Post: #1
Title: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 05-23-2013, 08:26 AM
طبعاً الفيسبوك اصلاً يعني السمسم الابيض .. وليس الزيتون
------
العريبي سأل ابوهو .. متاوق الكتاب .. وشاف المنتزها ذاتا:
يابا انت الزيتون دا (اسود)
- اي .. بجي منو واحدن اسود
- ؤ بمشي؟
بحزم وثقة يليقين بلهطات البنادر: لا!!
- لا كان كدي انا أكلت لي ابو الجعران!!
|
Post: #2
Title: Re: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 05-23-2013, 08:37 AM
Parent: #1
يا شباب رغم اي حاجة وبغض النظر عن اي حاجة .. تعال نثبت بكري على الابقاء على نافذة الفيسبوك حية
لا تزر وازرة وزر اخرى
التحية لاصحابي جداد الخلا
- ابو احمد ( بغض النظر انو مخو بجي الساعة اطناشر)
- ام مؤيد ( مع انو ذمتا من النوع ابو استك)
- سيدا (مريم خزخيرة)
- محمد سيد الكارو ... اقضد سيد الحمار
وهكذا
-----------
لكن بكري كان اصر .. ما بنقدر نخرج على غرارت قيادتنا الرشيدة .. ونشكك في حكمتا انحنا
ذاتو نكون خلصنا من ورجغتم دي!!
|
Post: #3
Title: Re: العالم السفلي، ذراع الماسونية .. او فيما يختص بالفيسبوك
Author: فرح الطاهر ابو روضة
Date: 05-23-2013, 08:42 AM
Parent: #2
Quote: يا شباب رغم اي حاجة وبغض النظر عن اي حاجة .. تعال نثبت بكري على الابقاء على نافذة الفيسبوك حية
لا تزر وازرة وزر اخرى |
الكلام دا عليه بصمة بالعشرة
لكن يا استاذنا فتحي هل بهذه الطريقة
ولا بوضع اليات تتيح للمشاركات الهادفة الاسهام والادلاء بالراي
ومتابعة ما يقود للبحدث في المنبر دا
ودا ما بعني رقابة على الحرية الحدها السماء الما عرفنا السماء دا ذاته
حدوا ويييييين
احترامي وتحيييييييييييية
|
Post: #4
Title: Re: العالم السفلي، ذراع الماسونية .. او فيما يختص بالفيسبوك
Author: درديري كباشي
Date: 05-23-2013, 08:43 AM
Parent: #2
يعني يا اما تلح على الحل
او تحل عن الالحاح
هيك بصير وهيك بصير
ولا موهيك يا زلمي
اتعلمنا التركية كمان
|
Post: #5
Title: Re: العالم السفلي، ذراع الماسونية .. او فيما يختص بالفيسبوك
Author: Hani Arabi Mohamed
Date: 05-23-2013, 09:10 AM
Parent: #4
هربتُ من جحيم الواقع إلى نعيمِ وهم الفيسبوك ... فلاحقوني بصور النار والعاهات والأموات واستحلفوني بالله أن "ألايك" ....
|
Post: #6
Title: Re: العالم السفلي، ذراع الماسونية .. او فيما يختص بالفيسبوك
Author: وضاح عبدالرحمن جابر
Date: 05-23-2013, 09:10 AM
Parent: #4
الاخ / فتح الرحمن
قياسا على المبادئ الجميله
وحرية النقاش وووو الخ
واتاحة الفرص وكل القيم النبيله ....
اوكى .. فتحة الفيسبوك كويسه .
لكن انا متأكد 100% انو لو جا واحد زور حساب وقعد يشتم فى أهلك وأعز ما لديك فى الدنيا أحياء أو اموات
او حتى اتلحك شوية
رأيك حا يتغير 180 درجة ..
