المنبر يحتاج الى ثقافة قانونية في نقطتين هامتين !!!

النقطة الأولي : تحديد نقاط النزاع.
النقطة الثانية : عبء الاثبات وانتقال عبء الاثبات.
اهمية هذه النقاط تكمن في انها يمكن ان توفر علينا عناء ورهق الكثير من الحبر والجهد الذي يراق في البوستات بلاطائل
مثلاً موضوع (نقاط النزاع) تلقي بوست عجاجتو في السماء وكل زول جاي بمداخلة وكابشر واقتباس ليثبت امر هو ليس
محل اختلاف او نزاع من قبل صاحب البوست بمعني اخر اذا تضمن بوست فتحه (س) يحوي 4 نقاط جوهرية المختلف مع (س)
يجب ان يحصر خلافه ونزاعه في النقطة او النقطتين المختلف حولهما من بين النقاط الاربعة.ولاحاجة للنقاش حول النقطتين المتفق حولهما.
الموضوع الثاني : عبء الاثبات يقع في العادة على الاتهام او جهة الاتهام فمن يتهم شخص بأي تهمة يقع عليه اثبات تلك التهمة فوق مستوي
الشك المعقول ثم على الدفاع برهان عكس ذلك وهو مايعرف بانتقال عبء الاثبات !!! مش الزول يفتح بوست ويتهم فيهو زول بكلام مرسل
بلا دليل او شاهد ويطالب الزول باثبات او نفي الاتهام عن نفسه.

والله يا سعادتك المطلوب اولاً تحلي الجميع بروح النقاش وتقبل الآخر..

مع ودي

Quote: والله يا سعادتك المطلوب اولاً تحلي الجميع بروح النقاش وتقبل الآخر..

بلاشك روح النقاش والاختلاف مطلوبة وضرورة لكنها لاتكفي لتأسيس نقاش او خلاف بشكل
يمكن ان يؤدي الى نتائج خصوصاً في البوستات ذات الصيغة الاتهامية فالخلفية القانونية مفيدة
ويمكن ان تقود النقاش او البوست الى غاياته بدل من حالة اللف والدوران بلانهاية التى نشهدها
في تلك البوستات.

مولانا كبر ، مولانا محمد على طه الملك ، مولانا عادل سمير ، مولانا الطيب شيقوق ، مولانا احمد موسي ، مولانا محمد المرتضي حامد
وكثير من الاخوة القانونيين بعد التحية والاحترام مطلوب حضوركم في هذا البوست واثرائه بغزير علمكم وتجاربكم وسوابقكم القضائية ........

يا جنابو .. دا شغل القانون والأوضاع الطبيعية!
سودانيز أون لاين أرض العجايب .. بما فيها القوانين!!

السلام عليكم ورحمة الله

Quote: مولانا محمد على طه الملك

مولانا دا اليراجع عبء الإثبات بتاعو في موضوع (بوكرامي)
بعداك يثقفنا قانونياً

Quote: مولانا دا اليراجع عبء الإثبات بتاعو في موضوع (بوكرامي) بعداك يثقفنا قانونياً

وعليكم السلام يامحمد ..........
والله لا علم لي بماذكرت لكن بلاشك مولانا ستكون لديه اجابات عن ذلك ........
اها تعرف يامحمد انا لي يوم الليلة موضوع بوكرامي ده هو زاتو شنو والحصل فيهو شنو
ما قادر اعرف !! والسبب انو النقاشات والاتهامات في سودانيز تسلك مسالك لا توصل الى شيء !!!

جنابو ....

سلام يا زول يا حبيب ....

