Post: #1
Title: راتب 3700 ريال في السعودية
Author: عبدالله محمد احمد بلة
Date: 05-23-2013, 11:46 AM
Parent: #0
هل يستحقك المغامرة ؟؟؟
لشخص يعمل في وظيفة متوسطة الدخل في السودان
|
Post: #2
Title: Re: راتب 3700 ريال في السعودية
Author: حسين عبد المجيد
Date: 05-23-2013, 11:52 AM
Parent: #1
في مزايا اخرى ول مقرض على كدا
|
Post: #3
Title: Re: راتب 3700 ريال في السعودية
Author: عبد العزيز محمد عمر
Date: 05-23-2013, 11:54 AM
Parent: #1
أنت حدد حاجاتك أولاً.. عايز شنو من الغربة .... بعد داك الكلام بيكون سهل جداً...
يجب اصطحاب وضع الحالي في السودان: متزوج ، لديك مسئوليات في البيت .. طلاب في الجامعات وغيرها.
ثانيا: الجهة التي سوف تأتي إليها: نوعها وتقدمها وسمعتها في السوق وتطور العاملين بها...
وهل توجد زيادات في المرتب أم مكانك سر .. يجب معرفة هذه الأشياء..
ثالثا: هل دفعت مبالغ للحضور أم هي فيزا عمل مجانية...
رابعاً: هل ستحتفظ بوظيفتك في السودان أم عصفور وطار ...
خامساً: هل المؤهلات والخبرات التي تحملها تتناسب مع السائد في سوق العمل في السعودية
سادسا : هل هنالك عقد عمل موثق.
سابعاً: البدلات الأخرى مثل السكن والنقل وغيرها ... هل مثبتة أم ماذا..
عموماً .... حضورك السعودية ليس مغامرة ...
إذا جاوبت على نفسك عما ذكر .. ستكون الصورة واضحة جدا بالنسبة لك ...
لو مهندس 3700 فيها ظلم بواح .....
وعلى هذا يمكنك القياس
شق الديار علم .... ما تخاف
موفق دوما
|
Post: #4
Title: Re: راتب 3700 ريال في السعودية
Author: خالد احمد محمد
Date: 05-23-2013, 11:55 AM
Parent: #1
اخونا عبد الله ... كيف حالك
وظيفةة متوسطة دى يعنى قادر انك تاكل وتشرب وتعيل من يليك وتتعالج وتعالجهم حتى ولو بصعوبة ؟ اذا كان كذلك احسن ليك الوظيفة المتوسطة الدخل فى السودان .
ويفرق هل الراتب 3700 ريال ده راتب مع البدلات ولا راتب اساسى ؟
عموما اى راتب فوق التلاتة الاف وخمسمائة احسن ليك من السودان وبتقدر تعيش بيهو كويس جدا هنا وتمشى امورك ده اذا غضيت النظر عن الامور العاطفية حقت مغادرة الوطن وفراق الاهل والغربة ووووو !
|
Post: #5
Title: Re: راتب 3700 ريال في السعودية
Author: عبدالله محمد احمد بلة
Date: 05-23-2013, 12:19 PM
Parent: #4
وجدت اعلان عن وظيفة محاسب في شركة ملابس اعلن عنه احد مكاتب الاستخدام
ارسلت سيرتي الذاتية بدون ان اتوقع اي رد
وتقاجأت قبل قليل باتصال من مكتب الاستخدام يخبرني فيه بان مرتب الوظيفة 3700 ريال وفي بدل سكن الف ريال (اذا احضرت اسرتي معي) واذا لم يحضرها يخصصون لي غرفة وقالو لي رايك شنو
المهم قالو لي اتصل بينا المساء عشان تدينا رايك النهائي
مؤهلاتي ماجستير في المحاسبة ... خبرتي 15 ستة في المراجعة الداخلية في الوحدات الحكومية
|
Post: #6
Title: Re: راتب 3700 ريال في السعودية
Author: ابو عثمان
Date: 05-23-2013, 12:35 PM
Parent: #5
يازول حرام تطلع براتب زي ده
لعلمك اقل شقه سكنيه عشان تجيب اسرتك
لن تقل عن 2000 ريال شهريا
ده غير المعيشه التي اصبحت غاليه جدا
اقل راتب يكفيك انت واسرتك دون توفير فلس واحد لن يكون اقل من 6000 ريال شهريا
الناس بالمؤهلاتك دي راتبها لا يقل عن 12 الف شهريا
هذه نصيحه لوجه الله من زول مقيم بالبلد دي
منذ 17 عاما"
|
Post: #7
Title: Re: راتب 3700 ريال في السعودية
Author: الأمين عبد الرحمن عيسى
Date: 05-23-2013, 12:42 PM
Parent: #6
ما خاب من استخار ولا ندم من استشار..
قمت بالاستشارة .. فضلت ليك الإستخارة..
|
Post: #8
Title: Re: راتب 3700 ريال في السعودية
Author: Mohd Ibrahim
Date: 05-23-2013, 12:44 PM
Parent: #6
نصيحة من زول مقيم في السودان 17 سنة اتخارج بسرعة اعمل العقد سنة واحدة والسنة البعديها انقل علي شركة قدر مؤهلاتك وراتب كويس لأنو الخبرة في شغل السعودية مفيدة جداً .......بالتوفيق
|
Post: #9
Title: Re: راتب 3700 ريال في السعودية
Author: أشرف الرحال
Date: 05-23-2013, 01:08 PM
Parent: #8
Quote: وجدت اعلان عن وظيفة محاسب في شركة ملابس اعلن عنه احد مكاتب الاستخدام
ارسلت سيرتي الذاتية بدون ان اتوقع اي رد
وتقاجأت قبل قليل باتصال من مكتب الاستخدام يخبرني فيه بان مرتب الوظيفة 3700 ريال وفي بدل سكن الف ريال (اذا احضرت اسرتي معي) واذا لم يحضرها يخصصون لي غرفة وقالو لي رايك شنو
المهم قالو لي اتصل بينا المساء عشان تدينا رايك النهائي
مؤهلاتي ماجستير في المحاسبة ... خبرتي 15 ستة في المراجعة الداخلية في الوحدات الحكومية |
يا راجل حرااااااااام عليك ماجستير وخبرة 15 سنة بـ 3700 ريال
شهاداتك دي وخبرتك دي اقل راتب ليها كم كمتعاقد من السودان ولو داخلي من المملكة كمان الراتب بفرق شديد
يا زول ما احبطك شديد تصدق بالميت كدا ده اقل مزايا ليك :-
الراتب الاساسي 18000 ريال
بدل سكن :- 4500 ريال
بدل مواصلات :- 1800 ريال
اجمالي الراتب الشهري 24300 ريال
بجانب هذه الامتيازات الاخرى
اجازة سنوية 30 يوما مدفوعة الاجر من الاساسي (18000 ريال)
تأمين طبي فئة vip لك وللعائلة
استقدام عائلتك على حساب الشركة
تذاكر سفر سنوية لك وللعائلة
دا اقل راتب ممكن تتقاضاه بهذه المؤهلات
على العموم ارسل لي صور من شهاداتك العلمية والعملية مع السيرة الذاتية على على بريدي اللكتروني
[email protected]
مودتي
الرحـــال
|
Post: #10
Title: Re: راتب 3700 ريال في السعودية
Author: بدر الدين مهدي
Date: 05-23-2013, 03:25 PM
Parent: #9
Quote:
يازول حرام تطلع براتب زي ده
لعلمك اقل شقه سكنيه عشان تجيب اسرتك
لن تقل عن 2000 ريال شهريا
ده غير المعيشه التي اصبحت غاليه جدا
اقل راتب يكفيك انت واسرتك دون توفير فلس واحد لن يكون اقل من 6000 ريال شهريا
الناس بالمؤهلاتك دي راتبها لا يقل عن 12 الف شهريا
هذه نصيحه لوجه الله من زول مقيم بالبلد دي
منذ 17 عاما" |
الكلام الفوق ده سليم مية المية المحاسب بالميت راتبه 5000 بدل السكن ثلاثة رواتب تذاكر سفر سنوية لك ولأسرتك بالٌإضافة للتأمين الطبي
أما إذا كان وضعك في السودان مش ولا بد يمكن حضورك بمفردك وتجلس سنتين ون قو وترجع أهلك تكون عرفت البلد وعملت علاقات ودرست السوق وخبرة وحسنت وضعك بالسودان ويمكن العودة مجدداً بعقد جديد أو جماعتك ديل يحسنوا وضعك أقل شيء 5000 ريال
|
Post: #11
Title: Re: راتب 3700 ريال في السعودية
Author: هشام كمال عبادي
Date: 05-23-2013, 03:34 PM
Parent: #9
تحياتي للجميع ..
