أمين حسن عمر حزين !! لا يعجبك العرس تبارك !! ولا يوجعك الطلاق تكفر !؟

أول مرة أشوف أمين حسن عمر زعلان
لا لا ما زعلان !!
في الحقيقة حزين ساي!!
كمان "عصر" علي قلبو بالحزن "الشديد"
طيب "الأمين" مالو زعلان ؟؟
عشان عوض الله فاز ليهو بمليون دولار في برنامج ام بي سي
ذكرني قريبتنا تزوجت وبعد سنتين "تطلقت"
لاقت أخونا العائد في إجازته وبادرا بالسلام والتحايا
ودخل في الونسة وهي تعاين ليهو ساي
لمن ما "هببوا" ليـها
قالت ليهو "الشي ياخالد لا عجبك عرسي تباركو ؟؟"
ولا يوجعك طلاقي تكفر لي ؟؟
زول فاز ليهو بمليون دولار "بب كدا"
يفكفكـا ويشوف أحلامو المؤجلة ولا يمشي يفتش الفتاوي ؟؟
مع إنو "الأمين" ما سأل من الاحلام المؤجلة
توشك مشى يفتش في الفتاوى البقت أكتر من كريمات تبييض البشرة
ولا سأل عن السبب الخلى الناس تقابض بزبد بحر القنوات الفضائية
طيب المشي علي عجل الحديد حلال ؟؟
مليون دولار جاتو في صمة خشمو
لا حركة ولا كشيشة تقول ليهو حرام ؟؟
حرمت عليك عيشتك بركة جاه النبي محمد
بعدين تعال هنا
ما ممكن يكون المسئول من الام بي سي "خالو ومعاهو جواز كندي" ؟؟
ممكن ولا ما "متمكن" ؟؟
أنا كان في محل الفائز بالمليون كنت طوالي أعمل مدارس
كيتاً علي الحاكمين المستثمرين الحاسدين
وأمش أعزل لي أحسن ميدان في العاصمة المتلتلة وأقج فيهو المباني
وأجيب لافتة كبيرة أكتب عليـها "مدارس السربون لا مقدم ولا عربون"



الخبر في سودانتربيون

(( الخرطوم 21 مايو 2013 - عبر وزير الدولة رئاسة الجمهورية د. أمين حسن عمر عن حزنه الشديد علي السوداني الذي كسب الجائزة المالية في برنامج الحلم والمقدرة بمليون دولار واعتبرها مال حرام ومال قمار، مضيفا ان الأمة أصبحت ليست لها معايير واضحة لاستيعاب أمور الدين وجرت وراء الاستعمار الجزئي والكلي بالنفوذ الاجتماعية والفكرية .

وفاز عوض الله صالح محمد أحمد من الخرطوم بحري ويشجع المريخ ، ويعمل في الأعمال الحرة ، بأول مليون دولار في مسابقة الحلم على MBC.
. وأكد صالح أنه يحلم بأن يقوم بإتمام فريضة الحج معربا عن سعادته بالفوز بهذه الجائزة التي ستمكنه من تحقيق العديد من أحلامه ومشاريعه المستقبلية.
وانتقد عمر لدي حديثه في منتدي المعرفة بالخرطوم الاثنين عجز العلماء المسلمين في ايجاد فتاوي للمعاملات المالية والاوراق المالية والنقد الصرفي وفق اصول الفقه الاسلامي وشبهه بـ(عقم العمل الاسلامي).
وقال عمر ان حمية الشباب علي الاسلام وحدها لا تنفع وانما عليهم بذل المزيد من الجدية لترسيخ الفهم علي الاسلام اكثر ، وشدد على ضرورة ان يكون الوعظ من ادوات التجديد في المجتمع برغم ما يتصف به من الغلظة والشدة لكي يلتفت الناس اليه ويهتدوا به ، مستنكرا وجود الوعظ كمنهج عام في المجتمع وبصورة مستمرة واعتبره مؤشرا ودليل فشل ولم يجدي نفعا للامة.
وعبر عمر عن رفضه وعدم رضائه التام عن واقع التجديد علي كافة المستويات السياسية والاجتماعية والاقتصادية والثقافية في البلاد ووصفها بـ( الوضع البائس والمشوه ) لادخال كل ماهو جديد عن طريق النسخ والاستبدال ، موكدا ان المنهج الصحيح في التجديد هو التأصيل والنظر بمنظورها بعيدا عن منهج التجديد الذي يتناقض مع البداية الصحيحة والاصول الوسطية .
واستهجن عمر طرح الرؤي بنوع من التلفيق لتكون اصيلة بالافكار، وطالب بوجود عقول علماء مفتوحة للرشد والتصويب لتطوير منهج وطريقة التعامل مع حوائج الناس ، مؤكدا علي ضرورة اهمية عنصر التجديد تماشيا مع متطلبات العصر والعودة للمنهج الاسلامي بهدف تعلم الناس للغة الدينية وتحريك الفكر وفتح باب الاجتهاد بعيدا عن نزعة الاستتباع.))