Quote: النقطة الأولي : تحديد نقاط النزاع. النقطة الثانية : عبء الاثبات وانتقال عبء الاثبات. اهمية هذه النقاط تكمن في انها يمكن ان توفر علينا عناء ورهق الكثير من الحبر والجهد الذي يراق في البوستات بلاطائل مثلاً موضوع (نقاط النزاع) تلقي بوست عجاجتو في السماء وكل زول جاي بمداخلة وكابشر واقتباس ليثبت امر هو ليس محل اختلاف او نزاع من قبل صاحب البوست بمعني اخر اذا تضمن بوست فتحه (س) يحوي 4 نقاط جوهرية المختلف مع (س) يجب ان يحصر خلافه ونزاعه في النقطة او النقطتين المختلف حولهما من بين النقاط الاربعة.ولاحاجة للنقاش حول النقطتين المتفق حولهما. الموضوع الثاني : عبء الاثبات يقع في العادة على الاتهام او جهة الاتهام فمن يتهم شخص بأي تهمة يقع عليه اثبات تلك التهمة فوق مستوي الشك المعقول ثم على الدفاع برهان عكس ذلك وهو مايعرف بانتقال عبء الاثبات !!! مش الزول يفتح بوست ويتهم فيهو زول بكلام مرسل بلا دليل او شاهد ويطالب الزول باثبات او نفي الاتهام عن نفسه.

كلام مؤسس ما في ذلك شك .....

يديك ألف عافيه .... برضو كلام صاحبك ود الصايم في ذات الموضوع ما ترمي واطه ....

إن شاء الله تسلم ياخ ....

مع خالص ودي وتقديري ؛؛؛؛

Quote: كلام مؤسس ما في ذلك شك ..... يديك ألف عافيه .... برضو كلام صاحبك ود الصايم في ذات الموضوع ما ترمي واطه .... إن شاء الله تسلم ياخ .... مع خالص ودي وتقديري ؛؛؛؛

الف شكر يا ادريس .......
كلام ودالصايم كلام زول واقعي وشارب المنبر ده شراب
ولو عاوزين نطور المنبر ده او على الاقل نحافظ عليه من انو ما يبقي طارد
لازم نسمع كلام واراء ناس كتار زي ناس ودالصايم ده ...

يا جنابو عمر موفر الصحة ليك ..
لكن الناس المعروفة بأدب إدارة الخلاف والحوار في المنبر ده ليهو ناسم ..
وبرضو الورجاغين والعاملين فيها مقددين الشفتنه برضو ليهم ناسهم ..
بمعنى انو في ناس ممكن تصل معاهم لنتيجة لو اختلفتا معاهم وممكن كمان يعتذرو ليك ..
وفي عيييييييك كتاااار هناك لو اختلفتا معاهم اول حاجة يشتموك ويسبو سلسفيل اجدادك زاتو..
وما بتصل لى نتيجة معاهم بل وبالعكس بتكون عايز ليك مخارجة من الموضوع في ذات نفسو ..

فشنو "دي بتاعت ود البشرى" الكلام ده ما بقسم مع ناس كتاااااار هنا ..
الحمد لله انو المنبر ده تشاكل الناس فيهو بي كيبوردك وإلا كان الجبخانة تلقاها مدورة كل يوم ..

مودتي ..

Quote: سودانيز أون لاين أرض العجايب .. بما فيها القوانين!!

صدقت ياعمك ......
لكن لابد من تغيير ما ...
ترك الامور على ماهي عليه ماهو الا بمثابة تأشيرة خروج بلاعودة لكثير من اعضاء المنبر ...

العناوين الكريهة وقلة الحياء والالفاظ البتذكرنا بشخبطة الأطفال الجانحيين في أدبخانات السوق هي مايهدد هذا المنبر ،،

والغريبة من ناس هم في عمر الأجداد وعندهم أحفاد هنا ،،

وأستغرب فعلاً انو الناس ديل ممكن يتخاطبو بالوقـاحة دي مع أهلهم في البيوت؟؟

منتهى التحقير والاستفزاز وقلة الحياء والله !!

في ناس هنا ياجنابو عندها هدف تهديم هذا المنبر بعناوينهم التي تعود علينا جميعا بالضرر وتلقي الإساءة من المتلقي العادي!!