حقيقة الوضع في السودان بيخلي الواحد يتعلق بي قشة ..
نصيحتي ليك امشي واتوكل على الله سبحانه وتعالى ..
واعمل عقد مدة سنة او سنتين وانت في السعودية ممكن تراسل شركات في الإمارات وقطر والبحرين ..
لأنو معظم الشركات في الخليج بتعتمد على الخبرة ولو عملتا خبرة سنة اعتقد بتكون فرصك اكتر ..
اتخارج احسن ليك ..
|
Post: #12
Title: Re: راتب 3700 ريال في السعودية
Author: أيمن التوم حسن
Date: 05-23-2013, 04:04 PM
Parent: #11
| Quote: المحاسب بالميت راتبه 5000 بدل السكن ثلاثة رواتب تذاكر سفر سنوية لك ولأسرتك بالٌإضافة للتأمين الطبي |
الاخ بدر الدين ,,, من واقع قربى ومتابعاتى القريبه جدا لسوق العمل بالسوديه اعتقد ان كلامك الفوق دا فيهو حبة مبالغه ,,, محاسب جديد لنج فى السعوديه
( ليس له خبرة عمل بالخليج) من الصعوبة جدا ان يتلقى راتب 5000 ريال زائدا بقية المخصصات من تامين طبى وسكن وتذاكر ,,,,
يا اخ عبد الله ,, هذا المبلغ الذى ذكرت يعادل بسعر اليوم حوالى سته مليون وخمسمائة الف ج سودانى ( بالقديم ) هل تتقاضى ولو نصف هذا المبلغ فى السودان شهريا ؟؟
لا اعتقد ذلك ,,, رغم انو عرضهم مقرّض شويه لكن الفرق الفعلى ليس بكبير ,,, الا اننى انصحك بالسفر وخوض التجربه خصوصا اذا توفر لك السكن والتامين الطبى واجازه سنويه مدفوعه وتذاكر
الوضع فى السودان يسير للاسوأ بخطى متسارعه
|
Post: #13
Title: Re: راتب 3700 ريال في السعودية
Author: علاء الدين صلاح محمد
Date: 05-23-2013, 04:28 PM
Parent: #12
Quote: لاخ بدر الدين ,,, من واقع قربى ومتابعاتى القريبه جدا لسوق العمل بالسوديه اعتقد ان كلامك الفوق دا فيهو حبة مبالغه ,,, محاسب جديد لنج فى السعوديه
( ليس له خبرة عمل بالخليج) من الصعوبة جدا ان يتلقى راتب 5000 ريال زائدا بقية المخصصات من تامين طبى وسكن وتذاكر ,,,,
|
صدقت
اتوكل على الله وتعال لكن لا تفقد عملك في السودان يعنى ما تحرق مراكبك
الحركة فيها بركة والحياة فرص والبلد دي فيها فرص ولا في الاحلام
يعنى ممكن بفرصة واحدة تلقى نفسك في لاين واحد مع اثرياء الانقاذ الفاسدين
نرجع لما تحرق مراكبك اي خط الرجعة
كما البلد فيها فرص ولا في الاحلام ممكن تقفل معاك وتكره اليوم الفكرت فيهو الطلعة
استشارة زول كان استاذ في جامعة وطلع بتذكرة ال ONE WAY في زمن الشتات الاول
ومن تجاربو امن ان البركة كانت في حركة تذكرة ال ONE WAY
يا وطن ديما ليك بحن
|
Post: #14
Title: Re: راتب 3700 ريال في السعودية
Author: سرالختم عباس
Date: 05-23-2013, 04:58 PM
Parent: #13
شوف يا الحبيب
راتبك حسب مؤهلك يجب أن يكون خمسة عشر الف وفوق
بس تعال واتعاقد من هنا عشان تتعاقد بي راحتك
وقدر وضعك انت في ظروف ما بتقال وبتعرفها انت براك
3700 اذا اولادك ما معاك كويسه ليك وليهم وإذا معاك ما تجي لأنو ضعف المبلغ ده ما بسوي ليك شي
ورأيي أنا تعال ولقط ليك حق فيزا جديده وتعال فتش بي راحتك واتعاقد بي راحتك
وبعدين الناس ديل ذاتهم ما توافق كده مباشره اذا كان لابد منهم هم قول ليهم خمسه اساسي
لأنو هنا المحاسبين أصحاب التأهيل العادي ما بيشتغلوا أقل من سبعه
|
Post: #25
Title: Re: راتب 3700 ريال في السعودية
Author: مجاهد محمد الهادي
Date: 05-25-2013, 02:17 AM
Parent: #5
Quote: وجدت اعلان عن وظيفة محاسب في شركة ملابس اعلن عنه احد مكاتب الاستخدام
ارسلت سيرتي الذاتية بدون ان اتوقع اي رد
وتقاجأت قبل قليل باتصال من مكتب الاستخدام يخبرني فيه بان مرتب الوظيفة 3700 ريال وفي بدل سكن الف ريال (اذا احضرت اسرتي معي) واذا لم يحضرها يخصصون لي غرفة وقالو لي رايك شنو
المهم قالو لي اتصل بينا المساء عشان تدينا رايك النهائي
مؤهلاتي ماجستير في المحاسبة ... خبرتي 15 ستة في المراجعة الداخلية في الوحدات الحكومية |
إن لم يكن لديك خيارات
حاول تضغط عليهم في الراتب لحدي 5-6 ألف راتب أساسي أقل شي وتكتبهم في العقد إنهم يزيدوك مبلغ سنوي - وفق نسبة 5-10% قول ليهم انك جادي وحتظل معاهم ولن تبدلهم وعقدت العزم
السعودية بتديك وما بتخذلك طولما انت شخص طموح وعندك مؤهلات
تعال وما تخاف
رزق وجاك غير كدة بيكون ليك مدخل حتى لو عدت وجيت بفيزا حتشتغل بالمبلغ القالو ليك عثمان 12 ألف وما فوق
تعال وما تخاف واستخير
كلام واحد ليهو 13 سنة هنا
|
Post: #15
Title: Re: راتب 3700 ريال في السعودية
Author: حامد الغبشاوي
Date: 05-23-2013, 05:14 PM
Parent: #1
Quote: يا راجل حرااااااااام عليك ماجستير وخبرة 15 سنة بـ 3700 ريال
شهاداتك دي وخبرتك دي اقل راتب ليها كم كمتعاقد من السودان ولو داخلي من المملكة كمان الراتب بفرق شديد |
العزيز عبدالله محمد
لاترضي بأقل من 7000 ريال
مع السكن والتأمين العلاجي
وتذاكر سفر سنوية مع الإيجازة
|
Post: #16
Title: Re: راتب 3700 ريال في السعودية
Author: عبد اللطيف بكري أحمد
Date: 05-23-2013, 05:38 PM
Parent: #15
اخي عبد الله تحياتي
التقرير في الأمر دا بيعتمد في المقام الأول على وضعك الوظيفي في السودان
اذا كنت راجي من وراهو ترقيات ومعاش وتدرج وظيفي ممكن يحدث : ماتجي
لو كنت زهجان منو ومن محل شغلك ومافي بديل محلي يستوعب مؤهلاتك وخبراتك براتب مجزي : أركب تعال
اعتبر أول سنة دي زول اشترى ليك فيزة وكلفت عشرين ألف وقاعد تسدد ليهو : اولادك خليهم في مدارسهم في السودان وحول ليهم 2500 ريال شهري : براحة الالف بيعيشك ومنها تختبر سوق العمل ومنها تفتش ليك على وظيفة اخرى أو ممكن ببساطة ناس شغلك ديل يطلعوا آدميين ويقدرو مؤهلاتك وينصفوك
وبرضو ممكن يطلعوا دين حجر التلاتة ونص زاتها ماتلم فيها،،
اخد اجازة بالخصم وتعال ،
دا اخر كلام تاني ما تسأل زول