والحاجه الغريبة والمذهله انو ممكن تجيك الاساءات دى من زول قاعد يشارك معاك ويبتسم فى مواضيعك ومشاركاتك
وشابكك يا قيقا ويا عزيز ويا نفيس
حرية الكتابة والمشاركة اذا ما كانت محكومة بقوانين ومرجعيات قانونية وادارية تبقى عبط واستهبال واستدراج للناس عشان
يصلو للدرك السحيق من سوء النوايا والطعن من الخلف والفحش والبذاءة
اذا فى تحمل للمسؤلية من ادارة الموقع (باعتبارها من سمحت للنشر فى سودانير عبر الفتحه) يبقى اوكى تتحمل مسئوليتها
وتراقب مشاركات الفيسبوك البتتعرض فى الموقع وتجاوب على الاسئله البتحول ليها
لانو الموقع مقروء اكتر من الفيسبوك عبر الحساب المحدد
يعنى واحد يجيب حساب ما حا يقروهو خمسه اشخاص .. يكتب بيهو مشاركة يقروها عشرات الالاف والاساءة تنتشر
مودتي
|
Post: #7
Title: Re: العالم السفلي، ذراع الماسونية .. او فيما يختص بالفيسبوك
Author: درديري كباشي
Date: 05-23-2013, 09:22 AM
Parent: #6
اصلا التكنلوجيا اتاحت التفلت في كل شئ
لدرجة انه واحد مدير فندق بالصدفة اكتشف ان العاملين يخفوا كاميرات صغيرة في غرف النزلاء العرسان
لكن هذا لايعني ان التطور الهائل الذي حدث في كاميرات الفيديو يقول انها اداة سيئة ومضرة ..
علينا نحن التعود على التعايش مع التطور الذي حولنا نأخذ ما يفيد ونتجاهل ما يسئ
لو اتيح للانسان ان يرى الجراثيم والبلاوي المعلقة في ذرات الهواء لمات من الرعب
الفيس بوك واخدة من وسائل ذلك التطور الهائل في ثورة الاتصالات
الاستخدام السئ لا يسئ له بقدر ما يسئ للمسئ حتى لو كان مجهول الهوية ..
|
Post: #8
Title: Re: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 05-23-2013, 10:11 AM
Parent: #7
مراحب ابو روضة دردري هاني وضاح
شكراً ياخي على النبادل الواعي دا للاراء
ودا المقصودبالضبط ..
في اللحظة دي انا مع حبيبنا الدرديري ..
ما عشان الناس بتكتل بسكين البصل، يبقى نستغنى عنها في حياتنا اليومية ونموت جوع!
الاسفير -كما يقترح اسمو- فضاء مفتوح .. والحرية حدها السماءالتامني وطشيش
يبقى تدبر طريقة مناسبة للتعامل معاها افضل من رفضو
هو عالم مفروض علينا شيئنا ام ابينا
المهم
نسمع منكم المزيد .. ومن الآخرين (يا شباب دا بوست للعوام .. شرط الشهادات عطلناهو ليكم)
-------
صدق يا وضاح اخوك اخد كوتو من عذاب العوالم السفلية دي
والله صحي
اسي ناس فوق راحمننا!؟ :)
لكن هوو كير
قبل كدا وفي منبر مقروء .. ؤ والله العظيم برا سبب
واحد جا كيل لي ما تنوء به الجبال .. و والله ما فارق معاي
لكن الوجعني بجد انو دخل السيدة الوالدة .. واساء ليها برا سبب جنته!!
انقر خليتو لكن؟
والشكر لوليد ومنتديات الراكوبة الملكوني كل المعلومات عن المجرم دا
|
Post: #9
Title: Re: العالم السفلي، ذراع الماسونية .. او فيما يختص بالفيسبوك
Author: وضاح عبدالرحمن جابر
Date: 05-23-2013, 10:18 AM
Parent: #8
Quote: انقر خليتو لكن؟
والشكر لوليد ومنتديات الراكوبة الملكوني كل المعلومات عن المجرم دا
|
بس ..
ده الانا بتكلم عنو يا حبيب
مرجعية ادارية ...
المنبر ما مسئول عن الفيسبوك
لكن بكل تأكيد مسئول عن النافذة الفتحها فى المنبر لانو النشر اصبح داخل حرم (المنبر)
|
Post: #10
Title: Re: العالم السفلي، ذراع الماسونية .. او فيما يختص بالفيسبوك
Author: حيدر حسن ميرغني
Date: 05-23-2013, 10:19 AM
Parent: #8
ده حايكون اسمي السفلي الجديد في وش الكتاب
|
Post: #12
Title: Re: العالم السفلي، ذراع الماسونية .. او فيما يختص بالفيسبوك
Author: علي محمد الفكي
Date: 05-23-2013, 10:37 AM
Parent: #10
الكورة بدون مشجعين اكيد بدون طعم ..
وتنظير المشجعين مهم جداً لانهم بكونو شايفين الملعب بضغوط اقل ..
مع شباك الفيس فقط تساعدنا الادارة ( طبعاً اذا بتريد ) تخلي السلاح صاحي طول ال 24 ساعة
وتاني حاجة البجي متخفي واحد من اثنين اما خاف منك وما قادر يواجهك
اها ال######## من الفروسية تسيبو ..
