سلامات وتحية شوق

.
.
سلامات وتحية شوق بالجد بالجد ماعندي مقال او قصه جديده يا دوبي دخلت بعد غيبة طويله
كل ما اطش في البال بتكونوا والشوق غلاب .. مرات زي ناس كتار بتفتر قدرة المدافره والعفار
وبنلوذ بكهوف وتوابيت نحتناها براها لي انفسنا رغم اننا عايشين وسط الناس ولمن نرجع وياريت نرجع
بكون الشوق ياهو الغلاب ...
بالجد مشتاقين ماعندي كلام اقولوا ولسة ما لقيت لي خيط ادخل بيهو لكن مشتاق لي هادا البيت وكل الفيهو
كيف الاحوال وربنا يرحم كل الرحلوا من دنيانا وتركوا كراسي لسة عامره بي انفاسهم وبي ضحاتهم
بنقول ليهم من دا البرزخ ياكم فينا الجرح البنتح والشوق غلاب قربنا نجيكم ما تنسونا لما تخشوا في ديك الجنه

وللناس الجات بعد دخولنا للتابوت المنحوت بي فاس احباطاتنا ..
اللوم حاصل مرحب بيكم والدار دار اي اتاخرنا كتير لكن الواجب ياهو الواجب

والله الشوق غلاب بالحيل
قالوا المنبر رجع السودان كضبنا القائل وسكنا الفيس
لكن الليله هادا المبروك قوقل ذاتو الجابنا اليكم كيف اخباركم مشتاقين

التوقيع لو لازم البصاص زول كان مسكون بي هادا الحوش
وطول غاب لكن الريد والشوق غلاب جابنا اليكم وناوين نتحكر نسمع ونقرا ومرات مرات
بنكتب كلمة او اتنين يااااخي بالجد مشتاقين