عبد اللطيف بكري - خبرة سعودية 26 سنة
|
Post: #17
Title: Re: راتب 3700 ريال في السعودية
Author: أسامه الكرور
Date: 05-23-2013, 06:21 PM
Parent: #16
Quote: شوف يا الحبيب
راتبك حسب مؤهلك يجب أن يكون خمسة عشر الف وفوق
بس تعال واتعاقد من هنا عشان تتعاقد بي راحتك
وقدر وضعك انت في ظروف ما بتقال وبتعرفها انت براك
3700 اذا اولادك ما معاك كويسه ليك وليهم وإذا معاك ما تجي لأنو ضعف المبلغ ده ما بسوي ليك شي
ورأيي أنا تعال ولقط ليك حق فيزا جديده وتعال فتش بي راحتك واتعاقد بي راحتك
وبعدين الناس ديل ذاتهم ما توافق كده مباشره اذا كان لابد منهم هم قول ليهم خمسه اساسي
لأنو هنا المحاسبين أصحاب التأهيل العادي ما بيشتغلوا أقل من سبعه |
فى ظنى أن هذا أكثر رد عملى ومفيد
تعال بمفردك وأعرف أحوال البلد وفتش بى راحتك وستجد إن شاءالله ما يناسبك
ستزداد خبره ومعرفه بالبلد ونظام المحاسبه هنا وطريقة العمل ولن تعجز عن الحصول على وظيفه بمرتب مناسب
|
Post: #18
Title: Re: راتب 3700 ريال في السعودية
Author: فتح الرحمن حمودي
Date: 05-23-2013, 06:49 PM
Parent: #17
الشغلة توفيق من الله
انت وحظك .. ياما مؤهلات راحت شمار في مرقة هنا
احسبا كويس .. وتوكل على الله
المبلغ دا ما بعيشك انت واسرتك
خبرة محاسبية 15 سنة سعودية ما يعادل 20 بالسوداني
----------
البلد هنا اتغيرت .. والمحاسبة كمهنة هنا متقدمة وتأهيل اهل البلد زائد
اتوقع في سنوات قليلة يستغنوا عن كل الاجانب في مهنة المحاسبة والمراجعة
عكس التدهور الحصل عندنا في المهنة دي!!
|
Post: #19
Title: Re: راتب 3700 ريال في السعودية
Author: عماد حسين
Date: 05-23-2013, 07:35 PM
Parent: #18
أخونا صاحب البوست
لو جيت السعودية براتب مثل هذا... فلن ينصلح وضعك أبداً
حتى لو قلت تشتغل سنتين مثلاً، وتجي بعقد جديد، فسيشترطون موافقة الكفيل الأول
وممكن يقوم يعاكسك
وحتى لو وافق... أي شركة تمشي عليها بعد كدة بيسألوك من راتبك الفات كان كم
ولو علموا راتبك فسيبخسونك.. وكل ما ذهبت إلى مكان سبسألونك نفس السؤال
أخوك مقيم 10 سنوات وأعلم أن رواتب أمثالك مفروض تكون في حدود 25 ألف ريال
أنا لا أعلم مدى اضطرارك، لكن صدقني: لما تجي السعودية فلا تحلم أن تصرف على نفسك وعائلتك فحسب
الموضوع سيتمدد... ستجد نفسك ملزم بأمور أخرى وأشخاص آخرين
يا أخوي .. الواحد لما يغترب تتمدد التزاماته وتتسع دائرة الأشخاص المسئول عنهم
بعض الناس ممن ليس فيحساباتك سيتصل بك عشماً في أن تعاونه
ومعاونة الغير أمر طيب.. لكن: هل ستفي مخصصات المالية للوظيفة
نتمنى لك التوفيق
|
Post: #20
Title: Re: راتب 3700 ريال في السعودية
Author: محمد يوسف محمد
Date: 05-23-2013, 08:43 PM
Parent: #1
الأخ عبدالله بله
السلام عليكم ورحمة الله
انت استنصحتنا وعلينا نصحك وهذه من حقوق المسلم على المسلم
انا مغترب فى السعودية منذ اكثر من ثلاثون عاما
نصيحتى لك كالتالى :
لا تفكر فى الاغتراب الا ان كنت عاجز فى السودان عن توفير قوت يومك
اما ان كان لديك راتب يكفيك لمعاشك ومعاش اولادك حتى ولو على قدر الكفاف
ارجو ان تبقى فى بلدك وسط اهلك
ثانيا هذا الراتب الذى ذكرته سوف لن يكفيك ابدا وسوف تبقى مغتربا محتاجا للمساعدة
وايمانى ان اى يوم تقضيه فى وطنك انت تزداد به قيمة
اما اى يوم تقضيه فى الغربة انت تتنقص منه قيمة
وان احتجت للمزيد من التفاصيل سوف اعود اليك مرة اخرى
ولك الود
|
Post: #21
Title: Re: راتب 3700 ريال في السعودية
Author: سرالختم عباس
Date: 05-23-2013, 09:00 PM
Parent: #20
أنا أختلف مع الأخوين الفوق ديل
السعودية مازالت بخيرها والوضع في السودان يسير نحو السؤ
المحاسبين وخاصة أهل الخبرة والناس المجضمين شغلتهم رواتبهم كويسة وفرصهم واسعة
أسعي لتعاقد يتناسب مع خبرتك وأكاديمياتك وحا تحصل
وكلامي القبيل العضدو أخونا أسامة الكرور ده ما ترمي واطه
وإرحل إذا كانت الأوطان مضيعة فالصندل الرطب في أوطانه حطب
تعال واختصر زمنك
|
Post: #22
Title: Re: راتب 3700 ريال في السعودية
Author: أمجد الزين
Date: 05-23-2013, 10:13 PM
Parent: #21
Quote: زياد الرفاعي · متابعة · امدرمان الاسلامية
البحث عن حل ؟
قدمت للسعودية بعقد عمل حر ولم اجد حرية ولم اعمل مع كفيلي طيلة الفترة السابقة لعدم وجود عمل لديه مع دفع اتاوة سنوية للكفيل وعند صدور قرارات توفيق الاوضاع طلبت منه تنازل لانقل كفالتي علي الشركة التي كنت اعمل بها فرفض ذلك دون دفع مبلغ لا استطيع تحمله وبعد ان يئست من اقناعه بمنحي خطاب التنازل بالمبلغ الذي املكه طلبت منه منحي اجازة وفعلا وافق واخد مني الاقامة ورسوم الاجازة او تاشيرة الخروج والعودة ......... بعد ان ضمنت الاجازة كما توهمت اتصلت بالاهل وحددت مواعيد الزواج وفعلا قاموا بكل المطلوب من تجهيزات واخبار الخطيبة واهلها وكنت قد حددت الزواج خلا فترة قصيرة
والان الكفيل يماطل في منحي الاجازة بعد فترة اسبوعبن وفي النهاية اغلق جواله ولا استطيع التواصل معه او معرفة مكانه
ويمكنني مرغما علي حسب وعدي وحديثي مع الاهل بالزواج يمكنني ان وجدت خروج نهائ اقبل به
افيدوني بالله عليكم ماذا افعل علما بان زواجى كنت قد حددته خلال فترة شهر من تسليم الكفيل رسوم الاجازة ومرت عليه الان اكثر من 15 يوم
افيدوني ما الذي علي فعله وعمله ؟ |
|
Post: #23
Title: Re: راتب 3700 ريال في السعودية
Author: عبدالمنعم الطيب حسن
Date: 05-23-2013, 10:21 PM
Parent: #21
هذا الراتب يكفي لشخص سنقل بلا التزمات اسرية مباشرة،
اذا كان لديك اسرة دون سن الدراسة،
فتحتاج لمبلغ يتراوح ما بين 6000 الى 10000 الف،
لتعيش مستور، لا افق هنالك لاي سيفنق ....
