بريمة محمد وود الباوقة ما هي اسباب تأخر النصر في اب كرشولا !!

تعجيل النصر له اسبابه والباطل لا يصمد امام الحق طالما انتو تروا انكم الحق وغيركم هم الباطل فأنتصر الجيش الشعبي الباطل عليكم وشال دولته وفرتك ، والاستقطابات والترضيات مع بعض الحركات المنفصلة من حركات دارفور تؤكد حقيقة ان الحق ما معروف مع منو !! ومنو هو الباطل الحكومة ول المتمردين
اكيد طالما انكم تعتقدون ان الحق هو انتم ليه تأخر اذن النصر وليه الجنوب انفصل ؟؟

في شئ ما فيكم (فيكم دي مش انتو براكم فيكم دي المنظومة كاملة بتاعت الحكومة وكيزانها )
قال الفاروق عمر بن الخطاب (والله ان الباطل لا يصمد امام الحق طوال هذا الوقت إلا بذنب اذنبتموه انتم او ذنب اذنبته انا ، فنحن أمة لا تنتصر بالعدة والعتاد ولكن ننتصر بقلة ذنوبنا وكثرة ذنوب الاعداء ، فلو تساوت الذنوب لانتصروا علينا بالعدة والعتاد

أستغفروا الله تنتصروا


يا بريمة شنو ذنب جماعتكم ديل

ابشروا يا بريمة وود الباوقة

العقيد / عبدالرحمن الصادق المهدي في منبر المؤتمر الوطني بود البشير

جاب ليكم النصر القريب حيث قال اننا اليومين دي شغالين تضيق على المحتلين في اب كرشولا وتسمعون النصر قريب

كمان اجمل حاجة في خطابه انو قال من مهددات الامن الوطنى عدم توفر العدالة الاجتماعية

دي ظاتها اس البلاء الجابت العدل والمساواة

اما خطاب حاج ادم دا تخت العلامة دي !!!