Post: #1
Title: مجاهدى الكيبورد!
Author: jini
Date: 05-21-2013, 04:15 AM
قيل لا عرابي هل تقوم الليل؟
قال اقوم من فراشي لابول وارجع انام
جنى
|
Post: #2
Title: Re: مجاهدى الكيبورد!
Author: أحمد الابوابي
Date: 05-21-2013, 04:21 AM
Parent: #1
جني .. تحياتي ..
و الله ختفتها من كيبوردي ..
الجماعه الشابكيننا مناضلين كيبورد ، مناضلين كيبورد ديل جزء كبير منهم - يقترب من الكل - مجاهدين كيبورد سااااي .. أها الفرق شنو ...
.
إعدلوا .. هو أقرب للتقوى ..
شكراً يا شاب ..
محبتي ..
|
Post: #3
Title: Re: مجاهدى الكيبورد!
Author: jini
Date: 05-21-2013, 04:36 AM
Parent: #2
والله دي عوجة يا دكتور
معارضى الكيبورد دى مبلوعة الصحف ورقية او الكترونية سوفت او هارد يستخدم فيها الكيبورد
لكن جهاد الكيبورد دا يا ربي بلاى استيشن!
جنى
|
Post: #4
Title: Re: مجاهدى الكيبورد!
Author: خالد العبيد
Date: 05-21-2013, 04:39 AM
Parent: #3
لبسنا الكاكي (4)، حي على الجهاد
اقبض ...
ده واحد
قبل كده قال لبسنا الكاكي
بوردابي اتبرع ليه بي التذكرة one way
ومن ديك وعيك
ما ظهر الا في لبسنا الكاكي 4
|
Post: #5
Title: Re: مجاهدى الكيبورد!
Author: jini
Date: 05-21-2013, 04:50 AM
Parent: #4
دا اسمه جهاد المراكبية يا ود العبيد
جنى
|
Post: #6
Title: Re: مجاهدى الكيبورد!
Author: Hussein Mallasi
Date: 05-21-2013, 06:59 AM
Parent: #5
حشاش بدقينتو!
|
Post: #7
Title: Re: مجاهدى الكيبورد!
Author: عمر التاج
Date: 05-21-2013, 07:15 AM
Parent: #6
الجهاد أصلاً بالنفس والمال ... فمن لم يستطع فبالكيبورد .. ومن لم يستطع فبالقلب وذلك أضعف الجهاد ...
أها .. النضال كيف ؟
|
Post: #8
Title: Re: مجاهدى الكيبورد!
Author: علي دفع الله
Date: 05-21-2013, 07:46 AM
Parent: #7
الاخ جني تحياتي
----------
حا يفلسفوها ليك ويجيبوا الحديث
-------------
من جهز غازيا فقد غزا
التقول دايرين يغزوا تل ابيب
-------------
|
Post: #9
Title: Re: مجاهدى الكيبورد!
Author: ياسر منصور عثمان
Date: 05-21-2013, 07:50 AM
Parent: #8
مجاهدي الكيبورد ومناضلي الكيبورد
وجهان لعملة واحدة..
احمد وحاج احمد
|
Post: #10
Title: Re: مجاهدى الكيبورد!
Author: فرح الطاهر ابو روضة
Date: 05-21-2013, 08:03 AM
Parent: #9
التحية لقوات الشعب المسلحة حامية الحمى
سلام يا جني وضيوفه الكرام
و بيني ما بينك كده مبلوعة منهم مش وزير دفاعم بتاع الدفاع بالنظر
طيب ليه ما يكون في دفاع بالكيبورد (( ومن قتل كيبوردياً معادياً فقد غزاء ))
ما كله فقه ضرورة ونجر اخضر
تخريمة
اقيض برضه
وقولوا اتنين
من اخوات نثيبة على الكيبورد
|
Post: #13
Title: Re: مجاهدى الكيبورد!
Author: هشام كمال عبادي
Date: 05-21-2013, 08:33 AM
Parent: #9
الحكاية شنو !!
الواحد زاتو بقى ما عارف الحاصل في السودان ده شنو ..
بصراحة كدة لا حكومة نافعة ولا معارضة نافعة ولا حتى من حملو السلاح فيهم فايدة ..
الناس الماتو في دارفور وكردفان ديل ذنبهم شنو بالله عليكم ..
الحكومة دي بالله عليكم تشيلو ليها سلاح ..
الحكومة دي اوهن من كدة بكتير ديل تشيلو ليهم عصايات عشر وتاني ما بتشوفوهم في الخرطوم كلها ..
العصيان المدني هو الحل ..
|
Post: #11
Title: Re: مجاهدى الكيبورد!