اذا كان لديك اولاد في سنة الدراسة فيرتفع المبلغ قصاد كل طالب الى 1000 الى 1500 في الشهر،
برضو سترة، بلا اي افاق للسيفنق ...
هذا الواقع الان، من واقع خبرة وتجربة وزاد ............
تسلم يازول ،
وكل امنياتنا لك بالتوفيق،
..........................
|
Post: #24
Title: Re: راتب 3700 ريال في السعودية
Author: ايمن الصادق
Date: 05-24-2013, 05:16 PM
Parent: #23
| Quote: اتخارج احسن ليك .. |
أثني علي خلاصة تعليق كمال عبادي في الاقتباس أعلاه وربك يعين .
|
Post: #26
Title: Re: راتب 3700 ريال في السعودية
Author: قسم الفضيل مضوي محمد
Date: 05-25-2013, 03:35 AM
Parent: #24
زي ما قالوا الاخوان فوق استخير وتعال وأقل حاجة لو ما عمرتا ولا حجيت ح تكسب تحج وتعمر زي ما داير
عارف مصريين في نفس وضعك دا - بياخدوا اجازة وبيجو بعقد عمل عشان الحج والعمرة وبيتموا سنة أو سنتين ويتخارجو -
وأهم شيء المصريين ما بيفقدوا وظيفتهم - لأن وضعهم أحسن ممنا بعشرات السنين الضوئية
أحكي القصة دي من أجل التوثيق ليس إلا
جاء واحد سعودي السودان وكان عنده مكتبة للخدمات الطلابية وعمل معاينات للشباب الشغالين في الأوقاف والسريعين في الطباعة على الكمبيوتر
المهم الراجل دا اتفق معاهم على راتب أساسي 1000 ريال (و) نسبة مئوية 25% من الشغل اللي بتشتغلوا
المهم اختار ليهو مجموعة من الشباب ومن ضمنهم واحد بلدياتنا وقال ليهم أعملوا اجراءاتكم وتعالوا لاحقتني بهناك
المهم الشباب بعد عملوا اجراءتهم في السفارة ووصلوا السعودية - الكفيل قال ليهم الاتفاق كان 1000 ريال (أو) 25% نسبة من الشغل (:(:(:
بلدياتنا قال ليهو : يا اخ أنا الوضع دا ما ينفع معاي وأنا شغال في السودان كويس - أعمل لي خروج نهائي
الكفيل قال ليهو : خروج نهائي بتاع فنيلتك (:(: لو داير خروج نهائي تدفع الشيء الفلاني
المهم صاحبنا دا مشى لواحدين كدة خارجوه من السعودية وإلى الان تاني ما عتبا
الكلام دا ليهو تقريبا أكتر من 15 سنة وما مقصود بيه أي تحبيط ولكن بس للتوثيق
تحياتي لصاحب البوست وبالتوفيق - لو في السعودية - أو في السودان - أو في أي مكان آخر من الكرة الأرضية
|
Post: #27
Title: Re: راتب 3700 ريال في السعودية
Author: الحاج حمد الحاج
Date: 05-25-2013, 06:29 AM
Parent: #26
Quote: البلد هنا اتغيرت .. والمحاسبة كمهنة هنا متقدمة وتأهيل اهل البلد زائد
اتوقع في سنوات قليلة يستغنوا عن كل الاجانب في مهنة المحاسبة والمراجعة
|
يا قيقا اتوقع يستغنوا عن كل المهن الا المحاسبة دي!! صحيح زاد عدد السعوديين المؤهلين في مجال المحاسبة و زاد جملة الشهادات العليا خاصة ال CPA و CMA لكن ما تزال هذه المهنة غير محبوبة للسعوديين.
عماد حسين
| Quote: أخوك مقيم 10 سنوات وأعلم أن رواتب أمثالك مفروض تكون في حدود 25 ألف ريال |
مفروض لكن في الواقع صعبة !! الا في بعض الشركات الكبيرة و لشخص له خبرة في السعودية و ليس لشخص استقدمته شركة من السودان.
Quote: • Mohammed Khair Bashir • MEDICALand SCIENCE DIVISON MANAGER في SITAF SAUDIA CO. LTD
السعودية (مع الاعتزار للوصف ) زي تربيزة القمار ,,, لو ادتك ترضع مافي زول بيوقف منك ... ولو قفلت منك مافي زول بيفتحها ليك عشان ترضع ...... العايز يجي البلد دي مفترض ما يسأل اي انسان لانك حتتجهجه بين الرفض والقبول ,,, انا لو سالتني بقول ليك 3700 مقارنة بالسودان ما كعبة ,,, صحيح ما مجزية بالنسبة لي مؤهلاتك . ... لكن البلد دي اعتمادها علي الشهادات ما اساسي 20 % بتعتمد علي الشهادات 80 علي توفيق ربنا.... انا لو محلك ولو باخد في السودان نفس المبلغ .. كنت قبلت العرض وجيت .. البلد دي ممكن تعيش بي 1000 ريال في الشهر انت واسرتك وومكن 500 ريال وممكن 200 ريال وممكن 300 ريال حسب صرفك انت واسرتك وحسب حجم الاسرة... البلد دي اغلي حاجة فيها العلاج لو بيضمنو ليك علاج ليك ولي اسرتك استخير استخير استخير واركب تعال ما تتاخر يوم واحد ,,,, البلد دي فيها بركة وبتقدر توفر (لو عايز توفر)
ممكن تركب عربية ترفع رجلك بي 1500 ريال وممكن بي 150000 ريال والبنزين بي 15 ريال بكفيك اسبوع الانترنت بي بلاش ولو اتحكمت في الاتصالات عوجة ما بتجيك,, تعال اعمل خبرة سنة واحدة او سنتين زي ما قالو ليك وصدقني ما حتندم ( شرطا تستخير قبل ما تركب تجي ) يعني اعقد النية واستخير واركب تعال
|
يا زول كلام محمد خير دا كلام جميل و واقعي.
