل دا كان مريض ما تلومو وكدا

مراحب حسن ديقول

Quote: وقيل في اسطورة أخرى أنها قرعة كما نقص منها الماء يتم تعبئتها فل.

القربة أحسن من القرعة
القرب على الأقل بتنقط شوية شوية وبالتالي بتنقص وبتريحو شوية شوية
عشان كدا بتاع القربة دا بكون إتأخر أمشي السودان

مرحب محمد عبد الرحيم جمعة

Quote: انت بكيت معاي

شغل الضراع ممكن الواحد يقسمو

لكن بكى يا ناس بكى دي

ما بتنقسم

لكن وبجد أنا بعرف واحد اسمو عبد المنعم كان مسافر مشى البنك عشان يشيل قروشو قعد في الكرسي لقى ليهو لفة منسية لما رفعها وفتحها كان بداخلها 150000 ألف ريال
وهو داخل البنك جا صاحبها وهو لم يكن يجلس في مكانه بل كان مع الصراف ( يعني كان ممكن يتخارج بسرعة ويجي راجع) وعندما علم بذلك أرجع الفلوس لصحابها وسط اعجاب الحاضرين

أنا سمعت القصة دي وربطتني علاقة عمل مع عبد المنعم دا وسألتو أكد لي الحقيقة دي

يعني ذي ما بدونا نحن برضو بنديهم

أهلين عبد المجيد محمد

Quote: ياخى والله بالغت فى التعبير ..

أنشاء الله دائما فرحان ونحن لا ننشد إلا الفرح

يا زول الامراء ديل ما يحتاج

هلا د. سيف

Quote: يا حمد سمعت بقصة الزول المسكوه في الترحيل و قام بالليل رسم باخرة في الحيطة و قال للجماعة باكر من الدغش أنا مسافر و باخرتي ياها دي جاهزة اها القايم معاي منو؟ و قيل انو الجماعة اخدوا ضحكتهم و قالوا عمك ده خرفو كعب و لما قاموا الصباح لا لقوه ولا لقوا الرسمة!

خيال أوسع من اللازم

لكن الزول دا لقى ليهو بحر وين في السجن كان يعملا طيارة بتكون مبلوعة


زمان في الثمانينات عندنا قريبنا أول إجازة ليهو جخانا ليك جخ شديد

يوم قاعدين كدا جاب جركانتو ضرب ليهو كاسين ثلاثة واشتغل ليك فينا

من ضمن الحاجات قال مرة قاعدين يشربوا والحكاية نقصت ركبو العربية ماشين يجيبوا الزيادة صدموا سيارة الشرطة

تخيل سكرانين والعربية سايقة واحدة عُمرة وصدموا سيارة الشرطة وبعد دا قال ليهم والله يا سودانيين نحن بنحبكم وخلاهم مشوا (الكلام دا في الرياض)

طبعا أنا ما قدرت أقول أي حاجة المغتربين ديل زمان الواحد ما بيقدر يتكلم معاهم بكون كاسر عينك ببنطلون ولا قميص

ولا ياهو بتضرب معاهو ملح

بوست دمو خفيف وظريف زيك يا حمد

Quote: يا عمك واحد زى صاحبك بتاع الخيم المحترقة ... بس زولى دى عمل (عماته) بى قربه كل ما يتذكر مقلب كفيله ينفخ ليك القربة , وفى الضفة الثانية السعودى بطنه (كرشه) تنتفخ اكثر .. السعودى عرف مرضه سحر وفهم السودانى عملها فية ... مشى الخرطوم وسال حتى وجد مكفولة القديم صاحب الدينا المصادرة طمعا وظلما حيث كان الاتفاق ان تكون السيارة باسم الكفيل ويجعل المكفول له راتب شهر عرفانا وشكرا ... المهم السعودى وصل الزول حق الكرم والضيافة تمام التمام , والصراحة بقت ات جيت يا الشقى ,....!!!! وبعد تسوية الحقوق السودانى قال لكفيلة امشى فوق الشجرة ديييك فى قربة نفسها .... ههههههههههههه عمك بطنه كمان نفست .......!!!