كل شيء يقول ليك سودانيزأونلاين وكر صعاليك وفاقد تربوي : فقط لأن واحد راشد عاقل تناسى أن أمه أو زوجته أو أختو أو أبناءه ممكن يقروا الكلام البكتبو ،،

بكري ماعاد يجدي صمتك : إنك تضحي بمنبر عظيم من إجل إرضاء هولاء التـافهين أو تجاوزك عن نضالهم أو معارضتهم أو تأييدهم للحكومة!!


أبو السياسة على أبو الفكر فيها!!

يا عمر دة كله هين المهم البيدفع الاعتبار منو :)

مولانا عمر عثمان وضيوفه الكرام
اسعد الله يومكم
انا كعضو امارس الزيارات اكثر من الكتابة لما توصلت له قديما بوجود العديد من المشاحنات في المنبر والتى لاترقي في بعض الاحيان لمواصلة العضو على الكتابة ، واتفق معك بخروج العديد من البوستات من مسارها المعدة له وفهم البعض الاخر للمسألة المطروحة للنقاش بصورة غير سليمة ويتعاركون في شئ محسوم في الاصل ، بلغتنا القانونية يجب تحديد نقاط النزاع وعبء اثباتها ولكن هذه ثقافة صعبة وليس من السهولة التزام الاعضاء بها نظرا لتباين وجهات النظر بين الاعضاء وعدم المام البعض بثقافة الحوار فربما صدفة فقط قادته للتجسيل في المنتدي واصبح له انصار وشهرة في غير محلها .
من الصعب ان يتقيد الجميع بالنقاط العلمية التى ذكرتها ومن وجهة نظرى المنبر في طريقة للنفور نظرا لدخول عدد كبير من الاعضاء غير مؤهلين لطرح المواضيع وتناولها بصورة ديمقراطية سليمة .
الاوانه الاخيرة شاهدنا انحراف بعض الاعضاء عن لائحة المنبر وعرفه كأداة للتواصل بين الجميع وبصورة ديمقراطية من غير فرض اراء وكثرت الاتهامات والتهديد لبعض الاعضاء حيث تذكرنا بفترة الجامعات ورفع السيخ من بعض الاطراف تجاه الاطراف الاخرى .
يجب ان نرتقى للمستوى الحضاري والبعد عن الاتهامات الانتقامية التى لايسندها دليل وليس محلها هذا المنتدي .
من خلال هذا البوست امل مراجعة طلبات التسجيل الجديدة للاعضاء ومطالبتهم بسيرة ذاتية للتعرف على المرشح للتجسيل وبعض الشروط التى تضمن دخول اعضاء فاعلين للمساهمة في طرح مواضيع جادة يستفيد منها القراء وتسعى لحل مشاكل المجتمع السوداني .
في سودانيز اون كثرة المشاركات وفي الدقيقة الواحدة تجد اكثر من بوست جديد واغلبها مكررة اومسروقة وغير مجددة ، نحتاج من الجادين مراجعة احوال المنتدي للرقى به .
احترامي وتقديري

سلام جنابو عمر
المشكلة في الناس البتجي للمنبر ده وتتعامل معه كعالم خيالي متناسيين انه الكلمة رسالة
الواحد يقول كلام في المنبر ده بسهولة شراب الموية ويكون شتم وهتك عروض واساء لقبائل وفي النهاية يقول ليك ده راي !!!!

Quote: العناوين الكريهة وقلة الحياء والالفاظ البتذكرنا بشخبطة الأطفال الجانحيين في أدبخانات السوق هي مايهدد هذا المنبر ،، والغريبة من ناس هم في عمر الأجداد وعندهم أحفاد هنا ،، وأستغرب فعلاً انو الناس ديل ممكن يتخاطبو بالوقـاحة دي مع أهلهم في البيوت؟؟ منتهى التحقير والاستفزاز وقلة الحياء والله !! في ناس هنا ياجنابو عندها هدف تهديم هذا المنبر بعناوينهم التي تعود علينا جميعا بالضرر وتلقي الإساءة من المتلقي العادي!! كل شيء يقول ليك سودانيزأونلاين وكر صعاليك وفاقد تربوي : فقط لأن واحد راشد عاقل تناسى أن أمه أو زوجته أو أختو أو أبناءه ممكن يقروا الكلام البكتبو ،، بكري ماعاد يجدي صمتك : إنك تضحي بمنبر عظيم من إجل إرضاء هولاء التـافهين أو تجاوزك عن نضالهم أو معارضتهم أو تأييدهم للحكومة!! أبو السياسة على أبو الفكر فيها!!