حاول فاوض لزيادة الراتب ليكون اساسي اقل شئ 7000 ريال بالاضافة الى بدل سكن راتب 3 شهور و تأمين طبي و تذاكر سنوية و اتخارج و بعد ما تصل ابعد من التلفونات SKYPE ساااكت..تمنياتي لك باتخاذ القرار الصائب و التوفيق في الخطوة القادمة.
|
Post: #28
Title: Re: راتب 3700 ريال في السعودية
Author: Asim Fageary
Date: 05-25-2013, 06:33 AM
Parent: #26
يا صاحب البوست
بعد التحية
أمسك في كلام أشرف الرحال وعبد المنعم الطيب
الناس ديل أدوك الحقيقة
ماجستير وخبرة 15 سنة في المحاسبة والمراجعة
دي حقها فوق العشرين ألف لسوداني ولو كنت لبناني كان يكون حقها 45 الف
|
Post: #29
Title: Re: راتب 3700 ريال في السعودية
Author: عباس الدسيس
Date: 05-25-2013, 07:08 AM
Parent: #28
| Quote: وتقاجأت قبل قليل باتصال من مكتب الاستخدام يخبرني فيه بان مرتب الوظيفة 3700 ريال وفي بدل سكن الف ريال (اذا احضرت اسرتي معي) واذا لم يحضرها يخصصون لي غرفة وقالو لي رايك شنو |
لو فوتا الفرصة دي
ارجا الله في الكريبه
|
Post: #31
Title: Re: راتب 3700 ريال في السعودية
Author: خضر صيام
Date: 05-25-2013, 07:36 AM
Parent: #29
يازول اتوكل علي الله وتعال وماتسمع كلام راتبك مفروض يكون كدا وكدا
ياخي انا خريج جامعة السودان دراسات تجارية سنة 1998
واشتغلت هنا في السعودية في مؤسسة براتب بداية 2500 ريال فقط
لمدة سنة وبعدها راتبي وصل 5 الاف ريال ثابت
وحتي اليوم 12 سنة ياهو نفس الراتب
واولادي معي وعندي اولاد في المدارس وعايش في امان الله وبوفر منه اقل شي 3 الاف في الشهر
بس كل المصروفات المذكورة تحت دي مابدفع فيها ريال واحد وتتحملها الموسسة
السكن -- وصيانة السكن وكهرباء السكن --- والسيارة ومصاريفها ------- وتامين طبي لي ولجميع الاولاد ----- وتذاكر سنوية لي والاسرة مع راتب شهر اساسي
|
Post: #33
Title: Re: راتب 3700 ريال في السعودية
Author: ناصر حسين محمد
Date: 05-25-2013, 07:46 AM
Parent: #31
الغريبة مافي زول سألك من مكان العمل ...
لو عملك خارج الرياض وجدة وابها والدمام
اركب تعال
وعلي انا توفر وتعيش زي الترتيب ,,,,
|
Post: #35
Title: Re: راتب 3700 ريال في السعودية
Author: طارق ابراهيم ابوالفضل
Date: 05-25-2013, 08:20 AM
Parent: #31
حسب المؤهلات راتب 3700 غير مقبول نهائيا
راتب المحاسب بدون اي خبرات خريج جديد يبداء من 4500 ريال على اقل تقدير
يجب الانتباه لموضوع البدلات و بخاصة السكن و تذاكر السفر للعائلة و التأمين الطبي
و بدل المواصلات
بدل السكن اقل تقدير في مدن جدة الرياض و الدمام اقل تقدير 2000 ريال شهريا
بدل المواصلات اقل مبلغ 800 ريال شهريا
تقريبا هذه اهم الملامح
وما التوفيق الا من عند الله
|
Post: #36
Title: Re: راتب 3700 ريال في السعودية
Author: الحاج حمد الحاج
Date: 05-25-2013, 09:17 AM
Parent: #31
| Quote: واولادي معي وعندي اولاد في المدارس وعايش في امان الله وبوفر منه اقل شي 3 الاف في الشهر |
غايتو دي يا صيام الا الواحد يعمل 3 يوم في الاسبوع صيام!
|
Post: #38
Title: Re: راتب 3700 ريال في السعودية
Author: خضر صيام
Date: 05-25-2013, 09:31 AM
Parent: #36
| Quote: غايتو دي يا صيام الا الواحد يعمل 3 يوم في الاسبوع صيام! |
يازول صيام شنو
انا شايف نفسي بصرف ذيادة وناوي اتحكم في الصرف شوية
يعني 2 الف ريال قليله في الشهر اكل وشراب ليه اصلوا نحن في دبي ولا ابوظبي
ماتعملوا للزول دا تشويش واحد يقول مفروض راتبك 24 الف واحد يقول 30 الف
خلي الزول دا يجي يجرب وبعدين ممكن يفتح له باب رزق افضل وهو شغال مثال ان يتعاقد مع شركة وياخذ فيزا جديدة ويجي ثاني من جديد
|
Post: #39
Title: Re: راتب 3700 ريال في السعودية
Author: درديري كباشي
Date: 05-25-2013, 09:43 AM
Parent: #31
اطلب اجازة راتب من عملك لمدة ثلاثة اشهر
وتعال جرب بعد ما تثبت جدارتك يمكن تطالب بالزيادة التي تستتحقها
لو ما حصل ارجع لعملك اقلاها بتكون عملت عمرة او حجيت
|
Post: #44
Title: Re: راتب 3700 ريال في السعودية
Author: بكري السيد البشاري
Date: 05-25-2013, 01:44 PM
Parent: #31
الاخ عبالله
هى فرصة جاتك وما تضيعها ارجو ان تفكر جيدا ودعك من الاراء المحبطة
والانسان ما ممكن يتعين مديرفى وظيفة من اول يوم والعافية درجات وخليك من ناس ( حرام عليك ديل )
وتوكل على الله واخذ براى الغالبية التى تنصحك باتخاذ قرار الهجرة
وانشاء الله ما حا تندم طالما عندك مؤهلات عالية وخبرة طويلة فى مجال المحاسبة
والمحاسبة مطلوبة فى كل دول الخليج وانشاء الله وضعك حيتصلح
امنياتنا لك بالتوفيق
|
Post: #32
Title: Re: راتب 3700 ريال في السعودية
Author: عبدالله محمد احمد بلة
Date: 05-25-2013, 07:40 AM
Parent: #28
متابع جدا رغم عدم تداخلي
شكرا لكم جميعا
ارائكم تحت الفحص والتقييم والتفكير
وبعد الاستشارة تاتي الاستخارة
والخير دائما فيما اختاره الله
|
Post: #30
Title: Re: راتب 3700 ريال في السعودية
Author: walid taha
Date: 05-25-2013, 07:32 AM
Parent: #1
رسِّل أوراقك لأشرف الرحال
[email protected]
|
Post: #34
Title: Re: راتب 3700 ريال في السعودية
Author: إدريس البدري
Date: 05-25-2013, 07:51 AM
Parent: #30
| Quote: مؤهلاتي ماجستير في المحاسبة ... خبرتي 15 ستة في المراجعة الداخلية في الوحدات الحكومية |
بصراحة بالمؤهلات والخبرة دي واحد من اتنين :
يا إما ترفض العرض ده أو
تجي تشتغل لمدة نص سنة او سنة وتشتري إقامة وتجي بيها
لأنه بصراحة ده عرض ضئيل شديد مع المؤهلات والخبرة.
تحياتي
|
Post: #37
Title: Re: راتب 3700 ريال في السعودية
Author: محمد حسن العمدة
Date: 05-25-2013, 09:17 AM
Parent: #34
سلام
واحده من مشاكل السودانين في العمل انهم ببخسوا نفسهم شديد .. الظروف والاوضاع الفيها الناس في السودان بتخليهم يشتغلوا باي راتب ... مع انو بيكون الواحد محمل بالخبرات والشهادات
كتيرين بشتغلو في وظائف رواتبا مفروض تكون عالية جدا واي جنسية تانية خاصة من الشوام بترفع رواتبا مع انها بتكون خبراتا قليلة بس شوية مظاهر وكلام معسول لكن شغل مافي ..
السوداني في كثير من الاحيان بينظر فقط لاحتياجاتو الحالية شنو !! بعرف ناس بسالوهم في المعاينة كم تتوقع الراتب بيضع راتب لنفسوا بنفسو وبيجد استجابة فورية ويكتشف لاحقا انو الموظف
القبلو كان بياخد اضعاف راتبو او لاحقا يتوظف واحد براتب اعلى من راتبو .. وممكن جدا يكون في وظيفة اقل منو ...