هههههههههههه نفست عديل يا خال

إنا لله وإنا إليه راجعون..

أنا أؤيد كلام الأخ فتح العليم ولكن من زاوية أخرى، قد يقبلها البعض وقد يرفضها عملاً بنظرية نصف الكوب المليان ونصفه الفارغ.
أسرة آل سعود ملوك المملكة من جدهم الكبير وحتى اليوم تعتبر من أفضل وأحسن الأسر كأسرة. لا نتحدث عن الشائعات المغرضة التي يطلقها بعض أعدائهم عن سلوكهم الشخصي، فهم بشر في النهاية.
أناس يفعلون في الحرمين توسعة وتهيئة لراحة ضيوف الرحمن سنة بعد أخرى دون كلل أو ملل، يصرفون لوجه الله ما يجعل الله يقف معهم ويساندهم. إنهم يحكمون أمة من البدو لم ينضجوا على نار هادئة. قفزوا من مرحلة الجمل لمرحلة الجامبو. اي من مرحلة تك للمفك. فلولا ال Handling بتاع آل سعود لهؤلاء الناس لكانت حال المملكة غير. إنهم ينصرون الضعيف قبل القوي ويأخذون له حقه من فك الأسد. ولكن إن ظلمك شخص سعودي يحمل التابعية فهذا ليس بالضرورة يعني سوء آل سعود. وفقهم الله لحكم أرض بيت الله وقبر رسول الله بما يرضي الله ورسوله. وابعد عنهم الحساد والمنافقين وسيئ الظن بالعباد. آدر يا كريم.
تحياتي


كبـّاشي الصـّـافي

(العوج راي والعديل راي)

تحياتي وسلامات الأعزاء حمد ود. سيف

Quote: يا حمد سمعت بقصة الزول المسكوه في الترحيل و قام بالليل رسم باخرة في الحيطة و قال للجماعة باكر من الدغش أنا مسافر و باخرتي ياها دي جاهزة اها القايم معاي منو؟ و قيل انو الجماعة اخدوا ضحكتهم و قالوا عمك ده خرفو كعب و لما قاموا الصباح لا لقوه ولا لقوا الرسمة! غايتو دي اقوى واحدة سمعتها.

مع إحترامي لكل الحكاوي والأساطير وأبطالها

لكن القصة دي هى ( الوحيدة ) التي صدقتها تماماً
والله العظيم جادي




_____________

إنتو شوفتو حاجة؟؟

مرحب استاذنا محمد فضل الله المكي
منور البوست

Quote: الحارس قال ليهو : سوري.. إنت جايبنَّك بي فيزا بتاعت قِرِد! قديييييييييمة طبعاً إما حكاية، دكتور أوغير دكتور حضر الخليج بي فيزة راعي....فهذه حقيقة، والمحظوظ من يستطيع تعديل المهنة.

النكتة حلوة أنا اول مرة أسمعها وياهو حالنا يقولو ليك ما عندك استقدام لأنك جاي بفيزا عامل أو راعي الخ


بخصوص مهنة راعي من الصدف الأسبوع الفات جانا في المكتب القنصل السعودي في ذلك الوقت

وهو عرّاب تقييد السودانيين بمهنة راعي وحكى لي كل تفاصيل وأسرار تقييد السودانيين بمهنة راعي كانت ليه

غايتو، بس ليس كل ما يُسمع يقال ما بقدر أقول التفاصيل دي اعتبرتها سر أباح بيهو سعادة القنصل

رغم إنو حيثيات القرار كانت مفهومة للجميع

مرحب عوض جاه الرسول

إنشاء الله دائما مبسوط ياخ

مرحبا عاطف

Quote: لكن القصة دي هى ( الوحيدة ) التي صدقتها تماماً والله العظيم جادي

جادي بتاع فنيلتك قوم لف (على قول أبوساندرا)

كيف يعني ؟ تبريرك للتصديق دا شنو

شكلك معلقة فيك قصة الشيخ الطيب ود السائح بتاعة بنطون رفاعة ديك

Quote: جادي بتاع فنيلتك قوم لف (على قول أبوساندرا) كيف يعني ؟ تبريرك للتصديق دا شنو