Author: أحمد الابوابي
Date: 05-21-2013, 08:15 AM
Parent: #7
| Quote: الجهاد أصلاً بالنفس والمال ... فمن لم يستطع فبالكيبورد .. ومن لم يستطع فبالقلب وذلك أضعف الجهاد ... |
و كذلك النضال يا أخا الأعراب .. يجوز فيه كل ما قلت .. و كل حسب وسعه ، و همته ..
و من كان نضاله من الأجل الحق فهو كذلك ،
و من كان نضاله من أجل دنيا يصيبها ( شهرة ، أو مال ، أو منصب ،أو إرضاءاً للنفس ، و انتصاراً لها ) ، أو امرأة ينكحها ، فنضاله لما ناضل من أجله ..
و الجواب يكفيك عنوانو ..
.
.
تحياتي و تقديري ..
|
Post: #12
Title: Re: مجاهدى الكيبورد!
Author: بشير أحمد
Date: 05-21-2013, 08:28 AM
Parent: #11
إتا ياحيدر متجدّع في جدة طاشر سنة عملتا شنو؟
زيك وزي غيرك...
الكيزان ح يقعدوا لسع30سنة قدام.
_________
التعديل :ليس المقصود دكتور احمد الابوابي.
|
Post: #14
Title: Re: مجاهدى الكيبورد!
Author: أحمد الابوابي
Date: 05-21-2013, 08:39 AM
Parent: #12
Quote: يادكتور الابوابي كفاية ضنب الككو المسّكتوا للمناتلين هنا ..وهربت بي جلدك بتمثيلية سخيفة
وطلبت اللجوء السياسي .. |
حبيبنا بشير ..
شكلو في زول مسكك ضنب الككو ... هههه ..
أنا لم أغادر الخرطوم منذ 4 سنين إلا إلى ود مدني طالباً وظيفة أختصاصي .. و هذا قبل شهر بالضبط ..
.
.
لا عليك .. بتحصل ..
محبتي ..
|
Post: #17
Title: Re: مجاهدى الكيبورد!
Author: بشير أحمد
Date: 05-21-2013, 08:42 AM
Parent: #14
تحياتي يادكتور احمد...
ياخي اسف والله وبعتذر بشدة ...قاصد الدكتور داك بتاع الشمالية لانو في شبه بينكم
دقيقة اجيب الاسم ...
|
Post: #23
Title: Re: مجاهدى الكيبورد!
Author: بشير أحمد
Date: 05-21-2013, 10:10 AM
Parent: #17
| Quote: دقيقة اجيب الاسم .. |
تحياتي يا دكتور الابوابي
المقصود المناتل الدكتور احمد سردوب.
|
Post: #24
Title: Re: مجاهدى الكيبورد!
Author: أحمد الابوابي
Date: 05-21-2013, 10:33 AM
Parent: #17
Quote: تحياتي يادكتور احمد...
ياخي اسف والله وبعتذر بشدة ...قاصد الدكتور داك بتاع الشمالية لانو في شبه بينكم
دقيقة اجيب الاسم ... |
تحياتي أيها العزيز ..
و الله أنا قبلان اعتذارك ، قبل ما تقولو .. و قلت ليك .. لا عليك .. بتحصل ..
لكن حقو تسألني شنو البيحصل ؟؟ .. أو شنو الحصل ؟؟ ..
الحصل إنك رديت على زول ما متأكد هو منو .. و إنت ملخبطو بى زول إنت لغاية الآن ما عارفو منو !!! ..
أنا شخصيا ما عارف الزول بتاع الشماليه دا منو ..
و دا أسلوب شايع في البورد ..
و الكثيرين لو الواحد لقى فرصه يغتال شخصية خصمو بيعملا ..
و ما مهم المعلومه تكون صاح أو غلط ..
لكن كان حقك تتمهل شويه ..
ما في حاجه محصلنها نحن ..
الحمد لله الحكومه قاهده .. و كذلك ( الجهاد ) .. كان بالبندقيه ، و الا الكيبورد ..
و كذلك المعارضه .. و ( النضال ) .. نفس الخيارات ..
عشان كدا ما في داعي نستعجل عشان نسكت بعض بمعلومات هشه ، و قد تكون مضروبه ..
أنا شخصياً لا أحمل ليك إلا كل ود .. و خير ..
وما حصل اتداخلت معاك قبل كدا رغم الاختلاف ، و دا قاصد بيهو حفظ الخير دا ..
فلذلك استغربت في الهجمه الغير مبرره ، و الغير مسنوده حتى ..
.
و مع ذلك فعذرك مقبول ، و العفو و العافيه ..
.
محبتي ..
---------
ود الصائم يا فتان .. أطلع منها .. دا كلام دكاتره ..ههههه ..
أنا من متابعتي شايف في تهمه زي دي ..