الراتب دا ما بستحق المغامرة .. لكن البستحق المغامرة مدى قوة شخصيتك في فرض وجودك واثبات اهميتك في العمل ... لو صاحب الشركة اقتنع بخبرتك ممكن تتمنى الراتب العاوزو وتصر عليهو
وممكن تشوف ليك اي وظيفة تانية بالراتب الانت عاوزو خاصة مجال الحسابات والامور المالية دا واسع وعروضو كثيرة ..... واهم شي في الختام يكون راسك مرفوع فوق وما تخلي ناس ما تسوى حاجة تتفلسف عليك في جنسيات ما بتعرف تكتب اسمها وعاملة فيها مدراء بطق الحنك اهم شي ديل تكسر عينهم وتفرض نفسك عليهم والا ...
غير كدا
3700 دا ما ح يعمل ليك اي حاجة خاصة لو في مدينة كبيرة ..
|
Post: #40
Title: Re: راتب 3700 ريال في السعودية
Author: إدريس محمد إبراهيم
Date: 05-25-2013, 10:08 AM
Parent: #37
الأخ العزيز / عبدالله ... وكافة الأخوة
تحية ملؤها الود والتجلة؛؛؛
تتفاوت الأراء في مثل هذا الشأن ....
أنا بصراحة ومن واقع تجربة طويلة هنا (أقصد السعودية)...وقد قرأت أغلب المداخلات ....
أستوقفتني صراحة مداخلة الأخ / عبد الرحمن عيسى ... الذي نصحك بالاستخارة .... وفي النهاية نحن بشر مهما حاولنا فعلمنا قاصر ... ومن الأفضل للمسلم عندما يريد أن يقدم على أمر مفصلي تتوقف عليه مترتبات كثيرة تتعلق بمستقبله ومن حوله ... من الأفضل له أن يستخير ...ولا بأس طبعاً من أن يستشير ... وقد فعلت الثانية ... وعليك بالأولى كما أوضح لك الأخ / الكريم .....
وبعدين أخونا / أشرف الحال أداك النجيضه حين قال :
Quote: يا راجل حرااااااااام عليك ماجستير وخبرة 15 سنة بـ 3700 ريال
شهاداتك دي وخبرتك دي اقل راتب ليها كم كمتعاقد من السودان ولو داخلي من المملكة كمان الراتب بفرق شديد
يا زول ما احبطك شديد تصدق بالميت كدا ده اقل مزايا ليك :-
الراتب الاساسي 18000 ريال
بدل سكن :- 4500 ريال
بدل مواصلات :- 1800 ريال
اجمالي الراتب الشهري 24300 ريال
بجانب هذه الامتيازات الاخرى
اجازة سنوية 30 يوما مدفوعة الاجر من الاساسي (18000 ريال)
تأمين طبي فئة vip لك وللعائلة
استقدام عائلتك على حساب الشركة
تذاكر سفر سنوية لك وللعائلة
دا اقل راتب ممكن تتقاضاه بهذه المؤهلات
على العموم ارسل لي صور من شهاداتك العلمية والعملية مع السيرة الذاتية على على بريدي اللكتروني
[email protected]
مودتي
الرحـــال |
وبالذات اقتراحه العملي في نهاية رسالته :
Quote: على العموم ارسل لي صور من شهاداتك العلمية والعملية مع السيرة الذاتية على على بريدي اللكتروني
[email protected]
|
ومن الواضح إن للأخ / أشرف من العلاقات التي يمكن أن تقدم الكثير في سبيل خدمتك .... ومين عارف يمكن إنت تكون قد فتحت هذا البوست لخير وفير يدخره لك الله قد يأتيك أخي الحبيب من حيث لا تحتسب ....
وصيه أخيره من أخ محب لك وللجميع هنا ..... أبقى على والدينك عشره ذا كانوا موجودين .... وإلا فترحم على من رحل منهم وأكثر له من الدعاء وما بتجيك عوجه تب إن شاء الله لا دنيا ولا آخره .... الأرزاق دي مقسمه يا صاحب من عند الله .... علينا فقط محاولة السعي في مناكبها كما أمرنا المولى عز وجل بذلك ....
مع خالص دعواتي لك بالتوفيق أينما حللت .... أنت وجميع الأخوة الأعزاء ....
تقبلوا جميعاً خالص ودي وتقديري ؛؛؛؛؛
|
Post: #41
Title: Re: راتب 3700 ريال في السعودية
Author: الحاج حمد الحاج
Date: 05-25-2013, 10:37 AM
Parent: #40
Quote: يازول صيام شنو
انا شايف نفسي بصرف ذيادة وناوي اتحكم في الصرف شوية
يعني 2 الف ريال قليله في الشهر اكل وشراب ليه اصلوا نحن في دبي ولا ابوظبي |
يا صيام ذكرتني طرفة ، عندنا واحد النوع البنجض الريال شديد يعني ريال واحد ما بطلع الا بعد تعب ، سافر السودان و لما رجع قال: الواحد بعد دا لازم يقتصد و يوفر و انا ح اغير خططي ، واحد رباطابي رد عليهو: و الله الا تكون عاوز تخلي الأكل!
|
Post: #42
Title: Re: راتب 3700 ريال في السعودية
Author: ياسر منصور عثمان
Date: 05-25-2013, 10:43 AM
Parent: #41
شوف يا حبيب .. لو وظيفتك في السودان ساتراك...ابقى حيث انت..
مع امنياتي لك بالتوفيق والسداد..
|
Post: #43
Title: Re: راتب 3700 ريال في السعودية
Author: حماد الطاهر عبدالله
Date: 05-25-2013, 11:59 AM
Parent: #42
| Quote: راتب 3700 ريال في السعودية |
الأخ/ عبدالله بلة
تحياتي
( وإذا إستنصحك فأنصح له)، أظنها حديث نبوي شريف أو قول ماثور، أو من تجارب الناس، وقد قرأت
كل نصائح القراء السابقين بالبوست، وقد بلغ الصفحة الثانية، وأشهد بأنهم جميعا قد إجتهدوا في
نصحك كل حسب تجاربه، وربما لن آتيك بخير مما تقدم غير أني أرى الآتي:
من خلال فترة وجودك بالسودان وأنت تعمل، فقد تزوجت وأكملت درجة الماجستير، ولم تزل تعمل، ربما
أتتك ترقية أو ترقيات، وبالتأكيد بمثل هذا التفاعل قد قطعت شوطا في تثبيت إسمك بالحي والعمل
المجتمع حولك، ولن تعرف قيمة ذلك إلا بعد الهجرة، خاصة لو طالت، ستصبح غريبا ونكرة بين اهلك،
وعلاقتك بكثير منهم وربما بعض الأقارب ستكون أقرب للصراف، أظنك لا تعرف معني الصراف؟ واقصد به
الآلة التى تضع بها البطاقة وكلمة السر فتأتيك بالفلوس في حالة وجود رصيد وإلا فإنها لا تعرفك ولا
تعرفها! هذه واحدة. أما الثانية اتصور إن إستمررت في نفس مثابرتك وأكملت الدكتوراه أو تحصلت
على زمالة، ثم إضطررت للإغتراب بعد ذلك سيكون لك وضع مميز، كخبير مالي، أو أستاذ جامعي، هذه
الثانية، وأما الثالثة فإن مثل هذا الراتب هو إستحقاق (سائق) دينا، يجأر بالشكوى ليلا ونهارا
ويزعم أن مصاريفه واولاده في حدود (4,700) ريالا، وأن العجز لديه شهريا الف ريالا، يغطيها إلا بعرق
جبينه من السهر والتعب وتشغيل (الدينا) ليلا...والرابعة والأخيرة، فلو قفلت معك للآخر، فأرمي بكل
آراءناعرض الحائط وإستخير، وشاور حرمكم المصون بإعتبارها ستكون (المستفيد) أو (المتضرر) الأول
والأخير، فإن اقرت بأنها ستتحمل وتشارك في (الخير) والشر) بكلام رجال وبنات رجال فتوكل على الله، و
هج، ولو عندك فرقة شوي من الصبر فإرسل لي سيرتك الذاتية وخبرتك ورؤيتي لخبرتك ومؤهلك بانها يلزم
ألا أبحث لك بأقل من وظيفة مدير مالي أو Financial controller, وذلك بالعنوان البريدي التالي:
[email protected]
|
Post: #45
Title: Re: راتب 3700 ريال في السعودية
Author: مصعب عوض الكريم علي
Date: 05-25-2013, 02:02 PM
Parent: #43
حسب تجربتي الشخصية .. الشخص الجديد .. لا يتم تقييمه من الوهلة الاولى .. في اعتقادي 3700 كبداية لاباس بها .. وبعد سنة من عملك اذا اثبت جدارتك وهمتك ستصل الى الراتب الذي تتمناه .. يا جماعة عشان ما نغش انفسنا .. الراتب ده بالسوداني بيعادل كم ؟ وهل في السودان بياخذ نصفه؟
|
Post: #46
Title: Re: راتب 3700 ريال في السعودية
Author: Mohamed alhabib
Date: 05-25-2013, 09:19 PM
Parent: #45
يا اخوي جرادة في الكف ولا الف طايرة
اتوكل على الله
بس اهم شيئ تتأكد انو العقد ما يكون مضروب لانو كتير اتخزلوا ..