تبرير التصديق يا حمد ببساطة

أنو عمك أحسن الظن بالله سبحانه وتعالى ووثق في ربه ثقة كاملة
وإني لأظنه ممن قال فيهم الحبيب المصطفى عليه أفضل الصلوات وأتم التسليم (( رب أشعث أغبر مدفوع بالأبواب لو أقسم على الله لأبره ))
راوي القصة ( بقصد أو بدون قصد ) قد أكد صحتها عندما قال

Quote: و لما قاموا الصباح لا لقوه ولا لقوا الرسمة!

لو قال لقوا الرسمة أنا كنت تحفظت عليها واعتبرتها واحدة من ( أساطير المغتربين )

يعني يا حمد باختصار
كل القصص المذكورة كان العطاء فيها من الناس ... أما هذه القصة فالعطاء فيها مباشرة من رب الناس ( وَمَا كَانَ عَطَاء رَبِّكَ مَحْظُورًا )


وبرضو
والله جادي جداً جداً

_____________

وبرضو

إنتو شفتو حاجة ؟؟

Quote: كل القصص المذكورة كان العطاء فيها من الناس ... أما هذه القصة فالعطاء فيها مباشرة من رب الناس ( وَمَا كَانَ عَطَاء رَبِّكَ مَحْظُورًا )

يا عاطف أنا أبدا ما معترض على قدرة الله

ولكن خلينا نعمل العقل شوية

يعني الزول دا في سجن ومفتاح السجن مع عسكري

أنا غايتو تفسيري الوحيد لكلام زي دا إنو العسكري جاهو حمار النوم ومشى فتح السجن وقال للزول دا يلا سوق سفينتك دي وأمشي

أو بإرادته كدا هفت ليهو وقال للزول دا أطلع
لكن حارس السجن لو ما اتدخل في الموضوع دا أنا ما بصدقو يعني الزول دا اتبخر وطلع من السجن ولا كيف ؟

انا بحكي حكايتك دي لزول قال لي في نيجيري ودوهو ساحة الإعدام بعد قطعو رأسو وطار بعيد باقي جسمو قام مشى بدون رأس وهو مقيد

وقال للعساكر والسيّاف الليلة بتمشو وين؟

أها دي أصدقها برضو؟

سلام يا عاطف
الحاجة الوحيدة البقدر اقولها ليك ربنا يزيد يقينا على يقينك ، اما ناس نحن فتلك و الله مرتبة صعبة ما نحن ببالغيها، لذا يستعصى علينا تصديق هذه الحكاية و امثالها
و الله اعلم.

سلام عليكم الاخ حمد وجميع الاخوة الكرام

البوست جميل جدا وارجو نقله للربع القادم عشان ننداح معاكم

Ahmed Mustafa · متابعة
يا حمد في مقطع في اليوتيوب بقول فيهو واحد انو السودان كان ممثل لثلاثة
دول عربية في الامم المتحدة في الخمسينات هههههههههههههههههههههه.
-ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

من الشباك بيعاين وبقول لحمد ...

نعم صدق السودانى ده هو المرحوم باذن ربه الاستاذ \محمد احمد المحجوب ..

وقد اوُعجب به الملك فيصل يرحمه الله وكان صديق شخصى له ..
ونتج عن هذة الصداقة نجاح مؤتمر اللاءت الثلاثة ......!!!!


وهذة حقيقة اتمنى ان يتاح لى وقت وزمن لايضاحها اكثر ...

بوست لذيذ وناس ألذّ

Quote: مع إحترامي لكل الحكاوي والأساطير وأبطالها لكن القصة دي هى ( الوحيدة ) التي صدقتها تماماً والله العظيم جادي _____________ إنتو شوفتو حاجة؟؟

وأنا كمان صدقتها وما استهجنتها

تعرف يا عاطف ما شفتا ردك التحت لكني توقعتك بتتكلم من ياتو ناحية - ومن توكل على الحي الذي لا يموت فهو حسبه..