و لذلك حبيبت أساعد ..
لأنو ناس الأمن ديل بقينا أنا و هم عشره ، و ملح ، و ملاح .. لذلك ما ممكن واحد منهم يوديني بلاد العم سام ..
|
Post: #25
Title: Re: مجاهدى الكيبورد!
Author: أحمد الابوابي
Date: 05-21-2013, 10:43 AM
Parent: #24
| Quote: الحصل إنك رديت على زول ما متأكد هو منو .. و إنت ملخبطو بى زول إنت لغاية الآن ما عارفو |
المقصود ب لغاية الآن هو وقت كتابة المداخلة أعلاه ، حيث أن الأخ دكتور بشير قد أخد مهلة ( دقيقة ) ل ( يجيب ) اسم الدكتور المعني .. و الذي اتضح أنه الأخ الصديق رد الله غربته دكتور أحمد سردوب ..
.
محبتي ..
|
Post: #18
Title: Re: مجاهدى الكيبورد!
Author: أحمد الابوابي
Date: 05-21-2013, 08:43 AM
Parent: #14
ملحق ..
يا شباب هذه شهاده مني بأن الأخ بشير لا أمنجي ، و لا حاجه ..
.
.
هذا لأن ناس الأمن عارفين أنا وين ..
محبتي ..
|
Post: #21
Title: Re: مجاهدى الكيبورد!
Author: محمد عبد الماجد الصايم
Date: 05-21-2013, 09:49 AM
Parent: #18
Quote: يا شباب هذه شهاده مني بأن الأخ بشير لا أمنجي ، و لا حاجه ..
.
.
هذا لأن ناس الأمن عارفين أنا وين .. |
كاااااااااااااااااكـ!!
الدكتور قاصي للدكتور!!
|
Post: #16
Title: Re: مجاهدى الكيبورد!
Author: MOHAMMED ELSHEIKH
Date: 05-21-2013, 08:42 AM
Parent: #12
قبل النت كان اسمهم " مجاهدو المايكرفونات"
طبعا ياحيدر لسع ما جاك واحد منهم يصححك لغويا ههههههههه
|
Post: #15
Title: Re: مجاهدى الكيبورد!
Author: أيمن الطيب
Date: 05-21-2013, 08:41 AM
Parent: #11
حشاش بدقينتو...رشاشو كيبوردو....لابتوبو غرفة عملياتو ..
|
Post: #19
Title: Re: مجاهدى الكيبورد!
Author: أيمن الطيب
Date: 05-21-2013, 08:53 AM
Parent: #15
 Quote: يادكتور الابوابي كفاية ضنب الككو المسّكتوا للمناتلين هنا ..وهربت بي جلدك بتمثيلية سخيفة
وطلبت اللجوء السياسي .. |
أخونا البشير ماسك الككو شخصيا!!
أوع يعضيك حقن السعر حارة وغالية,,
|
Post: #20
Title: Re: مجاهدى الكيبورد!
Author: عمر التاج
Date: 05-21-2013, 09:49 AM
Parent: #19
و كذلك النضال يا أخا الأعراب
الدكتور الحبيب الابوابي ..
في عهد التأصيل الأول و العصر الذهبي للفتوحات الاسلامية .. سمعنا عن الجهاد المقدس ، ومن جهز غازياً ، وياخيل الله اركبي ..
لكن يطرشنا من كلمة النضال دي .. فهلا أصلتها وأرحتنا ...
|
Post: #22
Title: Re: مجاهدى الكيبورد!
Author: أحمد الابوابي
Date: 05-21-2013, 10:06 AM
Parent: #20
| Quote: لكن يطرشنا من كلمة النضال دي .. فهلا أصلتها وأرحتنا ... |
حبيبنا عمر التاج ..
تحياتي ياخ ..
و الله كان داير التأصيل ، الجماعه ديل عاملين ليهو مستشاريه عدييل كدا..
ممكن ترجع ليها ، بيطلعو ليك لى كلامي دا حاجه ..
على الأقل بتلقى ليك زول حضر زمن ( الجبهة الوطنية ) في عهد نميري ..
شك بيديك حاجه من بيت كلاوي التأصيل ..
أما العبد لله فما له في هذه البضاعة نصيب ، و لا سهم ..
.. .. عندنا حاجه إسمها ( تطوير التشريع ) .. كيف تنفع .. ههههه ..
محبتي ..
|
Post: #27
Title: Re: مجاهدى الكيبورد!
Author: د.نجاة محمود
Date: 05-21-2013, 12:16 PM
Parent: #26
والله الطفل المعجزة ود الروضة قدر ما نعمل ليه اقنورد يجي ينقز
انت يا زول اهلك جدعو الجنا وربو التبعية ولا قصتك شنو؟
|
|