بمعنى راجل خاف جرى تجري القبيلة وراهو .؟
او كمان مستحي منك ودا تلقى ليهو العذر وتقدر استحياهو منك ..
ولا الفهم شنو
|
Post: #13
Title: Re: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 05-23-2013, 08:58 PM
Parent: #12
Quote:
الكورة بدون مشجعين اكيد بدون طعم ..
وتنظير المشجعين مهم جداً لانهم بكونو شايفين الملعب بضغوط اقل ..
مع شباك الفيس فقط تساعدنا الادارة ( طبعاً اذا بتريد ) تخلي السلاح صاحي طول ال 24 ساعة
وتاني حاجة البجي متخفي واحد من اثنين اما خاف منك وما قادر يواجهك
اها الج بان من الفروسية تسيبو ..
بمعنى راجل خاف جرى تجري القبيلة وراهو .؟
او كمان مستحي منك ودا تلقى ليهو العذر وتقدر استحياهو منك ..
ولا الفهم شنو
|
كلامك ظاهره الرحمة وباطنه العذاب يا علي
عليك الله انزل (غوص) في العالم التحتاني دا وتعال ورينا منو المشجعين .. ومنو سيدا ذاااااتو!؟
آخر الكلام ابصم عليو بالحداشر مصبع
جدنا كليب بن ربيعة التغلبي ما كان بتلفت لي اقل من 30 فارس
-------
يا سيدا اي انت ذاتو المقصود ..
أعمال مريم زخيرة بتغباني انا كمان؟
تتذكر لمن جبت لينا طبزة حسين في بوست صديق مهدي او اياً كان اسمه ..
طبعاً اخوك - لاول مرة مخو يجي الساعة اطناشر- ما فهمت اي حاجة .. لحدي ما نفحتنا بالرابط (برضو تقول لي ما مريم زخيرة؟)
المشكلة انو اياً كان اسمه دا -بعكس حسين- في لستة قراءتي مافي ذاتو
حلك لمن فهمت الدقسة الملاسية
|
Post: #11
Title: Re: العالم السفلي، ذراع الماسونية .. او فيما يختص بالفيسبوك
Author: بشير أحمد
Date: 05-23-2013, 10:26 AM
Parent: #8
تحياتي يا قيقابايت؛
الفيسبوك نافذة جيدة للتعبير عن الراي والراي الاخر...
واختلاف الراي بين إتنين قد يصل لحدود مشتركة بالنقاش الهادي...
لكن برضو قد يصلوا لحد إخراج الدانات والهاونات لي بعض...ودي يمكن نعمل ليها مصفوفة سلام وقسمة ثروة وسلطة..
انا مع نافذة الفيسبوك تكون مفتوحة هنا ...وكل زول يخلي بالو من لغاليغو...
|
Post: #14
Title: Re: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 05-24-2013, 11:56 AM
Parent: #11
انتو شنو الكتابة التحت الشخيت القايمين فيها دي!!!؟
يا بكري لا تأخذنك بالماسونيين ديل في دين الله رأفة
اغرفم بالطارة الكبيرة وريحنا منهم!!
 
شايف يا وضاح؟
واخد بال سعادتك، حضرتك من استهداف العالم السفلي للقامات الثقافية ورموزها فوق؟
لكن برضو ح نتحمل .. مهمتنا شاقة في رفع الوعي .. في العالمين
ستظل وقفتنا على خط النار رائعتن طويلة ..
---------
Quote:
انا مع نافذة الفيسبوك تكون مفتوحة هنا ...وكل زول يخلي بالو من لغاليغو...
|
|
Post: #15
Title: Re: العالم السفلي، ذراع الماسونية .. او فيما يختص بالفيسبوك
Author: محمد البشرى الخضر
Date: 05-24-2013, 12:14 PM
Parent: #14
بعد اذنك ياقيقرا - اخوك بموت في اللعبة الحلوة | Quote: ديك انت عارف الملاسيفوبيا على أشدها وملاسي زول صاحبي وكاتبي المفضل ودي ما داسيها وما ناكرها وانت سيد العارفين ملاسي في النهاية بشر.. هو ما دقس، بس اتسرع وانا حنيت عليهو في اللحظة القريت فيها المداخلة قلت يا سيدا الناس دي لو شافت المداخلة دي من تلقاء نفسها ملاسي دا إلا نقرأ ليهو في الكي جي بي تاني .. فكرت وقدرت ما لقيت حل أفك بيهو الزنقه دي !! ممممممممممم ما لقيت غير بوست زولك داك وكان ملاسي موقفوا تعيس جدا والدليل إنو ما هوب ناحيتو خالص وطبعا من خلال دراستي لسايكلوجية الزول المنبري استخلصت منها إنهم ما بحبوا الفطيسة كلهم عاملين أسود وبصطادوا براهم وكدا قمت أديتكم ليها فطيسه يعني حتى لو جريتوهوا خمسين بتكون متأخرة شديد وفعلا كل الناس جات عابره فيها سكيتي ويا دار ما دخلك شر . |
يا سيدا زاتو ...