سلام يا حمد وضيوفه
بعد تنتهي من أساطير المغتربين في السعودية
عليك الله أمسك أساطيرهم في الضفة التانية
قصة المغترب الجاء مكشوش، مشى محل دهب قال للصايغ (قريبو): كيلو الدهب بي كم؟
الصايغ رد ليه: بي هجم السيح والريح

مرحب يا بدر الدين

الضفة الثانية كان المزاج اتعدل بنعمل ليها بوست






ناس الفيسبوك مشكورين ياخ على المساهمات

في حكاوي برضو متداولة بين المغتربين انفسهم زي مثلا حكاية انو الباكستان مشهورين بالتزوير وانو مرة باكستاني جاي جديد وفي المطار واحد من العساكر السعوديين شال الجواز بتاعو والمهم مشى اشتكى وقالوا ليهو كدي وصف لينا العسكري دا

قام شال ورقه وقلم رسمو ليهم زي ماهو

قالو طوالي قبل ما يخش البلد رجعوهو باكستان من المطار


تاني في حكاية او مقولة الباكستاني القال عن شعار المملكة (سيفين ونخلة)

قال انت روح سيدا انت في اكل تمر
انت روح كدا كدا هذا سيف موجود

وبمناسبة القربة والقرعة في رواية تالتة سمعتها بتقول انو الزول بتاعنا عمليهو السحر في زير وكل ما يملو الزير في السودان السعودي بطنو تتنفخ بهنا


اساطير الاولين والمشكلة اننا بنجي مشبعين بهذه الاساطير لدرجة اننا بنتعامل على اساس انطباعها التركتو علينا

في اسطورة برضو انو اول عربية دخلت السعودية اهداها الازهري ولا السيد عبدالرحمن للملك عبدالعزيز

واسطورة انو السعوديين كان بنتظروا الحجاج السودانيين عشان يدوهم اكل

برضو سمعنا قصة الزول المرحلنو في جدة ..

وهو في عربية الترحيل جات ماشة جنبهم عربية حليب السعودية

صاحبنا اتنهد تنهيدة طويييييييييييلة ...وقال ( يااااااااا حليلك يا حليب السعودية كامل الدسم)..

ههههههههههه


والزول الجا السعودية ولقى ليك الحماعة ينقنقوا ...السعودية انتهت وزمان الحاجات كانت رخيصة والذي منو..

بعد شوية جابوا قزازة البيبسي الكبيرة صاحبنا مسكا وقرطعة كلها ..ختاها وقال ليهم (برضو تقولوا لي السعودية انتهت وقزازة البيبسي قدر ده؟؟).

هههههههههههههههه

بوست جميل ياخ

وفي واحدة تانية غليدة خالس خالس..

حقت الشيخ المشى لمستشفى كبير ...دخلوا على الدكتور لقاهو سوداني ...وقرر ليهو عملية ...

الشيخ قال العبد ده ما بعمل لي العملية

قام سافر لندن

في لندن قرروا ليهو نفس العملية

لما دخل غرفة العملية ..لقى ليك نفس الدكتور السوداني هو الحا يعمل ليهو العملية

كااااااااااااااااااااك

سلام وتحية
واحد سودانى كان ليهو حقوق عند سعودى بيدرس اولاده ولما انتهت السنة
السعودى ماطله والمبلغ كان كبير . و اخيرا قرر السودانى انه يجيهو فى البيت . فمشى ودق الباب
فتحت البنت الصغيرة قالت ابوى مافى . فدخل الصالون وجلس . بعد شوية البت جابت ليه مويه
صاحبنا كان خاتى سفة مدنكلة . فمن زهجو تف السفة فى السجادة ولما البت شافته دعكها برجله
وشرب الموية وخرج بسرعة. البنت شافت المنظر مشت كلمت امها . ولما جات ما لقت الزول
فى المساء الباب دق عند صاحبنا فتح الباب لقى السعودى واقف وسدد له كامل المبلغ مع الاعتذار
الشديد . وتكفى ياسودانى لاتؤاخذنا .. فاستغرب لهذا التصرف . وبعد الاستفسار من السعودى
عرف انه خايف من حركة السفة وافتكر انه عمل سحر,,