شكرا ... كفيت ووفيت ...

جنابو عمر عثمان

كيفنك يا جميل ...

في فلم سنة 99 اسمو Eyes Wide Shut

فتش و اقرا عنو ...

ياهو ده الحال هنا ...

Eyes Wide Shut is a 1999 drama film based upon Arthur Schnitzler's 1926 novella Dream Story. The film was directed, produced and co-written by Stanley Kubrick. It was his last film, as the director died five days after showing Warner Bros. his final cut. The story, set in and around New York City, follows the sexually charged adventures of Dr. Bill Harford, who is shocked when his wife, Alice, reveals that she had contemplated an affair a year earlier. He embarks on a night-long adventure, during which he infiltrates a massive masked orgy of an unnamed secret society.

سلامات يا عمر وضيوفه ..

كلامك يا جنابو صحيح لو فعلا الناس عايزة تصل لنتائج ايجابية بطريقة منهجية ..
بس كمان الالتزام الصارم بمعيارك دا بفقد النقاش تلقائيتو في بورد مفتوح ..
مع ذلك جميل إنو المتحاورين يحددوا نقاط النزاع أو خلينا نطلع من الـ legal terms ونقول المحاور المختلف عليها ..
طبعا الالتزام بالمحاور دي ميزتها بتضبط مسار النقاش وتخليه محصور في الثيمة بتاعتو ..
والأهم طرق شخصنة الموضوع بتكون مسدودة أمام المحاور ..
وإذا حاول يلوذ بها بكون غرضو مفضوح أمام القارئ .

سلامات يا محمد أي ..

Quote: مولانا دا اليراجع عبء الإثبات بتاعو في موضوع (بوكرامي) بعداك يثقفنا قانونياً

هههههههه ..
اللستة كملت خلاص ..
ذكرتني المثل البقول التاجر لما شنوكده بفتش دفاترو ..
.Cryptology

سلام يا عمر
المنبر محتاج أننا نتعامل معاهو بمسؤولية وواقع موش نتعامل معاهو من خلف كي بورد وقول ما يجئ في راسك
الشتم والاساءة والسعي خلف تحقيق انتصارات ذاتية دي مشكلة
المشكلة يا عمر في تشفي وترصد ومقصات
وتلذذ بإيلام الآخر
ياخ أنا ما عارف الناس دي الواحد كيف نفسو تسمح ليهو بتحقير إنسان
وفي شنو وعشان شنو والمستفاد شنو والمستفيد منو
والإساءة مردودة يعني هنا تجد أغلب المتنمرين نالوا شتائم بالجملة وسقطت شخصياتهم وأضحوا محل استهزأ
يا ريت الناس تلتفت لي قضاياها البلد دي عايزه كتير
وفي المنبر ده في ناس أنا بعرفها لو قبلوا علي الصعلقه وطولة اللسان بيخلوا اللي ما يشتري يتفرج وفوق كل ذو سفه سفيه
والاختلاف مطلوب بل هو سنة الحياة لكن لماذا لا يكون اختلاف بأدب

سلام جنابو
اعتقد كل الموضوع موضوع إداري - بكل بساطة .. ما قانوني

المنبر يحتاج لمن ينتصرون للحقيقة وليس لذواتهم،



سلامات يا جنابو وشكرا للموضوع الهام..

وأعدك بالعودة إذا أمد الله في الأجل..

Quote: المنبر يحتاج لمن ينتصرون للحقيقة وليس لذواتهم،

أهو الكلام ياحبيب
ودبرى