يا حبيب من دربك دا وايميل على المعلم فيه صورة جوازك
شغل زي دا ما شغل تقعد بيه تحت, تعالنا فوق الله يرضى عليك
|
Post: #16
Title: Re: العالم السفلي، ذراع الماسونية .. او فيما يختص بالفيسبوك
Author: rosemen osman
Date: 05-24-2013, 12:42 PM
Parent: #15
سلامات يا حمودي ..عندي رؤية تاني ..بعيدا عن المشاكل الحدثت من زملائنا خلال النافذة التحت دي وهي :
أنها وجودها ذاتها تحت ..تحت ناس بتشاكلو وبتونسوا وبكاكو ...أو بحكو وبشعروا فيها تقلبل من شأنهم ..
ليه مثلا ما ياخدوا باسويردات ويجوا يسوطوا مع العالمين فوق ما دام راغبين .اذا كان فى امكانية .
لأنه الناس الفوق ديل ما أحسن منهم بحاجة وونستهم ما أفضل من ونسة المتفرجين ..
يعني وجود التعليقات على مقالات مثلا أو كتابات بالصفحة الرئسية ممكن تكون معقولة ..أو حتى هنا على المواضيع البتقبل تعليق جاد لجديتها
لكن أعلق على شكلة بين اتنين وأشجع دا ..وأنبذ دا ..ببقى زي خطف الكلام الكريه داك وببقى تطفل ..ومضيعة للزمن( زمن القارئ )
فى تعليقات ومتداخلين محترمين نعم ..ونعم احنا فى ظل عالم مفتوح للنهاية ..وأي شيئ لكننا ناس ما بنحسن استخدام الحرية وبنفسد أجواءها ما استطعنا.
الحل شنو ؟
الله أعلم ..
مع التقدير لكل الناس البتتناول المواضيع باحترام وبكتبوا باساميهم الحقيقية.
|
Post: #17
Title: Re: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 05-24-2013, 01:00 PM
Parent: #15
وقع ليك كلامنا عزيزي القارئ!؟
اها (مريم زخيرة) بالضبط الحصل فوق دا
معركة ما ليو فيها ناقة ولا بعير .. مشى جلد ليها يدو -بي جلد- خلاها زي عنقريب القد بس، وابى الاكل!!
هي (مريم زخيرة) دي كيفنها!؟
يا بكري اغرف الناس ديل .. الرحمة برضك حلوة!!
----------
ما تشوف الفصاحة يا ابو حتوت
يجينا بي جوة بنطيرا ليو في راسو كما طارت لمن سبقه وارتقى المراقي العصية دي
لا كمان عامل ليو معركة في خيالو الواسع .. وانتصر فيها .. ووقام يبرطع بتهاليل النصر
المجانين في نعيم .. تعال السراي
ذكرني بس ذات الكوخ!
ودي بجي احكيها ليك بحساب (الدرويشة بت حمووودي) في عالمكم السفلي داك قبلك
اقرأ (Fadi Fathi) باسماء الشواطين مما تعدون
|
Post: #18
Title: Re: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 05-24-2013, 03:13 PM
Parent: #17
سلامات يا روزمين
شكراً يا صديقة على الاقتراح:
Quote:
ليه مثلا ما ياخدوا باسويردات ويجوا يسوطوا مع العالمين فوق ما دام راغبين .اذا كان فى امكانية .
لأنه الناس الفوق ديل ما أحسن منهم بحاجة وونستهم ما أفضل من ونسة المتفرجين ..
|
المافي شنو!؟
---------
يا بكري كان قلتو خير ... خلاس قبلنا .. ادينا هنت بالله
عندنا لستة سواء .. كأسود ما يكون
الماسونيين ديل فيهم ناس ذمتم واااااسعة ..كاوسع ما يكون
مافي داعي تزيد الغثاء ... كفاية الفي
|
Post: #19
Title: Re: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 05-27-2013, 12:31 PM
Parent: #18
Quote:
ده حايكون اسمي السفلي الجديد في وش الكتاب
|
---------
اها دايرين تدخلونا في فيلم (الدرويشة بت ابو الجعران) ول كيف؟
شايف حافظ انقابو حاجز الاسم دا عند حسن موسى من زماااان ..