سبقتني والله يالمحبوب

عارف امين زعلان ليه

عشان الزول ده قال في تسجيله الصوتي انو حلمه انه يساعد النازحين ومشردي الحروب

عرفت امين زعلان ليه

لانو الزول ده حلمه انو يعالج نواتج جرائمهم

(( .......مضيفا ان الأمة أصبحت ليست لها معايير واضحة لاستيعاب أمور الدين ...
وجرت وراء الاستعمار الجزئي والكلي بالنفوذ الاجتماعية والفكرية .......))



((.........وعبر عمر عن رفضه وعدم رضائه التام عن واقع التجديد علي كافة المستويات السياسية والاجتماعية والاقتصادية والثقافية في البلاد ...
ووصفها بـ( الوضع البائس والمشوه ) لادخال كل ماهو جديد عن طريق النسخ والاستبدال .....
موكدا ان المنهج الصحيح في التجديد هو التأصيل والنظر بمنظورها بعيدا عن منهج التجديد الذي يتناقض مع البداية الصحيحة والاصول الوسطية .......
واستهجن عمر طرح الرؤي بنوع من التلفيق لتكون اصيلة بالافكار
وطالب بوجود عقول علماء مفتوحة للرشد والتصويب لتطوير منهج وطريقة التعامل مع حوائج الناس ......
مؤكدا علي ضرورة اهمية عنصر التجديد تماشيا مع متطلبات العصر
والعودة للمنهج الاسلامي بهدف تعلم الناس للغة الدينية وتحريك الفكر وفتح باب الاجتهاد بعيدا عن نزعة الاستتباع.))


وحقيقي دائرين زول يوقع لينا الكلام دا

ويا عوض الله لو سامعني خليك من اللغلغة دي
شيل قروشك وأمش شوف شغلتك برا اجتهاد برا إستتباع

ياوليد صباحك فل
والله ما سمعت التسجيل
وفعلاً ياهو البزعل
لا يرحم ولا يخلي رحمة الله تنزل

اخ محبوب بعد التحية والإحترام
بالفعل بغض النظر عن رأي أمين حسن عمر ... مسبقات ناس أم بي سي هي القمار بعينه وأفضل لهذا الشخص الذي فاز أن يتروى كثيراً ولا يقبل بهذه الأموال فالدنيا ليست كل شىء وخير له ألا يبع دنياه بآخرته التي هي خير وأبقى ..... بدلاً من الفسلفة الفارغة والتحدث في العلماء وعقم العلماء...
هل تدري كم يدر هذا البرنامج من الإتصالات على الأم بي سي والتي تعطي حفنة من المال مقابل شعرات الملايين من الدولارات وكم من الذين أنفقوا أموالهم في الإتصال ... يجب ألا نعمى من الحق .... بغض النظر عمن جاء بهذا الحق.... أسأل الله الهداية لنا وللجميع.... للأسف أصبحنا في زمن نستحل فيه الحرام بشكل مريع ومرعب ....

أمـينٌ هذا ليس أميناً علي الإطـلاق ، كوز كذاب ومنافق !!
سرقـت الإنقاذ السلطة بليلٍ ولم يقل لنا أحرامٌ ذاك أم حلال
تقلب في مناصب الإنقاذ السارقة مع القتلة واللصوص الفاسدين
وسافر شرقاً وغرباً وتسوق في الدوحة وغيرها ... كل ذلك حلالٌ في
ظنه الإنتهازي ، كأن الشعب أختار سماحته عبر إنتخاباتٍ حرةٍ ونزيهــــة !
كده شوفوا كلام الطير في البافير ده : ( وجرت وراء الاستعمار
الجزئي والكلي بالنفوذ الاجتماعية والفكرية ) ... !!
أمـين يتظاهـر بأنه معصومٌ من ذلك كله وهو غارقٌ فيه لأذنيه !
هذا الرجـل جديرٌ بالإحتقار !
--------------
سلام عليك يا محـــبوب

حرامي و عايز يفتي لينا في الدين والله عينه قوية أمين دة قال خالي قال