وكتير من المكاتب ما عندهم زمة الواحد همو يبيع العقد ويكسب ليهو قرشين
وما هاميهو مصير الشخص المشتري العقد وعادي جداً يقول ليك راتب العقد 5000 وتتفاجأ بقيمته الحقيقية 1700 ريال
واذا كان العقد مضورب حاتغني ظلموني الناس وتبقى في حق العودة
وماتنسي حايكون عليك خسائر الفيزة من صاحب العمل ورسوم التذاكر
السعودية حظوظ يا حبيب ياما مهندسين شغالين بي2500 واميين شغالين بي 7000
|
Post: #47
Title: Re: راتب 3700 ريال في السعودية
Author: اميرة السيد
Date: 05-26-2013, 00:42 AM
Parent: #46
Quote: شهاداتك دي وخبرتك دي اقل راتب ليها كم كمتعاقد من السودان ولو داخلي من المملكة كمان الراتب بفرق شديد
يا زول ما احبطك شديد تصدق بالميت كدا ده اقل مزايا ليك :-
الراتب الاساسي 18000 ريال
بدل سكن :- 4500 ريال
بدل مواصلات :- 1800 ريال
اجمالي الراتب الشهري 24300 ريال
بجانب هذه الامتيازات الاخرى
اجازة سنوية 30 يوما مدفوعة الاجر من الاساسي (18000 ريال)
تأمين طبي فئة vip لك وللعائلة
استقدام عائلتك على حساب الشركة
تذاكر سفر سنوية لك وللعائلة
دا اقل راتب ممكن تتقاضاه بهذه المؤهلات
على العموم ارسل لي صور من شهاداتك العلمية والعملية مع السيرة الذاتية على بريدي اللكتروني
[email protected]
مودتي
الرحـــال |
.................................................
والله انا عافيت منكم كلكم.... وقدمتم نصائح مفيدة جدا وكل يريد ان يساعده بما لديه من خبرة ورأي.. واظن بعد كدة القرار بقى واضح بالنسبة ليه...
ويا الرحال انت رجل خير وبركة .. لأن السطر الأخير في تعليقك:" وعلى العموم ارسل لي صور من شهاداتك العلمية والعملية مع السيرة الذاتية على بريدي الإلكتروني"" فهذا السطر الأخير يدل على معدنك الأصيل
وهو معدن ذهبي 100%... وهكذا شعب السودان الأصيل الطيب...
ووالله قريت بوست الليلة هنا وعنوانه" كل شعوب العالم ما عدا السودانيين " اصابني بالاحباط الشديد.. لأن ثاحب الاعلان يعلن عن وظائف ويوقل في الاعلان " كل شعوب العالم ما عدا السودانيين: وانا هسع ماشة اكتب تعليقي بهناك..
ويا اخوي اسمع كلام اخوك الذي لم تلده امك - اشرف الرحال- ورسل ليه السيرة الذاتية فربما حيكون سبب خروجك من ازمتك..
والله يديكم العافية
|
Post: #48
Title: Re: راتب 3700 ريال في السعودية
Author: Sharif Nasirladeen
Date: 05-26-2013, 06:03 AM
Parent: #47
أخي العزيز...
تابعت كل المداخلات السابقة..من رأي الشخصي أن تتوكل على الله و تقبل بلعرض
و أنشأالله لي قدام تلقى ليك فرصة في مكان تاني براتب أحسن..
طبعا كتار من الأخوة المتداخلين ذكرو بأن الراتب المفروض ما أقل من 15000
لاكن أضع في بالك أنو الفرصة اللي جاتك بي 3700 كان ضاعت ممكن ما تلقاها تاني..
وفي النهاية الشغل حظوظ مين عارف أثناء ما أنت هناك ممكن تلقى ليك عمل في مؤسسة كبيرة و بي راتب عالي
و كل أجراءات نقل الكفالة و غيرها تتم في يسر و سهولة.
|
Post: #49
Title: Re: راتب 3700 ريال في السعودية
Author: إدريس محمد إبراهيم
Date: 05-26-2013, 06:22 AM
Parent: #48
تحياتي لكم جميعاً ....
أعود مرة أخرى بعد تعليقي الأول .... وحقيقة ضحكت كثيراً وأعجبتني الطرفة التي ذكرها الأخ / الحاج .... وفي نفس الوقت ذكرت طرفة تدور في نفس محور موضوع هذا الخيط حيث تسخر من جشع بعض أصحاب الأعمال هنا في السعوديه .... قالوا في واحد دخل السعوديه بطريقة غير نظامية بعد أن ضاق به الحال ذرعاً في السودان .... وتوجه نحو البوادي حيث عمل لمدة ثلاث سنوات مع أحد مالكي الماشية كراعي على أن يوفر له الأخير المأكل والمشرب فقط ... يعني شغال بي بطنو .... تضايق صاحبنا إذ وجد نفسه يدور في دائرة مفرغة .... وتعب من كثرة العمل والمعاملة السيئة لصاحب (الحلال) وبدون أي مقابل مادي ... وهرب منه ..... والتقى بآخر يبحث عن راعي ... تداولوا الأمر عن الوضع الجديد حتى يضمن حقوقه هذه المره .... فسأله السعودي ... كم لك في المملكه ... ووين كنت تعمل ؟ .... فأخبره ثلاث سنوات وفي ذات المجال .... رجع ليسأله : كم كان يعطيك راتب ؟ .. فأجاب صاحبنا بكل صراحة : والله كنت بعمل معاه مقابل الأكل والشراب فقط ... عسى أن يقدر السعودي صراحته ويتفق معه على أجر مناسب .... ولكن السعودي باغته حين قال : طيب ما تراعينا شويه يا زول.....فأجاب السوداني مباشرة : خلاص حأصوم ليك الأتنين والخميس ......
مع خالص ودي وتقديري ؛؛؛؛؛
|
Post: #50
Title: Re: راتب 3700 ريال في السعودية
Author: ابوحراز
Date: 05-26-2013, 08:06 AM
Parent: #49
الناس كثيراً ما يستخيرون في اتخاذ قراراتهم
ولكن أنصحك لوجه الله اذا اردت ان تأتي الى هنا
وتترك عملك هناك فهذه المرة لاتستخير مرة واحدة
بل اقلها عشر مرات !!!