قال عاوز يرسموهو ابو الجعران!!
يا زول الوضوح كويس ..
زمان في اواسط التمنينات .. زمن المحل والقحط .. وسودان كول
الناس اتضايقت .. والسرقة كترت .. تلوب عديييل في البيوت!!
الكاركتيرست الجد جد (عز الدين) رسم كاركتير جميل جداً :
راسم عمك التلوب (نفس الصورة النمطية عصابة زورو وفنيلة مخططة ابيض واسود .. وشايل مفاتيحو بيمينو وبقجة المسروقات بشمال .. وتسوى الدنيا بي حااااالو!)
المهم عمك لمن نجض شغلو تب، وبقى زول مخارجة .. جا تبن ليك سيد البيت -شاهد شاف كل حاجة- لكن عامل غمران (رافع ليك طرف البطانية بذاكرة خاينة خايفة..
لكن وين دا .. على مين يا بن الناس!!
جا صحاو وهو يردد: يا أخوي هوي قوم قدمني عدييييل .. عشان بكرة ما تجي تعمل ليهم فيها ابو عرام .. دخل بي جاي .. وطلع بي جاي!!
|
Post: #20
Title: Re: العالم السفلي، ذراع الماسونية .. او فيما يختص بالفيسبوك
Author: AMNA MUKHTAR
Date: 05-27-2013, 02:50 PM
Parent: #19
لووووووووووووول @ قيقابايت ..
الحرية لنا وسوانا ..
علا بس (سوانا ) ديل مااااا كلهم بيكتبوا بإسمائهم الحقيقية ..
وفى واحدة كدا ...قاااااعدة معانا هنا ، ومتخصصة فيني وفيك يا قيقا من العالم السفلي .
ضسطوووووور ..:)
|
Post: #21
Title: Re: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 05-28-2013, 04:19 PM
Parent: #20
Quote:
حرية لنا وسوانا ..
علا بس (سوانا ) ديل مااااا كلهم بيكتبوا بإسمائهم الحقيقية ..
وفى واحدة كدا ...قاااااعدة معانا هنا ، ومتخصصة فيني وفيك يا قيقا من العالم السفلي .
|
ماااا عندها موضوع والله
---------
انا غايتو ذنوبي كتييييييييرة .. بدليل البسلطم علي الله يعذبوني بي فوق ديل
ياخي لمن بقيت كل ما اخش البورض الظالم اهله دا بجيني احساس كدا اني متا ودخلت النار!!
ياخي دا عذاب شنو دا!؟
خليهم ناس العالم السفلي ديل يخففوا علينا شوية .. ظروفي ما بتسمح لي بي عذاب قدر دا بعدين!!
خلي نوزع عليهم شوية يشيلوا الشيلة دي معانا
المافي شنو؟
|
Post: #22
Title: Re: العالم السفلي، ذراع الماسونية .. او فيما يختص بالفيسبوك
Author: فتح الرحمن حمودي
Date: 06-01-2013, 12:21 PM
Parent: #21
يبدو لي انو اسفلها خير من ظاهرها
---------
واعني السراي الصفراء دي ..
ما شايف فرق فيما ينعوه على جماعات الفيسبوك!!
كلو عاير ساي برا هدى ولا ايباد ذاتو!!
يعني قصة اعتذرلك وتعتذرلي دي ماجايبة حقها خالس
زمان (الدحش ) عشان يبقى حم ا ر بطيعّوه (بالجدوة) وبعداك بنعدل
فلازم الناس ترجع للراعي الكامن في الدواخل وتطييع اي مفنجط اي كان
رواه قيقاراعي عن الجنيد ود حمد -الراعي الرسمي لفكرة بعث التراث الحميري دا- هنا ما يختص ب(الدرويشة بت ضياء) .. وعشان الحاجات تبقي كويسه! وقال حديث حسن صحيح ..
واوقفه الراوي على غير العربان .. ديلاك قدر ما يحاولوا اخفاء الراعي الجواهم .. يجي مطلع لينا كراع حمار ول ضنب معزة .. بس(بكسر الباء)!
العربي ماااااا بتمدن .. كان ودوهو لي لندن .. يطرأ الحمير البلدن!
|
|