ووظيفة محاسب في محل لبيع الملابس احياناً لاتعني وضعية المحاسب الذي نراه
سواء في البنوك أو الشركات
يعني ممكن تكون قاعد في كرسي وتحاسب الزبائن على الملابس التي اشتروها
التأكد من نوعية العمل
وكذلك الدوام شيء مهم قبل اتخاذ القرار
وارى بعض الناس هنا يقولون لك بامكانك ان تطالب بزيادة الراتب
وهذه الأخيرة تتوقف عليها أمور كثيرة جدا ياتي على راسها مزاج صاحب العمل
كما ان هناك الكثير من الجوانب التي تدخل في هذا الموضوع
حيث ان للجنسيات التي تعمل مع ذات الكفيل وفي نفس الموقع اثر كبير في استمرارك
وقد تجد من يحول دون اعطائك علاوة سنوية
ويمكن للمراسل الذي يمسح لك الطاولة دور كبير في اعطاءك العلاوة
ونقطة أخرى مهمة ان الاستقدام لا اعتقد سيتم بهذه الطريقة التي ذكروها لك
فالأمر في الكثير من الأحيان يتطلب حضورك أولا
ومن ثم مراجعة مكتب الاستقدام
وتقديم مؤهلاتك وراتبك ومهنتك
وهذه الشروط الثلاث هي التي تمنحك الاستقدام من عدمه
كذلك كما ذكر لك الأخوة فإن 3700 ريال في الدمام
تختلف بالطبع عن 3700 ريال في عفيف أو الدوادمي
في منطقتنا كان الايجار للشقة 4000 آلاف ريال قبل 8 سنوات
الآن الشقة لاتقل عن 12 الف ريال
ونحن في مدينة ترى فيها الجمال والغنم والبقر
وتسمع فيها صياح الديكة
وبعضا من الذئاب وهي تهجم على الخرفان في منتصف الليل !!!
ويكاد المرء لايرى { إمرأة } لمدة شهرين بالتمام والكمال
ونحمد الله اننا على وضوء 24 ساعة !!!
اذا كانت زوجتك تتوحم على الذهب فهذه الثلاثة آلاف ريال لاتكفيك
واذا حاولت أن تاخذ قرضا فإن راتبك سيبقى 1700 ريال فقط
ولو ان لديك اهل كثيرون ياتون الى بيتك على طريقة دخلت نملة واكلت حبة وخرجت فالعوض على الله
كما أنه يلزمك اخراج 500 ريالا بعيداً للكوارث الاجتماعية سواء هنا او في السودان
عادي هنا تكون في { سماية } ويجيك كراس حايم !!
وفجأة يقوموا ناس ابوفاطنة يقولوا ليك هيثم استشهد في أبوكرشولا
تقوم تدفع ليك 200 ريال لا يد ولاكراع
وبعد شهرين الشهيد يرجع وقروشك مايرجعوها ليك !!!
لااريد ان اطيل
ولكن عليك ان تفكر كثيرا في الموضوع من كل النواحي
وان تضع ملاحظات أخوانك وأخواتك هنا نصب عينيك
وان تستخير وتستخير وتستخير
وآخر نصيحة ان ضربت بنصائح الشباب عرض الحائط وأتيت الى هنا
فهناك نصيحة من عمك ابوحراز لاتغفلها
اذا { سلفت اي واحد قروش فلابد ان تقرأ عليها الفاتحة!!!
أما لو حاولت ترسل قروش ليستثمروها لك بالسودان فهنا لابد ان تقرأ القرآن كله !!!!!!
لأنك ولا حاتلم في راس المال
ولا الأرباااااااااااااااااح !!!!
|
Post: #51
Title: Re: راتب 3700 ريال في السعودية
Author: حسين عبد المجيد
Date: 05-26-2013, 08:20 AM
Parent: #50
Quote: الناس كثيراً ما يستخيرون في اتخاذ قراراتهم
ولكن أنصحك لوجه الله اذا اردت ان تأتي الى هنا
وتترك عملك هناك فهذه المرة لاتستخير مرة واحدة
بل اقلها عشر مرات !!!
ووظيفة محاسب في محل لبيع الملابس احياناً لاتعني وضعية المحاسب الذي نراه
سواء في البنوك أو الشركات
يعني ممكن تكون قاعد في كرسي وتحاسب الزبائن على الملابس التي اشتروها
التأكد من نوعية العملوكذلك الدوام شيء مهم قبل اتخاذ القرار
وارى بعض الناس هنا يقولون لك بامكانك ان تطالب بزيادة الراتب
وهذه الأخيرة تتوقف عليها أمور كثيرة جدا ياتي على راسها مزاج صاحب العمل
كما ان هناك الكثير من الجوانب التي تدخل في هذا الموضوع
حيث ان للجنسيات التي تعمل مع ذات الكفيل وفي نفس الموقع اثر كبير في استمرارك
وقد تجد من يحول دون اعطائك علاوة سنوية
ويمكن للمراسل الذي يمسح لك الطاولة دور كبير في اعطاءك العلاوة
ونقطة أخرى مهمة ان الاستقدام لا اعتقد سيتم بهذه الطريقة التي ذكروها لك
فالأمر في الكثير من الأحيان يتطلب حضورك أولا
ومن ثم مراجعة مكتب الاستقدام
وتقديم مؤهلاتك وراتبك ومهنتك
وهذه الشروط الثلاث هي التي تمنحك الاستقدام من عدمه
كذلك كما ذكر لك الأخوة فإن 3700 ريال في الدمام
تختلف بالطبع عن 3700 ريال في عفيف أو الدوادمي في منطقتنا كان الايجار للشقة 4000 آلاف ريال قبل 8 سنوات
الآن الشقة لاتقل عن 12 الف ريال ونحن في مدينة ترى فيها الجمال والغنم والبقر
وتسمع فيها صياح الديكة
وبعضا من الذئاب وهي تهجم على الخرفان في منتصف الليل !!!
ويكاد المرء لايرى { إمرأة } لمدة شهرين بالتمام والكمال
ونحمد الله اننا على وضوء 24 ساعة !!!
اذا كانت زوجتك تتوحم على الذهب فهذه الثلاثة آلاف ريال لاتكفيكواذا حاولت أن تاخذ قرضا فإن راتبك سيبقى 1700 ريال فقط
ولو ان لديك اهل كثيرون ياتون الى بيتك على طريقة دخلت نملة واكلت حبة وخرجت فالعوض على الله
كما أنه يلزمك اخراج 500 ريالا بعيداً للكوارث الاجتماعية سواء هنا او في السودان
عادي هنا تكون في { سماية } ويجيك كراس حايم !!
وفجأة يقوموا ناس ابوفاطنة يقولوا ليك هيثم استشهد في أبوكرشولا
تقوم تدفع ليك 200 ريال لا يد ولاكراع
وبعد شهرين الشهيد يرجع وقروشك مايرجعوها ليك !!!
لااريد ان اطيل
ولكن عليك ان تفكر كثيرا في الموضوع من كل النواحي
وان تضع ملاحظات أخوانك وأخواتك هنا نصب عينيك
وان تستخير وتستخير وتستخير
وآخر نصيحة ان ضربت بنصائح الشباب عرض الحائط وأتيت الى هنا
فهناك نصيحة من عمك ابوحراز لاتغفلها
اذا { سلفت اي واحد قروش فلابد ان تقرأ عليها الفاتحة!!!
أما لو حاولت ترسل قروش ليستثمروها لك بالسودان فهنا لابد ان تقرأ القرآن كله !!!!!!
لأنك ولا حاتلم في راس المال
ولا الأرباااااااااااااااااح !!!! |
امسك في كلام عمك ابو حراز فتفت الحكي صح
| Quote: اذا { سلفت اي واحد قروش فلابد ان تقرأ عليها الفاتحة!!! |
والله صحي يا عم ابو حراز
|
|